| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
25. бхигкуваг̇г̇о
25. Bhikkhuvaggo
360.
360.
жагкунаа сам̣варо саад̇ху, саад̇ху сод̇зна сам̣варо;
Cakkhunā saṃvaro sādhu, sādhu sotena saṃvaro;
гхаанзна сам̣варо саад̇ху, саад̇ху ж̇ивхааяа сам̣варо.
Ghānena saṃvaro sādhu, sādhu jivhāya saṃvaro.
361.
361.
гааязна сам̣варо саад̇ху, саад̇ху ваажааяа сам̣варо;
Kāyena saṃvaro sādhu, sādhu vācāya saṃvaro;
манасаа сам̣варо саад̇ху, саад̇ху саб̣б̣ад̇т̇а сам̣варо;
Manasā saṃvaro sādhu, sādhu sabbattha saṃvaro;
саб̣б̣ад̇т̇а сам̣вуд̇о бхигку, саб̣б̣ад̣̇угкаа бамужжад̇и.
Sabbattha saṃvuto bhikkhu, sabbadukkhā pamuccati.
362.
362.
хад̇т̇асам̣яад̇о баад̣̇асам̣яад̇о, ваажаасам̣яад̇о сам̣яад̇уд̇д̇амо;
Hatthasaṃyato pādasaṃyato, vācāsaṃyato saṃyatuttamo;
аж̇жхад̇д̇арад̇о самаахид̇о, зго санд̇усид̇о д̇амааху бхигкум̣.
Ajjhattarato samāhito, eko santusito tamāhu bhikkhuṃ.
363.
363.
яо мукасам̣яад̇о бхигку, манд̇абхаан̣ий ануд̣̇д̇хад̇о;
Yo mukhasaṃyato bhikkhu, mantabhāṇī anuddhato;
ад̇т̇ам̣ д̇хамман̃жа д̣̇ийбзд̇и, мад̇хурам̣ д̇асса бхаасид̇ам̣.
Atthaṃ dhammañca dīpeti, madhuraṃ tassa bhāsitaṃ.
364.
364.
д̇хаммаараамо д̇хаммарад̇о, д̇хаммам̣ анувижинд̇аяам̣;
Dhammārāmo dhammarato, dhammaṃ anuvicintayaṃ;
д̇хаммам̣ ануссарам̣ бхигку, сад̣̇д̇хаммаа на барихааяад̇и.
Dhammaṃ anussaraṃ bhikkhu, saddhammā na parihāyati.
365.
365.
салаабхам̣ наад̇иман̃н̃зяяа, наан̃н̃зсам̣ бихаяам̣ жарз;
Salābhaṃ nātimaññeyya, nāññesaṃ pihayaṃ care;
ан̃н̃зсам̣ бихаяам̣ бхигку, самаад̇хим̣ наад̇хиг̇ажчад̇и.
Aññesaṃ pihayaṃ bhikkhu, samādhiṃ nādhigacchati.
366.
366.
аббалаабхоби жз бхигку, салаабхам̣ наад̇иман̃н̃ад̇и;
Appalābhopi ce bhikkhu, salābhaṃ nātimaññati;
д̇ам̣ вз д̣̇зваа басам̣санд̇и, суд̣̇д̇хааж̇ийвим̣ ад̇анд̣̇ид̇ам̣.
Taṃ ve devā pasaṃsanti, suddhājīviṃ atanditaṃ.
367.
367.
саб̣б̣асо наамаруубасмим̣, яасса над̇т̇и мамааяид̇ам̣;
Sabbaso nāmarūpasmiṃ, yassa natthi mamāyitaṃ;
асад̇аа жа на сожад̇и, са вз ‘‘бхигкуу’’д̇и вужжад̇и.
Asatā ca na socati, sa ve ‘‘bhikkhū’’ti vuccati.
368.
368.
мзд̇д̇аавихаарий яо бхигку, басанно б̣уд̣̇д̇хасаасанз;
Mettāvihārī yo bhikkhu, pasanno buddhasāsane;
ад̇хиг̇ажчз бад̣̇ам̣ санд̇ам̣, сан̇кааруубасамам̣ сукам̣.
Adhigacche padaṃ santaṃ, saṅkhārūpasamaṃ sukhaṃ.
369.
369.
син̃жа бхигку имам̣ наавам̣, сид̇д̇аа д̇з лахумзссад̇и;
Siñca bhikkhu imaṃ nāvaṃ, sittā te lahumessati;
чзд̇ваа рааг̇ан̃жа д̣̇осан̃жа, д̇ад̇о ниб̣б̣аанамзхиси.
Chetvā rāgañca dosañca, tato nibbānamehisi.
370.
370.
бан̃жа чинд̣̇з бан̃жа ж̇ахз, бан̃жа жуд̇д̇ари бхааваяз;
Pañca chinde pañca jahe, pañca cuttari bhāvaye;
бан̃жа сан̇г̇аад̇иг̇о бхигку, ‘‘огхад̇ин̣н̣о’’д̇и вужжад̇и.
Pañca saṅgātigo bhikkhu, ‘‘oghatiṇṇo’’ti vuccati.
371.
371.
маа лохаг̇ул̣ам̣ г̇илий бамад̇д̇о, маа ганд̣̇и ‘‘д̣̇угкамид̣̇а’’нд̇и д̣аяхамаано.
Mā lohaguḷaṃ gilī pamatto, mā kandi ‘‘dukkhamida’’nti ḍayhamāno.
372.
372.
над̇т̇и жхаанам̣ абан̃н̃асса, бан̃н̃аа над̇т̇и ажхааяад̇о 7;
Natthi jhānaṃ apaññassa, paññā natthi ajhāyato 8;
яамхи жхаанан̃жа бан̃н̃аа жа, са вз ниб̣б̣аанасанд̇игз.
Yamhi jhānañca paññā ca, sa ve nibbānasantike.
373.
373.
сун̃н̃ааг̇аарам̣ бавидтасса, санд̇ажид̇д̇асса бхигкуно;
Suññāgāraṃ paviṭṭhassa, santacittassa bhikkhuno;
амаанусий рад̇и ход̇и, саммаа д̇хаммам̣ вибассад̇о.
Amānusī rati hoti, sammā dhammaṃ vipassato.
374.
374.
яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
Yato yato sammasati, khandhānaṃ udayabbayaṃ;
лабхад̇ий 9 бийд̇ибаамож̇ж̇ам̣, амад̇ам̣ д̇ам̣ виж̇аанад̇ам̣.
Labhatī 10 pītipāmojjaṃ, amataṃ taṃ vijānataṃ.
375.
375.
д̇ад̇рааяамаад̣̇и бхавад̇и, ид̇ха бан̃н̃асса бхигкуно;
Tatrāyamādi bhavati, idha paññassa bhikkhuno;
инд̣̇рияаг̇уд̇д̇и санд̇удти, баад̇имогкз жа сам̣варо.
Indriyagutti santuṭṭhi, pātimokkhe ca saṃvaro.
376.
376.
мид̇д̇з бхаж̇ассу галяаан̣з, суд̣̇д̇хааж̇ийвз ад̇анд̣̇ид̇з;
Mitte bhajassu kalyāṇe, suddhājīve atandite;
д̇ад̇о баамож̇ж̇аб̣ахуло, д̣̇угкассанд̇ам̣ гариссад̇и.
Tato pāmojjabahulo, dukkhassantaṃ karissati.
377.
377.
вассигаа вияа бубпаани, мад̣̇д̣̇аваани 13 бамун̃жад̇и;
Vassikā viya pupphāni, maddavāni 14 pamuñcati;
звам̣ рааг̇ан̃жа д̣̇осан̃жа, виббамун̃жзт̇а бхигкаво.
Evaṃ rāgañca dosañca, vippamuñcetha bhikkhavo.
378.
378.
ванд̇алогаамисо бхигку, ‘‘убасанд̇о’’д̇и вужжад̇и.
Vantalokāmiso bhikkhu, ‘‘upasanto’’ti vuccati.
379.
379.
ад̇д̇анаа жод̣̇аяад̇д̇аанам̣, бадимам̣сзт̇а ад̇д̇анаа 17;
Attanā codayattānaṃ, paṭimaṃsetha attanā 18;
со ад̇д̇аг̇уд̇д̇о сад̇имаа, сукам̣ бхигку вихаахиси.
So attagutto satimā, sukhaṃ bhikkhu vihāhisi.
380.
380.
ад̇д̇аа хи ад̇д̇ано наат̇о, (го хи наат̇о баро сияаа) 19
Attā hi attano nātho, (ko hi nātho paro siyā) 20
ад̇д̇аа хи ад̇д̇ано г̇ад̇и;
Attā hi attano gati;
д̇асмаа сам̣яамамад̇д̇аанам̣ 21, ассам̣ бхад̣̇рам̣ва ваан̣иж̇о.
Tasmā saṃyamamattānaṃ 22, assaṃ bhadraṃva vāṇijo.
381.
381.
баамож̇ж̇аб̣ахуло бхигку, басанно б̣уд̣̇д̇хасаасанз;
Pāmojjabahulo bhikkhu, pasanno buddhasāsane;
ад̇хиг̇ажчз бад̣̇ам̣ санд̇ам̣, сан̇кааруубасамам̣ сукам̣.
Adhigacche padaṃ santaṃ, saṅkhārūpasamaṃ sukhaṃ.
382.
382.
яо хавз д̣̇ахаро бхигку, яун̃ж̇ад̇и б̣уд̣̇д̇хасаасанз;
Yo have daharo bhikkhu, yuñjati buddhasāsane;
сомам̣ 23 логам̣ бабхаасзд̇и, аб̣бхаа муд̇д̇ова жанд̣̇имаа.
Somaṃ 24 lokaṃ pabhāseti, abbhā muttova candimā.
бхигкуваг̇г̇о бан̃жавийсад̇имо нидтид̇о.
Bhikkhuvaggo pañcavīsatimo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 25. бхигкуваг̇г̇о • 25. Bhikkhuvaggo
