| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[132] 2. бхийругаж̇аад̇агаван̣н̣анаа
[132] 2. Bhīrukajātakavaṇṇanā
гусалуубад̣̇зсз д̇хид̇ияаа д̣̇ал̣хааяа жаад̇и ид̣̇ам̣ сад̇т̇аа ж̇зд̇аванз вихаранд̇о аж̇абааланиг̇род̇хз маарад̇хийд̇аанам̣ балобханасуд̇д̇анд̇ам̣ аараб̣бха гат̇зси. бхаг̇авад̇аа хи аад̣̇ид̇о бадтааяа вуд̇д̇ам̣ –
Kusalūpadese dhitiyā daḷhāya cāti idaṃ satthā jetavane viharanto ajapālanigrodhe māradhītānaṃ palobhanasuttantaṃ ārabbha kathesi. Bhagavatā hi ādito paṭṭhāya vuttaṃ –
‘‘д̣̇ад̣̇д̣̇алламаанаа ааг̇ан̃чум̣, д̇ан̣хаа жа арад̇ий раг̇аа;
‘‘Daddallamānā āgañchuṃ, taṇhā ca aratī ragā;
д̇аа д̇ад̇т̇а бануд̣̇ий сад̇т̇аа, д̇уулам̣ бхадтам̣ва маалуд̇о’’д̇и. (сам̣. ни. 1.161);
Tā tattha panudī satthā, tūlaṃ bhaṭṭhaṃva māluto’’ti. (saṃ. ni. 1.161);
звам̣ яаава барияосаанаа д̇асса суд̇д̇анд̇асса гат̇ид̇агаалз д̇хаммасабхааяам̣ саннибад̇ид̇аа бхигкуу гат̇ам̣ самудтаабзсум̣ ‘‘аавусо, саммаасамб̣уд̣̇д̇хо маарад̇хийд̇аро анзгасад̇ааниби д̣̇иб̣б̣аруубаани маабзд̇ваа балобханад̇т̇ааяа убасан̇гаманд̇ияо агкийниби уммийлзд̇ваа на ологзси, ахо б̣уд̣̇д̇хаб̣алам̣ наама ажчарияа’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва маяхам̣ саб̣б̣аасавз кзбзд̇ваа саб̣б̣ан̃н̃уд̇ам̣ самбад̇д̇асса маарад̇хийд̇аанам̣ анологанам̣ наама ажчарияам̣, ахан̃хи буб̣б̣з б̣од̇хин̃аан̣ам̣ бариязсамаано сагилзсагаалзби абхисан̇кад̇ам̣ д̣̇иб̣б̣аруубам̣ инд̣̇рияаани бхинд̣̇ид̇ваа гилзсавасзна анологзд̇ваава г̇анд̇ваа махаараж̇ж̇ам̣ баабун̣и’’нд̇и вад̇ваа ад̇ийд̇ам̣ аахари.
Evaṃ yāva pariyosānā tassa suttantassa kathitakāle dhammasabhāyaṃ sannipatitā bhikkhū kathaṃ samuṭṭhāpesuṃ ‘‘āvuso, sammāsambuddho māradhītaro anekasatānipi dibbarūpāni māpetvā palobhanatthāya upasaṅkamantiyo akkhīnipi ummīletvā na olokesi, aho buddhabalaṃ nāma acchariya’’nti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva mayhaṃ sabbāsave khepetvā sabbaññutaṃ sampattassa māradhītānaṃ anolokanaṃ nāma acchariyaṃ, ahañhi pubbe bodhiñāṇaṃ pariyesamāno sakilesakālepi abhisaṅkhataṃ dibbarūpaṃ indriyāni bhinditvā kilesavasena anoloketvāva gantvā mahārajjaṃ pāpuṇi’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бхаад̇игасад̇асса ганидто ахосийд̇и саб̣б̣ам̣ хздтаа д̇аггасилааж̇аад̇агз вуд̇д̇анаязнзва вид̇т̇аарзд̇аб̣б̣ам̣. д̇ад̣̇аа бана д̇аггасилаанаг̇араваасийхи б̣ахинаг̇арз саалааяам̣ б̣од̇хисад̇д̇ам̣ убасан̇гамид̇ваа яаажид̇ваа раж̇ж̇ам̣ бадижчаабзд̇ваа абхисзгз гад̇з д̇аггасилаанаг̇араваасино наг̇арам̣ д̣̇званаг̇арам̣ вияа, рааж̇абхаванан̃жа инд̣̇абхаванам̣ вияа алан̇гарим̣су. д̇ад̣̇аа б̣од̇хисад̇д̇о наг̇арам̣ бависид̇ваа рааж̇абхаванз баасаад̣̇з махаад̇алз самуссид̇асзд̇ажчад̇д̇ам̣ рад̇анаварабаллан̇гам̣ абхируяха д̣̇зварааж̇алийлааяа нисийд̣̇и, амажжаа жа б̣раахман̣аг̇ахабад̇игаад̣̇аяо жа кад̇д̇ияагумаараа жа саб̣б̣аалан̇гаарабадиман̣д̣ид̇аа бариваарзд̇ваа адтам̣су, д̣̇зважчараабадибхааг̇аа сол̣асасахассанаадагид̇т̇ияо нажжаг̇ийд̇аваад̣̇ид̇агусалаа уд̇д̇амавилаасасамбаннаа нажжаг̇ийд̇аваад̣̇ид̇аани баяож̇зсум̣. г̇ийд̇аваад̣̇ид̇асад̣̇д̣̇зна рааж̇абхаванам̣ мзгхад̇т̇анид̇абуурид̇аа махаасамуд̣̇д̣̇агужчи вияа зганиннаад̣̇ам̣ ахоси. б̣од̇хисад̇д̇о д̇ам̣ ад̇д̇ано сирисобхаг̇г̇ам̣ ологаяамаанова жинд̇зси ‘‘сажаахам̣ д̇аасам̣ яагкинийнам̣ абхисан̇кад̇ам̣ д̣̇иб̣б̣аруубам̣ ологзссам̣, ж̇ийвид̇агкаяам̣ бад̇д̇о абхависсам̣, имам̣ сирисобхаг̇г̇ам̣ на ологзссам̣. бажжзгаб̣уд̣̇д̇хаанам̣ бана оваад̣̇з тид̇абхаавзна ид̣̇ам̣ маяаа самбад̇д̇а’’нд̇и. зван̃жа бана жинд̇зд̇ваа уд̣̇аанам̣ уд̣̇аанзнд̇о имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto bhātikasatassa kaniṭṭho ahosīti sabbaṃ heṭṭhā takkasilājātake vuttanayeneva vitthāretabbaṃ. Tadā pana takkasilānagaravāsīhi bahinagare sālāyaṃ bodhisattaṃ upasaṅkamitvā yācitvā rajjaṃ paṭicchāpetvā abhiseke kate takkasilānagaravāsino nagaraṃ devanagaraṃ viya, rājabhavanañca indabhavanaṃ viya alaṅkariṃsu. Tadā bodhisatto nagaraṃ pavisitvā rājabhavane pāsāde mahātale samussitasetacchattaṃ ratanavarapallaṅkaṃ abhiruyha devarājalīlāya nisīdi, amaccā ca brāhmaṇagahapatikādayo ca khattiyakumārā ca sabbālaṅkārapaṭimaṇḍitā parivāretvā aṭṭhaṃsu, devaccharāpaṭibhāgā soḷasasahassanāṭakitthiyo naccagītavāditakusalā uttamavilāsasampannā naccagītavāditāni payojesuṃ. Gītavāditasaddena rājabhavanaṃ meghatthanitapūritā mahāsamuddakucchi viya ekaninnādaṃ ahosi. Bodhisatto taṃ attano sirisobhaggaṃ olokayamānova cintesi ‘‘sacāhaṃ tāsaṃ yakkhinīnaṃ abhisaṅkhataṃ dibbarūpaṃ olokessaṃ, jīvitakkhayaṃ patto abhavissaṃ, imaṃ sirisobhaggaṃ na olokessaṃ. Paccekabuddhānaṃ pana ovāde ṭhitabhāvena idaṃ mayā sampatta’’nti. Evañca pana cintetvā udānaṃ udānento imaṃ gāthamāha –
132.
132.
‘‘гусалуубад̣̇зсз д̇хид̇ияаа д̣̇ал̣хааяа жа, анивад̇д̇ид̇ад̇д̇аа бхаяабхийруд̇ааяа жа;
‘‘Kusalūpadese dhitiyā daḷhāya ca, anivattitattā bhayabhīrutāya ca;
на рагкасийнам̣ васамааг̇амимхасз, са сод̇т̇ибхааво махад̇аа бхаязна мз’’д̇и.
Na rakkhasīnaṃ vasamāgamimhase, sa sotthibhāvo mahatā bhayena me’’ti.
д̇ад̇т̇а гусалуубад̣̇зсзд̇и гусалаанам̣ убад̣̇зсз, бажжзгаб̣уд̣̇д̇хаанам̣ оваад̣̇зд̇и ад̇т̇о. д̇хид̇ияаа д̣̇ал̣хааяа жаад̇и д̣̇ал̣хааяа д̇хид̇ияаа жа, т̇ирзна аб̣б̣ожчиннаниранд̇аравийриязна жаад̇и ад̇т̇о. анивад̇д̇ид̇ад̇д̇аа бхаяабхийруд̇ааяа жаад̇и бхаяабхийруд̇ааяа анивад̇д̇ид̇ад̇ааяа жа. д̇ад̇т̇а бхаяанд̇и жид̇д̇уд̇раасамад̇д̇ам̣ барид̇д̇абхаяам̣. бхийруд̇аад̇и сарийрагамбанаббад̇д̇ам̣ махаабхаяам̣. ид̣̇ам̣ убхаяамби махаасад̇д̇асса ‘‘яагкинияо наамзд̇аа мануссакаад̣̇игаа’’д̇и бхзраваарамман̣ам̣ д̣̇исвааби наахоси. д̇знааха ‘‘анивад̇д̇ид̇ад̇д̇аа бхаяабхийруд̇ааяа жаа’’д̇и. бхаяабхийруд̇ааяа абхаавзнзва бхзраваарамман̣ам̣ д̣̇исвааби анивад̇д̇анабхаавзнаад̇и ад̇т̇о. на рагкасийнам̣ васамааг̇амимхасзд̇и яагкаганд̇аарз д̇аасам̣ рагкасийнам̣ васам̣ на аг̇амимха. яасмаа амхаагам̣ гусалуубад̣̇зсз д̇хид̇и жа д̣̇ал̣хаа ахоси, бхаяабхийруд̇аабхаавзна жа анивад̇д̇анасабхааваа ахумхаа, д̇асмаа рагкасийнам̣ васам̣ на аг̇амимхаад̇и вуд̇д̇ам̣ ход̇и. са сод̇т̇ибхааво махад̇аа бхаязна мзд̇и со маяхам̣ аяам̣ аж̇ж̇а махад̇аа бхаязна рагкасийнам̣ санд̇игаа бад̇д̇аб̣б̣зна д̣̇угкад̣̇оманассзна сод̇т̇ибхааво кзмабхааво бийд̇исоманассабхаавоязва ж̇аад̇од̇и.
Tattha kusalūpadeseti kusalānaṃ upadese, paccekabuddhānaṃ ovādeti attho. Dhitiyā daḷhāya cāti daḷhāya dhitiyā ca, thirena abbocchinnanirantaravīriyena cāti attho. Anivattitattā bhayabhīrutāya cāti bhayabhīrutāya anivattitatāya ca. Tattha bhayanti cittutrāsamattaṃ parittabhayaṃ. Bhīrutāti sarīrakampanappattaṃ mahābhayaṃ. Idaṃ ubhayampi mahāsattassa ‘‘yakkhiniyo nāmetā manussakhādikā’’ti bheravārammaṇaṃ disvāpi nāhosi. Tenāha ‘‘anivattitattā bhayabhīrutāya cā’’ti. Bhayabhīrutāya abhāveneva bheravārammaṇaṃ disvāpi anivattanabhāvenāti attho. Na rakkhasīnaṃ vasamāgamimhaseti yakkhakantāre tāsaṃ rakkhasīnaṃ vasaṃ na agamimha. Yasmā amhākaṃ kusalūpadese dhiti ca daḷhā ahosi, bhayabhīrutābhāvena ca anivattanasabhāvā ahumhā, tasmā rakkhasīnaṃ vasaṃ na agamimhāti vuttaṃ hoti. Sa sotthibhāvo mahatā bhayena meti so mayhaṃ ayaṃ ajja mahatā bhayena rakkhasīnaṃ santikā pattabbena dukkhadomanassena sotthibhāvo khemabhāvo pītisomanassabhāvoyeva jātoti.
звам̣ махаасад̇д̇о имааяа г̇аат̇ааяа д̇хаммам̣ д̣̇зсзд̇ваа д̇хаммзна раж̇ж̇ам̣ гаарзд̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Evaṃ mahāsatto imāya gāthāya dhammaṃ desetvā dhammena rajjaṃ kāretvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘ахам̣ д̇зна самаязна д̇аггасилам̣ г̇анд̇ваа раж̇ж̇аббад̇д̇агумааро ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘ahaṃ tena samayena takkasilaṃ gantvā rajjappattakumāro ahosi’’nti.
бхийругаж̇аад̇агаван̣н̣анаа д̣̇уд̇ияаа.
Bhīrukajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 132. бхийругаж̇аад̇агам̣ • 132. Bhīrukajātakaṃ
