Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೮೮. ಭಿಸಜಾತಕಂ (೫)
488. Bhisajātakaṃ (5)
೭೮.
78.
ಅಸ್ಸಂ ಗವಂ ರಜತಂ ಜಾತರೂಪಂ, ಭರಿಯಞ್ಚ ಸೋ ಇಧ ಲಭತಂ ಮನಾಪಂ।
Assaṃ gavaṃ rajataṃ jātarūpaṃ, bhariyañca so idha labhataṃ manāpaṃ;
ಪುತ್ತೇಹಿ ದಾರೇಹಿ ಸಮಙ್ಗಿ ಹೋತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Puttehi dārehi samaṅgi hotu, bhisāni te brāhmaṇa yo ahāsi.
೭೯.
79.
ಮಾಲಞ್ಚ ಸೋ ಕಾಸಿಕಚನ್ದನಞ್ಚ, ಧಾರೇತು ಪುತ್ತಸ್ಸ ಬಹೂ ಭವನ್ತು।
Mālañca so kāsikacandanañca, dhāretu puttassa bahū bhavantu;
ಕಾಮೇಸು ತಿಬ್ಬಂ ಕುರುತಂ ಅಪೇಕ್ಖಂ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Kāmesu tibbaṃ kurutaṃ apekkhaṃ, bhisāni te brāhmaṇa yo ahāsi.
೮೦.
80.
ಪಹೂತಧಞ್ಞೋ ಕಸಿಮಾ ಯಸಸ್ಸೀ, ಪುತ್ತೇ ಗಿಹೀ ಧನಿಮಾ ಸಬ್ಬಕಾಮೇ।
Pahūtadhañño kasimā yasassī, putte gihī dhanimā sabbakāme;
ವಯಂ ಅಪಸ್ಸಂ ಘರಮಾವಸಾತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Vayaṃ apassaṃ gharamāvasātu, bhisāni te brāhmaṇa yo ahāsi.
೮೧.
81.
ಸೋ ಖತ್ತಿಯೋ ಹೋತು ಪಸಯ್ಹಕಾರೀ, ರಾಜಾಭಿರಾಜಾ 1 ಬಲವಾ ಯಸಸ್ಸೀ।
So khattiyo hotu pasayhakārī, rājābhirājā 2 balavā yasassī;
ಸ ಚಾತುರನ್ತಂ ಮಹಿಮಾವಸಾತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Sa cāturantaṃ mahimāvasātu, bhisāni te brāhmaṇa yo ahāsi.
೮೨.
82.
ಸೋ ಬ್ರಾಹ್ಮಣೋ ಹೋತು ಅವೀತರಾಗೋ, ಮುಹುತ್ತನಕ್ಖತ್ತಪಥೇಸು ಯುತ್ತೋ।
So brāhmaṇo hotu avītarāgo, muhuttanakkhattapathesu yutto;
ಪೂಜೇತು ನಂ ರಟ್ಠಪತೀ ಯಸಸ್ಸೀ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Pūjetu naṃ raṭṭhapatī yasassī, bhisāni te brāhmaṇa yo ahāsi.
೮೩.
83.
ಅಜ್ಝಾಯಕಂ ಸಬ್ಬಸಮನ್ತವೇದಂ 3, ತಪಸ್ಸೀನಂ ಮಞ್ಞತು ಸಬ್ಬಲೋಕೋ।
Ajjhāyakaṃ sabbasamantavedaṃ 4, tapassīnaṃ maññatu sabbaloko;
ಪೂಜೇನ್ತು ನಂ ಜಾನಪದಾ ಸಮೇಚ್ಚ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Pūjentu naṃ jānapadā samecca, bhisāni te brāhmaṇa yo ahāsi.
೮೪.
84.
ಚತುಸ್ಸದಂ ಗಾಮವರಂ ಸಮಿದ್ಧಂ, ದಿನ್ನಞ್ಹಿ ಸೋ ಭುಞ್ಜತು ವಾಸವೇನ।
Catussadaṃ gāmavaraṃ samiddhaṃ, dinnañhi so bhuñjatu vāsavena;
ಅವೀತರಾಗೋ ಮರಣಂ ಉಪೇತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Avītarāgo maraṇaṃ upetu, bhisāni te brāhmaṇa yo ahāsi.
೮೫.
85.
ಸೋ ಗಾಮಣೀ ಹೋತು ಸಹಾಯಮಜ್ಝೇ, ನಚ್ಚೇಹಿ ಗೀತೇಹಿ ಪಮೋದಮಾನೋ।
So gāmaṇī hotu sahāyamajjhe, naccehi gītehi pamodamāno;
ಸೋ ರಾಜತೋ ಬ್ಯಸನ ಮಾಲತ್ಥ 5 ಕಿಞ್ಚಿ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
So rājato byasana mālattha 6 kiñci, bhisāni te brāhmaṇa yo ahāsi.
೮೬.
86.
ಯಂ ಏಕರಾಜಾ ಪಥವಿಂ ವಿಜೇತ್ವಾ, ಇತ್ಥೀಸಹಸ್ಸಾನ 7 ಠಪೇತು ಅಗ್ಗಂ।
Yaṃ ekarājā pathaviṃ vijetvā, itthīsahassāna 8 ṭhapetu aggaṃ;
ಸೀಮನ್ತಿನೀನಂ ಪವರಾ ಭವಾತು, ಭಿಸಾನಿ ತೇ ಬ್ರಾಹ್ಮಣ ಯಾ ಅಹಾಸಿ॥
Sīmantinīnaṃ pavarā bhavātu, bhisāni te brāhmaṇa yā ahāsi.
೮೭.
87.
ಇಸೀನಞ್ಹಿ ಸಾ ಸಬ್ಬಸಮಾಗತಾನಂ, ಭುಞ್ಜೇಯ್ಯ ಸಾದುಂ ಅವಿಕಮ್ಪಮಾನಾ।
Isīnañhi sā sabbasamāgatānaṃ, bhuñjeyya sāduṃ avikampamānā;
ಚರಾತು ಲಾಭೇನ ವಿಕತ್ಥಮಾನಾ, ಭಿಸಾನಿ ತೇ ಬ್ರಾಹ್ಮಣ ಯಾ ಅಹಾಸಿ॥
Carātu lābhena vikatthamānā, bhisāni te brāhmaṇa yā ahāsi.
೮೮.
88.
ಆವಾಸಿಕೋ ಹೋತು ಮಹಾವಿಹಾರೇ, ನವಕಮ್ಮಿಕೋ ಹೋತು ಗಜಙ್ಗಲಾಯಂ 9।
Āvāsiko hotu mahāvihāre, navakammiko hotu gajaṅgalāyaṃ 10;
ಆಲೋಕಸನ್ಧಿಂ ದಿವಸಂ 11 ಕರೋತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Ālokasandhiṃ divasaṃ 12 karotu, bhisāni te brāhmaṇa yo ahāsi.
೮೯.
89.
ತುತ್ತೇಹಿ ಸೋ ಹಞ್ಞತು ಪಾಚನೇಹಿ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Tuttehi so haññatu pācanehi, bhisāni te brāhmaṇa yo ahāsi.
೯೦.
90.
ಅಲಕ್ಕಮಾಲೀ ತಿಪುಕಣ್ಣವಿದ್ಧೋ, ಲಟ್ಠೀಹತೋ ಸಪ್ಪಮುಖಂ ಉಪೇತು।
Alakkamālī tipukaṇṇaviddho, laṭṭhīhato sappamukhaṃ upetu;
ಸಕಚ್ಛಬನ್ಧೋ 17 ವಿಸಿಖಂ ಚರಾತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ॥
Sakacchabandho 18 visikhaṃ carātu, bhisāni te brāhmaṇa yo ahāsi.
೯೧.
91.
ಅಗಾರಮಜ್ಝೇ ಮರಣಂ ಉಪೇತು, ಯೋ ವಾ ಭೋನ್ತೋ ಸಙ್ಕತಿ ಕಞ್ಚಿದೇವ 23॥
Agāramajjhe maraṇaṃ upetu, yo vā bhonto saṅkati kañcideva 24.
೯೨.
92.
ಯದೇಸಮಾನಾ ವಿಚರನ್ತಿ ಲೋಕೇ, ಇಟ್ಠಞ್ಚ ಕನ್ತಞ್ಚ ಬಹೂನಮೇತಂ।
Yadesamānā vicaranti loke, iṭṭhañca kantañca bahūnametaṃ;
ಪಿಯಂ ಮನುಞ್ಞಂ ಚಿಧ ಜೀವಲೋಕೇ, ಕಸ್ಮಾ ಇಸಯೋ ನಪ್ಪಸಂಸನ್ತಿ ಕಾಮೇ॥
Piyaṃ manuññaṃ cidha jīvaloke, kasmā isayo nappasaṃsanti kāme.
೯೩.
93.
ಕಾಮೇಸು ವೇ ಹಞ್ಞರೇ ಬಜ್ಝರೇ ಚ, ಕಾಮೇಸು ದುಕ್ಖಞ್ಚ ಭಯಞ್ಚ ಜಾತಂ।
Kāmesu ve haññare bajjhare ca, kāmesu dukkhañca bhayañca jātaṃ;
ಕಾಮೇಸು ಭೂತಾಧಿಪತೀ ಪಮತ್ತಾ, ಪಾಪಾನಿ ಕಮ್ಮಾನಿ ಕರೋನ್ತಿ ಮೋಹಾ॥
Kāmesu bhūtādhipatī pamattā, pāpāni kammāni karonti mohā.
೯೪.
94.
ತೇ ಪಾಪಧಮ್ಮಾ ಪಸವೇತ್ವ ಪಾಪಂ, ಕಾಯಸ್ಸ ಭೇದಾ ನಿರಯಂ ವಜನ್ತಿ।
Te pāpadhammā pasavetva pāpaṃ, kāyassa bhedā nirayaṃ vajanti;
ಆದೀನವಂ ಕಾಮಗುಣೇಸು ದಿಸ್ವಾ, ತಸ್ಮಾ ಇಸಯೋ ನಪ್ಪಸಂಸನ್ತಿ ಕಾಮೇ॥
Ādīnavaṃ kāmaguṇesu disvā, tasmā isayo nappasaṃsanti kāme.
೯೫.
95.
ವೀಮಂಸಮಾನೋ ಇಸಿನೋ ಭಿಸಾನಿ, ತೀರೇ ಗಹೇತ್ವಾನ ಥಲೇ ನಿಧೇಸಿಂ।
Vīmaṃsamāno isino bhisāni, tīre gahetvāna thale nidhesiṃ;
ಸುದ್ಧಾ ಅಪಾಪಾ ಇಸಯೋ ವಸನ್ತಿ, ಏತಾನಿ ತೇ ಬ್ರಹ್ಮಚಾರೀ ಭಿಸಾನಿ॥
Suddhā apāpā isayo vasanti, etāni te brahmacārī bhisāni.
೯೬.
96.
ನ ತೇ ನಟಾ ನೋ ಪನ ಕೀಳನೇಯ್ಯಾ, ನ ಬನ್ಧವಾ ನೋ ಪನ ತೇ ಸಹಾಯಾ।
Na te naṭā no pana kīḷaneyyā, na bandhavā no pana te sahāyā;
ಕಿಸ್ಮಿಂ ವುಪತ್ಥಮ್ಭ ಸಹಸ್ಸನೇತ್ತ, ಇಸೀಹಿ ತ್ವಂ ಕೀಳಸಿ ದೇವರಾಜ॥
Kismiṃ vupatthambha sahassanetta, isīhi tvaṃ kīḷasi devarāja.
೯೭.
97.
ಆಚರಿಯೋ ಮೇಸಿ ಪಿತಾ ಚ ಮಯ್ಹಂ, ಏಸಾ ಪತಿಟ್ಠಾ ಖಲಿತಸ್ಸ ಬ್ರಹ್ಮೇ।
Ācariyo mesi pitā ca mayhaṃ, esā patiṭṭhā khalitassa brahme;
ಏಕಾಪರಾಧಂ ಖಮ ಭೂರಿಪಞ್ಞ, ನ ಪಣ್ಡಿತಾ ಕೋಧಬಲಾ ಭವನ್ತಿ॥
Ekāparādhaṃ khama bhūripañña, na paṇḍitā kodhabalā bhavanti.
೯೮.
98.
ಸುವಾಸಿತಂ ಇಸಿನಂ ಏಕರತ್ತಂ, ಯಂ ವಾಸವಂ ಭೂತಪತಿದ್ದಸಾಮ।
Suvāsitaṃ isinaṃ ekarattaṃ, yaṃ vāsavaṃ bhūtapatiddasāma;
ಸಬ್ಬೇವ ಭೋನ್ತೋ ಸುಮನಾ ಭವನ್ತು, ಯಂ ಬ್ರಾಹ್ಮಣೋ ಪಚ್ಚುಪಾದೀ ಭಿಸಾನಿ॥
Sabbeva bhonto sumanā bhavantu, yaṃ brāhmaṇo paccupādī bhisāni.
೯೯.
99.
ಅಹಞ್ಚ ಸಾರಿಪುತ್ತೋ ಚ, ಮೋಗ್ಗಲ್ಲಾನೋ ಚ ಕಸ್ಸಪೋ।
Ahañca sāriputto ca, moggallāno ca kassapo;
ಅನುರುದ್ಧೋ ಪುಣ್ಣೋ ಆನನ್ದೋ, ತದಾಸುಂ ಸತ್ತ ಭಾತರೋ॥
Anuruddho puṇṇo ānando, tadāsuṃ satta bhātaro.
೧೦೦.
100.
ಭಗಿನೀ ಉಪ್ಪಲವಣ್ಣಾ ಚ, ದಾಸೀ ಖುಜ್ಜುತ್ತರಾ ತದಾ।
Bhaginī uppalavaṇṇā ca, dāsī khujjuttarā tadā;
ಚಿತ್ತೋ ಗಹಪತಿ ದಾಸೋ, ಯಕ್ಖೋ ಸಾತಾಗಿರೋ ತದಾ॥
Citto gahapati dāso, yakkho sātāgiro tadā.
೧೦೧.
101.
ಕಾಳುದಾಯೀ ತದಾ ಸಕ್ಕೋ, ಏವಂ ಧಾರೇಥ ಜಾತಕನ್ತಿ॥
Kāḷudāyī tadā sakko, evaṃ dhāretha jātakanti.
ಭಿಸಜಾತಕಂ ಪಞ್ಚಮಂ।
Bhisajātakaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೮೮] ೫. ಭಿಸಜಾತಕವಣ್ಣನಾ • [488] 5. Bhisajātakavaṇṇanā