| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[488] 5. бхисаж̇аад̇агаван̣н̣анаа
[488] 5. Bhisajātakavaṇṇanā
ассам̣ г̇авам̣ раж̇ад̇ам̣ ж̇аад̇аруубанд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. вад̇т̇у бана гусаж̇аад̇агз (ж̇аа. 2.20.1 аад̣̇аяо) аави бхависсад̇и. д̇ад̣̇аа бана сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гим̣ бадижжаа’’д̇и вад̇ваа ‘‘гилзсам̣, бханд̇з’’д̇и вуд̇д̇з ‘‘бхигку зваруубз нияяаанигасаасанз баб̣б̣аж̇ид̇ваа гасмаа гилзсам̣ бадижжа угган̣тид̇оси, бораан̣агабан̣д̣ид̇аа ануббаннз б̣уд̣̇д̇хз б̣аахирагабаб̣б̣аж̇ж̇ам̣ баб̣б̣аж̇ид̇ваа вад̇т̇угаамагилзсагаамз аараб̣бха уббаж̇ж̇анагасан̃н̃ам̣ сабат̇ам̣ гад̇ваа вихарим̣суу’’д̇и вад̇ваа ад̇ийд̇ам̣ аахари.
Assaṃgavaṃ rajataṃ jātarūpanti idaṃ satthā jetavane viharanto ukkaṇṭhitabhikkhuṃ ārabbha kathesi. Vatthu pana kusajātake (jā. 2.20.1 ādayo) āvi bhavissati. Tadā pana satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘saccaṃ, bhante’’ti vutte ‘‘kiṃ paṭiccā’’ti vatvā ‘‘kilesaṃ, bhante’’ti vutte ‘‘bhikkhu evarūpe niyyānikasāsane pabbajitvā kasmā kilesaṃ paṭicca ukkaṇṭhitosi, porāṇakapaṇḍitā anuppanne buddhe bāhirakapabbajjaṃ pabbajitvā vatthukāmakilesakāme ārabbha uppajjanakasaññaṃ sapathaṃ katvā vihariṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о асийд̇игодивибхавасса б̣раахман̣амахаасаалагуласса буд̇д̇о худ̇ваа ниб̣б̣ад̇д̇и, ‘‘махааган̃жанагумааро’’д̇исса наамам̣ гарим̣су. ат̇асса бад̣̇асаа вижаран̣агаалз абароби буд̇д̇о ж̇ааяи, ‘‘убаган̃жанагумааро’’д̇исса наамам̣ гарим̣су. звам̣ бадибаадияаа сад̇д̇а буд̇д̇аа ахзсум̣. саб̣б̣аганидтаа банзгаа д̇хийд̇аа, д̇ассаа ‘‘ган̃жанад̣̇звий’’д̇и наамам̣ гарим̣су. махааган̃жанагумааро ваяаббад̇д̇о д̇аггасилад̇о саб̣б̣асиббаани уг̇г̇ан̣хид̇ваа ааг̇ажчи. ат̇а нам̣ маад̇аабид̇аро гхарааваасзна б̣анд̇хид̇угаамаа ‘‘ад̇д̇анаа самаанаж̇аад̇ияагулад̇о д̇з д̣̇ааригам̣ аанзссаама, гхарааваасам̣ сан̣табзхий’’д̇и вад̣̇им̣су. ‘‘аммад̇аад̇аа, на маяхам̣ гхарааваасзнад̇т̇о, маяхан̃хи д̇аяо бхаваа аад̣̇ид̇д̇аа вияа саббадибхаяаа, б̣анд̇ханааг̇аарам̣ вияа балиб̣уд̣̇д̇хаа, уггаарабхууми вияа ж̇зг̇ужчаа худ̇ваа убадтаханд̇и, маяаа субинзнаби мзт̇унад̇хаммо на д̣̇идтабуб̣б̣о, ан̃н̃з во буд̇д̇аа ад̇т̇и, д̇з гхарааваасзна ниманд̇зт̇аа’’д̇и вад̇ваа бунаббунам̣ яаажид̇оби сахааяз бзсзд̇ваа д̇зхи яаажид̇оби на ижчи.
Atīte bārāṇasiyaṃ brahmadatte rajjaṃ kārente bodhisatto asītikoṭivibhavassa brāhmaṇamahāsālakulassa putto hutvā nibbatti, ‘‘mahākañcanakumāro’’tissa nāmaṃ kariṃsu. Athassa padasā vicaraṇakāle aparopi putto jāyi, ‘‘upakañcanakumāro’’tissa nāmaṃ kariṃsu. Evaṃ paṭipāṭiyā satta puttā ahesuṃ. Sabbakaniṭṭhā panekā dhītā, tassā ‘‘kañcanadevī’’ti nāmaṃ kariṃsu. Mahākañcanakumāro vayappatto takkasilato sabbasippāni uggaṇhitvā āgacchi. Atha naṃ mātāpitaro gharāvāsena bandhitukāmā ‘‘attanā samānajātiyakulato te dārikaṃ ānessāma, gharāvāsaṃ saṇṭhapehī’’ti vadiṃsu. ‘‘Ammatātā, na mayhaṃ gharāvāsenattho, mayhañhi tayo bhavā ādittā viya sappaṭibhayā, bandhanāgāraṃ viya palibuddhā, ukkārabhūmi viya jegucchā hutvā upaṭṭhahanti, mayā supinenapi methunadhammo na diṭṭhapubbo, aññe vo puttā atthi, te gharāvāsena nimantethā’’ti vatvā punappunaṃ yācitopi sahāye pesetvā tehi yācitopi na icchi.
ат̇а нам̣ сахааяаа ‘‘самма, гим̣ бана д̇вам̣ бад̇т̇знд̇о гаамз барибхун̃ж̇ид̇ум̣ на ижчасий’’д̇и бужчим̣су. со д̇зсам̣ нзгкаммаж̇жхаасаяад̇ам̣ аарожзси. д̇ам̣ суд̇ваа маад̇аабид̇аро сзсабуд̇д̇з ниманд̇зсум̣, д̇зби на ижчим̣су. ган̃жанад̣̇звийби на ижчиязва. абарабхааг̇з маад̇аабид̇аро гааламагам̣су. махааган̃жанабан̣д̣ид̇о маад̇аабид̇уунам̣ гад̇д̇аб̣б̣агижжам̣ гад̇ваа асийд̇игодид̇ханзна габан̣ад̣̇д̇хигаанам̣ махаад̣̇аанам̣ д̣̇ад̇ваа ча бхаад̇аро бхаг̇иним̣ згам̣ д̣̇аасам̣ згам̣ д̣̇аасим̣ згам̣ сахааяаган̃жа аад̣̇ааяа махаабхинигкаманам̣ нигкамид̇ваа химаванд̇ам̣ баависи. д̇з д̇ад̇т̇а згам̣ бад̣̇умасарам̣ ниссааяа раман̣ийяз бхуумибхааг̇з ассамам̣ гад̇ваа баб̣б̣аж̇ид̇ваа ванамуулапалаахаарзхи яаабаяим̣су. д̇з аран̃н̃ам̣ г̇ажчанд̇аа згад̇ова г̇анд̇ваа яад̇т̇а зго палам̣ ваа бад̇д̇ам̣ ваа бассад̇и, д̇ад̇т̇а ид̇арзби баггосид̇ваа д̣̇идтасуд̇аад̣̇ийни гат̇знд̇аа ужжинанд̇и, г̇аамасса гамманд̇адтаанам̣ вияа ход̇и. ат̇а аажарияо махааган̃жанад̇аабасо жинд̇зси ‘‘амхаагам̣ асийд̇игодид̇ханам̣ чад̣д̣зд̇ваа баб̣б̣аж̇ид̇аанам̣ звам̣ лолуббажааравасзна палаапалад̇т̇ааяа вижаран̣ам̣ наама аббад̇ируубам̣, ид̇о бадтааяа ахамзва палаапалам̣ аахариссаамий’’д̇и. со ассамам̣ бад̇ваа саб̣б̣зби д̇з сааяанхасамаяз саннибаад̇зд̇ваа д̇амад̇т̇ам̣ аарожзд̇ваа ‘‘д̇умхз ид̇хзва саман̣ад̇хаммам̣ гаронд̇аа ажчат̇а, ахам̣ палаапалам̣ аахариссаамий’’д̇и ааха. ат̇а нам̣ убаган̃жанаад̣̇аяо ‘‘маяам̣ аажарияа, д̇умхз ниссааяа баб̣б̣аж̇ид̇аа, д̇умхз ид̇хзва саман̣ад̇хаммам̣ гарот̇а, бхаг̇инийби но ид̇хзва ход̇у, д̣̇аасийби д̇ассаа санд̇игз ажчад̇у, маяам̣ адта ж̇анаа ваарзна палаапалам̣ аахариссаама, д̇умхз бана д̇аяо ваарамуд̇д̇аава хот̇аа’’д̇и вад̇ваа бадин̃н̃ам̣ г̇ан̣хим̣су.
Atha naṃ sahāyā ‘‘samma, kiṃ pana tvaṃ patthento kāme paribhuñjituṃ na icchasī’’ti pucchiṃsu. So tesaṃ nekkhammajjhāsayataṃ ārocesi. Taṃ sutvā mātāpitaro sesaputte nimantesuṃ, tepi na icchiṃsu. Kañcanadevīpi na icchiyeva. Aparabhāge mātāpitaro kālamakaṃsu. Mahākañcanapaṇḍito mātāpitūnaṃ kattabbakiccaṃ katvā asītikoṭidhanena kapaṇaddhikānaṃ mahādānaṃ datvā cha bhātaro bhaginiṃ ekaṃ dāsaṃ ekaṃ dāsiṃ ekaṃ sahāyakañca ādāya mahābhinikkhamanaṃ nikkhamitvā himavantaṃ pāvisi. Te tattha ekaṃ padumasaraṃ nissāya ramaṇīye bhūmibhāge assamaṃ katvā pabbajitvā vanamūlaphalāhārehi yāpayiṃsu. Te araññaṃ gacchantā ekatova gantvā yattha eko phalaṃ vā pattaṃ vā passati, tattha itarepi pakkositvā diṭṭhasutādīni kathentā uccinanti, gāmassa kammantaṭṭhānaṃ viya hoti. Atha ācariyo mahākañcanatāpaso cintesi ‘‘amhākaṃ asītikoṭidhanaṃ chaḍḍetvā pabbajitānaṃ evaṃ loluppacāravasena phalāphalatthāya vicaraṇaṃ nāma appatirūpaṃ, ito paṭṭhāya ahameva phalāphalaṃ āharissāmī’’ti. So assamaṃ patvā sabbepi te sāyanhasamaye sannipātetvā tamatthaṃ ārocetvā ‘‘tumhe idheva samaṇadhammaṃ karontā acchatha, ahaṃ phalāphalaṃ āharissāmī’’ti āha. Atha naṃ upakañcanādayo ‘‘mayaṃ ācariya, tumhe nissāya pabbajitā, tumhe idheva samaṇadhammaṃ karotha, bhaginīpi no idheva hotu, dāsīpi tassā santike acchatu, mayaṃ aṭṭha janā vārena phalāphalaṃ āharissāma, tumhe pana tayo vāramuttāva hothā’’ti vatvā paṭiññaṃ gaṇhiṃsu.
д̇ад̇о бадтааяа адтасуби ж̇анзсу згзго ваарзнзва палаапалам̣ аахарад̇и. сзсаа ад̇д̇ано ад̇д̇ано бан̣н̣асаалааяамзва хонд̇и, агааран̣зна згад̇о бхавид̇ум̣ на лабханд̇и. ваараббад̇д̇о палаапалам̣ аахарид̇ваа зго маал̣аго ад̇т̇и, д̇ад̇т̇а баасаан̣апалагз згаад̣̇аса годтаасз гад̇ваа гхан̣д̣исан̃н̃ам̣ гад̇ваа ад̇д̇ано годтаасам̣ аад̣̇ааяа васанадтаанам̣ бависад̇и. сзсаа гхан̣д̣исан̃н̃ааяа нигкамид̇ваа лолуббам̣ агад̇ваа г̇ааравабарихаарзна г̇анд̇ваа ад̇д̇ано баабун̣анагодтаасам̣ аад̣̇ааяа васанадтаанам̣ г̇анд̇ваа барибхун̃ж̇ид̇ваа саман̣ад̇хаммам̣ гаронд̇и. д̇з абарабхааг̇з бхисаани аахарид̇ваа каад̣̇анд̇аа д̇ад̇д̇ад̇абаа гхорад̇абаа барамааж̇ид̇инд̣̇рияаа гасин̣абаригаммам̣ гаронд̇аа вихарим̣су. ат̇а д̇зсам̣ сийлад̇зж̇зна саггасса бхаванам̣ гамби. саггоби ааваж̇ж̇знд̇о д̇ам̣ гааран̣ам̣ н̃ад̇ваа ‘‘гаамаад̇химуд̇д̇аа ну ко имз исаяо , но’’д̇и аасан̇гам̣ гарод̇иязва. со ‘‘имз д̇аава исаяо бариг̇г̇ан̣хиссаамий’’д̇и жинд̇зд̇ваа ад̇д̇ано аанубхаавзна махаасад̇д̇асса годтаасам̣ д̇аяо д̣̇ивасз анд̇арад̇хаабзси. со батамад̣̇ивасз годтаасам̣ ад̣̇исваа ‘‘мама годтаасам̣ бамудто бхависсад̇ий’’д̇и жинд̇зси, д̣̇уд̇ияад̣̇ивасз ‘‘мама д̣̇осзна бхавид̇аб̣б̣ам̣, бан̣ааманавасзна мама годтаасам̣ на табзси ман̃н̃з’’д̇и жинд̇зси, д̇ад̇ияад̣̇ивасз ‘‘гзна ну ко гааран̣зна маяхам̣ годтаасам̣ на табзнд̇и, сажз мз д̣̇осо ад̇т̇и, камаабзссаамий’’д̇и сааяанхасамаяз гхан̣д̣исан̃н̃ам̣ ад̣̇ааси.
Tato paṭṭhāya aṭṭhasupi janesu ekeko vāreneva phalāphalaṃ āharati. Sesā attano attano paṇṇasālāyameva honti, akāraṇena ekato bhavituṃ na labhanti. Vārappatto phalāphalaṃ āharitvā eko māḷako atthi, tattha pāsāṇaphalake ekādasa koṭṭhāse katvā ghaṇḍisaññaṃ katvā attano koṭṭhāsaṃ ādāya vasanaṭṭhānaṃ pavisati. Sesā ghaṇḍisaññāya nikkhamitvā loluppaṃ akatvā gāravaparihārena gantvā attano pāpuṇanakoṭṭhāsaṃ ādāya vasanaṭṭhānaṃ gantvā paribhuñjitvā samaṇadhammaṃ karonti. Te aparabhāge bhisāni āharitvā khādantā tattatapā ghoratapā paramājitindriyā kasiṇaparikammaṃ karontā vihariṃsu. Atha tesaṃ sīlatejena sakkassa bhavanaṃ kampi. Sakkopi āvajjento taṃ kāraṇaṃ ñatvā ‘‘kāmādhimuttā nu kho ime isayo , no’’ti āsaṅkaṃ karotiyeva. So ‘‘ime tāva isayo pariggaṇhissāmī’’ti cintetvā attano ānubhāvena mahāsattassa koṭṭhāsaṃ tayo divase antaradhāpesi. So paṭhamadivase koṭṭhāsaṃ adisvā ‘‘mama koṭṭhāsaṃ pamuṭṭho bhavissatī’’ti cintesi, dutiyadivase ‘‘mama dosena bhavitabbaṃ, paṇāmanavasena mama koṭṭhāsaṃ na ṭhapesi maññe’’ti cintesi, tatiyadivase ‘‘kena nu kho kāraṇena mayhaṃ koṭṭhāsaṃ na ṭhapenti, sace me doso atthi, khamāpessāmī’’ti sāyanhasamaye ghaṇḍisaññaṃ adāsi.
саб̣б̣з саннибад̇ид̇ваа ‘‘гзна гхан̣д̣исан̃н̃аа д̣̇иннаа’’д̇и аахам̣су. ‘‘маяаа д̇аад̇аа’’д̇и. ‘‘гим̣гааран̣аа аажарияаа’’д̇и? ‘‘д̇аад̇аа д̇ад̇ияад̣̇ивасз гзна палаапалам̣ аабхад̇а’’нд̇и? д̇зсу зго удтааяа ‘‘маяаа аажарияаа’’д̇и ванд̣̇ид̇ваа адтааси. годтаасз гаронд̇зна д̇з маяхам̣ годтаасо гад̇од̇и. ‘‘аама, аажарияа, ж̇здтагагодтаасо мз гад̇о’’д̇и. ‘‘хияяо гзнаабхад̇а’’нд̇и? ‘‘маяаа’’д̇и абаро удтааяа ванд̣̇ид̇ваа адтааси. годтаасам̣ гаронд̇о мам̣ ануссарийд̇и. ‘‘д̇умхаагам̣ мз ж̇здтагагодтаасо табид̇о’’д̇и. ‘‘аж̇ж̇а гзнаабхад̇а’’нд̇и. ‘‘маяаа’’д̇и абаро удтааяа ванд̣̇ид̇ваа адтааси. годтаасам̣ гаронд̇о мам̣ ануссарийд̇и. ‘‘д̇умхаагам̣ мз ж̇здтагагодтаасо гад̇о’’д̇и. ‘‘д̇аад̇аа, аж̇ж̇а маяхам̣ годтаасам̣ алабханд̇асса д̇ад̇ияо д̣̇ивасо, батамад̣̇ивасз годтаасам̣ ад̣̇исваа ‘годтаасам̣ гаронд̇о мам̣ бамудто бхависсад̇ий’д̇и жинд̇зсим̣, д̣̇уд̇ияад̣̇ивасз ‘‘мама гожи д̣̇осо бхависсад̇ий’’д̇и жинд̇зсим̣, аж̇ж̇а бана ‘‘сажз мз д̣̇осо ад̇т̇и, камаабзссаамий’’д̇и жинд̇зд̇ваа гхан̣д̣исан̃н̃ааяа д̇умхз саннибаад̇зсим̣. зд̇з бхисагодтаасз д̇умхз ‘‘гаримхаа’’д̇и вад̣̇ат̇а, ахам̣ на лабхаами, зд̇зсам̣ т̇знзд̇ваа каад̣̇агам̣ н̃аад̇ум̣ ваддад̇и, гаамз бахааяа баб̣б̣аж̇ид̇аанам̣ бхисамад̇д̇ам̣ т̇знанам̣ наама аббад̇ируубанд̇и. д̇з д̇асса гат̇ам̣ суд̇ваа ‘‘ахо саахасигагамма’’нд̇и саб̣б̣зва уб̣б̣зг̇аббад̇д̇аа ахзсум̣.
Sabbe sannipatitvā ‘‘kena ghaṇḍisaññā dinnā’’ti āhaṃsu. ‘‘Mayā tātā’’ti. ‘‘Kiṃkāraṇā ācariyā’’ti? ‘‘Tātā tatiyadivase kena phalāphalaṃ ābhata’’nti? Tesu eko uṭṭhāya ‘‘mayā ācariyā’’ti vanditvā aṭṭhāsi. Koṭṭhāse karontena te mayhaṃ koṭṭhāso katoti. ‘‘Āma, ācariya, jeṭṭhakakoṭṭhāso me kato’’ti. ‘‘Hiyyo kenābhata’’nti? ‘‘Mayā’’ti aparo uṭṭhāya vanditvā aṭṭhāsi. Koṭṭhāsaṃ karonto maṃ anussarīti. ‘‘Tumhākaṃ me jeṭṭhakakoṭṭhāso ṭhapito’’ti. ‘‘Ajja kenābhata’’nti. ‘‘Mayā’’ti aparo uṭṭhāya vanditvā aṭṭhāsi. Koṭṭhāsaṃ karonto maṃ anussarīti. ‘‘Tumhākaṃ me jeṭṭhakakoṭṭhāso kato’’ti. ‘‘Tātā, ajja mayhaṃ koṭṭhāsaṃ alabhantassa tatiyo divaso, paṭhamadivase koṭṭhāsaṃ adisvā ‘koṭṭhāsaṃ karonto maṃ pamuṭṭho bhavissatī’ti cintesiṃ, dutiyadivase ‘‘mama koci doso bhavissatī’’ti cintesiṃ, ajja pana ‘‘sace me doso atthi, khamāpessāmī’’ti cintetvā ghaṇḍisaññāya tumhe sannipātesiṃ. Ete bhisakoṭṭhāse tumhe ‘‘karimhā’’ti vadatha, ahaṃ na labhāmi, etesaṃ thenetvā khādakaṃ ñātuṃ vaṭṭati, kāme pahāya pabbajitānaṃ bhisamattaṃ thenanaṃ nāma appatirūpanti. Te tassa kathaṃ sutvā ‘‘aho sāhasikakamma’’nti sabbeva ubbegappattā ahesuṃ.
д̇асмим̣ ассамабад̣̇з ванаж̇здтагаругкз ниб̣б̣ад̇д̇ад̣̇звад̇ааби од̇арид̇ваа ааг̇анд̇ваа д̇зсам̣язва санд̇игз нисийд̣̇и. аанзн̃ж̇агаран̣ам̣ гаарияамаано д̣̇угкам̣ ад̇хиваасзд̇ум̣ асаггонд̇о аал̣аанам̣ бхинд̣̇ид̇ваа балааяид̇ваа аран̃н̃ам̣ бавидто зго вааран̣о гаалзна гаалам̣ исиг̇ан̣ам̣ ванд̣̇ад̇и, соби ааг̇анд̇ваа згаманд̇ам̣ адтааси. саббагийл̣аабанаго зго ваанаро ахид̇ун̣д̣игасса хад̇т̇ад̇о мужжид̇ваа балааяид̇ваа аран̃н̃ам̣ бависид̇ваа д̇ад̇т̇зва ассамз васад̇и. соби д̇ам̣ д̣̇ивасам̣ исиг̇ан̣ам̣ ванд̣̇ид̇ваа згаманд̇ам̣ нисийд̣̇и. сагго ‘‘исиг̇ан̣ам̣ бариг̇г̇ан̣хиссаамий’’д̇и д̇зсам̣ санд̇игз ад̣̇иссамаанагааяо адтааси. д̇асмим̣ кан̣зва б̣од̇хисад̇д̇асса ганидто убаган̃жанад̇аабасо удтааяаасанаа б̣од̇хисад̇д̇ам̣ ванд̣̇ид̇ваа сзсаанам̣ абажид̇им̣ д̣̇ассзд̇ваа ‘‘аажарияа, ахам̣ ан̃н̃з абадтабзд̇ваа ад̇д̇аанан̃н̃зва сод̇хзд̇ум̣ лабхаамий’’д̇и бужчи. ‘‘аама, лабхасий’’д̇и. со исиг̇ан̣амаж̇жхз тад̇ваа ‘‘сажз д̇з маяаа бхисаани каад̣̇ид̇аани, зваруубо наама ход̇уу’’д̇и сабат̇ам̣ гаронд̇о батамам̣ г̇аат̇амааха –
Tasmiṃ assamapade vanajeṭṭhakarukkhe nibbattadevatāpi otaritvā āgantvā tesaṃyeva santike nisīdi. Āneñjakaraṇaṃ kāriyamāno dukkhaṃ adhivāsetuṃ asakkonto āḷānaṃ bhinditvā palāyitvā araññaṃ paviṭṭho eko vāraṇo kālena kālaṃ isigaṇaṃ vandati, sopi āgantvā ekamantaṃ aṭṭhāsi. Sappakīḷāpanako eko vānaro ahituṇḍikassa hatthato muccitvā palāyitvā araññaṃ pavisitvā tattheva assame vasati. Sopi taṃ divasaṃ isigaṇaṃ vanditvā ekamantaṃ nisīdi. Sakko ‘‘isigaṇaṃ pariggaṇhissāmī’’ti tesaṃ santike adissamānakāyo aṭṭhāsi. Tasmiṃ khaṇeva bodhisattassa kaniṭṭho upakañcanatāpaso uṭṭhāyāsanā bodhisattaṃ vanditvā sesānaṃ apacitiṃ dassetvā ‘‘ācariya, ahaṃ aññe apaṭṭhapetvā attānaññeva sodhetuṃ labhāmī’’ti pucchi. ‘‘Āma, labhasī’’ti. So isigaṇamajjhe ṭhatvā ‘‘sace te mayā bhisāni khāditāni, evarūpo nāma hotū’’ti sapathaṃ karonto paṭhamaṃ gāthamāha –
78.
78.
‘‘ассам̣ г̇авам̣ раж̇ад̇ам̣ ж̇аад̇аруубам̣, бхарияан̃жа со ид̇ха лабхад̇ам̣ манаабам̣;
‘‘Assaṃ gavaṃ rajataṃ jātarūpaṃ, bhariyañca so idha labhataṃ manāpaṃ;
буд̇д̇зхи д̣̇аарзхи саман̇г̇и ход̇у, бхисаани д̇з б̣раахман̣а яо ахаасий’’д̇и.
Puttehi dārehi samaṅgi hotu, bhisāni te brāhmaṇa yo ahāsī’’ti.
д̇ад̇т̇а ‘‘ассам̣ г̇ава’’нд̇и ид̣̇ам̣ ‘‘со ‘яад̇д̇агаани бияавад̇т̇ууни хонд̇и, д̇зхи виббаяог̇з д̇ад̇д̇агаани согад̣̇угкаани уббаж̇ж̇анд̇ий’д̇и вад̇т̇угаамз г̇араханд̇о абхаасий’’д̇и взд̣̇ид̇аб̣б̣ам̣.
Tattha ‘‘assaṃ gava’’nti idaṃ ‘‘so ‘yattakāni piyavatthūni honti, tehi vippayoge tattakāni sokadukkhāni uppajjantī’ti vatthukāme garahanto abhāsī’’ti veditabbaṃ.
д̇ам̣ суд̇ваа исиг̇ан̣о ‘‘маариса, маа звам̣ гат̇зт̇а, ад̇ибхаарияо д̇з сабат̇о’’д̇и ган̣н̣з бид̣̇ахи. б̣од̇хисад̇д̇оби нам̣ ‘‘д̇аад̇а, ад̇ибхаарияо д̇з сабат̇о, на д̇вам̣ каад̣̇аси, д̇ава бад̇д̇аасанз нисийд̣̇аа’’д̇и ааха. д̇асмим̣ батамам̣ сабат̇ам̣ гад̇ваа нисиннз д̣̇уд̇ияоби бхаад̇аа сахасаа удтааяа махаасад̇д̇ам̣ ванд̣̇ид̇ваа сабат̇зна ад̇д̇аанам̣ сод̇хзнд̇о д̣̇уд̇ияам̣ г̇аат̇амааха –
Taṃ sutvā isigaṇo ‘‘mārisa, mā evaṃ kathetha, atibhāriyo te sapatho’’ti kaṇṇe pidahi. Bodhisattopi naṃ ‘‘tāta, atibhāriyo te sapatho, na tvaṃ khādasi, tava pattāsane nisīdā’’ti āha. Tasmiṃ paṭhamaṃ sapathaṃ katvā nisinne dutiyopi bhātā sahasā uṭṭhāya mahāsattaṃ vanditvā sapathena attānaṃ sodhento dutiyaṃ gāthamāha –
79.
79.
‘‘маалан̃жа со гаасигажанд̣̇анан̃жа, д̇хаарзд̇у буд̇д̇асса б̣ахуу бхаванд̇у;
‘‘Mālañca so kāsikacandanañca, dhāretu puttassa bahū bhavantu;
гаамзсу д̇иб̣б̣ам̣ гуруд̇ам̣ абзгкам̣, бхисаани д̇з б̣раахман̣а яо ахаасий’’д̇и.
Kāmesu tibbaṃ kurutaṃ apekkhaṃ, bhisāni te brāhmaṇa yo ahāsī’’ti.
д̇ад̇т̇а д̇иб̣б̣анд̇и вад̇т̇угаамагилзсагаамзсу б̣ахалам̣ абзгкам̣ гарод̇ууд̇и. ид̣̇ам̣ со ‘‘яассзд̇зсу д̇иб̣б̣аа абзгкаа хонд̇и, со д̇зхи виббаяог̇з маханд̇ам̣ д̣̇угкам̣ баабун̣аад̇ий’’д̇и д̣̇угкабадигкзбавасзнзва ааха.
Tattha tibbanti vatthukāmakilesakāmesu bahalaṃ apekkhaṃ karotūti. Idaṃ so ‘‘yassetesu tibbā apekkhā honti, so tehi vippayoge mahantaṃ dukkhaṃ pāpuṇātī’’ti dukkhapaṭikkhepavaseneva āha.
д̇асмим̣ нисиннз сзсааби ад̇д̇ано ад̇д̇ано аж̇жхаасаяаануруубзна д̇ам̣ д̇ам̣ г̇аат̇ам̣ абхаасим̣су –
Tasmiṃ nisinne sesāpi attano attano ajjhāsayānurūpena taṃ taṃ gāthaṃ abhāsiṃsu –
80.
80.
‘‘бахууд̇ад̇хан̃н̃о гасимаа яасассий, буд̇д̇з г̇ихий д̇ханимаа саб̣б̣агаамз;
‘‘Pahūtadhañño kasimā yasassī, putte gihī dhanimā sabbakāme;
ваяам̣ абассам̣ гхарамаавасаад̇у, бхисаани д̇з б̣раахман̣а яо ахааси.
Vayaṃ apassaṃ gharamāvasātu, bhisāni te brāhmaṇa yo ahāsi.
81.
81.
‘‘со кад̇д̇ияо ход̇у басаяхагаарий, рааж̇аабхирааж̇аа б̣алаваа яасассий;
‘‘So khattiyo hotu pasayhakārī, rājābhirājā balavā yasassī;
са жаад̇уранд̇ам̣ махимаавасаад̇у, бхисаани д̇з б̣раахман̣а яо ахааси.
Sa cāturantaṃ mahimāvasātu, bhisāni te brāhmaṇa yo ahāsi.
82.
82.
‘‘со б̣раахман̣о ход̇у авийд̇арааг̇о, мухуд̇д̇анагкад̇д̇абат̇зсу яуд̇д̇о;
‘‘So brāhmaṇo hotu avītarāgo, muhuttanakkhattapathesu yutto;
бууж̇зд̇у нам̣ радтабад̇ий яасассий, бхисаани д̇з б̣раахман̣а яо ахааси.
Pūjetu naṃ raṭṭhapatī yasassī, bhisāni te brāhmaṇa yo ahāsi.
83.
83.
‘‘аж̇жхааяагам̣ саб̣б̣асаманд̇авзд̣̇ам̣, д̇абассинам̣ ман̃н̃ад̇у саб̣б̣алого;
‘‘Ajjhāyakaṃ sabbasamantavedaṃ, tapassinaṃ maññatu sabbaloko;
бууж̇знд̇у нам̣ ж̇аанабад̣̇аа самзжжа, бхисаани д̇з б̣раахман̣а яо ахааси.
Pūjentu naṃ jānapadā samecca, bhisāni te brāhmaṇa yo ahāsi.
84.
84.
‘‘жад̇уссад̣̇ам̣ г̇аамаварам̣ самид̣̇д̇хам̣, д̣̇иннан̃хи со бхун̃ж̇ад̇у ваасавзна;
‘‘Catussadaṃ gāmavaraṃ samiddhaṃ, dinnañhi so bhuñjatu vāsavena;
авийд̇арааг̇о маран̣ам̣ убзд̇у, бхисаани д̇з б̣раахман̣а яо ахааси.
Avītarāgo maraṇaṃ upetu, bhisāni te brāhmaṇa yo ahāsi.
85.
85.
‘‘со г̇ааман̣ий ход̇у сахааяамаж̇жхз, нажжзхи г̇ийд̇зхи бамод̣̇амаано;
‘‘So gāmaṇī hotu sahāyamajjhe, naccehi gītehi pamodamāno;
со рааж̇ад̇о б̣яасана маалад̇т̇а гин̃жи, бхисаани д̇з б̣раахман̣а яо ахааси.
So rājato byasana mālattha kiñci, bhisāni te brāhmaṇa yo ahāsi.
86.
86.
‘‘яам̣ згарааж̇аа бат̇авим̣ виж̇зд̇ваа, ид̇т̇ийсахассаана табзд̇у аг̇г̇ам̣;
‘‘Yaṃ ekarājā pathaviṃ vijetvā, itthīsahassāna ṭhapetu aggaṃ;
сийманд̇инийнам̣ бавараа бхаваад̇у, бхисаани д̇з б̣раахман̣а яаа ахааси.
Sīmantinīnaṃ pavarā bhavātu, bhisāni te brāhmaṇa yā ahāsi.
87.
87.
‘‘исийнан̃хи саа саб̣б̣асамааг̇ад̇аанам̣, бхун̃ж̇зяяа саад̣̇ум̣ авигамбамаанаа;
‘‘Isīnañhi sā sabbasamāgatānaṃ, bhuñjeyya sāduṃ avikampamānā;
жараад̇у лаабхзна вигад̇т̇амаанаа, бхисаани д̇з б̣раахман̣а яаа ахааси.
Carātu lābhena vikatthamānā, bhisāni te brāhmaṇa yā ahāsi.
88.
88.
‘‘ааваасиго ход̇у махаавихаарз, навагаммиго ход̇у г̇аж̇ан̇г̇алааяам̣;
‘‘Āvāsiko hotu mahāvihāre, navakammiko hotu gajaṅgalāyaṃ;
аалогасанд̇хим̣ д̣̇ивасам̣ гарод̇у, бхисаани д̇з б̣раахман̣а яо ахааси.
Ālokasandhiṃ divasaṃ karotu, bhisāni te brāhmaṇa yo ahāsi.
89.
89.
‘‘со б̣аж̇жхад̇уу баасасад̇зхи чаб̣бхи, раммаа ванаа нияяад̇у рааж̇ад̇хааним̣;
‘‘So bajjhatū pāsasatehi chabbhi, rammā vanā niyyatu rājadhāniṃ;
д̇уд̇д̇зхи со хан̃н̃ад̇у баажанзхи, бхисаани д̇з б̣раахман̣а яо ахааси.
Tuttehi so haññatu pācanehi, bhisāni te brāhmaṇa yo ahāsi.
90.
90.
‘‘алаггамаалий д̇ибуган̣н̣авид̣̇д̇хо, ладтийхад̇о саббамукам̣ убзд̇у;
‘‘Alakkamālī tipukaṇṇaviddho, laṭṭhīhato sappamukhaṃ upetu;
сагажчаб̣анд̇хо висикам̣ жараад̇у, бхисаани д̇з б̣раахман̣а яо ахаасий’’д̇и.
Sakacchabandho visikhaṃ carātu, bhisāni te brāhmaṇa yo ahāsī’’ti.
д̇ад̇т̇а д̇ад̇иязна вуд̇д̇аг̇аат̇ааяа гасимаад̇и самбаннагасигаммо. буд̇д̇з г̇ихий д̇ханимаа саб̣б̣агаамзд̇и буд̇д̇з лабхад̇у, г̇ихий ход̇у, сад̇д̇авид̇хзна рад̇анад̇ханзна д̇ханимаа ход̇у, руубаад̣̇ибхзд̣̇з саб̣б̣агаамз лабхад̇у. ваяам̣ абассанд̇и махаллагагаалз баб̣б̣аж̇ж̇аануруубамби ад̇д̇ано ваяам̣ абассанд̇о бан̃жагаамаг̇ун̣асамид̣̇д̇хам̣ гхарамзва аавасад̇ууд̇и. ид̣̇ам̣ со ‘‘бан̃жагаамаг̇ун̣аг̇ид̣̇д̇хо гаамаг̇ун̣авиббаяог̇зна махаавинаасам̣ баабун̣аад̇ий’’д̇и д̣̇ассзд̇ум̣ гат̇зси.
Tattha tatiyena vuttagāthāya kasimāti sampannakasikammo. Putte gihī dhanimā sabbakāmeti putte labhatu, gihī hotu, sattavidhena ratanadhanena dhanimā hotu, rūpādibhede sabbakāme labhatu. Vayaṃ apassanti mahallakakāle pabbajjānurūpampi attano vayaṃ apassanto pañcakāmaguṇasamiddhaṃ gharameva āvasatūti. Idaṃ so ‘‘pañcakāmaguṇagiddho kāmaguṇavippayogena mahāvināsaṃ pāpuṇātī’’ti dassetuṃ kathesi.
жад̇уд̇т̇зна вуд̇д̇аг̇аат̇ааяа рааж̇аабхирааж̇аад̇и рааж̇уунам̣ анд̇арз абхирааж̇аад̇и. ид̣̇ам̣ со ‘‘иссараанам̣ наама иссарияз бариг̇алид̇з маханд̇ам̣ д̣̇угкам̣ уббаж̇ж̇ад̇ий’’д̇и раж̇ж̇з д̣̇осам̣ д̣̇ассзнд̇о гат̇зси. бан̃жамзна вуд̇д̇аг̇аат̇ааяа авийд̇арааг̇од̇и бурохид̇адтаанад̇ан̣хааяа сад̇ан̣ход̇и. ид̣̇ам̣ со ‘‘бурохид̇асса бурохид̇адтаанз бариг̇алид̇з маханд̇ам̣ д̣̇оманассам̣ уббаж̇ж̇ад̇ий’’д̇и д̣̇ассзд̇ум̣ гат̇зси. чадтзна вуд̇д̇аг̇аат̇ааяа д̇абассинанд̇и д̇абасийласамбаннод̇и д̇ам̣ ман̃н̃ад̇у. ид̣̇ам̣ со ‘‘лаабхасаггаараабаг̇амзна маханд̇ам̣ д̣̇оманассам̣ уббаж̇ж̇ад̇ий’’д̇и лаабхасаггаараг̇арахавасзна гат̇зси.
Catutthena vuttagāthāya rājābhirājāti rājūnaṃ antare abhirājāti. Idaṃ so ‘‘issarānaṃ nāma issariye parigalite mahantaṃ dukkhaṃ uppajjatī’’ti rajje dosaṃ dassento kathesi. Pañcamena vuttagāthāya avītarāgoti purohitaṭṭhānataṇhāya sataṇhoti. Idaṃ so ‘‘purohitassa purohitaṭṭhāne parigalite mahantaṃ domanassaṃ uppajjatī’’ti dassetuṃ kathesi. Chaṭṭhena vuttagāthāya tapassinanti tapasīlasampannoti taṃ maññatu. Idaṃ so ‘‘lābhasakkārāpagamena mahantaṃ domanassaṃ uppajjatī’’ti lābhasakkāragarahavasena kathesi.
сахааяад̇аабасзна вуд̇д̇аг̇аат̇ааяа жад̇уссад̣̇анд̇и аагин̣н̣амануссад̇ааяа мануссзхи, бахууд̇ад̇хан̃н̃ад̇ааяа д̇хан̃н̃зна, сулабхад̣̇ааруд̇ааяа д̣̇ааруухи, самбаннод̣̇агад̇ааяа уд̣̇агзнаад̇и жад̇уухи уссаннам̣, жад̇уссад̣̇асаманнааг̇ад̇анд̇и ад̇т̇о. ваасавзнаад̇и ваасавзна д̣̇иннам̣ вияа ажалам̣, ваасавад̇о лад̣̇д̇хавараанубхаавзна згам̣ рааж̇аанам̣ аараад̇хзд̇ваа д̇зна д̣̇иннанд̇иби ад̇т̇о. авийд̇арааг̇од̇и гад̣̇д̣̇амз суугаро вияа гаамабан̇гз нимуг̇г̇ова худ̇ваа. ид̇и соби гаамаанам̣ аад̣̇ийнавам̣ гат̇знд̇о звамааха.
Sahāyatāpasena vuttagāthāya catussadanti ākiṇṇamanussatāya manussehi, pahūtadhaññatāya dhaññena, sulabhadārutāya dārūhi, sampannodakatāya udakenāti catūhi ussannaṃ, catussadasamannāgatanti attho. Vāsavenāti vāsavena dinnaṃ viya acalaṃ, vāsavato laddhavarānubhāvena ekaṃ rājānaṃ ārādhetvā tena dinnantipi attho. Avītarāgoti kaddame sūkaro viya kāmapaṅke nimuggova hutvā. Iti sopi kāmānaṃ ādīnavaṃ kathento evamāha.
д̣̇аасзна вуд̇д̇аг̇аат̇ааяа г̇ааман̣ийд̇и г̇аамаж̇здтаго. аяамби гаамз г̇араханд̇оязва звамааха. ган̃жанад̣̇звияаа вуд̇д̇аг̇аат̇ааяа яанд̇и яам̣ ид̇т̇инд̇и ад̇т̇о. згарааж̇аад̇и аг̇г̇арааж̇аа. ид̇т̇исахассаананд̇и важанамадтад̇ааяа вуд̇д̇ам̣, сол̣асаннам̣ ид̇т̇исахассаанам̣ аг̇г̇адтаанз табзд̇ууд̇и ад̇т̇о. сийманд̇инийнанд̇и сийманд̇ад̇хараанам̣ ид̇т̇ийнанд̇и ад̇т̇о. ид̇и саа ид̇т̇ибхаавз тад̇вааби д̣̇уг̇г̇анд̇хаг̇уут̇араасим̣ вияа гаамз г̇араханд̇ийязва звамааха. д̣̇аасияаа вуд̇д̇аг̇аат̇ааяа саб̣б̣асамааг̇ад̇аананд̇и саб̣б̣зсам̣ саннибад̇ид̇аанам̣ маж̇жхз нисийд̣̇ид̇ваа авигамбамаанаа аносаггамаанаа саад̣̇урасам̣ бхун̃ж̇ад̇ууд̇и ад̇т̇о. д̣̇аасийнам̣ гира саамигасса санд̇игз нисийд̣̇ид̇ваа бхун̃ж̇анам̣ наама аббияам̣. ид̇и саа ад̇д̇ано аббияад̇ааяа звамааха. жараад̇ууд̇и жарад̇у. лаабхзна вигад̇т̇амаанаад̇и лаабхахзд̇у гуханагаммам̣ гаронд̇ий лаабхасаггаарам̣ уббаад̣̇знд̇ий жарад̇ууд̇и ад̇т̇о. иминаа саа д̣̇аасибхаавз тид̇ааби гилзсагаамавад̇т̇угаамз г̇арахад̇и.
Dāsena vuttagāthāya gāmaṇīti gāmajeṭṭhako. Ayampi kāme garahantoyeva evamāha. Kañcanadeviyā vuttagāthāya yanti yaṃ itthinti attho. Ekarājāti aggarājā. Itthisahassānanti vacanamaṭṭhatāya vuttaṃ, soḷasannaṃ itthisahassānaṃ aggaṭṭhāne ṭhapetūti attho. Sīmantinīnanti sīmantadharānaṃ itthīnanti attho. Iti sā itthibhāve ṭhatvāpi duggandhagūtharāsiṃ viya kāme garahantīyeva evamāha. Dāsiyā vuttagāthāya sabbasamāgatānanti sabbesaṃ sannipatitānaṃ majjhe nisīditvā avikampamānā anosakkamānā sādurasaṃ bhuñjatūti attho. Dāsīnaṃ kira sāmikassa santike nisīditvā bhuñjanaṃ nāma appiyaṃ. Iti sā attano appiyatāya evamāha. Carātūti caratu. Lābhena vikatthamānāti lābhahetu kuhanakammaṃ karontī lābhasakkāraṃ uppādentī caratūti attho. Iminā sā dāsibhāve ṭhitāpi kilesakāmavatthukāme garahati.
д̣̇звад̇ааяа вуд̇д̇аг̇аат̇ааяа ааваасигод̇и ааваасаж̇аг̇г̇анаго. г̇аж̇ан̇г̇алааяанд̇и звам̣наамагз наг̇арз. д̇ад̇т̇а гира д̣̇аб̣б̣асамбхаараа сулабхаа. аалогасанд̇хим̣ д̣̇ивасанд̇и згад̣̇ивасзнзва ваад̇абаанам̣ гарод̇у. со гира д̣̇звабуд̇д̇о гассабаб̣уд̣̇д̇хагаалз г̇аж̇ан̇г̇аланаг̇арам̣ ниссааяа яож̇анигз ж̇ин̣н̣амахаавихаарз ааваасигасан̇гхад̇т̇зро худ̇ваа ж̇ин̣н̣авихаарз навагаммам̣ гаронд̇оязва махаад̣̇угкам̣ анубхави. д̇асмаа д̇ад̣̇зва д̣̇угкам̣ аараб̣бха звамааха. хад̇т̇инаа вуд̇д̇аг̇аат̇ааяа баасасад̇зхийд̇и б̣ахуухи баасзхи. чаб̣бхийд̇и жад̇уусу баад̣̇зсу г̇ийвааяа гадибхааг̇з жаад̇и часу таанзсу. д̇уд̇д̇зхийд̇и д̣̇виган̣д̣агаахи д̣̇ийгхаладтийхи. баажанзхийд̇и д̣̇асабаажанзхи ан̇гусзхи ваа. со гира ад̇д̇ано анубхууд̇ад̣̇угкан̃н̃зва аараб̣бха звамааха.
Devatāya vuttagāthāya āvāsikoti āvāsajagganako. Gajaṅgalāyanti evaṃnāmake nagare. Tattha kira dabbasambhārā sulabhā. Ālokasandhiṃ divasanti ekadivaseneva vātapānaṃ karotu. So kira devaputto kassapabuddhakāle gajaṅgalanagaraṃ nissāya yojanike jiṇṇamahāvihāre āvāsikasaṅghatthero hutvā jiṇṇavihāre navakammaṃ karontoyeva mahādukkhaṃ anubhavi. Tasmā tadeva dukkhaṃ ārabbha evamāha. Hatthinā vuttagāthāya pāsasatehīti bahūhi pāsehi. Chabbhīti catūsu pādesu gīvāya kaṭibhāge cāti chasu ṭhānesu. Tuttehīti dvikaṇḍakāhi dīghalaṭṭhīhi. Pācanehīti dasapācanehi aṅkusehi vā. So kira attano anubhūtadukkhaññeva ārabbha evamāha.
ваанарзна вуд̇д̇аг̇аат̇ааяа алаггамаалийд̇и ахид̇ун̣д̣игзна ган̣тз баригкибид̇ваа табид̇ааяа алаггамаалааяа саманнааг̇ад̇о. д̇ибуган̣н̣авид̣̇д̇ход̇и д̇ибубил̣анд̇ханзна бил̣анд̇хаган̣н̣о. ладтийхад̇од̇и саббагийл̣ам̣ сигкаабаяамаано ладтияаа хад̇о худ̇ваа. зсоби ахид̇ун̣д̣игасса хад̇т̇з ад̇д̇ано анубхууд̇ад̣̇угкамзва санд̇хааяа звамааха.
Vānarena vuttagāthāya alakkamālīti ahituṇḍikena kaṇṭhe parikkhipitvā ṭhapitāya alakkamālāya samannāgato. Tipukaṇṇaviddhoti tipupiḷandhanena piḷandhakaṇṇo. Laṭṭhīhatoti sappakīḷaṃ sikkhāpayamāno laṭṭhiyā hato hutvā. Esopi ahituṇḍikassa hatthe attano anubhūtadukkhameva sandhāya evamāha.
звам̣ д̇зхи д̇зрасахи ж̇анзхи сабат̇з гад̇з махаасад̇д̇о жинд̇зси ‘‘гад̣̇аажи имз ‘аяам̣ анадтамзва надтанд̇и гат̇зд̇ий’д̇и маяи аасан̇гам̣ гарзяяум̣, ахамби сабат̇ам̣ гаромий’’д̇и. ат̇а нам̣ гаронд̇о жуд̣̇д̣̇асамам̣ г̇аат̇амааха –
Evaṃ tehi terasahi janehi sapathe kate mahāsatto cintesi ‘‘kadāci ime ‘ayaṃ anaṭṭhameva naṭṭhanti kathetī’ti mayi āsaṅkaṃ kareyyuṃ, ahampi sapathaṃ karomī’’ti. Atha naṃ karonto cuddasamaṃ gāthamāha –
91.
91.
‘‘яо вз анадтам̣ва надтанд̇и жааха, гаамзва со лабхад̇ам̣ бхун̃ж̇ад̇ан̃жа;
‘‘Yo ve anaṭṭhaṃva naṭṭhanti cāha, kāmeva so labhataṃ bhuñjatañca;
аг̇аарамаж̇жхз маран̣ам̣ убзд̇у, яо ваа бхонд̇о сан̇гад̇и ган̃жид̣̇зваа’’д̇и.
Agāramajjhe maraṇaṃ upetu, yo vā bhonto saṅkati kañcidevā’’ti.
д̇ад̇т̇а бхонд̇од̇и аалабанам̣. ид̣̇ам̣ вуд̇д̇ам̣ ход̇и – бхаванд̇о яо анадтз годтаасз ‘‘надтам̣ мз’’д̇и вад̣̇ад̇и, яо ваа д̇умхзсу ган̃жи аасан̇гад̇и, со бан̃жа гаамаг̇ун̣з лабхад̇у жзва бхун̃ж̇ад̇у жа, раман̣ийяамзва баб̣б̣аж̇ж̇ам̣ алабхид̇ваа аг̇аарамаж̇жхзязва марад̇ууд̇и.
Tattha bhontoti ālapanaṃ. Idaṃ vuttaṃ hoti – bhavanto yo anaṭṭhe koṭṭhāse ‘‘naṭṭhaṃ me’’ti vadati, yo vā tumhesu kañci āsaṅkati, so pañca kāmaguṇe labhatu ceva bhuñjatu ca, ramaṇīyameva pabbajjaṃ alabhitvā agāramajjheyeva maratūti.
звам̣ исийхи сабат̇з гад̇з сагго бхааяид̇ваа ‘‘ахам̣ имз виймам̣санд̇о бхисаани анд̇арад̇хаабзсим̣. имз жа чад̣д̣ид̇акзл̣абин̣д̣ам̣ вияа гаамз г̇араханд̇аа сабат̇ам̣ гаронд̇и, гаамз г̇арахагааран̣ам̣ д̇з бужчиссаамий’’д̇и жинд̇зд̇ваа д̣̇иссамаанаруубо б̣од̇хисад̇д̇ам̣ ванд̣̇ид̇ваа бужчанд̇о ананд̇арам̣ г̇аат̇амааха –
Evaṃ isīhi sapathe kate sakko bhāyitvā ‘‘ahaṃ ime vīmaṃsanto bhisāni antaradhāpesiṃ. Ime ca chaḍḍitakheḷapiṇḍaṃ viya kāme garahantā sapathaṃ karonti, kāme garahakāraṇaṃ te pucchissāmī’’ti cintetvā dissamānarūpo bodhisattaṃ vanditvā pucchanto anantaraṃ gāthamāha –
92.
92.
‘‘яад̣̇зсамаанаа вижаранд̇и логз, идтан̃жа ганд̇ан̃жа б̣ахуунамзд̇ам̣;
‘‘Yadesamānā vicaranti loke, iṭṭhañca kantañca bahūnametaṃ;
бияам̣ манун̃н̃ам̣ жид̇ха ж̇ийвалогз, гасмаа исаяо наббасам̣санд̇и гаамз’’д̇и.
Piyaṃ manuññaṃ cidha jīvaloke, kasmā isayo nappasaṃsanti kāme’’ti.
д̇ад̇т̇а яад̣̇зсамаанаад̇и яам̣ вад̇т̇угаамам̣ гилзсагааман̃жа гасиг̇орагкаад̣̇ийхи самависамагаммзхи бариязсамаанаа сад̇д̇аа логз вижаранд̇и, зд̇ам̣ б̣ахуунам̣ д̣̇звамануссаанам̣ идтан̃жа ганд̇ан̃жа бияан̃жа манун̃н̃ан̃жа, гасмаа исаяо наббасам̣санд̇и гаамзд̇и ад̇т̇о. ‘‘гаамз’’д̇и иминаа д̇ам̣ вад̇т̇ум̣ саруубад̇о д̣̇ассзд̇и.
Tattha yadesamānāti yaṃ vatthukāmaṃ kilesakāmañca kasigorakkhādīhi samavisamakammehi pariyesamānā sattā loke vicaranti, etaṃ bahūnaṃ devamanussānaṃ iṭṭhañca kantañca piyañca manuññañca, kasmā isayo nappasaṃsanti kāmeti attho. ‘‘Kāme’’ti iminā taṃ vatthuṃ sarūpato dasseti.
ат̇асса бан̃хам̣ виссаж̇ж̇знд̇о махаасад̇д̇о д̣̇вз г̇аат̇аа абхааси –
Athassa pañhaṃ vissajjento mahāsatto dve gāthā abhāsi –
93.
93.
‘‘гаамзсу вз хан̃н̃арз б̣аж̇жхарз жа, гаамзсу д̣̇угкан̃жа бхаяан̃жа ж̇аад̇ам̣;
‘‘Kāmesu ve haññare bajjhare ca, kāmesu dukkhañca bhayañca jātaṃ;
гаамзсу бхууд̇аад̇хибад̇ий бамад̇д̇аа, баабаани гаммаани гаронд̇и мохаа.
Kāmesu bhūtādhipatī pamattā, pāpāni kammāni karonti mohā.
94.
94.
‘‘д̇з баабад̇хаммаа басавзд̇ва баабам̣, гааяасса бхзд̣̇аа нираяам̣ важ̇анд̇и;
‘‘Te pāpadhammā pasavetva pāpaṃ, kāyassa bhedā nirayaṃ vajanti;
аад̣̇ийнавам̣ гаамаг̇ун̣зсу д̣̇исваа, д̇асмаа исаяо наббасам̣санд̇и гаамз’’д̇и.
Ādīnavaṃ kāmaguṇesu disvā, tasmā isayo nappasaṃsanti kāme’’ti.
д̇ад̇т̇а гаамзсууд̇и гаамахзд̇у, гаамз ниссааяа гааяад̣̇ужжарид̇аад̣̇ийни гаронд̇ийд̇и ад̇т̇о. хан̃н̃арзд̇и д̣̇ан̣д̣аад̣̇ийхи хан̃н̃анд̇и. б̣аж̇жхарзд̇и раж̇ж̇уб̣анд̇ханаад̣̇ийхи б̣аж̇жханд̇и. д̣̇угканд̇и гааяигажзд̇асигам̣ асаад̇ам̣ д̣̇угкам̣. бхаяанд̇и ад̇д̇аануваад̣̇аад̣̇игам̣ саб̣б̣амби бхаяам̣. бхууд̇аад̇хибад̇ийд̇и саггам̣ аалабад̇и. аад̣̇ийнаванд̇и зваруубам̣ д̣̇осам̣. со банзса аад̣̇ийнаво д̣̇угкагканд̇хаад̣̇ийхи суд̇д̇зхи (ма. ни. 1.163-180) д̣̇ийбзд̇аб̣б̣о.
Tattha kāmesūti kāmahetu, kāme nissāya kāyaduccaritādīni karontīti attho. Haññareti daṇḍādīhi haññanti. Bajjhareti rajjubandhanādīhi bajjhanti. Dukkhanti kāyikacetasikaṃ asātaṃ dukkhaṃ. Bhayanti attānuvādādikaṃ sabbampi bhayaṃ. Bhūtādhipatīti sakkaṃ ālapati. Ādīnavanti evarūpaṃ dosaṃ. So panesa ādīnavo dukkhakkhandhādīhi suttehi (ma. ni. 1.163-180) dīpetabbo.
сагго махаасад̇д̇асса гат̇ам̣ суд̇ваа сам̣виг̇г̇амаанасо ананд̇арам̣ г̇аат̇амааха –
Sakko mahāsattassa kathaṃ sutvā saṃviggamānaso anantaraṃ gāthamāha –
95.
95.
‘‘виймам̣самаано исино бхисаани, д̇ийрз г̇ахзд̇ваана т̇алз нид̇хзсим̣;
‘‘Vīmaṃsamāno isino bhisāni, tīre gahetvāna thale nidhesiṃ;
суд̣̇д̇хаа абаабаа исаяо васанд̇и, зд̇аани д̇з б̣рахмажаарий бхисааний’’д̇и.
Suddhā apāpā isayo vasanti, etāni te brahmacārī bhisānī’’ti.
д̇ад̇т̇а вимам̣самаанод̇и бханд̇з, ахам̣ ‘‘имз исаяо гаамаад̇химуд̇д̇аа ваа, но ваа’’д̇и виймам̣санд̇о. исинод̇и д̇ава махзсино санд̇агаани бхисаани. д̇ийрз г̇ахзд̇ваанаад̇и д̇ийрз нигкид̇д̇аани г̇ахзд̇ваа т̇алз згаманд̇з нид̇хзсим̣. суд̣̇д̇хаад̇и ид̣̇аани маяаа д̇умхаагам̣ сабат̇агирияааяа н̃аад̇ам̣ ‘‘имз исаяо суд̣̇д̇хаа абаабаа худ̇ваа васанд̇ий’’д̇и.
Tattha vimaṃsamānoti bhante, ahaṃ ‘‘ime isayo kāmādhimuttā vā, no vā’’ti vīmaṃsanto. Isinoti tava mahesino santakāni bhisāni. Tīre gahetvānāti tīre nikkhittāni gahetvā thale ekamante nidhesiṃ. Suddhāti idāni mayā tumhākaṃ sapathakiriyāya ñātaṃ ‘‘ime isayo suddhā apāpā hutvā vasantī’’ti.
д̇ам̣ суд̇ваа б̣од̇хисад̇д̇о г̇аат̇амааха –
Taṃ sutvā bodhisatto gāthamāha –
96.
96.
‘‘на д̇з надаа но бана гийл̣анзяяаа, на б̣анд̇хаваа но бана д̇з сахааяаа;
‘‘Na te naṭā no pana kīḷaneyyā, na bandhavā no pana te sahāyā;
гисмим̣ вубад̇т̇амбха сахассанзд̇д̇а, исийхи д̇вам̣ гийл̣аси д̣̇зварааж̇аа’’д̇и.
Kismiṃ vupatthambha sahassanetta, isīhi tvaṃ kīḷasi devarājā’’ti.
д̇ад̇т̇а на д̇з надаа нод̇и д̣̇зварааж̇а, маяам̣ д̇ава надаа ваа гийл̣ид̇аб̣б̣аяуд̇д̇агаа ваа гзжи на хома, нааби д̇ава н̃аад̇агаа, на сахааяаа, ат̇а д̇вам̣ гим̣ ваа убад̇т̇амбхам̣ гад̇ваа гим̣ ниссааяа исийхи сад̣̇д̇хим̣ гийл̣асийд̇и ад̇т̇о.
Tattha na te naṭā noti devarāja, mayaṃ tava naṭā vā kīḷitabbayuttakā vā keci na homa, nāpi tava ñātakā, na sahāyā, atha tvaṃ kiṃ vā upatthambhaṃ katvā kiṃ nissāya isīhi saddhiṃ kīḷasīti attho.
ат̇а нам̣ сагго камаабзнд̇о вийсад̇имам̣ г̇аат̇амааха –
Atha naṃ sakko khamāpento vīsatimaṃ gāthamāha –
97.
97.
‘‘аажарияо мзси бид̇аа жа маяхам̣, зсаа бад̇идтаа калид̇асса б̣рахмз;
‘‘Ācariyo mesi pitā ca mayhaṃ, esā patiṭṭhā khalitassa brahme;
згаабараад̇хам̣ кама бхуурибан̃н̃а, на бан̣д̣ид̇аа год̇хаб̣алаа бхаванд̇ий’’д̇и.
Ekāparādhaṃ khama bhūripañña, na paṇḍitā kodhabalā bhavantī’’ti.
д̇ад̇т̇а зсаа бад̇идтаад̇и зсаа д̇ава баад̣̇ажчааяаа аж̇ж̇а мама калид̇асса абарад̣̇д̇хасса бад̇идтаа ход̇у. год̇хаб̣алаад̇и бан̣д̣ид̇аа наама канд̇иб̣алаа бхаванд̇и, на год̇хаб̣алаад̇и.
Tattha esā patiṭṭhāti esā tava pādacchāyā ajja mama khalitassa aparaddhassa patiṭṭhā hotu. Kodhabalāti paṇḍitā nāma khantibalā bhavanti, na kodhabalāti.
ат̇а махаасад̇д̇о саггасса д̣̇зваран̃н̃о камид̇ваа саяам̣ исиг̇ан̣ам̣ камаабзнд̇о ид̇арам̣ г̇аат̇амааха –
Atha mahāsatto sakkassa devarañño khamitvā sayaṃ isigaṇaṃ khamāpento itaraṃ gāthamāha –
98.
98.
‘‘суваасид̇ам̣ исинам̣ згарад̇д̇ам̣, яам̣ ваасавам̣ бхууд̇абад̇ид̣̇д̣̇асаама;
‘‘Suvāsitaṃ isinaṃ ekarattaṃ, yaṃ vāsavaṃ bhūtapatiddasāma;
саб̣б̣зва бхонд̇о суманаа бхаванд̇у, яам̣ б̣раахман̣о бажжубаад̣̇ий бхисааний’’д̇и.
Sabbeva bhonto sumanā bhavantu, yaṃ brāhmaṇo paccupādī bhisānī’’ti.
д̇ад̇т̇а суваасид̇ам̣ исинам̣ згарад̇д̇анд̇и ааяасманд̇аанам̣ исийнам̣ згарад̇д̇амби имасмим̣ аран̃н̃з васид̇ам̣ сувасид̇амзва. гим̣гааран̣аа? яам̣ ваасавам̣ бхууд̇абад̇им̣ ад̣̇д̣̇асаама, сажз хи маяам̣ наг̇арз авасимха, имам̣ на ад̣̇д̣̇асаама. бхонд̇од̇и бхаванд̇о саб̣б̣зби суманаа бхаванд̇у, д̇уссанд̇у, саггасса д̣̇зваран̃н̃о каманд̇у. гим̣гааран̣аа? яам̣ б̣раахман̣о бажжубаад̣̇ий бхисаани, яасмаа д̇умхаагам̣ аажарияо бхисаани бадилабхийд̇и.
Tattha suvāsitaṃ isinaṃ ekarattanti āyasmantānaṃ isīnaṃ ekarattampi imasmiṃ araññe vasitaṃ suvasitameva. Kiṃkāraṇā? Yaṃ vāsavaṃ bhūtapatiṃ addasāma, sace hi mayaṃ nagare avasimha, imaṃ na addasāma. Bhontoti bhavanto sabbepi sumanā bhavantu, tussantu, sakkassa devarañño khamantu. Kiṃkāraṇā? Yaṃ brāhmaṇo paccupādī bhisāni, yasmā tumhākaṃ ācariyo bhisāni paṭilabhīti.
сагго исиг̇ан̣ам̣ ванд̣̇ид̇ваа д̣̇звалогамзва г̇ад̇о. исиг̇ан̣оби жхаанаабхин̃н̃ааяо ниб̣б̣ад̇д̇зд̇ваа б̣рахмалогуубаг̇о ахоси.
Sakko isigaṇaṃ vanditvā devalokameva gato. Isigaṇopi jhānābhiññāyo nibbattetvā brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ бхигку бораан̣агабан̣д̣ид̇аа сабат̇ам̣ гад̇ваа гилзсз баж̇ахим̣суу’’д̇и вад̇ваа сажжаани багаасзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. ж̇аад̇агам̣ самод̇хаанзнд̇о буна сад̇т̇аа д̇иссо г̇аат̇аа абхааси –
Satthā imaṃ dhammadesanaṃ āharitvā ‘‘evaṃ bhikkhu porāṇakapaṇḍitā sapathaṃ katvā kilese pajahiṃsū’’ti vatvā saccāni pakāsesi, saccapariyosāne ukkaṇṭhitabhikkhu sotāpattiphale patiṭṭhahi. Jātakaṃ samodhānento puna satthā tisso gāthā abhāsi –
99.
99.
‘‘ахан̃жа саарибуд̇д̇о жа, мог̇г̇аллаано жа гассабо;
‘‘Ahañca sāriputto ca, moggallāno ca kassapo;
ануруд̣̇д̇хо бун̣н̣о аананд̣̇о, д̇ад̣̇аасум̣ сад̇д̇а бхаад̇аро.
Anuruddho puṇṇo ānando, tadāsuṃ satta bhātaro.
100.
100.
‘‘бхаг̇иний уббалаван̣н̣аа жа, д̣̇аасий куж̇ж̇уд̇д̇араа д̇ад̣̇аа;
‘‘Bhaginī uppalavaṇṇā ca, dāsī khujjuttarā tadā;
жид̇д̇о г̇ахабад̇и д̣̇аасо, яагко саад̇ааг̇иро д̇ад̣̇аа.
Citto gahapati dāso, yakkho sātāgiro tadā.
101.
101.
‘‘баалилзяяо д̇ад̣̇аа нааг̇о, мад̇худ̣̇о сздтаваанаро;
‘‘Pālileyyo tadā nāgo, madhudo seṭṭhavānaro;
гаал̣уд̣̇ааяий д̇ад̣̇аа сагго, звам̣ д̇хаарзт̇а ж̇аад̇ага’’нд̇и.
Kāḷudāyī tadā sakko, evaṃ dhāretha jātaka’’nti.
бхисаж̇аад̇агаван̣н̣анаа бан̃жамаа.
Bhisajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 488. бхисаж̇аад̇агам̣ • 488. Bhisajātakaṃ
