| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[23] 3. бхож̇ааж̇аанийяаж̇аад̇агаван̣н̣анаа
[23] 3. Bhojājānīyajātakavaṇṇanā
аби бассзна сзмаанод̇и ид̣̇ам̣ сад̇т̇аа ж̇зд̇аванз вихаранд̇о згам̣ оссадтавийрияам̣ бхигкум̣ аараб̣бха гат̇зси. д̇асмин̃хи самаяз сад̇т̇аа д̇ам̣ бхигкум̣ ааманд̇зд̇ваа ‘‘бхигку, буб̣б̣з бан̣д̣ид̇аа анааяад̇анзби вийрияам̣ агам̣су, бахаарам̣ лад̣̇д̇хааби нзва оссаж̇им̣суу’’д̇и вад̇ваа ад̇ийд̇ам̣ аахари.
Apipassena semānoti idaṃ satthā jetavane viharanto ekaṃ ossaṭṭhavīriyaṃ bhikkhuṃ ārabbha kathesi. Tasmiñhi samaye satthā taṃ bhikkhuṃ āmantetvā ‘‘bhikkhu, pubbe paṇḍitā anāyatanepi vīriyaṃ akaṃsu, pahāraṃ laddhāpi neva ossajiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бхож̇ааж̇аанийяасинд̇хавагулз ниб̣б̣ад̇д̇о саб̣б̣аалан̇гаарасамбанно б̣аараан̣асиран̃н̃о ман̇г̇алассо ахоси. со сад̇асахассаг̇гханигааяа суван̣н̣абаад̇ияам̣язва наанаг̇г̇арасасамбаннам̣ д̇ивассигаг̇анд̇хасаалибхож̇анам̣ бхун̃ж̇ад̇и, жаад̇уж̇ж̇аад̇игаг̇анд̇хуубалид̇д̇ааяамзва бхуумияам̣ д̇идтад̇и, д̇ам̣ таанам̣ рад̇д̇агамб̣аласаан̣ибаригкид̇д̇ам̣ убари суван̣н̣ад̇аарагакажид̇ажзлавид̇аанам̣ самосарид̇аг̇анд̇хад̣̇аамамаалаад̣̇аамам̣ авиж̇ахид̇аг̇анд̇хад̇злабад̣̇ийбам̣ ход̇и. б̣аараан̣асираж̇ж̇ам̣ бана абад̇т̇знд̇аа рааж̇аано наама над̇т̇и. згам̣ самаяам̣ сад̇д̇а рааж̇аано б̣аараан̣асим̣ баригкибид̇ваа ‘‘амхаагам̣ раж̇ж̇ам̣ ваа д̣̇зд̇у, яуд̣̇д̇хам̣ ваа’’д̇и б̣аараан̣асиран̃н̃о бан̣н̣ам̣ бзсзсум̣. рааж̇аа амажжз саннибаад̇зд̇ваа д̇ам̣ бавад̇д̇им̣ аажигкид̇ваа ‘‘ид̣̇аани гим̣ гарома, д̇аад̇аа’’д̇и бужчи. ‘‘д̣̇зва, д̇умхзхи д̇аава аад̣̇ид̇ова яуд̣̇д̇хааяа на г̇анд̇аб̣б̣ам̣, асугам̣ наама ассаарохам̣ бзсзд̇ваа яуд̣̇д̇хам̣ гаарзт̇а, д̇асмим̣ асаггонд̇з бажчаа ж̇ааниссаамаа’’д̇и. рааж̇аа д̇ам̣ баггосаабзд̇ваа ‘‘сагкиссаси, д̇аад̇а, сад̇д̇ахи рааж̇уухи сад̣̇д̇хим̣ яуд̣̇д̇хам̣ гаад̇у’’нд̇и ааха. ‘‘д̣̇зва, сажз бхож̇ааж̇аанийяасинд̇хавам̣ лабхаами, д̇идтанд̇у сад̇д̇а рааж̇аано, сагалаж̇амб̣уд̣̇ийбз рааж̇уухиби сад̣̇д̇хим̣ яуж̇жхид̇ум̣ сагкиссаамий’’д̇и. ‘‘д̇аад̇а, бхож̇ааж̇аанийяасинд̇хаво ваа ход̇у ан̃н̃о ваа, яам̣ ижчаси, д̇ам̣ г̇ахзд̇ваа яуд̣̇д̇хам̣ гарохий’’д̇и.
Atīte bārāṇasiyaṃ brahmadatte rajjaṃ kārente bodhisatto bhojājānīyasindhavakule nibbatto sabbālaṅkārasampanno bārāṇasirañño maṅgalasso ahosi. So satasahassagghanikāya suvaṇṇapātiyaṃyeva nānaggarasasampannaṃ tivassikagandhasālibhojanaṃ bhuñjati, cātujjātikagandhūpalittāyameva bhūmiyaṃ tiṭṭhati, taṃ ṭhānaṃ rattakambalasāṇiparikkhittaṃ upari suvaṇṇatārakakhacitacelavitānaṃ samosaritagandhadāmamālādāmaṃ avijahitagandhatelapadīpaṃ hoti. Bārāṇasirajjaṃ pana apatthentā rājāno nāma natthi. Ekaṃ samayaṃ satta rājāno bārāṇasiṃ parikkhipitvā ‘‘amhākaṃ rajjaṃ vā detu, yuddhaṃ vā’’ti bārāṇasirañño paṇṇaṃ pesesuṃ. Rājā amacce sannipātetvā taṃ pavattiṃ ācikkhitvā ‘‘idāni kiṃ karoma, tātā’’ti pucchi. ‘‘Deva, tumhehi tāva āditova yuddhāya na gantabbaṃ, asukaṃ nāma assārohaṃ pesetvā yuddhaṃ kāretha, tasmiṃ asakkonte pacchā jānissāmā’’ti. Rājā taṃ pakkosāpetvā ‘‘sakkhissasi, tāta, sattahi rājūhi saddhiṃ yuddhaṃ kātu’’nti āha. ‘‘Deva, sace bhojājānīyasindhavaṃ labhāmi, tiṭṭhantu satta rājāno, sakalajambudīpe rājūhipi saddhiṃ yujjhituṃ sakkhissāmī’’ti. ‘‘Tāta, bhojājānīyasindhavo vā hotu añño vā, yaṃ icchasi, taṃ gahetvā yuddhaṃ karohī’’ti.
со ‘‘саад̇ху, д̣̇зваа’’д̇и рааж̇аанам̣ ванд̣̇ид̇ваа баасаад̣̇аа оруяха бхож̇ааж̇аанийяасинд̇хавам̣ аахараабзд̇ваа суваммид̇ам̣ гад̇ваа ад̇д̇анааби саб̣б̣асаннаахасаннад̣̇д̇хо каг̇г̇ам̣ б̣анд̇хид̇ваа синд̇хавабидтивараг̇ад̇о наг̇араа нигкамма виж̇ж̇улад̇аа вияа жарамаано батамам̣ б̣алагодтагам̣ бхинд̣̇ид̇ваа згам̣ рааж̇аанам̣ ж̇ийваг̇г̇аахамзва г̇ахзд̇ваа ааг̇анд̇ваа наг̇арз б̣аласса нияяаад̣̇зд̇ваа буна г̇анд̇ваа д̣̇уд̇ияам̣ б̣алагодтагам̣ бхинд̣̇ид̇ваа д̇ат̇аа д̇ад̇ияанд̇и звам̣ бан̃жа рааж̇аано ж̇ийваг̇г̇аахам̣ г̇ахзд̇ваа чадтам̣ б̣алагодтагам̣ бхинд̣̇ид̇ваа чадтасса ран̃н̃о г̇ахид̇агаалз бхож̇ааж̇аанийяо бахаарам̣ лабхад̇и, лохид̇ам̣ баг̇гхарад̇и, взд̣̇анаа б̣алавад̇ияо вад̇д̇анд̇и. ассаарохо д̇асса бахадабхаавам̣ н̃ад̇ваа бхож̇ааж̇аанийяасинд̇хавам̣ рааж̇ад̣̇ваарз нибаж̇ж̇аабзд̇ваа саннаахам̣ сит̇илам̣ гад̇ваа ан̃н̃ам̣ ассам̣ саннаяхид̇ум̣ аарад̣̇д̇хо. б̣од̇хисад̇д̇о махаапаасугабассзна нибаннова агкийни уммилзд̇ваа ассаарохам̣ д̣̇исваа ‘‘аяам̣ ан̃н̃ам̣ ассам̣ саннаяхад̇и, аяан̃жа ассо сад̇д̇амам̣ б̣алагодтагам̣ бхинд̣̇ид̇ваа сад̇д̇амам̣ рааж̇аанам̣ г̇ан̣хид̇ум̣ на сагкиссад̇и, маяаа гад̇агамман̃жа нассиссад̇и, аббадисамо ассаарохоби нассиссад̇и, рааж̇ааби барахад̇т̇ам̣ г̇амиссад̇и, табзд̇ваа мам̣ ан̃н̃о ассо сад̇д̇амам̣ б̣алагодтагам̣ бхинд̣̇ид̇ваа сад̇д̇амам̣ рааж̇аанам̣ г̇ахзд̇ум̣ самад̇т̇о наама над̇т̇ий’’д̇и нибаннагова ассаарохам̣ баггосаабзд̇ваа ‘‘самма ассаароха, сад̇д̇амам̣ б̣алагодтагам̣ бхинд̣̇ид̇ваа сад̇д̇амам̣ рааж̇аанам̣ г̇ахзд̇ум̣ самад̇т̇о табзд̇ваа мам̣ ан̃н̃о ассо наама над̇т̇и, наахам̣ маяаа гад̇агаммам̣ наасзссаами, маман̃н̃зва удтаабзд̇ваа саннаяхаахий’’д̇и вад̇ваа имам̣ г̇аат̇амааха –
So ‘‘sādhu, devā’’ti rājānaṃ vanditvā pāsādā oruyha bhojājānīyasindhavaṃ āharāpetvā suvammitaṃ katvā attanāpi sabbasannāhasannaddho khaggaṃ bandhitvā sindhavapiṭṭhivaragato nagarā nikkhamma vijjulatā viya caramāno paṭhamaṃ balakoṭṭhakaṃ bhinditvā ekaṃ rājānaṃ jīvaggāhameva gahetvā āgantvā nagare balassa niyyādetvā puna gantvā dutiyaṃ balakoṭṭhakaṃ bhinditvā tathā tatiyanti evaṃ pañca rājāno jīvaggāhaṃ gahetvā chaṭṭhaṃ balakoṭṭhakaṃ bhinditvā chaṭṭhassa rañño gahitakāle bhojājānīyo pahāraṃ labhati, lohitaṃ paggharati, vedanā balavatiyo vattanti. Assāroho tassa pahaṭabhāvaṃ ñatvā bhojājānīyasindhavaṃ rājadvāre nipajjāpetvā sannāhaṃ sithilaṃ katvā aññaṃ assaṃ sannayhituṃ āraddho. Bodhisatto mahāphāsukapassena nipannova akkhīni ummiletvā assārohaṃ disvā ‘‘ayaṃ aññaṃ assaṃ sannayhati, ayañca asso sattamaṃ balakoṭṭhakaṃ bhinditvā sattamaṃ rājānaṃ gaṇhituṃ na sakkhissati, mayā katakammañca nassissati, appaṭisamo assārohopi nassissati, rājāpi parahatthaṃ gamissati, ṭhapetvā maṃ añño asso sattamaṃ balakoṭṭhakaṃ bhinditvā sattamaṃ rājānaṃ gahetuṃ samattho nāma natthī’’ti nipannakova assārohaṃ pakkosāpetvā ‘‘samma assāroha, sattamaṃ balakoṭṭhakaṃ bhinditvā sattamaṃ rājānaṃ gahetuṃ samattho ṭhapetvā maṃ añño asso nāma natthi, nāhaṃ mayā katakammaṃ nāsessāmi, mamaññeva uṭṭhāpetvā sannayhāhī’’ti vatvā imaṃ gāthamāha –
23.
23.
‘‘аби бассзна сзмаано, саллзбхи саллалийгад̇о;
‘‘Api passena semāno, sallebhi sallalīkato;
сзяяова вал̣аваа бхож̇жхо, яун̃ж̇а ман̃н̃зва саарат̇ий’’д̇и.
Seyyova vaḷavā bhojjho, yuñja maññeva sārathī’’ti.
д̇ад̇т̇а аби бассзна сзмаанод̇и згзна бассзна саяамаанагоби. саллзбхи саллалийгад̇од̇и саллзхи вид̣̇д̇хоби самаано. сзяяова вал̣аваа бхож̇жход̇и вал̣аваад̇и синд̇хавагулзсу аж̇аад̇о калун̇гассо. бхож̇жход̇и бхож̇ааж̇аанийяасинд̇хаво. ид̇и зд̇асмаа вал̣аваа саллзхи вид̣̇д̇хоби бхож̇ааж̇аанийяасинд̇хавова сзяяо варо уд̇д̇амо. яун̃ж̇а ман̃н̃зва саарат̇ийд̇и яасмаа зва г̇ад̇оби ахамзва сзяяо, д̇асмаа маман̃н̃зва яож̇зхи, мам̣ ваммзхийд̇и вад̣̇ад̇и.
Tattha api passena semānoti ekena passena sayamānakopi. Sallebhi sallalīkatoti sallehi viddhopi samāno. Seyyova vaḷavā bhojjhoti vaḷavāti sindhavakulesu ajāto khaluṅkasso. Bhojjhoti bhojājānīyasindhavo. Iti etasmā vaḷavā sallehi viddhopi bhojājānīyasindhavova seyyo varo uttamo. Yuñja maññeva sārathīti yasmā eva gatopi ahameva seyyo, tasmā mamaññeva yojehi, maṃ vammehīti vadati.
ассаарохо б̣од̇хисад̇д̇ам̣ удтаабзд̇ваа ван̣ам̣ б̣анд̇хид̇ваа сусаннад̣̇д̇хам̣ саннаяхид̇ваа д̇асса бидтияам̣ нисийд̣̇ид̇ваа сад̇д̇амам̣ б̣алагодтагам̣ бхинд̣̇ид̇ваа сад̇д̇амам̣ рааж̇аанам̣ ж̇ийваг̇г̇аахам̣ г̇ахзд̇ваа рааж̇аб̣аласса нияяаад̣̇зси, б̣од̇хисад̇д̇амби рааж̇ад̣̇ваарам̣ аанаяим̣су. рааж̇аа д̇асса д̣̇ассанад̇т̇ааяа нигками. махаасад̇д̇о рааж̇аанам̣ ааха – ‘‘махаарааж̇а, сад̇д̇а рааж̇аано маа гхаад̇аяид̇т̇а, сабат̇ам̣ гаарзд̇ваа виссаж̇ж̇зт̇а, маяхан̃жа ассаарохасса жа д̣̇аад̇аб̣б̣ам̣ яасам̣ ассаарохассзва д̣̇зт̇а , сад̇д̇а рааж̇аано г̇ахзд̇ваа д̣̇иннаяод̇хам̣ наама наасзд̇ум̣ на ваддад̇и. д̇умхзби д̣̇аанам̣ д̣̇зт̇а, сийлам̣ рагкат̇а, д̇хаммзна самзна раж̇ж̇ам̣ гаарзт̇аа’’д̇и. звам̣ б̣од̇хисад̇д̇зна ран̃н̃о оваад̣̇з д̣̇иннз б̣од̇хисад̇д̇асса саннаахам̣ можаяим̣су, со саннаахз муд̇д̇амад̇д̇зязва нируж̇жхи. рааж̇аа д̇асса сарийрагижжам̣ гаарзд̇ваа ассаарохасса маханд̇ам̣ яасам̣ д̣̇ад̇ваа сад̇д̇а рааж̇аано буна ад̇д̇анно ад̣̇уб̣бхааяа сабат̇ам̣ гаарзд̇ваа сагасагадтаанаани бзсзд̇ваа д̇хаммзна самзна раж̇ж̇ам̣ гаарзд̇ваа ж̇ийвид̇абарияосаанз яат̇аагаммам̣ г̇ад̇о.
Assāroho bodhisattaṃ uṭṭhāpetvā vaṇaṃ bandhitvā susannaddhaṃ sannayhitvā tassa piṭṭhiyaṃ nisīditvā sattamaṃ balakoṭṭhakaṃ bhinditvā sattamaṃ rājānaṃ jīvaggāhaṃ gahetvā rājabalassa niyyādesi, bodhisattampi rājadvāraṃ ānayiṃsu. Rājā tassa dassanatthāya nikkhami. Mahāsatto rājānaṃ āha – ‘‘mahārāja, satta rājāno mā ghātayittha, sapathaṃ kāretvā vissajjetha, mayhañca assārohassa ca dātabbaṃ yasaṃ assārohasseva detha , satta rājāno gahetvā dinnayodhaṃ nāma nāsetuṃ na vaṭṭati. Tumhepi dānaṃ detha, sīlaṃ rakkhatha, dhammena samena rajjaṃ kārethā’’ti. Evaṃ bodhisattena rañño ovāde dinne bodhisattassa sannāhaṃ mocayiṃsu, so sannāhe muttamatteyeva nirujjhi. Rājā tassa sarīrakiccaṃ kāretvā assārohassa mahantaṃ yasaṃ datvā satta rājāno puna attanno adubbhāya sapathaṃ kāretvā sakasakaṭṭhānāni pesetvā dhammena samena rajjaṃ kāretvā jīvitapariyosāne yathākammaṃ gato.
сад̇т̇аа ‘‘звам̣ бхигку буб̣б̣з бан̣д̣ид̇аа анааяад̇анзби вийрияам̣ агам̣су, зваруубам̣ бахаарам̣ лад̣̇д̇хааби на оссаж̇им̣су, д̇вам̣ бана зваруубз нияяаанигасаасанз баб̣б̣аж̇ид̇ваа гасмаа вийрияам̣ оссаж̇асий’’д̇и вад̇ваа жад̇д̇аари сажжаани багаасзси, сажжабарияосаанз оссадтавийрияо бхигку арахад̇д̇апалз бад̇идтааси.
Satthā ‘‘evaṃ bhikkhu pubbe paṇḍitā anāyatanepi vīriyaṃ akaṃsu, evarūpaṃ pahāraṃ laddhāpi na ossajiṃsu, tvaṃ pana evarūpe niyyānikasāsane pabbajitvā kasmā vīriyaṃ ossajasī’’ti vatvā cattāri saccāni pakāsesi, saccapariyosāne ossaṭṭhavīriyo bhikkhu arahattaphale patiṭṭhāsi.
сад̇т̇аа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, ассаарохо саарибуд̇д̇о, бхож̇ааж̇аанийяасинд̇хаво бана ахамзва ахоси’’нд̇и.
Satthā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā rājā ānando ahosi, assāroho sāriputto, bhojājānīyasindhavo pana ahameva ahosi’’nti.
бхож̇ааж̇аанийяаж̇аад̇агаван̣н̣анаа д̇ад̇ияаа.
Bhojājānīyajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 23. г̇ож̇аанийяаж̇аад̇агам̣ • 23. Gojānīyajātakaṃ
