Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga

4. бхож̇анаваг̇г̇о

4. Bhojanavaggo

1. аавасат̇абин̣д̣асигкаабад̣̇ам̣

1. Āvasathapiṇḍasikkhāpadaṃ

203. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна саавад̇т̇ияаа авид̣̇уурз ан̃н̃ад̇арасса бууг̇асса аавасат̇абин̣д̣о бан̃н̃ад̇д̇о ход̇и. чаб̣б̣аг̇г̇ияаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависид̇ваа бин̣д̣ам̣ алабхамаанаа аавасат̇ам̣ аг̇амам̣су. мануссаа – ‘‘жирассамби бхад̣̇анд̇аа ааг̇ад̇аа’’д̇и д̇з саггажжам̣ баривисим̣су. ат̇а ко чаб̣б̣аг̇г̇ияаа бхигкуу д̣̇уд̇ияамби д̣̇ивасам̣…бз… д̇ад̇ияамби д̣̇ивасам̣ буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависид̇ваа бин̣д̣ам̣ алабхамаанаа аавасат̇ам̣ г̇анд̇ваа бхун̃ж̇им̣су. ат̇а ко чаб̣б̣аг̇г̇ияаанам̣ бхигкуунам̣ зд̇ад̣̇ахоси – ‘‘гим̣ маяам̣ гариссаама аараамам̣ г̇анд̇ваа! хияяоби ид̇хзва ааг̇анд̇аб̣б̣ам̣ бхависсад̇ий’’д̇и, д̇ад̇т̇зва анувасид̇ваа анувасид̇ваа аавасат̇абин̣д̣ам̣ бхун̃ж̇анд̇и. д̇ид̇т̇ияаа абасагганд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа анувасид̇ваа анувасид̇ваа аавасат̇абин̣д̣ам̣ бхун̃ж̇иссанд̇и! наяимзсан̃н̃зва аавасат̇абин̣д̣о бан̃н̃ад̇д̇о; саб̣б̣зсан̃н̃зва аавасат̇абин̣д̣о бан̃н̃ад̇д̇о’’д̇и.

203. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāvatthiyā avidūre aññatarassa pūgassa āvasathapiṇḍo paññatto hoti. Chabbaggiyā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisitvā piṇḍaṃ alabhamānā āvasathaṃ agamaṃsu. Manussā – ‘‘cirassampi bhadantā āgatā’’ti te sakkaccaṃ parivisiṃsu. Atha kho chabbaggiyā bhikkhū dutiyampi divasaṃ…pe… tatiyampi divasaṃ pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisitvā piṇḍaṃ alabhamānā āvasathaṃ gantvā bhuñjiṃsu. Atha kho chabbaggiyānaṃ bhikkhūnaṃ etadahosi – ‘‘kiṃ mayaṃ karissāma ārāmaṃ gantvā! Hiyyopi idheva āgantabbaṃ bhavissatī’’ti, tattheva anuvasitvā anuvasitvā āvasathapiṇḍaṃ bhuñjanti. Titthiyā apasakkanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā anuvasitvā anuvasitvā āvasathapiṇḍaṃ bhuñjissanti! Nayimesaññeva āvasathapiṇḍo paññatto; sabbesaññeva āvasathapiṇḍo paññatto’’ti.

ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – гат̇ан̃хи наама чаб̣б̣аг̇г̇ияаа бхигкуу анувасид̇ваа анувасид̇ваа аавасат̇абин̣д̣ам̣ бхун̃ж̇иссанд̇ийд̇и…бз… сажжам̣ гира д̇умхз, бхигкавз, анувасид̇ваа анувасид̇ваа аавасат̇абин̣д̣ам̣ бхун̃ж̇ат̇аад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, анувасид̇ваа анувасид̇ваа аавасат̇абин̣д̣ам̣ бхун̃ж̇иссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – kathañhi nāma chabbaggiyā bhikkhū anuvasitvā anuvasitvā āvasathapiṇḍaṃ bhuñjissantīti…pe… saccaṃ kira tumhe, bhikkhave, anuvasitvā anuvasitvā āvasathapiṇḍaṃ bhuñjathāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, anuvasitvā anuvasitvā āvasathapiṇḍaṃ bhuñjissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘зго аавасат̇абин̣д̣о бхун̃ж̇ид̇аб̣б̣о. д̇ад̇о жз уд̇д̇арим̣ бхун̃ж̇зяяа, баажид̇д̇ияа’’нд̇и.

‘‘Eko āvasathapiṇḍo bhuñjitabbo. Tato ce uttariṃ bhuñjeyya, pācittiya’’nti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

204. д̇зна ко бана самаязна ааяасмаа саарибуд̇д̇о госалзсу ж̇анабад̣̇з саавад̇т̇им̣ г̇ажчанд̇о язна ан̃н̃ад̇аро аавасат̇о д̇знубасан̇гами. мануссаа – ‘‘жирассамби т̇зро ааг̇ад̇о’’д̇и саггажжам̣ баривисим̣су. ат̇а ко ааяасмад̇о саарибуд̇д̇асса бхуд̇д̇аависса каро ааб̣аад̇хо уббаж̇ж̇и, наасагки д̇амхаа аавасат̇аа баггамид̇ум̣. ат̇а ко д̇з мануссаа д̣̇уд̇ияамби д̣̇ивасам̣ ааяасманд̇ам̣ саарибуд̇д̇ам̣ зд̇ад̣̇авожум̣ – ‘‘бхун̃ж̇ат̇а, бханд̇з’’д̇и. ат̇а ко ааяасмаа саарибуд̇д̇о – ‘‘бхаг̇авад̇аа бадигкид̇д̇ам̣ анувасид̇ваа анувасид̇ваа аавасат̇абин̣д̣ам̣ бхун̃ж̇ид̇у’’нд̇и гуггужжааяанд̇о на бадиг̇г̇ахзси; чиннабхад̇д̇о ахоси. ат̇а ко ааяасмаа саарибуд̇д̇о саавад̇т̇им̣ г̇анд̇ваа бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанзна бхигкунаа анувасид̇ваа анувасид̇ваа аавасат̇абин̣д̣ам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

204. Tena kho pana samayena āyasmā sāriputto kosalesu janapade sāvatthiṃ gacchanto yena aññataro āvasatho tenupasaṅkami. Manussā – ‘‘cirassampi thero āgato’’ti sakkaccaṃ parivisiṃsu. Atha kho āyasmato sāriputtassa bhuttāvissa kharo ābādho uppajji, nāsakkhi tamhā āvasathā pakkamituṃ. Atha kho te manussā dutiyampi divasaṃ āyasmantaṃ sāriputtaṃ etadavocuṃ – ‘‘bhuñjatha, bhante’’ti. Atha kho āyasmā sāriputto – ‘‘bhagavatā paṭikkhittaṃ anuvasitvā anuvasitvā āvasathapiṇḍaṃ bhuñjitu’’nti kukkuccāyanto na paṭiggahesi; chinnabhatto ahosi. Atha kho āyasmā sāriputto sāvatthiṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānena bhikkhunā anuvasitvā anuvasitvā āvasathapiṇḍaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

205. ‘‘аг̇илаанзна бхигкунаа зго аавасат̇абин̣д̣о бхун̃ж̇ид̇аб̣б̣о. д̇ад̇о жз уд̇д̇ари бхун̃ж̇зяяа, баажид̇д̇ияа’’нд̇и.

205.‘‘Agilānena bhikkhunā eko āvasathapiṇḍo bhuñjitabbo. Tato ce uttari bhuñjeyya, pācittiya’’nti.

206. аг̇илаано наама саггод̇и д̇амхаа аавасат̇аа баггамид̇ум̣.

206.Agilāno nāma sakkoti tamhā āvasathā pakkamituṃ.

г̇илаано наама на саггод̇и д̇амхаа аавасат̇аа баггамид̇ум̣.

Gilāno nāma na sakkoti tamhā āvasathā pakkamituṃ.

аавасат̇абин̣д̣о наама бан̃жаннам̣ бхож̇анаанам̣ ан̃н̃ад̇арам̣ бхож̇анам̣ – саалааяа ваа ман̣д̣абз ваа ругкамуулз ваа аж̇жхогаасз ваа анод̣̇исса яаавад̣̇ад̇т̇о бан̃н̃ад̇д̇о ход̇и. аг̇илаанзна бхигкунаа сагим̣ бхун̃ж̇ид̇аб̣б̣о. д̇ад̇о жз уд̇д̇ари ‘бхун̃ж̇иссаамий’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баажид̇д̇ияасса.

Āvasathapiṇḍo nāma pañcannaṃ bhojanānaṃ aññataraṃ bhojanaṃ – sālāya vā maṇḍape vā rukkhamūle vā ajjhokāse vā anodissa yāvadattho paññatto hoti. Agilānena bhikkhunā sakiṃ bhuñjitabbo. Tato ce uttari ‘bhuñjissāmī’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.

207. аг̇илаано аг̇илаанасан̃н̃ий д̇ад̇уд̇д̇ари аавасат̇абин̣д̣ам̣ бхун̃ж̇ад̇и, аабад̇д̇и баажид̇д̇ияасса. аг̇илаано взмад̇иго д̇ад̇уд̇д̇ари аавасат̇абин̣д̣ам̣ бхун̃ж̇ад̇и, аабад̇д̇и баажид̇д̇ияасса. аг̇илаано г̇илаанасан̃н̃ий д̇ад̇уд̇д̇арим̣ аавасат̇абин̣д̣ам̣ бхун̃ж̇ад̇и, аабад̇д̇и баажид̇д̇ияасса.

207. Agilāno agilānasaññī tatuttari āvasathapiṇḍaṃ bhuñjati, āpatti pācittiyassa. Agilāno vematiko tatuttari āvasathapiṇḍaṃ bhuñjati, āpatti pācittiyassa. Agilāno gilānasaññī tatuttariṃ āvasathapiṇḍaṃ bhuñjati, āpatti pācittiyassa.

г̇илаано аг̇илаанасан̃н̃ий, аабад̇д̇и д̣̇уггадасса. г̇илаано взмад̇иго аабад̇д̇и д̣̇уггадасса. г̇илаано г̇илаанасан̃н̃ий, анаабад̇д̇и.

Gilāno agilānasaññī, āpatti dukkaṭassa. Gilāno vematiko āpatti dukkaṭassa. Gilāno gilānasaññī, anāpatti.

208. анаабад̇д̇и г̇илаанасса, аг̇илаано сагим̣ бхун̃ж̇ад̇и, г̇ажчанд̇о, ваа ааг̇ажчанд̇о ваа бхун̃ж̇ад̇и, саамигаа ниманд̇зд̇ваа бхож̇знд̇и, од̣̇исса бан̃н̃ад̇д̇о ход̇и, на яаавад̣̇ад̇т̇о бан̃н̃ад̇д̇о ход̇и, бан̃жа бхож̇анаани табзд̇ваа саб̣б̣ад̇т̇а анаабад̇д̇и, уммад̇д̇агасса, аад̣̇игаммигассаад̇и.

208. Anāpatti gilānassa, agilāno sakiṃ bhuñjati, gacchanto, vā āgacchanto vā bhuñjati, sāmikā nimantetvā bhojenti, odissa paññatto hoti, na yāvadattho paññatto hoti, pañca bhojanāni ṭhapetvā sabbattha anāpatti, ummattakassa, ādikammikassāti.

аавасат̇абин̣д̣асигкаабад̣̇ам̣ нидтид̇ам̣ батамам̣.

Āvasathapiṇḍasikkhāpadaṃ niṭṭhitaṃ paṭhamaṃ.

2. г̇ан̣абхож̇анасигкаабад̣̇ам̣

2. Gaṇabhojanasikkhāpadaṃ

209. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна д̣̇звад̣̇ад̇д̇о барихийналаабхасаггааро сабарисо гулзсу вин̃н̃аабзд̇ваа вин̃н̃аабзд̇ваа бхун̃ж̇ад̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа гулзсу вин̃н̃аабзд̇ваа вин̃н̃аабзд̇ваа бхун̃ж̇иссанд̇и! гасса самбаннам̣ на манаабам̣, гасса саад̣̇ум̣ на ружжад̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама д̣̇звад̣̇ад̇д̇о сабарисо гулзсу вин̃н̃аабзд̇ваа вин̃н̃аабзд̇ваа бхун̃ж̇иссад̇ий’’д̇и…бз… сажжам̣ гира д̇вам̣, д̣̇звад̣̇ад̇д̇а, сабарисо гулзсу вин̃н̃аабзд̇ваа вин̃н̃аабзд̇ваа бхун̃ж̇асийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, сабарисо гулзсу вин̃н̃аабзд̇ваа вин̃н̃аабзд̇ваа бхун̃ж̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

209. Tena samayena buddho bhagavā rājagahe viharati veḷuvane kalandakanivāpe. Tena kho pana samayena devadatto parihīnalābhasakkāro sapariso kulesu viññāpetvā viññāpetvā bhuñjati. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā kulesu viññāpetvā viññāpetvā bhuñjissanti! Kassa sampannaṃ na manāpaṃ, kassa sāduṃ na ruccatī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma devadatto sapariso kulesu viññāpetvā viññāpetvā bhuñjissatī’’ti…pe… saccaṃ kira tvaṃ, devadatta, sapariso kulesu viññāpetvā viññāpetvā bhuñjasīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, sapariso kulesu viññāpetvā viññāpetvā bhuñjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘г̇ан̣абхож̇анз баажид̇д̇ияа’’нд̇и.

‘‘Gaṇabhojane pācittiya’’nti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

210. д̇зна ко бана самаязна мануссаа г̇илаанз бхигкуу бхад̇д̇зна ниманд̇знд̇и. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа г̇ан̣абхож̇ана’’нд̇и. бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанзна бхигкунаа г̇ан̣абхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

210. Tena kho pana samayena manussā gilāne bhikkhū bhattena nimantenti. Bhikkhū kukkuccāyantā nādhivāsenti – ‘‘paṭikkhittaṃ bhagavatā gaṇabhojana’’nti. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānena bhikkhunā gaṇabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

‘‘г̇ан̣абхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо – аяам̣ д̇ад̇т̇а самаяо’’д̇и.

‘‘Gaṇabhojane, aññatra samayā, pācittiyaṃ. Tatthāyaṃ samayo. Gilānasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

211. д̇зна ко бана самаязна мануссаа жийварад̣̇аанасамаяз сажийварабхад̇д̇ам̣ бадияаад̣̇зд̇ваа бхигкуу ниманд̇знд̇и – ‘‘бхож̇зд̇ваа жийварзна ажчаад̣̇зссаамаа’’д̇и. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа г̇ан̣абхож̇ана’’нд̇и. жийварам̣ барид̇д̇ам̣ уббаж̇ж̇ад̇и. бхигкуу бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, жийварад̣̇аанасамаяз г̇ан̣абхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

211. Tena kho pana samayena manussā cīvaradānasamaye sacīvarabhattaṃ paṭiyādetvā bhikkhū nimantenti – ‘‘bhojetvā cīvarena acchādessāmā’’ti. Bhikkhū kukkuccāyantā nādhivāsenti – ‘‘paṭikkhittaṃ bhagavatā gaṇabhojana’’nti. Cīvaraṃ parittaṃ uppajjati. Bhikkhū bhagavato etamatthaṃ ārocesuṃ…pe… anujānāmi, bhikkhave, cīvaradānasamaye gaṇabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

‘‘г̇ан̣абхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо – аяам̣ д̇ад̇т̇а самаяо’’д̇и.

‘‘Gaṇabhojane, aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

212. д̇зна ко бана самаязна мануссаа жийварагаарагз бхигкуу бхад̇д̇зна ниманд̇знд̇и. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа г̇ан̣абхож̇ана’’нд̇и . бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, жийварагаарасамаяз г̇ан̣абхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

212. Tena kho pana samayena manussā cīvarakārake bhikkhū bhattena nimantenti. Bhikkhū kukkuccāyantā nādhivāsenti – ‘‘paṭikkhittaṃ bhagavatā gaṇabhojana’’nti . Bhagavato etamatthaṃ ārocesuṃ…pe… anujānāmi, bhikkhave, cīvarakārasamaye gaṇabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

‘‘г̇ан̣абхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо, жийварагаарасамаяо – аяам̣ д̇ад̇т̇а самаяо’’д̇и.

‘‘Gaṇabhojane, aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo, cīvarakārasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

213. д̇зна ко бана самаязна бхигкуу мануссзхи сад̣̇д̇хим̣ ад̣̇д̇хаанам̣ г̇ажчанд̇и. ат̇а ко д̇з бхигкуу д̇з мануссз зд̇ад̣̇авожум̣ – ‘‘мухуд̇д̇ам̣, аавусо, ааг̇амзт̇а; бин̣д̣ааяа жариссаамаа’’д̇и. д̇з звамаахам̣су – ‘‘ид̇хзва, бханд̇з, бхун̃ж̇ат̇аа’’д̇и. бхигкуу гуггужжааяанд̇аа на бадиг̇г̇ан̣ханд̇и – ‘‘бадигкид̇д̇ам̣ бхаг̇авад̇аа г̇ан̣абхож̇ана’’нд̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, ад̣̇д̇хаанаг̇аманасамаяз г̇ан̣абхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

213. Tena kho pana samayena bhikkhū manussehi saddhiṃ addhānaṃ gacchanti. Atha kho te bhikkhū te manusse etadavocuṃ – ‘‘muhuttaṃ, āvuso, āgametha; piṇḍāya carissāmā’’ti. Te evamāhaṃsu – ‘‘idheva, bhante, bhuñjathā’’ti. Bhikkhū kukkuccāyantā na paṭiggaṇhanti – ‘‘paṭikkhittaṃ bhagavatā gaṇabhojana’’nti. Bhagavato etamatthaṃ ārocesuṃ…pe… anujānāmi, bhikkhave, addhānagamanasamaye gaṇabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

‘‘г̇ан̣абхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо, жийварагаарасамаяо, ад̣̇д̇хаанаг̇аманасамаяо – аяам̣ д̇ад̇т̇а самаяо’’д̇и.

‘‘Gaṇabhojane, aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo, cīvarakārasamayo, addhānagamanasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

214. д̇зна ко бана самаязна бхигкуу мануссзхи сад̣̇д̇хим̣ наавааяа г̇ажчанд̇и. ат̇а ко д̇з бхигкуу д̇з мануссз зд̇ад̣̇авожум̣ – ‘‘мухуд̇д̇ам̣, аавусо, д̇ийрам̣ убанзт̇а; бин̣д̣ааяа жариссаамаа’’д̇и. д̇з звамаахам̣су – ‘‘ид̇хзва, бханд̇з, бхун̃ж̇ат̇аа’’д̇и. бхигкуу гуггужжааяанд̇аа на бадиг̇г̇ан̣ханд̇и – ‘‘бадигкид̇д̇ам̣ бхаг̇авад̇аа г̇ан̣абхож̇ана’’нд̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, нааваабхируханасамаяз г̇ан̣абхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

214. Tena kho pana samayena bhikkhū manussehi saddhiṃ nāvāya gacchanti. Atha kho te bhikkhū te manusse etadavocuṃ – ‘‘muhuttaṃ, āvuso, tīraṃ upanetha; piṇḍāya carissāmā’’ti. Te evamāhaṃsu – ‘‘idheva, bhante, bhuñjathā’’ti. Bhikkhū kukkuccāyantā na paṭiggaṇhanti – ‘‘paṭikkhittaṃ bhagavatā gaṇabhojana’’nti. Bhagavato etamatthaṃ ārocesuṃ…pe… anujānāmi, bhikkhave, nāvābhiruhanasamaye gaṇabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

‘‘г̇ан̣абхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо, жийварагаарасамаяо, ад̣̇д̇хаанаг̇аманасамаяо, нааваабхируханасамаяо – аяам̣ д̇ад̇т̇а самаяо’’д̇и.

‘‘Gaṇabhojane, aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

215. д̇зна 0 ко бана самаязна д̣̇исаасу вассам̣вудтаа бхигкуу рааж̇аг̇ахам̣ ааг̇ажчанд̇и бхаг̇аванд̇ам̣ д̣̇ассанааяа. мануссаа наанаавзраж̇ж̇агз бхигкуу бассид̇ваа бхад̇д̇зна ниманд̇знд̇и. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа г̇ан̣абхож̇ана’’нд̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, махаасамаяз г̇ан̣абхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

215. Tena 0 kho pana samayena disāsu vassaṃvuṭṭhā bhikkhū rājagahaṃ āgacchanti bhagavantaṃ dassanāya. Manussā nānāverajjake bhikkhū passitvā bhattena nimantenti. Bhikkhū kukkuccāyantā nādhivāsenti – ‘‘paṭikkhittaṃ bhagavatā gaṇabhojana’’nti. Bhagavato etamatthaṃ ārocesuṃ…pe… anujānāmi, bhikkhave, mahāsamaye gaṇabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

‘‘г̇ан̣абхож̇анз , ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо, жийварагаарасамаяо, ад̣̇д̇хаанаг̇аманасамаяо, нааваабхируханасамаяо, махаасамаяо – аяам̣ д̇ад̇т̇а самаяо’’д̇и.

‘‘Gaṇabhojane , aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo, mahāsamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

216. д̇зна ко бана самаязна ран̃н̃о мааг̇ад̇хасса сзнияасса б̣имб̣исаарасса н̃аад̇исаалохид̇о ааж̇ийвагзсу баб̣б̣аж̇ид̇о ход̇и. ат̇а ко со ааж̇ийваго язна рааж̇аа мааг̇ад̇хо сзнияо б̣имб̣исааро д̇знубасан̇гами; убасан̇гамид̇ваа рааж̇аанам̣ мааг̇ад̇хам̣ сзнияам̣ б̣имб̣исаарам̣ зд̇ад̣̇авожа – ‘‘ижчаамахам̣, махаарааж̇а, саб̣б̣абаасан̣д̣игабхад̇д̇ам̣ гаад̇у’’нд̇и. ‘‘сажз д̇вам̣, бханд̇з, б̣уд̣̇д̇хаббамукам̣ бхигкусан̇гхам̣ батамам̣ бхож̇зяяааси’’. ‘‘звам̣ гарзяяаамий’’д̇и. ат̇а ко со ааж̇ийваго бхигкуунам̣ санд̇игз д̣̇ууд̇ам̣ баахзси – ‘‘ад̇хиваасзнд̇у мз бхигкуу сваад̇анааяа бхад̇д̇а’’нд̇и. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа г̇ан̣абхож̇ана’’нд̇и. ат̇а ко со ааж̇ийваго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко со ааж̇ийваго бхаг̇аванд̇ам̣ зд̇ад̣̇авожа – ‘‘бхавамби г̇од̇амо баб̣б̣аж̇ид̇о, ахамби баб̣б̣аж̇ид̇о; арахад̇и баб̣б̣аж̇ид̇о баб̣б̣аж̇ид̇асса бин̣д̣ам̣ бадиг̇г̇ахзд̇ум̣. ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко со ааж̇ийваго бхаг̇авад̇о ад̇хиваасанам̣ вид̣̇ид̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, саман̣абхад̇д̇асамаяз г̇ан̣абхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

216. Tena kho pana samayena rañño māgadhassa seniyassa bimbisārassa ñātisālohito ājīvakesu pabbajito hoti. Atha kho so ājīvako yena rājā māgadho seniyo bimbisāro tenupasaṅkami; upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘icchāmahaṃ, mahārāja, sabbapāsaṇḍikabhattaṃ kātu’’nti. ‘‘Sace tvaṃ, bhante, buddhappamukhaṃ bhikkhusaṅghaṃ paṭhamaṃ bhojeyyāsi’’. ‘‘Evaṃ kareyyāmī’’ti. Atha kho so ājīvako bhikkhūnaṃ santike dūtaṃ pāhesi – ‘‘adhivāsentu me bhikkhū svātanāya bhatta’’nti. Bhikkhū kukkuccāyantā nādhivāsenti – ‘‘paṭikkhittaṃ bhagavatā gaṇabhojana’’nti. Atha kho so ājīvako yena bhagavā tenupasaṅkami; upasaṅkamitvā bhagavatā saddhiṃ sammodi, sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho so ājīvako bhagavantaṃ etadavoca – ‘‘bhavampi gotamo pabbajito, ahampi pabbajito; arahati pabbajito pabbajitassa piṇḍaṃ paṭiggahetuṃ. Adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho so ājīvako bhagavato adhivāsanaṃ viditvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, samaṇabhattasamaye gaṇabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

217. г̇ан̣абхож̇анз , ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо, жийварагаарасамаяо, ад̣̇д̇хаанаг̇аманасамаяо, нааваабхируханасамаяо, махаасамаяо, саман̣абхад̇д̇асамаяо – аяам̣ д̇ад̇т̇а самаяо’’д̇и.

217.Gaṇabhojane, aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo, mahāsamayo, samaṇabhattasamayo – ayaṃ tattha samayo’’ti.

218. г̇ан̣абхож̇анам̣ наама яад̇т̇а жад̇д̇ааро бхигкуу бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇аа бхун̃ж̇анд̇и. зд̇ам̣ г̇ан̣абхож̇анам̣ наама.

218.Gaṇabhojanaṃ nāma yattha cattāro bhikkhū pañcannaṃ bhojanānaṃ aññatarena bhojanena nimantitā bhuñjanti. Etaṃ gaṇabhojanaṃ nāma.

ан̃н̃ад̇ра самаяаад̇и табзд̇ваа самаяам̣.

Aññatra samayāti ṭhapetvā samayaṃ.

г̇илаанасамаяо наама анд̇амасо баад̣̇ааби палид̇аа ¹ хонд̇и. ‘‘г̇илаанасамаяо’’д̇и бхун̃ж̇ид̇аб̣б̣ам̣.

Gilānasamayo nāma antamaso pādāpi phalitā ² honti. ‘‘Gilānasamayo’’ti bhuñjitabbaṃ.

жийварад̣̇аанасамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жамаасаа. ‘‘жийварад̣̇аанасамаяо’’д̇и бхун̃ж̇ид̇аб̣б̣ам̣.

Cīvaradānasamayo nāma anatthate kathine vassānassa pacchimo māso, atthate kathine pañcamāsā. ‘‘Cīvaradānasamayo’’ti bhuñjitabbaṃ.

жийварагаарасамаяо наама жийварз гаяирамаанз. ‘‘жийварагаарасамаяо’’д̇и бхун̃ж̇ид̇аб̣б̣ам̣.

Cīvarakārasamayo nāma cīvare kayiramāne. ‘‘Cīvarakārasamayo’’ti bhuñjitabbaṃ.

ад̣̇д̇хаанаг̇аманасамаяо наама ‘‘ад̣̇д̇хаяож̇анам̣ г̇ажчиссаамий’’д̇и бхун̃ж̇ид̇аб̣б̣ам̣, г̇ажчанд̇зна бхун̃ж̇ид̇аб̣б̣ам̣, г̇ад̇зна бхун̃ж̇ид̇аб̣б̣ам̣.

Addhānagamanasamayo nāma ‘‘addhayojanaṃ gacchissāmī’’ti bhuñjitabbaṃ, gacchantena bhuñjitabbaṃ, gatena bhuñjitabbaṃ.

нааваабхируханасамаяо наама ‘‘наавам̣ абхирухиссаамий’’д̇и бхун̃ж̇ид̇аб̣б̣ам̣, аарул̣хзна бхун̃ж̇ид̇аб̣б̣ам̣, орул̣хзна бхун̃ж̇ид̇аб̣б̣ам̣.

Nāvābhiruhanasamayo nāma ‘‘nāvaṃ abhiruhissāmī’’ti bhuñjitabbaṃ, āruḷhena bhuñjitabbaṃ, oruḷhena bhuñjitabbaṃ.

махаасамаяо наама яад̇т̇а д̣̇вз д̇аяо бхигкуу бин̣д̣ааяа жарид̇ваа яаабзнд̇и, жад̇уд̇т̇з ааг̇ад̇з на яаабзнд̇и. ‘‘махаасамаяо’’д̇и бхун̃ж̇ид̇аб̣б̣ам̣.

Mahāsamayo nāma yattha dve tayo bhikkhū piṇḍāya caritvā yāpenti, catutthe āgate na yāpenti. ‘‘Mahāsamayo’’ti bhuñjitabbaṃ.

саман̣абхад̇д̇асамаяо наама яо гожи бариб̣б̣ааж̇агасамаабанно бхад̇д̇ам̣ гарод̇и. ‘‘саман̣абхад̇д̇асамаяо’’д̇и бхун̃ж̇ид̇аб̣б̣ам̣.

Samaṇabhattasamayo nāma yo koci paribbājakasamāpanno bhattaṃ karoti. ‘‘Samaṇabhattasamayo’’ti bhuñjitabbaṃ.

‘‘ан̃н̃ад̇ра самаяаа бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баажид̇д̇ияасса.

‘‘Aññatra samayā bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.

219. г̇ан̣абхож̇анз г̇ан̣абхож̇анасан̃н̃ий, ан̃н̃ад̇ра самаяаа, бхун̃ж̇ад̇и, аабад̇д̇и баажид̇д̇ияасса. г̇ан̣абхож̇анз взмад̇иго, ан̃н̃ад̇ра самаяаа, бхун̃ж̇ад̇и, аабад̇д̇и баажид̇д̇ияасса. г̇ан̣абхож̇анз наг̇ан̣абхож̇анасан̃н̃ий, ан̃н̃ад̇ра самаяаа, бхун̃ж̇ад̇и, аабад̇д̇и баажид̇д̇ияасса.

219. Gaṇabhojane gaṇabhojanasaññī, aññatra samayā, bhuñjati, āpatti pācittiyassa. Gaṇabhojane vematiko, aññatra samayā, bhuñjati, āpatti pācittiyassa. Gaṇabhojane nagaṇabhojanasaññī, aññatra samayā, bhuñjati, āpatti pācittiyassa.

наг̇ан̣абхож̇анз г̇ан̣абхож̇анасан̃н̃ий , аабад̇д̇и д̣̇уггадасса. наг̇ан̣абхож̇анз взмад̇иго, аабад̇д̇и д̣̇уггадасса. наг̇ан̣абхож̇анз наг̇ан̣абхож̇анасан̃н̃ий, анаабад̇д̇и.

Nagaṇabhojane gaṇabhojanasaññī , āpatti dukkaṭassa. Nagaṇabhojane vematiko, āpatti dukkaṭassa. Nagaṇabhojane nagaṇabhojanasaññī, anāpatti.

220. анаабад̇д̇и самаяз, д̣̇вз д̇аяо згад̇о бхун̃ж̇анд̇и, бин̣д̣ааяа жарид̇ваа згад̇о саннибад̇ид̇ваа бхун̃ж̇анд̇и, нижжабхад̇д̇ам̣, салаагабхад̇д̇ам̣, багкигам̣, убосат̇игам̣, баадибад̣̇игам̣, бан̃жа бхож̇анаани табзд̇ваа саб̣б̣ад̇т̇а анаабад̇д̇и, уммад̇д̇агасса, аад̣̇игаммигассаад̇и.

220. Anāpatti samaye, dve tayo ekato bhuñjanti, piṇḍāya caritvā ekato sannipatitvā bhuñjanti, niccabhattaṃ, salākabhattaṃ, pakkhikaṃ, uposathikaṃ, pāṭipadikaṃ, pañca bhojanāni ṭhapetvā sabbattha anāpatti, ummattakassa, ādikammikassāti.

г̇ан̣абхож̇анасигкаабад̣̇ам̣ нидтид̇ам̣ д̣̇уд̇ияам̣.

Gaṇabhojanasikkhāpadaṃ niṭṭhitaṃ dutiyaṃ.

3. барамбарабхож̇анасигкаабад̣̇ам̣

3. Paramparabhojanasikkhāpadaṃ

221. д̇зна самаязна б̣уд̣̇д̇хо бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна взсаалияам̣ бан̣ийд̇аанам̣ бхад̇д̇аанам̣ бхад̇д̇абадибаади ад̇хидтид̇аа ход̇и. ат̇а ко ан̃н̃ад̇арасса д̣̇алид̣̇д̣̇асса гаммагаарасса ³ зд̇ад̣̇ахоси – ‘‘на ко ид̣̇ам̣ орагам̣ бхависсад̇и яат̇аяимз мануссаа саггажжам̣ бхад̇д̇ам̣ гаронд̇и; яам̣нуунаахамби бхад̇д̇ам̣ гарзяяа’’нд̇и. ат̇а ко со д̣̇алид̣̇д̣̇о гаммагааро язна гирабад̇иго д̇знубасан̇гами; убасан̇гамид̇ваа д̇ам̣ гирабад̇игам̣ зд̇ад̣̇авожа – ‘‘ижчаамахам̣, аяяабуд̇д̇а, б̣уд̣̇д̇хаббамукасса бхигкусан̇гхасса бхад̇д̇ам̣ гаад̇ум̣. д̣̇зхи мз взд̇ана’’нд̇и. соби ко гирабад̇иго сад̣̇д̇хо ход̇и басанно. ат̇а ко со гирабад̇иго д̇асса д̣̇алид̣̇д̣̇асса гаммагаарасса аб̣бхаад̇ирзгам̣ ⁴ взд̇анам̣ ад̣̇ааси. ат̇а ко со д̣̇алид̣̇д̣̇о гаммагааро язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со д̣̇алид̣̇д̣̇о гаммагааро бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ‘‘махаа ко, аавусо, бхигкусан̇гхо. ж̇аанаахий’’д̇и. ‘‘ход̇у ⁵ бханд̇з, махаа бхигкусан̇гхо. б̣ахуу мз б̣ад̣̇араа бадияад̇д̇аа б̣ад̣̇арамиссзна бзяяаа барибууриссанд̇ий’’д̇и. ад̇хиваасзси бхаг̇аваа д̇ун̣хийбхаавзна.

221. Tena samayena buddho bhagavā vesāliyaṃ viharati mahāvane kūṭāgārasālāyaṃ. Tena kho pana samayena vesāliyaṃ paṇītānaṃ bhattānaṃ bhattapaṭipāṭi adhiṭṭhitā hoti. Atha kho aññatarassa daliddassa kammakārassa ⁶ etadahosi – ‘‘na kho idaṃ orakaṃ bhavissati yathayime manussā sakkaccaṃ bhattaṃ karonti; yaṃnūnāhampi bhattaṃ kareyya’’nti. Atha kho so daliddo kammakāro yena kirapatiko tenupasaṅkami; upasaṅkamitvā taṃ kirapatikaṃ etadavoca – ‘‘icchāmahaṃ, ayyaputta, buddhappamukhassa bhikkhusaṅghassa bhattaṃ kātuṃ. Dehi me vetana’’nti. Sopi kho kirapatiko saddho hoti pasanno. Atha kho so kirapatiko tassa daliddassa kammakārassa abbhātirekaṃ ⁷ vetanaṃ adāsi. Atha kho so daliddo kammakāro yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so daliddo kammakāro bhagavantaṃ etadavoca – ‘‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’’ti. ‘‘Mahā kho, āvuso, bhikkhusaṅgho. Jānāhī’’ti. ‘‘Hotu ⁸ bhante, mahā bhikkhusaṅgho. Bahū me badarā paṭiyattā badaramissena peyyā paripūrissantī’’ti. Adhivāsesi bhagavā tuṇhībhāvena.

ат̇а ко со д̣̇алид̣̇д̣̇о гаммагааро бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ассосум̣ ко бхигкуу – ‘‘д̣̇алид̣̇д̣̇зна гира гаммагаарзна сваад̇анааяа б̣уд̣̇д̇хаббамуко бхигкусан̇гхо ниманд̇ид̇о, б̣ад̣̇арамиссзна бзяяаа барибууриссанд̇ий’’д̇и. д̇з гаалассзва бин̣д̣ааяа жарид̇ваа бхун̃ж̇им̣су. ассосум̣ ко мануссаа – ‘‘д̣̇алид̣̇д̣̇зна гира гаммагаарзна б̣уд̣̇д̇хаббамуко бхигкусан̇гхо ниманд̇ид̇о’’д̇и. д̇з д̣̇алид̣̇д̣̇асса гаммагаарасса бахууд̇ам̣ каад̣̇анийяам̣ бхож̇анийяам̣ абхихарим̣су. ат̇а ко со д̣̇алид̣̇д̣̇о гаммагааро д̇ассаа рад̇д̇ияаа ажжаязна бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и.

Atha kho so daliddo kammakāro bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Assosuṃ kho bhikkhū – ‘‘daliddena kira kammakārena svātanāya buddhappamukho bhikkhusaṅgho nimantito, badaramissena peyyā paripūrissantī’’ti. Te kālasseva piṇḍāya caritvā bhuñjiṃsu. Assosuṃ kho manussā – ‘‘daliddena kira kammakārena buddhappamukho bhikkhusaṅgho nimantito’’ti. Te daliddassa kammakārassa pahūtaṃ khādanīyaṃ bhojanīyaṃ abhihariṃsu. Atha kho so daliddo kammakāro tassā rattiyā accayena paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti.

ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇асса д̣̇алид̣̇д̣̇асса гаммагаарасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко со д̣̇алид̣̇д̣̇о гаммагааро бхад̇д̇аг̇г̇з бхигкуу баривисад̇и. бхигкуу звамаахам̣су – ‘‘т̇огам̣, аавусо, д̣̇зхи. т̇огам̣, аавусо, д̣̇зхий’’д̇и. ‘‘маа ко д̇умхз, бханд̇з, ‘аяам̣ д̣̇алид̣̇д̣̇о гаммагааро’д̇и т̇огам̣ т̇огам̣ бадиг̇г̇ан̣хид̇т̇а. бахууд̇ам̣ мз каад̣̇анийяам̣ бхож̇анийяам̣ бадияад̇д̇ам̣.

Atha kho bhagavā pubbaṇhasamayaṃ nivāsetvā pattacīvaramādāya yena tassa daliddassa kammakārassa nivesanaṃ tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho so daliddo kammakāro bhattagge bhikkhū parivisati. Bhikkhū evamāhaṃsu – ‘‘thokaṃ, āvuso, dehi. Thokaṃ, āvuso, dehī’’ti. ‘‘Mā kho tumhe, bhante, ‘ayaṃ daliddo kammakāro’ti thokaṃ thokaṃ paṭiggaṇhittha. Pahūtaṃ me khādanīyaṃ bhojanīyaṃ paṭiyattaṃ.

бадиг̇г̇ан̣хат̇а, бханд̇з, яаавад̣̇ад̇т̇а’’нд̇и. ‘‘на ко маяам̣, аавусо, зд̇ам̣гааран̣аа т̇огам̣ т̇огам̣ бадиг̇г̇ан̣хаама. абижа, маяам̣ гаалассзва бин̣д̣ааяа жарид̇ваа бхун̃ж̇имхаа; д̇зна маяам̣ т̇огам̣ т̇огам̣ бадиг̇г̇ан̣хаамаа’’д̇и.

Paṭiggaṇhatha, bhante, yāvadattha’’nti. ‘‘Na kho mayaṃ, āvuso, etaṃkāraṇā thokaṃ thokaṃ paṭiggaṇhāma. Apica, mayaṃ kālasseva piṇḍāya caritvā bhuñjimhā; tena mayaṃ thokaṃ thokaṃ paṭiggaṇhāmā’’ti.

ат̇а ко со д̣̇алид̣̇д̣̇о гаммагааро уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа маяаа ниманд̇ид̇аа ан̃н̃ад̇ра бхун̃ж̇иссанд̇и! на жаахам̣ бадиб̣ало яаавад̣̇ад̇т̇ам̣ д̣̇аад̇у’’нд̇и? ассосум̣ ко бхигкуу д̇асса д̣̇алид̣̇д̣̇асса гаммагаарасса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу ан̃н̃ад̇ра ниманд̇ид̇аа ан̃н̃ад̇ра бхун̃ж̇иссанд̇ий’’д̇и…бз… сажжам̣ гира, бхигкавз, бхигкуу ан̃н̃ад̇ра ниманд̇ид̇аа ан̃н̃ад̇ра бхун̃ж̇анд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа ан̃н̃ад̇ра ниманд̇ид̇аа ан̃н̃ад̇ра бхун̃ж̇иссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

Atha kho so daliddo kammakāro ujjhāyati khiyyati vipāceti – ‘‘kathañhi nāma bhadantā mayā nimantitā aññatra bhuñjissanti! Na cāhaṃ paṭibalo yāvadatthaṃ dātu’’nti? Assosuṃ kho bhikkhū tassa daliddassa kammakārassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū aññatra nimantitā aññatra bhuñjissantī’’ti…pe… saccaṃ kira, bhikkhave, bhikkhū aññatra nimantitā aññatra bhuñjantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā aññatra nimantitā aññatra bhuñjissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘барамбарабхож̇анз баажид̇д̇ияа’’нд̇и.

‘‘Paramparabhojanepācittiya’’nti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

222. д̇зна ко бана самаязна ан̃н̃ад̇аро бхигку г̇илаано ход̇и. ан̃н̃ад̇аро бхигку бин̣д̣абаад̇ам̣ аад̣̇ааяа язна со бхигку д̇знубасан̇гами; убасан̇гамид̇ваа д̇ам̣ бхигкум̣ зд̇ад̣̇авожа – ‘‘бхун̃ж̇аахи, аавусо’’д̇и. ‘‘алам̣, аавусо, ад̇т̇и мз бхад̇д̇абажжаасаа’’д̇и. д̇асса бхигкуно бин̣д̣абаад̇о уссуурз ⁹ аахарийяид̇т̇а. со бхигку на жид̇д̇аруубам̣ бхун̃ж̇и. бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанзна бхигкунаа барамбарабхож̇анам̣ бхун̃ж̇ид̇ум̣. зван̃жа бана , бхигкавз, имам̣ сигкаабад̣̇ам̣ уд̣̇д̣̇исзяяаат̇а –

222. Tena kho pana samayena aññataro bhikkhu gilāno hoti. Aññataro bhikkhu piṇḍapātaṃ ādāya yena so bhikkhu tenupasaṅkami; upasaṅkamitvā taṃ bhikkhuṃ etadavoca – ‘‘bhuñjāhi, āvuso’’ti. ‘‘Alaṃ, āvuso, atthi me bhattapaccāsā’’ti. Tassa bhikkhuno piṇḍapāto ussūre ¹⁰ āharīyittha. So bhikkhu na cittarūpaṃ bhuñji. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānena bhikkhunā paramparabhojanaṃ bhuñjituṃ. Evañca pana , bhikkhave, imaṃ sikkhāpadaṃ uddiseyyātha –

‘‘барамбарабхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо – аяам̣ д̇ад̇т̇а самаяо’’д̇и.

‘‘Paramparabhojane,aññatra samayā, pācittiyaṃ. Tatthāyaṃ samayo. Gilānasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

223. д̇зна ко бана самаязна мануссаа жийварад̣̇аанасамаяз сажийварабхад̇д̇ам̣ бадияаад̣̇зд̇ваа ¹¹ бхигкуу ниманд̇знд̇и – ‘‘бхож̇зд̇ваа жийварзна ажчаад̣̇зссаамаа’’д̇и. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа барамбарабхож̇ана’’нд̇и. жийварам̣ барид̇д̇ам̣ уббаж̇ж̇ад̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, жийварад̣̇аанасамаяз барамбарабхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

223. Tena kho pana samayena manussā cīvaradānasamaye sacīvarabhattaṃ paṭiyādetvā ¹² bhikkhū nimantenti – ‘‘bhojetvā cīvarena acchādessāmā’’ti. Bhikkhū kukkuccāyantā nādhivāsenti – ‘‘paṭikkhittaṃ bhagavatā paramparabhojana’’nti. Cīvaraṃ parittaṃ uppajjati. Bhagavato etamatthaṃ ārocesuṃ…pe… anujānāmi, bhikkhave, cīvaradānasamaye paramparabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

‘‘барамбарабхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо – аяам̣ д̇ад̇т̇а самаяо’’д̇и.

‘‘Paramparabhojane, aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

224. д̇зна ко бана самаязна мануссаа жийварагаарагз бхигкуу бхад̇д̇зна ниманд̇знд̇и. бхигкуу гуггужжааяанд̇аа наад̇хиваасзнд̇и – ‘‘бадигкид̇д̇ам̣ бхаг̇авад̇аа барамбарабхож̇ана’’нд̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, жийварагаарасамаяз барамбарабхож̇анам̣ бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

224. Tena kho pana samayena manussā cīvarakārake bhikkhū bhattena nimantenti. Bhikkhū kukkuccāyantā nādhivāsenti – ‘‘paṭikkhittaṃ bhagavatā paramparabhojana’’nti. Bhagavato etamatthaṃ ārocesuṃ…pe… anujānāmi, bhikkhave, cīvarakārasamaye paramparabhojanaṃ bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

225. ‘‘барамбарабхож̇анз, ан̃н̃ад̇ра самаяаа, баажид̇д̇ияам̣. д̇ад̇т̇ааяам̣ самаяо. г̇илаанасамаяо, жийварад̣̇аанасамаяо, жийварагаарасамаяо – аяам̣ д̇ад̇т̇а самаяо’’д̇и.

225.‘‘Paramparabhojane, aññatra samayā, pācittiyaṃ. Tatthāyaṃ samayo. Gilānasamayo, cīvaradānasamayo, cīvarakārasamayo – ayaṃ tattha samayo’’ti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

226. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ааяасмад̇аа аананд̣̇зна бажчаасаман̣зна язна ан̃н̃ад̇арам̣ гулам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко д̇з мануссаа бхаг̇авад̇о жа ааяасмад̇о жа аананд̣̇асса бхож̇анам̣ ад̣̇ам̣су. ааяасмаа аананд̣̇о гуггужжааяанд̇о на бадиг̇г̇ан̣хаад̇и. ‘‘г̇ан̣хаахи ¹³, аананд̣̇аа’’д̇и. ‘‘алам̣, бхаг̇аваа , ад̇т̇и мз бхад̇д̇абажжаасаа’’д̇и. ‘‘д̇знахаананд̣̇а, вигаббзд̇ваа г̇ан̣хаахий’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, вигаббзд̇ваа ¹⁴ барамбарабхож̇анам̣ бхун̃ж̇ид̇ум̣. зван̃жа бана, бхигкавз, вигаббзд̇аб̣б̣ам̣ – ‘маяхам̣ бхад̇д̇абажжаасам̣ ид̇т̇аннаамасса д̣̇аммий’’’д̇и.

226. Atha kho bhagavā pubbaṇhasamayaṃ nivāsetvā pattacīvaramādāya āyasmatā ānandena pacchāsamaṇena yena aññataraṃ kulaṃ tenupasaṅkami; upasaṅkamitvā paññatte āsane nisīdi. Atha kho te manussā bhagavato ca āyasmato ca ānandassa bhojanaṃ adaṃsu. Āyasmā ānando kukkuccāyanto na paṭiggaṇhāti. ‘‘Gaṇhāhi ¹⁵, ānandā’’ti. ‘‘Alaṃ, bhagavā , atthi me bhattapaccāsā’’ti. ‘‘Tenahānanda, vikappetvā gaṇhāhī’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, vikappetvā ¹⁶ paramparabhojanaṃ bhuñjituṃ. Evañca pana, bhikkhave, vikappetabbaṃ – ‘mayhaṃ bhattapaccāsaṃ itthannāmassa dammī’’’ti.

227. барамбарабхож̇анам̣ наама бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇о, д̇ам̣ табзд̇ваа ан̃н̃ам̣ бан̃жаннам̣ бхож̇анаанам̣ ан̃н̃ад̇арам̣ бхож̇анам̣ бхун̃ж̇ад̇и, зд̇ам̣ барамбарабхож̇анам̣ наама.

227.Paramparabhojanaṃ nāma pañcannaṃ bhojanānaṃ aññatarena bhojanena nimantito, taṃ ṭhapetvā aññaṃ pañcannaṃ bhojanānaṃ aññataraṃ bhojanaṃ bhuñjati, etaṃ paramparabhojanaṃ nāma.

ан̃н̃ад̇ра самаяаад̇и табзд̇ваа самаяам̣.

Aññatra samayāti ṭhapetvā samayaṃ.

г̇илаанасамаяо наама на саггод̇и згаасанз нисинно яаавад̣̇ад̇т̇ам̣ бхун̃ж̇ид̇ум̣. ‘‘г̇илаанасамаяо’’д̇и бхун̃ж̇ид̇аб̣б̣ам̣.

Gilānasamayo nāma na sakkoti ekāsane nisinno yāvadatthaṃ bhuñjituṃ. ‘‘Gilānasamayo’’ti bhuñjitabbaṃ.

жийварад̣̇аанасамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жа маасаа. ‘‘жийварад̣̇аанасамаяо’’д̇и бхун̃ж̇ид̇аб̣б̣ам̣.

Cīvaradānasamayo nāma anatthate kathine vassānassa pacchimo māso, atthate kathine pañca māsā. ‘‘Cīvaradānasamayo’’ti bhuñjitabbaṃ.

жийварагаарасамаяо наама жийварз гаяирамаанз. ‘‘жийварагаарасамаяо’’д̇и бхун̃ж̇ид̇аб̣б̣ам̣.

Cīvarakārasamayo nāma cīvare kayiramāne. ‘‘Cīvarakārasamayo’’ti bhuñjitabbaṃ.

‘‘Aññatra samayā bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.

228. барамбарабхож̇анз барамбарабхож̇анасан̃н̃ий, ан̃н̃ад̇ра самаяаа, бхун̃ж̇ад̇и, аабад̇д̇и баажид̇д̇ияасса. барамбарабхож̇анз взмад̇иго, ан̃н̃ад̇ра самаяаа, бхун̃ж̇ад̇и, аабад̇д̇и баажид̇д̇ияасса. барамбарабхож̇анз набарамбарабхож̇анасан̃н̃ий, ан̃н̃ад̇ра самаяаа, бхун̃ж̇ад̇и, аабад̇д̇и баажид̇д̇ияасса.

228. Paramparabhojane paramparabhojanasaññī, aññatra samayā, bhuñjati, āpatti pācittiyassa. Paramparabhojane vematiko, aññatra samayā, bhuñjati, āpatti pācittiyassa. Paramparabhojane naparamparabhojanasaññī, aññatra samayā, bhuñjati, āpatti pācittiyassa.

набарамбарабхож̇анз барамбарабхож̇анасан̃н̃ий, аабад̇д̇и д̣̇уггадасса. набарамбарабхож̇анз взмад̇иго, аабад̇д̇и д̣̇уггадасса. набарамбарабхож̇анз набарамбарабхож̇анасан̃н̃ий, анаабад̇д̇и.

Naparamparabhojane paramparabhojanasaññī, āpatti dukkaṭassa. Naparamparabhojane vematiko, āpatti dukkaṭassa. Naparamparabhojane naparamparabhojanasaññī, anāpatti.

229. анаабад̇д̇и самаяз, вигаббзд̇ваа бхун̃ж̇ад̇и, д̣̇вз д̇аяо ниманд̇анз згад̇о бхун̃ж̇ад̇и, ниманд̇анабадибаадияаа бхун̃ж̇ад̇и, сагалзна г̇аамзна ниманд̇ид̇о д̇асмим̣ г̇аамз яад̇т̇а гад̇т̇ажи бхун̃ж̇ад̇и , сагалзна бууг̇зна ниманд̇ид̇о д̇асмим̣ бууг̇з яад̇т̇а гад̇т̇ажи бхун̃ж̇ад̇и, ниманд̇ияамаано бхигкам̣ г̇ахзссаамийд̇и бхан̣ад̇и, нижжабхад̇д̇з, салаагабхад̇д̇з, багкигз, убосат̇игз, баадибад̣̇игз, бан̃жа бхож̇анаани табзд̇ваа саб̣б̣ад̇т̇а анаабад̇д̇и, уммад̇д̇агасса, аад̣̇игаммигассаад̇и.

229. Anāpatti samaye, vikappetvā bhuñjati, dve tayo nimantane ekato bhuñjati, nimantanapaṭipāṭiyā bhuñjati, sakalena gāmena nimantito tasmiṃ gāme yattha katthaci bhuñjati , sakalena pūgena nimantito tasmiṃ pūge yattha katthaci bhuñjati, nimantiyamāno bhikkhaṃ gahessāmīti bhaṇati, niccabhatte, salākabhatte, pakkhike, uposathike, pāṭipadike, pañca bhojanāni ṭhapetvā sabbattha anāpatti, ummattakassa, ādikammikassāti.

барамбарабхож̇анасигкаабад̣̇ам̣ нидтид̇ам̣ д̇ад̇ияам̣.

Paramparabhojanasikkhāpadaṃ niṭṭhitaṃ tatiyaṃ.

4. гаан̣амаад̇усигкаабад̣̇ам̣

4. Kāṇamātusikkhāpadaṃ

230. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна гаан̣амаад̇аа убаасигаа сад̣̇д̇хаа ход̇и басаннаа. гаан̣аа г̇аамагз ан̃н̃ад̇арасса бурисасса д̣̇иннаа ход̇и. ат̇а ко гаан̣аа маад̇угхарам̣ аг̇амааси гзнажид̣̇зва гаран̣ийязна. ат̇а ко гаан̣ааяа саамиго гаан̣ааяа санд̇игз д̣̇ууд̇ам̣ баахзси – ‘‘ааг̇ажчад̇у гаан̣аа, ижчаами гаан̣ааяа ааг̇ад̇а’’нд̇и. ат̇а ко гаан̣амаад̇аа убаасигаа ‘‘гисмим̣ вияа рид̇д̇ахад̇т̇ам̣ г̇анд̇у’’нд̇и буувам̣ ¹⁷ бажи. баггз буувз ан̃н̃ад̇аро бин̣д̣ажаариго бхигку гаан̣амаад̇ааяа убаасигааяа нивзсанам̣ баависи. ат̇а ко гаан̣амаад̇аа убаасигаа д̇асса бхигкуно буувам̣ д̣̇аабзси. со нигкамид̇ваа ан̃н̃асса аажигки. д̇ассаби буувам̣ д̣̇аабзси. соби нигкамид̇ваа ан̃н̃асса аажигки. д̇ассаби буувам̣ д̣̇аабзси. яат̇аабадияад̇д̇ам̣ буувам̣ баригкаяам̣ аг̇амааси. д̣̇уд̇ияамби ко гаан̣ааяа саамиго гаан̣ааяа санд̇игз д̣̇ууд̇ам̣ баахзси – ‘‘ааг̇ажчад̇у гаан̣аа, ижчаами гаан̣ааяа ааг̇ад̇а’’нд̇и. д̣̇уд̇ияамби ко гаан̣амаад̇аа убаасигаа ‘‘гисмим̣ вияа рид̇д̇ахад̇д̇ам̣ г̇анд̇у’’нд̇и буувам̣ бажи. баггз буувз ан̃н̃ад̇аро бин̣д̣ажаариго бхигку гаан̣амаад̇ааяа убаасигааяа нивзсанам̣ баависи. ат̇а ко гаан̣амаад̇аа убаасигаа д̇асса бхигкуно буувам̣ д̣̇аабзси. со нигкамид̇ваа ан̃н̃асса аажигки. д̇ассаби буувам̣ д̣̇аабзси. соби нигкамид̇ваа ан̃н̃асса аажигки. д̇ассаби буувам̣ д̣̇аабзси. яат̇аабадияад̇д̇ам̣ буувам̣ баригкаяам̣ аг̇амааси. д̇ад̇ияамби ко гаан̣ааяа саамиго гаан̣ааяа санд̇игз д̣̇ууд̇ам̣ баахзси – ‘‘ааг̇ажчад̇у гаан̣аа, ижчаами гаан̣ааяа ааг̇ад̇ам̣. сажз гаан̣аа нааг̇ажчиссад̇и, ахам̣ ан̃н̃ам̣ баж̇аабад̇им̣ аанзссаамий’’д̇и. д̇ад̇ияамби ко гаан̣амаад̇аа убаасигаа гисмим̣ вияа рид̇д̇ахад̇т̇ам̣ г̇анд̇унд̇и буувам̣ бажи. баггз буувз ан̃н̃ад̇аро бин̣д̣ажаариго бхигку гаан̣амаад̇ааяа убаасигааяа нивзсанам̣ баависи. ат̇а ко гаан̣амаад̇аа убаасигаа д̇асса бхигкуно буувам̣ д̣̇аабзси. со нигкамид̇ваа ан̃н̃асса аажигки. д̇ассаби буувам̣ д̣̇аабзси. соби нигкамид̇ваа ан̃н̃асса аажигки. д̇ассаби буувам̣ д̣̇аабзси. яат̇аабадияад̇д̇ам̣ буувам̣ баригкаяам̣ аг̇амааси. ат̇а ко гаан̣ааяа саамиго ан̃н̃ам̣ баж̇аабад̇им̣ аанзси.

230. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena kāṇamātā upāsikā saddhā hoti pasannā. Kāṇā gāmake aññatarassa purisassa dinnā hoti. Atha kho kāṇā mātugharaṃ agamāsi kenacideva karaṇīyena. Atha kho kāṇāya sāmiko kāṇāya santike dūtaṃ pāhesi – ‘‘āgacchatu kāṇā, icchāmi kāṇāya āgata’’nti. Atha kho kāṇamātā upāsikā ‘‘kismiṃ viya rittahatthaṃ gantu’’nti pūvaṃ ¹⁸ paci. Pakke pūve aññataro piṇḍacāriko bhikkhu kāṇamātāya upāsikāya nivesanaṃ pāvisi. Atha kho kāṇamātā upāsikā tassa bhikkhuno pūvaṃ dāpesi. So nikkhamitvā aññassa ācikkhi. Tassapi pūvaṃ dāpesi. Sopi nikkhamitvā aññassa ācikkhi. Tassapi pūvaṃ dāpesi. Yathāpaṭiyattaṃ pūvaṃ parikkhayaṃ agamāsi. Dutiyampi kho kāṇāya sāmiko kāṇāya santike dūtaṃ pāhesi – ‘‘āgacchatu kāṇā, icchāmi kāṇāya āgata’’nti. Dutiyampi kho kāṇamātā upāsikā ‘‘kismiṃ viya rittahattaṃ gantu’’nti pūvaṃ paci. Pakke pūve aññataro piṇḍacāriko bhikkhu kāṇamātāya upāsikāya nivesanaṃ pāvisi. Atha kho kāṇamātā upāsikā tassa bhikkhuno pūvaṃ dāpesi. So nikkhamitvā aññassa ācikkhi. Tassapi pūvaṃ dāpesi. Sopi nikkhamitvā aññassa ācikkhi. Tassapi pūvaṃ dāpesi. Yathāpaṭiyattaṃ pūvaṃ parikkhayaṃ agamāsi. Tatiyampi kho kāṇāya sāmiko kāṇāya santike dūtaṃ pāhesi – ‘‘āgacchatu kāṇā, icchāmi kāṇāya āgataṃ. Sace kāṇā nāgacchissati, ahaṃ aññaṃ pajāpatiṃ ānessāmī’’ti. Tatiyampi kho kāṇamātā upāsikā kismiṃ viya rittahatthaṃ gantunti pūvaṃ paci. Pakke pūve aññataro piṇḍacāriko bhikkhu kāṇamātāya upāsikāya nivesanaṃ pāvisi. Atha kho kāṇamātā upāsikā tassa bhikkhuno pūvaṃ dāpesi. So nikkhamitvā aññassa ācikkhi. Tassapi pūvaṃ dāpesi. Sopi nikkhamitvā aññassa ācikkhi. Tassapi pūvaṃ dāpesi. Yathāpaṭiyattaṃ pūvaṃ parikkhayaṃ agamāsi. Atha kho kāṇāya sāmiko aññaṃ pajāpatiṃ ānesi.

ассоси ко гаан̣аа – ‘‘д̇зна гира бурисзна ан̃н̃аа баж̇аабад̇и аанийд̇аа’’д̇и. саа род̣̇анд̇ий адтааси. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гаан̣амаад̇ааяа убаасигааяа нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко гаан̣амаад̇аа убаасигаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко гаан̣амаад̇арам̣ убаасигам̣ бхаг̇аваа зд̇ад̣̇авожа – ‘‘гиссааяам̣ гаан̣аа род̣̇ад̇ий’’д̇и? ат̇а ко гаан̣амаад̇аа убаасигаа бхаг̇авад̇о зд̇амад̇т̇ам̣ аарожзси. ат̇а ко бхаг̇аваа гаан̣амаад̇арам̣ убаасигам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами.

Assosi kho kāṇā – ‘‘tena kira purisena aññā pajāpati ānītā’’ti. Sā rodantī aṭṭhāsi. Atha kho bhagavā pubbaṇhasamayaṃ nivāsetvā pattacīvaramādāya yena kāṇamātāya upāsikāya nivesanaṃ tenupasaṅkami; upasaṅkamitvā paññatte āsane nisīdi. Atha kho kāṇamātā upāsikā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho kāṇamātaraṃ upāsikaṃ bhagavā etadavoca – ‘‘kissāyaṃ kāṇā rodatī’’ti? Atha kho kāṇamātā upāsikā bhagavato etamatthaṃ ārocesi. Atha kho bhagavā kāṇamātaraṃ upāsikaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi.

231. д̇зна ко бана самаязна ан̃н̃ад̇аро сад̇т̇о рааж̇аг̇ахаа бадияаалогам̣ г̇анд̇угаамо ход̇и. ан̃н̃ад̇аро бин̣д̣ажаариго бхигку д̇ам̣ сад̇т̇ам̣ бин̣д̣ааяа баависи. ан̃н̃ад̇аро убаасаго д̇асса бхигкуно сад̇д̇ум̣ д̣̇аабзси. со нигкамид̇ваа ан̃н̃асса аажигки. д̇ассаби сад̇д̇ум̣ д̣̇аабзси. со нигкамид̇ваа ан̃н̃асса аажигки. д̇ассаби сад̇д̇ум̣ д̣̇аабзси. яат̇аабадияад̇д̇ам̣ баат̇зяяам̣ баригкаяам̣ аг̇амааси . ат̇а ко со убаасаго д̇з мануссз зд̇ад̣̇авожа – ‘‘аж̇ж̇ан̣хо, аяяаа, ааг̇амзт̇а, яат̇аабадияад̇д̇ам̣ баат̇зяяам̣ аяяаанам̣ д̣̇иннам̣. баат̇зяяам̣ бадияаад̣̇зссаамий’’д̇и. ‘‘нааяяо ¹⁹ саггаа ааг̇амзд̇ум̣, баяаад̇о сад̇т̇о’’д̇и аг̇амам̣су. ат̇а ко д̇асса убаасагасса баат̇зяяам̣ бадияаад̣̇зд̇ваа бажчаа г̇ажчанд̇асса жораа ажчинд̣̇им̣су. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа на мад̇д̇ам̣ ж̇аанид̇ваа бадиг̇г̇ахзссанд̇и! аяам̣ имзсам̣ д̣̇ад̇ваа бажчаа г̇ажчанд̇о жорзхи ажчинно’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, бхигкуунам̣ сигкаабад̣̇ам̣ бан̃н̃абзссаами д̣̇аса ад̇т̇авасз бадижжа – сан̇гхасудтуд̇ааяа, сан̇гхапаасуд̇ааяа…бз… винаяаануг̇г̇ахааяа. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

231. Tena kho pana samayena aññataro sattho rājagahā paṭiyālokaṃ gantukāmo hoti. Aññataro piṇḍacāriko bhikkhu taṃ satthaṃ piṇḍāya pāvisi. Aññataro upāsako tassa bhikkhuno sattuṃ dāpesi. So nikkhamitvā aññassa ācikkhi. Tassapi sattuṃ dāpesi. So nikkhamitvā aññassa ācikkhi. Tassapi sattuṃ dāpesi. Yathāpaṭiyattaṃ pātheyyaṃ parikkhayaṃ agamāsi . Atha kho so upāsako te manusse etadavoca – ‘‘ajjaṇho, ayyā, āgametha, yathāpaṭiyattaṃ pātheyyaṃ ayyānaṃ dinnaṃ. Pātheyyaṃ paṭiyādessāmī’’ti. ‘‘Nāyyo ²⁰ sakkā āgametuṃ, payāto sattho’’ti agamaṃsu. Atha kho tassa upāsakassa pātheyyaṃ paṭiyādetvā pacchā gacchantassa corā acchindiṃsu. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā na mattaṃ jānitvā paṭiggahessanti! Ayaṃ imesaṃ datvā pacchā gacchanto corehi acchinno’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhūnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya, saṅghaphāsutāya…pe… vinayānuggahāya. Evañca pana, bhikkhave, imaṃ sikkhāpadaṃ uddiseyyātha –

232. ‘‘бхигкум̣ банзва гулам̣ убаг̇ад̇ам̣ буувзхи ваа мант̇зхи ваа абхихадтум̣ баваарзяяа, ааган̇камаанзна бхигкунаа д̣̇вад̇д̇ибад̇д̇абуураа бадиг̇г̇ахзд̇аб̣б̣аа д̇ад̇о жз уд̇д̇ари бадиг̇г̇ан̣хзяяа баажид̇д̇ияам̣. д̣̇вад̇д̇ибад̇д̇абуурз бадиг̇г̇ахзд̇ваа д̇ад̇о нийхарид̇ваа бхигкуухи сад̣̇д̇хим̣ сам̣вибхаж̇ид̇аб̣б̣ам̣. аяам̣ д̇ад̇т̇а саамийжий’’д̇и.

232.‘‘Bhikkhuṃ paneva kulaṃ upagataṃ pūvehi vā manthehi vā abhihaṭṭhuṃ pavāreyya, ākaṅkhamānena bhikkhunā dvattipattapūrā paṭiggahetabbā tato ce uttari paṭiggaṇheyya pācittiyaṃ. Dvattipattapūre paṭiggahetvā tato nīharitvā bhikkhūhi saddhiṃ saṃvibhajitabbaṃ. Ayaṃ tattha sāmīcī’’ti.

233. бхигкум̣ банзва гулам̣ убаг̇ад̇анд̇и гулам̣ наама жад̇д̇аари гулаани – кад̇д̇ияагулам̣, б̣раахман̣агулам̣, взссагулам̣, суд̣̇д̣̇агулам̣.

233.Bhikkhuṃ paneva kulaṃ upagatanti kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ, suddakulaṃ.

убаг̇ад̇анд̇и д̇ад̇т̇а г̇ад̇ам̣.

Upagatanti tattha gataṃ.

буувам̣ наама яам̣гин̃жи бахзн̣агад̇т̇ааяа бадияад̇д̇ам̣.

Pūvaṃ nāma yaṃkiñci paheṇakatthāya paṭiyattaṃ.

мант̇ам̣ наама яам̣гин̃жи баат̇зяяад̇т̇ааяа бадияад̇д̇ам̣.

Manthaṃ nāma yaṃkiñci pātheyyatthāya paṭiyattaṃ.

абхихадтум̣ баваарзяяаад̇и яаавад̇агам̣ ижчаси д̇аавад̇агам̣ г̇ан̣хаахийд̇и.

Abhihaṭṭhuṃ pavāreyyāti yāvatakaṃ icchasi tāvatakaṃ gaṇhāhīti.

ааган̇камаанзнаад̇и ижчамаанзна.

Ākaṅkhamānenāti icchamānena.

д̣̇вад̇д̇ибад̇д̇абуураа бадиг̇г̇ахзд̇аб̣б̣аад̇и д̣̇взд̇аяо бад̇д̇абуураа бадиг̇г̇ахзд̇аб̣б̣аа.

Dvattipattapūrā paṭiggahetabbāti dvetayo pattapūrā paṭiggahetabbā.

д̇ад̇о жз уд̇д̇ари бадиг̇ан̣хзяяаад̇и д̇ад̇уд̇д̇ари бадиг̇г̇ан̣хаад̇и, аабад̇д̇и баажид̇д̇ияасса.

Tatoce uttari paṭigaṇheyyāti tatuttari paṭiggaṇhāti, āpatti pācittiyassa.

д̣̇вад̇д̇ибад̇д̇абуурз бадиг̇г̇ахзд̇ваа д̇ад̇о нигкаманд̇зна бхигкум̣ бассид̇ваа аажигкид̇аб̣б̣ам̣ – ‘‘амуд̇ра маяаа д̣̇вад̇д̇ибад̇д̇абуураа бадиг̇г̇ахид̇аа, маа ко д̇ад̇т̇а бадиг̇г̇ан̣хий’’д̇и. сажз бассид̇ваа на аажигкад̇и, аабад̇д̇и д̣̇уггадасса. сажз аажигкид̇з бадиг̇г̇ан̣хаад̇и, аабад̇д̇и д̣̇уггадасса.

Dvattipattapūre paṭiggahetvā tato nikkhamantena bhikkhuṃ passitvā ācikkhitabbaṃ – ‘‘amutra mayā dvattipattapūrā paṭiggahitā, mā kho tattha paṭiggaṇhī’’ti. Sace passitvā na ācikkhati, āpatti dukkaṭassa. Sace ācikkhite paṭiggaṇhāti, āpatti dukkaṭassa.

д̇ад̇о нийхарид̇ваа бхигкуухи сад̣̇д̇хим̣ сам̣вибхаж̇ид̇аб̣б̣анд̇и бадиггаманам̣ нийхарид̇ваа сам̣вибхаж̇ид̇аб̣б̣ам̣.

Tatonīharitvā bhikkhūhi saddhiṃ saṃvibhajitabbanti paṭikkamanaṃ nīharitvā saṃvibhajitabbaṃ.

аяам̣ д̇ад̇т̇а саамийжийд̇и аяам̣ д̇ад̇т̇а ануд̇хаммад̇аа.

Ayaṃ tattha sāmīcīti ayaṃ tattha anudhammatā.

234. ад̇ирзгад̣̇вад̇д̇ибад̇д̇абуурз ад̇ирзгасан̃н̃ий бадиг̇г̇ан̣хаад̇и, аабад̇д̇и баажид̇д̇ияасса. ад̇ирзгад̣̇вад̇д̇ибад̇д̇абуурз взмад̇иго бадиг̇г̇ан̣хаад̇и, аабад̇д̇и баажид̇д̇ияасса. ад̇ирзгад̣̇вад̇д̇ибад̇д̇абуурз уунагасан̃н̃ий бадиг̇г̇ан̣хаад̇и, аабад̇д̇и баажид̇д̇ияасса.

234. Atirekadvattipattapūre atirekasaññī paṭiggaṇhāti, āpatti pācittiyassa. Atirekadvattipattapūre vematiko paṭiggaṇhāti, āpatti pācittiyassa. Atirekadvattipattapūre ūnakasaññī paṭiggaṇhāti, āpatti pācittiyassa.

уунагад̣̇вад̇д̇ибад̇д̇абуурз ад̇ирзгасан̃н̃ий, аабад̇д̇и д̣̇уггадасса. уунагад̣̇вад̇д̇ибад̇д̇абуурз взмад̇иго, аабад̇д̇и д̣̇уггадасса. уунагад̣̇вад̇д̇ибад̇д̇абуурз уунагасан̃н̃ий, анаабад̇д̇и.

Ūnakadvattipattapūre atirekasaññī, āpatti dukkaṭassa. Ūnakadvattipattapūre vematiko, āpatti dukkaṭassa. Ūnakadvattipattapūre ūnakasaññī, anāpatti.

235. анаабад̇д̇и д̣̇вад̇д̇ибад̇д̇абуурз бадиг̇г̇ан̣хаад̇и, уунагад̣̇вад̇д̇ибад̇д̇абуурз бадиг̇г̇ан̣хаад̇и, на бахзн̣агад̇т̇ааяа на баат̇зяяад̇т̇ааяа бадияад̇д̇ам̣ д̣̇знд̇и, бахзн̣агад̇т̇ааяа ваа баат̇зяяад̇т̇ааяа ваа бадияад̇д̇асзсагам̣ д̣̇знд̇и, г̇аманз бадиббассад̣̇д̇хз д̣̇знд̇и, н̃аад̇агаанам̣ баваарид̇аанам̣, ан̃н̃ассад̇т̇ааяа, ад̇д̇ано д̇ханзна, уммад̇д̇агасса, аад̣̇игаммигассаад̇и.

235. Anāpatti dvattipattapūre paṭiggaṇhāti, ūnakadvattipattapūre paṭiggaṇhāti, na paheṇakatthāya na pātheyyatthāya paṭiyattaṃ denti, paheṇakatthāya vā pātheyyatthāya vā paṭiyattasesakaṃ denti, gamane paṭippassaddhe denti, ñātakānaṃ pavāritānaṃ, aññassatthāya, attano dhanena, ummattakassa, ādikammikassāti.

гаан̣амаад̇усигкаабад̣̇ам̣ нидтид̇ам̣ жад̇уд̇т̇ам̣.

Kāṇamātusikkhāpadaṃ niṭṭhitaṃ catutthaṃ.

5. батамабавааран̣аасигкаабад̣̇ам̣

5. Paṭhamapavāraṇāsikkhāpadaṃ

236. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро б̣раахман̣о бхигкуу ниманд̇зд̇ваа бхож̇зси. бхигкуу бхуд̇д̇аавий баваарид̇аа н̃аад̇игулаани г̇анд̇ваа згажжз бхун̃ж̇им̣су згажжз бин̣д̣абаад̇ам̣ аад̣̇ааяа аг̇амам̣су. ат̇а ко со б̣раахман̣о бадивиссагз ²¹ зд̇ад̣̇авожа – ‘‘бхигкуу маяаа аяяаа санд̇аббид̇аа. зт̇а, д̇умхзби санд̇аббзссаамий’’д̇и. д̇з звамаахам̣су – ‘‘гим̣ д̇вам̣, аяяо ²², амхз санд̇аббзссаси? язби д̇аяаа ниманд̇ид̇аа д̇зби амхаагам̣ гхараани ааг̇анд̇ваа згажжз бхун̃ж̇им̣су згажжз бин̣д̣абаад̇ам̣ аад̣̇ааяа аг̇амам̣суу’’д̇и!

236. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro brāhmaṇo bhikkhū nimantetvā bhojesi. Bhikkhū bhuttāvī pavāritā ñātikulāni gantvā ekacce bhuñjiṃsu ekacce piṇḍapātaṃ ādāya agamaṃsu. Atha kho so brāhmaṇo paṭivissake ²³ etadavoca – ‘‘bhikkhū mayā ayyā santappitā. Etha, tumhepi santappessāmī’’ti. Te evamāhaṃsu – ‘‘kiṃ tvaṃ, ayyo ²⁴, amhe santappessasi? Yepi tayā nimantitā tepi amhākaṃ gharāni āgantvā ekacce bhuñjiṃsu ekacce piṇḍapātaṃ ādāya agamaṃsū’’ti!

ат̇а ко со б̣раахман̣о уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа амхаагам̣ гхарз бхун̃ж̇ид̇ваа ан̃н̃ад̇ра бхун̃ж̇иссанд̇и! на жаахам̣ бадиб̣ало яаавад̣̇ад̇т̇ам̣ д̣̇аад̇у’’нд̇и! ассосум̣ ко бхигкуу д̇асса б̣раахман̣асса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу бхуд̇д̇аавий баваарид̇аа ан̃н̃ад̇ра бхун̃ж̇иссанд̇ий’’д̇и…бз… сажжам̣ гира, бхигкавз, бхигкуу бхуд̇д̇аавий баваарид̇аа ан̃н̃ад̇ра бхун̃ж̇анд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇з, бхигкавз, могхабурисаа бхуд̇д̇аавий баваарид̇аа ан̃н̃ад̇ра бхун̃ж̇иссанд̇и ! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

Atha kho so brāhmaṇo ujjhāyati khiyyati vipāceti – ‘‘kathañhi nāma bhadantā amhākaṃ ghare bhuñjitvā aññatra bhuñjissanti! Na cāhaṃ paṭibalo yāvadatthaṃ dātu’’nti! Assosuṃ kho bhikkhū tassa brāhmaṇassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū bhuttāvī pavāritā aññatra bhuñjissantī’’ti…pe… saccaṃ kira, bhikkhave, bhikkhū bhuttāvī pavāritā aññatra bhuñjantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā bhuttāvī pavāritā aññatra bhuñjissanti ! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘яо бана бхигку бхуд̇д̇аавий баваарид̇о каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияа’’нд̇и.

‘‘Yo pana bhikkhu bhuttāvī pavārito khādanīyaṃ vā bhojanīyaṃ vā khādeyya vā bhuñjeyya vā, pācittiya’’nti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

237. д̇зна ко бана самаязна бхигкуу г̇илаанаанам̣ бхигкуунам̣ бан̣ийд̇з бин̣д̣абаад̇з нийхаранд̇и. г̇илаанаа на жид̇д̇аруубам̣ бхун̃ж̇анд̇и. д̇аани бхигкуу чаддзнд̇и. ассоси ко бхаг̇аваа ужжаасад̣̇д̣̇ам̣ махаасад̣̇д̣̇ам̣ гаагоравасад̣̇д̣̇ам̣. суд̇ваана ааяасманд̇ам̣ аананд̣̇ам̣ ааманд̇зси – ‘‘гим̣ ну ко со, аананд̣̇а, ужжаасад̣̇д̣̇о махаасад̣̇д̣̇о гаагоравасад̣̇д̣̇о’’д̇и? ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси. ‘‘бхун̃ж̇зяяум̣ банаананд̣̇а, бхигкуу г̇илаанаад̇ирид̇д̇а’’нд̇и. ‘‘на бхун̃ж̇зяяум̣, бхаг̇аваа’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами бхигкавз, г̇илаанасса жа аг̇илаанасса жа ад̇ирид̇д̇ам̣ бхун̃ж̇ид̇ум̣. зван̃жа бана, бхигкавз, ад̇ирид̇д̇ам̣ гаад̇аб̣б̣ам̣ – ‘‘аламзд̇ам̣ саб̣б̣а’’нд̇и. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

237. Tena kho pana samayena bhikkhū gilānānaṃ bhikkhūnaṃ paṇīte piṇḍapāte nīharanti. Gilānā na cittarūpaṃ bhuñjanti. Tāni bhikkhū chaṭṭenti. Assosi kho bhagavā uccāsaddaṃ mahāsaddaṃ kākoravasaddaṃ. Sutvāna āyasmantaṃ ānandaṃ āmantesi – ‘‘kiṃ nu kho so, ānanda, uccāsaddo mahāsaddo kākoravasaddo’’ti? Atha kho āyasmā ānando bhagavato etamatthaṃ ārocesi. ‘‘Bhuñjeyyuṃ panānanda, bhikkhū gilānātiritta’’nti. ‘‘Na bhuñjeyyuṃ, bhagavā’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi bhikkhave, gilānassa ca agilānassa ca atirittaṃ bhuñjituṃ. Evañca pana, bhikkhave, atirittaṃ kātabbaṃ – ‘‘alametaṃ sabba’’nti. Evañca pana, bhikkhave, imaṃ sikkhāpadaṃ uddiseyyātha –

238. ‘‘яо бана бхигку бхуд̇д̇аавий баваарид̇о анад̇ирид̇д̇ам̣ каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияа’’нд̇и.

238.‘‘Yopana bhikkhu bhuttāvī pavārito anatirittaṃ khādanīyaṃ vā bhojanīyaṃ vā khādeyya vā bhuñjeyya vā, pācittiya’’nti.

239. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

239.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

бхуд̇д̇аавий наама бан̃жаннам̣ бхож̇анаанам̣ ан̃н̃ад̇арам̣ бхож̇анам̣ анд̇амасо гусаг̇г̇знаби бхуд̇д̇ам̣ ход̇и.

Bhuttāvī nāma pañcannaṃ bhojanānaṃ aññataraṃ bhojanaṃ antamaso kusaggenapi bhuttaṃ hoti.

баваарид̇о наама асанам̣ бан̃н̃ааяад̇и, бхож̇анам̣ бан̃н̃ааяад̇и, хад̇т̇абаасз тид̇о абхихарад̇и, бадигкзбо бан̃н̃ааяад̇и.

Pavārito nāma asanaṃ paññāyati, bhojanaṃ paññāyati, hatthapāse ṭhito abhiharati, paṭikkhepo paññāyati.

анад̇ирид̇д̇ам̣ наама агаббияагад̇ам̣ ход̇и, аббадиг̇г̇ахид̇агад̇ам̣ ход̇и, анужжаарид̇агад̇ам̣ ход̇и , ахад̇т̇абаасз гад̇ам̣ ход̇и, абхуд̇д̇аавинаа гад̇ам̣ ход̇и, бхуд̇д̇аавинаа баваарид̇зна аасанаа вудтид̇зна гад̇ам̣ ход̇и, ‘‘аламзд̇ам̣ саб̣б̣анд̇и авуд̇д̇ам̣ ход̇и, на г̇илаанаад̇ирид̇д̇ам̣ ход̇и’’ – зд̇ам̣ анад̇ирид̇д̇ам̣ наама.

Anatirittaṃ nāma akappiyakataṃ hoti, appaṭiggahitakataṃ hoti, anuccāritakataṃ hoti , ahatthapāse kataṃ hoti, abhuttāvinā kataṃ hoti, bhuttāvinā pavāritena āsanā vuṭṭhitena kataṃ hoti, ‘‘alametaṃ sabbanti avuttaṃ hoti, na gilānātirittaṃ hoti’’ – etaṃ anatirittaṃ nāma.

ад̇ирид̇д̇ам̣ наама габбияагад̇ам̣ ход̇и, бадиг̇г̇ахид̇агад̇ам̣ ход̇и, ужжаарид̇агад̇ам̣ ход̇и, хад̇т̇абаасз гад̇ам̣ ход̇и, бхуд̇д̇аавинаа гад̇ам̣ ход̇и, бхуд̇д̇аавинаа баваарид̇зна аасанаа авудтид̇зна гад̇ам̣ ход̇и, ‘‘аламзд̇ам̣ саб̣б̣а’’нд̇и вуд̇д̇ам̣ ход̇и, г̇илаанаад̇ирид̇д̇ам̣ ход̇и – зд̇ам̣ ад̇ирид̇д̇ам̣ наама.

Atirittaṃ nāma kappiyakataṃ hoti, paṭiggahitakataṃ hoti, uccāritakataṃ hoti, hatthapāse kataṃ hoti, bhuttāvinā kataṃ hoti, bhuttāvinā pavāritena āsanā avuṭṭhitena kataṃ hoti, ‘‘alametaṃ sabba’’nti vuttaṃ hoti, gilānātirittaṃ hoti – etaṃ atirittaṃ nāma.

каад̣̇анийяам̣ наама бан̃жа бхож̇анаани – яаамагаалигам̣ сад̇д̇аахагаалигам̣ яааваж̇ийвигам̣ табзд̇ваа авасзсам̣ каад̣̇анийяам̣ наама.

Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.

бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.

Bhojanīyaṃ nāma pañca bhojanāni – odano, kummāso, sattu, maccho, maṃsaṃ.

‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса аж̇жхохаарз аж̇жхохаарз аабад̇д̇и баажид̇д̇ияасса.

‘‘Khādissāmi bhuñjissāmī’’ti paṭiggaṇhāti, āpatti dukkaṭassa ajjhohāre ajjhohāre āpatti pācittiyassa.

240. анад̇ирид̇д̇з анад̇ирид̇д̇асан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. анад̇ирид̇д̇з взмад̇иго каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. анад̇ирид̇д̇з ад̇ирид̇д̇асан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса.

240. Anatiritte anatirittasaññī khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Anatiritte vematiko khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Anatiritte atirittasaññī khādanīyaṃ vā bhojanīyaṃ vā khādati vā bhuñjati vā, āpatti pācittiyassa.

яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. ад̇ирид̇д̇з анад̇ирид̇д̇асан̃н̃ий, аабад̇д̇и д̣̇уггадасса. ад̇ирид̇д̇з взмад̇иго, аабад̇д̇и д̣̇уггадасса. ад̇ирид̇д̇з ад̇ирид̇д̇асан̃н̃ий, анаабад̇д̇и.

Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Atiritte anatirittasaññī, āpatti dukkaṭassa. Atiritte vematiko, āpatti dukkaṭassa. Atiritte atirittasaññī, anāpatti.

241. анаабад̇д̇и ад̇ирид̇д̇ам̣ гаараабзд̇ваа бхун̃ж̇ад̇и, ‘‘ад̇ирид̇д̇ам̣ гаараабзд̇ваа бхун̃ж̇иссаамий’’д̇и бадиг̇г̇ан̣хаад̇и, ан̃н̃ассад̇т̇ааяа харанд̇о г̇ажчад̇и, г̇илаанасса сзсагам̣ бхун̃ж̇ад̇и, яаамагаалигам̣ сад̇д̇аахагаалигам̣ яааваж̇ийвигам̣ сад̇и бажжаяз барибхун̃ж̇ад̇и, уммад̇д̇агасса, аад̣̇игаммигассаад̇и.

241. Anāpatti atirittaṃ kārāpetvā bhuñjati, ‘‘atirittaṃ kārāpetvā bhuñjissāmī’’ti paṭiggaṇhāti, aññassatthāya haranto gacchati, gilānassa sesakaṃ bhuñjati, yāmakālikaṃ sattāhakālikaṃ yāvajīvikaṃ sati paccaye paribhuñjati, ummattakassa, ādikammikassāti.

батамабавааран̣аасигкаабад̣̇ам̣ нидтид̇ам̣ бан̃жамам̣.

Paṭhamapavāraṇāsikkhāpadaṃ niṭṭhitaṃ pañcamaṃ.

6. д̣̇уд̇ияабавааран̣аасигкаабад̣̇ам̣

6. Dutiyapavāraṇāsikkhāpadaṃ

242. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна д̣̇вз бхигкуу госалзсу ж̇анабад̣̇з саавад̇т̇им̣ ад̣̇д̇хаанамаг̇г̇аббадибаннаа хонд̇и. зго бхигку анаажаарам̣ аажарад̇и. д̣̇уд̇ияо бхигку д̇ам̣ бхигкум̣ зд̇ад̣̇авожа – ‘‘маавусо, зваруубамагааси, нзд̇ам̣ габбад̇ий’’д̇и. со д̇асмим̣ убананд̇хи. ат̇а ко д̇з бхигкуу саавад̇т̇им̣ аг̇амам̣су. д̇зна ко бана самаязна саавад̇т̇ияам̣ ан̃н̃ад̇арасса бууг̇асса сан̇гхабхад̇д̇ам̣ ход̇и. д̣̇уд̇ияо бхигку бхуд̇д̇аавий баваарид̇о ход̇и. убанад̣̇д̇хо ²⁵ бхигку н̃аад̇игулам̣ г̇анд̇ваа бин̣д̣абаад̇ам̣ аад̣̇ааяа язна со бхигку д̇знубасан̇гами; убасан̇гамид̇ваа д̇ам̣ бхигкум̣ зд̇ад̣̇авожа – ‘‘бхун̃ж̇аахи, аавусо’’д̇и. ‘‘алам̣, аавусо, барибун̣н̣омхий’’д̇и. ‘‘сунд̣̇аро, аавусо, бин̣д̣абаад̇о, бхун̃ж̇аахий’’д̇и. ат̇а ко со бхигку д̇зна бхигкунаа ниббийл̣ияамаано д̇ам̣ бин̣д̣абаад̇ам̣ бхун̃ж̇и. убанад̣̇д̇хо бхигку д̇ам̣ бхигкум̣ зд̇ад̣̇авожа – ‘‘д̇вамби ²⁶ наама, аавусо, мам̣ вад̇д̇аб̣б̣ам̣ ман̃н̃аси яам̣ д̇вам̣ бхуд̇д̇аавий баваарид̇о анад̇ирид̇д̇ам̣ бхож̇анам̣ бхун̃ж̇асий’’д̇и. ‘‘нану, аавусо, аажигкид̇аб̣б̣а’’нд̇и. ‘‘нану, аавусо, бужчид̇аб̣б̣а’’нд̇и.

242. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena dve bhikkhū kosalesu janapade sāvatthiṃ addhānamaggappaṭipannā honti. Eko bhikkhu anācāraṃ ācarati. Dutiyo bhikkhu taṃ bhikkhuṃ etadavoca – ‘‘māvuso, evarūpamakāsi, netaṃ kappatī’’ti. So tasmiṃ upanandhi. Atha kho te bhikkhū sāvatthiṃ agamaṃsu. Tena kho pana samayena sāvatthiyaṃ aññatarassa pūgassa saṅghabhattaṃ hoti. Dutiyo bhikkhu bhuttāvī pavārito hoti. Upanaddho ²⁷ bhikkhu ñātikulaṃ gantvā piṇḍapātaṃ ādāya yena so bhikkhu tenupasaṅkami; upasaṅkamitvā taṃ bhikkhuṃ etadavoca – ‘‘bhuñjāhi, āvuso’’ti. ‘‘Alaṃ, āvuso, paripuṇṇomhī’’ti. ‘‘Sundaro, āvuso, piṇḍapāto, bhuñjāhī’’ti. Atha kho so bhikkhu tena bhikkhunā nippīḷiyamāno taṃ piṇḍapātaṃ bhuñji. Upanaddho bhikkhu taṃ bhikkhuṃ etadavoca – ‘‘tvampi ²⁸ nāma, āvuso, maṃ vattabbaṃ maññasi yaṃ tvaṃ bhuttāvī pavārito anatirittaṃ bhojanaṃ bhuñjasī’’ti. ‘‘Nanu, āvuso, ācikkhitabba’’nti. ‘‘Nanu, āvuso, pucchitabba’’nti.

ат̇а ко со бхигку бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку бхигкум̣ бхуд̇д̇аавим̣ баваарид̇ам̣ анад̇ирид̇д̇зна бхож̇анзна абхихадтум̣ баваарзссад̇ий’’ д̇и…бз… сажжам̣ гира д̇вам̣, бхигку, бхигкум̣ бхуд̇д̇аавим̣ баваарид̇ам̣ анад̇ирид̇д̇зна бхож̇анзна абхихадтум̣ баваарзсийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, бхигкум̣ бхуд̇д̇аавим̣ баваарид̇ам̣ анад̇ирид̇д̇зна бхож̇анзна абхихадтум̣ баваарзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана бхигкавз имам̣ сигкаабад̣̇ам̣ уд̣̇д̣̇исзяяаат̇а –

Atha kho so bhikkhu bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu bhikkhuṃ bhuttāviṃ pavāritaṃ anatirittena bhojanena abhihaṭṭhuṃ pavāressatī’’ ti…pe… saccaṃ kira tvaṃ, bhikkhu, bhikkhuṃ bhuttāviṃ pavāritaṃ anatirittena bhojanena abhihaṭṭhuṃ pavāresīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, bhikkhuṃ bhuttāviṃ pavāritaṃ anatirittena bhojanena abhihaṭṭhuṃ pavāressasi! Netaṃ, moghapurisa, appasannānaṃ vā pasādāya…pe… evañca pana bhikkhave imaṃ sikkhāpadaṃ uddiseyyātha –

243. ‘‘яо бана бхигку бхигкум̣ бхуд̇д̇аавим̣ баваарид̇ам̣ анад̇ирид̇д̇зна каад̣̇анийязна ваа бхож̇анийязна ваа абхихадтум̣ баваарзяяа – ‘ханд̣̇а, бхигку, каад̣̇а ваа бхун̃ж̇а ваа’д̇и, ж̇аанам̣ аасаад̣̇анаабзгко, бхуд̇д̇асмим̣, баажид̇д̇ияа’’нд̇и.

243.‘‘Yo pana bhikkhu bhikkhuṃ bhuttāviṃ pavāritaṃ anatirittena khādanīyena vā bhojanīyena vā abhihaṭṭhuṃ pavāreyya – ‘handa, bhikkhu, khāda vā bhuñja vā’ti, jānaṃ āsādanāpekkho, bhuttasmiṃ, pācittiya’’nti.

244. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

244.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

бхигкунд̇и ан̃н̃ам̣ бхигкум̣.

Bhikkhunti aññaṃ bhikkhuṃ.

бхуд̇д̇аавий наама бан̃жаннам̣ бхож̇анаанам̣ ан̃н̃ад̇арам̣ бхож̇анам̣, анд̇амасо гусаг̇г̇знаби бхуд̇д̇ам̣ ход̇и.

Bhuttāvī nāma pañcannaṃ bhojanānaṃ aññataraṃ bhojanaṃ, antamaso kusaggenapi bhuttaṃ hoti.

Pavārito nāma asanaṃ paññāyati, bhojanaṃ paññāyati, hatthapāse ṭhito abhiharati, paṭikkhepo paññāyati.

анад̇ирид̇д̇ам̣ наама агаббияагад̇ам̣ ход̇и, аббадиг̇г̇ахид̇агад̇ам̣ ход̇и, анужжаарид̇агад̇ам̣ ход̇и, ахад̇т̇абаасз гад̇ам̣ ход̇и, абхуд̇д̇аавинаа гад̇ам̣ ход̇и, бхуд̇д̇аавинаа баваарид̇зна аасанаа вудтид̇зна гад̇ам̣ ход̇и, ‘‘аламзд̇ам̣ саб̣б̣а’’нд̇и авуд̇д̇ам̣ ход̇и, на г̇илаанаад̇ирид̇д̇ам̣ ход̇и – зд̇ам̣ анад̇ирид̇д̇ам̣ наама.

Anatirittaṃ nāma akappiyakataṃ hoti, appaṭiggahitakataṃ hoti, anuccāritakataṃ hoti, ahatthapāse kataṃ hoti, abhuttāvinā kataṃ hoti, bhuttāvinā pavāritena āsanā vuṭṭhitena kataṃ hoti, ‘‘alametaṃ sabba’’nti avuttaṃ hoti, na gilānātirittaṃ hoti – etaṃ anatirittaṃ nāma.

Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.

бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.

Bhojanīyaṃ nāma pañca bhojanāni – odano, kummāso, sattu, maccho, maṃsaṃ.

абхихадтум̣ баваарзяяаад̇и яаавад̇агам̣ ижчаси д̇аавад̇агам̣ г̇ан̣хаахийд̇и.

Abhihaṭṭhuṃ pavāreyyāti yāvatakaṃ icchasi tāvatakaṃ gaṇhāhīti.

ж̇аанаад̇и наама саамам̣ ваа ж̇аанаад̇и, ан̃н̃з ваа д̇асса аарожзнд̇и, со ваа аарожзд̇и.

Jānāti nāma sāmaṃ vā jānāti, aññe vā tassa ārocenti, so vā āroceti.

аасаад̣̇анаабзгкод̇и ‘‘иминаа имам̣ жод̣̇зссаами саарзссаами бадижод̣̇зссаами бадисаарзссаами ман̇гу гариссаамий’’д̇и абхихарад̇и, аабад̇д̇и д̣̇уггадасса. д̇асса важанзна ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. бхож̇анабарияосаанз аабад̇д̇и баажид̇д̇ияасса.

Āsādanāpekkhoti ‘‘iminā imaṃ codessāmi sāressāmi paṭicodessāmi paṭisāressāmi maṅku karissāmī’’ti abhiharati, āpatti dukkaṭassa. Tassa vacanena ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Bhojanapariyosāne āpatti pācittiyassa.

245. баваарид̇з баваарид̇асан̃н̃ий анад̇ирид̇д̇зна каад̣̇анийязна ваа бхож̇анийязна ваа абхихадтум̣ баваарзд̇и, аабад̇д̇и баажид̇д̇ияасса. баваарид̇з взмад̇иго анад̇ирид̇д̇зна каад̣̇анийязна ваа бхож̇анийязна ваа абхихадтум̣ баваарзд̇и, аабад̇д̇и д̣̇уггадасса. баваарид̇з аббаваарид̇асан̃н̃ий анад̇ирид̇д̇зна каад̣̇анийязна ваа бхож̇анийязна ваа абхихадтум̣ баваарзд̇и, анаабад̇д̇и. яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа абхихарад̇и, аабад̇д̇и д̣̇уггадасса. д̇асса важанзна ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. аббаваарид̇з баваарид̇асан̃н̃ий , аабад̇д̇и д̣̇уггадасса. аббаваарид̇з взмад̇иго, аабад̇д̇и д̣̇уггадасса. аббаваарид̇з аббаваарид̇асан̃н̃ий, анаабад̇д̇и.

245. Pavārite pavāritasaññī anatirittena khādanīyena vā bhojanīyena vā abhihaṭṭhuṃ pavāreti, āpatti pācittiyassa. Pavārite vematiko anatirittena khādanīyena vā bhojanīyena vā abhihaṭṭhuṃ pavāreti, āpatti dukkaṭassa. Pavārite appavāritasaññī anatirittena khādanīyena vā bhojanīyena vā abhihaṭṭhuṃ pavāreti, anāpatti. Yāmakālikaṃ sattāhakālikaṃ yāvajīvikaṃ āhāratthāya abhiharati, āpatti dukkaṭassa. Tassa vacanena ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Appavārite pavāritasaññī , āpatti dukkaṭassa. Appavārite vematiko, āpatti dukkaṭassa. Appavārite appavāritasaññī, anāpatti.

246. анаабад̇д̇и ад̇ирид̇д̇ам̣ гаараабзд̇ваа д̣̇зд̇и, ‘‘ад̇ирид̇д̇ам̣ гаараабзд̇ваа бхун̃ж̇аахий’’д̇и д̣̇зд̇и, ан̃н̃ассад̇т̇ааяа харанд̇о г̇ажчаахийд̇и д̣̇зд̇и, г̇илаанасса сзсагам̣ д̣̇зд̇и, ‘‘яаамагаалигам̣ сад̇д̇аахагаалигам̣ яааваж̇ийвигам̣ сад̇и бажжаяз барибхун̃ж̇аа’’д̇и д̣̇зд̇и, уммад̇д̇агасса, аад̣̇игаммигассаад̇и.

246. Anāpatti atirittaṃ kārāpetvā deti, ‘‘atirittaṃ kārāpetvā bhuñjāhī’’ti deti, aññassatthāya haranto gacchāhīti deti, gilānassa sesakaṃ deti, ‘‘yāmakālikaṃ sattāhakālikaṃ yāvajīvikaṃ sati paccaye paribhuñjā’’ti deti, ummattakassa, ādikammikassāti.

д̣̇уд̇ияабавааран̣аасигкаабад̣̇ам̣ нидтид̇ам̣ чадтам̣.

Dutiyapavāraṇāsikkhāpadaṃ niṭṭhitaṃ chaṭṭhaṃ.

7. вигаалабхож̇анасигкаабад̣̇ам̣

7. Vikālabhojanasikkhāpadaṃ

247. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна рааж̇аг̇ахз г̇ираг̇г̇асамаж̇ж̇о ход̇и. сад̇д̇арасаваг̇г̇ияаа бхигкуу г̇ираг̇г̇асамаж̇ж̇ам̣ д̣̇ассанааяа аг̇амам̣су. мануссаа сад̇д̇арасаваг̇г̇ияз бхигкуу бассид̇ваа нахаабзд̇ваа вилимбзд̇ваа бхож̇зд̇ваа каад̣̇анийяам̣ ад̣̇ам̣су. сад̇д̇арасаваг̇г̇ияаа бхигкуу каад̣̇анийяам̣ аад̣̇ааяа аараамам̣ г̇анд̇ваа чаб̣б̣аг̇г̇ияз бхигкуу зд̇ад̣̇авожум̣ – ‘‘г̇ан̣хаат̇аавусо, каад̣̇анийяам̣ каад̣̇ат̇аа’’д̇и. ‘‘гуд̇о д̇умхзхи, аавусо, каад̣̇анийяам̣ лад̣̇д̇ха’’нд̇и? сад̇д̇арасаваг̇г̇ияаа бхигкуу чаб̣б̣аг̇г̇ияаанам̣ бхигкуунам̣ зд̇амад̇т̇ам̣ аарожзсум̣. ‘‘гим̣ бана д̇умхз, аавусо, вигаалз бхож̇анам̣ бхун̃ж̇ат̇аа’’д̇и? ‘‘звамаавусо’’д̇и. чаб̣б̣аг̇г̇ияаа бхигкуу уж̇жхааяанд̇и кияяанд̇и вибаажзнд̇и – ‘‘гат̇ан̃хи наама сад̇д̇арасаваг̇г̇ияаа бхигкуу вигаалз бхож̇анам̣ бхун̃ж̇иссанд̇ий’’д̇и! ат̇а ко чаб̣б̣аг̇г̇ияаа бхигкуу бхигкуунам̣ зд̇амад̇т̇ам̣ аарожзсум̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама сад̇д̇арасаваг̇г̇ияаа бхигкуу вигаалз бхож̇анам̣ бхун̃ж̇иссанд̇ий’’д̇и…бз… сажжам̣ гира д̇умхз, бхигкавз, вигаалз бхож̇анам̣ бхун̃ж̇ат̇аад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, вигаалз бхож̇анам̣ бхун̃ж̇иссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

247. Tena samayena buddho bhagavā rājagahe viharati veḷuvane kalandakanivāpe. Tena kho pana samayena rājagahe giraggasamajjo hoti. Sattarasavaggiyā bhikkhū giraggasamajjaṃ dassanāya agamaṃsu. Manussā sattarasavaggiye bhikkhū passitvā nahāpetvā vilimpetvā bhojetvā khādanīyaṃ adaṃsu. Sattarasavaggiyā bhikkhū khādanīyaṃ ādāya ārāmaṃ gantvā chabbaggiye bhikkhū etadavocuṃ – ‘‘gaṇhāthāvuso, khādanīyaṃ khādathā’’ti. ‘‘Kuto tumhehi, āvuso, khādanīyaṃ laddha’’nti? Sattarasavaggiyā bhikkhū chabbaggiyānaṃ bhikkhūnaṃ etamatthaṃ ārocesuṃ. ‘‘Kiṃ pana tumhe, āvuso, vikāle bhojanaṃ bhuñjathā’’ti? ‘‘Evamāvuso’’ti. Chabbaggiyā bhikkhū ujjhāyanti khiyyanti vipācenti – ‘‘kathañhi nāma sattarasavaggiyā bhikkhū vikāle bhojanaṃ bhuñjissantī’’ti! Atha kho chabbaggiyā bhikkhū bhikkhūnaṃ etamatthaṃ ārocesuṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma sattarasavaggiyā bhikkhū vikāle bhojanaṃ bhuñjissantī’’ti…pe… saccaṃ kira tumhe, bhikkhave, vikāle bhojanaṃ bhuñjathāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, vikāle bhojanaṃ bhuñjissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

248. яо бана бхигку вигаалз каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияа’’нд̇и.

248.Yopana bhikkhu vikāle khādanīyaṃvā bhojanīyaṃ vā khādeyya vā bhuñjeyya vā, pācittiya’’nti.

249. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

249.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

вигаало наама маж̇жханхигз вийд̇ивад̇д̇з яаава арун̣уг̇г̇аманаа.

Vikālo nāma majjhanhike vītivatte yāva aruṇuggamanā.

Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.

бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.

Bhojanīyaṃ nāma pañca bhojanāni – odano, kummāso, sattu, maccho, maṃsaṃ.

‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баажид̇д̇ияасса.

‘‘Khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.

250. вигаалз вигааласан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. вигаалз взмад̇иго каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. вигаалз гааласан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса.

250. Vikāle vikālasaññī khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Vikāle vematiko khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Vikāle kālasaññī khādanīyaṃ vā bhojanīyaṃ vā khādati vā bhuñjati vā, āpatti pācittiyassa.

яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. гаалз вигааласан̃н̃ий, аабад̇д̇и д̣̇уггадасса. гаалз взмад̇иго, аабад̇д̇и д̣̇уггадасса. гаалз гааласан̃н̃ий, анаабад̇д̇и.

Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Kāle vikālasaññī, āpatti dukkaṭassa. Kāle vematiko, āpatti dukkaṭassa. Kāle kālasaññī, anāpatti.

251. анаабад̇д̇и яаамагаалигам̣ сад̇д̇аахагаалигам̣ яааваж̇ийвигам̣ сад̇и бажжаяз барибхун̃ж̇ад̇и, уммад̇д̇агасса, аад̣̇игаммигассаад̇и.

251. Anāpatti yāmakālikaṃ sattāhakālikaṃ yāvajīvikaṃ sati paccaye paribhuñjati, ummattakassa, ādikammikassāti.

вигаалабхож̇анасигкаабад̣̇ам̣ нидтид̇ам̣ сад̇д̇амам̣.

Vikālabhojanasikkhāpadaṃ niṭṭhitaṃ sattamaṃ.

8. саннид̇хигаарагасигкаабад̣̇ам̣

8. Sannidhikārakasikkhāpadaṃ

252. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмад̇о аананд̣̇асса убаж̇жхааяо ааяасмаа б̣зладтасийсо ²⁹ аран̃н̃з вихарад̇и. со бин̣д̣ааяа жарид̇ваа сугкагурам̣ аараамам̣ харид̇ваа сугкаабзд̇ваа нигкибад̇и. яад̣̇аа аахаарзна ад̇т̇о ход̇и, д̇ад̣̇аа уд̣̇агзна д̇змзд̇ваа д̇змзд̇ваа бхун̃ж̇ад̇и, жирзна г̇аамам̣ бин̣д̣ааяа бависад̇и. бхигкуу ааяасманд̇ам̣ б̣зладтасийсам̣ зд̇ад̣̇авожум̣ – ‘‘гисса д̇вам̣, аавусо, жирзна г̇аамам̣ бин̣д̣ааяа бависасий’’д̇и? ат̇а ко ааяасмаа б̣зладтасийсо бхигкуунам̣ зд̇амад̇т̇ам̣ аарожзси. ‘‘гим̣ бана д̇вам̣, аавусо, саннид̇хигаарагам̣ бхож̇анам̣ бхун̃ж̇асий’’д̇и? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа б̣зладтасийсо саннид̇хигаарагам̣ бхож̇анам̣ бхун̃ж̇иссад̇ий’’д̇и…бз… сажжам̣ гира д̇вам̣, б̣зладтасийса, саннид̇хигаарагам̣ бхож̇анам̣ бхун̃ж̇асийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, б̣зладтасийса, саннид̇хигаарагам̣ бхож̇анам̣ бхун̃ж̇иссаси! нзд̇ам̣, б̣зладтасийса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

252. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmato ānandassa upajjhāyo āyasmā belaṭṭhasīso ³⁰ araññe viharati. So piṇḍāya caritvā sukkhakuraṃ ārāmaṃ haritvā sukkhāpetvā nikkhipati. Yadā āhārena attho hoti, tadā udakena temetvā temetvā bhuñjati, cirena gāmaṃ piṇḍāya pavisati. Bhikkhū āyasmantaṃ belaṭṭhasīsaṃ etadavocuṃ – ‘‘kissa tvaṃ, āvuso, cirena gāmaṃ piṇḍāya pavisasī’’ti? Atha kho āyasmā belaṭṭhasīso bhikkhūnaṃ etamatthaṃ ārocesi. ‘‘Kiṃ pana tvaṃ, āvuso, sannidhikārakaṃ bhojanaṃ bhuñjasī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā belaṭṭhasīso sannidhikārakaṃ bhojanaṃ bhuñjissatī’’ti…pe… saccaṃ kira tvaṃ, belaṭṭhasīsa, sannidhikārakaṃ bhojanaṃ bhuñjasīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, belaṭṭhasīsa, sannidhikārakaṃ bhojanaṃ bhuñjissasi! Netaṃ, belaṭṭhasīsa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

253. ‘‘яо бана бхигку саннид̇хигаарагам̣ каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа, баажид̇д̇ияа’’нд̇и.

253.‘‘Yopana bhikkhu sannidhikārakaṃ khādanīyaṃ vā bhojanīyaṃ vākhādeyya vā bhuñjeyya vā, pācittiya’’nti.

254. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

254.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

саннид̇хигаарагам̣ наама аж̇ж̇а бадиг̇г̇ахид̇ам̣ абараж̇ж̇у каад̣̇ид̇ам̣ ход̇и.

Sannidhikārakaṃ nāma ajja paṭiggahitaṃ aparajju khāditaṃ hoti.

Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.

бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.

Bhojanīyaṃ nāma pañca bhojanāni – odano, kummāso, sattu, maccho, maṃsaṃ.

‘‘Khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.

255. саннид̇хигаарагз саннид̇хигаарагасан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. саннид̇хигаарагз взмад̇иго каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса. саннид̇хигаарагз асаннид̇хигаарагасан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа, аабад̇д̇и баажид̇д̇ияасса.

255. Sannidhikārake sannidhikārakasaññī khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Sannidhikārake vematiko khādanīyaṃ vā bhojanīyaṃ vā khādati vā bhuñjati vā, āpatti pācittiyassa. Sannidhikārake asannidhikārakasaññī khādanīyaṃ vā bhojanīyaṃ vā khādati vā bhuñjati vā, āpatti pācittiyassa.

яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. асаннид̇хигаарагз саннид̇хигаарагасан̃н̃ий, аабад̇д̇и д̣̇уггадасса. асаннид̇хигаарагз взмад̇иго, аабад̇д̇и д̣̇уггадасса. асаннид̇хигаарагз асаннид̇хигаарагасан̃н̃ий, анаабад̇д̇и.

Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Asannidhikārake sannidhikārakasaññī, āpatti dukkaṭassa. Asannidhikārake vematiko, āpatti dukkaṭassa. Asannidhikārake asannidhikārakasaññī, anāpatti.

256. анаабад̇д̇и яаавагаалигам̣ яаавагаалз нид̣̇ахид̇ваа бхун̃ж̇ад̇и, яаамагаалигам̣ яаамз нид̣̇ахид̇ваа бхун̃ж̇ад̇и, сад̇д̇аахагаалигам̣ сад̇д̇аахам̣ нид̣̇ахид̇ваа бхун̃ж̇ад̇и, яааваж̇ийвигам̣ сад̇и бажжаяз барибхун̃ж̇ад̇и, уммад̇д̇агасса, аад̣̇игаммигассаад̇и.

256. Anāpatti yāvakālikaṃ yāvakāle nidahitvā bhuñjati, yāmakālikaṃ yāme nidahitvā bhuñjati, sattāhakālikaṃ sattāhaṃ nidahitvā bhuñjati, yāvajīvikaṃ sati paccaye paribhuñjati, ummattakassa, ādikammikassāti.

саннид̇хигаарагасигкаабад̣̇ам̣ нидтид̇ам̣ адтамам̣.

Sannidhikārakasikkhāpadaṃ niṭṭhitaṃ aṭṭhamaṃ.

9. бан̣ийд̇абхож̇анасигкаабад̣̇ам̣

9. Paṇītabhojanasikkhāpadaṃ

257. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇иссанд̇и! гасса самбаннам̣ на манаабам̣, гасса саад̣̇ум̣ на ружжад̇ий’’д̇и!! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇иссанд̇ий’’д̇и …бз… сажжам̣ гира д̇умхз, бхигкавз, бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇ат̇аад̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа …бз… гат̇ан̃хи наама д̇умхз, могхабурисаа, бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇иссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

257. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū paṇītabhojanāni attano atthāya viññāpetvā bhuñjanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā paṇītabhojanāni attano atthāya viññāpetvā bhuñjissanti! Kassa sampannaṃ na manāpaṃ, kassa sāduṃ na ruccatī’’ti!! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū paṇītabhojanāni attano atthāya viññāpetvā bhuñjissantī’’ti …pe… saccaṃ kira tumhe, bhikkhave, paṇītabhojanāni attano atthāya viññāpetvā bhuñjathāti? ‘‘Saccaṃ, bhagavā’’ti. Vigarahi buddho bhagavā …pe… kathañhi nāma tumhe, moghapurisā, paṇītabhojanāni attano atthāya viññāpetvā bhuñjissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘яаани ко бана д̇аани бан̣ийд̇абхож̇анаани, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣ мажчо мам̣сам̣ кийрам̣ д̣̇ад̇хи. яо бана бхигку зваруубаани бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇зяяа, баажид̇д̇ияа’’нд̇и.

‘‘Yāni kho pana tāni paṇītabhojanāni, seyyathidaṃ – sappi navanītaṃ telaṃ madhu phāṇitaṃ maccho maṃsaṃ khīraṃ dadhi. Yo pana bhikkhu evarūpāni paṇītabhojanāni attano atthāya viññāpetvābhuñjeyya, pācittiya’’nti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

258. д̇зна ко бана самаязна бхигкуу г̇илаанаа хонд̇и. г̇илаанабужчагаа бхигкуу г̇илаанз бхигкуу зд̇ад̣̇авожум̣ – ‘‘гажжаавусо каманийяам̣, гажжи яаабанийяа’’нд̇и? ‘‘буб̣б̣з маяам̣, аавусо, бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇аама, д̇зна но паасу ход̇и; ид̣̇аани бана ‘‘бхаг̇авад̇аа бадигкид̇д̇а’’нд̇и гуггужжааяанд̇аа на вин̃н̃аабзма, д̇зна но на паасу ход̇ий’’д̇и. бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, г̇илаанзна бхигкунаа бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

258. Tena kho pana samayena bhikkhū gilānā honti. Gilānapucchakā bhikkhū gilāne bhikkhū etadavocuṃ – ‘‘kaccāvuso khamanīyaṃ, kacci yāpanīya’’nti? ‘‘Pubbe mayaṃ, āvuso, paṇītabhojanāni attano atthāya viññāpetvā bhuñjāma, tena no phāsu hoti; idāni pana ‘‘bhagavatā paṭikkhitta’’nti kukkuccāyantā na viññāpema, tena no na phāsu hotī’’ti. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, gilānena bhikkhunā paṇītabhojanāni attano atthāya viññāpetvā bhuñjituṃ. Evañca pana, bhikkhave, imaṃ sikkhāpadaṃ uddiseyyātha –

259. ‘‘яаани ко бана д̇аани бан̣ийд̇абхож̇анаани, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣ мажчо мам̣сам̣ кийрам̣ д̣̇ад̇хи. яо бана бхигку зваруубаани бан̣ийд̇абхож̇анаани аг̇илаано ад̇д̇ано ад̇т̇ааяа вин̃н̃аабзд̇ваа бхун̃ж̇зяяа, баажид̇д̇ияа’’нд̇и.

259.‘‘Yānikho pana tāni paṇītabhojanāni, seyyathidaṃ – sappi navanītaṃ telaṃ madhu phāṇitaṃ maccho maṃsaṃ khīraṃ dadhi. Yo pana bhikkhu evarūpāni paṇītabhojanāni agilāno attano atthāya viññāpetvā bhuñjeyya, pācittiya’’nti.

260. яаани ко бана д̇аани бан̣ийд̇абхож̇анаанийд̇и сабби наама г̇осабби ваа аж̇игаасабби ваа махим̣сасабби ваа, язсам̣ мам̣сам̣ габбад̇и д̇зсам̣ сабби.

260.Yāni kho pana tāni paṇītabhojanānīti sappi nāma gosappi vā ajikāsappi vā mahiṃsasappi vā, yesaṃ maṃsaṃ kappati tesaṃ sappi.

наванийд̇ам̣ наама д̇зсан̃н̃зва наванийд̇ам̣.

Navanītaṃ nāma tesaññeva navanītaṃ.

д̇злам̣ наама д̇илад̇злам̣ саасабад̇злам̣ мад̇хугад̇злам̣ зран̣д̣ад̇злам̣ васаад̇злам̣.

Telaṃ nāma tilatelaṃ sāsapatelaṃ madhukatelaṃ eraṇḍatelaṃ vasātelaṃ.

мад̇ху наама магкигаамад̇ху .

Madhu nāma makkhikāmadhu .

паан̣ид̇ам̣ наама ужчумхаа ниб̣б̣ад̇д̇ам̣.

Phāṇitaṃ nāma ucchumhā nibbattaṃ.

мажчо наама уд̣̇аго ³¹ вужжад̇и.

Maccho nāma udako ³² vuccati.

мам̣сам̣ наама язсам̣ мам̣сам̣ габбад̇и, д̇зсам̣ мам̣сам̣.

Maṃsaṃ nāma yesaṃ maṃsaṃ kappati, tesaṃ maṃsaṃ.

кийрам̣ наама г̇окийрам̣ ваа аж̇игаакийрам̣ ваа махим̣сакийрам̣ ваа, язсам̣ мам̣сам̣ габбад̇и, д̇зсам̣ кийрам̣.

Khīraṃ nāma gokhīraṃ vā ajikākhīraṃ vā mahiṃsakhīraṃ vā, yesaṃ maṃsaṃ kappati, tesaṃ khīraṃ.

д̣̇ад̇хи наама д̇зсан̃н̃зва д̣̇ад̇хи.

Dadhi nāma tesaññeva dadhi.

яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

зваруубаани бан̣ийд̇абхож̇анаанийд̇и д̇ат̇ааруубаани бан̣ийд̇абхож̇анаани.

Evarūpāni paṇītabhojanānīti tathārūpāni paṇītabhojanāni.

аг̇илаано наама яасса винаа бан̣ийд̇абхож̇анаани паасу ход̇и.

Agilāno nāma yassa vinā paṇītabhojanāni phāsu hoti.

г̇илаано наама яасса винаа бан̣ийд̇абхож̇анаани на паасу ход̇и.

Gilāno nāma yassa vinā paṇītabhojanāni na phāsu hoti.

аг̇илаано ад̇д̇ано ад̇т̇ааяа вин̃н̃аабзд̇и, баяог̇з ³³ д̣̇уггадам̣. бадилаабхзна ‘‘бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баажид̇д̇ияасса.

Agilāno attano atthāya viññāpeti, payoge ³⁴ dukkaṭaṃ. Paṭilābhena ‘‘bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pācittiyassa.

261. аг̇илаано аг̇илаанасан̃н̃ий бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баажид̇д̇ияасса. аг̇илаано взмад̇иго бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баажид̇д̇ияасса. аг̇илаано г̇илаанасан̃н̃ий бан̣ийд̇абхож̇анаани ад̇д̇ано ад̇т̇ааяа вин̃н̃аабзд̇ваа бхун̃ж̇ад̇и, аабад̇д̇и баажид̇д̇ияасса.

261. Agilāno agilānasaññī paṇītabhojanāni attano atthāya viññāpetvā bhuñjati, āpatti pācittiyassa. Agilāno vematiko paṇītabhojanāni attano atthāya viññāpetvā bhuñjati, āpatti pācittiyassa. Agilāno gilānasaññī paṇītabhojanāni attano atthāya viññāpetvā bhuñjati, āpatti pācittiyassa.

г̇илаано аг̇илаанасан̃н̃ий, аабад̇д̇и д̣̇уггадасса. г̇илаано взмад̇иго, аабад̇д̇и д̣̇уггадасса. г̇илаано г̇илаанасан̃н̃ий анаабад̇д̇и.

Gilāno agilānasaññī, āpatti dukkaṭassa. Gilāno vematiko, āpatti dukkaṭassa. Gilāno gilānasaññī anāpatti.

262. анаабад̇д̇и г̇илаанасса, г̇илаано худ̇ваа вин̃н̃аабзд̇ваа аг̇илаано бхун̃ж̇ад̇и, г̇илаанасса сзсагам̣ бхун̃ж̇ад̇и, н̃аад̇агаанам̣ баваарид̇аанам̣ ан̃н̃ассад̇т̇ааяа ад̇д̇ано д̇ханзна, уммад̇д̇агасса, аад̣̇игаммигассаад̇и.

262. Anāpatti gilānassa, gilāno hutvā viññāpetvā agilāno bhuñjati, gilānassa sesakaṃ bhuñjati, ñātakānaṃ pavāritānaṃ aññassatthāya attano dhanena, ummattakassa, ādikammikassāti.

бан̣ийд̇абхож̇анасигкаабад̣̇ам̣ нидтид̇ам̣ навамам̣.

Paṇītabhojanasikkhāpadaṃ niṭṭhitaṃ navamaṃ.

10. д̣̇анд̇абонасигкаабад̣̇ам̣

10. Dantaponasikkhāpadaṃ

263. д̇зна самаязна б̣уд̣̇д̇хо бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна ан̃н̃ад̇аро бхигку саб̣б̣абам̣сугуулиго сусаанз вихарад̇и. со мануссзхи д̣̇ияяамаанам̣ на ижчад̇и бадиг̇г̇ахзд̇ум̣, сусаанзби ругкамуулзби уммаарзби аяяавосаадид̇агаани саамам̣ г̇ахзд̇ваа барибхун̃ж̇ад̇и ³⁵. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяам̣ бхигку амхаагам̣ аяяавосаадид̇агаани саамам̣ г̇ахзд̇ваа барибхун̃ж̇иссад̇и! т̇зрояам̣ бхигку ватаро мануссамам̣сам̣ ман̃н̃з каад̣̇ад̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку ад̣̇иннам̣ мукад̣̇ваарам̣ аахаарам̣ аахариссад̇ий’’д̇и…бз… сажжам̣ гира д̇вам̣, бхигку, ад̣̇иннам̣ мукад̣̇ваарам̣ аахаарам̣ аахарасийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, ад̣̇иннам̣ мукад̣̇ваарам̣ аахаарам̣ аахариссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

263. Tena samayena buddho bhagavā vesāliyaṃ viharati mahāvane kūṭāgārasālāyaṃ. Tena kho pana samayena aññataro bhikkhu sabbapaṃsukūliko susāne viharati. So manussehi diyyamānaṃ na icchati paṭiggahetuṃ, susānepi rukkhamūlepi ummārepi ayyavosāṭitakāni sāmaṃ gahetvā paribhuñjati ³⁶. Manussā ujjhāyanti khiyyanti vipācenti – ‘‘kathañhi nāma ayaṃ bhikkhu amhākaṃ ayyavosāṭitakāni sāmaṃ gahetvā paribhuñjissati! Theroyaṃ bhikkhu vaṭharo manussamaṃsaṃ maññe khādatī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu adinnaṃ mukhadvāraṃ āhāraṃ āharissatī’’ti…pe… saccaṃ kira tvaṃ, bhikkhu, adinnaṃ mukhadvāraṃ āhāraṃ āharasīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, adinnaṃ mukhadvāraṃ āhāraṃ āharissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –

‘‘яо бана бхигку ад̣̇иннам̣ мукад̣̇ваарам̣ аахаарам̣ аахарзяяа, баажид̇д̇ияа’’нд̇и.

‘‘Yopana bhikkhu adinnaṃ mukhadvāraṃ āhāraṃ āhareyya, pācittiya’’nti.

зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.

Evañcidaṃ bhagavatā bhikkhūnaṃ sikkhāpadaṃ paññattaṃ hoti.

264. д̇зна ко бана самаязна бхигкуу уд̣̇агад̣̇анд̇абонз ³⁷ гуггужжааяанд̇и . бхаг̇авад̇о зд̇амад̇т̇ам̣ аарожзсум̣…бз… ‘‘ануж̇аанаами, бхигкавз, уд̣̇агад̣̇анд̇абонам̣ саамам̣ г̇ахзд̇ваа барибхун̃ж̇ид̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –

264. Tena kho pana samayena bhikkhū udakadantapone ³⁸ kukkuccāyanti . Bhagavato etamatthaṃ ārocesuṃ…pe… ‘‘anujānāmi, bhikkhave, udakadantaponaṃ sāmaṃ gahetvā paribhuñjituṃ. Evañca pana, bhikkhave, imaṃ sikkhāpadaṃ uddiseyyātha –

265. ‘‘яо бана бхигку ад̣̇иннам̣ мукад̣̇ваарам̣ аахаарам̣ аахарзяяа, ан̃н̃ад̇ра уд̣̇агад̣̇анд̇абонаа, баажид̇д̇ияа’’нд̇и.

265.‘‘Yo pana bhikkhu adinnaṃ mukhadvāraṃ āhāraṃ āhareyya, aññatra udakadantaponā, pācittiya’’nti.

266. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.

266.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.

ад̣̇иннам̣ наама аббадиг̇г̇ахид̇агам̣ вужжад̇и.

Adinnaṃ nāma appaṭiggahitakaṃ vuccati.

д̣̇иннам̣ наама гааязна ваа гааяабадиб̣ад̣̇д̇хзна ваа ниссаг̇г̇иязна ваа д̣̇знд̇з хад̇т̇абаасз тид̇о гааязна ваа гааяабадиб̣ад̣̇д̇хзна ваа бадиг̇г̇ан̣хаад̇и, зд̇ам̣ д̣̇иннам̣ наама.

Dinnaṃ nāma kāyena vā kāyapaṭibaddhena vā nissaggiyena vā dente hatthapāse ṭhito kāyena vā kāyapaṭibaddhena vā paṭiggaṇhāti, etaṃ dinnaṃ nāma.

аахааро наама уд̣̇агад̣̇анд̇абонам̣ табзд̇ваа яам̣гин̃жи аж̇жхохаран̣ийяам̣, зсо аахааро наама.

Āhāro nāma udakadantaponaṃ ṭhapetvā yaṃkiñci ajjhoharaṇīyaṃ, eso āhāro nāma.

ан̃н̃ад̇ра уд̣̇агад̣̇анд̇абонаад̇и табзд̇ваа уд̣̇агад̣̇анд̇абонам̣.

Aññatra udakadantaponāti ṭhapetvā udakadantaponaṃ.

‘‘каад̣̇иссаами бхун̃ж̇иссаамий’’д̇и г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баажид̇д̇ияасса.

‘‘Khādissāmi bhuñjissāmī’’ti gaṇhāti, āpatti dukkaṭassa. Ajjhohāre ajjhohāre āpatti pācittiyassa.

267. аббадиг̇г̇ахид̇агз аббадиг̇г̇ахид̇агасан̃н̃ий ад̣̇иннам̣ мукад̣̇ваарам̣ аахаарам̣ аахаарзд̇и, ан̃н̃ад̇ра уд̣̇агад̣̇анд̇абонаа, аабад̇д̇и баажид̇д̇ияасса. аббадиг̇г̇ахид̇агз взмад̇иго ад̣̇иннам̣ мукад̣̇ваарам̣ аахаарам̣ аахаарзд̇и, ан̃н̃ад̇ра уд̣̇агад̣̇анд̇абонаа, аабад̇д̇и баажид̇д̇ияасса. аббадиг̇г̇ахид̇агз бадиг̇г̇ахид̇агасан̃н̃ий ад̣̇иннам̣ мукад̣̇ваарам̣ аахаарам̣ аахаарзд̇и, ан̃н̃ад̇ра уд̣̇агад̣̇анд̇абонаа, аабад̇д̇и баажид̇д̇ияасса.

267. Appaṭiggahitake appaṭiggahitakasaññī adinnaṃ mukhadvāraṃ āhāraṃ āhāreti, aññatra udakadantaponā, āpatti pācittiyassa. Appaṭiggahitake vematiko adinnaṃ mukhadvāraṃ āhāraṃ āhāreti, aññatra udakadantaponā, āpatti pācittiyassa. Appaṭiggahitake paṭiggahitakasaññī adinnaṃ mukhadvāraṃ āhāraṃ āhāreti, aññatra udakadantaponā, āpatti pācittiyassa.

бадиг̇г̇ахид̇агз аббадиг̇г̇ахид̇агасан̃н̃ий, аабад̇д̇и д̣̇уггадасса. бадиг̇г̇ахид̇агз взмад̇иго, аабад̇д̇и д̣̇уггадасса. бадиг̇г̇ахид̇агз бадиг̇г̇ахид̇агасан̃н̃ий, анаабад̇д̇и.

Paṭiggahitake appaṭiggahitakasaññī, āpatti dukkaṭassa. Paṭiggahitake vematiko, āpatti dukkaṭassa. Paṭiggahitake paṭiggahitakasaññī, anāpatti.

268. анаабад̇д̇и уд̣̇агад̣̇анд̇абонз, жад̇д̇аари махаавигад̇аани сад̇и бажжаяз асад̇и габбияагаарагз саамам̣ г̇ахзд̇ваа барибхун̃ж̇ад̇и, уммад̇д̇агасса, аад̣̇игаммигассаад̇и.

268. Anāpatti udakadantapone, cattāri mahāvikatāni sati paccaye asati kappiyakārake sāmaṃ gahetvā paribhuñjati, ummattakassa, ādikammikassāti.

д̣̇анд̇абонасигкаабад̣̇ам̣ нидтид̇ам̣ д̣̇асамам̣.

Dantaponasikkhāpadaṃ niṭṭhitaṃ dasamaṃ.

бхож̇анаваг̇г̇о жад̇уд̇т̇о.

Bhojanavaggo catuttho.

д̇ассуд̣̇д̣̇аанам̣ –

Tassuddānaṃ –

бин̣д̣о г̇ан̣ам̣ барам̣ буувам̣, д̣̇вз жа вуд̇д̇аа бавааран̣аа;

Piṇḍo gaṇaṃ paraṃ pūvaṃ, dve ca vuttā pavāraṇā;

вигаалз саннид̇хий кийрам̣, д̣̇анд̇абонзна д̇з д̣̇асаад̇и.

Vikāle sannidhī khīraṃ, dantaponena te dasāti.

Next: 5. ажзлагаваг̇г̇о • 5. Acelakavaggo

Footnotes:

1. паалид̇аа (сяаа. га.)

2. phālitā (syā. ka.)

3. гаммагарасса (сий.)

4. ад̇ирзгам̣ (сяаа.)

5. ход̇у мз (га.)

6. kammakarassa (sī.)

7. atirekaṃ (syā.)

8. hotu me (ka.)

9. уссуурзна (га.)

10. ussūrena (ka.)

11. бадияаад̣̇аабзд̇ваа (ид̇иби)

12. paṭiyādāpetvā (itipi)

13. бад̇иг̇ан̣хаахи (сий.)

14. бхад̇д̇абажжаасам̣ вигаббзд̇ваа (сяаа.)

15. patigaṇhāhi (sī.)

16. bhattapaccāsaṃ vikappetvā (syā.)

17. буубам̣ (н̣ваад̣̇имог̇г̇аллаанз)

18. pūpaṃ (ṇvādimoggallāne)

19. нааяяа (сяаа.)

20. nāyya (syā.)

21. бадивисагз (яож̇анаа)

22. аяяа (сяаа.)

23. paṭivisake (yojanā)

24. ayya (syā.)

25. убананд̇хо (га.)

26. д̇вам̣ хи (сяаа.)

27. upanandho (ka.)

28. tvaṃ hi (syā.)

29. б̣зладтисийсо (сий.) взл̣адтасийсо (сяаа.)

30. belaṭṭhisīso (sī.) veḷaṭṭhasīso (syā.)

31. уд̣̇агажаро (сяаа. га.)

32. udakacaro (syā. ka.)

33. баяог̇з баяог̇з (га.)

34. payoge payoge (ka.)

35. бхун̃ж̇ад̇и (сяаа.)

36. bhuñjati (syā.)

37. уд̣̇агад̣̇анд̇абон̣з (сяаа. га.)

38. udakadantapoṇe (syā. ka.)

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact