| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бхуумадтагат̇ааван̣н̣анаа
Bhūmaṭṭhakathāvaṇṇanā
94. ваажааяа ваажааяаад̇и згзгад̇т̇ад̣̇ийбигааяа ваажааяа ваажааяа. убалад̣̇д̇ход̇и н̃аад̇о. баал̣ияам̣ сзсаадтагат̇аасу жа гуд̣̇аалам̣ ваа бидагам̣ ваад̇и ид̣̇амзва д̣̇ваяам̣ вад̇ваа ваасипарасуунам̣ авуд̇д̇ад̇д̇аа д̇зсамби сан̇кзбадтагат̇аад̣̇ийсу ааг̇ад̇абхаавам̣ д̣̇ассзд̇ум̣ сан̇кзбадтагат̇ааяанд̇иаад̣̇и вуд̇д̇ам̣. т̇зяяажид̇д̇зна гад̇ад̇д̇аа ‘‘д̣̇уггадзхи сад̣̇д̇хим̣ баажид̇д̇ияааний’’д̇и вуд̇д̇ам̣.
94.Vācāyavācāyāti ekekatthadīpikāya vācāya vācāya. Upaladdhoti ñāto. Pāḷiyaṃ sesaaṭṭhakathāsu ca kudālaṃ vā piṭakaṃ vāti idameva dvayaṃ vatvā vāsipharasūnaṃ avuttattā tesampi saṅkhepaṭṭhakathādīsu āgatabhāvaṃ dassetuṃ saṅkhepaṭṭhakathāyantiādi vuttaṃ. Theyyacittena katattā ‘‘dukkaṭehi saddhiṃ pācittiyānī’’ti vuttaṃ.
адтавид̇хам̣ хзд̇анд̇иаад̣̇ийсу зд̇ам̣ д̣̇уггадам̣ наама т̇зрзхи д̇хаммасан̇г̇аахагзхи имасмим̣ таанз самод̇хаанзд̇ваа адтавид̇ханд̇и д̣̇ассид̇анд̇и яож̇анаа. саб̣б̣зсамби д̣̇уггадаанам̣ имзсуязва адтасу сан̇г̇ахзд̇аб̣б̣абхаавад̇о бана ид̇арзхи сад̇д̇ахи д̣̇уггадзхи винимуд̇д̇ам̣ винаяад̣̇уггадзязва сан̇г̇ахзд̇аб̣б̣ам̣. д̣̇асавид̇хам̣ рад̇ананд̇и ‘‘муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇аго масаараг̇алла’’нд̇и звамааг̇ад̇ам̣ д̣̇асавид̇хам̣ рад̇анам̣.
Aṭṭhavidhaṃ hetantiādīsu etaṃ dukkaṭaṃ nāma therehi dhammasaṅgāhakehi imasmiṃ ṭhāne samodhānetvā aṭṭhavidhanti dassitanti yojanā. Sabbesampi dukkaṭānaṃ imesuyeva aṭṭhasu saṅgahetabbabhāvato pana itarehi sattahi dukkaṭehi vinimuttaṃ vinayadukkaṭeyeva saṅgahetabbaṃ. Dasavidhaṃ ratananti ‘‘muttā maṇi veḷuriyo saṅkho silā pavāḷaṃ rajataṃ jātarūpaṃ lohitako masāragalla’’nti evamāgataṃ dasavidhaṃ ratanaṃ.
‘‘муд̇д̇аа ман̣и взл̣урияо жа сан̇ко,
‘‘Muttā maṇi veḷuriyo ca saṅkho,
силаа баваал̣ам̣ раж̇ад̇ан̃жа хзмам̣;
Silā pavāḷaṃ rajatañca hemaṃ;
лохид̇аган̃жа масаараг̇аллам̣,
Lohitakañca masāragallaṃ,
д̣̇асзд̇з д̇хийро рад̇анаани ж̇ан̃н̃аа’’д̇и. –
Dasete dhīro ratanāni jaññā’’ti. –
хи вуд̇д̇ам̣. сад̇д̇авид̇хам̣ д̇хан̃н̃анд̇и саали вийхи яаво ган̇г̇у гуд̣̇руусам̣ вараго г̇од̇хумод̇и имам̣ сад̇д̇авид̇хам̣ д̇хан̃н̃ам̣. аавуд̇хабхан̣д̣аад̣̇инд̇и аад̣̇и-сад̣̇д̣̇зна д̇урияабхан̣д̣аид̇т̇ируубаад̣̇им̣ сан̇г̇ан̣хаад̇и. анаамасид̇аб̣б̣з вад̇т̇умхи д̣̇уггадам̣ анаамаасад̣̇уггадам̣. д̣̇уруубажин̣н̣ад̣̇уггаданд̇и ‘‘агад̇д̇аб̣б̣а’’нд̇и ваарид̇асса гад̇ад̇д̇аа д̣̇удту убажин̣н̣ам̣ жарид̇анд̇и д̣̇уруубажин̣н̣ам̣, д̇асмим̣ д̣̇уггадам̣ д̣̇уруубажин̣н̣ад̣̇уггадам̣. винаяз бан̃н̃ад̇д̇ам̣ авасзсам̣ д̣̇уггадам̣ винаяад̣̇уггадам̣. згаад̣̇аса саманубхаасанаа наама бхигкубаад̇имогкз жад̇д̇ааро яаавад̇ад̇ияагаа сан̇гхаад̣̇исзсаа аридтасигкаабад̣̇анд̇и бан̃жа, бхигкунийбаад̇имогкз згам̣ яаавад̇ад̇ияагабаарааж̇игам̣ жад̇д̇ааро сан̇гхаад̣̇исзсаа жан̣д̣агаал̣ийсигкаабад̣̇анд̇и ча.
Hi vuttaṃ. Sattavidhaṃ dhaññanti sāli vīhi yavo kaṅgu kudrūsaṃ varako godhumoti imaṃ sattavidhaṃ dhaññaṃ. Āvudhabhaṇḍādinti ādi-saddena turiyabhaṇḍaitthirūpādiṃ saṅgaṇhāti. Anāmasitabbe vatthumhi dukkaṭaṃ anāmāsadukkaṭaṃ. Durūpaciṇṇadukkaṭanti ‘‘akattabba’’nti vāritassa katattā duṭṭhu upaciṇṇaṃ caritanti durūpaciṇṇaṃ, tasmiṃ dukkaṭaṃ durūpaciṇṇadukkaṭaṃ. Vinaye paññattaṃ avasesaṃ dukkaṭaṃ vinayadukkaṭaṃ. Ekādasa samanubhāsanā nāma bhikkhupātimokkhe cattāro yāvatatiyakā saṅghādisesā ariṭṭhasikkhāpadanti pañca, bhikkhunīpātimokkhe ekaṃ yāvatatiyakapārājikaṃ cattāro saṅghādisesā caṇḍakāḷīsikkhāpadanti cha.
сахабаяог̇ад̇о бадтааяа жзд̇т̇а буримабуримаа аабад̇д̇ияо бадиббассамбханд̇ийд̇и ааха ат̇а д̇хуранигкзбам̣ агад̇ваад̇иаад̣̇и. ‘‘д̇хуранигкзбам̣ агад̇ваа’’д̇и вуд̇д̇ад̇д̇аа д̇хуранигкзбам̣ гад̇ваа буна кан̣анд̇асса буримаабад̇д̇ияо на бадиббассамбханд̇ийд̇и вад̣̇анд̇и. ‘‘чзд̣̇анабажжаяаа д̣̇уггадам̣ д̣̇зсзд̇ваа мужжад̇ий’’д̇и вад̇ваа буб̣б̣абаяог̇з аабад̇д̇ийнам̣ д̣̇зсзд̇аб̣б̣ад̇ааяа авуд̇д̇ад̇д̇аа сахабаяог̇з бад̇д̇з буб̣б̣абаяог̇з аабад̇д̇ияо бадиббассамбханд̇ийд̇и взд̣̇ид̇аб̣б̣ам̣.
Sahapayogato paṭṭhāya cettha purimapurimā āpattiyo paṭippassambhantīti āha atha dhuranikkhepaṃ akatvātiādi. ‘‘Dhuranikkhepaṃ akatvā’’ti vuttattā dhuranikkhepaṃ katvā puna khaṇantassa purimāpattiyo na paṭippassambhantīti vadanti. ‘‘Chedanapaccayā dukkaṭaṃ desetvā muccatī’’ti vatvā pubbapayoge āpattīnaṃ desetabbatāya avuttattā sahapayoge patte pubbapayoge āpattiyo paṭippassambhantīti veditabbaṃ.
абарад̣̇д̇хам̣ вирад̣̇д̇хам̣ калид̇анд̇и саб̣б̣амзд̇ам̣ яан̃жа д̣̇уггаданд̇и зд̇т̇а вуд̇д̇асса д̣̇уггадасса барияааяаважанам̣, яам̣ мануссо гарзд̇иаад̣̇и банзд̇т̇а обамманид̣̇ассанам̣. сам̣яог̇абхаавод̇и д̣̇вид̇д̇ам̣ санд̇хааяа вуд̇д̇ам̣, д̇зна рассад̇д̇ассааби нимид̇д̇ам̣ д̣̇ассид̇анд̇и взд̣̇ид̇аб̣б̣ам̣. згасса муулзд̇и згасса санд̇игз. саб̣б̣ад̇т̇ааби аамасанз д̣̇уггадам̣, панд̣̇аабанз т̇уллажжаяан̃жа висум̣ висум̣ аамасанапанд̣̇аабанабаяог̇ам̣ гаронд̇ассзва ход̇и, згабаяог̇зна г̇ан̣ханд̇асса бана уд̣̇д̇хаарз баарааж̇игамзва, на д̣̇уггадат̇уллажжаяаанийд̇и вад̣̇анд̇и, згабаяог̇зна г̇ан̣ханд̇ассааби аамасанапанд̣̇аабанаанамби лаб̣бхамаанад̇д̇аа д̇ам̣ на г̇ахзд̇аб̣б̣ам̣. на хи саггаа анаамасид̇ваа апанд̣̇аабзд̇ваа жа гин̃жи г̇ахзд̇ум̣. ‘‘згамзва д̣̇зсзд̇ваа мужжад̇ий’’д̇и бам̣сукан̣анаад̣̇исамаанабаяог̇зби буримаа аабад̇д̇и уд̇д̇арамуд̇д̇арам̣ аабад̇д̇им̣ бад̇ваа бадиббассамбханд̇ийд̇и сан̃н̃ааяа гурунд̣̇адтагат̇ааяам̣ вуд̇д̇ам̣, ид̇арадтагат̇аасу бана кан̣анабаяог̇абхзд̣̇зхи баяог̇з баяог̇з аабаннаа аабад̇д̇ияо уд̇д̇арамуд̇д̇арам̣ бад̇ваа на бадиббассамбханд̇и ан̃н̃аман̃н̃ам̣ сад̣̇исад̇д̇аа вияууханам̣ бад̇ваа д̇аа саб̣б̣ааби бадиббассамбханд̇и висад̣̇исабаяог̇ад̇д̇аад̇и иминаа ад̇хиббааязна бадиббассад̣̇д̇хивид̇хаанам̣ вуд̇д̇анд̇и взд̣̇ид̇аб̣б̣ам̣. иминаа хи авахаарагасса аасаннам̣ ориманд̇ам̣ бараамасад̇и.
Aparaddhaṃ viraddhaṃ khalitanti sabbametaṃ yañca dukkaṭanti ettha vuttassa dukkaṭassa pariyāyavacanaṃ, yaṃ manusso karetiādi panettha opammanidassanaṃ. Saṃyogabhāvoti dvittaṃ sandhāya vuttaṃ, tena rassattassāpi nimittaṃ dassitanti veditabbaṃ. Ekassa mūleti ekassa santike. Sabbatthāpi āmasane dukkaṭaṃ, phandāpane thullaccayañca visuṃ visuṃ āmasanaphandāpanapayogaṃ karontasseva hoti, ekapayogena gaṇhantassa pana uddhāre pārājikameva, na dukkaṭathullaccayānīti vadanti, ekapayogena gaṇhantassāpi āmasanaphandāpanānampi labbhamānattā taṃ na gahetabbaṃ. Na hi sakkā anāmasitvā aphandāpetvā ca kiñci gahetuṃ. ‘‘Ekameva desetvā muccatī’’ti paṃsukhaṇanādisamānapayogepi purimā āpatti uttaramuttaraṃ āpattiṃ patvā paṭippassambhantīti saññāya kurundaṭṭhakathāyaṃ vuttaṃ, itaraṭṭhakathāsu pana khaṇanapayogabhedehi payoge payoge āpannā āpattiyo uttaramuttaraṃ patvā na paṭippassambhanti aññamaññaṃ sadisattā viyūhanaṃ patvā tā sabbāpi paṭippassambhanti visadisapayogattāti iminā adhippāyena paṭippassaddhividhānaṃ vuttanti veditabbaṃ. Iminā hi avahārakassa āsannaṃ orimantaṃ parāmasati.
д̇ад̇т̇зваад̇и мукаваддияамзва. б̣унд̣̇знаад̇и гумбхияаа хздтимад̇алзна. згадтаанз тид̇ааяа гумбхияаа таанаа жааванам̣ чахи аагаарзхи взд̣̇ид̇аб̣б̣анд̇и самб̣анд̇хо. згадтаанзд̇и жа сан̇калигаб̣ад̣̇д̇хабхаавзна згасмим̣ бад̇идтид̇огаасадтаанзд̇и ад̇т̇о. каан̣угам̣ гзсаг̇г̇амад̇д̇амби таанаа жаавзд̇ийд̇и каан̣угам̣ ад̇д̇ано бад̇идтид̇адтаанад̇о бан̃жахи аагаарзхи таанаа жаавзд̇и. чиннамад̇д̇з баарааж̇иганд̇и авассам̣ жз бад̇ад̇и, чиннамад̇д̇з баарааж̇игам̣. барижчзд̣̇од̇и бан̃жамаасагаад̣̇иг̇арубхаавабарижчзд̣̇о. абаб̣яууханд̇од̇и тид̇адтаанад̇о абанаяанавасзна вияууханд̇о раасим̣ гаронд̇о. звам̣ гад̇ваад̇и бхааж̇анамукаваддияаа гумбхиг̇ад̇зна бхааж̇анаг̇ад̇асса згааб̣ад̣̇д̇хабхаавам̣ вияож̇зд̇ваад̇и ад̇т̇о. убад̣дхагумбхийяанд̇и убад̣дхабун̣н̣ааяа гумбхияаа. винаяад̇хаммад̇аад̇и ад̇хигагааран̣аалаабхз винаяавинижчаяад̇хаммад̇аад̇и ад̇хиббааяо. на гзвалан̃жзд̇т̇а г̇аругад̇аава, суд̇д̇аануг̇аманамби ад̇т̇ийд̇и д̣̇ассзнд̇о абижаад̇иаад̣̇имааха. ган̣тзна бана барижчиннагаалзд̇и мукаг̇ад̇ам̣ аж̇жхохадагаалзд̇и ад̇т̇о. аж̇жхохаран̣амзва хзд̇т̇а барижчинд̣̇анам̣, на ган̣табид̣̇аханам̣. жиггананд̇и т̇ад̣̇д̇хам̣, б̣ахалам̣ гхананд̇и ад̇т̇о.
Tatthevāti mukhavaṭṭiyameva. Bundenāti kumbhiyā heṭṭhimatalena. Ekaṭṭhāne ṭhitāya kumbhiyā ṭhānā cāvanaṃ chahi ākārehi veditabbanti sambandho. Ekaṭṭhāneti ca saṅkhalikabaddhabhāvena ekasmiṃ patiṭṭhitokāsaṭṭhāneti attho. Khāṇukaṃ kesaggamattampi ṭhānā cāvetīti khāṇukaṃ attano patiṭṭhitaṭṭhānato pañcahi ākārehi ṭhānā cāveti. Chinnamatte pārājikanti avassaṃ ce patati, chinnamatte pārājikaṃ. Paricchedoti pañcamāsakādigarubhāvaparicchedo. Apabyūhantoti ṭhitaṭṭhānato apanayanavasena viyūhanto rāsiṃ karonto. Evaṃ katvāti bhājanamukhavaṭṭiyā kumbhigatena bhājanagatassa ekābaddhabhāvaṃ viyojetvāti attho. Upaḍḍhakumbhīyanti upaḍḍhapuṇṇāya kumbhiyā. Vinayadhammatāti adhikakāraṇālābhe vinayavinicchayadhammatāti adhippāyo. Na kevalañcettha garukatāva, suttānugamanampi atthīti dassento apicātiādimāha. Kaṇṭhena pana paricchinnakāleti mukhagataṃ ajjhohaṭakāleti attho. Ajjhoharaṇameva hettha paricchindanaṃ, na kaṇṭhapidahanaṃ. Cikkananti thaddhaṃ, bahalaṃ ghananti attho.
яоби т̇зяяажид̇д̇зна барасса гумбхияаа баад̣̇аг̇гханагам̣ саббим̣ ваа д̇злам̣ ваа авассам̣ биванагам̣ яам̣ гин̃жи д̣̇угууласаадагам̣ ваа жаммакан̣д̣аад̣̇ийнам̣ ваа ан̃н̃ад̇арам̣ багкибад̇и, хад̇т̇ад̇о муд̇д̇амад̇д̇з баарааж̇иганд̇и зд̇т̇а авахааро виймам̣сид̇аб̣б̣о. яад̣̇и жа д̣̇угуулаад̣̇ийсу саббид̇злаанам̣ бависанам̣ санд̇хааяа баарааж̇игам̣ бхавзяяа, д̇ад̇т̇а бавидтад̇злаад̣̇ино гумбхиг̇ад̇зна згааб̣ад̣̇д̇хад̇ааяа на д̇аава авахааро бхааж̇ананд̇арам̣ бавзсзд̇ваа г̇ахан̣агаалз вияа. д̇ат̇аа хи вуд̇д̇ам̣ – ‘‘бхааж̇анам̣ бана нимуж̇ж̇аабзд̇ваа г̇ан̣ханд̇асса яаава згааб̣ад̣̇д̇хам̣ ход̇и, д̇аава рагкад̇ий’’д̇иаад̣̇и. ат̇а д̇злаад̣̇ивинаасзна баарааж̇игам̣ бхавзяяа, д̇ад̣̇ааби д̇ин̣аж̇жхаабанаад̣̇ийсу вияа авахааро над̇т̇и, д̣̇уггадзна сад̣̇д̇хим̣ бхан̣д̣ад̣̇зяяамзва ход̇и, д̇ат̇аа жа баад̣̇аг̇гханагам̣ д̇злаад̣̇им̣ бийд̇ам̣ д̣̇угуулаад̣̇им̣ уд̣̇д̇харанд̇ассааби баарааж̇игам̣ на сияаа д̇ад̇т̇а бавидтасса д̇злаад̣̇ино винадтадтзна г̇ахан̣агкан̣з авиж̇ж̇амаанад̇д̇аа, виж̇ж̇амаанад̇д̇зна жа уд̣̇д̇хаарзязва баарааж̇игам̣ вад̇д̇аб̣б̣ам̣, на хад̇т̇ад̇о муд̇д̇амад̇д̇зд̇и. саб̣б̣аадтагат̇аасу жа д̣̇угуулаад̣̇ийнам̣ багкибанз хад̇т̇ад̇о муд̇д̇амад̇д̇з баарааж̇игасса вуд̇д̇ад̇д̇аа на д̇ам̣ бадигкибид̇ум̣ саггаа. адтагат̇ааббамаан̣зна банзд̇ам̣ г̇ахзд̇аб̣б̣ам̣, яуд̇д̇и банзд̇т̇а бан̣д̣ид̇зхи буб̣б̣аабарам̣ сам̣санд̣̇ид̇ваа уд̣̇д̇хаарзд̇аб̣б̣аа.
Yopi theyyacittena parassa kumbhiyā pādagghanakaṃ sappiṃ vā telaṃ vā avassaṃ pivanakaṃ yaṃ kiñci dukūlasāṭakaṃ vā cammakhaṇḍādīnaṃ vā aññataraṃ pakkhipati, hatthato muttamatte pārājikanti ettha avahāro vīmaṃsitabbo. Yadi ca dukūlādīsu sappitelānaṃ pavisanaṃ sandhāya pārājikaṃ bhaveyya, tattha paviṭṭhatelādino kumbhigatena ekābaddhatāya na tāva avahāro bhājanantaraṃ pavesetvā gahaṇakāle viya. Tathā hi vuttaṃ – ‘‘bhājanaṃ pana nimujjāpetvā gaṇhantassa yāva ekābaddhaṃ hoti, tāva rakkhatī’’tiādi. Atha telādivināsena pārājikaṃ bhaveyya, tadāpi tiṇajjhāpanādīsu viya avahāro natthi, dukkaṭena saddhiṃ bhaṇḍadeyyameva hoti, tathā ca pādagghanakaṃ telādiṃ pītaṃ dukūlādiṃ uddharantassāpi pārājikaṃ na siyā tattha paviṭṭhassa telādino vinaṭṭhaṭṭhena gahaṇakkhaṇe avijjamānattā, vijjamānattena ca uddhāreyeva pārājikaṃ vattabbaṃ, na hatthato muttamatteti. Sabbaaṭṭhakathāsu ca dukūlādīnaṃ pakkhipane hatthato muttamatte pārājikassa vuttattā na taṃ paṭikkhipituṃ sakkā. Aṭṭhakathāppamāṇena panetaṃ gahetabbaṃ, yutti panettha paṇḍitehi pubbāparaṃ saṃsanditvā uddhāretabbā.
балиб̣уж̇жхиссад̇ийд̇и ниваарзссад̇и. вуд̇д̇анаязна баарааж̇иганд̇и хад̇т̇ад̇о муд̇д̇амад̇д̇зязва баарааж̇игам̣. нзва авахааро, на г̇ийваад̇и ад̇д̇ано бхааж̇анад̇д̇аа вуд̇д̇ам̣, анаабад̇д̇имад̇д̇амзва вуд̇д̇ам̣, на бана звам̣ вижаарид̇анд̇и ад̇хиббааяо. б̣ахиг̇ад̇ам̣ наама ход̇ийд̇и д̇ад̇о бадтааяа д̇зласса адтаанад̇о ад̇хомукабхаавад̇о жа б̣ахиг̇ад̇ам̣ наама ход̇и. анд̇о бадтааяа чид̣̇д̣̇з гарияамаанз д̇зласса нигкамид̇ваа г̇ад̇аг̇ад̇адтаанам̣ бхааж̇анасан̇кяамзва г̇ажчад̇ийд̇и ааха ‘‘б̣аахиранд̇ад̇о баад̣̇аг̇гханагз г̇ал̣ид̇з баарааж̇ига’’нд̇и. яат̇аа д̇ат̇аа ваа гад̇ассаад̇и б̣аахиранд̇ад̇о ваа аб̣бханд̇аранд̇ад̇о ваа бадтааяа гад̇асса. маж̇жхз табзд̇ваа гад̇ачид̣̇д̣̇зд̇и маж̇жхз т̇огам̣ габаалам̣ табзд̇ваа бажчаа д̇ам̣ чинд̣̇анд̇зна гад̇ачид̣̇д̣̇з.
Palibujjhissatīti nivāressati. Vuttanayena pārājikanti hatthato muttamatteyeva pārājikaṃ. Neva avahāro, na gīvāti attano bhājanattā vuttaṃ, anāpattimattameva vuttaṃ, na pana evaṃ vicāritanti adhippāyo. Bahigataṃ nāma hotīti tato paṭṭhāya telassa aṭṭhānato adhomukhabhāvato ca bahigataṃ nāma hoti. Anto paṭṭhāya chidde kariyamāne telassa nikkhamitvā gatagataṭṭhānaṃ bhājanasaṅkhyameva gacchatīti āha ‘‘bāhirantato pādagghanake gaḷite pārājika’’nti. Yathā tathā vā katassāti bāhirantato vā abbhantarantato vā paṭṭhāya katassa. Majjhe ṭhapetvā katachiddeti majjhe thokaṃ kapālaṃ ṭhapetvā pacchā taṃ chindantena katachidde.
бад̇т̇ийнасса каад̣̇анам̣ ид̇арасса баанан̃жа саббиаад̣̇ийнам̣ барибхог̇од̇и ааха ‘‘акаад̣̇ид̇аб̣б̣ам̣ ваа абаад̇аб̣б̣ам̣ ваа гарод̇ий’’д̇и. гасмаа банзд̇т̇а д̣̇уггадам̣ вуд̇д̇анд̇и ааха ‘‘таанаажааванасса над̇т̇ид̇ааяа д̣̇уггада’’нд̇и. буримад̣̇ваяанд̇и бхзд̣̇анам̣ чад̣д̣анан̃жа. гумбхиж̇аж̇ж̇арагаран̣знаад̇и бун̣н̣агумбхияаа ж̇аж̇ж̇арагаран̣зна. маад̇игаауж̇угаран̣знаад̇и уд̣̇агабун̣н̣ааяа маад̇игааяа уж̇угаран̣зна. згалагкан̣анд̇и бхзд̣̇анам̣ гумбхияаа ж̇аж̇ж̇арагаран̣зна, чад̣д̣анам̣ маад̇игааяа уж̇угаран̣зна жа сад̣̇д̇хим̣ згасабхаавам̣. бажчимам̣ бана д̣̇ваяанд̇и жхаабанам̣ абарибхог̇агаран̣ан̃жа. зд̇т̇а звам̣ винижчаяам̣ вад̣̇анд̇ийд̇и зд̇асмим̣ махааадтагат̇ааяам̣ вуд̇д̇з ад̇т̇з згз аажарияаа звам̣ винижчаяам̣ вад̣̇анд̇и. бажчимад̣̇ваяам̣ санд̇хааяа вуд̇д̇анд̇и зд̇т̇а буримабад̣̇ад̣̇ваяз винижчаяо хздтаа вуд̇д̇аанусаарзна саггаа вин̃н̃аад̇унд̇и д̇ад̇т̇а гин̃жи авад̇ваа бажчимабад̣̇ад̣̇ваяам̣ санд̇хааяа ‘‘таанаажааванасса над̇т̇ид̇ааяа д̣̇уггада’’нд̇и ид̣̇ам̣ вуд̇д̇анд̇и ад̇хиббааяо . т̇зяяажид̇д̇знаад̇и ад̇д̇ано ваа барасса ваа гаад̇угаамад̇аавасзна уббаннат̇зяяажид̇д̇зна. винаасзд̇угаамад̇ааяаад̇и хад̇т̇абаад̣̇аад̣̇ийни чинд̣̇анд̇о вияа гзвалам̣ винаасзд̇угаамад̇ааяа. вуд̇д̇анаязна бхинд̣̇анд̇асса ваа чад̣д̣знд̇асса ваад̇и муг̇г̇арзна бот̇зд̇ваа бхинд̣̇анд̇асса ваа уд̣̇агам̣ ваа ваалигам̣ ваа аагирид̇ваа уд̇д̇араабзнд̇асса ваад̇и ад̇т̇о. аяуд̇д̇анд̇и жзд̇и баал̣ияам̣ буримад̣̇ваязби д̣̇уггадассзва вуд̇д̇ад̇д̇аа ‘‘буримад̣̇ваяз баарааж̇ига’’нд̇и ид̣̇ам̣ аяуд̇д̇анд̇и яад̣̇и д̇умхаагам̣ сияаад̇и ад̇т̇о. наад̇и аяуд̇д̇абхаавам̣ нисзд̇хзд̇ваа д̇ад̇т̇а гааран̣амааха ‘‘ан̃н̃ат̇аа г̇ахзд̇аб̣б̣ад̇т̇ад̇о’’д̇и.
Patthīnassa khādanaṃ itarassa pānañca sappiādīnaṃ paribhogoti āha ‘‘akhāditabbaṃ vā apātabbaṃ vā karotī’’ti. Kasmā panettha dukkaṭaṃ vuttanti āha ‘‘ṭhānācāvanassa natthitāya dukkaṭa’’nti. Purimadvayanti bhedanaṃ chaḍḍanañca. Kumbhijajjarakaraṇenāti puṇṇakumbhiyā jajjarakaraṇena. Mātikāujukaraṇenāti udakapuṇṇāya mātikāya ujukaraṇena. Ekalakkhaṇanti bhedanaṃ kumbhiyā jajjarakaraṇena, chaḍḍanaṃ mātikāya ujukaraṇena ca saddhiṃ ekasabhāvaṃ. Pacchimaṃ pana dvayanti jhāpanaṃ aparibhogakaraṇañca. Ettha evaṃ vinicchayaṃ vadantīti etasmiṃ mahāaṭṭhakathāyaṃ vutte atthe eke ācariyā evaṃ vinicchayaṃ vadanti. Pacchimadvayaṃ sandhāya vuttanti ettha purimapadadvaye vinicchayo heṭṭhā vuttānusārena sakkā viññātunti tattha kiñci avatvā pacchimapadadvayaṃ sandhāya ‘‘ṭhānācāvanassa natthitāya dukkaṭa’’nti idaṃ vuttanti adhippāyo . Theyyacittenāti attano vā parassa vā kātukāmatāvasena uppannatheyyacittena. Vināsetukāmatāyāti hatthapādādīni chindanto viya kevalaṃ vināsetukāmatāya. Vuttanayena bhindantassa vā chaḍḍentassa vāti muggarena pothetvā bhindantassa vā udakaṃ vā vālikaṃ vā ākiritvā uttarāpentassa vāti attho. Ayuttanti ceti pāḷiyaṃ purimadvayepi dukkaṭasseva vuttattā ‘‘purimadvaye pārājika’’nti idaṃ ayuttanti yadi tumhākaṃ siyāti attho. Nāti ayuttabhāvaṃ nisedhetvā tattha kāraṇamāha ‘‘aññathā gahetabbatthato’’ti.
звамзгз вад̣̇анд̇ийд̇и хздтаа вуд̇д̇асса ад̇т̇анаяасса ад̇д̇анаа анабхимад̇абхаавам̣ д̣̇ассзд̇ваа саяам̣ ан̃н̃ат̇ааби баал̣им̣ адтагат̇ан̃жа сам̣санд̣̇ид̇ваа ад̇т̇ам̣ д̣̇ассзд̇угаамо аяам̣ банзд̇т̇а саарод̇иаад̣̇имааха. ажаавзд̇угаамоваад̇и т̇зяяажид̇д̇зна таанаа ажаавзд̇угаамова. ачад̣д̣зд̇угаамоязваад̇и зд̇т̇ааби т̇зяяажид̇д̇знаад̇и самб̣анд̇хид̇аб̣б̣ам̣. ид̣̇ан̃хи т̇зяяажид̇д̇абагкам̣ санд̇хааяа вуд̇д̇ам̣ наасзд̇угаамад̇аабагкасса вагкамаанад̇д̇аа. д̇знзвааха наасзд̇угаамад̇аабагкз банаад̇иаад̣̇и. ид̇арат̇ааби яуж̇ж̇ад̇ийд̇и т̇зяяажид̇д̇аабхааваа таанаа жаавзд̇угаамассааби д̣̇уггадам̣ яуж̇ж̇ад̇ийд̇и вуд̇д̇ам̣ ход̇и.
Evameke vadantīti heṭṭhā vuttassa atthanayassa attanā anabhimatabhāvaṃ dassetvā sayaṃ aññathāpi pāḷiṃ aṭṭhakathañca saṃsanditvā atthaṃ dassetukāmo ayaṃ panettha sārotiādimāha. Acāvetukāmovāti theyyacittena ṭhānā acāvetukāmova. Achaḍḍetukāmoyevāti etthāpi theyyacittenāti sambandhitabbaṃ. Idañhi theyyacittapakkhaṃ sandhāya vuttaṃ nāsetukāmatāpakkhassa vakkhamānattā. Tenevāha nāsetukāmatāpakkhe panātiādi. Itarathāpi yujjatīti theyyacittābhāvā ṭhānā cāvetukāmassāpi dukkaṭaṃ yujjatīti vuttaṃ hoti.
бхуумадтагат̇ааван̣н̣анаанаяо нидтид̇о.
Bhūmaṭṭhakathāvaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхуумадтагат̇ааван̣н̣анаа • Bhūmaṭṭhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
