Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
14. бхууминид̣̇д̣̇зсаван̣н̣анаа
14. Bhūminiddesavaṇṇanā
136. яаасу вуд̇т̇ам̣ багган̃жа габбад̇и, д̇аа габбияаа бхуумияо саммуд̇и жа саммуд̇игуди жа…бз… г̇ахабад̇и жа г̇ахабад̇игуди жаад̇и имаа жад̇ассо хонд̇ийд̇и яож̇зд̇ваа ад̇т̇о взд̣̇ид̇аб̣б̣о. д̇ад̇т̇а бхзсаж̇ж̇агканд̇хагз (махаава. 295) вуд̇д̇ааяа уд̇д̇ид̣̇уд̇ияагаммаваажааяа, абалоганагаммавасзна ваа саавзд̇ваа саммаа уд̇д̇исамбаннам̣ гарийяад̇ийд̇и саммуд̇и, т̇амбхаанам̣ бхид̇д̇ибаад̣̇аанам̣ ваа уг̇г̇аманам̣ уд̣̇д̇хам̣ гад̇ваа табанам̣, ‘‘габбияагудим̣ гаромаа’’д̇и ваажааяа сааванан̃жа анд̇ам̣ яассаа саа уссаавананд̇аа. д̇ат̇аа жа вуд̇д̇ам̣ ‘‘т̇амбхаббад̇идтаанан̃жа важанабарияосаанан̃жа самагаалам̣ ваддад̇ий’’д̇и (махаава. адта. 295). нисаад̣̇анам̣ бависанам̣ саннивзсанам̣ нисаад̣̇о, г̇уннам̣ вияа нисаад̣̇о зд̇иссаад̇и г̇онисаад̣̇и. бхигкум̣ табзд̇ваа сзсасахад̇хаммигаа саб̣б̣з жа д̣̇звамануссаа ид̇ха г̇ахабад̇ийд̇и сааман̃н̃зна ад̇хиббзд̇аа. зд̇т̇а бана г̇ахабад̇исамб̣анд̇хиний гуди д̣̇ийгхзна г̇ахабад̇ий.
136. Yāsu vutthaṃ pakkañca kappati, tā kappiyā bhūmiyo sammuti ca sammutikuṭi ca…pe… gahapati ca gahapatikuṭi cāti imā catasso hontīti yojetvā attho veditabbo. Tattha bhesajjakkhandhake (mahāva. 295) vuttāya uttidutiyakammavācāya, apalokanakammavasena vā sāvetvā sammā uttisampannaṃ karīyatīti sammuti, thambhānaṃ bhittipādānaṃ vā uggamanaṃ uddhaṃ katvā ṭhapanaṃ, ‘‘kappiyakuṭiṃ karomā’’ti vācāya sāvanañca antaṃ yassā sā ussāvanantā. Tathā ca vuttaṃ ‘‘thambhappatiṭṭhānañca vacanapariyosānañca samakālaṃ vaṭṭatī’’ti (mahāva. aṭṭha. 295). Nisādanaṃ pavisanaṃ sannivesanaṃ nisādo, gunnaṃ viya nisādo etissāti gonisādi. Bhikkhuṃ ṭhapetvā sesasahadhammikā sabbe ca devamanussā idha gahapatīti sāmaññena adhippetā. Ettha pana gahapatisambandhinī kuṭi dīghena gahapatī.
‘‘яам̣ бана агаббияабхуумияам̣ сахасзяяаббахонагз г̇зхз вуд̇т̇а’’нд̇и (махаава. адта. 295) адтагат̇ааважанад̇о яам̣ сан̇гхо ааган̇кад̇и вихаарам̣ ваа ад̣дхаяог̇ам̣ ваа баасаад̣̇ам̣ ваа хаммияам̣ ваа г̇ухам̣ ваа лзн̣аад̣̇им̣ ваа, д̇зсамби сааман̃н̃аважанам̣ вин̃н̃ааяад̇ийд̇и д̇ам̣д̇ам̣лагкан̣аббад̇д̇аа сахасзяяаббахонагаа лзн̣аад̣̇аяо жад̇уусвзва гудийсу анд̇ог̇ад̇хаад̇и взд̣̇ид̇аб̣б̣ам̣. имаасу жад̇уусу сахасзяяаббахонагз бад̣̇зсз яам̣ сан̇гхигам̣ буг̇г̇алигам̣ ваа бхигкусанд̇агам̣ згарад̇д̇амби анд̇овуд̇т̇ам̣ анубасамбаннзна багган̃жа яаавагаалигам̣ яаамагаалиган̃жа анд̇овуд̇т̇аанд̇обаггасан̇кам̣ на г̇ажчад̇и, го бана ваад̣̇о ид̇арад̣̇ваяз. д̇ам̣ бана агаббияабхуумияамби вуд̇т̇ам̣ багган̃жа ваддад̇и. д̇зна вуд̇д̇ам̣ ‘‘яаасу вуд̇т̇ам̣ багган̃жа габбад̇ий’’д̇и.
‘‘Yaṃ pana akappiyabhūmiyaṃ sahaseyyappahonake gehe vuttha’’nti (mahāva. aṭṭha. 295) aṭṭhakathāvacanato yaṃ saṅgho ākaṅkhati vihāraṃ vā aḍḍhayogaṃ vā pāsādaṃ vā hammiyaṃ vā guhaṃ vā leṇādiṃ vā, tesampi sāmaññavacanaṃ viññāyatīti taṃtaṃlakkhaṇappattā sahaseyyappahonakā leṇādayo catūsveva kuṭīsu antogadhāti veditabbaṃ. Imāsu catūsu sahaseyyappahonake padese yaṃ saṅghikaṃ puggalikaṃ vā bhikkhusantakaṃ ekarattampi antovutthaṃ anupasampannena pakkañca yāvakālikaṃ yāmakālikañca antovutthaantopakkasaṅkhaṃ na gacchati, ko pana vādo itaradvaye. Taṃ pana akappiyabhūmiyampi vutthaṃ pakkañca vaṭṭati. Tena vuttaṃ ‘‘yāsu vutthaṃ pakkañca kappatī’’ti.
137. ваасад̇т̇ааяа гад̇з сан̇гхигз ваа згасанд̇агз ваа сахасзяяаббахонагз г̇зхз габбияаагуди лад̣̇д̇хаб̣б̣аад̇и самб̣анд̇хо. д̇ад̇т̇а ваасад̇т̇ааяаад̇и иминаа аваасад̇т̇ааяа гад̇ам̣ нивад̇д̇зд̇и. згасанд̇агзд̇и згасса бхигкуно санд̇агз. габбияаагудийд̇и бхааваббад̇хаанояам̣ нид̣̇д̣̇зсо, на хи г̇зхз г̇зхам̣ лад̣̇д̇хум̣ яуж̇ж̇ад̇ийд̇и габбияагудид̇аад̇и ад̇т̇о. д̣̇ийгхо бана г̇аат̇аавасзна, габбияаа гудид̇аад̇и ваа висзсанавасзна д̣̇адтаб̣б̣ам̣. сахасзяяаббахонагзд̇и зд̇т̇а сахасзяяаббахонагам̣ ваасааг̇ааралагкан̣з вуд̇д̇алагкан̣ам̣ сзнаасанам̣.
137. Vāsatthāya kate saṅghike vā ekasantake vā sahaseyyappahonake gehe kappiyākuṭi laddhabbāti sambandho. Tattha vāsatthāyāti iminā avāsatthāya kataṃ nivatteti. Ekasantaketi ekassa bhikkhuno santake. Kappiyākuṭīti bhāvappadhānoyaṃ niddeso, na hi gehe gehaṃ laddhuṃ yujjatīti kappiyakuṭitāti attho. Dīgho pana gāthāvasena, kappiyā kuṭitāti vā visesanavasena daṭṭhabbaṃ. Sahaseyyappahonaketi ettha sahaseyyappahonakaṃ vāsāgāralakkhaṇe vuttalakkhaṇaṃ senāsanaṃ.
138. ид̣̇аани д̇аа гудияо гамзна д̣̇ассзд̇ваа д̇ад̇т̇а бадибаж̇ж̇ид̇аб̣б̣авид̇хим̣, д̇аасам̣ саб̣б̣ат̇аабаг̇аман̃жа д̣̇ассзд̇ум̣ ‘‘г̇зхз’’д̇иаад̣̇имааха. д̇ад̇т̇а ‘‘габбияагудим̣ гарома, габбияагудим̣ гаромаа’’д̇и звамийраяанд̇и самб̣анд̇хо. идтагаа жа т̇амбхаа жа ‘‘идтагаат̇амбхаа’’д̇и вад̇д̇аб̣б̣з рассо. идтагат̇амбхаа аад̣̇и яасса бхид̇д̇ибаасаад̣̇ассаад̇и б̣ахуб̣б̣ийхи. бажчаа батамасад̣̇д̣̇зна гаммад̇хаараяо. ‘‘табзяяа жз, саа уссаавананд̇игаа’’д̇и звам̣ жз-саа-сад̣̇д̣̇з яож̇зд̇ваа ад̇т̇о взд̣̇ид̇аб̣б̣о.
138. Idāni tā kuṭiyo kamena dassetvā tattha paṭipajjitabbavidhiṃ, tāsaṃ sabbathāpagamañca dassetuṃ ‘‘gehe’’tiādimāha. Tattha ‘‘kappiyakuṭiṃ karoma, kappiyakuṭiṃ karomā’’ti evamīrayanti sambandho. Iṭṭhakā ca thambhā ca ‘‘iṭṭhakāthambhā’’ti vattabbe rasso. Iṭṭhakathambhā ādi yassa bhittipāsādassāti bahubbīhi. Pacchā paṭhamasaddena kammadhārayo. ‘‘Ṭhapeyya ce, sā ussāvanantikā’’ti evaṃ ce-sā-sadde yojetvā attho veditabbo.
139. сагало абаригкид̇д̇о аараамоби ваад̇и самб̣анд̇хо. сзнаасанам̣ баригкид̇д̇ам̣ ваа ход̇у, абаригкид̇д̇ам̣ ваа, на д̇ам̣ бамаан̣ам̣.
139. Sakalo aparikkhitto ārāmopi vāti sambandho. Senāsanaṃ parikkhittaṃ vā hotu, aparikkhittaṃ vā, na taṃ pamāṇaṃ.
140. ан̃н̃зхи габбияагудияаа ад̇т̇ааяа д̣̇инно ваа д̇зсам̣ санд̇аго ваад̇и яож̇анаа.
140. Aññehi kappiyakuṭiyā atthāya dinno vā tesaṃ santako vāti yojanā.
141. авирод̇хабхаавзна габбанийяаа габбаа, габба саамад̇т̇ияамижжзд̇асмаа ид̇т̇ияам̣ аабажжаяз руубам̣, на габбаа агаббаа, агаббаа жа саа гуди жзд̇и агаббагуди, д̇ааяа. саббиаад̣̇ийд̇и иминаа сад̇д̇аахагаалигам̣ яааваж̇ийвиган̃жа г̇ахид̇ам̣.
141. Avirodhabhāvena kappanīyā kappā, kappa sāmatthiyamiccetasmā itthiyaṃ āpaccaye rūpaṃ, na kappā akappā, akappā ca sā kuṭi ceti akappakuṭi, tāya. Sappiādīti iminā sattāhakālikaṃ yāvajīvikañca gahitaṃ.
142. д̇зхзваад̇и агаббагудияам̣ вуд̇т̇асаббиаад̣̇ийхи зва сад̣̇д̇хим̣ сад̇д̇аахагаалигасам̣садтад̇ааяа ‘‘сад̇д̇аахам̣ габбад̇з’’д̇и вуд̇д̇ам̣. саамисзд̇и аамисасан̇каад̇зна буримад̣̇ваязна сахид̇з. саамабаагад̇аад̇и саамам̣ ад̇д̇анаа бааго зд̇ассаад̇и саамабаагам̣, сад̇д̇аахагаалигзна саха баггам̣ саамисам̣ яааваж̇ийвигам̣, д̇асса бхааво саамабаагад̇аа. саяам̣ баггам̣ д̇ам̣ ад̇д̇анаа сам̣садтад̇ааяа д̇амби аамисам̣ саамабаагаг̇ад̇игам̣ гарод̇ийд̇и д̇асса саамабаагад̇аа ход̇ийд̇и ад̇хиббааяо.
142.Tehevāti akappakuṭiyaṃ vutthasappiādīhi eva saddhiṃ sattāhakālikasaṃsaṭṭhatāya ‘‘sattāhaṃ kappate’’ti vuttaṃ. Sāmiseti āmisasaṅkhātena purimadvayena sahite. Sāmapākatāti sāmaṃ attanā pāko etassāti sāmapākaṃ, sattāhakālikena saha pakkaṃ sāmisaṃ yāvajīvikaṃ, tassa bhāvo sāmapākatā. Sayaṃ pakkaṃ taṃ attanā saṃsaṭṭhatāya tampi āmisaṃ sāmapākagatikaṃ karotīti tassa sāmapākatā hotīti adhippāyo.
143. ад̇хидтид̇аад̇и бад̇идтид̇аа. зва-сад̣̇д̣̇о д̇идтад̇исад̣̇д̣̇асса анд̇з д̣̇адтаб̣б̣о.
143.Adhiṭṭhitāti patiṭṭhitā. Eva-saddo tiṭṭhatisaddassa ante daṭṭhabbo.
144. саб̣б̣зсууд̇и т̇амбхаад̣̇ийсу сагалзсу. ж̇ахид̇ам̣ вад̇т̇у гудибхууми яассаа ж̇ахид̇авад̇т̇угаа. баригкид̇д̇з ж̇ахид̇авад̇т̇угаад̇и самб̣анд̇хо. сзсаад̇и ид̇араа д̣̇вз гудияо. чад̣̇анавиб̣бхамаад̇и чад̣̇анасса винаасаа. зд̇т̇ааби ‘‘ж̇ахид̇авад̇т̇угаа’’д̇и аанзд̇аб̣б̣анд̇и.
144.Sabbesūti thambhādīsu sakalesu. Jahitaṃ vatthu kuṭibhūmi yassā jahitavatthukā. Parikkhitte jahitavatthukāti sambandho. Sesāti itarā dve kuṭiyo. Chadanavibbhamāti chadanassa vināsā. Etthāpi ‘‘jahitavatthukā’’ti ānetabbanti.
бхууминид̣̇д̣̇зсаван̣н̣анаа нидтид̇аа.
Bhūminiddesavaṇṇanā niṭṭhitā.