| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
2. бхуурид̣̇ад̇д̇ажарияааван̣н̣анаа
2. Bhūridattacariyāvaṇṇanā
11. д̣̇уд̇ияз бхуурид̣̇ад̇д̇од̇и бхуурисамад̣̇ад̇д̇о. д̣̇ад̇д̇од̇и хи д̇ад̣̇аа б̣од̇хисад̇д̇асса маад̇аабид̇уухи гад̇ам̣ наамам̣. яасмаа банзсо нааг̇абхаванз вируубагкамахаарааж̇абхаванз д̇аавад̇им̣сабхаванз жа уббаннз бан̃хз саммад̣̇зва винижчинаад̇и, згад̣̇ивасан̃жа вируубагкамахаарааж̇з нааг̇абарисааяа сад̣̇д̇хим̣ д̇ид̣̇асабурам̣ г̇анд̇ваа саггам̣ бариваарзд̇ваа нисиннз д̣̇зваанаманд̇арз бан̃хо самудтааси. д̇ам̣ гожи гат̇зд̇ум̣ наасагки. саггзна бана анун̃н̃аад̇о баллан̇гавараг̇ад̇о худ̇ваа махаасад̇д̇ова гат̇зси. ат̇а нам̣ д̣̇зварааж̇аа д̣̇иб̣б̣аг̇анд̇хабубпзхи бууж̇зд̇ваа ‘‘д̣̇ад̇д̇а, д̇вам̣ бат̇ависамааяа вибулааяа бан̃н̃ааяа саманнааг̇ад̇о ид̇о бадтааяа бхуурид̣̇ад̇д̇о наамаа’’д̇и ааха. бхуурийд̇и хи бат̇авияаа наамам̣, д̇асмаа бхуурисамад̇ааяа бхууд̇з ад̇т̇з рамад̇ийд̇и жа бхуурисан̇каад̇ааяа махад̇ияаа бан̃н̃ааяа саманнааг̇ад̇ад̇д̇аа махаасад̇д̇о ‘‘бхуурид̣̇ад̇д̇о’’д̇и бан̃н̃ааяид̇т̇а. махад̇ияаа бана нааг̇ид̣̇д̇хияаа саманнааг̇ад̇ад̇д̇аа махид̣̇д̇хиго жаад̇и.
11. Dutiye bhūridattoti bhūrisamadatto. Dattoti hi tadā bodhisattassa mātāpitūhi kataṃ nāmaṃ. Yasmā paneso nāgabhavane virūpakkhamahārājabhavane tāvatiṃsabhavane ca uppanne pañhe sammadeva vinicchināti, ekadivasañca virūpakkhamahārāje nāgaparisāya saddhiṃ tidasapuraṃ gantvā sakkaṃ parivāretvā nisinne devānamantare pañho samuṭṭhāsi. Taṃ koci kathetuṃ nāsakkhi. Sakkena pana anuññāto pallaṅkavaragato hutvā mahāsattova kathesi. Atha naṃ devarājā dibbagandhapupphehi pūjetvā ‘‘datta, tvaṃ pathavisamāya vipulāya paññāya samannāgato ito paṭṭhāya bhūridatto nāmā’’ti āha. Bhūrīti hi pathaviyā nāmaṃ, tasmā bhūrisamatāya bhūte atthe ramatīti ca bhūrisaṅkhātāya mahatiyā paññāya samannāgatattā mahāsatto ‘‘bhūridatto’’ti paññāyittha. Mahatiyā pana nāgiddhiyā samannāgatattā mahiddhiko cāti.
ад̇ийд̇з хи имасмим̣язва габбз б̣аараан̣асиран̃н̃о буд̇д̇о бид̇араа радтад̇о баб̣б̣ааж̇ид̇о ванз васанд̇о ан̃н̃ад̇арааяа нааг̇амаан̣авигааяа сам̣ваасам̣ габбзси. д̇зсам̣ сам̣ваасаманвааяа д̣̇вз д̣̇аарагаа ж̇ааяим̣су – буд̇д̇о жа д̇хийд̇аа жа. буд̇д̇асса ‘‘сааг̇араб̣рахмад̣̇ад̇д̇о’’д̇и наамам̣ гарим̣су д̇хийд̇ааяа ‘‘самуд̣̇д̣̇аж̇аа’’д̇и. со абарабхааг̇з бид̇у ажжаязна б̣аараан̣асим̣ г̇анд̇ваа раж̇ж̇ам̣ гаарзси. ат̇а д̇хад̇арадто наама нааг̇арааж̇аа бан̃жаяож̇анасад̇игз нааг̇абхаванз нааг̇араж̇ж̇ам̣ гаарзнд̇о д̇ам̣ абхууд̇аваад̣̇игзна жид̇д̇ажуул̣зна наама гажчабзна ‘‘б̣аараан̣асирааж̇аа ад̇д̇ано д̇хийд̇арам̣ д̇уяхам̣ д̣̇аад̇угаамо, саа ко бана рааж̇ад̇хийд̇аа самуд̣̇д̣̇аж̇аа наама абхируубаа д̣̇ассанийяаа баасаад̣̇игаа жаа’’д̇и гат̇ид̇ам̣ суд̇ваа д̇хад̇арадто жад̇д̇ааро нааг̇амаан̣авагз бзсзд̇ваа д̇ам̣ д̣̇аад̇ум̣ анижчанд̇ам̣ нааг̇авибхим̣сигааяа бхим̣саабзд̇ваа ‘‘д̣̇аммий’’д̇и вуд̇д̇з маханд̇ам̣ бан̣н̣аагаарам̣ бзсзд̇ваа махад̇ияаа нааг̇ид̣̇д̇хияаа маханд̇зна бариваарзна д̇асса д̇хийд̇арам̣ нааг̇абхаванам̣ нзд̇ваа аг̇г̇амахзсидтаанз табзси.
Atīte hi imasmiṃyeva kappe bārāṇasirañño putto pitarā raṭṭhato pabbājito vane vasanto aññatarāya nāgamāṇavikāya saṃvāsaṃ kappesi. Tesaṃ saṃvāsamanvāya dve dārakā jāyiṃsu – putto ca dhītā ca. Puttassa ‘‘sāgarabrahmadatto’’ti nāmaṃ kariṃsu dhītāya ‘‘samuddajā’’ti. So aparabhāge pitu accayena bārāṇasiṃ gantvā rajjaṃ kāresi. Atha dhataraṭṭho nāma nāgarājā pañcayojanasatike nāgabhavane nāgarajjaṃ kārento taṃ abhūtavādikena cittacūḷena nāma kacchapena ‘‘bārāṇasirājā attano dhītaraṃ tuyhaṃ dātukāmo, sā kho pana rājadhītā samuddajā nāma abhirūpā dassanīyā pāsādikā cā’’ti kathitaṃ sutvā dhataraṭṭho cattāro nāgamāṇavake pesetvā taṃ dātuṃ anicchantaṃ nāgavibhiṃsikāya bhiṃsāpetvā ‘‘dammī’’ti vutte mahantaṃ paṇṇākāraṃ pesetvā mahatiyā nāgiddhiyā mahantena parivārena tassa dhītaraṃ nāgabhavanaṃ netvā aggamahesiṭṭhāne ṭhapesi.
саа абарабхааг̇з д̇хад̇арадтам̣ бадижжа суд̣̇ассано, д̣̇ад̇д̇о, субхог̇о, аридтод̇и жад̇д̇ааро буд̇д̇з бадилабхи. д̇зсу д̣̇ад̇д̇о б̣од̇хисад̇д̇о, со буб̣б̣з вуд̇д̇анаязнзва саггзна д̇удтажид̇д̇зна ‘‘бхуурид̣̇ад̇д̇о’’д̇и г̇ахид̇анаамад̇д̇аа ‘‘бхуурид̣̇ад̇д̇о’’д̇взва бан̃н̃ааяид̇т̇а. ат̇а нзсам̣ бид̇аа яож̇анасад̇игам̣ яож̇анасад̇игам̣ раж̇ж̇ам̣ бхааж̇зд̇ваа ад̣̇ааси. маханд̇о яасо ахоси. сол̣асасол̣асанааг̇аган̃н̃аасахассаани бариваараяим̣су. бид̇уби згаяож̇анасад̇амзва раж̇ж̇ам̣ ахоси. д̇аяо буд̇д̇аа маасз маасз маад̇аабид̇аро бассид̇ум̣ ааг̇ажчанд̇и, б̣од̇хисад̇д̇о бана анвад̣̇д̇хамаасам̣ ааг̇ажчад̇и.
Sā aparabhāge dhataraṭṭhaṃ paṭicca sudassano, datto, subhogo, ariṭṭhoti cattāro putte paṭilabhi. Tesu datto bodhisatto, so pubbe vuttanayeneva sakkena tuṭṭhacittena ‘‘bhūridatto’’ti gahitanāmattā ‘‘bhūridatto’’tveva paññāyittha. Atha nesaṃ pitā yojanasatikaṃ yojanasatikaṃ rajjaṃ bhājetvā adāsi. Mahanto yaso ahosi. Soḷasasoḷasanāgakaññāsahassāni parivārayiṃsu. Pitupi ekayojanasatameva rajjaṃ ahosi. Tayo puttā māse māse mātāpitaro passituṃ āgacchanti, bodhisatto pana anvaddhamāsaṃ āgacchati.
со згад̣̇ивасам̣ вируубагкамахаарааж̇зна сад̣̇д̇хим̣ саггасса убадтаанам̣ г̇ад̇о взж̇аяанд̇абаасаад̣̇ам̣ суд̇хаммад̣̇звасабхам̣ баарижчад̇д̇агаговил̣аарам̣ бан̣д̣угамб̣аласилаасанам̣ д̣̇зважчараабариваарам̣ ад̇иманохарам̣ саггасамбад̇д̇им̣ д̣̇исваа ‘‘зд̇д̇агамад̇д̇амби нааг̇ад̇д̇абхаавз тид̇асса д̣̇уллабхам̣, гуд̇о саммаасамб̣од̇хий’’д̇и нааг̇ад̇д̇абхаавам̣ ж̇иг̇ужчид̇ваа ‘‘нааг̇абхаванам̣ г̇анд̇ваа убосат̇аваасам̣ васид̇ваа сийламзва баг̇г̇ан̣хиссаами, д̇ам̣ б̣од̇хибарибаажанам̣ ход̇и, имасмим̣ д̣̇звалогз уббад̇д̇игааран̣ам̣ бхависсад̇ий’’д̇и жинд̇зд̇ваа нааг̇абхаванам̣ г̇анд̇ваа маад̇аабид̇аро ааха – ‘‘аммад̇аад̇аа, ахам̣ убосат̇агаммам̣ гариссаамий’’д̇и. д̇зхи ‘‘ид̇хзва убосат̇ам̣ убавасаахи, б̣ахиг̇ад̇аанам̣ нааг̇аанам̣ маханд̇ам̣ бхаяа’’нд̇и вуд̇д̇з згаваарам̣ д̇ат̇аа гад̇ваа нааг̇аган̃н̃аахи убад̣̇д̣̇уд̇о бунаваарз маад̇аабид̇уунам̣ анаарожзд̇ваа ад̇д̇ано бхарияам̣ ааманд̇зд̇ваа ‘‘бхад̣̇д̣̇з, ахам̣ мануссалогам̣ г̇анд̇ваа яамунаад̇ийрз махааниг̇род̇харугко ад̇т̇и д̇асса авид̣̇уурз ваммигамад̇т̇агз бхог̇з аабхуж̇ид̇ваа жад̇уран̇г̇асаманнааг̇ад̇ам̣ убосат̇ам̣ ад̇хидтааяа нибаж̇ж̇ид̇ваа ‘‘убосат̇агаммам̣ гариссаамий’’д̇и нааг̇абхаванад̇о нигкамид̇ваа д̇ат̇аа гарод̇и. д̇зна вуд̇д̇ам̣ ‘‘вируубагкзна махааран̃н̃аа, д̣̇звалогамаг̇ан̃чаха’’нд̇иаад̣̇и.
So ekadivasaṃ virūpakkhamahārājena saddhiṃ sakkassa upaṭṭhānaṃ gato vejayantapāsādaṃ sudhammadevasabhaṃ pāricchattakakoviḷāraṃ paṇḍukambalasilāsanaṃ devaccharāparivāraṃ atimanoharaṃ sakkasampattiṃ disvā ‘‘ettakamattampi nāgattabhāve ṭhitassa dullabhaṃ, kuto sammāsambodhī’’ti nāgattabhāvaṃ jigucchitvā ‘‘nāgabhavanaṃ gantvā uposathavāsaṃ vasitvā sīlameva paggaṇhissāmi, taṃ bodhiparipācanaṃ hoti, imasmiṃ devaloke uppattikāraṇaṃ bhavissatī’’ti cintetvā nāgabhavanaṃ gantvā mātāpitaro āha – ‘‘ammatātā, ahaṃ uposathakammaṃ karissāmī’’ti. Tehi ‘‘idheva uposathaṃ upavasāhi, bahigatānaṃ nāgānaṃ mahantaṃ bhaya’’nti vutte ekavāraṃ tathā katvā nāgakaññāhi upadduto punavāre mātāpitūnaṃ anārocetvā attano bhariyaṃ āmantetvā ‘‘bhadde, ahaṃ manussalokaṃ gantvā yamunātīre mahānigrodharukkho atthi tassa avidūre vammikamatthake bhoge ābhujitvā caturaṅgasamannāgataṃ uposathaṃ adhiṭṭhāya nipajjitvā ‘‘uposathakammaṃ karissāmī’’ti nāgabhavanato nikkhamitvā tathā karoti. Tena vuttaṃ ‘‘virūpakkhena mahāraññā, devalokamagañchaha’’ntiādi.
д̇ад̇т̇а вируубагкзна махааран̃н̃аад̇и вируубагкзна наама нааг̇аад̇хибад̇имахаарааж̇зна. д̣̇звалоганд̇и д̇аавад̇им̣сад̣̇звалогам̣. аг̇ан̃чаханд̇и аг̇ан̃чим̣, убасан̇гамим̣ ахам̣.
Tattha virūpakkhena mahāraññāti virūpakkhena nāma nāgādhipatimahārājena. Devalokanti tāvatiṃsadevalokaṃ. Agañchahanti agañchiṃ, upasaṅkamiṃ ahaṃ.
12. д̇ад̇т̇аад̇и д̇асмим̣ д̣̇звалогз. бассим̣ д̇вааханд̇и ад̣̇д̣̇агким̣ ахам̣ д̇у-сад̣̇д̣̇о нибаад̇амад̇д̇о. зганд̇ам̣ сукасамаббид̇зд̇и зганд̇ам̣ ажжанд̇амзва сукзна саман̇г̇ийбхууд̇з. вуд̇д̇ан̃хзд̇ам̣ бхаг̇авад̇аа – ‘‘санд̇и, бхигкавз, ча пассааяад̇анигаа наама саг̇г̇аа. яааван̃жид̣̇ам̣, бхигкавз, на сугарам̣ агкаанзна баабун̣ид̇ум̣ яаава сукаа саг̇г̇аа’’д̇и (ма. ни. 3.255) жа. д̇ам̣саг̇г̇аг̇аманад̇т̇ааяаад̇и д̇асмим̣ саг̇г̇асмим̣ уббад̇д̇ивасзна г̇аманад̇т̇ааяа. сийлаб̣б̣ад̇анд̇и сийласан̇каад̇ам̣ вад̇ам̣. ат̇а ваа сийлаб̣б̣ад̇анд̇и убосат̇асийлан̃жзва ‘‘мама жаммам̣ жаммад̇т̇игаа харанд̇уу’’д̇иаад̣̇инаа ад̇д̇ано сарийрааваяавабарижжааг̇асамаад̣̇ияанасан̇каад̇ам̣ вад̇ан̃жа.
12.Tatthāti tasmiṃ devaloke. Passiṃ tvāhanti addakkhiṃ ahaṃ tu-saddo nipātamatto. Ekantaṃ sukhasamappiteti ekantaṃ accantameva sukhena samaṅgībhūte. Vuttañhetaṃ bhagavatā – ‘‘santi, bhikkhave, cha phassāyatanikā nāma saggā. Yāvañcidaṃ, bhikkhave, na sukaraṃ akkhānena pāpuṇituṃ yāva sukhā saggā’’ti (ma. ni. 3.255) ca. Taṃsaggagamanatthāyāti tasmiṃ saggasmiṃ uppattivasena gamanatthāya. Sīlabbatanti sīlasaṅkhātaṃ vataṃ. Atha vā sīlabbatanti uposathasīlañceva ‘‘mama cammaṃ cammatthikā harantū’’tiādinā attano sarīrāvayavapariccāgasamādiyanasaṅkhātaṃ vatañca.
13. сарийрагижжанд̇и мукад̇хованаад̣̇исарийрабадиж̇аг̇г̇анам̣. бхуд̇ваа яаабанамад̇д̇аганд̇и инд̣̇рияаани ниб̣б̣исзванаани гаад̇ум̣ сарийрадтид̇имад̇д̇агам̣ аахаарам̣ аахарид̇ваа. жад̇уро ан̇г̇зд̇и жад̇д̇аари ан̇г̇аани. ад̇хидтааяаад̇и ад̇хидтахид̇ваа. сзмийд̇и саяаами.
13.Sarīrakiccanti mukhadhovanādisarīrapaṭijagganaṃ. Bhutvā yāpanamattakanti indriyāni nibbisevanāni kātuṃ sarīraṭṭhitimattakaṃ āhāraṃ āharitvā. Caturo aṅgeti cattāri aṅgāni. Adhiṭṭhāyāti adhiṭṭhahitvā. Semīti sayāmi.
14. чавияаад̇иаад̣̇и д̇зсам̣ жад̇уннам̣ ан̇г̇аанам̣ д̣̇ассанам̣. д̇ад̇т̇а жа чавижаммаанам̣ виссаж̇ж̇анам̣ згам̣ ан̇г̇ам̣, сзсаани згзгамзва, мам̣саг̇г̇ахан̣знзва жзд̇т̇а руд̇хирамби сан̇г̇ахид̇анд̇и д̣̇адтаб̣б̣ам̣. зд̇знаад̇и зд̇зхи . хараад̇у сод̇и яасса зд̇зхи чавиаад̣̇ийхи гаран̣ийяам̣ ад̇т̇и, д̇асса маяаа д̣̇иннамзвзд̇ам̣. саб̣б̣ам̣ со харад̇ууд̇и ад̇д̇ано ад̇д̇абхаавз анабзгкабавааран̣ам̣ баваарзд̇и.
14.Chaviyātiādi tesaṃ catunnaṃ aṅgānaṃ dassanaṃ. Tattha ca chavicammānaṃ vissajjanaṃ ekaṃ aṅgaṃ, sesāni ekekameva, maṃsaggahaṇeneva cettha rudhirampi saṅgahitanti daṭṭhabbaṃ. Etenāti etehi . Harātu soti yassa etehi chaviādīhi karaṇīyaṃ atthi, tassa mayā dinnamevetaṃ. Sabbaṃ so haratūti attano attabhāve anapekkhapavāraṇaṃ pavāreti.
звам̣ махаасад̇д̇асса иминаа нияаамзнзва анвад̣̇д̇хамаасам̣ убосат̇агаммам̣ гаронд̇асса д̣̇ийгхо ад̣̇д̇хаа вийд̇ивад̇д̇о. звам̣ г̇ажчанд̇з гаалз згад̣̇ивасам̣ ан̃н̃ад̇аро нзсаад̣̇аб̣раахман̣о сомад̣̇ад̇д̇зна наама ад̇д̇ано буд̇д̇зна саха д̇ам̣ таанам̣ бад̇ваа арун̣уг̇г̇аманасамаяз нааг̇аган̃н̃аахи бариваарияамаанам̣ махаасад̇д̇ам̣ д̣̇исваа д̇асса санд̇игам̣ аг̇амааси. д̇аавад̣̇зва нааг̇аган̃н̃ааяо бат̇авияам̣ нимуж̇ж̇ид̇ваа нааг̇абхаванамзва г̇ад̇аа. б̣раахман̣о махаасад̇д̇ам̣ бужчи – ‘‘го ну ко д̇вам̣, маариса, д̣̇зво ваа яагко ваа нааг̇о ваа’’д̇и? б̣од̇хисад̇д̇о яат̇аабхууд̇ам̣ ад̇д̇аанам̣ аави гад̇ваа сажааяам̣ ид̇о г̇ажчзяяа, ид̇ха мз ваасам̣ махааж̇анасса баагадам̣ гарзяяа, д̇зна мз убосат̇аваасасса анд̇арааяоби сияаа. яам̣нуунаахам̣ ид̇о имам̣ нааг̇абхаванам̣ нзд̇ваа махад̇ияаа самбад̇д̇ияаа яож̇зяяам̣. звааяам̣ д̇ад̇т̇зва абхирамиссад̇и, д̇зна мз убосат̇агаммам̣ ад̣̇д̇ханияам̣ сияаад̇и. ат̇а нам̣ ааха – ‘‘б̣раахман̣а, маханд̇ам̣ д̇з яасам̣ д̣̇ассаами, раман̣ийяам̣ нааг̇абхаванам̣, зхи д̇ад̇т̇а г̇ажчаамаа’’д̇и. саами, буд̇д̇о мз ад̇т̇и, д̇асмим̣ ааг̇ажчанд̇з ааг̇амиссаамийд̇и. г̇ажча, б̣раахман̣а, буд̇д̇ам̣ аанзхийд̇и. б̣раахман̣о г̇анд̇ваа буд̇д̇асса д̇амад̇т̇ам̣ аарожзд̇ваа д̇ам̣ аанзси. махаасад̇д̇о д̇з убхоби аад̣̇ааяа ад̇д̇ано аанубхаавзна нааг̇абхаванам̣ аанзси. д̇зсам̣ д̇ад̇т̇а д̣̇иб̣б̣о ад̇д̇абхааво баад̇убхави. ат̇а д̇зсам̣ махаасад̇д̇о д̣̇иб̣б̣асамбад̇д̇им̣ д̣̇ад̇ваа жад̇д̇аари жад̇д̇аари нааг̇аган̃н̃аасад̇аани ад̣̇ааси. д̇з махад̇им̣ самбад̇д̇им̣ анубхавим̣су.
Evaṃ mahāsattassa iminā niyāmeneva anvaddhamāsaṃ uposathakammaṃ karontassa dīgho addhā vītivatto. Evaṃ gacchante kāle ekadivasaṃ aññataro nesādabrāhmaṇo somadattena nāma attano puttena saha taṃ ṭhānaṃ patvā aruṇuggamanasamaye nāgakaññāhi parivāriyamānaṃ mahāsattaṃ disvā tassa santikaṃ agamāsi. Tāvadeva nāgakaññāyo pathaviyaṃ nimujjitvā nāgabhavanameva gatā. Brāhmaṇo mahāsattaṃ pucchi – ‘‘ko nu kho tvaṃ, mārisa, devo vā yakkho vā nāgo vā’’ti? Bodhisatto yathābhūtaṃ attānaṃ āvi katvā sacāyaṃ ito gaccheyya, idha me vāsaṃ mahājanassa pākaṭaṃ kareyya, tena me uposathavāsassa antarāyopi siyā. Yaṃnūnāhaṃ ito imaṃ nāgabhavanaṃ netvā mahatiyā sampattiyā yojeyyaṃ. Evāyaṃ tattheva abhiramissati, tena me uposathakammaṃ addhaniyaṃ siyāti. Atha naṃ āha – ‘‘brāhmaṇa, mahantaṃ te yasaṃ dassāmi, ramaṇīyaṃ nāgabhavanaṃ, ehi tattha gacchāmā’’ti. Sāmi, putto me atthi, tasmiṃ āgacchante āgamissāmīti. Gaccha, brāhmaṇa, puttaṃ ānehīti. Brāhmaṇo gantvā puttassa tamatthaṃ ārocetvā taṃ ānesi. Mahāsatto te ubhopi ādāya attano ānubhāvena nāgabhavanaṃ ānesi. Tesaṃ tattha dibbo attabhāvo pātubhavi. Atha tesaṃ mahāsatto dibbasampattiṃ datvā cattāri cattāri nāgakaññāsatāni adāsi. Te mahatiṃ sampattiṃ anubhaviṃsu.
б̣од̇хисад̇д̇оби аббамад̇д̇о убосат̇агаммам̣ гарод̇и. анвад̣̇д̇хамаасам̣ маад̇аабид̇уунам̣ убадтаанам̣ г̇анд̇ваа д̇хаммагат̇ам̣ гат̇зд̇ваа д̇ад̇о жа б̣раахман̣асса санд̇игам̣ г̇анд̇ваа аарог̇яам̣ бужчид̇ваа ‘‘язна д̇з ад̇т̇о, д̇ам̣ вад̣̇зяяаасий’’д̇и аабужчид̇ваа ‘‘анугган̣тамаано абхирамаа’’д̇и вад̇ваа сомад̣̇ад̇д̇знаби сад̣̇д̇хим̣ бадисант̇аарам̣ гад̇ваа ад̇д̇ано нивзсанам̣ г̇ажчад̇и. б̣раахман̣о сам̣важчарам̣ д̇ад̇т̇а васид̇ваа манд̣̇абун̃н̃ад̇ааяа угган̣тид̇ваа анижчамаанамби буд̇д̇ам̣ г̇ахзд̇ваа б̣од̇хисад̇д̇ам̣ аабужчид̇ваа д̇зна д̣̇ийяамаанам̣ б̣ахум̣ д̇ханам̣ саб̣б̣агаамад̣̇ад̣̇ам̣ ман̣ирад̇анамби алагкигад̇ааяа аг̇г̇ахзд̇ваа ‘‘мануссалогам̣ г̇анд̇ваа баб̣б̣аж̇иссаамий’’д̇и ааха. махаасад̇д̇о нааг̇амаан̣авагз аан̣аабзд̇ваа д̇ам̣ сабуд̇д̇агам̣ мануссалогам̣ баабзси. д̇з убхоби д̣̇иб̣б̣аабхаран̣аани д̣̇иб̣б̣авад̇т̇аани жа омун̃жид̇ваа нхааяид̇ум̣ згам̣ богкаран̣им̣ од̇арим̣су, д̇асмим̣ кан̣з д̇аани анд̇арад̇хааяид̇ваа нааг̇абхаванамзва аг̇амам̣су. ат̇а батаманивад̇т̇агаасаавабилод̇игаава сарийрз бадимун̃жи, д̇ханусарасад̇д̇ияо г̇ахзд̇ваа аран̃н̃ам̣ г̇анд̇ваа миг̇з вад̇хид̇ваа буриманияаамзнзва ж̇ийвигам̣ габбзсум̣.
Bodhisattopi appamatto uposathakammaṃ karoti. Anvaddhamāsaṃ mātāpitūnaṃ upaṭṭhānaṃ gantvā dhammakathaṃ kathetvā tato ca brāhmaṇassa santikaṃ gantvā ārogyaṃ pucchitvā ‘‘yena te attho, taṃ vadeyyāsī’’ti āpucchitvā ‘‘anukkaṇṭhamāno abhiramā’’ti vatvā somadattenapi saddhiṃ paṭisanthāraṃ katvā attano nivesanaṃ gacchati. Brāhmaṇo saṃvaccharaṃ tattha vasitvā mandapuññatāya ukkaṇṭhitvā anicchamānampi puttaṃ gahetvā bodhisattaṃ āpucchitvā tena dīyamānaṃ bahuṃ dhanaṃ sabbakāmadadaṃ maṇiratanampi alakkhikatāya aggahetvā ‘‘manussalokaṃ gantvā pabbajissāmī’’ti āha. Mahāsatto nāgamāṇavake āṇāpetvā taṃ saputtakaṃ manussalokaṃ pāpesi. Te ubhopi dibbābharaṇāni dibbavatthāni ca omuñcitvā nhāyituṃ ekaṃ pokkharaṇiṃ otariṃsu, tasmiṃ khaṇe tāni antaradhāyitvā nāgabhavanameva agamaṃsu. Atha paṭhamanivatthakāsāvapilotikāva sarīre paṭimuñci, dhanusarasattiyo gahetvā araññaṃ gantvā mige vadhitvā purimaniyāmeneva jīvikaṃ kappesuṃ.
д̇зна жа самаязна ан̃н̃ад̇аро д̇аабасо субан̣н̣арааж̇ад̇о лад̣̇д̇хам̣ аламбааяанаманд̇ам̣ д̇асса анужчавигаани осад̇хаани манд̇уубажааран̃жа ад̇д̇аанам̣ убадтаханд̇асса ан̃н̃ад̇арасса б̣раахман̣асса ад̣̇ааси. со ‘‘лад̣̇д̇хо мз ж̇ийвигуубааяо’’д̇и гад̇ибаахам̣ васид̇ваа д̇аабасам̣ аабужчид̇ваа баггаманд̇о анубуб̣б̣зна яамунаад̇ийрам̣ бад̇ваа д̇ам̣ манд̇ам̣ саж̇жхааяанд̇о махаамаг̇г̇зна г̇ажчад̇и. д̇ад̣̇аа б̣од̇хисад̇д̇асса бхаванад̇о д̇асса барижааригаа нааг̇амаан̣авигаа д̇ам̣ саб̣б̣агаамад̣̇ад̣̇ам̣ ман̣ирад̇анам̣ аад̣̇ааяа яамунаад̇ийрз ваалугаараасимад̇т̇агз табзд̇ваа д̇ассобхаасзна рад̇д̇ияам̣ гийл̣ид̇ваа арун̣уг̇г̇аманз д̇асса б̣раахман̣асса манд̇асад̣̇д̣̇ам̣ суд̇ваа ‘‘субан̣н̣о’’д̇и сан̃н̃ааяа бхаяад̇аж̇ж̇ид̇аа ман̣ирад̇анам̣ аг̇г̇ахзд̇ваа бат̇авияам̣ нимуж̇ж̇ид̇ваа нааг̇абхаванам̣ аг̇амам̣су.
Tena ca samayena aññataro tāpaso supaṇṇarājato laddhaṃ alampāyanamantaṃ tassa anucchavikāni osadhāni mantūpacārañca attānaṃ upaṭṭhahantassa aññatarassa brāhmaṇassa adāsi. So ‘‘laddho me jīvikūpāyo’’ti katipāhaṃ vasitvā tāpasaṃ āpucchitvā pakkamanto anupubbena yamunātīraṃ patvā taṃ mantaṃ sajjhāyanto mahāmaggena gacchati. Tadā bodhisattassa bhavanato tassa paricārikā nāgamāṇavikā taṃ sabbakāmadadaṃ maṇiratanaṃ ādāya yamunātīre vālukārāsimatthake ṭhapetvā tassobhāsena rattiyaṃ kīḷitvā aruṇuggamane tassa brāhmaṇassa mantasaddaṃ sutvā ‘‘supaṇṇo’’ti saññāya bhayatajjitā maṇiratanaṃ aggahetvā pathaviyaṃ nimujjitvā nāgabhavanaṃ agamaṃsu.
б̣раахман̣о д̇ам̣ ман̣ирад̇анам̣ аад̣̇ааяа бааяааси. д̇асмим̣ кан̣з со нзсаад̣̇аб̣раахман̣о буд̇д̇зна сад̣̇д̇хим̣ миг̇авад̇хааяа аран̃н̃ам̣ г̇ажчанд̇о д̇асса хад̇т̇з д̇ам̣ ман̣ирад̇анам̣ д̣̇исваа ‘‘ид̣̇ам̣ бхуурид̣̇ад̇д̇асса саб̣б̣агаамад̣̇ад̣̇ам̣ ман̣ирад̇ана’’нд̇и сан̃ж̇аанид̇ваа д̇ам̣ г̇ан̣хид̇угаамо д̇зна сад̣̇д̇хим̣ аллаабасаллаабам̣ гад̇ваа манд̇аваад̣̇ибхаавам̣ ж̇аанид̇ваа звамааха – ‘‘сажз мз д̇вам̣ имам̣ ман̣ирад̇анам̣ д̣̇ассаси, зваахам̣ д̇з махаанубхаавам̣ нааг̇ам̣ д̣̇ассзссаами, яам̣ д̇вам̣ г̇ахзд̇ваа г̇ааманиг̇амарааж̇ад̇хаанияо жаранд̇о б̣ахуд̇ханам̣ лажчасий’’д̇и. ‘‘д̇зна хи д̣̇ассзд̇ваа г̇ан̣хаахий’’д̇и вуд̇д̇з д̇ам̣ аад̣̇ааяа б̣од̇хисад̇д̇ам̣ убосат̇агаран̣адтаанз ваммигамад̇т̇агз бхог̇з аабхуж̇ид̇ваа нибаннам̣ авид̣̇уурз тид̇о хад̇т̇ам̣ басаарзд̇ваа д̣̇ассзси.
Brāhmaṇo taṃ maṇiratanaṃ ādāya pāyāsi. Tasmiṃ khaṇe so nesādabrāhmaṇo puttena saddhiṃ migavadhāya araññaṃ gacchanto tassa hatthe taṃ maṇiratanaṃ disvā ‘‘idaṃ bhūridattassa sabbakāmadadaṃ maṇiratana’’nti sañjānitvā taṃ gaṇhitukāmo tena saddhiṃ allāpasallāpaṃ katvā mantavādibhāvaṃ jānitvā evamāha – ‘‘sace me tvaṃ imaṃ maṇiratanaṃ dassasi, evāhaṃ te mahānubhāvaṃ nāgaṃ dassessāmi, yaṃ tvaṃ gahetvā gāmanigamarājadhāniyo caranto bahudhanaṃ lacchasī’’ti. ‘‘Tena hi dassetvā gaṇhāhī’’ti vutte taṃ ādāya bodhisattaṃ uposathakaraṇaṭṭhāne vammikamatthake bhoge ābhujitvā nipannaṃ avidūre ṭhito hatthaṃ pasāretvā dassesi.
махаасад̇д̇о д̇ам̣ нзсаад̣̇ам̣ д̣̇исваа ‘‘аяам̣ убосат̇асса мз анд̇арааяам̣ гарзяяаад̇и нааг̇абхаванам̣ нзд̇ваа махаасамбад̇д̇ияам̣ бад̇идтаабид̇оби на ижчи. д̇ад̇о абаггамид̇ваа саяам̣ г̇анд̇угаамо маяаа д̣̇ийяамаанамби ман̣ирад̇анам̣ г̇ан̣хид̇ум̣ на ижчи. ид̣̇аани бана ахиг̇ун̣д̣игам̣ г̇ахзд̇ваа ааг̇ажчад̇и. сажаахам̣ имасса мид̇д̇ад̣̇уб̣бхино гуж̇жхзяяам̣, сийлам̣ мз кан̣д̣ам̣ бхависсад̇и. маяаа ко бана батамам̣язва жад̇уран̇г̇асаманнааг̇ад̇о убосат̇о ад̇хидтид̇о, со яат̇аад̇хидтид̇ова ход̇у. аламбааяано мам̣ чинд̣̇ад̇у ваа маа ваа, нзвасса гуж̇жхиссаамий’’д̇и жинд̇зд̇ваа агкийни ниммийлзд̇ваа ад̇хидтаанабаарамим̣ бурзжааригам̣ гад̇ваа бхог̇анд̇арз сийсам̣ багкибид̇ваа нижжалова худ̇ваа нибаж̇ж̇и. нзсаад̣̇аб̣раахман̣оби ‘‘бхо аламбааяана, имам̣ нааг̇ам̣ г̇ан̣ха, ман̣им̣ мз д̣̇зхий’’д̇и ааха. аламбааяано нааг̇ам̣ д̣̇исваа д̇удто ман̣им̣ гисмин̃жи аг̇ан̣зд̇ваа ‘‘г̇ан̣ха, б̣раахман̣аа’’д̇и хад̇т̇з киби. со д̇асса хад̇т̇ад̇о бхассид̇ваа бат̇авияам̣ бад̇ид̇амад̇д̇ова бат̇авим̣ бависид̇ваа нааг̇абхаванамзва г̇ад̇о. нзсаад̣̇аб̣раахман̣о ман̣ирад̇анад̇о бхуурид̣̇ад̇д̇зна сад̣̇д̇хим̣ мид̇д̇абхаавад̇о жа барихааяид̇ваа ниббажжаяова багганд̇о.
Mahāsatto taṃ nesādaṃ disvā ‘‘ayaṃ uposathassa me antarāyaṃ kareyyāti nāgabhavanaṃ netvā mahāsampattiyaṃ patiṭṭhāpitopi na icchi. Tato apakkamitvā sayaṃ gantukāmo mayā dīyamānampi maṇiratanaṃ gaṇhituṃ na icchi. Idāni pana ahiguṇḍikaṃ gahetvā āgacchati. Sacāhaṃ imassa mittadubbhino kujjheyyaṃ, sīlaṃ me khaṇḍaṃ bhavissati. Mayā kho pana paṭhamaṃyeva caturaṅgasamannāgato uposatho adhiṭṭhito, so yathādhiṭṭhitova hotu. Alampāyano maṃ chindatu vā mā vā, nevassa kujjhissāmī’’ti cintetvā akkhīni nimmīletvā adhiṭṭhānapāramiṃ purecārikaṃ katvā bhogantare sīsaṃ pakkhipitvā niccalova hutvā nipajji. Nesādabrāhmaṇopi ‘‘bho alampāyana, imaṃ nāgaṃ gaṇha, maṇiṃ me dehī’’ti āha. Alampāyano nāgaṃ disvā tuṭṭho maṇiṃ kismiñci agaṇetvā ‘‘gaṇha, brāhmaṇā’’ti hatthe khipi. So tassa hatthato bhassitvā pathaviyaṃ patitamattova pathaviṃ pavisitvā nāgabhavanameva gato. Nesādabrāhmaṇo maṇiratanato bhūridattena saddhiṃ mittabhāvato ca parihāyitvā nippaccayova pakkanto.
15. аламбааяаноби махаанубхаавзхи осад̇хзхи ад̇д̇ано сарийрам̣ магкзд̇ваа т̇огам̣ каад̣̇ид̇ваа кзл̣ам̣ ад̇д̇ано гааяасмим̣ барибхаавзд̇ваа д̣̇иб̣б̣аманд̇ам̣ ж̇аббанд̇о б̣од̇хисад̇д̇ам̣ убасан̇гамид̇ваа нан̇г̇удтз г̇ахзд̇ваа аагад̣дхид̇ваа сийсз д̣̇ал̣хам̣ г̇ан̣ханд̇о мукамасса виварид̇ваа осад̇хам̣ каад̣̇ид̇ваа мукз сахакзл̣ам̣ осин̃жи. сужиж̇аад̇иго махаасад̇д̇о сийлабхзд̣̇абхаязна агуж̇жхид̇ваа агкийни на уммийлзси. ат̇а нам̣ осад̇хаманд̇аб̣алзна нан̇г̇удтз г̇ахзд̇ваа хздтаа сийсам̣ гад̇ваа сан̃жаалзд̇ваа г̇ахид̇аг̇ожарам̣ чад̣д̣аабзд̇ваа бхуумияам̣ д̣̇ийгхасо нибаж̇ж̇аабзд̇ваа масуурагам̣ мад̣̇д̣̇анд̇о вияа хад̇т̇зхи баримад̣̇д̣̇и. адтийни жун̣н̣ияамаанаани вияа ахзсум̣.
15. Alampāyanopi mahānubhāvehi osadhehi attano sarīraṃ makkhetvā thokaṃ khāditvā kheḷaṃ attano kāyasmiṃ paribhāvetvā dibbamantaṃ jappanto bodhisattaṃ upasaṅkamitvā naṅguṭṭhe gahetvā ākaḍḍhitvā sīse daḷhaṃ gaṇhanto mukhamassa vivaritvā osadhaṃ khāditvā mukhe sahakheḷaṃ osiñci. Sucijātiko mahāsatto sīlabhedabhayena akujjhitvā akkhīni na ummīlesi. Atha naṃ osadhamantabalena naṅguṭṭhe gahetvā heṭṭhā sīsaṃ katvā sañcāletvā gahitagocaraṃ chaḍḍāpetvā bhūmiyaṃ dīghaso nipajjāpetvā masūrakaṃ maddanto viya hatthehi parimaddi. Aṭṭhīni cuṇṇiyamānāni viya ahesuṃ.
буна нан̇г̇удтз г̇ахзд̇ваа д̣̇уссам̣ бот̇знд̇о вияа бот̇зси. махаасад̇д̇о зваруубам̣ д̣̇угкам̣ анубхонд̇оби нзва гуж̇жхид̇т̇а. ан̃н̃ад̣̇ад̇т̇у ад̇д̇ано сийламзва ааваж̇ж̇зси. ид̇и со махаасад̇д̇ам̣ д̣̇уб̣б̣алам̣ гад̇ваа валлийхи бзл̣ам̣ саж̇ж̇зд̇ваа махаасад̇д̇ам̣ д̇ад̇т̇а багкиби. сарийрам̣ банасса маханд̇ам̣ д̇ад̇т̇а на бависад̇и. ат̇а нам̣ бан̣хияаа годдзнд̇о бавзсзд̇ваа бзл̣ам̣ аад̣̇ааяа згам̣ г̇аамам̣ г̇анд̇ваа г̇аамамаж̇жхз од̇аарзд̇ваа ‘‘нааг̇асса нажжам̣ д̣̇адтугаамаа ааг̇ажчанд̇уу’’д̇и сад̣̇д̣̇амагааси. сагалаг̇аамаваасино саннибад̇им̣су. д̇асмим̣ кан̣з аламбааяано ‘‘нигкама махаанааг̇аа’’д̇и ааха. махаасад̇д̇о жинд̇зси – ‘‘аж̇ж̇а маяаа барисам̣ д̇осзнд̇зна гийл̣ид̇ум̣ ваддад̇и, звам̣ аламбааяано б̣ахуд̇ханам̣ лабхид̇ваа д̇удто мам̣ виссаж̇ж̇зссад̇и, яам̣ яам̣ зса мам̣ гаарзд̇и, д̇ам̣ д̇ам̣ гариссаамий’’д̇и.
Puna naṅguṭṭhe gahetvā dussaṃ pothento viya pothesi. Mahāsatto evarūpaṃ dukkhaṃ anubhontopi neva kujjhittha. Aññadatthu attano sīlameva āvajjesi. Iti so mahāsattaṃ dubbalaṃ katvā vallīhi peḷaṃ sajjetvā mahāsattaṃ tattha pakkhipi. Sarīraṃ panassa mahantaṃ tattha na pavisati. Atha naṃ paṇhiyā koṭṭento pavesetvā peḷaṃ ādāya ekaṃ gāmaṃ gantvā gāmamajjhe otāretvā ‘‘nāgassa naccaṃ daṭṭhukāmā āgacchantū’’ti saddamakāsi. Sakalagāmavāsino sannipatiṃsu. Tasmiṃ khaṇe alampāyano ‘‘nikkhama mahānāgā’’ti āha. Mahāsatto cintesi – ‘‘ajja mayā parisaṃ tosentena kīḷituṃ vaṭṭati, evaṃ alampāyano bahudhanaṃ labhitvā tuṭṭho maṃ vissajjessati, yaṃ yaṃ esa maṃ kāreti, taṃ taṃ karissāmī’’ti.
ат̇а нам̣ со бзл̣ад̇о нигкаманд̇ам̣ ‘‘махаа хохий’’д̇и ааха, со махаа ахоси. ‘‘куд̣̇д̣̇аго ваддо випан̣о згапан̣о д̣̇випан̣о яаава сахассапан̣о ужжо нийжо д̣̇иссамаанагааяо ад̣̇иссамаанагааяо д̣̇иссамаанаубад̣дхагааяо нийло бийд̇о лохид̇о од̣̇аад̇о ман̃ж̇идто хохи, д̇хуумам̣ виссаж̇ж̇зхи, ж̇ааласикам̣ уд̣̇аган̃жа виссаж̇ж̇зхий’’д̇и вуд̇д̇з д̇зна вуд̇д̇ам̣ д̇ам̣ д̇ам̣ аагаарам̣ нимминид̇ваа нажжам̣ д̣̇ассзси. д̇ам̣ д̣̇исваа мануссаа ажчарияаб̣бхуд̇ажид̇д̇аж̇аад̇аа б̣ахум̣ хиран̃н̃асуван̣н̣авад̇т̇аалан̇гаараад̣̇им̣ ад̣̇ам̣су. ид̇и д̇асмим̣ г̇аамз сад̇асахассамад̇д̇ам̣ лабхи. со гин̃жааби махаасад̇д̇ам̣ г̇ан̣ханд̇о ‘‘сахассам̣ лабхид̇ваа д̇ам̣ виссаж̇ж̇зссаамий’’д̇и ааха. д̇ам̣ бана д̇ханам̣ лабхид̇ваа ‘‘г̇аамагзби д̇аава маяаа зд̇д̇агам̣ д̇ханам̣ лад̣̇д̇хам̣, наг̇арз гира б̣ахуд̇ханам̣ лабхиссаамий’’д̇и д̇ханалобхзна на мун̃жи.
Atha naṃ so peḷato nikkhamantaṃ ‘‘mahā hohī’’ti āha, so mahā ahosi. ‘‘Khuddako vaṭṭo viphaṇo ekaphaṇo dviphaṇo yāva sahassaphaṇo ucco nīco dissamānakāyo adissamānakāyo dissamānaupaḍḍhakāyo nīlo pīto lohito odāto mañjiṭṭho hohi, dhūmaṃ vissajjehi, jālasikhaṃ udakañca vissajjehī’’ti vutte tena vuttaṃ taṃ taṃ ākāraṃ nimminitvā naccaṃ dassesi. Taṃ disvā manussā acchariyabbhutacittajātā bahuṃ hiraññasuvaṇṇavatthālaṅkārādiṃ adaṃsu. Iti tasmiṃ gāme satasahassamattaṃ labhi. So kiñcāpi mahāsattaṃ gaṇhanto ‘‘sahassaṃ labhitvā taṃ vissajjessāmī’’ti āha. Taṃ pana dhanaṃ labhitvā ‘‘gāmakepi tāva mayā ettakaṃ dhanaṃ laddhaṃ, nagare kira bahudhanaṃ labhissāmī’’ti dhanalobhena na muñci.
со д̇асмим̣ г̇аамз гудумб̣ам̣ сан̣табзд̇ваа рад̇анамаяам̣ бзл̣ам̣ гаарзд̇ваа д̇ад̇т̇а махаасад̇д̇ам̣ багкибид̇ваа сукаяаанагам̣ ааруяха маханд̇зна бариваарзна г̇ааманиг̇амарааж̇ад̇хаанийсу д̇ам̣ гийл̣аабзд̇ваа б̣аараан̣асим̣ баабун̣и, нааг̇арааж̇асса мад̇хулааж̇ам̣ д̣̇зд̇и, аб̣ад̣̇д̇хасад̇д̇ун̃жа д̣̇зд̇и. со г̇ожарам̣ на г̇ан̣хи ависсаж̇ж̇анабхаязна. г̇ожарам̣ аг̇ан̣ханд̇амби жа нам̣ жад̇д̇ааро наг̇арад̣̇ваарз аад̣̇им̣ гад̇ваа д̇ад̇т̇а д̇ад̇т̇а маасамад̇д̇ам̣ гийл̣аабзси. д̇зна вуд̇д̇ам̣ ‘‘сам̣сид̇о агад̇ан̃н̃унаа’’д̇иаад̣̇и.
So tasmiṃ gāme kuṭumbaṃ saṇṭhapetvā ratanamayaṃ peḷaṃ kāretvā tattha mahāsattaṃ pakkhipitvā sukhayānakaṃ āruyha mahantena parivārena gāmanigamarājadhānīsu taṃ kīḷāpetvā bārāṇasiṃ pāpuṇi, nāgarājassa madhulājaṃ deti, abaddhasattuñca deti. So gocaraṃ na gaṇhi avissajjanabhayena. Gocaraṃ agaṇhantampi ca naṃ cattāro nagaradvāre ādiṃ katvā tattha tattha māsamattaṃ kīḷāpesi. Tena vuttaṃ ‘‘saṃsito akataññunā’’tiādi.
д̇ад̇т̇а сам̣сид̇од̇и зсо нааг̇о амугасса ниг̇род̇харугкасса самийбз ваммигамад̇т̇агз саяид̇од̇и звам̣ таанам̣ д̣̇ассзд̇ваа гат̇ид̇о. агад̇ан̃н̃унаад̇и ад̇д̇анаа гад̇ам̣ убагаарам̣ аж̇аананд̇зна мид̇д̇ад̣̇уб̣бхинаа нзсаад̣̇аб̣раахман̣знаад̇и ад̇хиббааяо. аламбааяанод̇и аламбааяанавиж̇ж̇аабариж̇аббанзна ‘‘аламбааяано’’д̇и звам̣ лад̣̇д̇ханаамо ахид̇ун̣д̣игаб̣раахман̣о. мамаг̇г̇ахийд̇и мам̣ аг̇г̇ахзси. гийл̣зд̇и мам̣ д̇ахим̣ д̇ахинд̇и д̇ад̇т̇а д̇ад̇т̇а г̇ааманиг̇амарааж̇ад̇хаанийсу ад̇д̇ано ж̇ийвигад̇т̇ам̣ мам̣ гийл̣аабзд̇и.
Tattha saṃsitoti eso nāgo amukassa nigrodharukkhassa samīpe vammikamatthake sayitoti evaṃ ṭhānaṃ dassetvā kathito. Akataññunāti attanā kataṃ upakāraṃ ajānantena mittadubbhinā nesādabrāhmaṇenāti adhippāyo. Alampāyanoti alampāyanavijjāparijappanena ‘‘alampāyano’’ti evaṃ laddhanāmo ahituṇḍikabrāhmaṇo. Mamaggahīti maṃ aggahesi. Kīḷeti maṃ tahiṃ tahinti tattha tattha gāmanigamarājadhānīsu attano jīvikatthaṃ maṃ kīḷāpeti.
17. д̇ин̣ад̇оби лахуго мамаад̇и ад̇д̇ано ж̇ийвид̇абарижжааг̇о д̇ин̣асалаагабарижжааг̇ад̇оби лахуго худ̇ваа мама убадтаад̇ийд̇и ад̇т̇о. бат̇авийуббад̇анам̣ вияаад̇и сийлавийд̇иггамо бана жад̇унахуд̇аад̇хигад̣̇вияож̇анасад̇асахассаб̣ахалааяа махаабат̇авияаа баривад̇д̇анам̣ вияа д̇ад̇оби д̇ам̣ бхаарияад̇арам̣ худ̇ваа маяхам̣ убадтаад̇ийд̇и д̣̇ассзд̇и.
17.Tiṇatopi lahuko mamāti attano jīvitapariccāgo tiṇasalākapariccāgatopi lahuko hutvā mama upaṭṭhātīti attho. Pathavīuppatanaṃ viyāti sīlavītikkamo pana catunahutādhikadviyojanasatasahassabahalāya mahāpathaviyā parivattanaṃ viya tatopi taṃ bhāriyataraṃ hutvā mayhaṃ upaṭṭhātīti dasseti.
18. ниранд̇арам̣ ж̇аад̇исад̇анд̇и мама ж̇аад̇ийнам̣ анзгасад̇амби анзгасад̇аасуби ж̇аад̇ийсу ниранд̇арамзва сийласса авийд̇иггаманахзд̇у. мама ж̇ийвид̇ам̣ жаж̇зяяам̣ жаж̇ид̇ум̣ саггоми. нзва сийлам̣ бабхинд̣̇зяяанд̇и сийлам̣ бана самаад̣̇иннам̣ згамби нзва бхинд̣̇зяяам̣ на винаасзяяам̣. жад̇уд̣̇д̣̇ийбаана хзд̇ууд̇и жаггавад̇д̇ираж̇ж̇асирияааби гааран̣аад̇и д̣̇ассзд̇и.
18.Nirantaraṃ jātisatanti mama jātīnaṃ anekasatampi anekasatāsupi jātīsu nirantarameva sīlassa avītikkamanahetu. Mama jīvitaṃ cajeyyaṃ cajituṃ sakkomi. Neva sīlaṃ pabhindeyyanti sīlaṃ pana samādinnaṃ ekampi neva bhindeyyaṃ na vināseyyaṃ. Catuddīpāna hetūti cakkavattirajjasiriyāpi kāraṇāti dasseti.
19. ид̣̇аани яад̣̇ад̇т̇ам̣ ад̇д̇ано ж̇ийвид̇амби барижжаж̇ид̇ваа д̇ад̣̇аа сийламзва рагкид̇ам̣, д̇ааяа жа сийларагкааяа д̇ат̇аа анад̇т̇агаарагзсу нзсаад̣̇ааламбааяанаб̣раахман̣зсу жид̇д̇асса ан̃н̃ат̇ад̇д̇ам̣ на гад̇ам̣, д̇ам̣ д̣̇ассзд̇ум̣ ‘‘аби жаа’’д̇и осаанаг̇аат̇амааха. д̇ам̣ хздтаа вуд̇д̇ад̇т̇амзва.
19. Idāni yadatthaṃ attano jīvitampi pariccajitvā tadā sīlameva rakkhitaṃ, tāya ca sīlarakkhāya tathā anatthakārakesu nesādaalampāyanabrāhmaṇesu cittassa aññathattaṃ na kataṃ, taṃ dassetuṃ ‘‘api cā’’ti osānagāthamāha. Taṃ heṭṭhā vuttatthameva.
звам̣ бана махаасад̇д̇з ахид̇ун̣д̣игахад̇т̇аг̇ад̇з д̇асса маад̇аа д̣̇уссубинам̣ д̣̇исваа буд̇д̇ан̃жа д̇ад̇т̇а абассанд̇ий согаабхибхууд̇аа ахоси. ат̇ассаа ж̇здтабуд̇д̇о суд̣̇ассано д̇ам̣ бавад̇д̇им̣ суд̇ваа субхог̇ам̣ ‘‘химаванд̇ам̣ г̇анд̇ваа бан̃жасу махаанад̣̇ийсу сад̇д̇асу махаасарзсу бхуурид̣̇ад̇д̇ам̣ убад̇хаарзд̇ваа зхий’’д̇и бахин̣и. гаан̣ааридтам̣ ‘‘д̣̇звалогам̣ г̇анд̇ваа сажз д̣̇звад̇аахи д̇хаммам̣ сод̇угаамаахи бхуурид̣̇ад̇д̇о д̇ад̇т̇а нийд̇о, д̇ад̇о нам̣ аанзхий’’д̇и бахин̣и. саяам̣ бана ‘‘мануссалогз г̇авзсиссаамий’’д̇и д̇аабасавзсзна нааг̇абхаванад̇о нигками. ажжимукий наамасса взмаад̇игаа бхаг̇иний б̣од̇хисад̇д̇з ад̇химад̇д̇асинзхаа д̇ам̣ ануб̣анд̇хи. д̇ам̣ ман̣д̣уугажчаабим̣ гад̇ваа ж̇аданд̇арз багкибид̇ваа махаасад̇д̇асса убосат̇агаран̣адтаанам̣ аад̣̇им̣ гад̇ваа саб̣б̣ад̇т̇а г̇авзсанд̇о ануггамзна б̣аараан̣асим̣ бад̇ваа рааж̇ад̣̇ваарам̣ аг̇амааси. д̇ад̣̇аа аламбааяано рааж̇ан̇г̇ан̣з махааж̇анасса маж̇жхз ран̃н̃о бхуурид̣̇ад̇д̇асса гийл̣ам̣ д̣̇ассзд̇ум̣ бзл̣ам̣ виварид̇ваа ‘‘зхи махаанааг̇аа’’д̇и сан̃н̃амад̣̇ааси.
Evaṃ pana mahāsatte ahituṇḍikahatthagate tassa mātā dussupinaṃ disvā puttañca tattha apassantī sokābhibhūtā ahosi. Athassā jeṭṭhaputto sudassano taṃ pavattiṃ sutvā subhogaṃ ‘‘himavantaṃ gantvā pañcasu mahānadīsu sattasu mahāsaresu bhūridattaṃ upadhāretvā ehī’’ti pahiṇi. Kāṇāriṭṭhaṃ ‘‘devalokaṃ gantvā sace devatāhi dhammaṃ sotukāmāhi bhūridatto tattha nīto, tato naṃ ānehī’’ti pahiṇi. Sayaṃ pana ‘‘manussaloke gavesissāmī’’ti tāpasavesena nāgabhavanato nikkhami. Accimukhī nāmassa vemātikā bhaginī bodhisatte adhimattasinehā taṃ anubandhi. Taṃ maṇḍūkacchāpiṃ katvā jaṭantare pakkhipitvā mahāsattassa uposathakaraṇaṭṭhānaṃ ādiṃ katvā sabbattha gavesanto anukkamena bārāṇasiṃ patvā rājadvāraṃ agamāsi. Tadā alampāyano rājaṅgaṇe mahājanassa majjhe rañño bhūridattassa kīḷaṃ dassetuṃ peḷaṃ vivaritvā ‘‘ehi mahānāgā’’ti saññamadāsi.
махаасад̇д̇о сийсам̣ нийхарид̇ваа ологзнд̇о ж̇здтабхаад̇игам̣ д̣̇исваа бзл̣ад̇о нигкамма д̇ад̣̇абхимуко бааяааси. махааж̇ано бхийд̇о бадиггами. со г̇анд̇ваа д̇ам̣ абхиваад̣̇зд̇ваа нивад̇д̇ид̇ваа бзл̣амзва баависи. аламбааяано ‘‘иминаа аяам̣ д̇аабасо д̣̇адто’’д̇и сан̃н̃ааяа ‘‘маа бхааяи, маа бхааяий’’д̇и ааха. суд̣̇ассано ‘‘аяам̣ нааг̇о маяхам̣ гим̣ гариссад̇и, маяаа сад̣̇исо ахид̇ун̣д̣иго наама над̇т̇ий’’д̇и д̇зна ваад̣̇аббадиваад̣̇ам̣ самудтаабзд̇ваа ‘‘д̇вам̣ имам̣ нааг̇ам̣ г̇ахзд̇ваа г̇аж̇ж̇аси, ахам̣ д̇ам̣ имааяа ман̣д̣уугажчаабияаа ижчанд̇о наасаяиссаамий’’д̇и бхаг̇иним̣ баггосид̇ваа хад̇т̇ам̣ басаарзси. саа д̇асса сад̣̇д̣̇ам̣ суд̇ваа ж̇аданд̇арз нибаннаа д̇игкад̇д̇ум̣ ман̣д̣уугавассид̇ам̣ вассид̇ваа нигкамид̇ваа ам̣сагуудз нисийд̣̇ид̇ваа уббад̇ид̇ваа д̇асса хад̇т̇ад̇алз д̇ийн̣и висаб̣инд̣̇ууни баад̇зд̇ваа буна д̇асса ж̇аданд̇арамзва баависи.
Mahāsatto sīsaṃ nīharitvā olokento jeṭṭhabhātikaṃ disvā peḷato nikkhamma tadabhimukho pāyāsi. Mahājano bhīto paṭikkami. So gantvā taṃ abhivādetvā nivattitvā peḷameva pāvisi. Alampāyano ‘‘iminā ayaṃ tāpaso daṭṭho’’ti saññāya ‘‘mā bhāyi, mā bhāyī’’ti āha. Sudassano ‘‘ayaṃ nāgo mayhaṃ kiṃ karissati, mayā sadiso ahituṇḍiko nāma natthī’’ti tena vādappaṭivādaṃ samuṭṭhāpetvā ‘‘tvaṃ imaṃ nāgaṃ gahetvā gajjasi, ahaṃ taṃ imāya maṇḍūkacchāpiyā icchanto nāsayissāmī’’ti bhaginiṃ pakkositvā hatthaṃ pasāresi. Sā tassa saddaṃ sutvā jaṭantare nipannā tikkhattuṃ maṇḍūkavassitaṃ vassitvā nikkhamitvā aṃsakūṭe nisīditvā uppatitvā tassa hatthatale tīṇi visabindūni pātetvā puna tassa jaṭantarameva pāvisi.
суд̣̇ассано висаб̣инд̣̇ум̣ д̣̇ассзд̇ваа ‘‘ид̣̇ам̣ б̣инд̣̇ум̣ сажз бат̇авияам̣ баад̇зссад̇и, осад̇хид̇ин̣аванаббад̇аяо саб̣б̣з нассиссанд̇и. сажз аагаасз кибиссад̇и, сад̇д̇авассаани д̣̇зво на вассиссад̇и. сажз уд̣̇агз баад̇зссад̇и, яаавад̇аа д̇ад̇т̇а уд̣̇агаж̇аад̇аа баан̣аа саб̣б̣з марзяяу’’нд̇и вад̇ваа рааж̇аанам̣ сад̣̇д̣̇ахаабзд̇ум̣ д̇аяо ааваадз кан̣аабзд̇ваа згам̣ наанаабхзсаж̇ж̇аанам̣ буурзси, д̣̇уд̇ияам̣ г̇омаяасса, д̇ад̇ияам̣ д̣̇иб̣б̣осад̇хаанан̃жзва буурзд̇ваа маж̇жхз ааваадз висаб̣инд̣̇ум̣ багкиби. д̇ан̇кан̣ан̃н̃зва д̇хуумааяид̇ваа ж̇аалаа удтахи. саа г̇анд̇ваа г̇омаяааваадам̣ г̇ан̣хи. д̇ад̇оби ж̇аалаа удтааяа д̣̇иб̣б̣осад̇хабун̣н̣ам̣ г̇ахзд̇ваа д̣̇иб̣б̣осад̇хаани жхаабзд̇ваа ниб̣б̣ааяи. аламбааяанам̣ д̇ад̇т̇а ааваадасса авид̣̇уурз тид̇ам̣ усумаа парид̇ваа сарийражчавим̣ уббаадзд̇ваа г̇ад̇аа. сзд̇агудтий ахоси. со бхаяад̇аж̇ж̇ид̇о ‘‘нааг̇арааж̇аанам̣ виссаж̇ж̇змий’’д̇и д̇игкад̇д̇ум̣ ваажам̣ нижчаарзси. д̇ам̣ суд̇ваа б̣од̇хисад̇д̇о рад̇анабзл̣ааяа нигкамид̇ваа саб̣б̣аалан̇гаарабадиман̣д̣ид̇ам̣ ад̇д̇абхаавам̣ маабзд̇ваа д̣̇звалийл̣ааяа тид̇о. суд̣̇ассано жа ажжимукий жа д̇ат̇зва адтам̣су.
Sudassano visabinduṃ dassetvā ‘‘idaṃ binduṃ sace pathaviyaṃ pātessati, osadhitiṇavanappatayo sabbe nassissanti. Sace ākāse khipissati, sattavassāni devo na vassissati. Sace udake pātessati, yāvatā tattha udakajātā pāṇā sabbe mareyyu’’nti vatvā rājānaṃ saddahāpetuṃ tayo āvāṭe khaṇāpetvā ekaṃ nānābhesajjānaṃ pūresi, dutiyaṃ gomayassa, tatiyaṃ dibbosadhānañceva pūretvā majjhe āvāṭe visabinduṃ pakkhipi. Taṅkhaṇaññeva dhūmāyitvā jālā uṭṭhahi. Sā gantvā gomayāvāṭaṃ gaṇhi. Tatopi jālā uṭṭhāya dibbosadhapuṇṇaṃ gahetvā dibbosadhāni jhāpetvā nibbāyi. Alampāyanaṃ tattha āvāṭassa avidūre ṭhitaṃ usumā pharitvā sarīracchaviṃ uppāṭetvā gatā. Setakuṭṭhī ahosi. So bhayatajjito ‘‘nāgarājānaṃ vissajjemī’’ti tikkhattuṃ vācaṃ nicchāresi. Taṃ sutvā bodhisatto ratanapeḷāya nikkhamitvā sabbālaṅkārapaṭimaṇḍitaṃ attabhāvaṃ māpetvā devalīḷāya ṭhito. Sudassano ca accimukhī ca tatheva aṭṭhaṃsu.
д̇ад̇о суд̣̇ассано ад̇д̇ано бхааг̇инзяяабхаавам̣ ран̃н̃о аарожзси. д̇ам̣ суд̇ваа рааж̇аа д̇з аалин̇г̇ид̇ваа сийсз жумб̣ид̇ваа анд̇збурам̣ нзд̇ваа маханд̇ам̣ саггаарасаммаанам̣ гад̇ваа бхуурид̣̇ад̇д̇зна сад̣̇д̇хим̣ бадисант̇аарам̣ гаронд̇о ‘‘д̇аад̇а, звам̣ махаанубхаавам̣ д̇ам̣ аламбааяано гат̇ам̣ г̇ан̣хий’’д̇и бужчи. со саб̣б̣ам̣ вид̇т̇аарзна гат̇зд̇ваа ‘‘махаарааж̇а, ран̃н̃аа наама иминаа нияаамзна раж̇ж̇ам̣ гаарзд̇ум̣ ваддад̇ий’’д̇и маад̇уласса д̇хаммам̣ д̣̇зсзси. ат̇а суд̣̇ассано ‘‘маад̇ула, мама маад̇аа бхуурид̣̇ад̇д̇ам̣ абассанд̇ий гиламад̇и, на саггаа амхзхи ид̇ха бабан̃жам̣ гаад̇у’’нд̇и маад̇улам̣ аабужчид̇ваа бхуурид̣̇ад̇д̇аажжимукийхи сад̣̇д̇хим̣ нааг̇абхаванамзва г̇ад̇о.
Tato sudassano attano bhāgineyyabhāvaṃ rañño ārocesi. Taṃ sutvā rājā te āliṅgitvā sīse cumbitvā antepuraṃ netvā mahantaṃ sakkārasammānaṃ katvā bhūridattena saddhiṃ paṭisanthāraṃ karonto ‘‘tāta, evaṃ mahānubhāvaṃ taṃ alampāyano kathaṃ gaṇhī’’ti pucchi. So sabbaṃ vitthārena kathetvā ‘‘mahārāja, raññā nāma iminā niyāmena rajjaṃ kāretuṃ vaṭṭatī’’ti mātulassa dhammaṃ desesi. Atha sudassano ‘‘mātula, mama mātā bhūridattaṃ apassantī kilamati, na sakkā amhehi idha papañcaṃ kātu’’nti mātulaṃ āpucchitvā bhūridattaaccimukhīhi saddhiṃ nāgabhavanameva gato.
ат̇а д̇ад̇т̇а махаабурисо г̇илаанасзяяааяа нибанно г̇илаанабужчанад̇т̇ам̣ ааг̇ад̇ааяа махад̇ияаа нааг̇абарисааяа взд̣̇з жа яан̃н̃з жа б̣раахман̣з жа самбхаавзд̇ваа гаан̣ааридтз гат̇знд̇з д̇ам̣ ваад̣̇ам̣ бхинд̣̇ид̇ваа наанаанаязхи д̇хаммам̣ д̣̇зсзд̇ваа сийласамбад̣̇ааяа д̣̇идтисамбад̣̇ааяа жа бад̇идтаабзд̇ваа яааваж̇ийвам̣ сийлаани рагкид̇ваа убосат̇агаммам̣ гад̇ваа ааяубарияосаанз саг̇г̇абурам̣ буурзси.
Atha tattha mahāpuriso gilānaseyyāya nipanno gilānapucchanatthaṃ āgatāya mahatiyā nāgaparisāya vede ca yaññe ca brāhmaṇe ca sambhāvetvā kāṇāriṭṭhe kathente taṃ vādaṃ bhinditvā nānānayehi dhammaṃ desetvā sīlasampadāya diṭṭhisampadāya ca patiṭṭhāpetvā yāvajīvaṃ sīlāni rakkhitvā uposathakammaṃ katvā āyupariyosāne saggapuraṃ pūresi.
д̇ад̣̇аа маад̇аабид̇аро махаарааж̇агулаани ахзсум̣. нзсаад̣̇аб̣раахман̣о д̣̇звад̣̇ад̇д̇о, сомад̣̇ад̇д̇о аананд̣̇о, ажжимукий уббалаван̣н̣аа, суд̣̇ассано саарибуд̇д̇о, субхог̇о махаамог̇г̇аллаано, гаан̣ааридто сунагкад̇д̇о, бхуурид̣̇ад̇д̇о логанаат̇о.
Tadā mātāpitaro mahārājakulāni ahesuṃ. Nesādabrāhmaṇo devadatto, somadatto ānando, accimukhī uppalavaṇṇā, sudassano sāriputto, subhogo mahāmoggallāno, kāṇāriṭṭho sunakkhatto, bhūridatto lokanātho.
д̇асса ид̇хааби сзсабаарамияо хздтаа вуд̇д̇анаязнзва нид̣̇д̇хаарзд̇аб̣б̣аа. ид̇хааби яож̇анасад̇игз ад̇д̇ано нааг̇абхаванадтаанз сол̣асахи нааг̇аган̃н̃аасахассзхи жид̇д̇аруубам̣ вияа барижаарияамаано д̣̇звалогасамбад̇д̇исад̣̇исз нааг̇алогиссарияз тид̇оби иссарияамад̣̇ам̣ агад̇ваа анвад̣̇д̇хамаасам̣ маад̇аабид̇уубадтаанам̣, гулз ж̇здтаабажааяанам̣, сагалааяа нааг̇абарисааяа жаад̇умахаарааж̇игабарисааяа д̇аавад̇им̣сабарисааяа жа самудтид̇абан̃хаанам̣ д̇ам̣д̇ам̣барисамаж̇жхз гумуд̣̇анаалагалаабам̣ вияа сунисид̇асад̇т̇зна ад̇д̇ано бан̃н̃аасад̇т̇зна д̇аавад̣̇зва бажчинд̣̇ид̇ваа д̇зсам̣ жид̇д̇аанугуулад̇хаммад̣̇зсанаа, вуд̇д̇аббагаарам̣ бхог̇асамбад̇д̇им̣ бахааяа ад̇д̇ано сарийраж̇ийвид̇анирабзгкам̣ жад̇уран̇г̇асаманнааг̇ад̇ам̣ убосат̇аад̇хидтаанам̣, д̇ад̇т̇а жа бадин̃н̃ааяа висам̣ваад̣̇анабхаязна ахид̇ун̣д̣игахад̇т̇аг̇аманам̣, д̇асмин̃жа мукз висамиссакзл̣абаад̇анам̣ нан̇г̇удтз г̇ахзд̇ваа аавин̃чанам̣ гад̣дханам̣ бхуумияам̣ гхам̣санам̣ мад̣̇д̣̇анам̣ бот̇ананд̇и звамаад̣̇им̣ наанаббагааравиббагаарам̣ гаронд̇зби зваруубам̣ махаад̣̇угкам̣ анубхавад̇оби гуж̇жхид̇ваа ологанамад̇д̇зна д̇ам̣ чааригам̣ гаад̇ум̣ самад̇т̇ассааби сийлабаарамим̣ ааваж̇ж̇ид̇ваа сийлакан̣д̣анабхаязна ийсагамби жид̇д̇асса вигаараабхааво, д̇ханам̣ лабхаабзмийд̇и ваа д̇асса жид̇д̇аанувад̇д̇анам̣, субхог̇зна бунаанийд̇асса агад̇ан̃н̃уно мид̇д̇ад̣̇уб̣бхисса нзсаад̣̇аб̣раахман̣асса сийлам̣ анад̇хидтахид̇вааби агуж̇жханам̣, гаан̣ааридтзна гат̇ид̇ам̣ мижчааваад̣̇ам̣ бхинд̣̇ид̇ваа анзгабарияааязна д̇хаммам̣ бхаасид̇ваа нааг̇абарисааяа сийлзсу саммаад̣̇идтияан̃жа бад̇идтаабананд̇и звамаад̣̇аяо б̣од̇хисад̇д̇асса г̇ун̣аанубхааваа вибхаавзд̇аб̣б̣аа. д̇знзд̇ам̣ вужжад̇и – ‘‘звам̣ ажчарияаа хзд̇з…бз… д̇хаммасса ануд̇хаммад̇о’’д̇и.
Tassa idhāpi sesapāramiyo heṭṭhā vuttanayeneva niddhāretabbā. Idhāpi yojanasatike attano nāgabhavanaṭṭhāne soḷasahi nāgakaññāsahassehi cittarūpaṃ viya paricāriyamāno devalokasampattisadise nāgalokissariye ṭhitopi issariyamadaṃ akatvā anvaddhamāsaṃ mātāpituupaṭṭhānaṃ, kule jeṭṭhāpacāyanaṃ, sakalāya nāgaparisāya cātumahārājikaparisāya tāvatiṃsaparisāya ca samuṭṭhitapañhānaṃ taṃtaṃparisamajjhe kumudanālakalāpaṃ viya sunisitasatthena attano paññāsatthena tāvadeva pacchinditvā tesaṃ cittānukūladhammadesanā, vuttappakāraṃ bhogasampattiṃ pahāya attano sarīrajīvitanirapekkhaṃ caturaṅgasamannāgataṃ uposathādhiṭṭhānaṃ, tattha ca paṭiññāya visaṃvādanabhayena ahituṇḍikahatthagamanaṃ, tasmiñca mukhe visamissakheḷapātanaṃ naṅguṭṭhe gahetvā āviñchanaṃ kaḍḍhanaṃ bhūmiyaṃ ghaṃsanaṃ maddanaṃ pothananti evamādiṃ nānappakāravippakāraṃ karontepi evarūpaṃ mahādukkhaṃ anubhavatopi kujjhitvā olokanamattena taṃ chārikaṃ kātuṃ samatthassāpi sīlapāramiṃ āvajjitvā sīlakhaṇḍanabhayena īsakampi cittassa vikārābhāvo, dhanaṃ labhāpemīti vā tassa cittānuvattanaṃ, subhogena punānītassa akataññuno mittadubbhissa nesādabrāhmaṇassa sīlaṃ anadhiṭṭhahitvāpi akujjhanaṃ, kāṇāriṭṭhena kathitaṃ micchāvādaṃ bhinditvā anekapariyāyena dhammaṃ bhāsitvā nāgaparisāya sīlesu sammādiṭṭhiyañca patiṭṭhāpananti evamādayo bodhisattassa guṇānubhāvā vibhāvetabbā. Tenetaṃ vuccati – ‘‘evaṃ acchariyā hete…pe… dhammassa anudhammato’’ti.
бхуурид̣̇ад̇д̇ажарияааван̣н̣анаа нидтид̇аа.
Bhūridattacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 2. бхуурид̣̇ад̇д̇ажарияаа • 2. Bhūridattacariyā
