| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੨. ਭੂਤਗਾਮવਗ੍ਗੋ
2. Bhūtagāmavaggo
੧. ਭੂਤਗਾਮਸਿਕ੍ਖਾਪਦਂ
1. Bhūtagāmasikkhāpadaṃ
੮੯. ਤੇਨ ਸਮਯੇਨ ਬੁਦ੍ਧੋ ਭਗવਾ ਆਲ਼વਿਯਂ વਿਹਰਤਿ ਅਗ੍ਗਾਲ਼વੇ ਚੇਤਿਯੇ। ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਾ ਰੁਕ੍ਖਂ ਛਿਨ੍ਦਨ੍ਤਿਪਿ ਛੇਦਾਪੇਨ੍ਤਿਪਿ। ਅਞ੍ਞਤਰੋਪਿ ਆਲ਼વਕੋ ਭਿਕ੍ਖੁ ਰੁਕ੍ਖਂ ਛਿਨ੍ਦਤਿ। ਤਸ੍ਮਿਂ ਰੁਕ੍ਖੇ ਅਧਿવਤ੍ਥਾ ਦੇવਤਾ ਤਂ ਭਿਕ੍ਖੁਂ ਏਤਦવੋਚ – ‘‘ਮਾ, ਭਨ੍ਤੇ, ਅਤ੍ਤਨੋ ਭવਨਂ ਕਤ੍ਤੁਕਾਮੋ ਮਯ੍ਹਂ ਭવਨਂ ਛਿਨ੍ਦੀ’’ਤਿ। ਸੋ ਭਿਕ੍ਖੁ ਅਨਾਦਿਯਨ੍ਤੋ ਛਿਨ੍ਦਿ ਯੇવ, ਤਸ੍ਸਾ ਚ ਦੇવਤਾਯ ਦਾਰਕਸ੍ਸ ਬਾਹੁਂ ਆਕੋਟੇਸਿ। ਅਥ ਖੋ ਤਸ੍ਸਾ ਦੇવਤਾਯ ਏਤਦਹੋਸਿ – ‘‘ਯਂਨ੍ਨੂਨਾਹਂ ਇਮਂ ਭਿਕ੍ਖੁਂ ਇਧੇવ ਜੀવਿਤਾ વੋਰੋਪੇਯ੍ਯ’’ਨ੍ਤਿ। ਅਥ ਖੋ ਤਸ੍ਸਾ ਦੇવਤਾਯ ਏਤਦਹੋਸਿ – ‘‘ਨ ਖੋ ਮੇਤਂ ਪਤਿਰੂਪਂ ਯਾਹਂ ਇਮਂ ਭਿਕ੍ਖੁਂ ਇਧੇવ ਜੀવਿਤਾ વੋਰੋਪੇਯ੍ਯਂ। ਯਨ੍ਨੂਨਾਹਂ ਭਗવਤੋ ਏਤਮਤ੍ਥਂ ਆਰੋਚੇਯ੍ਯ’’ਨ੍ਤਿ। ਅਥ ਖੋ ਸਾ ਦੇવਤਾ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਸਾਧੁ ਸਾਧੁ ਦੇવਤੇ! ਸਾਧੁ ਖੋ ਤ੍વਂ, ਦੇવਤੇ, ਤਂ ਭਿਕ੍ਖੁਂ ਜੀવਿਤਾ ਨ વੋਰੋਪੇਸਿ। ਸਚਜ੍ਜ ਤ੍વਂ, ਦੇવਤੇ, ਤਂ ਭਿਕ੍ਖੁਂ ਜੀવਿਤਾ વੋਰੋਪੇਯ੍ਯਾਸਿ, ਬਹੁਞ੍ਚ ਤ੍વਂ, ਦੇવਤੇ, ਅਪੁਞ੍ਞਂ ਪਸવੇਯ੍ਯਾਸਿ। ਗਚ੍ਛ ਤ੍વਂ, ਦੇવਤੇ, ਅਮੁਕਸ੍ਮਿਂ ਓਕਾਸੇ ਰੁਕ੍ਖੋ વਿવਿਤ੍ਤੋ ਤਸ੍ਮਿਂ ਉਪਗਚ੍ਛਾ’’ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਰੁਕ੍ਖਂ ਛਿਨ੍ਦਿਸ੍ਸਨ੍ਤਿਪਿ ਛੇਦਾਪੇਸ੍ਸਨ੍ਤਿਪਿ ਏਕਿਨ੍ਦ੍ਰਿਯਂ ਸਮਣਾ ਸਕ੍ਯਪੁਤ੍ਤਿਯਾ ਜੀવਂ વਿਹੇਠੇਸ੍ਸਨ੍ਤੀ’’ਤਿ!
89. Tena samayena buddho bhagavā āḷaviyaṃ viharati aggāḷave cetiye. Tena kho pana samayena āḷavakā bhikkhū navakammaṃ karontā rukkhaṃ chindantipi chedāpentipi. Aññataropi āḷavako bhikkhu rukkhaṃ chindati. Tasmiṃ rukkhe adhivatthā devatā taṃ bhikkhuṃ etadavoca – ‘‘mā, bhante, attano bhavanaṃ kattukāmo mayhaṃ bhavanaṃ chindī’’ti. So bhikkhu anādiyanto chindi yeva, tassā ca devatāya dārakassa bāhuṃ ākoṭesi. Atha kho tassā devatāya etadahosi – ‘‘yaṃnnūnāhaṃ imaṃ bhikkhuṃ idheva jīvitā voropeyya’’nti. Atha kho tassā devatāya etadahosi – ‘‘na kho metaṃ patirūpaṃ yāhaṃ imaṃ bhikkhuṃ idheva jīvitā voropeyyaṃ. Yannūnāhaṃ bhagavato etamatthaṃ āroceyya’’nti. Atha kho sā devatā yena bhagavā tenupasaṅkami; upasaṅkamitvā bhagavato etamatthaṃ ārocesi. ‘‘Sādhu sādhu devate! Sādhu kho tvaṃ, devate, taṃ bhikkhuṃ jīvitā na voropesi. Sacajja tvaṃ, devate, taṃ bhikkhuṃ jīvitā voropeyyāsi, bahuñca tvaṃ, devate, apuññaṃ pasaveyyāsi. Gaccha tvaṃ, devate, amukasmiṃ okāse rukkho vivitto tasmiṃ upagacchā’’ti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā rukkhaṃ chindissantipi chedāpessantipi ekindriyaṃ samaṇā sakyaputtiyā jīvaṃ viheṭhessantī’’ti!
ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਲ਼વਕਾ ਭਿਕ੍ਖੂ ਰੁਕ੍ਖਂ ਛਿਨ੍ਦਿਸ੍ਸਨ੍ਤਿਪਿ ਛੇਦਾਪੇਸ੍ਸਨ੍ਤਿਪੀ’’ਤਿ…ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਰੁਕ੍ਖਂ ਛਿਨ੍ਦਥਾਪਿ ਛੇਦਾਪੇਥਾਪੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਰੁਕ੍ਖਂ ਛਿਨ੍ਦਿਸ੍ਸਥਾਪਿ, ਛੇਦਾਪੇਸ੍ਸਥਾਪਿ! ਜੀવਸਞ੍ਞਿਨੋ ਹਿ, ਮੋਘਪੁਰਿਸਾ, ਮਨੁਸ੍ਸਾ ਰੁਕ੍ਖਸ੍ਮਿਂ, ਨੇਤਂ ਮੋਘਪੁਰਿਸਾ ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āḷavakā bhikkhū rukkhaṃ chindissantipi chedāpessantipī’’ti…pe… ‘‘saccaṃ kira tumhe, bhikkhave, rukkhaṃ chindathāpi chedāpethāpī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, rukkhaṃ chindissathāpi, chedāpessathāpi! Jīvasaññino hi, moghapurisā, manussā rukkhasmiṃ, netaṃ moghapurisā appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੯੦. ‘‘ਭੂਤਗਾਮਪਾਤਬ੍ਯਤਾਯ ਪਾਚਿਤ੍ਤਿਯ’’ਨ੍ਤਿ।
90.‘‘Bhūtagāmapātabyatāya pācittiya’’nti.
੯੧. ਭੂਤਗਾਮੋ ਨਾਮ ਪਞ੍ਚ ਬੀਜਜਾਤਾਨਿ – ਮੂਲਬੀਜਂ, ਖਨ੍ਧਬੀਜਂ, ਫਲ਼ੁਬੀਜਂ, ਅਗ੍ਗਬੀਜਂ, ਬੀਜਬੀਜਮੇવ 1 ਪਞ੍ਚਮਂ।
91.Bhūtagāmo nāma pañca bījajātāni – mūlabījaṃ, khandhabījaṃ, phaḷubījaṃ, aggabījaṃ, bījabījameva 2 pañcamaṃ.
ਮੂਲਬੀਜਂ ਨਾਮ – ਹਲਿਦ੍ਦਿ, ਸਿਙ੍ਗਿવੇਰਂ, વਚਾ, વਚਤ੍ਤਂ, ਅਤਿવਿਸਾ, ਕਟੁਕਰੋਹਿਣੀ, ਉਸੀਰਂ, ਭਦ੍ਦਮੂਤ੍ਤਕਂ, ਯਾਨਿ વਾ ਪਨਞ੍ਞਾਨਿਪਿ ਅਤ੍ਥਿ ਮੂਲੇ ਜਾਯਨ੍ਤਿ, ਮੂਲੇ ਸਞ੍ਜਾਯਨ੍ਤਿ, ਏਤਂ ਮੂਲਬੀਜਂ ਨਾਮ।
Mūlabījaṃ nāma – haliddi, siṅgiveraṃ, vacā, vacattaṃ, ativisā, kaṭukarohiṇī, usīraṃ, bhaddamūttakaṃ, yāni vā panaññānipi atthi mūle jāyanti, mūle sañjāyanti, etaṃ mūlabījaṃ nāma.
ਖਨ੍ਧਬੀਜਂ ਨਾਮ – ਅਸ੍ਸਤ੍ਥੋ, ਨਿਗ੍ਰੋਧੋ, ਪਿਲਕ੍ਖੋ, ਉਦੁਮ੍ਬਰੋ, ਕਚ੍ਛਕੋ, ਕਪਿਤ੍ਥਨੋ, ਯਾਨਿ વਾ ਪਨਞ੍ਞਾਨਿਪਿ ਅਤ੍ਥਿ ਖਨ੍ਧੇ ਜਾਯਨ੍ਤਿ, ਖਨ੍ਧੇ ਸਞ੍ਜਾਯਨ੍ਤਿ, ਏਤਂ ਖਨ੍ਧਬੀਜਂ ਨਾਮ।
Khandhabījaṃ nāma – assattho, nigrodho, pilakkho, udumbaro, kacchako, kapitthano, yāni vā panaññānipi atthi khandhe jāyanti, khandhe sañjāyanti, etaṃ khandhabījaṃ nāma.
ਫਲ਼ੁਬੀਜਂ ਨਾਮ – ਉਚ੍ਛੁ, વੇਲ਼ੁ, ਨਲ਼ੋ, ਯਾਨਿ વਾ ਪਨਞ੍ਞਾਨਿਪਿ ਅਤ੍ਥਿ ਪਬ੍ਬੇ ਜਾਯਨ੍ਤਿ, ਪਬ੍ਬੇ ਸਞ੍ਜਾਯਨ੍ਤਿ, ਏਤਂ ਫਲ਼ੁਬੀਜਂ ਨਾਮ।
Phaḷubījaṃ nāma – ucchu, veḷu, naḷo, yāni vā panaññānipi atthi pabbe jāyanti, pabbe sañjāyanti, etaṃ phaḷubījaṃ nāma.
ਅਗ੍ਗਬੀਜਂ ਨਾਮ – ਅਜ੍ਜੁਕਂ, ਫਣਿਜ੍ਜਕਂ, ਹਿਰਿવੇਰਂ, ਯਾਨਿ વਾ ਪਨਞ੍ਞਾਨਿਪਿ ਅਤ੍ਥਿ ਅਗ੍ਗੇ ਜਾਯਨ੍ਤਿ, ਅਗ੍ਗੇ ਸਞ੍ਜਾਯਨ੍ਤਿ, ਏਤਂ ਅਗ੍ਗਬੀਜਂ ਨਾਮ।
Aggabījaṃ nāma – ajjukaṃ, phaṇijjakaṃ, hiriveraṃ, yāni vā panaññānipi atthi agge jāyanti, agge sañjāyanti, etaṃ aggabījaṃ nāma.
ਬੀਜਬੀਜਂ ਨਾਮ – ਪੁਬ੍ਬਣ੍ਣਂ, ਅਪਰਣ੍ਣਂ, ਯਾਨਿ વਾ ਪਨਞ੍ਞਾਨਿਪਿ ਅਤ੍ਥਿ ਬੀਜੇ ਜਾਯਨ੍ਤਿ, ਬੀਜੇ ਸਞ੍ਜਾਯਨ੍ਤਿ, ਏਤਂ ਬੀਜਬੀਜਂ ਨਾਮ।
Bījabījaṃ nāma – pubbaṇṇaṃ, aparaṇṇaṃ, yāni vā panaññānipi atthi bīje jāyanti, bīje sañjāyanti, etaṃ bījabījaṃ nāma.
੯੨. ਬੀਜੇ ਬੀਜਸਞ੍ਞੀ ਛਿਨ੍ਦਤਿ વਾ ਛੇਦਾਪੇਤਿ વਾ, ਭਿਨ੍ਦਤਿ વਾ ਭੇਦਾਪੇਤਿ વਾ, ਪਚਤਿ વਾ ਪਚਾਪੇਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਬੀਜੇ વੇਮਤਿਕੋ ਛਿਨ੍ਦਤਿ વਾ ਛੇਦਾਪੇਤਿ વਾ, ਭਿਨ੍ਦਤਿ વਾ ਭੇਦਾਪੇਤਿ વਾ, ਪਚਤਿ વਾ ਪਚਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਬੀਜੇ ਅਬੀਜਸਞ੍ਞੀ ਛਿਨ੍ਦਤਿ વਾ ਛੇਦਾਪੇਤਿ વਾ, ਭਿਨ੍ਦਤਿ વਾ ਭੇਦਾਪੇਤਿ વਾ, ਪਚਤਿ વਾ ਪਚਾਪੇਤਿ વਾ, ਅਨਾਪਤ੍ਤਿ। ਅਬੀਜੇ ਬੀਜਸਞ੍ਞੀ ਆਪਤ੍ਤਿ ਦੁਕ੍ਕਟਸ੍ਸ। ਅਬੀਜੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਬੀਜੇ ਅਬੀਜਸਞ੍ਞੀ, ਅਨਾਪਤ੍ਤਿ।
92. Bīje bījasaññī chindati vā chedāpeti vā, bhindati vā bhedāpeti vā, pacati vā pacāpeti vā, āpatti pācittiyassa. Bīje vematiko chindati vā chedāpeti vā, bhindati vā bhedāpeti vā, pacati vā pacāpeti vā, āpatti dukkaṭassa. Bīje abījasaññī chindati vā chedāpeti vā, bhindati vā bhedāpeti vā, pacati vā pacāpeti vā, anāpatti. Abīje bījasaññī āpatti dukkaṭassa. Abīje vematiko, āpatti dukkaṭassa. Abīje abījasaññī, anāpatti.
੯੩. ਅਨਾਪਤ੍ਤਿ – ‘‘ਇਮਂ ਜਾਨ, ਇਮਂ ਦੇਹਿ, ਇਮਂ ਆਹਰ, ਇਮਿਨਾ ਅਤ੍ਥੋ, ਇਮਂ ਕਪ੍ਪਿਯਂ ਕਰੋਹੀ’’ਤਿ ਭਣਤਿ, ਅਸਞ੍ਚਿਚ੍ਚ, ਅਸ੍ਸਤਿਯਾ, ਅਜਾਨਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
93. Anāpatti – ‘‘imaṃ jāna, imaṃ dehi, imaṃ āhara, iminā attho, imaṃ kappiyaṃ karohī’’ti bhaṇati, asañcicca, assatiyā, ajānantassa, ummattakassa, ādikammikassāti.
ਭੂਤਗਾਮਸਿਕ੍ਖਾਪਦਂ ਨਿਟ੍ਠਿਤਂ ਪਠਮਂ।
Bhūtagāmasikkhāpadaṃ niṭṭhitaṃ paṭhamaṃ.
੨. ਅਞ੍ਞવਾਦਕਸਿਕ੍ਖਾਪਦਂ
2. Aññavādakasikkhāpadaṃ
੯੪. ਤੇਨ ਸਮਯੇਨ ਬੁਦ੍ਧੋ ਭਗવਾ ਕੋਸਮ੍ਬਿਯਂ વਿਹਰਤਿ ਘੋਸਿਤਾਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਛਨ੍ਨੋ ਅਨਾਚਾਰਂ ਆਚਰਿਤ੍વਾ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਅਞ੍ਞੇਨਞ੍ਞਂ ਪਟਿਚਰਤਿ – ‘‘ਕੋ ਆਪਨ੍ਨੋ, ਕਿਂ ਆਪਨ੍ਨੋ, ਕਿਸ੍ਮਿਂ ਆਪਨ੍ਨੋ, ਕਥਂ ਆਪਨ੍ਨੋ, ਕਂ ਭਣਥ, ਕਿਂ ਭਣਥਾ’’ਤਿ? ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਛਨ੍ਨੋ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਅਞ੍ਞੇਨਞ੍ਞਂ ਪਟਿਚਰਿਸ੍ਸਤਿ – ਕੋ ਆਪਨ੍ਨੋ, ਕਿਂ ਆਪਨ੍ਨੋ, ਕਿਸ੍ਮਿਂ ਆਪਨ੍ਨੋ, ਕਥਂ ਆਪਨ੍ਨੋ, ਕਂ ਭਣਥ, ਕਿਂ ਭਣਥਾ’’ਤਿ…ਪੇ॰… ਸਚ੍ਚਂ ਕਿਰ ਤ੍વਂ, ਛਨ੍ਨ, ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਅਞ੍ਞੇਨਞ੍ਞਂ ਪਟਿਚਰਸਿ – ਕੋ ਆਪਨ੍ਨੋ, ਕਿਂ ਆਪਨ੍ਨੋ, ਕਿਸ੍ਮਿਂ ਆਪਨ੍ਨੋ, ਕਥਂ ਆਪਨ੍ਨੋ, ਕਂ ਭਣਥ, ਕਿਂ ਭਣਥਾਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਅਞ੍ਞੇਨਞ੍ਞਂ ਪਟਿਚਰਿਸ੍ਸਸਿ – ਕੋ ਆਪਨ੍ਨੋ, ਕਿਂ ਆਪਨ੍ਨੋ, ਕਿਸ੍ਮਿਂ ਆਪਨ੍ਨੋ, ਕਥਂ ਆਪਨ੍ਨੋ, ਕਂ ਭਣਥ, ਕਿਂ ਭਣਥਾਤਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖવੇ, ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ ਅਞ੍ਞવਾਦਕਂ ਰੋਪੇਤੁ। ਏવਞ੍ਚ ਪਨ, ਭਿਕ੍ਖવੇ , ਰੋਪੇਤਬ੍ਬਂ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
94. Tena samayena buddho bhagavā kosambiyaṃ viharati ghositārāme. Tena kho pana samayena āyasmā channo anācāraṃ ācaritvā saṅghamajjhe āpattiyā anuyuñjīyamāno aññenaññaṃ paṭicarati – ‘‘ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathā’’ti? Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo saṅghamajjhe āpattiyā anuyuñjīyamāno aññenaññaṃ paṭicarissati – ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathā’’ti…pe… saccaṃ kira tvaṃ, channa, saṅghamajjhe āpattiyā anuyuñjīyamāno aññenaññaṃ paṭicarasi – ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, saṅghamajjhe āpattiyā anuyuñjīyamāno aññenaññaṃ paṭicarissasi – ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathāti! Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘tena hi, bhikkhave, saṅgho channassa bhikkhuno aññavādakaṃ ropetu. Evañca pana, bhikkhave , ropetabbaṃ. Byattena bhikkhunā paṭibalena saṅgho ñāpetabbo –
੯੫. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਛਨ੍ਨੋ ਭਿਕ੍ਖੁ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਅਞ੍ਞੇਨਞ੍ਞਂ ਪਟਿਚਰਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ ਅਞ੍ਞવਾਦਕਂ ਰੋਪੇਯ੍ਯ। ਏਸਾ ਞਤ੍ਤਿ।
95. ‘‘Suṇātu me, bhante, saṅgho. Ayaṃ channo bhikkhu saṅghamajjhe āpattiyā anuyuñjīyamāno aññenaññaṃ paṭicarati. Yadi saṅghassa pattakallaṃ, saṅgho channassa bhikkhuno aññavādakaṃ ropeyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਛਨ੍ਨੋ ਭਿਕ੍ਖੁ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਅਞ੍ਞੇਨਞ੍ਞਂ ਪਟਿਚਰਤਿ। ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ ਅਞ੍ਞવਾਦਕਂ ਰੋਪੇਤਿ। ਯਸ੍ਸਾਯਸ੍ਮਤੋ ਖਮਤਿ ਛਨ੍ਨਸ੍ਸ ਭਿਕ੍ਖੁਨੋ ਅਞ੍ਞવਾਦਕਸ੍ਸ ਰੋਪਨਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ channo bhikkhu saṅghamajjhe āpattiyā anuyuñjīyamāno aññenaññaṃ paṭicarati. Saṅgho channassa bhikkhuno aññavādakaṃ ropeti. Yassāyasmato khamati channassa bhikkhuno aññavādakassa ropanā, so tuṇhassa; yassa nakkhamati, so bhāseyya.
‘‘ਰੋਪਿਤਂ ਸਙ੍ਘੇਨ ਛਨ੍ਨਸ੍ਸ ਭਿਕ੍ਖੁਨੋ ਅਞ੍ਞવਾਦਕਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Ropitaṃ saṅghena channassa bhikkhuno aññavādakaṃ. Khamati saṅghassa, tasmā tuṇhī, evametaṃ dhārayāmī’’ti.
ਅਥ ਖੋ ਭਗવਾ ਆਯਸ੍ਮਨ੍ਤਂ ਛਨ੍ਨਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਦੁਬ੍ਭਰਤਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho bhagavā āyasmantaṃ channaṃ anekapariyāyena vigarahitvā dubbharatāya…pe… evañca pana, bhikkhave, imaṃ sikkhāpadaṃ uddiseyyātha –
‘‘ਅਞ੍ਞવਾਦਕੇ ਪਾਚਿਤ੍ਤਿਯ’’ਨ੍ਤਿ।
‘‘Aññavādake pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੯੬. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਛਨ੍ਨੋ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ‘‘ਅਞ੍ਞੇਨਞ੍ਞਂ ਪਟਿਚਰਨ੍ਤੋ – ‘‘ਆਪਤ੍ਤਿਂ ਆਪਜ੍ਜਿਸ੍ਸਾਮੀ’’ਤਿ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਛਨ੍ਨੋ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਸ੍ਸਤੀ’’ਤਿ…ਪੇ॰… ਸਚ੍ਚਂ ਕਿਰ ਤ੍વਂ, ਛਨ੍ਨ, ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਸੀਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖવੇ, ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ વਿਹੇਸਕਂ ਰੋਪੇਤੁ। ਏવਞ੍ਚ ਪਨ, ਭਿਕ੍ਖવੇ, ਰੋਪੇਤਬ੍ਬਂ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
96. Tena kho pana samayena āyasmā channo saṅghamajjhe āpattiyā anuyuñjīyamāno ‘‘aññenaññaṃ paṭicaranto – ‘‘āpattiṃ āpajjissāmī’’ti tuṇhībhūto saṅghaṃ viheseti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo saṅghamajjhe āpattiyā anuyuñjīyamāno tuṇhībhūto saṅghaṃ vihesessatī’’ti…pe… saccaṃ kira tvaṃ, channa, saṅghamajjhe āpattiyā anuyuñjīyamāno tuṇhībhūto saṅghaṃ vihesesīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, saṅghamajjhe āpattiyā anuyuñjīyamāno tuṇhībhūto saṅghaṃ vihesessasi! Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘tena hi, bhikkhave, saṅgho channassa bhikkhuno vihesakaṃ ropetu. Evañca pana, bhikkhave, ropetabbaṃ. Byattena bhikkhunā paṭibalena saṅgho ñāpetabbo –
੯੭. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਛਨ੍ਨੋ ਭਿਕ੍ਖੁ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ વਿਹੇਸਕਂ ਰੋਪੇਯ੍ਯ। ਏਸਾ ਞਤ੍ਤਿ।
97. ‘‘Suṇātu me, bhante, saṅgho. Ayaṃ channo bhikkhu saṅghamajjhe āpattiyā anuyuñjīyamāno tuṇhībhūto saṅghaṃ viheseti. Yadi saṅghassa pattakallaṃ, saṅgho channassa bhikkhuno vihesakaṃ ropeyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਛਨ੍ਨੋ ਭਿਕ੍ਖੁ ਸਙ੍ਘਮਜ੍ਝੇ ਆਪਤ੍ਤਿਯਾ ਅਨੁਯੁਞ੍ਜੀਯਮਾਨੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਤਿ। ਸਙ੍ਘੋ ਛਨ੍ਨਸ੍ਸ ਭਿਕ੍ਖੁਨੋ વਿਹੇਸਕਂ ਰੋਪੇਤਿ। ਯਸ੍ਸਾਯਸ੍ਮਾਤੋ ਖਮਤਿ ਛਨ੍ਨਸ੍ਸ ਭਿਕ੍ਖੁਨੋ વਿਹੇਸਕਸ੍ਸ ਰੋਪਨਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ channo bhikkhu saṅghamajjhe āpattiyā anuyuñjīyamāno tuṇhībhūto saṅghaṃ viheseti. Saṅgho channassa bhikkhuno vihesakaṃ ropeti. Yassāyasmāto khamati channassa bhikkhuno vihesakassa ropanā, so tuṇhassa; yassa nakkhamati, so bhāseyya.
‘‘ਰੋਪਿਤਂ ਸਙ੍ਘੇਨ ਛਨ੍ਨਸ੍ਸ ਭਿਕ੍ਖੁਨੋ વਿਹੇਸਕਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Ropitaṃ saṅghena channassa bhikkhuno vihesakaṃ. Khamati saṅghassa, tasmā tuṇhī, evametaṃ dhārayāmī’’ti.
ਅਥ ਖੋ ਭਗવਾ ਆਯਸ੍ਮਨ੍ਤਂ ਛਨ੍ਨਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਦੁਬ੍ਭਰਤਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho bhagavā āyasmantaṃ channaṃ anekapariyāyena vigarahitvā dubbharatāya…pe… evañca pana, bhikkhave, imaṃ sikkhāpadaṃ uddiseyyātha –
੯੮. ‘‘ਅਞ੍ਞવਾਦਕੇ વਿਹੇਸਕੇ ਪਾਚਿਤ੍ਤਿਯ’’ਨ੍ਤਿ।
98.‘‘Aññavādake vihesake pācittiya’’nti.
੯੯. ਅਞ੍ਞવਾਦਕੋ ਨਾਮ ਸਙ੍ਘਮਜ੍ਝੇ વਤ੍ਥੁਸ੍ਮਿਂ વਾ ਆਪਤ੍ਤਿਯਾ વਾ ਅਨੁਯੁਞ੍ਜੀਯਮਾਨੋ ਤਂ ਨ ਕਥੇਤੁਕਾਮੋ ਤਂ ਨ ਉਗ੍ਘਾਟੇਤੁਕਾਮੋ ਅਞ੍ਞੇਨਞ੍ਞਂ ਪਟਿਚਰਤਿ – ‘‘ਕੋ ਆਪਨ੍ਨੋ, ਕਿਂ ਆਪਨ੍ਨੋ, ਕਿਸ੍ਮਿਂ ਆਪਨ੍ਨੋ, ਕਥਂ ਆਪਨ੍ਨੋ, ਕਂ ਭਣਥ, ਕਿਂ ਭਣਥਾ’’ਤਿ। ਏਸੋ ਅਞ੍ਞવਾਦਕੋ ਨਾਮ।
99.Aññavādako nāma saṅghamajjhe vatthusmiṃ vā āpattiyā vā anuyuñjīyamāno taṃ na kathetukāmo taṃ na ugghāṭetukāmo aññenaññaṃ paṭicarati – ‘‘ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathā’’ti. Eso aññavādako nāma.
વਿਹੇਸਕੋ ਨਾਮ ਸਙ੍ਘਮਜ੍ਝੇ વਤ੍ਥੁਸ੍ਮਿਂ વਾ ਆਪਤ੍ਤਿਯਾ વਾ ਅਨੁਯੁਞ੍ਜੀਯਮਾਨੋ ਤਂ ਨ ਕਥੇਤੁਕਾਮੋ ਤਂ ਨ ਉਗ੍ਘਾਟੇਤੁਕਾਮੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਤਿ। ਏਸੋ વਿਹੇਸਕੋ ਨਾਮ।
Vihesako nāma saṅghamajjhe vatthusmiṃ vā āpattiyā vā anuyuñjīyamāno taṃ na kathetukāmo taṃ na ugghāṭetukāmo tuṇhībhūto saṅghaṃ viheseti. Eso vihesako nāma.
੧੦੦. ਆਰੋਪਿਤੇ ਅਞ੍ਞવਾਦਕੇ ਸਙ੍ਘਮਜ੍ਝੇ વਤ੍ਥੁਸ੍ਮਿਂ વਾ ਆਪਤ੍ਤਿਯਾ વਾ ਅਨੁਯੁਞ੍ਜੀਯਮਾਨੋ ਤਂ ਨ ਕਥੇਤੁਕਾਮੋ ਤਂ ਨ ਉਗ੍ਘਾਟੇਤੁਕਾਮੋ ਅਞ੍ਞੇਨਞ੍ਞਂ ਪਟਿਚਰਤਿ – ‘‘ਕੋ ਆਪਨ੍ਨੋ, ਕਿਂ ਆਪਨ੍ਨੋ, ਕਿਸ੍ਮਿਂ ਆਪਨ੍ਨੋ, ਕਥਂ ਆਪਨ੍ਨੋ, ਕਂ ਭਣਥ, ਕਿਂ ਭਣਥਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਆਰੋਪਿਤੇ વਿਹੇਸਕੇ ਸਙ੍ਘਮਜ੍ਝੇ વਤ੍ਥੁਸ੍ਮਿਂ વਾ ਆਪਤ੍ਤਿਯਾ વਾ ਅਨੁਯੁਞ੍ਜੀਯਮਾਨੋ ਤਂ ਨ ਕਥੇਤੁਕਾਮੋ ਤਂ ਨ ਉਗ੍ਘਾਟੇਤੁਕਾਮੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਰੋਪਿਤੇ ਅਞ੍ਞવਾਦਕੇ ਸਙ੍ਘਮਜ੍ਝੇ વਤ੍ਥੁਸ੍ਮਿਂ વਾ ਆਪਤ੍ਤਿਯਾ વਾ ਅਨੁਯੁਞ੍ਜੀਯਮਾਨੋ ਤਂ ਨ ਕਥੇਤੁਕਾਮੋ ਤਂ ਨ ਉਗ੍ਘਾਟੇਤੁਕਾਮੋ ਅਞ੍ਞੇਨਞ੍ਞਂ ਪਟਿਚਰਤਿ – ‘‘ਕੋ ਆਪਨ੍ਨੋ, ਕਿਂ ਆਪਨ੍ਨੋ, ਕਿਸ੍ਮਿਂ ਆਪਨ੍ਨੋ, ਕਥਂ ਆਪਨ੍ਨੋ, ਕਂ ਭਣਥ, ਕਿਂ ਭਣਥਾ’’ਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ । ਰੋਪਿਤੇ વਿਹੇਸਕੇ ਸਙ੍ਘਮਜ੍ਝੇ વਤ੍ਥੁਸ੍ਮਿਂ વਾ ਆਪਤ੍ਤਿਯਾ વਾ ਅਨੁਯੁਞ੍ਜੀਯਮਾਨੋ ਤਂ ਨ ਕਥੇਤੁਕਾਮੋ ਤਂ ਨ ਉਗ੍ਘਾਟੇਤੁਕਾਮੋ ਤੁਣ੍ਹੀਭੂਤੋ ਸਙ੍ਘਂ વਿਹੇਸੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
100. Āropite aññavādake saṅghamajjhe vatthusmiṃ vā āpattiyā vā anuyuñjīyamāno taṃ na kathetukāmo taṃ na ugghāṭetukāmo aññenaññaṃ paṭicarati – ‘‘ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathā’’ti, āpatti dukkaṭassa. Āropite vihesake saṅghamajjhe vatthusmiṃ vā āpattiyā vā anuyuñjīyamāno taṃ na kathetukāmo taṃ na ugghāṭetukāmo tuṇhībhūto saṅghaṃ viheseti, āpatti dukkaṭassa. Ropite aññavādake saṅghamajjhe vatthusmiṃ vā āpattiyā vā anuyuñjīyamāno taṃ na kathetukāmo taṃ na ugghāṭetukāmo aññenaññaṃ paṭicarati – ‘‘ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathā’’ti, āpatti pācittiyassa . Ropite vihesake saṅghamajjhe vatthusmiṃ vā āpattiyā vā anuyuñjīyamāno taṃ na kathetukāmo taṃ na ugghāṭetukāmo tuṇhībhūto saṅghaṃ viheseti, āpatti pācittiyassa.
੧੦੧. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਅਞ੍ਞવਾਦਕੇ વਿਹੇਸਕੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਧਮ੍ਮਕਮ੍ਮੇ વੇਮਤਿਕੋ ਅਞ੍ਞવਾਦਕੇ વਿਹੇਸਕੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ ਅਞ੍ਞવਾਦਕੇ વਿਹੇਸਕੇ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ।
101. Dhammakamme dhammakammasaññī aññavādake vihesake, āpatti pācittiyassa. Dhammakamme vematiko aññavādake vihesake, āpatti pācittiyassa. Dhammakamme adhammakammasaññī aññavādake vihesake, āpatti pācittiyassa. Adhammakamme dhammakammasaññī, āpatti dukkaṭassa. Adhammakamme vematiko, āpatti dukkaṭassa. Adhammakamme adhammakammasaññī, āpatti dukkaṭassa.
੧੦੨. ਅਨਾਪਤ੍ਤਿ ਅਜਾਨਨ੍ਤੋ ਪੁਚ੍ਛਤਿ, ਗਿਲਾਨੋ વਾ ਨ ਕਥੇਤਿ; ‘‘ਸਙ੍ਘਸ੍ਸ ਭਣ੍ਡਨਂ વਾ ਕਲਹੋ વਾ વਿਗ੍ਗਹੋ વਾ વਿવਾਦੋ વਾ ਭવਿਸ੍ਸਤੀ’’ਤਿ ਨ ਕਥੇਤਿ; ‘‘ਸਙ੍ਘਭੇਦੋ વਾ ਸਙ੍ਘਰਾਜਿ વਾ ਭવਿਸ੍ਸਤੀ’’ਤਿ ਨ ਕਥੇਤਿ; ‘‘ਅਧਮ੍ਮੇਨ વਾ વਗ੍ਗੇਨ વਾ ਨਕਮ੍ਮਾਰਹਸ੍ਸ વਾ ਕਮ੍ਮਂ ਕਰਿਸ੍ਸਤੀ’’ਤਿ ਨ ਕਥੇਤਿ; ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
102. Anāpatti ajānanto pucchati, gilāno vā na katheti; ‘‘saṅghassa bhaṇḍanaṃ vā kalaho vā viggaho vā vivādo vā bhavissatī’’ti na katheti; ‘‘saṅghabhedo vā saṅgharāji vā bhavissatī’’ti na katheti; ‘‘adhammena vā vaggena vā nakammārahassa vā kammaṃ karissatī’’ti na katheti; ummattakassa, ādikammikassāti.
ਅਞ੍ਞવਾਦਕਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ।
Aññavādakasikkhāpadaṃ niṭṭhitaṃ dutiyaṃ.
੩. ਉਜ੍ਝਾਪਨਕਸਿਕ੍ਖਾਪਦਂ
3. Ujjhāpanakasikkhāpadaṃ
੧੦੩. ਤੇਨ ਸਮਯੇਨ ਬੁਦ੍ਧੋ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਸਙ੍ਘਸ੍ਸ ਸੇਨਾਸਨਞ੍ਚ ਪਞ੍ਞਪੇਤਿ ਭਤ੍ਤਾਨਿ ਚ ਉਦ੍ਦਿਸਤਿ। ਤੇਨ ਖੋ ਪਨ ਸਮਯੇਨ ਮੇਤ੍ਤਿਯਭੂਮਜਕਾ 3 ਭਿਕ੍ਖੂ ਨવਕਾ ਚੇવ ਹੋਨ੍ਤਿ ਅਪ੍ਪਪੁਞ੍ਞਾ ਚ । ਯਾਨਿ ਸਙ੍ਘਸ੍ਸ ਲਾਮਕਾਨਿ ਸੇਨਾਸਨਾਨਿ ਤਾਨਿ ਤੇਸਂ ਪਾਪੁਣਨ੍ਤਿ ਲਾਮਕਾਨਿ ਚ ਭਤ੍ਤਾਨਿ। ਤੇ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਭਿਕ੍ਖੂ ਉਜ੍ਝਾਪੇਨ੍ਤਿ – ‘‘ਛਨ੍ਦਾਯ ਦਬ੍ਬੋ ਮਲ੍ਲਪੁਤ੍ਤੋ ਸੇਨਾਸਨਂ ਪਞ੍ਞਪੇਤਿ, ਛਨ੍ਦਾਯ ਚ ਭਤ੍ਤਾਨਿ ਉਦ੍ਦਿਸਤੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਮੇਤ੍ਤਿਯਭੂਮਜਕਾ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਭਿਕ੍ਖੂ ਉਜ੍ਝਾਪੇਸ੍ਸਨ੍ਤੀ’’ਤਿ…ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਦਬ੍ਬਂ ਮਲ੍ਲਪੁਤ੍ਤਂ ਭਿਕ੍ਖੂ ਉਜ੍ਝਾਪੇਥਾ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਦਬ੍ਬਂ ਮਲ੍ਲਪੁਤ੍ਤਂ ਭਿਕ੍ਖੂ ਉਜ੍ਝਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
103. Tena samayena buddho bhagavā rājagahe viharati veḷuvane kalandakanivāpe. Tena kho pana samayena āyasmā dabbo mallaputto saṅghassa senāsanañca paññapeti bhattāni ca uddisati. Tena kho pana samayena mettiyabhūmajakā 4 bhikkhū navakā ceva honti appapuññā ca . Yāni saṅghassa lāmakāni senāsanāni tāni tesaṃ pāpuṇanti lāmakāni ca bhattāni. Te āyasmantaṃ dabbaṃ mallaputtaṃ bhikkhū ujjhāpenti – ‘‘chandāya dabbo mallaputto senāsanaṃ paññapeti, chandāya ca bhattāni uddisatī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma mettiyabhūmajakā bhikkhū āyasmantaṃ dabbaṃ mallaputtaṃ bhikkhū ujjhāpessantī’’ti…pe… ‘‘saccaṃ kira tumhe, bhikkhave, dabbaṃ mallaputtaṃ bhikkhū ujjhāpethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, dabbaṃ mallaputtaṃ bhikkhū ujjhāpessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
‘‘ਉਜ੍ਝਾਪਨਕੇ ਪਾਚਿਤ੍ਤਿਯ’’ਨ੍ਤਿ।
‘‘Ujjhāpanake pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੧੦੪. ਤੇਨ ਖੋ ਪਨ ਸਮਯੇਨ ਮੇਤ੍ਤਿਯਭੂਮਜਕਾ ਭਿਕ੍ਖੂ – ‘‘ਭਗવਤਾ ਉਜ੍ਝਾਪਨਕਂ ਪਟਿਕ੍ਖਿਤ੍ਤ’’ਨ੍ਤਿ, ‘‘ਏਤ੍ਤਾવਤਾ ਭਿਕ੍ਖੂ ਸੋਸ੍ਸਨ੍ਤੀ’’ਤਿ 5 ਭਿਕ੍ਖੂਨਂ ਸਾਮਨ੍ਤਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਖਿਯ੍ਯਨ੍ਤਿ – ‘‘ਛਨ੍ਦਾਯ ਦਬ੍ਬੋ ਮਲ੍ਲਪੁਤ੍ਤੋ ਸੇਨਾਸਨਂ ਪਞ੍ਞਪੇਤਿ, ਛਨ੍ਦਾਯ ਚ ਭਤ੍ਤਾਨਿ ਉਦ੍ਦਿਸਤੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਮੇਤ੍ਤਿਯਭੂਮਜਕਾ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਖਿਯ੍ਯਿਸ੍ਸਨ੍ਤੀ’’ਤਿ…ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਦਬ੍ਬਂ ਮਲ੍ਲਪੁਤ੍ਤਂ ਖਿਯ੍ਯਥਾ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਦਬ੍ਬਂ ਮਲ੍ਲਪੁਤ੍ਤਂ ਖਿਯ੍ਯਿਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
104. Tena kho pana samayena mettiyabhūmajakā bhikkhū – ‘‘bhagavatā ujjhāpanakaṃ paṭikkhitta’’nti, ‘‘ettāvatā bhikkhū sossantī’’ti 6 bhikkhūnaṃ sāmantā āyasmantaṃ dabbaṃ mallaputtaṃ khiyyanti – ‘‘chandāya dabbo mallaputto senāsanaṃ paññapeti, chandāya ca bhattāni uddisatī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma mettiyabhūmajakā bhikkhū āyasmantaṃ dabbaṃ mallaputtaṃ khiyyissantī’’ti…pe… ‘‘saccaṃ kira tumhe, bhikkhave, dabbaṃ mallaputtaṃ khiyyathā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, dabbaṃ mallaputtaṃ khiyyissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੧੦੫. ‘‘ਉਜ੍ਝਾਪਨਕੇ ਖਿਯ੍ਯਨਕੇ ਪਾਚਿਤ੍ਤਿਯ’’ਨ੍ਤਿ।
105.‘‘Ujjhāpanake khiyyanake pācittiya’’nti.
੧੦੬. ਉਜ੍ਝਾਪਨਕਂ ਨਾਮ ਉਪਸਮ੍ਪਨ੍ਨਂ ਸਙ੍ਘੇਨ ਸਮ੍ਮਤਂ ਸੇਨਾਸਨਪਞ੍ਞਾਪਕਂ વਾ ਭਤ੍ਤੁਦ੍ਦੇਸਕਂ વਾ ਯਾਗੁਭਾਜਕਂ વਾ ਫਲਭਾਜਕਂ વਾ ਖਜ੍ਜਭਾਜਕਂ વਾ ਅਪ੍ਪਮਤ੍ਤਕવਿਸ੍ਸਜ੍ਜਕਂ વਾ ਅવਣ੍ਣਂ ਕਤ੍ਤੁਕਾਮੋ, ਅਯਸਂ ਕਤ੍ਤੁਕਾਮੋ, ਮਙ੍ਕੁਕਤ੍ਤੁਕਾਮੋ, ਉਪਸਮ੍ਪਨ੍ਨਂ ਉਜ੍ਝਾਪੇਤਿ વਾ ਖਿਯ੍ਯਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਉਜ੍ਝਾਪਨਕੇ ਖਿਯ੍ਯਨਕੇ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਧਮ੍ਮਕਮ੍ਮੇ વੇਮਤਿਕੋ ਉਜ੍ਝਾਪਨਕੇ ਖਿਯ੍ਯਨਕੇ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ ਉਜ੍ਝਾਪਨਕੇ ਖਿਯ੍ਯਨਕੇ ਆਪਤ੍ਤਿ ਪਾਚਿਤ੍ਤਿਯਸ੍ਸ।
106.Ujjhāpanakaṃ nāma upasampannaṃ saṅghena sammataṃ senāsanapaññāpakaṃ vā bhattuddesakaṃ vā yāgubhājakaṃ vā phalabhājakaṃ vā khajjabhājakaṃ vā appamattakavissajjakaṃ vā avaṇṇaṃ kattukāmo, ayasaṃ kattukāmo, maṅkukattukāmo, upasampannaṃ ujjhāpeti vā khiyyati vā, āpatti pācittiyassa. Dhammakamme dhammakammasaññī ujjhāpanake khiyyanake āpatti pācittiyassa. Dhammakamme vematiko ujjhāpanake khiyyanake āpatti pācittiyassa. Dhammakamme adhammakammasaññī ujjhāpanake khiyyanake āpatti pācittiyassa.
ਅਨੁਪਸਮ੍ਪਨ੍ਨਂ ਉਜ੍ਝਾਪੇਤਿ વਾ ਖਿਯ੍ਯਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਉਪਸਮ੍ਪਨ੍ਨਂ ਸਙ੍ਘੇਨ ਅਸਮ੍ਮਤਂ ਸੇਨਾਸਨਪਞ੍ਞਾਪਕਂ વਾ ਭਤ੍ਤੁਦ੍ਦੇਸਕਂ વਾ ਯਾਗੁਭਾਜਕਂ વਾ ਫਲਭਾਜਕਂ વਾ ਖਜ੍ਜਭਾਜਕਂ વਾ ਅਪ੍ਪਮਤ੍ਤਕવਿਸ੍ਸਜ੍ਜਕਂ વਾ ਅવਣ੍ਣਂ ਕਤ੍ਤੁਕਾਮੋ, ਅਯਸਂ ਕਤ੍ਤੁਕਾਮੋ, ਮਙ੍ਕੁਕਤ੍ਤੁਕਾਮੋ, ਉਪਸਮ੍ਪਨ੍ਨਂ વਾ ਅਨੁਪਸਮ੍ਪਨ੍ਨਂ વਾ ਉਜ੍ਝਾਪੇਤਿ વਾ ਖਿਯ੍ਯਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨਂ ਸਙ੍ਘੇਨ ਸਮ੍ਮਤਂ વਾ ਅਸਮ੍ਮਤਂ વਾ ਸੇਨਾਸਨਪਞ੍ਞਾਪਕਂ વਾ ਭਤ੍ਤੁਦ੍ਦੇਸਕਂ વਾ ਯਾਗੁਭਾਜਕਂ વਾ ਫਲਭਾਜਕਂ વਾ ਖਜ੍ਜਭਾਜਕਂ વਾ ਅਪ੍ਪਮਤ੍ਤਕવਿਸ੍ਸਜ੍ਜਕਂ વਾ ਅવਣ੍ਣਂ ਕਤ੍ਤੁਕਾਮੋ, ਅਯਸਂ ਕਤ੍ਤੁਕਾਮੋ, ਮਙ੍ਕੁਕਤ੍ਤੁਕਾਮੋ, ਉਪਸਮ੍ਪਨ੍ਨਂ વਾ ਅਨੁਪਸਮ੍ਪਨ੍ਨਂ વਾ ਉਜ੍ਝਾਪੇਤਿ વਾ ਖਿਯ੍ਯਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ ਆਪਤ੍ਤਿ ਦੁਕ੍ਕਟਸ੍ਸ।
Anupasampannaṃ ujjhāpeti vā khiyyati vā, āpatti dukkaṭassa. Upasampannaṃ saṅghena asammataṃ senāsanapaññāpakaṃ vā bhattuddesakaṃ vā yāgubhājakaṃ vā phalabhājakaṃ vā khajjabhājakaṃ vā appamattakavissajjakaṃ vā avaṇṇaṃ kattukāmo, ayasaṃ kattukāmo, maṅkukattukāmo, upasampannaṃ vā anupasampannaṃ vā ujjhāpeti vā khiyyati vā, āpatti dukkaṭassa. Anupasampannaṃ saṅghena sammataṃ vā asammataṃ vā senāsanapaññāpakaṃ vā bhattuddesakaṃ vā yāgubhājakaṃ vā phalabhājakaṃ vā khajjabhājakaṃ vā appamattakavissajjakaṃ vā avaṇṇaṃ kattukāmo, ayasaṃ kattukāmo, maṅkukattukāmo, upasampannaṃ vā anupasampannaṃ vā ujjhāpeti vā khiyyati vā, āpatti dukkaṭassa. Adhammakamme dhammakammasaññī, āpatti dukkaṭassa. Adhammakamme vematiko, āpatti dukkaṭassa. Adhammakamme adhammakammasaññī āpatti dukkaṭassa.
੧੦੭. ਅਨਾਪਤ੍ਤਿ ਪਕਤਿਯਾ ਛਨ੍ਦਾ ਦੋਸਾ ਮੋਹਾ ਭਯਾ ਕਰੋਨ੍ਤਂ ਉਜ੍ਝਾਪੇਤਿ વਾ ਖਿਯ੍ਯਤਿ વਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
107. Anāpatti pakatiyā chandā dosā mohā bhayā karontaṃ ujjhāpeti vā khiyyati vā, ummattakassa, ādikammikassāti.
ਉਜ੍ਝਾਪਨਕਸਿਕ੍ਖਾਪਦਂ ਨਿਟ੍ਠਿਤਂ ਤਤਿਯਂ।
Ujjhāpanakasikkhāpadaṃ niṭṭhitaṃ tatiyaṃ.
੪. ਪਠਮਸੇਨਾਸਨਸਿਕ੍ਖਾਪਦਂ
4. Paṭhamasenāsanasikkhāpadaṃ
੧੦੮. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਹੇਮਨ੍ਤਿਕੇ ਕਾਲੇ ਅਜ੍ਝੋਕਾਸੇ ਸੇਨਾਸਨਂ ਪਞ੍ਞਪੇਤ੍વਾ ਕਾਯਂ ਓਤਾਪੇਨ੍ਤਾ ਕਾਲੇ ਆਰੋਚਿਤੇ ਤਂ ਪਕ੍ਕਮਨ੍ਤਾ ਨੇવ ਉਦ੍ਧਰਿਂਸੁ ਨ ਉਦ੍ਧਰਾਪੇਸੁਂ, ਅਨਾਪੁਚ੍ਛਾ ਪਕ੍ਕਮਿਂਸੁ। ਸੇਨਾਸਨਂ ਓવਟ੍ਠਂ ਹੋਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਂ ਹਿ ਨਾਮ ਭਿਕ੍ਖੂ ਅਜ੍ਝੋਕਾਸੇ ਸੇਨਾਸਨਂ ਪਞ੍ਞਪੇਤ੍વਾ ਤਂ ਪਕ੍ਕਮਨ੍ਤਾ ਨੇવ ਉਦ੍ਧਰਿਸ੍ਸਨ੍ਤਿ ਨ ਉਦ੍ਧਰਾਪੇਸ੍ਸਨ੍ਤਿ, ਅਨਾਪੁਚ੍ਛਾ ਪਕ੍ਕਮਿਸ੍ਸਨ੍ਤਿ, ਸੇਨਾਸਨਂ ਓવਟ੍ਠ’’ਨ੍ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੂ ਅਜ੍ਝੋਕਾਸੇ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
108. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhū hemantike kāle ajjhokāse senāsanaṃ paññapetvā kāyaṃ otāpentā kāle ārocite taṃ pakkamantā neva uddhariṃsu na uddharāpesuṃ, anāpucchā pakkamiṃsu. Senāsanaṃ ovaṭṭhaṃ hoti. Ye te bhikkhū appicchā…pe… te ujjhāyanti khiyyanti vipācenti – ‘‘kathaṃ hi nāma bhikkhū ajjhokāse senāsanaṃ paññapetvā taṃ pakkamantā neva uddharissanti na uddharāpessanti, anāpucchā pakkamissanti, senāsanaṃ ovaṭṭha’’nti! Atha kho te bhikkhū te anekapariyāyena vigarahitvā bhagavato etamatthaṃ ārocesuṃ…pe… saccaṃ kira, bhikkhave, bhikkhū ajjhokāse…pe… evañca pana, bhikkhave, imaṃ sikkhāpadaṃ uddiseyyātha –
੧੦੯. ‘‘ਯੋ ਪਨ ਭਿਕ੍ਖੁ ਸਙ੍ਘਿਕਂ ਮਞ੍ਚਂ વਾ ਪੀਠਂ વਾ ਭਿਸਿਂ વਾ ਕੋਚ੍ਛਂ વਾ ਅਜ੍ਝੋਕਾਸੇ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
109.‘‘Yo pana bhikkhu saṅghikaṃ mañcaṃ vā pīṭhaṃ vā bhisiṃ vā kocchaṃ vā ajjhokāse santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੧੧੦. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਜ੍ਝੋਕਾਸੇ વਸਿਤ੍વਾ ਕਾਲਸ੍ਸੇવ ਸੇਨਾਸਨਂ ਅਭਿਹਰਨ੍ਤਿ। ਅਦ੍ਦਸਾ ਖੋ ਭਗવਾ ਤੇ ਭਿਕ੍ਖੂ ਕਾਲਸ੍ਸੇવ ਸੇਨਾਸਨਂ ਅਭਿਹਰਨ੍ਤੇ। ਦਿਸ੍વਾਨ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਅਟ੍ਠ ਮਾਸੇ ਅવਸ੍ਸਿਕਸਙ੍ਕੇਤੇ 7 ਮਣ੍ਡਪੇ વਾ ਰੁਕ੍ਖਮੂਲੇ વਾ ਯਤ੍ਥ ਕਾਕਾ વਾ ਕੁਲਲਾ વਾ ਨ ਊਹਦਨ੍ਤਿ ਤਤ੍ਥ ਸੇਨਾਸਨਂ ਨਿਕ੍ਖਿਪਿਤੁ’’ਨ੍ਤਿ।
110. Tena kho pana samayena bhikkhū ajjhokāse vasitvā kālasseva senāsanaṃ abhiharanti. Addasā kho bhagavā te bhikkhū kālasseva senāsanaṃ abhiharante. Disvāna etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, aṭṭha māse avassikasaṅkete 8 maṇḍape vā rukkhamūle vā yattha kākā vā kulalā vā na ūhadanti tattha senāsanaṃ nikkhipitu’’nti.
੧੧੧. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
111.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਸਙ੍ਘਿਕਂ ਨਾਮ ਸਙ੍ਘਸ੍ਸ ਦਿਨ੍ਨਂ ਹੋਤਿ ਪਰਿਚ੍ਚਤ੍ਤਂ।
Saṅghikaṃ nāma saṅghassa dinnaṃ hoti pariccattaṃ.
ਮਞ੍ਚੋ ਨਾਮ ਚਤ੍ਤਾਰੋ ਮਞ੍ਚਾ – ਮਸਾਰਕੋ, ਬੁਨ੍ਦਿਕਾਬਦ੍ਧੋ, ਕੁਲ਼ੀਰਪਾਦਕੋ, ਆਹਚ੍ਚਪਾਦਕੋ।
Mañco nāma cattāro mañcā – masārako, bundikābaddho, kuḷīrapādako, āhaccapādako.
ਪੀਠਂ ਨਾਮ ਚਤ੍ਤਾਰਿ ਪੀਠਾਨਿ – ਮਸਾਰਕਂ, ਬੁਨ੍ਦਿਕਾਬਦ੍ਧਂ, ਕੁਲ਼ੀਰਪਾਦਕਂ, ਆਹਚ੍ਚਪਾਦਕਂ।
Pīṭhaṃ nāma cattāri pīṭhāni – masārakaṃ, bundikābaddhaṃ, kuḷīrapādakaṃ, āhaccapādakaṃ.
ਭਿਸਿ ਨਾਮ ਪਞ੍ਚ ਭਿਸਿਯੋ – ਉਣ੍ਣਭਿਸਿ, ਚੋਲ਼ਭਿਤਿ, વਾਕਭਿਸਿ, ਤਿਣਭਿਸਿ, ਪਣ੍ਣਭਿਸਿ।
Bhisi nāma pañca bhisiyo – uṇṇabhisi, coḷabhiti, vākabhisi, tiṇabhisi, paṇṇabhisi.
ਕੋਚ੍ਛਂ ਨਾਮ – વਾਕਮਯਂ વਾ ਉਸੀਰਮਯਂ વਾ ਮੁਞ੍ਜਮਯਂ વਾ ਪਬ੍ਬਜਮਯਂ 9 વਾ ਅਨ੍ਤੋ ਸਂવੇਠੇਤ੍વਾ ਬਦ੍ਧਂ ਹੋਤਿ।
Kocchaṃ nāma – vākamayaṃ vā usīramayaṃ vā muñjamayaṃ vā pabbajamayaṃ 10 vā anto saṃveṭhetvā baddhaṃ hoti.
ਸਨ੍ਥਰਿਤ੍વਾਤਿ ਸਯਂ ਸਨ੍ਥਰਿਤ੍વਾ।
Santharitvāti sayaṃ santharitvā.
ਸਨ੍ਥਰਾਪੇਤ੍વਾਤਿ ਅਞ੍ਞਂ ਸਨ੍ਥਰਾਪੇਤ੍વਾ। ਅਨੁਪਸਮ੍ਪਨ੍ਨਂ ਸਨ੍ਥਰਾਪੇਤਿ, ਤਸ੍ਸ ਪਲਿਬੋਧੋ। ਉਪਸਮ੍ਪਨ੍ਨਂ ਸਨ੍ਥਰਾਪੇਤਿ, ਸਨ੍ਥਾਰਕਸ੍ਸ 11 ਪਲਿਬੋਧੋ।
Santharāpetvāti aññaṃ santharāpetvā. Anupasampannaṃ santharāpeti, tassa palibodho. Upasampannaṃ santharāpeti, santhārakassa 12 palibodho.
ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯਾਤਿ ਨ ਸਯਂ ਉਦ੍ਧਰੇਯ੍ਯ।
Taṃ pakkamanto neva uddhareyyāti na sayaṃ uddhareyya.
ਨ ਉਦ੍ਧਰਾਪੇਯ੍ਯਾਤਿ ਨ ਅਞ੍ਞਂ ਉਦ੍ਧਰਾਪੇਯ੍ਯ।
Na uddharāpeyyāti na aññaṃ uddharāpeyya.
ਅਨਾਪੁਚ੍ਛਂ વਾ ਗਚ੍ਛੇਯ੍ਯਾਤਿ ਭਿਕ੍ਖੁਂ વਾ ਸਾਮਣੇਰਂ વਾ ਆਰਾਮਿਕਂ વਾ ਅਨਾਪੁਚ੍ਛਾ ਮਜ੍ਝਿਮਸ੍ਸ ਪੁਰਿਸਸ੍ਸ ਲੇਡ੍ਡੁਪਾਤਂ ਅਤਿਕ੍ਕਮਨ੍ਤਸ੍ਸ ਆਪਤ੍ਤਿ ਪਾਚਿਤ੍ਤਿਯਸ੍ਸ।
Anāpucchaṃ vā gaccheyyāti bhikkhuṃ vā sāmaṇeraṃ vā ārāmikaṃ vā anāpucchā majjhimassa purisassa leḍḍupātaṃ atikkamantassa āpatti pācittiyassa.
੧੧੨. ਸਙ੍ਘਿਕੇ ਸਙ੍ਘਿਕਸਞ੍ਞੀ ਅਜ੍ਝੋਕਾਸੇ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ વੇਮਤਿਕੋ…ਪੇ॰… ਸਙ੍ਘਿਕੇ ਪੁਗ੍ਗਲਿਕਸਞ੍ਞੀ ਅਜ੍ਝੋਕਾਸੇ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
112. Saṅghike saṅghikasaññī ajjhokāse santharitvā vā santharāpetvā vā taṃ pakkamanto neva uddhareyya na uddharāpeyya anāpucchaṃ vā gaccheyya, āpatti pācittiyassa. Saṅghike vematiko…pe… saṅghike puggalikasaññī ajjhokāse santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, āpatti pācittiyassa.
ਚਿਮਿਲਿਕਂ વਾ ਉਤ੍ਤਰਤ੍ਥਰਣਂ વਾ ਭੂਮਤ੍ਥਰਣਂ વਾ ਤਟ੍ਟਿਕਂ વਾ ਚਮ੍ਮਖਣ੍ਡਂ વਾ ਪਾਦਪੁਞ੍ਛਨਿਂ વਾ ਫਲਕਪੀਠਂ વਾ ਅਜ੍ਝੋਕਾਸੇ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ ਸਙ੍ਘਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ ਪੁਗ੍ਗਲਿਕਸਞ੍ਞੀ ਅਞ੍ਞਸ੍ਸ ਪੁਗ੍ਗਲਿਕੇ, ਆਪਤ੍ਤਿ ਦੁਕ੍ਕਟਸ੍ਸ। ਅਤ੍ਤਨੋ ਪੁਗ੍ਗਲਿਕੇ ਅਨਾਪਤ੍ਤਿ।
Cimilikaṃ vā uttarattharaṇaṃ vā bhūmattharaṇaṃ vā taṭṭikaṃ vā cammakhaṇḍaṃ vā pādapuñchaniṃ vā phalakapīṭhaṃ vā ajjhokāse santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, āpatti dukkaṭassa. Puggalike saṅghikasaññī, āpatti dukkaṭassa. Puggalike vematiko, āpatti dukkaṭassa. Puggalike puggalikasaññī aññassa puggalike, āpatti dukkaṭassa. Attano puggalike anāpatti.
੧੧੩. ਅਨਾਪਤ੍ਤਿ ਉਦ੍ਧਰਿਤ੍વਾ ਗਚ੍ਛਤਿ, ਉਦ੍ਧਰਾਪੇਤ੍વਾ ਗਚ੍ਛਤਿ, ਆਪੁਚ੍ਛਂ ਗਚ੍ਛਤਿ, ਓਤਾਪੇਨ੍ਤੋ ਗਚ੍ਛਤਿ, ਕੇਨਚਿ ਪਲਿਬੁਦ੍ਧਂ ਹੋਤਿ, ਆਪਦਾਸੁ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
113. Anāpatti uddharitvā gacchati, uddharāpetvā gacchati, āpucchaṃ gacchati, otāpento gacchati, kenaci palibuddhaṃ hoti, āpadāsu, ummattakassa, ādikammikassāti.
ਪਠਮਸੇਨਾਸਨਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ।
Paṭhamasenāsanasikkhāpadaṃ niṭṭhitaṃ catutthaṃ.
੫. ਦੁਤਿਯਸੇਨਾਸਨਸਿਕ੍ਖਾਪਦਂ
5. Dutiyasenāsanasikkhāpadaṃ
੧੧੪. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਤ੍ਤਰਸવਗ੍ਗਿਯਾ ਭਿਕ੍ਖੂ ਸਹਾਯਕਾ ਹੋਨ੍ਤਿ। ਤੇ વਸਨ੍ਤਾਪਿ ਏਕਤੋવ વਸਨ੍ਤਿ, ਪਕ੍ਕਮਨ੍ਤਾਪਿ ਏਕਤੋવ ਪਕ੍ਕਮਨ੍ਤਿ। ਤੇ ਅਞ੍ਞਤਰਸ੍ਮਿਂ ਸਙ੍ਘਿਕੇ વਿਹਾਰੇ ਸੇਯ੍ਯਂ ਸਨ੍ਥਰਿਤ੍વਾ ਤਂ ਪਕ੍ਕਮਨ੍ਤਾ ਨੇવ ਉਦ੍ਧਰਿਂਸੁ ਨ ਉਦ੍ਧਰਾਪੇਸੁਂ, ਅਨਾਪੁਚ੍ਛਾ ਪਕ੍ਕਮਿਂਸੁ। ਸੇਨਾਸਨਂ ਉਪਚਿਕਾਹਿ ਖਾਯਿਤਂ ਹੋਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਤ੍ਤਰਸવਗ੍ਗਿਯਾ ਭਿਕ੍ਖੂ ਸਙ੍ਘਿਕੇ વਿਹਾਰੇ ਸੇਯ੍ਯਂ ਸਨ੍ਥਰਿਤ੍વਾ ਤਂ ਪਕ੍ਕਮਨ੍ਤਾ ਨੇવ ਉਦ੍ਧਰਿਸ੍ਸਨ੍ਤਿ ਨ ਉਦ੍ਧਰਾਪੇਸ੍ਸਨ੍ਤਿ, ਅਨਾਪੁਚ੍ਛਾ ਪਕ੍ਕਮਿਸ੍ਸਨ੍ਤਿ, ਸੇਨਾਸਨਂ ਉਪਚਿਕਾਹਿ ਖਾਯਿਤ’’ਨ੍ਤਿ! ਅਥ ਖੋ ਤੇ ਭਿਕ੍ਖੂ ਸਤ੍ਤਰਸવਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ, ਸਤ੍ਤਰਸવਗ੍ਗਿਯਾ ਭਿਕ੍ਖੂ ਸਙ੍ਘਿਕੇ વਿਹਾਰੇ ਸੇਯ੍ਯਂ ਸਨ੍ਥਰਿਤ੍વਾ ਤਂ ਪਕ੍ਕਮਨ੍ਤਾ ਨੇવ ਉਦ੍ਧਰਿਂਸੁ ਨ ਉਦ੍ਧਰਾਪੇਸੁਂ, ਅਨਾਪੁਚ੍ਛਾ ਪਕ੍ਕਮਿਂਸੁ, ਸੇਨਾਸਨਂ ਉਪਚਿਕਾਹਿ ਖਾਯਿਤ’’ਨ੍ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਸਙ੍ਘਿਕੇ વਿਹਾਰੇ ਸੇਯ੍ਯਂ ਸਨ੍ਥਰਿਤ੍વਾ ਤਂ ਪਕ੍ਕਮਨ੍ਤਾ ਨੇવ ਉਦ੍ਧਰਿਸ੍ਸਨ੍ਤਿ ਨ ਉਦ੍ਧਰਾਪੇਸ੍ਸਨ੍ਤਿ, ਅਨਾਪੁਚ੍ਛਾ ਪਕ੍ਕਮਿਸ੍ਸਨ੍ਤਿ, ਸੇਨਾਸਨਂ ਉਪਚਿਕਾਹਿ ਖਾਯਿਤਂ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ , ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
114. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sattarasavaggiyā bhikkhū sahāyakā honti. Te vasantāpi ekatova vasanti, pakkamantāpi ekatova pakkamanti. Te aññatarasmiṃ saṅghike vihāre seyyaṃ santharitvā taṃ pakkamantā neva uddhariṃsu na uddharāpesuṃ, anāpucchā pakkamiṃsu. Senāsanaṃ upacikāhi khāyitaṃ hoti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma sattarasavaggiyā bhikkhū saṅghike vihāre seyyaṃ santharitvā taṃ pakkamantā neva uddharissanti na uddharāpessanti, anāpucchā pakkamissanti, senāsanaṃ upacikāhi khāyita’’nti! Atha kho te bhikkhū sattarasavaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira, bhikkhave, sattarasavaggiyā bhikkhū saṅghike vihāre seyyaṃ santharitvā taṃ pakkamantā neva uddhariṃsu na uddharāpesuṃ, anāpucchā pakkamiṃsu, senāsanaṃ upacikāhi khāyita’’nti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā saṅghike vihāre seyyaṃ santharitvā taṃ pakkamantā neva uddharissanti na uddharāpessanti, anāpucchā pakkamissanti, senāsanaṃ upacikāhi khāyitaṃ! Netaṃ, bhikkhave, appasannānaṃ vā pasādāya…pe… evañca pana , bhikkhave, imaṃ sikkhāpadaṃ uddiseyyātha –
੧੧੫. ‘‘ਯੋ ਪਨ ਭਿਕ੍ਖੁ ਸਙ੍ਘਿਕੇ વਿਹਾਰੇ ਸੇਯ੍ਯਂ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
115.‘‘Yo pana bhikkhu saṅghike vihāre seyyaṃ santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, pācittiya’’nti.
੧੧੬. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
116.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਸਙ੍ਘਿਕੋ ਨਾਮ વਿਹਾਰੋ ਸਙ੍ਘਸ੍ਸ ਦਿਨ੍ਨੋ ਹੋਤਿ ਪਰਿਚ੍ਚਤ੍ਤੋ।
Saṅghiko nāma vihāro saṅghassa dinno hoti pariccatto.
ਸੇਯ੍ਯਂ ਨਾਮ ਭਿਸਿ, ਚਿਮਿਲਿਕਾ ਉਤ੍ਤਰਤ੍ਥਰਣਂ, ਭੂਮਤ੍ਥਰਣਂ, ਤਟ੍ਟਿਕਾ, ਚਮ੍ਮਖਣ੍ਡੋ, ਨਿਸੀਦਨਂ, ਪਚ੍ਚਤ੍ਥਰਣਂ, ਤਿਣਸਨ੍ਥਾਰੋ, ਪਣ੍ਣਸਨ੍ਥਾਰੋ।
Seyyaṃ nāma bhisi, cimilikā uttarattharaṇaṃ, bhūmattharaṇaṃ, taṭṭikā, cammakhaṇḍo, nisīdanaṃ, paccattharaṇaṃ, tiṇasanthāro, paṇṇasanthāro.
ਸਨ੍ਥਰਿਤ੍વਾਤਿ ਸਯਂ ਸਨ੍ਥਰਿਤ੍વਾ।
Santharitvāti sayaṃ santharitvā.
ਸਨ੍ਥਰਾਪੇਤ੍વਾਤਿ ਅਞ੍ਞਂ ਸਨ੍ਥਰਾਪੇਤ੍વਾ।
Santharāpetvāti aññaṃ santharāpetvā.
ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯਾਤਿ ਨ ਸਯਂ ਉਦ੍ਧਰੇਯ੍ਯ।
Taṃ pakkamanto neva uddhareyyāti na sayaṃ uddhareyya.
ਨ ਉਦ੍ਧਰਾਪੇਯ੍ਯਾਤਿ ਨ ਅਞ੍ਞਂ ਉਦ੍ਧਰਾਪੇਯ੍ਯ।
Na uddharāpeyyāti na aññaṃ uddharāpeyya.
ਅਨਾਪੁਚ੍ਛਂ વਾ ਗਚ੍ਛੇਯ੍ਯਾਤਿ ਭਿਕ੍ਖੁਂ વਾ ਸਾਮਣੇਰਂ વਾ ਆਰਾਮਿਕਂ વਾ ਅਨਾਪੁਚ੍ਛਾ ਪਰਿਕ੍ਖਿਤ੍ਤਸ੍ਸ ਆਰਾਮਸ੍ਸ ਪਰਿਕ੍ਖੇਪਂ ਅਤਿਕ੍ਕਮਨ੍ਤਸ੍ਸ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਪਰਿਕ੍ਖਿਤ੍ਤਸ੍ਸ ਆਰਾਮਸ੍ਸ ਉਪਚਾਰਂ ਅਤਿਕ੍ਕਮਨ੍ਤਸ੍ਸ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ ਸਙ੍ਘਿਕਸਞ੍ਞੀ ਸੇਯ੍ਯਂ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ વੇਮਤਿਕੋ ਸੇਯ੍ਯਂ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ ਪੁਗ੍ਗਲਿਕਸਞ੍ਞੀ ਸੇਯ੍ਯਂ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Anāpucchaṃ vā gaccheyyāti bhikkhuṃ vā sāmaṇeraṃ vā ārāmikaṃ vā anāpucchā parikkhittassa ārāmassa parikkhepaṃ atikkamantassa āpatti pācittiyassa. Aparikkhittassa ārāmassa upacāraṃ atikkamantassa āpatti pācittiyassa. Saṅghike saṅghikasaññī seyyaṃ santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, āpatti pācittiyassa. Saṅghike vematiko seyyaṃ santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, āpatti pācittiyassa. Saṅghike puggalikasaññī seyyaṃ santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, āpatti pācittiyassa.
੧੧੭. વਿਹਾਰਸ੍ਸ ਉਪਚਾਰੇ વਾ ਉਪਟ੍ਠਾਨਸਾਲਾਯਂ વਾ ਮਣ੍ਡਪੇ વਾ ਰੁਕ੍ਖਮੂਲੇ વਾ ਸੇਯ੍ਯਂ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਮਞ੍ਚਂ વਾ ਪੀਠਂ વਾ વਿਹਾਰੇ વਾ વਿਹਾਰਸ੍ਸੂਪਚਾਰੇ વਾ ਉਪਟ੍ਠਾਨਸਾਲਾਯਂ વਾ ਮਣ੍ਡਪੇ વਾ ਰੁਕ੍ਖਮੂਲੇ વਾ ਸਨ੍ਥਰਿਤ੍વਾ વਾ ਸਨ੍ਥਰਾਪੇਤ੍વਾ વਾ ਤਂ ਪਕ੍ਕਮਨ੍ਤੋ ਨੇવ ਉਦ੍ਧਰੇਯ੍ਯ ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ વਾ ਗਚ੍ਛੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ।
117. Vihārassa upacāre vā upaṭṭhānasālāyaṃ vā maṇḍape vā rukkhamūle vā seyyaṃ santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, āpatti dukkaṭassa. Mañcaṃ vā pīṭhaṃ vā vihāre vā vihārassūpacāre vā upaṭṭhānasālāyaṃ vā maṇḍape vā rukkhamūle vā santharitvā vā santharāpetvā vā taṃ pakkamanto neva uddhareyya na uddharāpeyya, anāpucchaṃ vā gaccheyya, āpatti dukkaṭassa.
ਪੁਗ੍ਗਲਿਕੇ ਸਙ੍ਘਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ ਪੁਗ੍ਗਲਿਕਸਞ੍ਞੀ ਅਞ੍ਞਸ੍ਸ ਪੁਗ੍ਗਲਿਕੇ ਆਪਤ੍ਤਿ ਦੁਕ੍ਕਟਸ੍ਸ। ਅਤ੍ਤਨੋ ਪੁਗ੍ਗਲਿਕੇ ਅਨਾਪਤ੍ਤਿ।
Puggalike saṅghikasaññī, āpatti dukkaṭassa. Puggalike vematiko, āpatti dukkaṭassa. Puggalike puggalikasaññī aññassa puggalike āpatti dukkaṭassa. Attano puggalike anāpatti.
੧੧੮. ਅਨਾਪਤ੍ਤਿ ਉਦ੍ਧਰਿਤ੍વਾ ਗਚ੍ਛਤਿ, ਉਦ੍ਧਰਾਪੇਤ੍વਾ ਗਚ੍ਛਤਿ, ਆਪੁਚ੍ਛਂ ਗਚ੍ਛਤਿ, ਕੇਨਚਿ ਪਲਿਬੁਦ੍ਧਂ ਹੋਤਿ, ਸਾਪੇਕ੍ਖੋ ਗਨ੍ਤ੍વਾ ਤਤ੍ਥ ਠਿਤੋ ਆਪੁਚ੍ਛਤਿ, ਕੇਨਚਿ ਪਲਿਬੁਦ੍ਧੋ ਹੋਤਿ, ਆਪਦਾਸੁ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
118. Anāpatti uddharitvā gacchati, uddharāpetvā gacchati, āpucchaṃ gacchati, kenaci palibuddhaṃ hoti, sāpekkho gantvā tattha ṭhito āpucchati, kenaci palibuddho hoti, āpadāsu, ummattakassa, ādikammikassāti.
ਦੁਤਿਯਸੇਨਾਸਨਸਿਕ੍ਖਾਪਦਂ ਨਿਟ੍ਠਿਤਂ ਪਞ੍ਚਮਂ।
Dutiyasenāsanasikkhāpadaṃ niṭṭhitaṃ pañcamaṃ.
੬. ਅਨੁਪਖਜ੍ਜਸਿਕ੍ਖਾਪਦਂ
6. Anupakhajjasikkhāpadaṃ
੧੧੯. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ વਰਸੇਯ੍ਯਾਯੋ ਪਲਿਬੁਨ੍ਧੇਨ੍ਤਿ, ਥੇਰਾ ਭਿਕ੍ਖੂ વੁਟ੍ਠਾਪੇਨ੍ਤਿ 13। ਅਥ ਖੋ ਛਬ੍ਬਗ੍ਗਿਯਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਕੇਨ ਨੁ ਖੋ ਮਯਂ ਉਪਾਯੇਨ ਇਧੇવ વਸ੍ਸਂ વਸੇਯ੍ਯਾਮਾ’’ਤਿ? ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਥੇਰੇ ਭਿਕ੍ਖੂ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਨ੍ਤਿ – ਯਸ੍ਸ ਸਮ੍ਬਾਧੋ ਭવਿਸ੍ਸਤਿ ਸੋ ਪਕ੍ਕਮਿਸ੍ਸਤੀਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਥੇਰੇ ਭਿਕ੍ਖੂ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ …ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਥੇਰੇ ਭਿਕ੍ਖੂ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਥਾ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਥੇਰੇ ਭਿਕ੍ਖੂ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
119. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū varaseyyāyo palibundhenti, therā bhikkhū vuṭṭhāpenti 14. Atha kho chabbaggiyānaṃ bhikkhūnaṃ etadahosi – ‘‘kena nu kho mayaṃ upāyena idheva vassaṃ vaseyyāmā’’ti? Atha kho chabbaggiyā bhikkhū there bhikkhū anupakhajja seyyaṃ kappenti – yassa sambādho bhavissati so pakkamissatīti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū there bhikkhū anupakhajja seyyaṃ kappessantī’’ti! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ …pe… ‘‘saccaṃ kira tumhe, bhikkhave, there bhikkhū anupakhajja seyyaṃ kappethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, there bhikkhū anupakhajja seyyaṃ kappessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੧੨੦. ‘‘ਯੋ ਪਨ ਭਿਕ੍ਖੁ ਸਙ੍ਘਿਕੇ વਿਹਾਰੇ ਜਾਨਂ ਪੁਬ੍ਬੁਪਗਤਂ ਭਿਕ੍ਖੁਂ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਯ੍ਯ – ਯਸ੍ਸ ਸਮ੍ਬਾਧੋ ਭવਿਸ੍ਸਤਿ ਸੋ ਪਕ੍ਕਮਿਸ੍ਸਤੀ’ਤਿ, ਏਤਦੇવ ਪਚ੍ਚਯਂ ਕਰਿਤ੍વਾ ਅਨਞ੍ਞਂ, ਪਾਚਿਤ੍ਤਿਯ’’ਨ੍ਤਿ।
120.‘‘Yo pana bhikkhu saṅghike vihāre jānaṃ pubbupagataṃ bhikkhuṃ anupakhajja seyyaṃ kappeyya – yassa sambādho bhavissati so pakkamissatī’ti, etadeva paccayaṃ karitvā anaññaṃ, pācittiya’’nti.
੧੨੧. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ੨.੦੨੫੧ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
121.Yo panāti yo yādiso…pe… bhikkhūti…pe… ayaṃ imasmiṃ 2.0251 atthe adhippeto bhikkhūti.
ਸਙ੍ਘਿਕੋ ਨਾਮ વਿਹਾਰੋ ਸਙ੍ਘਸ੍ਸ ਦਿਨ੍ਨੋ ਹੋਤਿ ਪਰਿਚ੍ਚਤ੍ਤੋ।
Saṅghiko nāma vihāro saṅghassa dinno hoti pariccatto.
ਜਾਨਾਤਿ ਨਾਮ વੁਡ੍ਢੋਤਿ ਜਾਨਾਤਿ, ਗਿਲਾਨੋਤਿ ਜਾਨਾਤਿ, ਸਙ੍ਘੇਨ ਦਿਨ੍ਨੋਤਿ ਜਾਨਾਤਿ।
Jānāti nāma vuḍḍhoti jānāti, gilānoti jānāti, saṅghena dinnoti jānāti.
ਅਨੁਪਖਜ੍ਜਾਤਿ ਅਨੁਪવਿਸਿਤ੍વਾ।
Anupakhajjāti anupavisitvā.
ਸੇਯ੍ਯਂ ਕਪ੍ਪੇਯ੍ਯਾਤਿ ਮਞ੍ਚਸ੍ਸ વਾ ਪੀਠਸ੍ਸ વਾ ਪવਿਸਨ੍ਤਸ੍ਸ વਾ ਨਿਕ੍ਖਮਨ੍ਤਸ੍ਸ વਾ ਉਪਚਾਰੇ ਸੇਯ੍ਯਂ ਸਨ੍ਥਰਤਿ વਾ ਸਨ੍ਥਰਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਅਭਿਨਿਸੀਦਤਿ વਾ ਅਭਿਨਿਪਜ੍ਜਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Seyyaṃ kappeyyāti mañcassa vā pīṭhassa vā pavisantassa vā nikkhamantassa vā upacāre seyyaṃ santharati vā santharāpeti vā, āpatti dukkaṭassa. Abhinisīdati vā abhinipajjati vā, āpatti pācittiyassa.
ਏਤਦੇવ ਪਚ੍ਚਯਂ ਕਰਿਤ੍વਾ ਅਨਞ੍ਞਨ੍ਤਿ ਨ ਅਞ੍ਞੋ ਕੋਚਿ ਪਚ੍ਚਯੋ ਹੋਤਿ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਤੁਂ।
Etadeva paccayaṃ karitvā anaññanti na añño koci paccayo hoti anupakhajja seyyaṃ kappetuṃ.
੧੨੨. ਸਙ੍ਘਿਕੇ ਸਙ੍ਘਿਕਸਞ੍ਞੀ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ વੇਮਤਿਕੋ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ ਪੁਗ੍ਗਲਿਕਸਞ੍ਞੀ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
122. Saṅghike saṅghikasaññī anupakhajja seyyaṃ kappeti, āpatti pācittiyassa. Saṅghike vematiko anupakhajja seyyaṃ kappeti, āpatti pācittiyassa. Saṅghike puggalikasaññī anupakhajja seyyaṃ kappeti, āpatti pācittiyassa.
ਮਞ੍ਚਸ੍ਸ વਾ ਪੀਠਸ੍ਸ વਾ ਪવਿਸਨ੍ਤਸ੍ਸ વਾ ਨਿਕ੍ਖਮਨ੍ਤਸ੍ਸ વਾ ਉਪਚਾਰਂ ਠਪੇਤ੍વਾ ਸੇਯ੍ਯਂ ਸਨ੍ਥਰਤਿ વਾ ਸਨ੍ਥਰਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਅਭਿਨਿਸੀਦਤਿ વਾ ਅਭਿਨਿਪਜ੍ਜਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। વਿਹਾਰਸ੍ਸ ਉਪਚਾਰੇ વਾ ਉਪਟ੍ਠਾਨਸਾਲਾਯਂ વਾ ਮਣ੍ਡਪੇ વਾ ਰੁਕ੍ਖਮੂਲੇ વਾ ਅਜ੍ਝੋਕਾਸੇ વਾ ਸੇਯ੍ਯਂ ਸਨ੍ਥਰਤਿ વਾ ਸਨ੍ਥਰਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਅਭਿਨਿਸੀਦਤਿ વਾ ਅਭਿਨਿਪ੍ਪਜ੍ਜਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ ਸਙ੍ਘਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ ਪੁਗ੍ਗਲਿਕਸਞ੍ਞੀ ਅਞ੍ਞਸ੍ਸ ਪੁਗ੍ਗਲਿਕੇ ਆਪਤ੍ਤਿ ਦੁਕ੍ਕਟਸ੍ਸ । ਅਤ੍ਤਨੋ ਪੁਗ੍ਗਲਿਕੇ ਅਨਾਪਤ੍ਤਿ।
Mañcassa vā pīṭhassa vā pavisantassa vā nikkhamantassa vā upacāraṃ ṭhapetvā seyyaṃ santharati vā santharāpeti vā, āpatti dukkaṭassa. Abhinisīdati vā abhinipajjati vā, āpatti dukkaṭassa. Vihārassa upacāre vā upaṭṭhānasālāyaṃ vā maṇḍape vā rukkhamūle vā ajjhokāse vā seyyaṃ santharati vā santharāpeti vā, āpatti dukkaṭassa. Abhinisīdati vā abhinippajjati vā, āpatti dukkaṭassa. Puggalike saṅghikasaññī, āpatti dukkaṭassa. Puggalike vematiko, āpatti dukkaṭassa. Puggalike puggalikasaññī aññassa puggalike āpatti dukkaṭassa . Attano puggalike anāpatti.
੧੨੩. ਅਨਾਪਤ੍ਤਿ ਗਿਲਾਨੋ ਪવਿਸਤਿ, ਸੀਤੇਨ વਾ ਉਣ੍ਹੇਨ વਾ ਪੀਲ਼ਿਤੋ ਪવਿਸਤਿ, ਆਪਦਾਸੁ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
123. Anāpatti gilāno pavisati, sītena vā uṇhena vā pīḷito pavisati, āpadāsu, ummattakassa, ādikammikassāti.
ਅਨੁਪਖਜ੍ਜਸਿਕ੍ਖਾਪਦਂ ਨਿਟ੍ਠਿਤਂ ਛਟ੍ਠਂ।
Anupakhajjasikkhāpadaṃ niṭṭhitaṃ chaṭṭhaṃ.
੭. ਨਿਕ੍ਕਡ੍ਢਨਸਿਕ੍ਖਾਪਦਂ
7. Nikkaḍḍhanasikkhāpadaṃ
੧੨੪. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਤ੍ਤਰਸવਗ੍ਗਿਯਾ ਭਿਕ੍ਖੂ ਅਞ੍ਞਤਰਂ ਪਚ੍ਚਨ੍ਤਿਮਂ ਮਹਾવਿਹਾਰਂ ਪਟਿਸਙ੍ਖਰੋਨ੍ਤਿ – ‘‘ਇਧ ਮਯਂ વਸ੍ਸਂ વਸਿਸ੍ਸਾਮਾ’’ਤਿ । ਅਦ੍ਦਸਂਸੁ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯੇ ਭਿਕ੍ਖੂ વਿਹਾਰਂ ਪਟਿਸਙ੍ਖਰੋਨ੍ਤੇ। ਦਿਸ੍વਾਨ ਏવਮਾਹਂਸੁ – ‘‘ਇਮੇ, ਆવੁਸੋ, ਸਤ੍ਤਰਸવਗ੍ਗਿਯਾ ਭਿਕ੍ਖੂ વਿਹਾਰਂ ਪਟਿਸਙ੍ਖਰੋਨ੍ਤਿ। ਹਨ੍ਦ ਨੇ વੁਟ੍ਠਾਪੇਸ੍ਸਾਮਾ’’ਤਿ! ਏਕਚ੍ਚੇ ਏવਮਾਹਂਸੁ – ‘‘ਆਗਮੇਥਾવੁਸੋ, ਯਾવ ਪਟਿਸਙ੍ਖਰੋਨ੍ਤਿ; ਪਟਿਸਙ੍ਖਤੇ વੁਟ੍ਠਾਪੇਸ੍ਸਾਮਾ’’ਤਿ।
124. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sattarasavaggiyā bhikkhū aññataraṃ paccantimaṃ mahāvihāraṃ paṭisaṅkharonti – ‘‘idha mayaṃ vassaṃ vasissāmā’’ti . Addasaṃsu kho chabbaggiyā bhikkhū sattarasavaggiye bhikkhū vihāraṃ paṭisaṅkharonte. Disvāna evamāhaṃsu – ‘‘ime, āvuso, sattarasavaggiyā bhikkhū vihāraṃ paṭisaṅkharonti. Handa ne vuṭṭhāpessāmā’’ti! Ekacce evamāhaṃsu – ‘‘āgamethāvuso, yāva paṭisaṅkharonti; paṭisaṅkhate vuṭṭhāpessāmā’’ti.
ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸવਗ੍ਗਿਯੇ ਭਿਕ੍ਖੂ ਏਤਦવੋਚੁਂ – ‘‘ਉਟ੍ਠੇਥਾવੁਸੋ, ਅਮ੍ਹਾਕਂ વਿਹਾਰੋ ਪਾਪੁਣਾਤੀ’’ਤਿ। ‘‘ਨਨੁ, ਆવੁਸੋ, ਪਟਿਕਚ੍ਚੇવ 15 ਆਚਿਕ੍ਖਿਤਬ੍ਬਂ, ਮਯਞ੍ਚਞ੍ਞਂ ਪਟਿਸਙ੍ਖਰੇਯ੍ਯਾਮਾ’’ਤਿ। ‘‘ਨਨੁ, ਆવੁਸੋ, ਸਙ੍ਘਿਕੋ વਿਹਾਰੋ’’ਤਿ? ‘‘ਆਮਾવੁਸੋ, ਸਙ੍ਘਿਕੋ વਿਹਾਰੋ’’ਤਿ। ‘‘ਉਟ੍ਠੇਥਾવੁਸੋ, ਅਮ੍ਹਾਕਂ વਿਹਾਰੋ ਪਾਪੁਣਾਤੀ’’ਤਿ। ‘‘ਮਹਲ੍ਲਕੋ, ਆવੁਸੋ, વਿਹਾਰੋ। ਤੁਮ੍ਹੇਪਿ વਸਥ, ਮਯਮ੍ਪਿ વਸਿਸ੍ਸਾਮਾ’’ਤਿ। ‘‘ਉਟ੍ਠੇਥਾવੁਸੋ, ਅਮ੍ਹਾਕਂ વਿਹਾਰੋ ਪਾਪੁਣਾਤੀ’’ਤਿ ਕੁਪਿਤਾ ਅਨਤ੍ਤਮਨਾ ਗੀવਾਯਂ ਗਹੇਤ੍વਾ ਨਿਕ੍ਕਡ੍ਢਨ੍ਤਿ। ਤੇ ਨਿਕ੍ਕਡ੍ਢੀਯਮਾਨਾ ਰੋਦਨ੍ਤਿ। ਭਿਕ੍ਖੂ ਏવਮਾਹਂਸੁ – ‘‘ਕਿਸ੍ਸ ਤੁਮ੍ਹੇ, ਆવੁਸੋ, ਰੋਦਥਾ’’ਤਿ? ‘‘ਇਮੇ, ਆવੁਸੋ, ਛਬ੍ਬਗ੍ਗਿਯਾ ਭਿਕ੍ਖੂ ਕੁਪਿਤਾ ਅਨਤ੍ਤਮਨਾ ਅਮ੍ਹੇ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਨ੍ਤੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਕੁਪਿਤਾ ਅਨਤ੍ਤਮਨਾ ਭਿਕ੍ਖੂ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਿਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਕੁਪਿਤਾ ਅਨਤ੍ਤਮਨਾ ਭਿਕ੍ਖੂ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਥਾ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਕੁਪਿਤਾ ਅਨਤ੍ਤਮਨਾ ਭਿਕ੍ਖੂ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਿਸ੍ਸਥ? ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho chabbaggiyā bhikkhū sattarasavaggiye bhikkhū etadavocuṃ – ‘‘uṭṭhethāvuso, amhākaṃ vihāro pāpuṇātī’’ti. ‘‘Nanu, āvuso, paṭikacceva 16 ācikkhitabbaṃ, mayañcaññaṃ paṭisaṅkhareyyāmā’’ti. ‘‘Nanu, āvuso, saṅghiko vihāro’’ti? ‘‘Āmāvuso, saṅghiko vihāro’’ti. ‘‘Uṭṭhethāvuso, amhākaṃ vihāro pāpuṇātī’’ti. ‘‘Mahallako, āvuso, vihāro. Tumhepi vasatha, mayampi vasissāmā’’ti. ‘‘Uṭṭhethāvuso, amhākaṃ vihāro pāpuṇātī’’ti kupitā anattamanā gīvāyaṃ gahetvā nikkaḍḍhanti. Te nikkaḍḍhīyamānā rodanti. Bhikkhū evamāhaṃsu – ‘‘kissa tumhe, āvuso, rodathā’’ti? ‘‘Ime, āvuso, chabbaggiyā bhikkhū kupitā anattamanā amhe saṅghikā vihārā nikkaḍḍhantī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū kupitā anattamanā bhikkhū saṅghikā vihārā nikkaḍḍhissantī’’ti! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, kupitā anattamanā bhikkhū saṅghikā vihārā nikkaḍḍhathā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, kupitā anattamanā bhikkhū saṅghikā vihārā nikkaḍḍhissatha? Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੧੨੫. ‘‘ਯੋ ਪਨ ਭਿਕ੍ਖੁ ਭਿਕ੍ਖੁਂ ਕੁਪਿਤੋ ਅਨਤ੍ਤਮਨੋ ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢੇਯ੍ਯ વਾ ਨਿਕ੍ਕਡ੍ਢਾਪੇਯ੍ਯ વਾ, ਪਾਚਿਤ੍ਤਿਯ’’ਨ੍ਤਿ।
125.‘‘Yo pana bhikkhu bhikkhuṃ kupito anattamano saṅghikā vihārā nikkaḍḍheyya vā nikkaḍḍhāpeyya vā, pācittiya’’nti.
੧੨੬. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
126.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਭਿਕ੍ਖੁਨ੍ਤਿ ਅਞ੍ਞਂ ਭਿਕ੍ਖੁਂ।
Bhikkhunti aññaṃ bhikkhuṃ.
ਕੁਪਿਤੋ ਅਨਤ੍ਤਮਨੋਤਿ ਅਨਭਿਰਦ੍ਧੋ ਆਹਤਚਿਤ੍ਤੋ ਖਿਲਜਾਤੋ।
Kupito anattamanoti anabhiraddho āhatacitto khilajāto.
ਸਙ੍ਘਿਕੋ ਨਾਮ વਿਹਾਰੋ ਸਙ੍ਘਸ੍ਸ ਦਿਨ੍ਨੋ ਹੋਤਿ ਪਰਿਚ੍ਚਤ੍ਤੋ।
Saṅghiko nāma vihāro saṅghassa dinno hoti pariccatto.
ਨਿਕ੍ਕਡ੍ਢੇਯ੍ਯਾਤਿ ਗਬ੍ਭੇ ਗਹੇਤ੍વਾ ਪਮੁਖਂ ਨਿਕ੍ਕਡ੍ਢਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਪਮੁਖੇ ਗਹੇਤ੍વਾ ਬਹਿ ਨਿਕ੍ਕਡ੍ਢਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਏਕੇਨ ਪਯੋਗੇਨ ਬਹੁਕੇਪਿ ਦ੍વਾਰੇ ਅਤਿਕ੍ਕਾਮੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Nikkaḍḍheyyāti gabbhe gahetvā pamukhaṃ nikkaḍḍhati, āpatti pācittiyassa. Pamukhe gahetvā bahi nikkaḍḍhati, āpatti pācittiyassa. Ekena payogena bahukepi dvāre atikkāmeti, āpatti pācittiyassa.
ਨਿਕ੍ਕਡ੍ਢਾਪੇਯ੍ਯਾਤਿ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ 17। ਸਕਿਂ ਆਣਤ੍ਤੋ ਬਹੁਕੇਪਿ ਦ੍વਾਰੇ ਅਤਿਕ੍ਕਾਮੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Nikkaḍḍhāpeyyāti aññaṃ āṇāpeti, āpatti pācittiyassa 18. Sakiṃ āṇatto bahukepi dvāre atikkāmeti, āpatti pācittiyassa.
੧੨੭. ਸਙ੍ਘਿਕੇ ਸਙ੍ਘਿਕਸਞ੍ਞੀ ਕੁਪਿਤੋ ਅਨਤ੍ਤਮਨੋ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ વੇਮਤਿਕੋ ਕੁਪਿਤੋ ਅਨਤ੍ਤਮਨੋ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ ਪੁਗ੍ਗਲਿਕਸਞ੍ਞੀ ਕੁਪਿਤੋ ਅਨਤ੍ਤਮਨੋ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
127. Saṅghike saṅghikasaññī kupito anattamano nikkaḍḍhati vā nikkaḍḍhāpeti vā, āpatti pācittiyassa. Saṅghike vematiko kupito anattamano nikkaḍḍhati vā nikkaḍḍhāpeti vā, āpatti pācittiyassa. Saṅghike puggalikasaññī kupito anattamano nikkaḍḍhati vā nikkaḍḍhāpeti vā, āpatti pācittiyassa.
ਤਸ੍ਸ ਪਰਿਕ੍ਖਾਰਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। વਿਹਾਰਸ੍ਸ ਉਪਚਾਰਾ વਾ ਉਪਟ੍ਠਾਨਸਾਲਾਯ વਾ ਮਣ੍ਡਪਾ વਾ ਰੁਕ੍ਖਮੂਲਾ વਾ ਅਜ੍ਝੋਕਾਸਾ વਾ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਤਸ੍ਸ ਪਰਿਕ੍ਖਾਰਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨਂ વਿਹਾਰਾ વਾ વਿਹਾਰਸ੍ਸ ਉਪਚਾਰਾ વਾ ਉਪਟ੍ਠਾਨਸਾਲਾਯ વਾ ਮਣ੍ਡਪਾ વਾ ਰੁਕ੍ਖਮੂਲਾ વਾ ਅਜ੍ਝੋਕਾਸਾ વਾ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਤਸ੍ਸ ਪਰਿਕ੍ਖਾਰਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ।
Tassa parikkhāraṃ nikkaḍḍhati vā nikkaḍḍhāpeti vā, āpatti dukkaṭassa. Vihārassa upacārā vā upaṭṭhānasālāya vā maṇḍapā vā rukkhamūlā vā ajjhokāsā vā nikkaḍḍhati vā nikkaḍḍhāpeti vā, āpatti dukkaṭassa. Tassa parikkhāraṃ nikkaḍḍhati vā nikkaḍḍhāpeti vā, āpatti dukkaṭassa. Anupasampannaṃ vihārā vā vihārassa upacārā vā upaṭṭhānasālāya vā maṇḍapā vā rukkhamūlā vā ajjhokāsā vā nikkaḍḍhati vā nikkaḍḍhāpeti vā, āpatti dukkaṭassa. Tassa parikkhāraṃ nikkaḍḍhati vā nikkaḍḍhāpeti vā, āpatti dukkaṭassa.
ਪੁਗ੍ਗਲਿਕੇ ਸਙ੍ਘਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ ਪੁਗ੍ਗਲਿਕਸਞ੍ਞੀ ਅਞ੍ਞਸ੍ਸ ਪੁਗ੍ਗਲਿਕੇ ਆਪਤ੍ਤਿ ਦੁਕ੍ਕਟਸ੍ਸ। ਅਤ੍ਤਨੋ ਪੁਗ੍ਗਲਿਕੇ ਅਨਾਪਤ੍ਤਿ।
Puggalike saṅghikasaññī, āpatti dukkaṭassa. Puggalike vematiko, āpatti dukkaṭassa. Puggalike puggalikasaññī aññassa puggalike āpatti dukkaṭassa. Attano puggalike anāpatti.
੧੨੮. ਅਨਾਪਤ੍ਤਿ ਅਲਜ੍ਜਿਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਤਸ੍ਸ ਪਰਿਕ੍ਖਾਰਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਉਮ੍ਮਤ੍ਤਕਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਤਸ੍ਸ ਪਰਿਕ੍ਖਾਰਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਭਣ੍ਡਨਕਾਰਕਂ ਕਲਹਕਾਰਕਂ વਿવਾਦਕਾਰਕਂ ਭਸ੍ਸਕਾਰਕਂ ਸਙ੍ਘੇ ਅਧਿਕਰਣਕਾਰਕਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਤਸ੍ਸ ਪਰਿਕ੍ਖਾਰਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਅਨ੍ਤੇવਾਸਿਕਂ વਾ ਸਦ੍ਧਿવਿਹਾਰਿਕਂ વਾ ਨ ਸਮ੍ਮਾ વਤ੍ਤਨ੍ਤਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਤਸ੍ਸ ਪਰਿਕ੍ਖਾਰਂ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
128. Anāpatti alajjiṃ nikkaḍḍhati vā nikkaḍḍhāpeti vā, tassa parikkhāraṃ nikkaḍḍhati vā nikkaḍḍhāpeti vā, ummattakaṃ nikkaḍḍhati vā nikkaḍḍhāpeti vā, tassa parikkhāraṃ nikkaḍḍhati vā nikkaḍḍhāpeti vā, bhaṇḍanakārakaṃ kalahakārakaṃ vivādakārakaṃ bhassakārakaṃ saṅghe adhikaraṇakārakaṃ nikkaḍḍhati vā nikkaḍḍhāpeti vā, tassa parikkhāraṃ nikkaḍḍhati vā nikkaḍḍhāpeti vā, antevāsikaṃ vā saddhivihārikaṃ vā na sammā vattantaṃ nikkaḍḍhati vā nikkaḍḍhāpeti vā, tassa parikkhāraṃ nikkaḍḍhati vā nikkaḍḍhāpeti vā, ummattakassa, ādikammikassāti.
ਨਿਕ੍ਕਡ੍ਢਨਸਿਕ੍ਖਾਪਦਂ ਨਿਟ੍ਠਿਤਂ ਸਤ੍ਤਮਂ।
Nikkaḍḍhanasikkhāpadaṃ niṭṭhitaṃ sattamaṃ.
੮. વੇਹਾਸਕੁਟਿਸਿਕ੍ਖਾਪਦਂ
8. Vehāsakuṭisikkhāpadaṃ
੧੨੯. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਦ੍વੇ ਭਿਕ੍ਖੂ ਸਙ੍ਘਿਕੇ વਿਹਾਰੇ ਉਪਰਿવੇਹਾਸਕੁਟਿਯਾ વਿਹਰਨ੍ਤਿ?। ਏਕੋ ਹੇਟ੍ਠਾ વਿਹਰਤਿ 19, ਏਕੋ ਉਪਰਿ। ਉਪਰਿਮੋ ਭਿਕ੍ਖੁ ਆਹਚ੍ਚਪਾਦਕਂ ਮਞ੍ਚਂ ਸਹਸਾ ਅਭਿਨਿਸੀਦਿ। ਮਞ੍ਚਪਾਦੋ ਨਿਪ੍ਪਤਿਤ੍વਾ 20 ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅવਤ੍ਥਾਸਿ। ਸੋ ਭਿਕ੍ਖੁ વਿਸ੍ਸਰਮਕਾਸਿ। ਭਿਕ੍ਖੂ ਉਪਧਾવਿਤ੍વਾ ਤਂ ਭਿਕ੍ਖੁਂ ਏਤਦવੋਚੁਂ – ‘‘ਕਿਸ੍ਸ ਤ੍વਂ, ਆવੁਸੋ, વਿਸ੍ਸਰਮਕਾਸੀ’’ਤਿ? ਅਥ ਖੋ ਸੋ ਭਿਕ੍ਖੁ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੁ ਸਙ੍ਘਿਕੇ વਿਹਾਰੇ ਉਪਰਿવੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ ਸਹਸਾ ਅਭਿਨਿਸੀਦਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਤਂ ਭਿਕ੍ਖੁਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤ੍વਂ, ਭਿਕ੍ਖੁ, ਸਙ੍ਘਿਕੇ વਿਹਾਰੇ ਉਪਰਿવੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ ਸਹਸਾ ਅਭਿਨਿਸੀਦਸੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਸਙ੍ਘਿਕੇ વਿਹਾਰੇ ਉਪਰਿવੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ ਸਹਸਾ ਅਭਿਨਿਸੀਦਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
129. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena dve bhikkhū saṅghike vihāre uparivehāsakuṭiyā viharanti?. Eko heṭṭhā viharati 21, eko upari. Uparimo bhikkhu āhaccapādakaṃ mañcaṃ sahasā abhinisīdi. Mañcapādo nippatitvā 22 heṭṭhimassa bhikkhuno matthake avatthāsi. So bhikkhu vissaramakāsi. Bhikkhū upadhāvitvā taṃ bhikkhuṃ etadavocuṃ – ‘‘kissa tvaṃ, āvuso, vissaramakāsī’’ti? Atha kho so bhikkhu bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu saṅghike vihāre uparivehāsakuṭiyā āhaccapādakaṃ mañcaṃ sahasā abhinisīdissatī’’ti! Atha kho te bhikkhū taṃ bhikkhuṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, bhikkhu, saṅghike vihāre uparivehāsakuṭiyā āhaccapādakaṃ mañcaṃ sahasā abhinisīdasī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, saṅghike vihāre uparivehāsakuṭiyā āhaccapādakaṃ mañcaṃ sahasā abhinisīdissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੧੩੦. ‘‘ਯੋ ਪਨ ਭਿਕ੍ਖੁ ਸਙ੍ਘਿਕੇ વਿਹਾਰੇ ਉਪਰਿવੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ વਾ ਪੀਠਂ વਾ ਅਭਿਨਿਸੀਦੇਯ੍ਯ વਾ ਅਭਿਨਿਪਜ੍ਜੇਯ੍ਯ વਾ, ਪਾਚਿਤ੍ਤਿਯ’’ਨ੍ਤਿ।
130.‘‘Yo pana bhikkhu saṅghike vihāre uparivehāsakuṭiyā āhaccapādakaṃ mañcaṃ vā pīṭhaṃvā abhinisīdeyya vā abhinipajjeyya vā, pācittiya’’nti.
੧੩੧. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
131.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਸਙ੍ਘਿਕੋ ਨਾਮ વਿਹਾਰੋ ਸਙ੍ਘਸ੍ਸ ਦਿਨ੍ਨੋ ਹੋਤਿ ਪਰਿਚ੍ਚਤ੍ਤੋ।
Saṅghiko nāma vihāro saṅghassa dinno hoti pariccatto.
વੇਹਾਸਕੁਟਿ ਨਾਮ ਮਜ੍ਝਿਮਸ੍ਸ ਪੁਰਿਸਸ੍ਸ ਅਸੀਸਘਟ੍ਟਾ।
Vehāsakuṭi nāma majjhimassa purisassa asīsaghaṭṭā.
ਆਹਚ੍ਚਪਾਦਕੋ ਨਾਮ ਮਞ੍ਚੋ ਅਙ੍ਗੇ વਿਜ੍ਝਿਤ੍વਾ ਠਿਤੋ ਹੋਤਿ। ਆਹਚ੍ਚਪਾਦਕਂ ਨਾਮ ਪੀਠਂ ਅਙ੍ਗੇ વਿਜ੍ਝਿਤ੍વਾ ਠਿਤਂ ਹੋਤਿ।
Āhaccapādako nāma mañco aṅge vijjhitvā ṭhito hoti. Āhaccapādakaṃ nāma pīṭhaṃ aṅge vijjhitvā ṭhitaṃ hoti.
ਅਭਿਨਿਸੀਦੇਯ੍ਯਾਤਿ ਤਸ੍ਮਿਂ ਅਭਿਨਿਸੀਦਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Abhinisīdeyyāti tasmiṃ abhinisīdati, āpatti pācittiyassa.
ਅਭਿਨਿਪਜ੍ਜੇਯ੍ਯਾਤਿ ਤਸ੍ਮਿਂ ਅਭਿਨਿਪਜ੍ਜਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Abhinipajjeyyāti tasmiṃ abhinipajjati, āpatti pācittiyassa.
੧੩੨. ਸਙ੍ਘਿਕੇ ਸਙ੍ਘਿਕਸਞ੍ਞੀ ਉਪਰਿવੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ વਾ ਪੀਠਂ વਾ ਅਭਿਨਿਸੀਦਤਿ વਾ ਅਭਿਨਿਪਜ੍ਜਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਙ੍ਘਿਕੇ વੇਮਤਿਕੋ…ਪੇ॰… ਸਙ੍ਘਿਕੇ ਪੁਗ੍ਗਲਿਕਸਞ੍ਞੀ ਉਪਰਿવੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ વਾ ਪੀਠਂ વਾ ਅਭਿਨਿਸੀਦਤਿ વਾ ਅਭਿਨਿਪਜ੍ਜਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
132. Saṅghike saṅghikasaññī uparivehāsakuṭiyā āhaccapādakaṃ mañcaṃ vā pīṭhaṃ vā abhinisīdati vā abhinipajjati vā, āpatti pācittiyassa. Saṅghike vematiko…pe… saṅghike puggalikasaññī uparivehāsakuṭiyā āhaccapādakaṃ mañcaṃ vā pīṭhaṃ vā abhinisīdati vā abhinipajjati vā, āpatti pācittiyassa.
ਪੁਗ੍ਗਲਿਕੇ ਸਙ੍ਘਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਪੁਗ੍ਗਲਿਕੇ ਪੁਗ੍ਗਲਿਕਸਞ੍ਞੀ ਅਞ੍ਞਸ੍ਸ ਪੁਗ੍ਗਲਿਕੇ, ਆਪਤ੍ਤਿ ਦੁਕ੍ਕਟਸ੍ਸ। ਅਤ੍ਤਨੋ ਪੁਗ੍ਗਲਿਕੇ, ਅਨਾਪਤ੍ਤਿ।
Puggalike saṅghikasaññī, āpatti dukkaṭassa. Puggalike vematiko, āpatti dukkaṭassa. Puggalike puggalikasaññī aññassa puggalike, āpatti dukkaṭassa. Attano puggalike, anāpatti.
੧੩੩. ਅਨਾਪਤ੍ਤਿ – ਅવੇਹਾਸਕੁਟਿਯਾ ਸੀਸਘਟ੍ਟਾਯ ਹੇਟ੍ਠਾ ਅਪਰਿਭੋਗਂ ਹੋਤਿ, ਪਦਰਸਞ੍ਚਿਤਂ ਹੋਤਿ, ਪਟਾਣਿ ਦਿਨ੍ਨਾ ਹੋਤਿ, ਤਸ੍ਮਿਂ ਠਿਤੋ ਗਣ੍ਹਤਿ વਾ ਲਗ੍ਗੇਤਿ વਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
133. Anāpatti – avehāsakuṭiyā sīsaghaṭṭāya heṭṭhā aparibhogaṃ hoti, padarasañcitaṃ hoti, paṭāṇi dinnā hoti, tasmiṃ ṭhito gaṇhati vā laggeti vā, ummattakassa, ādikammikassāti.
વੇਹਾਸਕੁਟਿਸਿਕ੍ਖਾਪਦਂ ਨਿਟ੍ਠਿਤਂ ਅਟ੍ਠਮਂ।
Vehāsakuṭisikkhāpadaṃ niṭṭhitaṃ aṭṭhamaṃ.
੯. ਮਹਲ੍ਲਕવਿਹਾਰਸਿਕ੍ਖਾਪਦਂ
9. Mahallakavihārasikkhāpadaṃ
੧੩੪. ਤੇਨ ਸਮਯੇਨ ਬੁਦ੍ਧੋ ਭਗવਾ ਕੋਸਮ੍ਬਿਯਂ વਿਹਰਤਿ ਘੋਸਿਤਾਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਛਨ੍ਨਸ੍ਸ ਉਪਟ੍ਠਾਕੋ ਮਹਾਮਤ੍ਤੋ ਆਯਸ੍ਮਤੋ ਛਨ੍ਨਸ੍ਸ વਿਹਾਰਂ ਕਾਰਾਪੇਤਿ। ਅਥ ਖੋ ਆਯਸ੍ਮਾ ਛਨ੍ਨੋ ਕਤਪਰਿਯੋਸਿਤਂ વਿਹਾਰਂ ਪੁਨਪ੍ਪੁਨਂ ਛਾਦਾਪੇਤਿ, ਪੁਨਪ੍ਪੁਨਂ ਲੇਪਾਪੇਤਿ। ਅਤਿਭਾਰਿਤੋ વਿਹਾਰੋ ਪਰਿਪਤਿ। ਅਥ ਖੋ ਆਯਸ੍ਮਾ ਛਨ੍ਨੋ ਤਿਣਞ੍ਚ ਕਟ੍ਠਞ੍ਚ ਸਂਕਡ੍ਢਨ੍ਤੋ ਅਞ੍ਞਤਰਸ੍ਸ ਬ੍ਰਾਹ੍ਮਣਸ੍ਸ ਯવਖੇਤ੍ਤਂ ਦੂਸੇਸਿ। ਅਥ ਖੋ ਸੋ ਬ੍ਰਾਹ੍ਮਣੋ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਭਦਨ੍ਤਾ ਅਮ੍ਹਾਕਂ ਯવਖੇਤ੍ਤਂ ਦੂਸੇਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਬ੍ਰਾਹ੍ਮਣਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ વਿਪਾਚੇਨ੍ਤਸ੍ਸ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਛਨ੍ਨੋ ਕਤਪਰਿਯੋਸਿਤਂ વਿਹਾਰਂ ਪੁਨਪ੍ਪੁਨਂ ਛਾਦਾਪੇਸ੍ਸਤਿ, ਪੁਨਪ੍ਪੁਨਂ ਲੇਪਾਪੇਸ੍ਸਤਿ, ਅਤਿਭਾਰਿਤੋ વਿਹਾਰੋ ਪਰਿਪਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਛਨ੍ਨਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤ੍વਂ, ਛਨ੍ਨ, ਕਤਪਰਿਯੋਸਿਤਂ વਿਹਾਰਂ ਪੁਨਪ੍ਪੁਨਂ ਛਾਦਾਪੇਸਿ, ਪੁਨਪ੍ਪੁਨਂ ਲੇਪਾਪੇਸਿ, ਅਤਿਭਾਰਿਤੋ વਿਹਾਰੋ ਪਰਿਪਤੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਕਤਪਰਿਯੋਸਿਤਂ વਿਹਾਰਂ ਪੁਨਪ੍ਪੁਨਂ ਛਾਦਾਪੇਸ੍ਸਸਿ, ਪੁਨਪ੍ਪੁਨਂ ਲੇਪਾਪੇਸ੍ਸਸਿ , ਅਤਿਭਾਰਿਤੋ વਿਹਾਰੋ ਪਰਿਪਤਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
134. Tena samayena buddho bhagavā kosambiyaṃ viharati ghositārāme. Tena kho pana samayena āyasmato channassa upaṭṭhāko mahāmatto āyasmato channassa vihāraṃ kārāpeti. Atha kho āyasmā channo katapariyositaṃ vihāraṃ punappunaṃ chādāpeti, punappunaṃ lepāpeti. Atibhārito vihāro paripati. Atha kho āyasmā channo tiṇañca kaṭṭhañca saṃkaḍḍhanto aññatarassa brāhmaṇassa yavakhettaṃ dūsesi. Atha kho so brāhmaṇo ujjhāyati khiyyati vipāceti – ‘‘kathañhi nāma bhadantā amhākaṃ yavakhettaṃ dūsessantī’’ti! Assosuṃ kho bhikkhū tassa brāhmaṇassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo katapariyositaṃ vihāraṃ punappunaṃ chādāpessati, punappunaṃ lepāpessati, atibhārito vihāro paripatī’’ti! Atha kho te bhikkhū āyasmantaṃ channaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, channa, katapariyositaṃ vihāraṃ punappunaṃ chādāpesi, punappunaṃ lepāpesi, atibhārito vihāro paripatī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, katapariyositaṃ vihāraṃ punappunaṃ chādāpessasi, punappunaṃ lepāpessasi , atibhārito vihāro paripati! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੧੩੫. ‘‘ਮਹਲ੍ਲਕਂ ਪਨ ਭਿਕ੍ਖੁਨਾ વਿਹਾਰਂ ਕਾਰਯਮਾਨੇਨ ਯਾવਦ੍વਾਰਕੋਸਾ ਅਗ੍ਗਲ਼ਟ੍ਠਪਨਾਯ ਆਲੋਕਸਨ੍ਧਿਪਰਿਕਮ੍ਮਾਯ ਦ੍વਤ੍ਤਿਚ੍ਛਦਨਸ੍ਸ ਪਰਿਯਾਯ ਅਪ੍ਪਹਰਿਤੇ ਠਿਤੇਨ ਅਧਿਟ੍ਠਾਤਬ੍ਬਂ। ਤਤੋ ਚੇ ਉਤ੍ਤਰਿਂ ਅਪ੍ਪਹਰਿਤੇਪਿ ਠਿਤੋ ਅਧਿਟ੍ਠਹੇਯ੍ਯ ਪਾਚਿਤ੍ਤਿਯ’’ਨ੍ਤਿ।
135.‘‘Mahallakaṃ pana bhikkhunā vihāraṃ kārayamānena yāvadvārakosā aggaḷaṭṭhapanāya ālokasandhiparikammāya dvatticchadanassa pariyāya appaharite ṭhitena adhiṭṭhātabbaṃ. Tato ce uttariṃ appaharitepi ṭhito adhiṭṭhaheyya pācittiya’’nti.
੧੩੬. ਮਹਲ੍ਲਕੋ ਨਾਮ વਿਹਾਰੋ ਸਸ੍ਸਾਮਿਕੋ વੁਚ੍ਚਤਿ।
136.Mahallako nāma vihāro sassāmiko vuccati.
વਿਹਾਰੋ ਨਾਮ ਉਲ੍ਲਿਤ੍ਤੋ વਾ ਹੋਤਿ ਅવਲਿਤ੍ਤੋ વਾ ਉਲ੍ਲਿਤ੍ਤਾવਲਿਤ੍ਤੋ વਾ।
Vihāro nāma ullitto vā hoti avalitto vā ullittāvalitto vā.
ਕਾਰਯਮਾਨੇਨਾਤਿ ਕਰੋਨ੍ਤੋ વਾ ਕਾਰਾਪੇਨ੍ਤੋ વਾ।
Kārayamānenāti karonto vā kārāpento vā.
ਯਾવ ਦ੍વਾਰਕੋਸਾਤਿ ਪਿਟ੍ਠਸਙ੍ਘਾਟਸ੍ਸ 23 ਸਮਨ੍ਤਾ ਹਤ੍ਥਪਾਸਾ।
Yāva dvārakosāti piṭṭhasaṅghāṭassa 24 samantā hatthapāsā.
ਅਗ੍ਗਲ਼ਟ੍ਠਪਨਾਯਾਤਿ ਦ੍વਾਰਟ੍ਠਪਨਾਯ।
Aggaḷaṭṭhapanāyāti dvāraṭṭhapanāya.
ਆਲੋਕਸਨ੍ਧਿਪਰਿਕਮ੍ਮਾਯਾਤਿ વਾਤਪਾਨਪਰਿਕਮ੍ਮਾਯ ਸੇਤવਣ੍ਣਂ ਕਾਲ਼વਣ੍ਣਂ ਗੇਰੁਕਪਰਿਕਮ੍ਮਂ ਮਾਲਾਕਮ੍ਮਂ ਲਤਾਕਮ੍ਮਂ ਮਕਰਦਨ੍ਤਕਂ ਪਞ੍ਚਪਟਿਕਂ।
Ālokasandhiparikammāyāti vātapānaparikammāya setavaṇṇaṃ kāḷavaṇṇaṃ gerukaparikammaṃ mālākammaṃ latākammaṃ makaradantakaṃ pañcapaṭikaṃ.
ਦ੍વਤ੍ਤਿਚ੍ਛਦਨਸ੍ਸ ਪਰਿਯਾਯਂ ਅਪ੍ਪਹਰਿਤੇ ਠਿਤੇਨ ਅਧਿਟ੍ਠਾਤਬ੍ਬਨ੍ਤਿ – ਹਰਿਤਂ ਨਾਮ ਪੁਬ੍ਬਣ੍ਣਂ ਅਪਰਣ੍ਣਂ। ਸਚੇ ਹਰਿਤੇ ਠਿਤੋ ਅਧਿਟ੍ਠਾਤਿ, ਆਪਤ੍ਤਿ ਦੁਕ੍ਕਟਸ੍ਸ। ਮਗ੍ਗੇਨ ਛਾਦੇਨ੍ਤਸ੍ਸ ਦ੍વੇ ਮਗ੍ਗੇ ਅਧਿਟ੍ਠਹਿਤ੍વਾ ਤਤਿਯਂ ਮਗ੍ਗਂ ਆਣਾਪੇਤ੍વਾ ਪਕ੍ਕਮਿਤਬ੍ਬਂ। ਪਰਿਯਾਯੇਨ ਛਾਦੇਨ੍ਤਸ੍ਸ ਦ੍વੇ ਪਰਿਯਾਯੇ ਅਧਿਟ੍ਠਹਿਤ੍વਾ ਤਤਿਯਂ ਪਰਿਯਾਯਂ ਆਣਾਪੇਤ੍વਾ ਪਕ੍ਕਮਿਤਬ੍ਬਂ।
Dvatticchadanassa pariyāyaṃ appaharite ṭhitena adhiṭṭhātabbanti – haritaṃ nāma pubbaṇṇaṃ aparaṇṇaṃ. Sace harite ṭhito adhiṭṭhāti, āpatti dukkaṭassa. Maggena chādentassa dve magge adhiṭṭhahitvā tatiyaṃ maggaṃ āṇāpetvā pakkamitabbaṃ. Pariyāyena chādentassa dve pariyāye adhiṭṭhahitvā tatiyaṃ pariyāyaṃ āṇāpetvā pakkamitabbaṃ.
੧੩੭. ਤਤੋ ਚੇ ਉਤ੍ਤਰਿ ਅਪ੍ਪਹਰਿਤੇਪਿ ਠਿਤੋ ਅਧਿਟ੍ਠਹੇਯ੍ਯਾਤਿ ਇਟ੍ਠਕਾਯ ੨.੦੨੬੨ ਛਾਦੇਨ੍ਤਸ੍ਸ ਇਟ੍ਠਕਿਟ੍ਠਕਾਯ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਿਲਾਯ ਛਾਦੇਨ੍ਤਸ੍ਸ ਸਿਲਾਯ ਸਿਲਾਯ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸੁਧਾਯ ਛਾਦੇਨ੍ਤਸ੍ਸ ਪਿਣ੍ਡੇ ਪਿਣ੍ਡੇ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਤਿਣੇਨ ਛਾਦੇਨ੍ਤਸ੍ਸ ਕਰਲ਼ੇ ਕਰਲ਼ੇ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਪਣ੍ਣੇਨ ਛਾਦੇਨ੍ਤਸ੍ਸ ਪਣ੍ਣੇ ਪਣ੍ਣੇ ਆਪਤ੍ਤਿ ਪਾਚਿਤ੍ਤਿਯਸ੍ਸ।
137.Tato ce uttari appaharitepi ṭhito adhiṭṭhaheyyāti iṭṭhakāya 2.0262 chādentassa iṭṭhakiṭṭhakāya āpatti pācittiyassa. Silāya chādentassa silāya silāya āpatti pācittiyassa. Sudhāya chādentassa piṇḍe piṇḍe āpatti pācittiyassa. Tiṇena chādentassa karaḷe karaḷe āpatti pācittiyassa. Paṇṇena chādentassa paṇṇe paṇṇe āpatti pācittiyassa.
ਅਤਿਰੇਕਦ੍વਤ੍ਤਿਪਰਿਯਾਯੇ ਅਤਿਰੇਕਸਞ੍ਞੀ ਅਧਿਟ੍ਠਾਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਤਿਰੇਕਦ੍વਤ੍ਤਿਪਰਿਯਾਯੇ વੇਮਤਿਕੋ ਅਧਿਟ੍ਠਾਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਤਿਰੇਕਦ੍વਤ੍ਤਿਪਰਿਯਾਯੇ ਊਨਕਸਞ੍ਞੀ ਅਧਿਟ੍ਠਾਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Atirekadvattipariyāye atirekasaññī adhiṭṭhāti, āpatti pācittiyassa. Atirekadvattipariyāye vematiko adhiṭṭhāti, āpatti pācittiyassa. Atirekadvattipariyāye ūnakasaññī adhiṭṭhāti, āpatti pācittiyassa.
ਊਨਕਦ੍વਤ੍ਤਿਪਰਿਯਾਯੇ ਅਤਿਰੇਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਊਨਕਦ੍વਤ੍ਤਿਪਰਿਯਾਯੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਊਨਕਦ੍વਤ੍ਤਿਪਰਿਯਾਯੇ ਊਨਕਸਞ੍ਞੀ, ਅਨਾਪਤ੍ਤਿ।
Ūnakadvattipariyāye atirekasaññī, āpatti dukkaṭassa. Ūnakadvattipariyāye vematiko, āpatti dukkaṭassa. Ūnakadvattipariyāye ūnakasaññī, anāpatti.
੧੩੮. ਅਨਾਪਤ੍ਤਿ ਦ੍વਤ੍ਤਿਪਰਿਯਾਯੇ, ਊਨਕਦ੍વਤ੍ਤਿਪਰਿਯਾਯੇ, ਲੇਣੇ, ਗੁਹਾਯ, ਤਿਣਕੁਟਿਕਾਯ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, વਾਸਾਗਾਰਂ ਠਪੇਤ੍વਾ ਸਬ੍ਬਤ੍ਥ ਅਨਾਪਤ੍ਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
138. Anāpatti dvattipariyāye, ūnakadvattipariyāye, leṇe, guhāya, tiṇakuṭikāya, aññassatthāya, attano dhanena, vāsāgāraṃ ṭhapetvā sabbattha anāpatti, ummattakassa, ādikammikassāti.
ਮਹਲ੍ਲਕવਿਹਾਰਸਿਕ੍ਖਾਪਦਂ ਨਿਟ੍ਠਿਤਂ ਨવਮਂ।
Mahallakavihārasikkhāpadaṃ niṭṭhitaṃ navamaṃ.
੧੦. ਸਪ੍ਪਾਣਕਸਿਕ੍ਖਾਪਦਂ
10. Sappāṇakasikkhāpadaṃ
੧੩੯. ਤੇਨ ਸਮਯੇਨ ਬੁਦ੍ਧੋ ਭਗવਾ ਆਲ਼વਿਯਂ વਿਹਰਤਿ ਅਗ੍ਗਾਲ਼વੇ ਚੇਤਿਯੇ। ਤੇਨ ਖੋ ਪਨ ਸਮਯੇਨ ਆਲ਼વਕਾ ਭਿਕ੍ਖੂ ਨવਕਮ੍ਮਂ ਕਰੋਨ੍ਤਾ ਜਾਨਂ ਸਪ੍ਪਾਣਕਂ ਉਦਕਂ ਤਿਣਮ੍ਪਿ ਮਤ੍ਤਿਕਮ੍ਪਿ ਸਿਞ੍ਚਨ੍ਤਿਪਿ ਸਿਞ੍ਚਾਪੇਨ੍ਤਿਪਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਲ਼વਕਾ ਭਿਕ੍ਖੂ ਜਾਨਂ ਸਪ੍ਪਾਣਕਂ ਉਦਕਂ ਤਿਣਮ੍ਪਿ ਮਤ੍ਤਿਕਮ੍ਪਿ ਸਿਞ੍ਚਿਸ੍ਸਨ੍ਤਿਪਿ ਸਿਞ੍ਚਾਪੇਸ੍ਸਨ੍ਤਿਪੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਲ਼વਕੇ ਭਿਕ੍ਖੂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਜਾਨਂ ਸਪ੍ਪਾਣਕਂ ਉਦਕਂ ਤਿਣਮ੍ਪਿ ਮਤ੍ਤਿਕਮ੍ਪਿ ਸਿਞ੍ਚਥਪਿ ਸਿਞ੍ਚਾਪੇਥਪੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਜਾਨਂ ਸਪ੍ਪਾਣਕਂ ਉਦਕਂ ਤਿਣਮ੍ਪਿ ਮਤ੍ਤਿਕਮ੍ਪਿ ਸਿਞ੍ਚਿਸ੍ਸਥਪਿ ਸਿਞ੍ਚਾਪੇਸ੍ਸਥਪਿ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
139. Tena samayena buddho bhagavā āḷaviyaṃ viharati aggāḷave cetiye. Tena kho pana samayena āḷavakā bhikkhū navakammaṃ karontā jānaṃ sappāṇakaṃ udakaṃ tiṇampi mattikampi siñcantipi siñcāpentipi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āḷavakā bhikkhū jānaṃ sappāṇakaṃ udakaṃ tiṇampi mattikampi siñcissantipi siñcāpessantipī’’ti! Atha kho te bhikkhū āḷavake bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, jānaṃ sappāṇakaṃ udakaṃ tiṇampi mattikampi siñcathapi siñcāpethapī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, jānaṃ sappāṇakaṃ udakaṃ tiṇampi mattikampi siñcissathapi siñcāpessathapi! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੧੪੦. ‘‘ਯੋ ਪਨ ਭਿਕ੍ਖੁ ਜਾਨਂ ਸਪ੍ਪਾਣਕਂ ਉਦਕਂ ਤਿਣਂ વਾ ਮਤ੍ਤਿਕਂ વਾ ਸਿਞ੍ਚੇਯ੍ਯ વਾ ਸਿਞ੍ਚਾਪੇਯ੍ਯ વਾ, ਪਾਚਿਤ੍ਤਿਯ’’ਨ੍ਤਿ।
140.‘‘Yo pana bhikkhu jānaṃ sappāṇakaṃ udakaṃ tiṇaṃ vā mattikaṃ vā siñceyya vā siñcāpeyya vā, pācittiya’’nti.
੧੪੧. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
141.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਜਾਨਾਤਿ ਨਾਮ 25 ਸਾਮਂ વਾ ਜਾਨਾਤਿ ਅਞ੍ਞੇ વਾ ਤਸ੍ਸ ਆਰੋਚੇਨ੍ਤਿ।
Jānāti nāma 26 sāmaṃ vā jānāti aññe vā tassa ārocenti.
ਸਿਞ੍ਚੇਯ੍ਯਾਤਿ ਸਯਂ ਸਿਞ੍ਚਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Siñceyyāti sayaṃ siñcati, āpatti pācittiyassa.
ਸਿਞ੍ਚਾਪੇਯ੍ਯਾਤਿ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ 27। ਸਕਿਂ ਆਣਤ੍ਤੋ ਬਹੁਕਮ੍ਪਿ ਸਿਞ੍ਚਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Siñcāpeyyāti aññaṃ āṇāpeti, āpatti pācittiyassa 28. Sakiṃ āṇatto bahukampi siñcati, āpatti pācittiyassa.
੧੪੨. ਸਪ੍ਪਾਣਕੇ ਸਪ੍ਪਾਣਕਸਞ੍ਞੀ ਤਿਣਂ વਾ ਮਤ੍ਤਿਕਂ વਾ ਸਿਞ੍ਚਤਿ વਾ ਸਿਞ੍ਚਾਪੇਤਿ વਾ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਸਪ੍ਪਾਣਕੇ વੇਮਤਿਕੋ ਤਿਣਂ વਾ ਮਤ੍ਤਿਕਂ વਾ ਸਿਞ੍ਚਤਿ વਾ ਸਿਞ੍ਚਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ। ਸਪ੍ਪਾਣਕੇ ਅਪ੍ਪਾਣਕਸਞ੍ਞੀ ਤਿਣਂ વਾ ਮਤ੍ਤਿਕਂ વਾ ਸਿਞ੍ਚਤਿ વਾ ਸਿਞ੍ਚਾਪੇਤਿ વਾ, ਅਨਾਪਤ੍ਤਿ। ਅਪ੍ਪਾਣਕੇ ਸਪ੍ਪਾਣਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਪ੍ਪਾਣਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਪ੍ਪਾਣਕੇ ਅਪ੍ਪਾਣਕਸਞ੍ਞੀ, ਅਨਾਪਤ੍ਤਿ।
142. Sappāṇake sappāṇakasaññī tiṇaṃ vā mattikaṃ vā siñcati vā siñcāpeti vā, āpatti pācittiyassa. Sappāṇake vematiko tiṇaṃ vā mattikaṃ vā siñcati vā siñcāpeti vā, āpatti dukkaṭassa. Sappāṇake appāṇakasaññī tiṇaṃ vā mattikaṃ vā siñcati vā siñcāpeti vā, anāpatti. Appāṇake sappāṇakasaññī, āpatti dukkaṭassa. Appāṇake vematiko, āpatti dukkaṭassa. Appāṇake appāṇakasaññī, anāpatti.
੧੪੩. ਅਨਾਪਤ੍ਤਿ ਅਸਞ੍ਚਿਚ੍ਚ, ਅਸ੍ਸਤਿਯਾ, ਅਜਾਨਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
143. Anāpatti asañcicca, assatiyā, ajānantassa, ummattakassa, ādikammikassāti.
ਸਪ੍ਪਾਣਕਸਿਕ੍ਖਾਪਦਂ ਨਿਟ੍ਠਿਤਂ ਦਸਮਂ।
Sappāṇakasikkhāpadaṃ niṭṭhitaṃ dasamaṃ.
ਭੂਤਗਾਮવਗ੍ਗੋ ਦੁਤਿਯੋ।
Bhūtagāmavaggo dutiyo.
ਤਸ੍ਸੁਦ੍ਦਾਨਂ –
Tassuddānaṃ –
ਭੂਤਂ ਅਞ੍ਞਾਯ ਉਜ੍ਝਾਯਂ, ਪਕ੍ਕਮਨ੍ਤੇਨ ਤੇ ਦੁવੇ।
Bhūtaṃ aññāya ujjhāyaṃ, pakkamantena te duve;
ਪੁਬ੍ਬੇ ਨਿਕ੍ਕਡ੍ਢਨਾਹਚ੍ਚ, ਦ੍વਾਰਂ ਸਪ੍ਪਾਣਕੇਨ ਚਾਤਿ॥
Pubbe nikkaḍḍhanāhacca, dvāraṃ sappāṇakena cāti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā
੧. ਭੂਤਗਾਮਸਿਕ੍ਖਾਪਦવਣ੍ਣਨਾ • 1. Bhūtagāmasikkhāpadavaṇṇanā
੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ • 2. Aññavādakasikkhāpadavaṇṇanā
੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ • 3. Ujjhāpanakasikkhāpadavaṇṇanā
੪. ਪਠਮਸੇਨਾਸਨਸਿਕ੍ਖਾਪਦવਣ੍ਣਨਾ • 4. Paṭhamasenāsanasikkhāpadavaṇṇanā
੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ • 5. Dutiyasenāsanasikkhāpadavaṇṇanā
੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
੮. વੇਹਾਸਕੁਟਿਸਿਕ੍ਖਾਪਦવਣ੍ਣਨਾ • 8. Vehāsakuṭisikkhāpadavaṇṇanā
੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ • 9. Mahallakavihārasikkhāpadavaṇṇanā
੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 10. Sappāṇakasikkhāpadavaṇṇanā
੧. ਓવਾਦਸਿਕ੍ਖਾਪਦવਣ੍ਣਨਾ • 1. Ovādasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
੧. ਭੂਤਗਾਮਸਿਕ੍ਖਾਪਦવਣ੍ਣਨਾ • 1. Bhūtagāmasikkhāpadavaṇṇanā
੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ • 2. Aññavādakasikkhāpadavaṇṇanā
੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ • 3. Ujjhāpanakasikkhāpadavaṇṇanā
੪. ਪਠਮਸੇਨਾਸਨਸਿਕ੍ਖਾਪਦવਣ੍ਣਨਾ • 4. Paṭhamasenāsanasikkhāpadavaṇṇanā
੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ • 5. Dutiyasenāsanasikkhāpadavaṇṇanā
੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
੮. વੇਹਾਸਕੁਟਿਸਿਕ੍ਖਾਪਦવਣ੍ਣਨਾ • 8. Vehāsakuṭisikkhāpadavaṇṇanā
੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ • 9. Mahallakavihārasikkhāpadavaṇṇanā
੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 10. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
੧. ਭੂਤਗਾਮਸਿਕ੍ਖਾਪਦવਣ੍ਣਨਾ • 1. Bhūtagāmasikkhāpadavaṇṇanā
੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ • 2. Aññavādakasikkhāpadavaṇṇanā
੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ • 3. Ujjhāpanakasikkhāpadavaṇṇanā
੪. ਪਠਮਸੇਨਾਸਨਸਿਕ੍ਖਾਪਦવਣ੍ਣਨਾ • 4. Paṭhamasenāsanasikkhāpadavaṇṇanā
੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ • 5. Dutiyasenāsanasikkhāpadavaṇṇanā
੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
੮. વੇਹਾਸਕੁਟਿਸਿਕ੍ਖਾਪਦવਣ੍ਣਨਾ • 8. Vehāsakuṭisikkhāpadavaṇṇanā
੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ • 9. Mahallakavihārasikkhāpadavaṇṇanā
੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 10. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā
੧. ਭੂਤਗਾਮਸਿਕ੍ਖਾਪਦવਣ੍ਣਨਾ • 1. Bhūtagāmasikkhāpadavaṇṇanā
੨. ਅਞ੍ਞવਾਦਕਸਿਕ੍ਖਾਪਦવਣ੍ਣਨਾ • 2. Aññavādakasikkhāpadavaṇṇanā
੩. ਉਜ੍ਝਾਪਨਕਸਿਕ੍ਖਾਪਦવਣ੍ਣਨਾ • 3. Ujjhāpanakasikkhāpadavaṇṇanā
੪. ਪਠਮਸੇਨਾਸਨਸਿਕ੍ਖਾਪਦવਣ੍ਣਨਾ • 4. Paṭhamasenāsanasikkhāpadavaṇṇanā
੫. ਦੁਤਿਯਸੇਨਾਸਨਸਿਕ੍ਖਾਪਦવਣ੍ਣਨਾ • 5. Dutiyasenāsanasikkhāpadavaṇṇanā
੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
੮. વੇਹਾਸਕੁਟਿਸਿਕ੍ਖਾਪਦવਣ੍ਣਨਾ • 8. Vehāsakuṭisikkhāpadavaṇṇanā
੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ • 9. Mahallakavihārasikkhāpadavaṇṇanā
੧੦. ਸਪ੍ਪਾਣਕਸਿਕ੍ਖਾਪਦવਣ੍ਣਨਾ • 10. Sappāṇakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
੧. ਭੂਤਗਾਮਸਿਕ੍ਖਾਪਦ-ਅਤ੍ਥਯੋਜਨਾ • 1. Bhūtagāmasikkhāpada-atthayojanā
੨. ਅਞ੍ਞવਾਦਕਸਿਕ੍ਖਾਪਦਂ • 2. Aññavādakasikkhāpadaṃ
੩. ਉਜ੍ਝਾਪਨਕਸਿਕ੍ਖਾਪਦਂ • 3. Ujjhāpanakasikkhāpadaṃ
੪. ਪਠਮਸੇਨਾਸਨਸਿਕ੍ਖਾਪਦਂ • 4. Paṭhamasenāsanasikkhāpadaṃ
੫. ਦੁਤਿਯਸੇਨਾਸਨਸਿਕ੍ਖਾਪਦਂ • 5. Dutiyasenāsanasikkhāpadaṃ
੬. ਅਨੁਪਖਜ੍ਜਸਿਕ੍ਖਾਪਦਂ • 6. Anupakhajjasikkhāpadaṃ
੭. ਨਿਕ੍ਕਡ੍ਢਨਸਿਕ੍ਖਾਪਦਂ • 7. Nikkaḍḍhanasikkhāpadaṃ
੮. વੇਹਾਸਕੁਟਿਸਿਕ੍ਖਾਪਦਂ • 8. Vehāsakuṭisikkhāpadaṃ
੯. ਮਹਲ੍ਲਕવਿਹਾਰਸਿਕ੍ਖਾਪਦਂ • 9. Mahallakavihārasikkhāpadaṃ
੧੦. ਸਪ੍ਪਾਣਕਸਿਕ੍ਖਾਪਦਂ • 10. Sappāṇakasikkhāpadaṃ
