| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
15. бхууд̇аг̇аамавинижчаяагат̇аа
15. Bhūtagāmavinicchayakathā
75. бхууд̇аг̇аамод̇и бан̃жахи б̣ийж̇зхи ж̇аад̇аанам̣ ругкалад̇аад̣̇ийнамзд̇ам̣ ад̇хиважанам̣. д̇ад̇римаани бан̃жа б̣ийж̇аани – муулаб̣ийж̇ам̣ канд̇хаб̣ийж̇ам̣ пал̣уб̣ийж̇ам̣ аг̇г̇аб̣ийж̇ам̣ б̣ийж̇аб̣ийж̇анд̇и. д̇ад̇т̇а муулаб̣ийж̇ам̣ наама халид̣̇д̣̇и син̇г̇ивзрам̣ важаа важад̇д̇ам̣ ад̇ивисам̣ гадугарохин̣ий усийрам̣ бхад̣̇д̣̇амуд̇д̇агам̣, яаани ваа банан̃н̃ааниби ад̇т̇и муулз ж̇ааяанд̇и муулз сан̃ж̇ааяанд̇и, зд̇ам̣ муулаб̣ийж̇ам̣ наама. канд̇хаб̣ийж̇ам̣ наама ассад̇т̇о ниг̇род̇хо билагко уд̣̇умб̣аро гажчаго габид̇т̇ано, яаани ваа банан̃н̃ааниби ад̇т̇и канд̇хз ж̇ааяанд̇и канд̇хз сан̃ж̇ааяанд̇и, зд̇ам̣ канд̇хаб̣ийж̇ам̣ наама. пал̣уб̣ийж̇ам̣ наама ужчу взл̣у нал̣о, яаани ваа банан̃н̃ааниби ад̇т̇и баб̣б̣з ж̇ааяанд̇и баб̣б̣з сан̃ж̇ааяанд̇и, зд̇ам̣ пал̣уб̣ийж̇ам̣ наама. аг̇г̇аб̣ийж̇ам̣ наама аж̇ж̇угам̣ пан̣иж̇ж̇агам̣ хиривзрам̣, яаани ваа банан̃н̃ааниби ад̇т̇и аг̇г̇з ж̇ааяанд̇и аг̇г̇з сан̃ж̇ааяанд̇и, зд̇ам̣ аг̇г̇аб̣ийж̇ам̣ наама. б̣ийж̇аб̣ийж̇ам̣ наама буб̣б̣ан̣н̣ам̣ абаран̣н̣ам̣, яаани ваа банан̃н̃ааниби ад̇т̇и б̣ийж̇з ж̇ааяанд̇и б̣ийж̇з сан̃ж̇ааяанд̇и, зд̇ам̣ б̣ийж̇аб̣ийж̇ам̣ наама (баажи. 91). д̇ад̇т̇а бхууд̇аг̇аамз бхууд̇аг̇аамасан̃н̃ий чинд̣̇ад̇и ваа чинд̣̇аабзд̇и ваа бхинд̣̇ад̇и ваа бхинд̣̇аабзд̇и ваа бажад̇и ваа бажаабзд̇и ваа, баажид̇д̇ияам̣. бхууд̇аг̇ааман̃хи вигобзнд̇асса баажид̇д̇ияам̣, бхууд̇аг̇аамабариможид̇ам̣ бан̃жавид̇хамби б̣ийж̇аг̇аамам̣ вигобзнд̇асса д̣̇уггадам̣.
75.Bhūtagāmoti pañcahi bījehi jātānaṃ rukkhalatādīnametaṃ adhivacanaṃ. Tatrimāni pañca bījāni – mūlabījaṃ khandhabījaṃ phaḷubījaṃ aggabījaṃ bījabījanti. Tattha mūlabījaṃ nāma haliddi siṅgiveraṃ vacā vacattaṃ ativisaṃ kaṭukarohiṇī usīraṃ bhaddamuttakaṃ, yāni vā panaññānipi atthi mūle jāyanti mūle sañjāyanti, etaṃ mūlabījaṃ nāma. Khandhabījaṃ nāma assattho nigrodho pilakkho udumbaro kacchako kapitthano, yāni vā panaññānipi atthi khandhe jāyanti khandhe sañjāyanti, etaṃ khandhabījaṃ nāma. Phaḷubījaṃ nāma ucchu veḷu naḷo, yāni vā panaññānipi atthi pabbe jāyanti pabbe sañjāyanti, etaṃ phaḷubījaṃ nāma. Aggabījaṃ nāma ajjukaṃ phaṇijjakaṃ hiriveraṃ, yāni vā panaññānipi atthi agge jāyanti agge sañjāyanti, etaṃ aggabījaṃ nāma. Bījabījaṃ nāma pubbaṇṇaṃ aparaṇṇaṃ, yāni vā panaññānipi atthi bīje jāyanti bīje sañjāyanti, etaṃ bījabījaṃ nāma (pāci. 91). Tattha bhūtagāme bhūtagāmasaññī chindati vā chindāpeti vā bhindati vā bhindāpeti vā pacati vā pacāpeti vā, pācittiyaṃ. Bhūtagāmañhi vikopentassa pācittiyaṃ, bhūtagāmaparimocitaṃ pañcavidhampi bījagāmaṃ vikopentassa dukkaṭaṃ.
76. б̣ийж̇аг̇аамабхууд̇аг̇аамо (баажи. адта. 922) наамзса ад̇т̇и уд̣̇агадто, ад̇т̇и т̇аладто. д̇ад̇т̇а уд̣̇агадто саасабамад̇д̇игад̇илаб̣ийж̇агаад̣̇ибхзд̣̇аа сабан̣н̣игаа жа абан̣н̣игаа жа саб̣б̣аа сзваалаж̇аад̇и, анд̇амасо уд̣̇агабаббадагам̣ убаад̣̇ааяа ‘‘бхууд̇аг̇аамо’’д̇и взд̣̇ид̇аб̣б̣о. уд̣̇агабаббадаго наама убари т̇ад̣̇д̇хо парусаван̣н̣о хздтаа муд̣̇у нийлаван̣н̣о ход̇и. д̇ад̇т̇а яасса сзвааласса муулам̣ орухид̇ваа бат̇авияам̣ бад̇идтид̇ам̣, д̇асса бат̇авий таанам̣. яо уд̣̇агз сан̃жарад̇и, д̇асса уд̣̇агам̣. бат̇авияам̣ бад̇идтид̇ам̣ яад̇т̇а гад̇т̇ажи вигобзнд̇асса, уд̣̇д̇харид̇ваа ваа таананд̇арам̣ сан̇гаамзнд̇асса баажид̇д̇ияам̣, уд̣̇агз сан̃жаранд̇ам̣ вигобзнд̇ассзва баажид̇д̇ияам̣. хад̇т̇зхи бана ид̇о жид̇о жавияуухид̇ваа нахааяид̇ум̣ ваддад̇и. сагалан̃хи уд̣̇агам̣ д̇асса таанам̣, д̇асмаа на со зд̇д̇аавад̇аа таананд̇арам̣ сан̇гаамид̇о ход̇и. уд̣̇агад̇о бана уд̣̇агзна винаа сан̃жижжа угкибид̇ум̣ на ваддад̇и, уд̣̇агзна сад̣̇д̇хим̣ угкибид̇ваа буна уд̣̇агз багкибид̇ум̣ ваддад̇и. уббалинибад̣̇уминиаад̣̇ийни ж̇алаж̇аваллид̇ин̣аани уд̣̇агад̇о уд̣̇д̇харанд̇асса ваа д̇ад̇т̇зва вигобзнд̇асса ваа баажид̇д̇ияам̣, барзхи уббаадид̇аани вигобзнд̇асса д̣̇уггадам̣. д̇аани хи б̣ийж̇аг̇аамз сан̇г̇ахам̣ г̇ажчанд̇и, д̇илаб̣ийж̇агасаасабамад̇д̇игасзваалоби уд̣̇агад̇о уд̣̇д̇хадо амилаад̇о аг̇г̇аб̣ийж̇асан̇г̇ахам̣ г̇ажчад̇и. махаабажжарияаад̣̇ийсу ‘‘ананд̇агад̇илаб̣ийж̇агауд̣̇агабаббадагаад̣̇ийни д̣̇уггадавад̇т̇ууний’’д̇и вуд̇д̇ам̣, д̇ад̇т̇а гааран̣ам̣ на д̣̇иссад̇и. анд̇хагадтагат̇ааяам̣ ‘‘самбун̣н̣абхууд̇аг̇аамам̣ на ход̇и, д̇асмаа д̣̇уггада’’нд̇и вуд̇д̇ам̣, д̇амби на самзд̇и. бхууд̇аг̇аамз хи баажид̇д̇ияам̣ б̣ийж̇аг̇аамз д̣̇уггадам̣ вуд̇д̇ам̣. асамбун̣н̣абхууд̇аг̇аамо наама д̇ад̇ияо годтаасо нзва баал̣ияам̣, на адтагат̇аасу ааг̇ад̇о, ат̇зд̇ам̣ б̣ийж̇аг̇аамасан̇г̇ахам̣ г̇амиссад̇ийд̇и, д̇амби на яуд̇д̇ам̣ абхууд̇аг̇аамамуулад̇д̇аа д̇аад̣̇исасса б̣ийж̇аг̇аамассаад̇и. абижа ‘‘г̇аругалахугзсу г̇аругз таад̇аб̣б̣а’’нд̇и зд̇ам̣ винаяалагкан̣ам̣.
76. Bījagāmabhūtagāmo (pāci. aṭṭha. 922) nāmesa atthi udakaṭṭho, atthi thalaṭṭho. Tattha udakaṭṭho sāsapamattikatilabījakādibhedā sapaṇṇikā ca apaṇṇikā ca sabbā sevālajāti, antamaso udakapappaṭakaṃ upādāya ‘‘bhūtagāmo’’ti veditabbo. Udakapappaṭako nāma upari thaddho pharusavaṇṇo heṭṭhā mudu nīlavaṇṇo hoti. Tattha yassa sevālassa mūlaṃ oruhitvā pathaviyaṃ patiṭṭhitaṃ, tassa pathavī ṭhānaṃ. Yo udake sañcarati, tassa udakaṃ. Pathaviyaṃ patiṭṭhitaṃ yattha katthaci vikopentassa, uddharitvā vā ṭhānantaraṃ saṅkāmentassa pācittiyaṃ, udake sañcarantaṃ vikopentasseva pācittiyaṃ. Hatthehi pana ito cito caviyūhitvā nahāyituṃ vaṭṭati. Sakalañhi udakaṃ tassa ṭhānaṃ, tasmā na so ettāvatā ṭhānantaraṃ saṅkāmito hoti. Udakato pana udakena vinā sañcicca ukkhipituṃ na vaṭṭati, udakena saddhiṃ ukkhipitvā puna udake pakkhipituṃ vaṭṭati. Uppalinipaduminiādīni jalajavallitiṇāni udakato uddharantassa vā tattheva vikopentassa vā pācittiyaṃ, parehi uppāṭitāni vikopentassa dukkaṭaṃ. Tāni hi bījagāme saṅgahaṃ gacchanti, tilabījakasāsapamattikasevālopi udakato uddhaṭo amilāto aggabījasaṅgahaṃ gacchati. Mahāpaccariyādīsu ‘‘anantakatilabījakaudakapappaṭakādīni dukkaṭavatthūnī’’ti vuttaṃ, tattha kāraṇaṃ na dissati. Andhakaṭṭhakathāyaṃ ‘‘sampuṇṇabhūtagāmaṃ na hoti, tasmā dukkaṭa’’nti vuttaṃ, tampi na sameti. Bhūtagāme hi pācittiyaṃ bījagāme dukkaṭaṃ vuttaṃ. Asampuṇṇabhūtagāmo nāma tatiyo koṭṭhāso neva pāḷiyaṃ, na aṭṭhakathāsu āgato, athetaṃ bījagāmasaṅgahaṃ gamissatīti, tampi na yuttaṃ abhūtagāmamūlattā tādisassa bījagāmassāti. Apica ‘‘garukalahukesu garuke ṭhātabba’’nti etaṃ vinayalakkhaṇaṃ.
т̇аладтз чиннаругкаанам̣ авасидто харид̇акаан̣у наама ход̇и, д̇ад̇т̇а гагуд̇хагаран̃ж̇абияан̇г̇убанасаад̣̇ийнам̣ каан̣у уд̣̇д̇хам̣ вад̣дхад̇и, со бхууд̇аг̇аамзна сан̇г̇ахид̇о. д̇ааланаал̣игзраад̣̇ийнам̣ каан̣у уд̣̇д̇хам̣ на вад̣дхад̇и, со б̣ийж̇аг̇аамзна сан̇г̇ахид̇о. гад̣̇алияаа бана апалид̇ааяа каан̣у бхууд̇аг̇аамзна сан̇г̇ахид̇о, палид̇ааяа б̣ийж̇аг̇аамзна. гад̣̇алий бана палид̇аа яаава нийлабан̣н̣аа, д̇аава бхууд̇аг̇аамзнзва сан̇г̇ахид̇аа, д̇ат̇аа палид̇о взл̣у. яад̣̇аа бана аг̇г̇ад̇о бадтааяа суссад̇и, д̇ад̣̇аа б̣ийж̇аг̇аамзна сан̇г̇ахам̣ г̇ажчад̇и. гад̇араб̣ийж̇аг̇аамзна? пал̣уб̣ийж̇аг̇аамзна. гим̣ д̇ад̇о ниб̣б̣ад̇д̇ад̇и? на гин̃жи. яад̣̇и хи ниб̣б̣ад̇д̇зяяа, бхууд̇аг̇аамзна сан̇г̇ахам̣ г̇ажчзяяа. инд̣̇асаалаад̣̇иругкз чинд̣̇ид̇ваа раасим̣ гаронд̇и, гин̃жааби раасигад̇ад̣̇ан̣д̣агзхи рад̇анаббамаан̣ааби саакаа нигкаманд̇и, б̣ийж̇аг̇аамзнзва бана сан̇г̇ахам̣ г̇ажчанд̇и. ман̣д̣абад̇т̇ааяа ваа вад̇иад̇т̇ааяа ваа валлиааробанад̇т̇ааяа ваа бхуумияам̣ никан̣анд̇и, муулзсу жзва бан̣н̣зсу жа ниг̇г̇ад̇зсу буна бхууд̇аг̇аамасан̇кяам̣ г̇ажчанд̇и, мууламад̇д̇зсу бана бан̣н̣амад̇д̇зсу ваа ниг̇г̇ад̇зсуби б̣ийж̇аг̇аамзна сан̇г̇ахид̇аа зва.
Thalaṭṭhe chinnarukkhānaṃ avasiṭṭho haritakhāṇu nāma hoti, tattha kakudhakarañjapiyaṅgupanasādīnaṃ khāṇu uddhaṃ vaḍḍhati, so bhūtagāmena saṅgahito. Tālanāḷikerādīnaṃ khāṇu uddhaṃ na vaḍḍhati, so bījagāmena saṅgahito. Kadaliyā pana aphalitāya khāṇu bhūtagāmena saṅgahito, phalitāya bījagāmena. Kadalī pana phalitā yāva nīlapaṇṇā, tāva bhūtagāmeneva saṅgahitā, tathā phalito veḷu. Yadā pana aggato paṭṭhāya sussati, tadā bījagāmena saṅgahaṃ gacchati. Katarabījagāmena? Phaḷubījagāmena. Kiṃ tato nibbattati? Na kiñci. Yadi hi nibbatteyya, bhūtagāmena saṅgahaṃ gaccheyya. Indasālādirukkhe chinditvā rāsiṃ karonti, kiñcāpi rāsikatadaṇḍakehi ratanappamāṇāpi sākhā nikkhamanti, bījagāmeneva pana saṅgahaṃ gacchanti. Maṇḍapatthāya vā vatiatthāya vā valliāropanatthāya vā bhūmiyaṃ nikhaṇanti, mūlesu ceva paṇṇesu ca niggatesu puna bhūtagāmasaṅkhyaṃ gacchanti, mūlamattesu pana paṇṇamattesu vā niggatesupi bījagāmena saṅgahitā eva.
яаани гаанижи б̣ийж̇аани бат̇авияам̣ ваа уд̣̇агзна син̃жид̇ваа табид̇аани, габаалаад̣̇ийсу ваа аллабам̣сум̣ багкибид̇ваа нигкид̇д̇аани хонд̇и, саб̣б̣аани мууламад̇д̇з ваа бан̣н̣амад̇д̇з ваа ниг̇г̇ад̇зби б̣ийж̇ааниязва. сажзби муулаани жа убари ан̇гуро жа ниг̇г̇ажчад̇и, яаава ан̇гуро харид̇о на ход̇и, д̇аава б̣ийж̇ааниязва. муг̇г̇аад̣̇ийнам̣ бана бан̣н̣зсу удтид̇зсу, вийхиаад̣̇ийнам̣ ваа ан̇гурз харид̇з нийлаван̣н̣з ж̇аад̇з бхууд̇аг̇аамасан̇г̇ахам̣ г̇ажчанд̇и. д̇ааладтийнам̣ батамам̣ суугарад̣̇аатаа вияа муулам̣ ниг̇г̇ажчад̇и, ниг̇г̇ад̇зби яаава убари бад̇д̇авадди на ниг̇г̇ажчад̇и, д̇аава б̣ийж̇аг̇аамо наамаязва. наал̣игзрасса д̇ажам̣ бхинд̣̇ид̇ваа д̣̇анд̇асуужи вияа ан̇гуро ниг̇г̇ажчад̇и, яаава миг̇асин̇г̇асад̣̇исаа нийлабад̇д̇авадди на ход̇и, д̇аава б̣ийж̇аг̇аамоязва. муулз аниг̇г̇ад̇зби д̇аад̣̇исааяа бад̇д̇аваддияаа ж̇аад̇ааяа амуулагабхууд̇аг̇аамз сан̇г̇ахам̣ г̇ажчад̇и.
Yāni kānici bījāni pathaviyaṃ vā udakena siñcitvā ṭhapitāni, kapālādīsu vā allapaṃsuṃ pakkhipitvā nikkhittāni honti, sabbāni mūlamatte vā paṇṇamatte vā niggatepi bījāniyeva. Sacepi mūlāni ca upari aṅkuro ca niggacchati, yāva aṅkuro harito na hoti, tāva bījāniyeva. Muggādīnaṃ pana paṇṇesu uṭṭhitesu, vīhiādīnaṃ vā aṅkure harite nīlavaṇṇe jāte bhūtagāmasaṅgahaṃ gacchanti. Tālaṭṭhīnaṃ paṭhamaṃ sūkaradāṭhā viya mūlaṃ niggacchati, niggatepi yāva upari pattavaṭṭi na niggacchati, tāva bījagāmo nāmayeva. Nāḷikerassa tacaṃ bhinditvā dantasūci viya aṅkuro niggacchati, yāva migasiṅgasadisā nīlapattavaṭṭi na hoti, tāva bījagāmoyeva. Mūle aniggatepi tādisāya pattavaṭṭiyā jātāya amūlakabhūtagāme saṅgahaṃ gacchati.
амб̣адтиаад̣̇ийни вийхиаад̣̇ийхи винижчинид̇аб̣б̣аани. ванд̣̇аагаа ваа ан̃н̃аа ваа яаа гаажи ругкз ж̇ааяид̇ваа ругкам̣ од̇т̇арад̇и, ругкова д̇ассаа таанам̣, д̇ам̣ вигобзнд̇асса ваа д̇ад̇о уд̣̇д̇харанд̇асса ваа баажид̇д̇ияам̣. згаа амуулигаа лад̇аа ход̇и, ан̇г̇уливзтаго вияа ванаббаг̇умб̣ад̣̇ан̣д̣агз взтзд̇и, д̇ассааби аяамзва винижчаяо. г̇зхабамукабаагааравзд̣̇игаа жзд̇ияаад̣̇ийсу нийлаван̣н̣о сзваало ход̇и, яаава д̣̇вз д̇ийн̣и бад̇д̇аани на сан̃ж̇ааяанд̇и, д̇аава аг̇г̇аб̣ийж̇асан̇г̇ахам̣ г̇ажчад̇и. бад̇д̇зсу ж̇аад̇зсу баажид̇д̇ияавад̇т̇у, д̇асмаа д̇аад̣̇исзсу таанзсу суд̇хаалзбамби д̣̇аад̇ум̣ на ваддад̇и, анубасамбаннзна лид̇д̇асса убари синзхалзбо д̣̇аад̇ум̣ ваддад̇и. сажз нид̣̇аагхасамаяз сугкасзваало д̇идтад̇и, д̇ам̣ саммун̃ж̇анийаад̣̇ийхи гхам̣сид̇ваа абанзд̇ум̣ ваддад̇и. баанийяагхадаад̣̇ийнам̣ б̣ахи сзваало д̣̇уггадавад̇т̇у, анд̇о аб̣б̣охаариго, д̣̇анд̇агадтабууваад̣̇ийсу ган̣н̣агамби аб̣б̣охааригамзва. вуд̇д̇ан̃хзд̇ам̣ ‘‘сажз г̇зругабаригаммагад̇аа бхид̇д̇и ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇ид̇аб̣б̣аа’’д̇и (махаава. 66).
Ambaṭṭhiādīni vīhiādīhi vinicchinitabbāni. Vandākā vā aññā vā yā kāci rukkhe jāyitvā rukkhaṃ ottharati, rukkhova tassā ṭhānaṃ, taṃ vikopentassa vā tato uddharantassa vā pācittiyaṃ. Ekā amūlikā latā hoti, aṅguliveṭhako viya vanappagumbadaṇḍake veṭheti, tassāpi ayameva vinicchayo. Gehapamukhapākāravedikā cetiyādīsu nīlavaṇṇo sevālo hoti, yāva dve tīṇi pattāni na sañjāyanti, tāva aggabījasaṅgahaṃ gacchati. Pattesu jātesu pācittiyavatthu, tasmā tādisesu ṭhānesu sudhālepampi dātuṃ na vaṭṭati, anupasampannena littassa upari sinehalepo dātuṃ vaṭṭati. Sace nidāghasamaye sukkhasevālo tiṭṭhati, taṃ sammuñjanīādīhi ghaṃsitvā apanetuṃ vaṭṭati. Pānīyaghaṭādīnaṃ bahi sevālo dukkaṭavatthu, anto abbohāriko, dantakaṭṭhapūvādīsu kaṇṇakampi abbohārikameva. Vuttañhetaṃ ‘‘sace gerukaparikammakatā bhitti kaṇṇakitā hoti, coḷakaṃ temetvā pīḷetvā pamajjitabbā’’ti (mahāva. 66).
77. баасаан̣аж̇аад̇и баасаан̣ад̣̇ад̣̇д̣̇усзвааласзлзяяагаад̣̇ийни ахарид̇аван̣н̣аани абад̇д̇агаани жа д̣̇уггадавад̇т̇угаани. ахижчад̇д̇агам̣ яаава магудам̣ ход̇и, д̇аава д̣̇уггадавад̇т̇у, бубпид̇агаалад̇о бадтааяа аб̣б̣охааригам̣, алларугкад̇о бана ахижчад̇д̇агам̣ г̇ан̣ханд̇о ругкад̇ажам̣ вигобзд̇и, д̇асмаа д̇ад̇т̇а баажид̇д̇ияам̣. ругкабабадигааяаби зсзва наяо. яаа бана инд̣̇асаалагагуд̇хаад̣̇ийнам̣ бабадигаа ругкад̇о мужжид̇ваа д̇идтад̇и, д̇ам̣ г̇ан̣ханд̇асса анаабад̇д̇и. нияяаасамби ругкад̇о мужжид̇ваа тид̇ам̣ сугкаругкз ваа лаг̇г̇ам̣ г̇ан̣хид̇ум̣ ваддад̇и, алларугкад̇о на ваддад̇и. лаакааяаби зсзва наяо. ругкам̣ жаалзд̇ваа бан̣д̣убалаасам̣ ваа барин̣ад̇аган̣игаараад̣̇ибубпам̣ ваа баад̇знд̇асса баажид̇д̇ияамзва. хад̇т̇агуггужжзна муд̣̇угзсу инд̣̇асааланухийканд̇хаад̣̇ийсу ваа д̇ад̇т̇аж̇аад̇агад̇аалабан̣н̣аад̣̇ийсу ваа агкарам̣ чинд̣̇анд̇ассаби зсзва наяо. сааман̣зраанам̣ бубпам̣ ожинанд̇аанам̣ саакам̣ онаамзд̇ваа д̣̇аад̇ум̣ ваддад̇и. д̇зхи бана бубпзхи баанийяам̣ на ваасзд̇аб̣б̣ам̣, баанийяаваасад̇т̇игзна сааман̣зрам̣ угкибид̇ваа ожинаабзд̇аб̣б̣аани. паласаакааби ад̇д̇анаа каад̣̇ид̇угаамзна на онаамзд̇аб̣б̣аа, сааман̣зрам̣ угкибид̇ваа палам̣ г̇аахаабзд̇аб̣б̣ам̣. гин̃жи г̇ажчам̣ ваалад̇ам̣ ваа уббаадзнд̇зхи сааман̣зрзхи сад̣̇д̇хим̣ г̇ахзд̇ваа аагад̣дхид̇ум̣ на ваддад̇и, д̇зсам̣ бана уссаахаж̇ананад̇т̇ам̣ анаагад̣дханд̇зна гад̣дханаагаарам̣ д̣̇ассзнд̇зна вияа аг̇г̇з г̇ахзд̇ум̣ ваддад̇и. язсам̣ ругкаанам̣ саакаа рухад̇и, д̇зсам̣ саакам̣ магкигаб̣ийж̇анаад̣̇ийнам̣ ад̇т̇ааяа габбияам̣ агаараабзд̇ваа г̇ахид̇ам̣, д̇ажз ваа бад̇д̇з ваа анд̇амасо накзнаби вилзканд̇асса д̣̇уггадам̣. алласин̇г̇ивзраад̣̇ийсуби зсзва наяо. сажз бана габбияам̣ гаараабзд̇ваа сийд̇алз бад̣̇зсз табид̇асса муулам̣ сан̃ж̇ааяад̇и, убарибхааг̇з чинд̣̇ид̇ум̣ ваддад̇и. сажз ан̇гуро ж̇ааяад̇и, хздтаабхааг̇з чинд̣̇ид̇ум̣ ваддад̇и, муулз жа ан̇гурз жа ж̇аад̇з на ваддад̇и.
77. Pāsāṇajāti pāsāṇadaddusevālaseleyyakādīni aharitavaṇṇāni apattakāni ca dukkaṭavatthukāni. Ahicchattakaṃ yāva makuṭaṃ hoti, tāva dukkaṭavatthu, pupphitakālato paṭṭhāya abbohārikaṃ, allarukkhato pana ahicchattakaṃ gaṇhanto rukkhatacaṃ vikopeti, tasmā tattha pācittiyaṃ. Rukkhapapaṭikāyapi eseva nayo. Yā pana indasālakakudhādīnaṃ papaṭikā rukkhato muccitvā tiṭṭhati, taṃ gaṇhantassa anāpatti. Niyyāsampi rukkhato muccitvā ṭhitaṃ sukkharukkhe vā laggaṃ gaṇhituṃ vaṭṭati, allarukkhato na vaṭṭati. Lākhāyapi eseva nayo. Rukkhaṃ cāletvā paṇḍupalāsaṃ vā pariṇatakaṇikārādipupphaṃ vā pātentassa pācittiyameva. Hatthakukkuccena mudukesu indasālanuhīkhandhādīsu vā tatthajātakatālapaṇṇādīsu vā akkharaṃ chindantassapi eseva nayo. Sāmaṇerānaṃ pupphaṃ ocinantānaṃ sākhaṃ onāmetvā dātuṃ vaṭṭati. Tehi pana pupphehi pānīyaṃ na vāsetabbaṃ, pānīyavāsatthikena sāmaṇeraṃ ukkhipitvā ocināpetabbāni. Phalasākhāpi attanā khāditukāmena na onāmetabbā, sāmaṇeraṃ ukkhipitvā phalaṃ gāhāpetabbaṃ. Kiñci gacchaṃ vālataṃ vā uppāṭentehi sāmaṇerehi saddhiṃ gahetvā ākaḍḍhituṃ na vaṭṭati, tesaṃ pana ussāhajananatthaṃ anākaḍḍhantena kaḍḍhanākāraṃ dassentena viya agge gahetuṃ vaṭṭati. Yesaṃ rukkhānaṃ sākhā ruhati, tesaṃ sākhaṃ makkhikabījanādīnaṃ atthāya kappiyaṃ akārāpetvā gahitaṃ, tace vā patte vā antamaso nakhenapi vilekhantassa dukkaṭaṃ. Allasiṅgiverādīsupi eseva nayo. Sace pana kappiyaṃ kārāpetvā sītale padese ṭhapitassa mūlaṃ sañjāyati, uparibhāge chindituṃ vaṭṭati. Sace aṅkuro jāyati, heṭṭhābhāge chindituṃ vaṭṭati, mūle ca aṅkure ca jāte na vaṭṭati.
‘‘саммун̃ж̇анийсалаагааяаби д̇ин̣аани чинд̣̇иссаамий’’д̇и бхуумияам̣ саммаж̇ж̇анд̇о саяам̣ ваа чинд̣̇ад̇и, ан̃н̃зна ваа чзд̣̇аабзд̇и, на ваддад̇и. жан̇гаманд̇оби ‘‘чиж̇ж̇анагам̣ чиж̇ж̇ад̇у, бхиж̇ж̇анагам̣ бхиж̇ж̇ад̇у, жан̇гамид̇адтаанам̣ д̣̇ассзссаамий’’д̇и сан̃жижжа баад̣̇зхи аггаманд̇о д̇ин̣аваллиаад̣̇ийни саяам̣ ваа чинд̣̇ад̇и, ан̃н̃зна ваа чзд̣̇аабзд̇и, на ваддад̇и. сажзби хи д̇ин̣ам̣ ваа лад̇ам̣ ваа г̇ант̇им̣ гаронд̇асса бхиж̇ж̇ад̇и, г̇ант̇имби гаад̇ум̣ на ваддад̇и. д̇ааларугкаад̣̇ийсу бана жораанам̣ анаарухан̣ад̇т̇ааяа д̣̇аарумаггадагам̣ аагодзнд̇и, ган̣дагз б̣анд̇ханд̇и, бхигкусса звам̣ гаад̇ум̣ на ваддад̇и. сажз д̣̇аарумаггадаго ругкз аллийнамад̇д̇ова ход̇и, ругкам̣ на бийл̣зд̇и, ваддад̇и. ‘‘ругкам̣ чинд̣̇а, лад̇ам̣ чинд̣̇а, ганд̣̇ам̣ ваа муулам̣ ваа уббаадзхий’’д̇и вад̇д̇ум̣ ваддад̇и анияамид̇ад̇д̇аа. нияамзд̇ваа бана ‘‘имам̣ ругкам̣ чинд̣̇аа’’д̇иаад̣̇и вад̇д̇ум̣ на ваддад̇и. наамам̣ г̇ахзд̇вааби ‘‘амб̣аругкам̣ жад̇урам̣саваллим̣ аалуваганд̣̇ам̣ мун̃ж̇ад̇ин̣ам̣ асугаругкажчаллим̣ чинд̣̇а бхинд̣̇а уббаадзхий’’д̇иаад̣̇иважанамби анияамид̇амзва ход̇и. ‘‘имам̣ амб̣аругка’’нд̇иаад̣̇иважанамзва хи нияамид̇ам̣ наама, д̇ам̣ на ваддад̇и. бад̇д̇амби бажид̇угаамо д̇ин̣аад̣̇ийнам̣ убари сан̃жижжа аг̇г̇им̣ гаронд̇о саяам̣ ваа бажад̇и, ан̃н̃зна ваа бажаабзд̇и, на ваддад̇и. анияамзд̇ваа бана ‘‘муг̇г̇з бажа, маасз бажаа’’д̇иаад̣̇и вад̇д̇ум̣ ваддад̇и, ‘‘имз муг̇г̇з бажаа’’д̇и звам̣ вад̇д̇ум̣ на ваддад̇и. ‘‘имам̣ муулабхзсаж̇ж̇ам̣ ж̇аана, имам̣ муулам̣ ваа бан̣н̣ам̣ ваа д̣̇зхи, имам̣ ругкам̣ ваа лад̇ам̣ ваа аахара, иминаа бубпзна палзна ваа ад̇т̇о, имам̣ ругкам̣ ваа лад̇ам̣ ваа палам̣ ваа габбияам̣ гарохий’’д̇и звам̣ бана вад̇д̇ум̣ ваддад̇и. зд̇д̇аавад̇аа бхууд̇аг̇аамабариможид̇ам̣ гад̇ам̣ ход̇и.
‘‘Sammuñjanīsalākāyapi tiṇāni chindissāmī’’ti bhūmiyaṃ sammajjanto sayaṃ vā chindati, aññena vā chedāpeti, na vaṭṭati. Caṅkamantopi ‘‘chijjanakaṃ chijjatu, bhijjanakaṃ bhijjatu, caṅkamitaṭṭhānaṃ dassessāmī’’ti sañcicca pādehi akkamanto tiṇavalliādīni sayaṃ vā chindati, aññena vā chedāpeti, na vaṭṭati. Sacepi hi tiṇaṃ vā lataṃ vā ganthiṃ karontassa bhijjati, ganthimpi kātuṃ na vaṭṭati. Tālarukkhādīsu pana corānaṃ anāruhaṇatthāya dārumakkaṭakaṃ ākoṭenti, kaṇṭake bandhanti, bhikkhussa evaṃ kātuṃ na vaṭṭati. Sace dārumakkaṭako rukkhe allīnamattova hoti, rukkhaṃ na pīḷeti, vaṭṭati. ‘‘Rukkhaṃ chinda, lataṃ chinda, kandaṃ vā mūlaṃ vā uppāṭehī’’ti vattuṃ vaṭṭati aniyamitattā. Niyametvā pana ‘‘imaṃ rukkhaṃ chindā’’tiādi vattuṃ na vaṭṭati. Nāmaṃ gahetvāpi ‘‘ambarukkhaṃ caturaṃsavalliṃ āluvakandaṃ muñjatiṇaṃ asukarukkhacchalliṃ chinda bhinda uppāṭehī’’tiādivacanampi aniyamitameva hoti. ‘‘Imaṃ ambarukkha’’ntiādivacanameva hi niyamitaṃ nāma, taṃ na vaṭṭati. Pattampi pacitukāmo tiṇādīnaṃ upari sañcicca aggiṃ karonto sayaṃ vā pacati, aññena vā pacāpeti, na vaṭṭati. Aniyametvā pana ‘‘mugge paca, māse pacā’’tiādi vattuṃ vaṭṭati, ‘‘ime mugge pacā’’ti evaṃ vattuṃ na vaṭṭati. ‘‘Imaṃ mūlabhesajjaṃ jāna, imaṃ mūlaṃ vā paṇṇaṃ vā dehi, imaṃ rukkhaṃ vā lataṃ vā āhara, iminā pupphena phalena vā attho, imaṃ rukkhaṃ vā lataṃ vā phalaṃ vā kappiyaṃ karohī’’ti evaṃ pana vattuṃ vaṭṭati. Ettāvatā bhūtagāmaparimocitaṃ kataṃ hoti.
78. барибхун̃ж̇анд̇зна бана б̣ийж̇аг̇аамабариможанад̇т̇ам̣ буна габбияам̣ гаараабзд̇аб̣б̣ам̣. габбияагаран̣ан̃жзд̇т̇а иминаа суд̇д̇аанусаарзна взд̣̇ид̇аб̣б̣ам̣ –
78. Paribhuñjantena pana bījagāmaparimocanatthaṃ puna kappiyaṃ kārāpetabbaṃ. Kappiyakaraṇañcettha iminā suttānusārena veditabbaṃ –
‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇ум̣ аг̇г̇ибариж̇ид̇ам̣ сад̇т̇абариж̇ид̇ам̣ накабариж̇ид̇ам̣ аб̣ийж̇ам̣ ниб̣б̣аддаб̣ийж̇ан̃н̃зва бан̃жама’’нд̇и (жуул̣ава. 250).
‘‘Anujānāmi, bhikkhave, pañcahi samaṇakappehi phalaṃ paribhuñjituṃ aggiparijitaṃ satthaparijitaṃ nakhaparijitaṃ abījaṃ nibbaṭṭabījaññeva pañcama’’nti (cūḷava. 250).
д̇ад̇т̇а аг̇г̇ибариж̇ид̇анд̇и аг̇г̇инаа бариж̇ид̇ам̣ ад̇хибхууд̇ам̣ д̣̇ад̣дхам̣ пудтанд̇и ад̇т̇о. сад̇т̇абариж̇ид̇анд̇и сад̇т̇зна бариж̇ид̇ам̣ ад̇хибхууд̇ам̣ чиннам̣ вид̣̇д̇хам̣ ваад̇и ад̇т̇о. зса наяо накабариж̇ид̇з. аб̣ийж̇аниб̣б̣аддаб̣ийж̇аани саяамзва габбияаани. аг̇г̇инаа габбияам̣ гаронд̇зна гадтаг̇г̇иг̇омаяаг̇г̇иаад̣̇ийсу язна гзнажи анд̇амасо лохакан̣д̣знаби аад̣̇ид̇д̇зна габбияам̣ гаад̇аб̣б̣ам̣, д̇ан̃жа ко згад̣̇зсз пусанд̇зна ‘‘габбияа’’нд̇и вад̇ваава гаад̇аб̣б̣ам̣. сад̇т̇зна гаронд̇зна яасса гассажи лохамаяасад̇т̇асса анд̇амасо суужинакажчзд̣̇анаанамби д̇ун̣д̣зна ваа д̇хаарааяа ваа чзд̣̇ам̣ ваа взд̇хам̣ ваа д̣̇ассзнд̇зна ‘‘габбияа’’нд̇и вад̇ваава гаад̇аб̣б̣ам̣. накзна габбияам̣ гаронд̇зна бууд̇инакзна на гаад̇аб̣б̣ам̣, мануссаанам̣ бана сийхаб̣яаг̇гхад̣̇ийбимаггадаанам̣ сагунд̇аанан̃жа накаа д̇икин̣аа хонд̇и, д̇зхи гаад̇аб̣б̣ам̣. ассамахим̣сасуугарамиг̇аг̇оруубаад̣̇ийнам̣ кураа ад̇икин̣аа, д̇зхи на гаад̇аб̣б̣ам̣, гад̇амби агад̇ам̣ ход̇и. хад̇т̇инакаа бана кураа на хонд̇и, д̇зхи жа ваддад̇и. язхи бана гаад̇ум̣ ваддад̇и, д̇зхи д̇ад̇т̇аж̇аад̇агзхиби уд̣̇д̇харид̇ваа г̇ахид̇агзби чзд̣̇ам̣ ваа взд̇хам̣ ваа д̣̇ассзнд̇зна ‘‘габбияа’’нд̇и вад̇ваава гаад̇аб̣б̣ам̣.
Tattha aggiparijitanti agginā parijitaṃ adhibhūtaṃ daḍḍhaṃ phuṭṭhanti attho. Satthaparijitanti satthena parijitaṃ adhibhūtaṃ chinnaṃ viddhaṃ vāti attho. Esa nayo nakhaparijite. Abījanibbaṭṭabījāni sayameva kappiyāni. Agginā kappiyaṃ karontena kaṭṭhaggigomayaggiādīsu yena kenaci antamaso lohakhaṇḍenapi ādittena kappiyaṃ kātabbaṃ, tañca kho ekadese phusantena ‘‘kappiya’’nti vatvāva kātabbaṃ. Satthena karontena yassa kassaci lohamayasatthassa antamaso sūcinakhacchedanānampi tuṇḍena vā dhārāya vā chedaṃ vā vedhaṃ vā dassentena ‘‘kappiya’’nti vatvāva kātabbaṃ. Nakhena kappiyaṃ karontena pūtinakhena na kātabbaṃ, manussānaṃ pana sīhabyagghadīpimakkaṭānaṃ sakuntānañca nakhā tikhiṇā honti, tehi kātabbaṃ. Assamahiṃsasūkaramigagorūpādīnaṃ khurā atikhiṇā, tehi na kātabbaṃ, katampi akataṃ hoti. Hatthinakhā pana khurā na honti, tehi ca vaṭṭati. Yehi pana kātuṃ vaṭṭati, tehi tatthajātakehipi uddharitvā gahitakepi chedaṃ vā vedhaṃ vā dassentena ‘‘kappiya’’nti vatvāva kātabbaṃ.
д̇ад̇т̇а сажзби б̣ийж̇аанам̣ баб̣б̣ад̇амад̇д̇о рааси, ругкасахассам̣ ваа чинд̣̇ид̇ваа згааб̣ад̣̇д̇хам̣ гад̇ваа ужчуунам̣ ваа махаабхааро б̣анд̇хид̇ваа табид̇о ход̇и, згасмим̣ б̣ийж̇з ваа ругкасаакааяа ваа ужчумхи ваа габбияз гад̇з саб̣б̣ам̣ гад̇ам̣ ход̇и. ужчуу жа д̣̇аарууни жа згад̇о б̣ад̣̇д̇хаани хонд̇и, ‘‘ужчум̣ габбияам̣ гариссаамий’’д̇и д̣̇аарум̣ виж̇жхад̇и, ваддад̇иязва. сажз бана яааяа раж̇ж̇уяаа ваа валлияаа ваа б̣ад̣̇д̇хаани, д̇ам̣ виж̇жхад̇и, на ваддад̇и. ужчукан̣д̣аанам̣ бажчим̣ буурзд̇ваа аахаранд̇и, згасмим̣ кан̣д̣з габбияз гад̇з саб̣б̣ам̣ гад̇амзва. марийжабаггаад̣̇ийхи жа миссзд̇ваа бхад̇д̇ам̣ аахаранд̇и, ‘‘габбияам̣ гарохий’’д̇и вуд̇д̇з сажзби бхад̇д̇асид̇т̇з виж̇жхад̇и, ваддад̇иязва. д̇илад̇ан̣д̣улаад̣̇ийсуби зсзва наяо. яааг̇уяаа багкид̇д̇аани бана згааб̣ад̣̇д̇хаани худ̇ваа на санд̇идтанд̇и, д̇ад̇т̇а згамзгам̣ виж̇жхид̇ваа габбияам̣ гаад̇аб̣б̣амзва. габид̇т̇апалаад̣̇ийнам̣ анд̇о мин̃ж̇ам̣ гадаахам̣ мун̃жид̇ваа сан̃жарад̇и, бхинд̣̇аабзд̇ваа габбияам̣ гаараабзд̇аб̣б̣ам̣, згааб̣ад̣̇д̇хам̣ ход̇и, гадаахзби гаад̇ум̣ ваддад̇и.
Tattha sacepi bījānaṃ pabbatamatto rāsi, rukkhasahassaṃ vā chinditvā ekābaddhaṃ katvā ucchūnaṃ vā mahābhāro bandhitvā ṭhapito hoti, ekasmiṃ bīje vā rukkhasākhāya vā ucchumhi vā kappiye kate sabbaṃ kataṃ hoti. Ucchū ca dārūni ca ekato baddhāni honti, ‘‘ucchuṃ kappiyaṃ karissāmī’’ti dāruṃ vijjhati, vaṭṭatiyeva. Sace pana yāya rajjuyā vā valliyā vā baddhāni, taṃ vijjhati, na vaṭṭati. Ucchukhaṇḍānaṃ pacchiṃ pūretvā āharanti, ekasmiṃ khaṇḍe kappiye kate sabbaṃ katameva. Marīcapakkādīhi ca missetvā bhattaṃ āharanti, ‘‘kappiyaṃ karohī’’ti vutte sacepi bhattasitthe vijjhati, vaṭṭatiyeva. Tilataṇḍulādīsupi eseva nayo. Yāguyā pakkhittāni pana ekābaddhāni hutvā na santiṭṭhanti, tattha ekamekaṃ vijjhitvā kappiyaṃ kātabbameva. Kapitthaphalādīnaṃ anto miñjaṃ kaṭāhaṃ muñcitvā sañcarati, bhindāpetvā kappiyaṃ kārāpetabbaṃ, ekābaddhaṃ hoti, kaṭāhepi kātuṃ vaṭṭati.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
бхууд̇аг̇аамавинижчаяагат̇аа самад̇д̇аа.
Bhūtagāmavinicchayakathā samattā.
