| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. гал̣ааракад̇д̇ияаваг̇г̇о
4. Kaḷārakhattiyavaggo
1. бхууд̇асуд̇д̇аван̣н̣анаа
1. Bhūtasuttavaṇṇanā
31. гал̣ааракад̇д̇ияаваг̇г̇асса батамз аж̇ид̇абан̃хзд̇и аж̇ид̇амаан̣авзна бужчид̇абан̃хз. сан̇каад̇ад̇хаммаасзд̇и сан̇каад̇ад̇хаммаа вужжанд̇и н̃аад̇ад̇хаммаа д̇улид̇ад̇хаммаа д̇ийрид̇ад̇хаммаа. сзгкаад̇и сад̇д̇а сзгкаа. бут̇ууд̇и д̇зязва сад̇д̇а ж̇анз санд̇хааяа бут̇ууд̇и вуд̇д̇ам̣. ид̇хаад̇и имасмим̣ саасанз. нибагод̇и нзбаггам̣ вужжад̇и бан̃н̃аа, д̇ааяа саманнааг̇ад̇ад̇д̇аа нибаго, д̇вам̣ бан̣д̣ид̇о баб̣руухийд̇и яаажад̇и. ирияанд̇и вуд̇д̇им̣ аажаарам̣ г̇ожарам̣ вихаарам̣ бадибад̇д̇им̣. маарисаад̇и бхаг̇аванд̇ам̣ аалабад̇и. сзгкаанан̃жа сан̇каад̇ад̇хаммаанан̃жа кийн̣аасаваанан̃жа бадибад̇д̇им̣ маяаа бужчид̇о бан̣д̣ид̇а, маариса, маяхам̣ гат̇зхийд̇и аяамзд̇т̇а сан̇кзбад̇т̇о.
31. Kaḷārakhattiyavaggassa paṭhame ajitapañheti ajitamāṇavena pucchitapañhe. Saṅkhātadhammāseti saṅkhātadhammā vuccanti ñātadhammā tulitadhammā tīritadhammā. Sekkhāti satta sekkhā. Puthūti teyeva satta jane sandhāya puthūti vuttaṃ. Idhāti imasmiṃ sāsane. Nipakoti nepakkaṃ vuccati paññā, tāya samannāgatattā nipako, tvaṃ paṇḍito pabrūhīti yācati. Iriyanti vuttiṃ ācāraṃ gocaraṃ vihāraṃ paṭipattiṃ. Mārisāti bhagavantaṃ ālapati. Sekkhānañca saṅkhātadhammānañca khīṇāsavānañca paṭipattiṃ mayā pucchito paṇḍita, mārisa, mayhaṃ kathehīti ayamettha saṅkhepattho.
д̇ун̣хий ахосийд̇и гасмаа яаава д̇ад̇ияам̣ будто д̇ун̣хий ахоси? гим̣ бан̃хз ган̇кад̇и, уд̣̇ааху аж̇жхаасаязд̇и? аж̇жхаасаяз ган̇кад̇и, но бан̃хз. звам̣ гирасса ахоси – ‘‘сад̇т̇аа мам̣ сзгкаасзгкаанам̣ ааг̇аманийяабадибад̣̇ам̣ гат̇аабзд̇угаамо; саа жа канд̇хавасзна д̇хаад̇увасзна ааяад̇анавасзна бажжаяаагааравасзнаад̇и б̣ахуухи гааран̣зхи саггаа гат̇зд̇ум̣. гат̇ам̣ гат̇знд̇о ну ко сад̇т̇у аж̇жхаасаяам̣ г̇ахзд̇ваа гат̇зд̇ум̣ сагкиссаамий’’д̇и? ат̇а сад̇т̇аа жинд̇зси – ‘‘табзд̇ваа мам̣ ан̃н̃о бад̇д̇ам̣ аад̣̇ааяа жаранд̇о сааваго наама бан̃н̃ааяа саарибуд̇д̇асамо над̇т̇и. аяамби маяаа бан̃хам̣ будто яаава д̇ад̇ияам̣ д̇ун̣хий зва. бан̃хз ну ко ган̇кад̇и, уд̣̇ааху аж̇жхаасаяз’’д̇и. ат̇а ‘‘аж̇жхаасаяз’’д̇и н̃ад̇ваа бан̃хагат̇анад̇т̇ааяа наяам̣ д̣̇ад̣̇амаано бхууд̇амид̣̇анд̇и, саарибуд̇д̇а, бассасийд̇и ааха.
Tuṇhī ahosīti kasmā yāva tatiyaṃ puṭṭho tuṇhī ahosi? Kiṃ pañhe kaṅkhati, udāhu ajjhāsayeti? Ajjhāsaye kaṅkhati, no pañhe. Evaṃ kirassa ahosi – ‘‘satthā maṃ sekkhāsekkhānaṃ āgamanīyapaṭipadaṃ kathāpetukāmo; sā ca khandhavasena dhātuvasena āyatanavasena paccayākāravasenāti bahūhi kāraṇehi sakkā kathetuṃ. Kathaṃ kathento nu kho satthu ajjhāsayaṃ gahetvā kathetuṃ sakkhissāmī’’ti? Atha satthā cintesi – ‘‘ṭhapetvā maṃ añño pattaṃ ādāya caranto sāvako nāma paññāya sāriputtasamo natthi. Ayampi mayā pañhaṃ puṭṭho yāva tatiyaṃ tuṇhī eva. Pañhe nu kho kaṅkhati, udāhu ajjhāsaye’’ti. Atha ‘‘ajjhāsaye’’ti ñatvā pañhakathanatthāya nayaṃ dadamāno bhūtamidanti, sāriputta, passasīti āha.
д̇ад̇т̇а бхууд̇анд̇и ж̇аад̇ам̣ ниб̣б̣ад̇д̇ам̣, канд̇хабан̃жагассзд̇ам̣ наамам̣. ид̇и сад̇т̇аа ‘‘бан̃жагканд̇хавасзна, саарибуд̇д̇а, имам̣ бан̃хам̣ гат̇зхий’’д̇и т̇зрасса наяам̣ д̣̇зд̇и. саханаяад̣̇аанзна бана т̇зрасса д̇ийрз тид̇абурисасса вивадо зган̇г̇ан̣о махаасамуд̣̇д̣̇о вияа наяасад̇зна наяасахассзна бан̃хаб̣яаагаран̣ам̣ убадтааси. ат̇а нам̣ б̣яаагаронд̇о бхууд̇амид̣̇анд̇и, бханд̇зд̇иаад̣̇имааха. д̇ад̇т̇а бхууд̇амид̣̇анд̇и ид̣̇ам̣ ниб̣б̣ад̇д̇ам̣ канд̇хабан̃жагам̣. саммаббан̃н̃ааяа бассад̇ийд̇и саха вибассанааяа маг̇г̇абан̃н̃ааяа саммаа бассад̇и. бадибанно ход̇ийд̇и сийлад̇о бадтааяа яаава арахад̇д̇амаг̇г̇аа ниб̣б̣ид̣̇аад̣̇ийнам̣ ад̇т̇ааяа бадибанно ход̇и. д̇ад̣̇аахаарасамбхаванд̇и ид̣̇ам̣ гасмаа аарабхи? зд̇ам̣ канд̇хабан̃жагам̣ аахаарам̣ бадижжа тид̇ам̣, д̇асмаа д̇ам̣ аахаарасамбхавам̣ наама гад̇ваа д̣̇ассзд̇ум̣ ид̣̇ам̣ аарабхи. ид̇и иминааби барияааязна сзгкабадибад̣̇аа гат̇ид̇аа ход̇и. д̇ад̣̇аахааранирод̇хаад̇и д̇зсам̣ аахаараанам̣ нирод̇хзна. ид̣̇ам̣ гасмаа аарабхи? д̇ан̃хи канд̇хабан̃жагам̣ аахааранирод̇хаа нируж̇жхад̇и, д̇асмаа д̇ам̣ аахааранирод̇хасамбхавам̣ наама гад̇ваа д̣̇ассзд̇ум̣ ид̣̇ам̣ аарабхи. ид̇и иминааби барияааязна сзгкассзва бадибад̣̇аа гат̇ид̇аа. ниб̣б̣ид̣̇аад̇и аад̣̇ийни саб̣б̣аани гааран̣аважанаанийд̇и взд̣̇ид̇аб̣б̣аани. анубаад̣̇аа вимуд̇д̇од̇и жад̇уухи убаад̣̇аанзхи ган̃жи д̇хаммам̣ аг̇ахзд̇ваа вимуд̇д̇о. саад̇ху саад̇хууд̇и иминаа т̇зрасса б̣яаагаран̣ам̣ самбахам̣сзд̇ваа саяамби д̇ат̇зва б̣яаагаронд̇о буна ‘‘бхууд̇амид̣̇а’’нд̇иаад̣̇имаахаад̇и. батамам̣.
Tattha bhūtanti jātaṃ nibbattaṃ, khandhapañcakassetaṃ nāmaṃ. Iti satthā ‘‘pañcakkhandhavasena, sāriputta, imaṃ pañhaṃ kathehī’’ti therassa nayaṃ deti. Sahanayadānena pana therassa tīre ṭhitapurisassa vivaṭo ekaṅgaṇo mahāsamuddo viya nayasatena nayasahassena pañhabyākaraṇaṃ upaṭṭhāsi. Atha naṃ byākaronto bhūtamidanti, bhantetiādimāha. Tattha bhūtamidanti idaṃ nibbattaṃ khandhapañcakaṃ. Sammappaññāya passatīti saha vipassanāya maggapaññāya sammā passati. Paṭipanno hotīti sīlato paṭṭhāya yāva arahattamaggā nibbidādīnaṃ atthāya paṭipanno hoti. Tadāhārasambhavanti idaṃ kasmā ārabhi? Etaṃ khandhapañcakaṃ āhāraṃ paṭicca ṭhitaṃ, tasmā taṃ āhārasambhavaṃ nāma katvā dassetuṃ idaṃ ārabhi. Iti imināpi pariyāyena sekkhapaṭipadā kathitā hoti. Tadāhāranirodhāti tesaṃ āhārānaṃ nirodhena. Idaṃ kasmā ārabhi? Tañhi khandhapañcakaṃ āhāranirodhā nirujjhati, tasmā taṃ āhāranirodhasambhavaṃ nāma katvā dassetuṃ idaṃ ārabhi. Iti imināpi pariyāyena sekkhasseva paṭipadā kathitā. Nibbidāti ādīni sabbāni kāraṇavacanānīti veditabbāni. Anupādā vimuttoti catūhi upādānehi kañci dhammaṃ agahetvā vimutto. Sādhu sādhūti iminā therassa byākaraṇaṃ sampahaṃsetvā sayampi tatheva byākaronto puna ‘‘bhūtamida’’ntiādimāhāti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. бхууд̇асуд̇д̇ам̣ • 1. Bhūtasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. бхууд̇асуд̇д̇аван̣н̣анаа • 1. Bhūtasuttavaṇṇanā
