| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. བཱིཛསུཏྟཝཎྞནཱ
2. Bījasuttavaṇṇanā
༥༤. བཱིཛཛཱཏཱནཱིཏི ཛཱཏ-སདྡོ པདཔཱུརཎམཏྟནྟི ཨཱཧ ‘‘བཱིཛཱནཱི’’ཏི། ཝཙནྟི སེཏཝཙཾ། ཨཛྫུཀནྟི ཏཙྪཀཾ། ཕཎིཛྫཀཾ ཏུལསི། ཨབྷིནྣཱནཱིཏི ཨེཀདེསེནཔི ཨཁཎྜིཏཱནི། བཱིཛཏྠཱཡཱཏི བཱིཛཀིཙྩཱཡ། ན ཨུཔཀཔྤཏཱིཏི པཙྩཡོ ན ཧོཏཱིཏི དསྶེཏི། ན པཱཔིཏཱནཱིཏི པཱུཏིཏཾ ན ཨུཔགཏཱནི། ཏཎྜུལསཱརསྶ ཨཱདཱནཏོ སཱརཱདཱནི། ཨཱརམྨཎགྒཧཎཝསེན ཝིཉྙཱཎཾ ཏིཊྛཏི ཨེཏྠཱཏི ཝིཉྙཱཎཊྛིཏིཡོ། ཨཱརམྨཎཝསེནཱཏི ཨཱརམྨཎབྷཱཝཝསེན། སིནེཧནཊྛེནཱཏི ཏཎྷཱཡནཝསེན སིནིདྡྷཏཱཔཱདནེན, ཡཏོ ‘‘ནནྡཱུཔསེཙན’’ནྟི ཝུཏྟཾ། ཏཐཱ ཧི ཝིརོཔིཏཾ ཏཾ ཀམྨཝིཉྙཱཎཾ པཊིསནྡྷིཨངྐུརུཔྤཱདནསམཏྠཾ ཧོཏི། སཔྤཙྩཡནྟི ཨཝིཛྫཱཨཡོནིསོནམནསིཀཱརཱདིཔཙྩཡེཧི སཔྤཙྩཡཾ། ཝིརུཧཏི ཝིཔཱཀསནྟཱནུཔྤཱདནསམཏྠོ ཧུཏྭཱ།
54.Bījajātānīti jāta-saddo padapūraṇamattanti āha ‘‘bījānī’’ti. Vacanti setavacaṃ. Ajjukanti tacchakaṃ. Phaṇijjakaṃ tulasi. Abhinnānīti ekadesenapi akhaṇḍitāni. Bījatthāyāti bījakiccāya. Na upakappatīti paccayo na hotīti dasseti. Na pāpitānīti pūtitaṃ na upagatāni. Taṇḍulasārassa ādānato sārādāni. Ārammaṇaggahaṇavasena viññāṇaṃ tiṭṭhati etthāti viññāṇaṭṭhitiyo. Ārammaṇavasenāti ārammaṇabhāvavasena. Sinehanaṭṭhenāti taṇhāyanavasena siniddhatāpādanena, yato ‘‘nandūpasecana’’nti vuttaṃ. Tathā hi viropitaṃ taṃ kammaviññāṇaṃ paṭisandhiaṅkuruppādanasamatthaṃ hoti. Sappaccayanti avijjāayonisonamanasikārādipaccayehi sappaccayaṃ. Viruhati vipākasantānuppādanasamattho hutvā.
བཱིཛསུཏྟཝཎྞནཱ ནིཊྛིཏཱ།
Bījasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. བཱིཛསུཏྟཾ • 2. Bījasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. བཱིཛསུཏྟཝཎྞནཱ • 2. Bījasuttavaṇṇanā
