| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੫੦. ਬਿਲਾਰਕੋਸਿਯਜਾਤਕਂ (੧੨)
450. Bilārakosiyajātakaṃ (12)
੧੨੫.
125.
ਅਪਚਨ੍ਤਾਪਿ ਦਿਚ੍ਛਨ੍ਤਿ, ਸਨ੍ਤੋ ਲਦ੍ਧਾਨ ਭੋਜਨਂ।
Apacantāpi dicchanti, santo laddhāna bhojanaṃ;
ਕਿਮੇવ ਤ੍વਂ ਪਚਮਾਨੋ, ਯਂ ਨ ਦਜ੍ਜਾ ਨ ਤਂ ਸਮਂ॥
Kimeva tvaṃ pacamāno, yaṃ na dajjā na taṃ samaṃ.
੧੨੬.
126.
ਮਚ੍ਛੇਰਾ ਚ ਪਮਾਦਾ ਚ, ਏવਂ ਦਾਨਂ ਨ ਦਿਯ੍ਯਤਿ।
Maccherā ca pamādā ca, evaṃ dānaṃ na diyyati;
ਪੁਞ੍ਞਂ ਆਕਙ੍ਖਮਾਨੇਨ, ਦੇਯ੍ਯਂ ਹੋਤਿ વਿਜਾਨਤਾ॥
Puññaṃ ākaṅkhamānena, deyyaṃ hoti vijānatā.
੧੨੭.
127.
ਯਸ੍ਸੇવ ਭੀਤੋ ਨ ਦਦਾਤਿ ਮਚ੍ਛਰੀ, ਤਦੇવਾਦਦਤੋ ਭਯਂ।
Yasseva bhīto na dadāti maccharī, tadevādadato bhayaṃ;
ਜਿਘਚ੍ਛਾ ਚ ਪਿਪਾਸਾ ਚ, ਯਸ੍ਸ ਭਾਯਤਿ ਮਚ੍ਛਰੀ।
Jighacchā ca pipāsā ca, yassa bhāyati maccharī;
ਤਮੇવ ਬਾਲਂ ਫੁਸਤਿ, ਅਸ੍ਮਿਂ ਲੋਕੇ ਪਰਮ੍ਹਿ ਚ॥
Tameva bālaṃ phusati, asmiṃ loke paramhi ca.
੧੨੮.
128.
ਤਸ੍ਮਾ વਿਨੇਯ੍ਯ ਮਚ੍ਛੇਰਂ, ਦਜ੍ਜਾ ਦਾਨਂ ਮਲਾਭਿਭੂ।
Tasmā vineyya maccheraṃ, dajjā dānaṃ malābhibhū;
ਪੁਞ੍ਞਾਨਿ ਪਰਲੋਕਸ੍ਮਿਂ, ਪਤਿਟ੍ਠਾ ਹੋਨ੍ਤਿ ਪਾਣਿਨਂ॥
Puññāni paralokasmiṃ, patiṭṭhā honti pāṇinaṃ.
੧੨੯.
129.
ਦੁਦ੍ਦਦਂ ਦਦਮਾਨਾਨਂ, ਦੁਕ੍ਕਰਂ ਕਮ੍ਮ ਕੁਬ੍ਬਤਂ।
Duddadaṃ dadamānānaṃ, dukkaraṃ kamma kubbataṃ;
ਅਸਨ੍ਤੋ ਨਾਨੁਕੁਬ੍ਬਨ੍ਤਿ, ਸਤਂ ਧਮ੍ਮੋ ਦੁਰਨ੍ਨਯੋ॥
Asanto nānukubbanti, sataṃ dhammo durannayo.
੧੩੦.
130.
ਅਸਨ੍ਤੋ ਨਿਰਯਂ ਯਨ੍ਤਿ, ਸਨ੍ਤੋ ਸਗ੍ਗਪਰਾਯਨਾ॥
Asanto nirayaṃ yanti, santo saggaparāyanā.
੧੩੧.
131.
ਅਪ੍ਪਸ੍ਮਾ ਦਕ੍ਖਿਣਾ ਦਿਨ੍ਨਾ, ਸਹਸ੍ਸੇਨ ਸਮਂ ਮਿਤਾ॥
Appasmā dakkhiṇā dinnā, sahassena samaṃ mitā.
੧੩੨.
132.
ਧਮ੍ਮਂ ਚਰੇ ਯੋਪਿ ਸਮੁਞ੍ਛਕਂ ਚਰੇ, ਦਾਰਞ੍ਚ ਪੋਸਂ ਦਦਮਪ੍ਪਕਸ੍ਮਿਂ 5।
Dhammaṃ care yopi samuñchakaṃ care, dārañca posaṃ dadamappakasmiṃ 6;
ਸਤਂ ਸਹਸ੍ਸਾਨਂ ਸਹਸ੍ਸਯਾਗਿਨਂ, ਕਲਮ੍ਪਿ ਨਾਗ੍ਘਨ੍ਤਿ ਤਥਾવਿਧਸ੍ਸ ਤੇ॥
Sataṃ sahassānaṃ sahassayāginaṃ, kalampi nāgghanti tathāvidhassa te.
੧੩੩.
133.
ਕੇਨੇਸ ਯਞ੍ਞੋ વਿਪੁਲੋ ਮਹਗ੍ਘਤੋ 7, ਸਮੇਨ ਦਿਨ੍ਨਸ੍ਸ ਨ ਅਗ੍ਘਮੇਤਿ।
Kenesa yañño vipulo mahagghato 8, samena dinnassa na agghameti;
ਕਥਂ ਸਤਂ ਸਹਸ੍ਸਾਨਂ 9 ਸਹਸ੍ਸਯਾਗਿਨਂ, ਕਲਮ੍ਪਿ ਨਾਗ੍ਘਨ੍ਤਿ ਤਥਾવਿਧਸ੍ਸ ਤੇ॥
Kathaṃ sataṃ sahassānaṃ 10 sahassayāginaṃ, kalampi nāgghanti tathāvidhassa te.
੧੩੪.
134.
ਦਦਨ੍ਤਿ ਹੇਕੇ વਿਸਮੇ ਨਿવਿਟ੍ਠਾ, ਛੇਤ੍વਾ 11 વਧਿਤ੍વਾ ਅਥ ਸੋਚਯਿਤ੍વਾ।
Dadanti heke visame niviṭṭhā, chetvā 12 vadhitvā atha socayitvā;
ਸਾ ਦਕ੍ਖਿਣਾ ਅਸ੍ਸੁਮੁਖਾ ਸਦਣ੍ਡਾ, ਸਮੇਨ ਦਿਨ੍ਨਸ੍ਸ ਨ ਅਗ੍ਘਮੇਤਿ।
Sā dakkhiṇā assumukhā sadaṇḍā, samena dinnassa na agghameti;
ਏવਂ ਸਤਂ ਸਹਸ੍ਸਾਨਂ 13 ਸਹਸ੍ਸਯਾਗਿਨਂ, ਕਲਮ੍ਪਿ ਨਾਗ੍ਘਨ੍ਤਿ ਤਥਾવਿਧਸ੍ਸ ਤੇਤਿ॥
Evaṃ sataṃ sahassānaṃ 14 sahassayāginaṃ, kalampi nāgghanti tathāvidhassa teti.
ਬਿਲਾਰਕੋਸਿਯਜਾਤਕਂ ਦ੍વਾਦਸਮਂ।
Bilārakosiyajātakaṃ dvādasamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੫੦] ੧੨. ਬਿਲਾਰਕੋਸਿਯਜਾਤਕવਣ੍ਣਨਾ • [450] 12. Bilārakosiyajātakavaṇṇanā
