| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൬. ബോജ്ഝങ്ഗപഞ്ഹോ
6. Bojjhaṅgapañho
൬. രാജാ ആഹ ‘‘കതി നു ഖോ, ഭന്തേ നാഗസേന, ബോജ്ഝങ്ഗാ’’തി? ‘‘സത്ത ഖോ, മഹാരാജ, ബോജ്ഝങ്ഗാ’’തി. ‘‘കതിഹി പന, ഭന്തേ, ബോജ്ഝങ്ഗേഹി ബുജ്ഝതീ’’തി? ‘‘ഏകേന ഖോ, മഹാരാജ, ബോജ്ഝങ്ഗേന ബുജ്ഝതി ധമ്മവിചയസമ്ബോജ്ഝങ്ഗേനാ’’തി. ‘‘അഥ കിസ്സ നു ഖോ, ഭന്തേ, വുച്ചന്തി ‘സത്ത ബോജ്ഝങ്ഗാ’’’തി? ‘‘തം കിം മഞ്ഞസി, മഹാരാജ, അസി കോസിയാ പക്ഖിത്തോ അഗ്ഗഹിതോ ഹത്ഥേന ഉസ്സഹതി ഛേജ്ജം ഛിന്ദിതു’’ന്തി. ‘‘ന ഹി, ഭന്തേ’’തി. ‘‘ഏവമേവ ഖോ, മഹാരാജ, ധമ്മവിചയസമ്ബോജ്ഝങ്ഗേന വിനാ ഛഹി ബോജ്ഝങ്ഗേഹി ന ബുജ്ഝതീ’’തി.
6. Rājā āha ‘‘kati nu kho, bhante nāgasena, bojjhaṅgā’’ti? ‘‘Satta kho, mahārāja, bojjhaṅgā’’ti. ‘‘Katihi pana, bhante, bojjhaṅgehi bujjhatī’’ti? ‘‘Ekena kho, mahārāja, bojjhaṅgena bujjhati dhammavicayasambojjhaṅgenā’’ti. ‘‘Atha kissa nu kho, bhante, vuccanti ‘satta bojjhaṅgā’’’ti? ‘‘Taṃ kiṃ maññasi, mahārāja, asi kosiyā pakkhitto aggahito hatthena ussahati chejjaṃ chinditu’’nti. ‘‘Na hi, bhante’’ti. ‘‘Evameva kho, mahārāja, dhammavicayasambojjhaṅgena vinā chahi bojjhaṅgehi na bujjhatī’’ti.
‘‘കല്ലോസി, ഭന്തേ നാഗസേനാ’’തി.
‘‘Kallosi, bhante nāgasenā’’ti.
ബോജ്ഝങ്ഗപഞ്ഹോ ഛട്ഠോ.
Bojjhaṅgapañho chaṭṭho.
