| Library / Tipiṭaka / તિપિટક • Tipiṭaka / પટિસમ્ભિદામગ્ગપાળિ • Paṭisambhidāmaggapāḷi |
૩. બોજ્ઝઙ્ગવારો
3. Bojjhaṅgavāro
૨૫. સબ્બે સત્તા અવેરિનો હોન્તુ, ખેમિનો હોન્તુ, સુખિનો હોન્તૂતિ – સતિં ઉપટ્ઠાપેતિ. સતિસમ્બોજ્ઝઙ્ગપરિભાવિતા હોતિ મેત્તાચેતોવિમુત્તિ.
25. Sabbe sattā averino hontu, khemino hontu, sukhino hontūti – satiṃ upaṭṭhāpeti. Satisambojjhaṅgaparibhāvitā hoti mettācetovimutti.
સબ્બે સત્તા અવેરિનો હોન્તુ, ખેમિનો હોન્તુ, સુખિનો હોન્તૂતિ – પઞ્ઞાય પવિચિનાતિ. ધમ્મવિચયસમ્બોજ્ઝઙ્ગપરિભાવિતા હોતિ મેત્તાચેતોવિમુત્તિ.
Sabbe sattā averino hontu, khemino hontu, sukhino hontūti – paññāya pavicināti. Dhammavicayasambojjhaṅgaparibhāvitā hoti mettācetovimutti.
સબ્બે સત્તા અવેરિનો હોન્તુ, ખેમિનો હોન્તુ, સુખિનો હોન્તૂતિ – વીરિયં પગ્ગણ્હાતિ. વીરિયસમ્બોજ્ઝઙ્ગપરિભાવિતા હોતિ મેત્તાચેતોવિમુત્તિ.
Sabbe sattā averino hontu, khemino hontu, sukhino hontūti – vīriyaṃ paggaṇhāti. Vīriyasambojjhaṅgaparibhāvitā hoti mettācetovimutti.
સબ્બે સત્તા અવેરિનો હોન્તુ, ખેમિનો હોન્તુ, સુખિનો હોન્તૂતિ – પરિળાહં પટિપ્પસ્સમ્ભેતિ. પીતિસમ્બોજ્ઝઙ્ગપરિભાવિતા હોતિ મેત્તાચેતોવિમુત્તિ.
Sabbe sattā averino hontu, khemino hontu, sukhino hontūti – pariḷāhaṃ paṭippassambheti. Pītisambojjhaṅgaparibhāvitā hoti mettācetovimutti.
સબ્બે સત્તા અવેરિનો હોન્તુ, ખેમિનો હોન્તુ, સુખિનો હોન્તૂતિ – દુટ્ઠુલ્લં પટિપ્પસ્સમ્ભેતિ. પસ્સદ્ધિસમ્બોજ્ઝઙ્ગપરિભાવિતા હોતિ મેત્તાચેતોવિમુત્તિ.
Sabbe sattā averino hontu, khemino hontu, sukhino hontūti – duṭṭhullaṃ paṭippassambheti. Passaddhisambojjhaṅgaparibhāvitā hoti mettācetovimutti.
સબ્બે સત્તા અવેરિનો હોન્તુ, ખેમિનો હોન્તુ, સુખિનો હોન્તૂતિ – ચિત્તં સમાદહતિ. સમાધિસમ્બોજ્ઝઙ્ગપરિભાવિતા હોતિ મેત્તાચેતોવિમુત્તિ.
Sabbe sattā averino hontu, khemino hontu, sukhino hontūti – cittaṃ samādahati. Samādhisambojjhaṅgaparibhāvitā hoti mettācetovimutti.
સબ્બે સત્તા અવેરિનો હોન્તુ, ખેમિનો હોન્તુ, સુખિનો હોન્તૂતિ – ઞાણેન કિલેસે પટિસઙ્ખાતિ. ઉપેક્ખાસમ્બોજ્ઝઙ્ગપરિભાવિતા હોતિ મેત્તાચેતોવિમુત્તિ.
Sabbe sattā averino hontu, khemino hontu, sukhino hontūti – ñāṇena kilese paṭisaṅkhāti. Upekkhāsambojjhaṅgaparibhāvitā hoti mettācetovimutti.
ઇમે સત્ત બોજ્ઝઙ્ગા મેત્તાય ચેતોવિમુત્તિયા આસેવના હોન્તિ. ઇમેહિ સત્તહિ બોજ્ઝઙ્ગેહિ મેત્તાચેતોવિમુત્તિ આસેવીયતિ. ઇમે સત્ત બોજ્ઝઙ્ગા મેત્તાય ચેતોવિમુત્તિયા ભાવના હોન્તિ. ઇમેહિ સત્તહિ બોજ્ઝઙ્ગેહિ મેત્તાચેતોવિમુત્તિ ભાવીયતિ. ઇમે સત્ત બોજ્ઝઙ્ગા મેત્તાય ચેતોવિમુત્તિયા બહુલીકતા હોન્તિ. ઇમેહિ સત્તહિ બોજ્ઝઙ્ગેહિ મેત્તાચેતોવિમુત્તિ બહુલીકરીયતિ. ઇમે સત્ત બોજ્ઝઙ્ગા મેત્તાય ચેતોવિમુત્તિયા અલઙ્કારા હોન્તિ. ઇમેહિ સત્તહિ બોજ્ઝઙ્ગેહિ મેત્તાચેતોવિમુત્તિ સ્વાલઙ્કતા હોતિ. ઇમે સત્ત બોજ્ઝઙ્ગા મેત્તાય ચેતોવિમુત્તિયા પરિક્ખારા હોન્તિ. ઇમેહિ સત્તહિ બોજ્ઝઙ્ગેહિ મેત્તાચેતોવિમુત્તિ સુપરિક્ખતા હોતિ. ઇમે સત્ત બોજ્ઝઙ્ગા મેત્તાય ચેતોવિમુત્તિયા પરિવારા હોન્તિ. ઇમેહિ સત્તહિ બોજ્ઝઙ્ગેહિ મેત્તાચેતોવિમુત્તિ સુપરિવુતા હોતિ. ઇમે સત્ત બોજ્ઝઙ્ગા મેત્તાય ચેતોવિમુત્તિયા આસેવના હોન્તિ, ભાવના હોન્તિ, બહુલીકતા હોન્તિ, અલઙ્કારા હોન્તિ, પરિક્ખારા હોન્તિ, પરિવારા હોન્તિ, પારિપૂરી હોન્તિ, સહગતા હોન્તિ, સહજાતા હોન્તિ, સંસટ્ઠા હોન્તિ, સમ્પયુત્તા હોન્તિ, પક્ખન્દના હોન્તિ, પસીદના હોન્તિ, સન્તિટ્ઠના હોન્તિ, વિમુચ્ચના હોન્તિ, ‘‘એતં સન્ત’’ન્તિ ફસ્સના હોન્તિ, યાનીકતા હોન્તિ, વત્થુકતા હોન્તિ, અનુટ્ઠિતા હોન્તિ, પરિચિતા હોન્તિ, સુસમારદ્ધા હોન્તિ, સુભાવિતા હોન્તિ, સ્વાધિટ્ઠિતા હોન્તિ, સુસમુગ્ગતા હોન્તિ, સુવિમુત્તા હોન્તિ, નિબ્બત્તેન્તિ જોતેન્તિ પતાપેન્તિ.
Ime satta bojjhaṅgā mettāya cetovimuttiyā āsevanā honti. Imehi sattahi bojjhaṅgehi mettācetovimutti āsevīyati. Ime satta bojjhaṅgā mettāya cetovimuttiyā bhāvanā honti. Imehi sattahi bojjhaṅgehi mettācetovimutti bhāvīyati. Ime satta bojjhaṅgā mettāya cetovimuttiyā bahulīkatā honti. Imehi sattahi bojjhaṅgehi mettācetovimutti bahulīkarīyati. Ime satta bojjhaṅgā mettāya cetovimuttiyā alaṅkārā honti. Imehi sattahi bojjhaṅgehi mettācetovimutti svālaṅkatā hoti. Ime satta bojjhaṅgā mettāya cetovimuttiyā parikkhārā honti. Imehi sattahi bojjhaṅgehi mettācetovimutti suparikkhatā hoti. Ime satta bojjhaṅgā mettāya cetovimuttiyā parivārā honti. Imehi sattahi bojjhaṅgehi mettācetovimutti suparivutā hoti. Ime satta bojjhaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti, nibbattenti jotenti patāpenti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / પટિસમ્ભિદામગ્ગ-અટ્ઠકથા • Paṭisambhidāmagga-aṭṭhakathā / ૨-૪. બલાદિવારત્તયવણ્ણના • 2-4. Balādivārattayavaṇṇanā
