| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
10. б̣ож̇жхан̇г̇авибхан̇г̇о
10. Bojjhaṅgavibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
батаманаяаван̣н̣анаа
Paṭhamanayavaṇṇanā
466. бад̇идтаанааяууханаа огхад̇аран̣асуд̇д̇аван̣н̣анааяам̣ (сам̣. ни. адта. 1.1.1) –
466. Patiṭṭhānāyūhanā oghataraṇasuttavaṇṇanāyaṃ (saṃ. ni. aṭṭha. 1.1.1) –
‘‘гилзсавасзна бад̇идтаанам̣, абхисан̇кааравасзна ааяууханаа. д̇ат̇аа д̇ан̣хаад̣̇идтийхи бад̇идтаанам̣, авасзсагилзсаабхисан̇каарзхи ааяууханаа. д̇ан̣хаавасзна бад̇идтаанам̣, д̣̇идтивасзна ааяууханаа. сассад̇ад̣̇идтияаа бад̇идтаанам̣, ужчзд̣̇ад̣̇идтияаа ааяууханаа. лийнавасзна бад̇идтаанам̣, уд̣̇д̇хажжавасзна ааяууханаа. гаамасукаануяог̇авасзна бад̇идтаанам̣, ад̇д̇агиламат̇аануяог̇авасзна ааяууханаа. саб̣б̣аагусалаабхисан̇кааравасзна бад̇идтаанам̣, саб̣б̣алогияагусалаабхисан̇кааравасзна ааяууханаа’’д̇и –
‘‘Kilesavasena patiṭṭhānaṃ, abhisaṅkhāravasena āyūhanā. Tathā taṇhādiṭṭhīhi patiṭṭhānaṃ, avasesakilesābhisaṅkhārehi āyūhanā. Taṇhāvasena patiṭṭhānaṃ, diṭṭhivasena āyūhanā. Sassatadiṭṭhiyā patiṭṭhānaṃ, ucchedadiṭṭhiyā āyūhanā. Līnavasena patiṭṭhānaṃ, uddhaccavasena āyūhanā. Kāmasukhānuyogavasena patiṭṭhānaṃ, attakilamathānuyogavasena āyūhanā. Sabbākusalābhisaṅkhāravasena patiṭṭhānaṃ, sabbalokiyakusalābhisaṅkhāravasena āyūhanā’’ti –
вуд̇д̇зсу багаарзсу ид̇ха авуд̇д̇аанам̣ васзна взд̣̇ид̇аб̣б̣аа.
Vuttesu pakāresu idha avuttānaṃ vasena veditabbā.
саммаббавад̇д̇з д̇хаммз бадисан̃жигкад̇и, убабад̇д̇ид̇о игкад̇и, д̇ад̣̇аагааро худ̇ваа бавад̇д̇ад̇ийд̇и бадисан̇кааналагкан̣о убзгкаасамб̣ож̇жхан̇г̇о. зван̃жа гад̇ваа ‘‘бадисан̇каа санд̇идтанаа г̇ахан̣з маж̇жхад̇д̇ад̇аа’’д̇и убзгкаагижжаад̇химад̇д̇ад̇ааяа сан̇каарубзгкаа вуд̇д̇аа. ануггаманигкзбз баяож̇анам̣ буримасса буримасса бажчимабажчимагааран̣абхааво.
Sammappavatte dhamme paṭisañcikkhati, upapattito ikkhati, tadākāro hutvā pavattatīti paṭisaṅkhānalakkhaṇo upekkhāsambojjhaṅgo. Evañca katvā ‘‘paṭisaṅkhā santiṭṭhanā gahaṇe majjhattatā’’ti upekkhākiccādhimattatāya saṅkhārupekkhā vuttā. Anukkamanikkhepe payojanaṃ purimassa purimassa pacchimapacchimakāraṇabhāvo.
467. б̣алавад̇ий зва сад̇и сад̇исамб̣ож̇жхан̇г̇од̇и гад̇ваа б̣алавабхаавад̣̇ийбанад̇т̇ам̣ бан̃н̃аа г̇ахид̇аа, на яасса гассажи самбад̇хааран̣асад̇и, гусалуббад̇д̇игааран̣асса бана саран̣ам̣ сад̇ийд̇и д̣̇ассзнд̇о ‘‘вад̇д̇ам̣ ваа’’д̇иаад̣̇имааха. вад̇д̇асийсз тад̇ваад̇и ‘‘ахо вад̇а мз д̇хаммам̣ сун̣зяяум̣, суд̇ваа жа д̇хаммам̣ басийд̣̇зяяум̣, басаннаа жа мз басаннаагаарам̣ гарзяяу’’нд̇и звам̣жид̇д̇о ахуд̇ваа ‘‘сваагкаад̇о бхаг̇авад̇аа д̇хаммо…бз… вин̃н̃уухи, ахо вад̇а мз д̇хаммам̣ сун̣зяяум̣, суд̇ваа жа д̇хаммам̣ ааж̇аанзяяум̣, ааж̇аанид̇ваа жа бана д̇ат̇ад̇т̇ааяа бадибаж̇ж̇зяяу’’нд̇и д̇хаммасуд̇хаммад̇ам̣ бадижжа гаарун̃н̃ам̣ ануд̣̇д̣̇аяам̣ анугамбам̣ убаад̣̇ааяа махаагассабад̇т̇зрзна вияа бхаасид̇анд̇и ад̇т̇о. вимуд̇д̇ааяад̇анасийсзд̇и ‘‘на хзва ко сад̇т̇аа, абижа ко яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзссаамий’’д̇и звам̣ вимуд̇д̇игааран̣абад̇хаанабхаавз тад̇ваа. жирагад̇авад̇д̇аад̣̇ивасзна д̇ам̣самудтаабаго аруубагодтаасо вуд̇д̇о, бхаавад̇т̇ад̇д̇аа зва ваа гад̇абхаасид̇а-сад̣̇д̣̇аа гирияаабхууд̇асса аруубагодтаасасса ваажагаад̇и гад̇ваа ааха ‘‘гааяавин̃н̃ад̇д̇им̣…бз… годтааса’’нд̇и.
467. Balavatī eva sati satisambojjhaṅgoti katvā balavabhāvadīpanatthaṃ paññā gahitā, na yassa kassaci sampadhāraṇasati, kusaluppattikāraṇassa pana saraṇaṃ satīti dassento ‘‘vattaṃ vā’’tiādimāha. Vattasīse ṭhatvāti ‘‘aho vata me dhammaṃ suṇeyyuṃ, sutvā ca dhammaṃ pasīdeyyuṃ, pasannā ca me pasannākāraṃ kareyyu’’nti evaṃcitto ahutvā ‘‘svākkhāto bhagavatā dhammo…pe… viññūhi, aho vata me dhammaṃ suṇeyyuṃ, sutvā ca dhammaṃ ājāneyyuṃ, ājānitvā ca pana tathatthāya paṭipajjeyyu’’nti dhammasudhammataṃ paṭicca kāruññaṃ anuddayaṃ anukampaṃ upādāya mahākassapattherena viya bhāsitanti attho. Vimuttāyatanasīseti ‘‘na heva kho satthā, apica kho yathāsutaṃ yathāpariyattaṃ dhammaṃ vitthārena paresaṃ desessāmī’’ti evaṃ vimuttikāraṇapadhānabhāve ṭhatvā. Cirakatavattādivasena taṃsamuṭṭhāpako arūpakoṭṭhāso vutto, bhāvatthattā eva vā katabhāsita-saddā kiriyābhūtassa arūpakoṭṭhāsassa vācakāti katvā āha ‘‘kāyaviññattiṃ…pe… koṭṭhāsa’’nti.
б̣ож̇жхан̇г̇асамудтаабагад̇аа буримаанам̣ чаннам̣ ад̇д̇ано ад̇д̇ано ананд̇аригасса, барзсам̣ саб̣б̣зсам̣ ваа д̇ам̣д̇ам̣барияааязна самудтаабанавасзна яож̇зд̇аб̣б̣аа. гаамалогаваддаамисаад̇и д̇ан̣хаа д̇ад̣̇аарамман̣аа канд̇хаад̇и вад̣̇анд̇и, бан̃жагаамаг̇ун̣иго жа рааг̇о д̇ад̣̇аарамман̣ан̃жа гаамаамисам̣, ‘‘сассад̇о ад̇д̇аа жа лого жаа’’д̇иаад̣̇инаа логаг̇г̇ахан̣авасзна бавад̇д̇о сассад̇ужчзд̣̇асахаг̇ад̇о рааг̇о д̇ад̣̇аарамман̣ан̃жа логаамисам̣, логад̇хаммаа ваа, ваддассаад̣̇авасзна уббанно сам̣саараж̇анаго рааг̇о д̇ад̣̇аарамман̣ан̃жа ваддаамисам̣. маг̇г̇асса буб̣б̣абхааг̇ад̇д̇аа буб̣б̣абхааг̇аа.
Bojjhaṅgasamuṭṭhāpakatā purimānaṃ channaṃ attano attano anantarikassa, paresaṃ sabbesaṃ vā taṃtaṃpariyāyena samuṭṭhāpanavasena yojetabbā. Kāmalokavaṭṭāmisāti taṇhā tadārammaṇā khandhāti vadanti, pañcakāmaguṇiko ca rāgo tadārammaṇañca kāmāmisaṃ, ‘‘sassato attā ca loko cā’’tiādinā lokaggahaṇavasena pavatto sassatucchedasahagato rāgo tadārammaṇañca lokāmisaṃ, lokadhammā vā, vaṭṭassādavasena uppanno saṃsārajanako rāgo tadārammaṇañca vaṭṭāmisaṃ. Maggassa pubbabhāgattā pubbabhāgā.
батаманаяаван̣н̣анаа нидтид̇аа.
Paṭhamanayavaṇṇanā niṭṭhitā.
д̣̇уд̇ияанаяаван̣н̣анаа
Dutiyanayavaṇṇanā
468-469. абхин̃н̃зяяаа д̇хаммаа наама ‘‘саб̣б̣з сад̇д̇аа аахаарадтид̇игаа, д̣̇вз д̇хаад̇уяо, д̇иссо д̇хаад̇уяо, жад̇д̇аари арияасажжаани, бан̃жа вимуд̇д̇ааяад̇анаани, ча ануд̇д̇арияаани, сад̇д̇а нид̣̇д̣̇асавад̇т̇ууни, адтаабхибхааяад̇анаани, наваанубуб̣б̣авихаараа, д̣̇аса ниж̇ж̇аравад̇т̇ууний’’д̇и звам̣бабхзд̣̇аа д̇хаммаа , ‘‘саб̣б̣ам̣, бхигкавз, абхин̃н̃зяяа’’нд̇и (сам̣. ни. 4.46) д̣̇ассид̇аа канд̇хаад̣̇аяо жа. ваананд̇и винанд̇ханам̣ бхаваад̣̇ийнам̣, г̇аманам̣ ваа бияаруубасаад̇аруубзсу.
468-469. Abhiññeyyā dhammā nāma ‘‘sabbe sattā āhāraṭṭhitikā, dve dhātuyo, tisso dhātuyo, cattāri ariyasaccāni, pañca vimuttāyatanāni, cha anuttariyāni, satta niddasavatthūni, aṭṭhābhibhāyatanāni, navānupubbavihārā, dasa nijjaravatthūnī’’ti evaṃpabhedā dhammā , ‘‘sabbaṃ, bhikkhave, abhiññeyya’’nti (saṃ. ni. 4.46) dassitā khandhādayo ca. Vānanti vinandhanaṃ bhavādīnaṃ, gamanaṃ vā piyarūpasātarūpesu.
жан̇гамам̣ ад̇хидтаханд̇асса уббаннавийрияам̣ вибассанаасахаг̇ад̇анд̇и взд̣̇ид̇аб̣б̣ам̣. зд̇д̇агзнаад̇и ‘‘логияалогуд̇д̇арамиссагаа гат̇ид̇аа’’д̇и зд̇д̇аавад̇аа. логияанд̇и вад̣̇анд̇о на гиламад̇ийд̇и гааяавин̃н̃ад̇д̇исамудтаабагасса логияад̇д̇аа ажод̣̇анийяод̇и ад̇т̇о. алаб̣бха…бз… бадигкид̇д̇аад̇и руубааважарз алаб̣бхамаанагам̣ бийд̇исамб̣ож̇жхан̇г̇ам̣ убаад̣̇ааяа лаб̣бхамаанааби авид̇аггаавижаараа бийд̇и бадигкид̇д̇аа, ‘‘бийд̇исамб̣ож̇жхан̇г̇о’’д̇и на вуд̇д̇од̇и ад̇т̇о. гаамааважарз ваа алаб̣бхамаанагам̣ авид̇аггаавижаарам̣ бийд̇им̣ убаад̣̇ааяа лаб̣бхамаанагаава бийд̇иб̣ож̇жхан̇г̇абхууд̇аа бадигкид̇д̇аа, авид̇аггаавижааро бийд̇исамб̣ож̇жхан̇г̇о на вуд̇д̇од̇и ад̇т̇о.
Caṅkamaṃ adhiṭṭhahantassa uppannavīriyaṃ vipassanāsahagatanti veditabbaṃ. Ettakenāti ‘‘lokiyalokuttaramissakā kathitā’’ti ettāvatā. Lokiyanti vadanto na kilamatīti kāyaviññattisamuṭṭhāpakassa lokiyattā acodanīyoti attho. Alabbha…pe… paṭikkhittāti rūpāvacare alabbhamānakaṃ pītisambojjhaṅgaṃ upādāya labbhamānāpi avitakkaavicārā pīti paṭikkhittā, ‘‘pītisambojjhaṅgo’’ti na vuttoti attho. Kāmāvacare vā alabbhamānakaṃ avitakkaavicāraṃ pītiṃ upādāya labbhamānakāva pītibojjhaṅgabhūtā paṭikkhittā, avitakkaavicāro pītisambojjhaṅgo na vuttoti attho.
аж̇жхад̇д̇авимогканд̇и аж̇жхад̇д̇ад̇хаммз абхинивисид̇ваа д̇ад̇о вудтид̇амаг̇г̇о ‘‘аж̇жхад̇д̇авимогко’’д̇и ид̇ха вуд̇д̇од̇и ад̇хиббааяо. на ваарзд̇аб̣б̣од̇и вибассанаабаад̣̇агзсу гасин̣аад̣̇ижхаанзсу сад̇иаад̣̇ийнам̣ ниб̣б̣зд̇хабхааг̇ияад̇д̇аа на бадигкибид̇аб̣б̣од̇и ад̇т̇о. ануд̣̇д̇харанд̇аа бана вибассанаа вияа б̣од̇хияаа маг̇г̇асса аасаннагааран̣ам̣ жхаанам̣ на ход̇и, на жа д̇ат̇аа зганд̇игам̣ гааран̣ам̣, на жа вибассанаагижжасса вияа жхаанагижжасса нидтаанам̣ маг̇г̇од̇и гад̇ваа на уд̣̇д̇харанд̇и. д̇ад̇т̇а гасин̣аж̇жхаанаг̇г̇ахан̣зна д̇ад̣̇ааяад̇д̇аани ааруббааниби г̇ахид̇аанийд̇и д̣̇адтаб̣б̣аани. асубхаж̇жхаанаанам̣ аважанам̣ авид̇аггаавижаарасса ад̇хиббзд̇ад̇д̇аа.
Ajjhattavimokkhanti ajjhattadhamme abhinivisitvā tato vuṭṭhitamaggo ‘‘ajjhattavimokkho’’ti idha vuttoti adhippāyo. Na vāretabboti vipassanāpādakesu kasiṇādijhānesu satiādīnaṃ nibbedhabhāgiyattā na paṭikkhipitabboti attho. Anuddharantā pana vipassanā viya bodhiyā maggassa āsannakāraṇaṃ jhānaṃ na hoti, na ca tathā ekantikaṃ kāraṇaṃ, na ca vipassanākiccassa viya jhānakiccassa niṭṭhānaṃ maggoti katvā na uddharanti. Tattha kasiṇajjhānaggahaṇena tadāyattāni āruppānipi gahitānīti daṭṭhabbāni. Asubhajjhānānaṃ avacanaṃ avitakkāvicārassa adhippetattā.
д̣̇уд̇ияанаяаван̣н̣анаа нидтид̇аа.
Dutiyanayavaṇṇanā niṭṭhitā.
д̇ад̇ияанаяаван̣н̣анаа
Tatiyanayavaṇṇanā
470-471. д̇ад̣̇ан̇г̇асамужчзд̣̇аниссаран̣авивзганиссид̇ад̇ам̣ вад̇ваа бадиббассад̣̇д̇хививзганиссид̇ад̇д̇асса аважанам̣ ‘‘сад̇исамб̣ож̇жхан̇г̇ам̣ бхаавзд̇ий’’д̇иаад̣̇инаа (сам̣. ни. 5.182; вибха. 471) ид̇ха бхаавзд̇аб̣б̣аанам̣ б̣ож̇жхан̇г̇аанам̣ вуд̇д̇ад̇д̇аа. бхаавид̇аб̣ож̇жхан̇г̇асса хи сажчигаад̇аб̣б̣аа палаб̣ож̇жхан̇г̇аа абхид̇хаммабхааж̇анийяз вуд̇д̇аад̇и. воссаг̇г̇а-сад̣̇д̣̇о барижжааг̇ад̇т̇о багканд̣̇анад̇т̇о жаад̇и воссаг̇г̇асса д̣̇увид̇хад̇аа вуд̇д̇аа. яат̇аавуд̇д̇знаад̇и д̇ад̣̇ан̇г̇асамужчзд̣̇аббагаарзна д̇анниннабхааваарамман̣агаран̣аббагаарзна жа. барин̣аамзнд̇ам̣ вибассанаагкан̣з, барин̣ад̇ам̣ маг̇г̇агкан̣з.
470-471. Tadaṅgasamucchedanissaraṇavivekanissitataṃ vatvā paṭippassaddhivivekanissitattassa avacanaṃ ‘‘satisambojjhaṅgaṃ bhāvetī’’tiādinā (saṃ. ni. 5.182; vibha. 471) idha bhāvetabbānaṃ bojjhaṅgānaṃ vuttattā. Bhāvitabojjhaṅgassa hi sacchikātabbā phalabojjhaṅgā abhidhammabhājanīye vuttāti. Vossagga-saddo pariccāgattho pakkhandanattho cāti vossaggassa duvidhatā vuttā. Yathāvuttenāti tadaṅgasamucchedappakārena tanninnabhāvārammaṇakaraṇappakārena ca. Pariṇāmentaṃ vipassanākkhaṇe, pariṇataṃ maggakkhaṇe.
д̇ад̇ияанаяаван̣н̣анаа нидтид̇аа.
Tatiyanayavaṇṇanā niṭṭhitā.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
472. убзгканавасзнаад̇и сабхааванид̣̇д̣̇зсад̇ам̣ д̣̇ассзд̇и, хаабанавад̣дханзсу б̣яаабаарам̣ агад̇ваа убабад̇д̇ид̇о игканавасзнаад̇и ад̇т̇о. логияаубзгканааяа ад̇хигаа убзгканаа аж̇жхубзгканаад̇и аяамад̇т̇о ид̇ха логуд̇д̇араа зва ад̇хиббзд̇аад̇и яуд̇д̇од̇и.
472. Upekkhanavasenāti sabhāvaniddesataṃ dasseti, hāpanavaḍḍhanesu byāpāraṃ akatvā upapattito ikkhanavasenāti attho. Lokiyaupekkhanāya adhikā upekkhanā ajjhupekkhanāti ayamattho idha lokuttarā eva adhippetāti yuttoti.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
б̣ож̇жхан̇г̇авибхан̇г̇аван̣н̣анаа нидтид̇аа.
Bojjhaṅgavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 10. б̣ож̇жхан̇г̇авибхан̇г̇о • 10. Bojjhaṅgavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 10. б̣ож̇жхан̇г̇авибхан̇г̇о • 10. Bojjhaṅgavibhaṅgo
