| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. б̣рахмажарияагат̇аа
3. Brahmacariyakathā
1. суд̣̇д̇хаб̣рахмажарияагат̇ааван̣н̣анаа
1. Suddhabrahmacariyakathāvaṇṇanā
269. ид̣̇аани б̣рахмажарияагат̇аа ход̇и. д̇ад̇т̇а д̣̇вз б̣рахмажарияаваасаа, маг̇г̇абхааванаа жа баб̣б̣аж̇ж̇аа жа. баб̣б̣аж̇ж̇аа саб̣б̣ад̣̇звзсу над̇т̇и. маг̇г̇абхааванаа табзд̇ваа асан̃н̃асад̇д̇з сзсзсу аббадисид̣̇д̇хаа. д̇ад̇т̇а яз бараниммид̇авасавад̇д̇ид̣̇звз убаад̣̇ааяа д̇ад̣̇убарид̣̇звзсу маг̇г̇абхааванамби на ижчанд̇и сзяяат̇ааби саммид̇ияаа, д̇з санд̇хааяа над̇т̇и д̣̇звзсууд̇и бужчаа сагаваад̣̇исса. ‘‘д̇ийхи, бхигкавз, таанзхи ж̇амб̣уд̣̇ийбагаа мануссаа уд̇д̇арагуругз жа мануссз ад̇хиг̇г̇ан̣ханд̇и д̣̇звз жа д̇аавад̇им̣сз. гад̇амзхи д̇ийхи? суураа сад̇иманд̇о ид̇ха б̣рахмажарияаваасо’’д̇и (а. ни. 9.21) ид̣̇ам̣ суд̇д̇ам̣ ниссааяа д̣̇взби б̣рахмажарияаваасаа над̇т̇и д̣̇звзсууд̇и уббанналад̣̇д̇хивасзна бадин̃н̃аа бараваад̣̇исса. буна д̣̇виннамби б̣рахмажарияаанам̣ анд̇арааяигад̇хаммавасзнзва саб̣б̣з д̣̇зваа ж̇ал̣аад̇и бужчаа сагаваад̣̇исса. д̇ад̇т̇а хад̇т̇асам̣ваажигаад̇и мууг̇аа вияа хад̇т̇амуд̣̇д̇хааяа вад̇д̇ааро. барад̇о ад̇т̇и д̣̇звзсууд̇и бужчаа бараваад̣̇исса, маг̇г̇абхааванам̣ санд̇хааяа бадин̃н̃аа сагаваад̣̇исса. бадин̃н̃ааяа ад̇хиббааяам̣ асаллагкзд̇ваа баб̣б̣аж̇ж̇аавасзна ануяог̇о бараваад̣̇исса.
269. Idāni brahmacariyakathā hoti. Tattha dve brahmacariyavāsā, maggabhāvanā ca pabbajjā ca. Pabbajjā sabbadevesu natthi. Maggabhāvanā ṭhapetvā asaññasatte sesesu appaṭisiddhā. Tattha ye paranimmitavasavattideve upādāya taduparidevesu maggabhāvanampi na icchanti seyyathāpi sammitiyā, te sandhāya natthi devesūti pucchā sakavādissa. ‘‘Tīhi, bhikkhave, ṭhānehi jambudīpakā manussā uttarakuruke ca manusse adhiggaṇhanti deve ca tāvatiṃse. Katamehi tīhi? Sūrā satimanto idha brahmacariyavāso’’ti (a. ni. 9.21) idaṃ suttaṃ nissāya dvepi brahmacariyavāsā natthi devesūti uppannaladdhivasena paṭiññā paravādissa. Puna dvinnampi brahmacariyānaṃ antarāyikadhammavaseneva sabbe devā jaḷāti pucchā sakavādissa. Tattha hatthasaṃvācikāti mūgā viya hatthamuddhāya vattāro. Parato atthi devesūti pucchā paravādissa, maggabhāvanaṃ sandhāya paṭiññā sakavādissa. Paṭiññāya adhippāyaṃ asallakkhetvā pabbajjāvasena anuyogo paravādissa.
270. яад̇т̇а над̇т̇и баб̣б̣аж̇ж̇аад̇и бан̃хз г̇ихийнан̃жзва згажжаанан̃жа д̣̇зваанам̣ маг̇г̇абадилаабхам̣ санд̇хааяа бадигкзбо д̇ассзва. буна будто бажжанд̇аваасино жзва асан̃н̃асад̇д̇з жа санд̇хааяа бадин̃н̃аа д̇ассзва. яо баб̣б̣аж̇ад̇ийд̇иаад̣̇ийсу бужчаасуби зсзва наяо. буна ‘‘ад̇т̇и д̣̇звзсуу’’д̇и бан̃хзби маг̇г̇абхааванам̣ санд̇хааязва бадин̃н̃аа сагаваад̣̇исса, ‘‘саб̣б̣ад̣̇звзсуу’’д̇и вуд̇д̇з асан̃н̃асад̇д̇з санд̇хааяа бадигкзбо д̇ассзва.
270. Yattha natthi pabbajjāti pañhe gihīnañceva ekaccānañca devānaṃ maggapaṭilābhaṃ sandhāya paṭikkhepo tasseva. Puna puṭṭho paccantavāsino ceva asaññasatte ca sandhāya paṭiññā tasseva. Yo pabbajatītiādīsu pucchāsupi eseva nayo. Puna ‘‘atthi devesū’’ti pañhepi maggabhāvanaṃ sandhāyeva paṭiññā sakavādissa, ‘‘sabbadevesū’’ti vutte asaññasatte sandhāya paṭikkhepo tasseva.
271. мануссзсууд̇и бан̃хад̣̇ваяз ж̇амб̣уд̣̇ийбагз санд̇хааяа бадин̃н̃аа. бажжанд̇аваасино санд̇хааяа бадигкзбо взд̣̇ид̇аб̣б̣о.
271. Manussesūti pañhadvaye jambudīpake sandhāya paṭiññā. Paccantavāsino sandhāya paṭikkhepo veditabbo.
ад̇т̇и яад̇т̇а ад̇т̇ийд̇и ад̇т̇и д̇з д̣̇зваа, ад̇т̇и ваа со бад̣̇зсо, яад̇т̇а ад̇т̇ийд̇и звам̣ сад̇д̇абад̣̇зсавибхааг̇амукзна виссаж̇ж̇анам̣ сагаваад̣̇исса. иминаа наязна саб̣б̣з зганд̇аригабан̃хаа взд̣̇ид̇аб̣б̣аа.
Atthi yattha atthīti atthi te devā, atthi vā so padeso, yattha atthīti evaṃ sattapadesavibhāgamukhena vissajjanaṃ sakavādissa. Iminā nayena sabbe ekantarikapañhā veditabbā.
272. суд̇д̇аануяог̇з гухим̣ палуббад̇д̇ийд̇и д̇асса анааг̇аамино арахад̇д̇апалуббад̇д̇и гухинд̇и бужчаа сагаваад̣̇исса. д̇ад̇т̇зваад̇и суд̣̇д̇хааваасзсууд̇и ад̇т̇о.
272. Suttānuyoge kuhiṃ phaluppattīti tassa anāgāmino arahattaphaluppatti kuhinti pucchā sakavādissa. Tatthevāti suddhāvāsesūti attho.
ханд̣̇а хийд̇и гааран̣ад̇т̇з нибаад̇о. ид̣̇ам̣ вуд̇д̇ам̣ ход̇и – яасмаа анааг̇аамибуг̇г̇ало ид̇ха логз бхаавид̇зна маг̇г̇зна д̇ад̇т̇а суд̣̇д̇хааваасзсу палам̣ сажчигарод̇и, на д̇ад̇т̇а ан̃н̃ам̣ маг̇г̇ам̣ бхаавзд̇и, д̇асмаа над̇т̇и д̣̇звзсу б̣рахмажарияаваасод̇и.
Handa hīti kāraṇatthe nipāto. Idaṃ vuttaṃ hoti – yasmā anāgāmipuggalo idha loke bhāvitena maggena tattha suddhāvāsesu phalaṃ sacchikaroti, na tattha aññaṃ maggaṃ bhāveti, tasmā natthi devesu brahmacariyavāsoti.
2. сам̣санд̣̇анаб̣рахмажарияаван̣н̣анаа
2. Saṃsandanabrahmacariyavaṇṇanā
273. ид̣̇аани яад̣̇и ан̃н̃ад̇т̇а бхаавид̇зна маг̇г̇зна ан̃н̃ад̇т̇а паласажчигирияаа ход̇и, сод̇аабаннаад̣̇ийнамби сияаад̇и зд̇амад̇т̇ам̣ д̣̇ассзд̇ум̣ буна анааг̇аамийд̇иаад̣̇ийнам̣ сам̣санд̣̇анабужчаа сагаваад̣̇исса. д̇ад̇т̇а анааг̇аамисса паласажчигирияааяа бадин̃н̃аа, сзсаанам̣ паласажчигирияааяа бадигкзбо бараваад̣̇исса. ид̇ха бхаавид̇амаг̇г̇о хи анааг̇аамий ид̇хавихааяанидто наама ход̇и. со ид̇ха анааг̇аамимаг̇г̇ам̣ бхаавзд̇ваа ‘‘обабаад̇иго д̇ад̇т̇абариниб̣б̣ааяий’’д̇и важанад̇о ‘‘буна маг̇г̇абхааванам̣ винаа убабад̇д̇ивасзнзва арахад̇д̇апалам̣ сажчигарод̇ий’’д̇и д̇асса лад̣̇д̇хи. сод̇аабаннасагад̣̇ааг̇аамино бана д̇ад̇т̇а маг̇г̇ам̣ бхаавзд̇ваа д̇ад̇рубабад̇д̇игаа наама хонд̇ийд̇и д̇зсам̣ ид̇хааг̇аманан̃н̃зва над̇т̇и. ид̇и со анааг̇аамисса паласажчигирияам̣ будто бадиж̇аанаад̇и. ид̇арзсам̣ бадигкибад̇и.
273. Idāni yadi aññattha bhāvitena maggena aññattha phalasacchikiriyā hoti, sotāpannādīnampi siyāti etamatthaṃ dassetuṃ puna anāgāmītiādīnaṃ saṃsandanapucchā sakavādissa. Tattha anāgāmissa phalasacchikiriyāya paṭiññā, sesānaṃ phalasacchikiriyāya paṭikkhepo paravādissa. Idha bhāvitamaggo hi anāgāmī idhavihāyaniṭṭho nāma hoti. So idha anāgāmimaggaṃ bhāvetvā ‘‘opapātiko tatthaparinibbāyī’’ti vacanato ‘‘puna maggabhāvanaṃ vinā upapattivaseneva arahattaphalaṃ sacchikarotī’’ti tassa laddhi. Sotāpannasakadāgāmino pana tattha maggaṃ bhāvetvā tatrupapattikā nāma hontīti tesaṃ idhāgamanaññeva natthi. Iti so anāgāmissa phalasacchikiriyaṃ puṭṭho paṭijānāti. Itaresaṃ paṭikkhipati.
анааг̇аамий буг̇г̇ало д̇ад̇т̇а бхаавид̇зна маг̇г̇знаад̇и бан̃хз ‘‘анааг̇аамино д̇ад̇т̇а маг̇г̇абхааванаава над̇т̇ий’’д̇и лад̣̇д̇хияаа бадигкибад̇и. маг̇г̇о жа бхаавийяад̇и, на жа гилзсаа бахийяанд̇ийд̇и бужчаа сагаваад̣̇исса , руубааважарамаг̇г̇ам̣ санд̇хааяа бадин̃н̃аа ид̇арасса. руубааважарамаг̇г̇зна хи со ид̇хавихааяанидто наама ж̇аад̇о.
Anāgāmī puggalo tattha bhāvitena maggenāti pañhe ‘‘anāgāmino tattha maggabhāvanāva natthī’’ti laddhiyā paṭikkhipati. Maggo ca bhāvīyati, na ca kilesā pahīyantīti pucchā sakavādissa , rūpāvacaramaggaṃ sandhāya paṭiññā itarassa. Rūpāvacaramaggena hi so idhavihāyaniṭṭho nāma jāto.
анааг̇аамий буг̇г̇ало гад̇агаран̣ийяод̇и бан̃хз ‘‘обабаад̇иго д̇ад̇т̇абариниб̣б̣ааяий’’д̇и важанад̇о убабад̇д̇ияаавасса гад̇агаран̣ийяаад̣̇ибхаавам̣ санд̇хааяа бадиж̇аанаад̇и. арахаад̇и бан̃хз ид̇хабариниб̣б̣ааяино арахад̇о васзнзва бадигкибад̇и. буна будто д̇ад̇т̇абариниб̣б̣ааяино васзна бадиж̇аанаад̇и.
Anāgāmī puggalo katakaraṇīyoti pañhe ‘‘opapātiko tatthaparinibbāyī’’ti vacanato upapattiyāvassa katakaraṇīyādibhāvaṃ sandhāya paṭijānāti. Arahāti pañhe idhaparinibbāyino arahato vaseneva paṭikkhipati. Puna puṭṭho tatthaparinibbāyino vasena paṭijānāti.
ад̇т̇и арахад̇о бунаб̣бхавод̇иаад̣̇ийсуби д̇ад̇т̇абариниб̣б̣ааяий ид̇хабариниб̣б̣ааяийнам̣ васзнзва ад̇т̇о взд̣̇ид̇аб̣б̣о. аббадивид̣̇д̇хаагуббова д̇ад̇т̇абариниб̣б̣ааяад̇ийд̇и будто ид̇хзва бхаавид̇зна маг̇г̇зна д̇асса агуббабадивзд̇хам̣ ижчанд̇о бадигкибад̇и.
Atthi arahato punabbhavotiādīsupi tatthaparinibbāyī idhaparinibbāyīnaṃ vaseneva attho veditabbo. Appaṭividdhākuppova tatthaparinibbāyatīti puṭṭho idheva bhāvitena maggena tassa akuppapaṭivedhaṃ icchanto paṭikkhipati.
яат̇аа миг̇од̇и батамам̣ уд̣̇аахаран̣ам̣ бараваад̣̇исса, д̣̇уд̇ияам̣ сагаваад̣̇исса. сзсам̣ саб̣б̣ад̇т̇а уд̇д̇аанад̇т̇амзваад̇и.
Yathā migoti paṭhamaṃ udāharaṇaṃ paravādissa, dutiyaṃ sakavādissa. Sesaṃ sabbattha uttānatthamevāti.
б̣рахмажарияагат̇аа нидтид̇аа.
Brahmacariyakathā niṭṭhitā.
3. од̇хисогат̇ааван̣н̣анаа
3. Odhisokathāvaṇṇanā
274. ид̣̇аани од̇хисогат̇аа наама ход̇и. д̇ад̇т̇а яз сод̇аабаннаад̣̇ийнам̣ наанаабхисамаяавасзна д̣̇угкад̣̇ассанаад̣̇ийхи од̇хисо од̇хисо згад̣̇зсзна згад̣̇зсзна гилзсаббахаанам̣ ижчанд̇и сзяяат̇ааби зд̇арахи саммид̇ияаад̣̇аяо, д̇зсам̣ д̇ам̣ лад̣̇д̇хим̣ бхинд̣̇ид̇ум̣ од̇хисод̇и бужчаа сагаваад̣̇исса, бадин̃н̃аа бараваад̣̇исса. буна ануяог̇о сагаваад̣̇исса, згад̣̇зсзна сод̇аабаннаад̣̇ибхаавасса абхаавад̇о бадигкзбо бараваад̣̇исса. иминаа убааязна саб̣б̣аваарзсу ад̇т̇о взд̣̇ид̇аб̣б̣од̇и.
274. Idāni odhisokathā nāma hoti. Tattha ye sotāpannādīnaṃ nānābhisamayavasena dukkhadassanādīhi odhiso odhiso ekadesena ekadesena kilesappahānaṃ icchanti seyyathāpi etarahi sammitiyādayo, tesaṃ taṃ laddhiṃ bhindituṃ odhisoti pucchā sakavādissa, paṭiññā paravādissa. Puna anuyogo sakavādissa, ekadesena sotāpannādibhāvassa abhāvato paṭikkhepo paravādissa. Iminā upāyena sabbavāresu attho veditabboti.
од̇хисогат̇ааван̣н̣анаа.
Odhisokathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 3. б̣рахмажарияагат̇аа • 3. Brahmacariyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā
3. б̣рахмажарияагат̇аа • 3. Brahmacariyakathā
4. од̇хисогат̇ааван̣н̣анаа • 4. Odhisokathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. б̣рахмажарияагат̇аа • 3. Brahmacariyakathā
