| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
26. б̣раахман̣аваг̇г̇о
26. Brāhmaṇavaggo
383.
383.
чинд̣̇а сод̇ам̣ бараггамма, гаамз бануд̣̇а б̣раахман̣а;
Chinda sotaṃ parakkamma, kāme panuda brāhmaṇa;
сан̇каараанам̣ каяам̣ н̃ад̇ваа, агад̇ан̃н̃ууси б̣раахман̣а.
Saṅkhārānaṃ khayaṃ ñatvā, akataññūsi brāhmaṇa.
384.
384.
яад̣̇аа д̣̇ваязсу д̇хаммзсу, баараг̇уу ход̇и б̣раахман̣о;
Yadā dvayesu dhammesu, pāragū hoti brāhmaṇo;
ат̇асса саб̣б̣з сам̣яог̇аа, ад̇т̇ам̣ г̇ажчанд̇и ж̇аанад̇о.
Athassa sabbe saṃyogā, atthaṃ gacchanti jānato.
385.
385.
яасса баарам̣ абаарам̣ ваа, баараабаарам̣ на виж̇ж̇ад̇и;
Yassa pāraṃ apāraṃ vā, pārāpāraṃ na vijjati;
вийд̇ад̣̇д̣̇арам̣ висам̣яуд̇д̇ам̣, д̇амахам̣ б̣рууми б̣раахман̣ам̣.
Vītaddaraṃ visaṃyuttaṃ, tamahaṃ brūmi brāhmaṇaṃ.
386.
386.
жхааяим̣ вираж̇амаасийнам̣, гад̇агижжаманаасавам̣;
Jhāyiṃ virajamāsīnaṃ, katakiccamanāsavaṃ;
уд̇д̇амад̇т̇амануббад̇д̇ам̣, д̇амахам̣ б̣рууми б̣раахман̣ам̣.
Uttamatthamanuppattaṃ, tamahaṃ brūmi brāhmaṇaṃ.
387.
387.
д̣̇иваа д̇абад̇и аад̣̇ижжо, рад̇д̇имаабхаад̇и жанд̣̇имаа;
Divā tapati ādicco, rattimābhāti candimā;
саннад̣̇д̇хо кад̇д̇ияо д̇абад̇и, жхааяий д̇абад̇и б̣раахман̣о;
Sannaddho khattiyo tapati, jhāyī tapati brāhmaṇo;
ат̇а саб̣б̣амахорад̇д̇им̣ 1, б̣уд̣̇д̇хо д̇абад̇и д̇зж̇асаа.
Atha sabbamahorattiṃ 2, buddho tapati tejasā.
388.
388.
б̣аахид̇абаабод̇и б̣раахман̣о, самажарияаа саман̣од̇и вужжад̇и;
Bāhitapāpoti brāhmaṇo, samacariyā samaṇoti vuccati;
баб̣б̣ааж̇аяамад̇д̇ано малам̣, д̇асмаа ‘‘баб̣б̣аж̇ид̇о’’д̇и вужжад̇и.
Pabbājayamattano malaṃ, tasmā ‘‘pabbajito’’ti vuccati.
389.
389.
на б̣раахман̣асса бахарзяяа, наасса мун̃жзт̇а б̣раахман̣о;
Na brāhmaṇassa pahareyya, nāssa muñcetha brāhmaṇo;
390.
390.
на б̣раахман̣ассзд̇ад̣̇агин̃жи сзяяо, яад̣̇аа нисзд̇хо манасо биязхи;
Na brāhmaṇassetadakiñci seyyo, yadā nisedho manaso piyehi;
яад̇о яад̇о хим̣самано нивад̇д̇ад̇и, д̇ад̇о д̇ад̇о саммад̇имзва д̣̇угкам̣.
Yato yato hiṃsamano nivattati, tato tato sammatimeva dukkhaṃ.
391.
391.
яасса гааязна ваажааяа, манасаа над̇т̇и д̣̇уггадам̣;
Yassa kāyena vācāya, manasā natthi dukkaṭaṃ;
сам̣вуд̇ам̣ д̇ийхи таанзхи, д̇амахам̣ б̣рууми б̣раахман̣ам̣.
Saṃvutaṃ tīhi ṭhānehi, tamahaṃ brūmi brāhmaṇaṃ.
392.
392.
яамхаа д̇хаммам̣ виж̇аанзяяа, саммаасамб̣уд̣̇д̇хад̣̇зсид̇ам̣;
Yamhā dhammaṃ vijāneyya, sammāsambuddhadesitaṃ;
саггажжам̣ д̇ам̣ намассзяяа, аг̇г̇ихуд̇д̇ам̣ва б̣раахман̣о.
Sakkaccaṃ taṃ namasseyya, aggihuttaṃva brāhmaṇo.
393.
393.
на ж̇адаахи на г̇од̇д̇зна, на ж̇ажжаа ход̇и б̣раахман̣о;
Na jaṭāhi na gottena, na jaccā hoti brāhmaṇo;
яамхи сажжан̃жа д̇хаммо жа, со сужий со жа б̣раахман̣о.
Yamhi saccañca dhammo ca, so sucī so ca brāhmaṇo.
394.
394.
гим̣ д̇з ж̇адаахи д̣̇уммзд̇ха, гим̣ д̇з аж̇инасаадияаа;
Kiṃ te jaṭāhi dummedha, kiṃ te ajinasāṭiyā;
аб̣бханд̇арам̣ д̇з г̇аханам̣, б̣аахирам̣ баримаж̇ж̇аси.
Abbhantaraṃ te gahanaṃ, bāhiraṃ parimajjasi.
395.
395.
бам̣сугуулад̇харам̣ ж̇анд̇ум̣, гисам̣ д̇хаманисант̇ад̇ам̣;
Paṃsukūladharaṃ jantuṃ, kisaṃ dhamanisanthataṃ;
згам̣ ванасмим̣ жхааяанд̇ам̣, д̇амахам̣ б̣рууми б̣раахман̣ам̣.
Ekaṃ vanasmiṃ jhāyantaṃ, tamahaṃ brūmi brāhmaṇaṃ.
396.
396.
на жаахам̣ б̣раахман̣ам̣ б̣рууми, яониж̇ам̣ мад̇д̇исамбхавам̣;
Na cāhaṃ brāhmaṇaṃ brūmi, yonijaṃ mattisambhavaṃ;
бховаад̣̇и наама со ход̇и, сажз ход̇и сагин̃жано;
Bhovādi nāma so hoti, sace hoti sakiñcano;
агин̃жанам̣ анаад̣̇аанам̣, д̇амахам̣ б̣рууми б̣раахман̣ам̣.
Akiñcanaṃ anādānaṃ, tamahaṃ brūmi brāhmaṇaṃ.
397.
397.
саб̣б̣асам̣яож̇анам̣ чзд̇ваа, яо вз на барид̇ассад̇и;
Sabbasaṃyojanaṃ chetvā, yo ve na paritassati;
сан̇г̇аад̇иг̇ам̣ висам̣яуд̇д̇ам̣, д̇амахам̣ б̣рууми б̣раахман̣ам̣.
Saṅgātigaṃ visaṃyuttaṃ, tamahaṃ brūmi brāhmaṇaṃ.
398.
398.
угкид̇д̇абалигхам̣ б̣уд̣̇д̇хам̣, д̇амахам̣ б̣рууми б̣раахман̣ам̣.
Ukkhittapalighaṃ buddhaṃ, tamahaṃ brūmi brāhmaṇaṃ.
399.
399.
аггосам̣ вад̇хаб̣анд̇хан̃жа, ад̣̇удто яо д̇ид̇игкад̇и;
Akkosaṃ vadhabandhañca, aduṭṭho yo titikkhati;
канд̇ийб̣алам̣ б̣алаанийгам̣, д̇амахам̣ б̣рууми б̣раахман̣ам̣.
Khantībalaṃ balānīkaṃ, tamahaṃ brūmi brāhmaṇaṃ.
400.
400.
аггод̇ханам̣ вад̇аванд̇ам̣, сийлаванд̇ам̣ ануссад̣̇ам̣;
Akkodhanaṃ vatavantaṃ, sīlavantaṃ anussadaṃ;
д̣̇анд̇ам̣ анд̇имасаарийрам̣, д̇амахам̣ б̣рууми б̣раахман̣ам̣.
Dantaṃ antimasārīraṃ, tamahaṃ brūmi brāhmaṇaṃ.
401.
401.
ваари богкарабад̇д̇зва, аараг̇г̇зрива саасабо;
Vāri pokkharapatteva, āraggeriva sāsapo;
яо на лимбад̇и 11 гаамзсу, д̇амахам̣ б̣рууми б̣раахман̣ам̣.
Yo na limpati 12 kāmesu, tamahaṃ brūmi brāhmaṇaṃ.
402.
402.
яо д̣̇угкасса баж̇аанаад̇и, ид̇хзва каяамад̇д̇ано;
Yo dukkhassa pajānāti, idheva khayamattano;
баннабхаарам̣ висам̣яуд̇д̇ам̣, д̇амахам̣ б̣рууми б̣раахман̣ам̣.
Pannabhāraṃ visaṃyuttaṃ, tamahaṃ brūmi brāhmaṇaṃ.
403.
403.
г̇амбхийрабан̃н̃ам̣ мзд̇хаавим̣, маг̇г̇аамаг̇г̇асса говид̣̇ам̣;
Gambhīrapaññaṃ medhāviṃ, maggāmaggassa kovidaṃ;
уд̇д̇амад̇т̇амануббад̇д̇ам̣, д̇амахам̣ б̣рууми б̣раахман̣ам̣.
Uttamatthamanuppattaṃ, tamahaṃ brūmi brāhmaṇaṃ.
404.
404.
асам̣садтам̣ г̇ахадтзхи, анааг̇аарзхи жуубхаяам̣;
Asaṃsaṭṭhaṃ gahaṭṭhehi, anāgārehi cūbhayaṃ;
аногасааримаббижчам̣, д̇амахам̣ б̣рууми б̣раахман̣ам̣.
Anokasārimappicchaṃ, tamahaṃ brūmi brāhmaṇaṃ.
405.
405.
нид̇хааяа д̣̇ан̣д̣ам̣ бхууд̇зсу, д̇асзсу т̇ааварзсу жа;
Nidhāya daṇḍaṃ bhūtesu, tasesu thāvaresu ca;
яо на ханд̇и на гхаад̇зд̇и, д̇амахам̣ б̣рууми б̣раахман̣ам̣.
Yo na hanti na ghāteti, tamahaṃ brūmi brāhmaṇaṃ.
406.
406.
авируд̣̇д̇хам̣ вируд̣̇д̇хзсу, ад̇д̇ад̣̇ан̣д̣зсу ниб̣б̣уд̇ам̣;
Aviruddhaṃ viruddhesu, attadaṇḍesu nibbutaṃ;
саад̣̇аанзсу анаад̣̇аанам̣, д̇амахам̣ б̣рууми б̣раахман̣ам̣.
Sādānesu anādānaṃ, tamahaṃ brūmi brāhmaṇaṃ.
407.
407.
яасса рааг̇о жа д̣̇осо жа, маано магко жа баад̇ид̇о;
Yassa rāgo ca doso ca, māno makkho ca pātito;
саасаборива аараг̇г̇аа 13, д̇амахам̣ б̣рууми б̣раахман̣ам̣.
Sāsaporiva āraggā 14, tamahaṃ brūmi brāhmaṇaṃ.
408.
408.
агаггасам̣ вин̃н̃аабаним̣, г̇ирам̣ сажжамуд̣̇ийраяз;
Akakkasaṃ viññāpaniṃ, giraṃ saccamudīraye;
яааяа наабхисаж̇з ган̃жи 15, д̇амахам̣ б̣рууми б̣раахман̣ам̣.
Yāya nābhisaje kañci 16, tamahaṃ brūmi brāhmaṇaṃ.
409.
409.
яод̇ха д̣̇ийгхам̣ ва рассам̣ ваа, ан̣ум̣ т̇уулам̣ субхаасубхам̣;
Yodha dīghaṃ va rassaṃ vā, aṇuṃ thūlaṃ subhāsubhaṃ;
логз ад̣̇иннам̣ наад̣̇ияад̇и 17, д̇амахам̣ б̣рууми б̣раахман̣ам̣.
Loke adinnaṃ nādiyati 18, tamahaṃ brūmi brāhmaṇaṃ.
410.
410.
аасаа яасса на виж̇ж̇анд̇и, асмим̣ логз барамхи жа;
Āsā yassa na vijjanti, asmiṃ loke paramhi ca;
нираасаасам̣ 19 висам̣яуд̇д̇ам̣, д̇амахам̣ б̣рууми б̣раахман̣ам̣.
Nirāsāsaṃ 20 visaṃyuttaṃ, tamahaṃ brūmi brāhmaṇaṃ.
411.
411.
яассаалаяаа на виж̇ж̇анд̇и, ан̃н̃ааяа агат̇ам̣гат̇ий;
Yassālayā na vijjanti, aññāya akathaṃkathī;
амад̇ог̇ад̇хамануббад̇д̇ам̣, д̇амахам̣ б̣рууми б̣раахман̣ам̣.
Amatogadhamanuppattaṃ, tamahaṃ brūmi brāhmaṇaṃ.
412.
412.
яод̇ха бун̃н̃ан̃жа баабан̃жа, убхо сан̇г̇амубажжаг̇аа;
Yodha puññañca pāpañca, ubho saṅgamupaccagā;
асогам̣ вираж̇ам̣ суд̣̇д̇хам̣, д̇амахам̣ б̣рууми б̣раахман̣ам̣.
Asokaṃ virajaṃ suddhaṃ, tamahaṃ brūmi brāhmaṇaṃ.
413.
413.
жанд̣̇ам̣ва вималам̣ суд̣̇д̇хам̣, виббасаннаманаавилам̣;
Candaṃva vimalaṃ suddhaṃ, vippasannamanāvilaṃ;
нанд̣̇ийбхавабаригкийн̣ам̣, д̇амахам̣ б̣рууми б̣раахман̣ам̣.
Nandībhavaparikkhīṇaṃ, tamahaṃ brūmi brāhmaṇaṃ.
414.
414.
яомам̣ 21 балибат̇ам̣ д̣̇уг̇г̇ам̣, сам̣саарам̣ мохамажжаг̇аа;
Yomaṃ 22 palipathaṃ duggaṃ, saṃsāraṃ mohamaccagā;
д̇ин̣н̣о баараг̇ад̇о 23 жхааяий, анзж̇о агат̇ам̣гат̇ий;
Tiṇṇo pāragato 24 jhāyī, anejo akathaṃkathī;
анубаад̣̇ааяа ниб̣б̣уд̇о, д̇амахам̣ б̣рууми б̣раахман̣ам̣.
Anupādāya nibbuto, tamahaṃ brūmi brāhmaṇaṃ.
415.
415.
гаамабхавабаригкийн̣ам̣, д̇амахам̣ б̣рууми б̣раахман̣ам̣ 27.
Kāmabhavaparikkhīṇaṃ, tamahaṃ brūmi brāhmaṇaṃ 28.
416.
416.
яод̇ха д̇ан̣хам̣ баханд̇ваана, анааг̇ааро бариб̣б̣аж̇з;
Yodha taṇhaṃ pahantvāna, anāgāro paribbaje;
д̇ан̣хаабхавабаригкийн̣ам̣ , д̇амахам̣ б̣рууми б̣раахман̣ам̣.
Taṇhābhavaparikkhīṇaṃ , tamahaṃ brūmi brāhmaṇaṃ.
417.
417.
хид̇ваа маанусагам̣ яог̇ам̣, д̣̇иб̣б̣ам̣ яог̇ам̣ убажжаг̇аа;
Hitvā mānusakaṃ yogaṃ, dibbaṃ yogaṃ upaccagā;
саб̣б̣аяог̇ависам̣яуд̇д̇ам̣, д̇амахам̣ б̣рууми б̣раахман̣ам̣.
Sabbayogavisaṃyuttaṃ, tamahaṃ brūmi brāhmaṇaṃ.
418.
418.
хид̇ваа рад̇ин̃жа арад̇ин̃жа, сийд̇ибхууд̇ам̣ нируубад̇хим̣;
Hitvā ratiñca aratiñca, sītibhūtaṃ nirūpadhiṃ;
саб̣б̣алогаабхибхум̣ вийрам̣, д̇амахам̣ б̣рууми б̣раахман̣ам̣.
Sabbalokābhibhuṃ vīraṃ, tamahaṃ brūmi brāhmaṇaṃ.
419.
419.
жуд̇им̣ яо взд̣̇и сад̇д̇аанам̣, убабад̇д̇ин̃жа саб̣б̣асо;
Cutiṃ yo vedi sattānaṃ, upapattiñca sabbaso;
асад̇д̇ам̣ суг̇ад̇ам̣ б̣уд̣̇д̇хам̣, д̇амахам̣ б̣рууми б̣раахман̣ам̣.
Asattaṃ sugataṃ buddhaṃ, tamahaṃ brūmi brāhmaṇaṃ.
420.
420.
яасса г̇ад̇им̣ на ж̇аананд̇и, д̣̇зваа г̇анд̇хаб̣б̣амаанусаа;
Yassa gatiṃ na jānanti, devā gandhabbamānusā;
кийн̣аасавам̣ араханд̇ам̣, д̇амахам̣ б̣рууми б̣раахман̣ам̣.
Khīṇāsavaṃ arahantaṃ, tamahaṃ brūmi brāhmaṇaṃ.
421.
421.
яасса бурз жа бажчаа жа, маж̇жхз жа над̇т̇и гин̃жанам̣;
Yassa pure ca pacchā ca, majjhe ca natthi kiñcanaṃ;
агин̃жанам̣ анаад̣̇аанам̣, д̇амахам̣ б̣рууми б̣раахман̣ам̣.
Akiñcanaṃ anādānaṃ, tamahaṃ brūmi brāhmaṇaṃ.
422.
422.
усабхам̣ баварам̣ вийрам̣, махзсим̣ виж̇ид̇аавинам̣;
Usabhaṃ pavaraṃ vīraṃ, mahesiṃ vijitāvinaṃ;
анзж̇ам̣ нхаад̇агам̣ 29 б̣уд̣̇д̇хам̣, д̇амахам̣ б̣рууми б̣раахман̣ам̣.
Anejaṃ nhātakaṃ 30 buddhaṃ, tamahaṃ brūmi brāhmaṇaṃ.
423.
423.
буб̣б̣зниваасам̣ яо взд̣̇и, саг̇г̇аабааяан̃жа бассад̇и,
Pubbenivāsaṃ yo vedi, saggāpāyañca passati,
ат̇о ж̇аад̇игкаяам̣ бад̇д̇о, абхин̃н̃аавосид̇о муни;
Atho jātikkhayaṃ patto, abhiññāvosito muni;
саб̣б̣авосид̇авосаанам̣, д̇амахам̣ б̣рууми б̣раахман̣ам̣.
Sabbavositavosānaṃ, tamahaṃ brūmi brāhmaṇaṃ.
б̣раахман̣аваг̇г̇о чаб̣б̣ийсад̇имо нидтид̇о.
Brāhmaṇavaggo chabbīsatimo niṭṭhito.
(зд̇д̇аавад̇аа саб̣б̣абатамз яамагаваг̇г̇з жуд̣̇д̣̇аса вад̇т̇ууни, аббамаад̣̇аваг̇г̇з нава, жид̇д̇аваг̇г̇з нава, бубпаваг̇г̇з д̣̇ваад̣̇аса, б̣аалаваг̇г̇з баннараса, бан̣д̣ид̇аваг̇г̇з згаад̣̇аса, араханд̇аваг̇г̇з д̣̇аса, сахассаваг̇г̇з жуд̣̇д̣̇аса, баабаваг̇г̇з д̣̇ваад̣̇аса, д̣̇ан̣д̣аваг̇г̇з згаад̣̇аса, ж̇арааваг̇г̇з нава, ад̇д̇аваг̇г̇з д̣̇аса, логаваг̇г̇з згаад̣̇аса, б̣уд̣̇д̇хаваг̇г̇з нава 31, сукаваг̇г̇з адта, бияаваг̇г̇з нава, год̇хаваг̇г̇з адта, малаваг̇г̇з д̣̇ваад̣̇аса, д̇хаммадтаваг̇г̇з д̣̇аса, маг̇г̇аваг̇г̇з д̣̇ваад̣̇аса, багин̣н̣агаваг̇г̇з нава, нираяаваг̇г̇з нава, нааг̇аваг̇г̇з адта, д̇ан̣хааваг̇г̇з д̣̇ваад̣̇аса, бхигкуваг̇г̇з д̣̇ваад̣̇аса, б̣раахман̣аваг̇г̇з жад̇д̇аалийсаад̇и бан̃жаад̇хигаани д̇ийн̣и вад̇т̇усад̇аани.
(Ettāvatā sabbapaṭhame yamakavagge cuddasa vatthūni, appamādavagge nava, cittavagge nava, pupphavagge dvādasa, bālavagge pannarasa, paṇḍitavagge ekādasa, arahantavagge dasa, sahassavagge cuddasa, pāpavagge dvādasa, daṇḍavagge ekādasa, jarāvagge nava, attavagge dasa, lokavagge ekādasa, buddhavagge nava 32, sukhavagge aṭṭha, piyavagge nava, kodhavagge aṭṭha, malavagge dvādasa, dhammaṭṭhavagge dasa, maggavagge dvādasa, pakiṇṇakavagge nava, nirayavagge nava, nāgavagge aṭṭha, taṇhāvagge dvādasa, bhikkhuvagge dvādasa, brāhmaṇavagge cattālīsāti pañcādhikāni tīṇi vatthusatāni.
сад̇звийсажад̇уссад̇аа, жад̇усажжавибхаавинаа;
Satevīsacatussatā, catusaccavibhāvinā;
сад̇ад̇д̇аяан̃жа вад̇т̇уунам̣, бан̃жаад̇хигам̣ самудтид̇аад̇и) 33.
Satattayañca vatthūnaṃ, pañcādhikaṃ samuṭṭhitāti) 34.
д̇хаммабад̣̇з ваг̇г̇аанамуд̣̇д̣̇аанам̣ –
Dhammapade vaggānamuddānaṃ –
яамагаббамаад̣̇о жид̇д̇ам̣, бубпам̣ б̣аалзна бан̣д̣ид̇о;
Yamakappamādo cittaṃ, pupphaṃ bālena paṇḍito;
араханд̇о сахассан̃жа, баабам̣ д̣̇ан̣д̣зна д̇з д̣̇аса.
Arahanto sahassañca, pāpaṃ daṇḍena te dasa.
ж̇араа ад̇д̇аа жа лого жа, б̣уд̣̇д̇хо сукам̣ биязна жа;
Jarā attā ca loko ca, buddho sukhaṃ piyena ca;
год̇хо малан̃жа д̇хаммадто, маг̇г̇аваг̇г̇зна вийсад̇и.
Kodho malañca dhammaṭṭho, maggavaggena vīsati.
багин̣н̣ам̣ нираяо нааг̇о, д̇ан̣хаа бхигку жа б̣раахман̣о;
Pakiṇṇaṃ nirayo nāgo, taṇhā bhikkhu ca brāhmaṇo;
зд̇з чаб̣б̣ийсад̇и ваг̇г̇аа, д̣̇зсид̇аад̣̇ижжаб̣анд̇хунаа.
Ete chabbīsati vaggā, desitādiccabandhunā.
г̇аат̇аанамуд̣̇д̣̇аанам̣ –
Gāthānamuddānaṃ –
яамагз вийсад̇и г̇аат̇аа, аббамаад̣̇амхи д̣̇ваад̣̇аса;
Yamake vīsati gāthā, appamādamhi dvādasa;
згаад̣̇аса жид̇д̇аваг̇г̇з, бубпаваг̇г̇амхи сол̣аса.
Ekādasa cittavagge, pupphavaggamhi soḷasa.
б̣аалз жа сол̣аса г̇аат̇аа, бан̣д̣ид̇амхи жад̇уд̣̇д̣̇аса;
Bāle ca soḷasa gāthā, paṇḍitamhi catuddasa;
араханд̇з д̣̇аса г̇аат̇аа, сахассз хонд̇и сол̣аса.
Arahante dasa gāthā, sahasse honti soḷasa.
д̇зраса баабаваг̇г̇амхи, д̣̇ан̣д̣амхи д̣̇аса сад̇д̇а жа;
Terasa pāpavaggamhi, daṇḍamhi dasa satta ca;
згаад̣̇аса ж̇араа ваг̇г̇з, ад̇д̇аваг̇г̇амхи д̇аа д̣̇аса.
Ekādasa jarā vagge, attavaggamhi tā dasa.
д̣̇ваад̣̇аса логаваг̇г̇амхи, б̣уд̣̇д̇хаваг̇г̇амхи таараса 37;
Dvādasa lokavaggamhi, buddhavaggamhi ṭhārasa 38;
сукз жа бияаваг̇г̇з жа, г̇аат̇ааяо хонд̇и д̣̇ваад̣̇аса.
Sukhe ca piyavagge ca, gāthāyo honti dvādasa.
жуд̣̇д̣̇аса год̇хаваг̇г̇амхи, малаваг̇г̇згавийсад̇и;
Cuddasa kodhavaggamhi, malavaggekavīsati;
сад̇д̇араса жа д̇хаммадтз, маг̇г̇аваг̇г̇з сад̇д̇араса.
Sattarasa ca dhammaṭṭhe, maggavagge sattarasa.
багин̣н̣з сол̣аса г̇аат̇аа, нираяз нааг̇з жа жуд̣̇д̣̇аса;
Pakiṇṇe soḷasa gāthā, niraye nāge ca cuddasa;
чаб̣б̣ийса д̇ан̣хааваг̇г̇амхи, д̇звийса бхигкуваг̇г̇игаа.
Chabbīsa taṇhāvaggamhi, tevīsa bhikkhuvaggikā.
згад̇аалийсаг̇аат̇ааяо, б̣раахман̣з ваг̇г̇амуд̇д̇амз;
Ekatālīsagāthāyo, brāhmaṇe vaggamuttame;
г̇аат̇аасад̇аани жад̇д̇аари, д̇звийса жа бунаабарз;
Gāthāsatāni cattāri, tevīsa ca punāpare;
д̇хаммабад̣̇з нибаад̇амхи, д̣̇зсид̇аад̣̇ижжаб̣анд̇хунаад̇и.
Dhammapade nipātamhi, desitādiccabandhunāti.
д̇хаммабад̣̇абаал̣и нидтид̇аа.
Dhammapadapāḷi niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 26. б̣раахман̣аваг̇г̇о • 26. Brāhmaṇavaggo
