| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. б̣рахманиманд̇анигасуд̇д̇ам̣
9. Brahmanimantanikasuttaṃ
501. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
501. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘згамид̣̇аахам̣, бхигкавз, самаяам̣ уггадтааяам̣ вихараами субхаг̇аванз сааларааж̇амуулз. д̇зна ко бана, бхигкавз, самаязна б̣агасса б̣рахмуно зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘ид̣̇ам̣ нижжам̣, ид̣̇ам̣ д̇хувам̣, ид̣̇ам̣ сассад̇ам̣, ид̣̇ам̣ гзвалам̣, ид̣̇ам̣ ажаванад̇хаммам̣, ид̣̇ан̃хи на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, ид̇о жа банан̃н̃ам̣ уд̇д̇ари ниссаран̣ам̣ над̇т̇ий’д̇и. ат̇а кваахам̣, бхигкавз, б̣агасса б̣рахмуно жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – уггадтааяам̣ субхаг̇аванз сааларааж̇амуулз анд̇арахид̇о д̇асмим̣ б̣рахмалогз баад̇урахосим̣. ад̣̇д̣̇асаа ко мам̣, бхигкавз, б̣аго б̣рахмаа д̣̇уурад̇ова ааг̇ажчанд̇ам̣; д̣̇исваана мам̣ зд̇ад̣̇авожа – ‘зхи ко, маариса, свааг̇ад̇ам̣, маариса! жирассам̣ ко, маариса, имам̣ барияааяамагааси яад̣̇ид̣̇ам̣ ид̇хааг̇аманааяа. ид̣̇ан̃хи, маариса, нижжам̣, ид̣̇ам̣ д̇хувам̣, ид̣̇ам̣ сассад̇ам̣, ид̣̇ам̣ гзвалам̣, ид̣̇ам̣ ажаванад̇хаммам̣, ид̣̇ан̃хи на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и. ид̇о жа банан̃н̃ам̣ уд̇д̇ари ниссаран̣ам̣ над̇т̇ий’’’д̇и.
‘‘Ekamidāhaṃ, bhikkhave, samayaṃ ukkaṭṭhāyaṃ viharāmi subhagavane sālarājamūle. Tena kho pana, bhikkhave, samayena bakassa brahmuno evarūpaṃ pāpakaṃ diṭṭhigataṃ uppannaṃ hoti – ‘idaṃ niccaṃ, idaṃ dhuvaṃ, idaṃ sassataṃ, idaṃ kevalaṃ, idaṃ acavanadhammaṃ, idañhi na jāyati na jīyati na mīyati na cavati na upapajjati, ito ca panaññaṃ uttari nissaraṇaṃ natthī’ti. Atha khvāhaṃ, bhikkhave, bakassa brahmuno cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – ukkaṭṭhāyaṃ subhagavane sālarājamūle antarahito tasmiṃ brahmaloke pāturahosiṃ. Addasā kho maṃ, bhikkhave, bako brahmā dūratova āgacchantaṃ; disvāna maṃ etadavoca – ‘ehi kho, mārisa, svāgataṃ, mārisa! Cirassaṃ kho, mārisa, imaṃ pariyāyamakāsi yadidaṃ idhāgamanāya. Idañhi, mārisa, niccaṃ, idaṃ dhuvaṃ, idaṃ sassataṃ, idaṃ kevalaṃ, idaṃ acavanadhammaṃ, idañhi na jāyati na jīyati na mīyati na cavati na upapajjati. Ito ca panaññaṃ uttari nissaraṇaṃ natthī’’’ti.
звам̣ вуд̇д̇з, ахам̣, бхигкавз, б̣агам̣ б̣рахмаанам̣ зд̇ад̣̇авожам̣ – ‘‘авиж̇ж̇ааг̇ад̇о вад̇а, бхо, б̣аго б̣рахмаа; авиж̇ж̇ааг̇ад̇о вад̇а, бхо, б̣аго б̣рахмаа; яад̇ра хи наама анижжам̣язва самаанам̣ нижжанд̇и вагкад̇и, ад̣̇д̇хувам̣язва самаанам̣ д̇хуванд̇и вагкад̇и, асассад̇ам̣язва самаанам̣ сассад̇анд̇и вагкад̇и, агзвалам̣язва самаанам̣ гзваланд̇и вагкад̇и, жаванад̇хаммам̣язва самаанам̣ ажаванад̇хамманд̇и вагкад̇и; яад̇т̇а жа бана ж̇ааяад̇и ж̇ийяад̇и мийяад̇и жавад̇и убабаж̇ж̇ад̇и д̇ан̃жа вагкад̇и – ‘ид̣̇ан̃хи на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇ий’д̇и; санд̇ан̃жа банан̃н̃ам̣ уд̇д̇ари ниссаран̣ам̣ ‘над̇т̇ан̃н̃ам̣ уд̇д̇ари ниссаран̣а’нд̇и вагкад̇ий’’д̇и.
Evaṃ vutte, ahaṃ, bhikkhave, bakaṃ brahmānaṃ etadavocaṃ – ‘‘avijjāgato vata, bho, bako brahmā; avijjāgato vata, bho, bako brahmā; yatra hi nāma aniccaṃyeva samānaṃ niccanti vakkhati, addhuvaṃyeva samānaṃ dhuvanti vakkhati, asassataṃyeva samānaṃ sassatanti vakkhati, akevalaṃyeva samānaṃ kevalanti vakkhati, cavanadhammaṃyeva samānaṃ acavanadhammanti vakkhati; yattha ca pana jāyati jīyati mīyati cavati upapajjati tañca vakkhati – ‘idañhi na jāyati na jīyati na mīyati na cavati na upapajjatī’ti; santañca panaññaṃ uttari nissaraṇaṃ ‘natthaññaṃ uttari nissaraṇa’nti vakkhatī’’ti.
502. ‘‘ат̇а ко, бхигкавз, мааро баабимаа ан̃н̃ад̇арам̣ б̣рахмабаарисаж̇ж̇ам̣ анваависид̇ваа мам̣ зд̇ад̣̇авожа – ‘бхигку, бхигку, мзд̇амаасад̣̇о мзд̇амаасад̣̇о, зсо хи, бхигку, б̣рахмаа махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий иссаро гад̇д̇аа ниммаад̇аа сздто саж̇ид̇аа 1 васий бид̇аа бхууд̇абхаб̣яаанам̣. ахзсум̣ ко яз, бхигку, д̇аяаа буб̣б̣з саман̣аб̣раахман̣аа логасмим̣ бат̇авийг̇арахагаа бат̇авийж̇иг̇ужчагаа, аабаг̇арахагаа аабаж̇иг̇ужчагаа, д̇зж̇аг̇арахагаа д̇зж̇аж̇иг̇ужчагаа, вааяаг̇арахагаа вааяаж̇иг̇ужчагаа, бхууд̇аг̇арахагаа бхууд̇аж̇иг̇ужчагаа, д̣̇зваг̇арахагаа д̣̇зваж̇иг̇ужчагаа, баж̇аабад̇иг̇арахагаа баж̇аабад̇иж̇иг̇ужчагаа, б̣рахмаг̇арахагаа б̣рахмаж̇иг̇ужчагаа – д̇з гааяасса бхзд̣̇аа баан̣убажчзд̣̇аа хийнз гааяз бад̇идтид̇аа ахзсум̣. яз бана, бхигку, д̇аяаа буб̣б̣з саман̣аб̣раахман̣аа логасмим̣ бат̇авийбасам̣сагаа бат̇аваабхинанд̣̇ино, аабабасам̣сагаа аабаабхинанд̣̇ино, д̇зж̇абасам̣сагаа д̇зж̇аабхинанд̣̇ино, вааяабасам̣сагаа вааяаабхинанд̣̇ино, бхууд̇абасам̣сагаа бхууд̇аабхинанд̣̇ино, д̣̇звабасам̣сагаа д̣̇зваабхинанд̣̇ино, баж̇аабад̇ибасам̣сагаа баж̇аабад̇аабхинанд̣̇ино, б̣рахмабасам̣сагаа б̣рахмаабхинанд̣̇ино – д̇з гааяасса бхзд̣̇аа баан̣убажчзд̣̇аа бан̣ийд̇з гааяз бад̇идтид̇аа. д̇ам̣ д̇аахам̣, бхигку, звам̣ вад̣̇аами – ‘ин̇гха д̇вам̣, маариса, яад̣̇зва д̇з б̣рахмаа ааха д̇ад̣̇зва д̇вам̣ гарохи, маа д̇вам̣ б̣рахмуно важанам̣ убаад̇ивад̇д̇ид̇т̇о’. сажз ко д̇вам̣, бхигку, б̣рахмуно важанам̣ убаад̇ивад̇д̇иссаси, сзяяат̇ааби наама бурисо сирим̣ ааг̇ажчанд̇им̣ д̣̇ан̣д̣зна бадиббан̣аамзяяа, сзяяат̇ааби ваа бана, бхигку, бурисо нарагаббабаад̇з бабад̇анд̇о хад̇т̇зхи жа баад̣̇зхи жа бат̇авим̣ вираад̇хзяяа, звам̣ самбад̣̇амид̣̇ам̣, бхигку, д̇уяхам̣ бхависсад̇и. ‘ин̇гхам̣ д̇вам̣, маариса, яад̣̇зва д̇з б̣рахмаа ааха д̇ад̣̇зва д̇вам̣ гарохи, маа д̇вам̣ б̣рахмуно важанам̣ убаад̇ивад̇д̇ид̇т̇о. нану д̇вам̣, бхигку, бассаси б̣рахмабарисам̣ саннибад̇ид̇а’нд̇и? ид̇и ко мам̣, бхигкавз, мааро баабимаа б̣рахмабарисам̣ убанзси.
502. ‘‘Atha kho, bhikkhave, māro pāpimā aññataraṃ brahmapārisajjaṃ anvāvisitvā maṃ etadavoca – ‘bhikkhu, bhikkhu, metamāsado metamāsado, eso hi, bhikkhu, brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā 2 vasī pitā bhūtabhabyānaṃ. Ahesuṃ kho ye, bhikkhu, tayā pubbe samaṇabrāhmaṇā lokasmiṃ pathavīgarahakā pathavījigucchakā, āpagarahakā āpajigucchakā, tejagarahakā tejajigucchakā, vāyagarahakā vāyajigucchakā, bhūtagarahakā bhūtajigucchakā, devagarahakā devajigucchakā, pajāpatigarahakā pajāpatijigucchakā, brahmagarahakā brahmajigucchakā – te kāyassa bhedā pāṇupacchedā hīne kāye patiṭṭhitā ahesuṃ. Ye pana, bhikkhu, tayā pubbe samaṇabrāhmaṇā lokasmiṃ pathavīpasaṃsakā pathavābhinandino, āpapasaṃsakā āpābhinandino, tejapasaṃsakā tejābhinandino, vāyapasaṃsakā vāyābhinandino, bhūtapasaṃsakā bhūtābhinandino, devapasaṃsakā devābhinandino, pajāpatipasaṃsakā pajāpatābhinandino, brahmapasaṃsakā brahmābhinandino – te kāyassa bhedā pāṇupacchedā paṇīte kāye patiṭṭhitā. Taṃ tāhaṃ, bhikkhu, evaṃ vadāmi – ‘iṅgha tvaṃ, mārisa, yadeva te brahmā āha tadeva tvaṃ karohi, mā tvaṃ brahmuno vacanaṃ upātivattittho’. Sace kho tvaṃ, bhikkhu, brahmuno vacanaṃ upātivattissasi, seyyathāpi nāma puriso siriṃ āgacchantiṃ daṇḍena paṭippaṇāmeyya, seyyathāpi vā pana, bhikkhu, puriso narakappapāte papatanto hatthehi ca pādehi ca pathaviṃ virādheyya, evaṃ sampadamidaṃ, bhikkhu, tuyhaṃ bhavissati. ‘Iṅghaṃ tvaṃ, mārisa, yadeva te brahmā āha tadeva tvaṃ karohi, mā tvaṃ brahmuno vacanaṃ upātivattittho. Nanu tvaṃ, bhikkhu, passasi brahmaparisaṃ sannipatita’nti? Iti kho maṃ, bhikkhave, māro pāpimā brahmaparisaṃ upanesi.
‘‘звам̣ вуд̇д̇з, ахам̣, бхигкавз, маарам̣ баабиманд̇ам̣ зд̇ад̣̇авожам̣ – ‘ж̇аанаами ко д̇аахам̣, баабима; маа д̇вам̣ ман̃н̃ид̇т̇о – на мам̣ ж̇аанаад̇ий’д̇и. мааро д̇вамаси, баабима. яо жзва, баабима, б̣рахмаа, яаа жа б̣рахмабарисаа, яз жа б̣рахмабаарисаж̇ж̇аа, саб̣б̣зва д̇ава хад̇т̇аг̇ад̇аа саб̣б̣зва д̇ава васам̣г̇ад̇аа. д̇уяхан̃хи, баабима, звам̣ ход̇и – ‘зсоби мз асса хад̇т̇аг̇ад̇о, зсоби мз асса васам̣г̇ад̇о’д̇и. ахам̣ ко бана, баабима, нзва д̇ава хад̇т̇аг̇ад̇о нзва д̇ава васам̣г̇ад̇о’’д̇и.
‘‘Evaṃ vutte, ahaṃ, bhikkhave, māraṃ pāpimantaṃ etadavocaṃ – ‘jānāmi kho tāhaṃ, pāpima; mā tvaṃ maññittho – na maṃ jānātī’ti. Māro tvamasi, pāpima. Yo ceva, pāpima, brahmā, yā ca brahmaparisā, ye ca brahmapārisajjā, sabbeva tava hatthagatā sabbeva tava vasaṃgatā. Tuyhañhi, pāpima, evaṃ hoti – ‘esopi me assa hatthagato, esopi me assa vasaṃgato’ti. Ahaṃ kho pana, pāpima, neva tava hatthagato neva tava vasaṃgato’’ti.
503. ‘‘звам̣ вуд̇д̇з, бхигкавз, б̣аго б̣рахмаа мам̣ зд̇ад̣̇авожа – ‘ахан̃хи, маариса, нижжам̣язва самаанам̣ нижжанд̇и вад̣̇аами, д̇хувам̣язва самаанам̣ д̇хуванд̇и вад̣̇аами, сассад̇ам̣язва самаанам̣ сассад̇анд̇и вад̣̇аами, гзвалам̣язва самаанам̣ гзваланд̇и вад̣̇аами, ажаванад̇хаммам̣язва самаанам̣ ажаванад̇хамма’нд̇и вад̣̇аами, яад̇т̇а жа бана на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и д̇ад̣̇зваахам̣ вад̣̇аами – ‘ид̣̇ан̃хи на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇ий’д̇и. асанд̇ан̃жа банан̃н̃ам̣ уд̇д̇ари ниссаран̣ам̣ ‘над̇т̇ан̃н̃ам̣ уд̇д̇ари ниссаран̣а’нд̇и вад̣̇аами. ахзсум̣ ко, бхигку, д̇аяаа буб̣б̣з саман̣аб̣раахман̣аа логасмим̣ яаавад̇агам̣ д̇уяхам̣ гасин̣ам̣ ааяу д̇аавад̇агам̣ д̇зсам̣ д̇абогаммамзва ахоси. д̇з ко звам̣ ж̇аанзяяум̣ – ‘санд̇ан̃жа банан̃н̃ам̣ уд̇д̇ари ниссаран̣ам̣ ад̇т̇ан̃н̃ам̣ уд̇д̇ари ниссаран̣анд̇и, асанд̇ам̣ ваа ан̃н̃ам̣ уд̇д̇ари ниссаран̣ам̣ над̇т̇ан̃н̃ам̣ уд̇д̇ари ниссаран̣а’нд̇и. д̇ам̣ д̇аахам̣, бхигку, звам̣ вад̣̇аами – ‘на жзван̃н̃ам̣ уд̇д̇ари ниссаран̣ам̣ д̣̇агкиссаси, яаавад̣̇зва жа бана гиламат̇асса вигхаад̇асса бхааг̇ий бхависсаси. сажз ко д̇вам̣, бхигку, бат̇авим̣ аж̇жхосиссаси, обасааяиго мз бхависсаси вад̇т̇усааяиго, яат̇аагаамагаран̣ийяо б̣аахид̇зяяо. сажз аабам̣… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣ аж̇жхосиссаси, обасааяиго мз бхависсаси вад̇т̇усааяиго, яат̇аагаамагаран̣ийяо б̣аахид̇зяяо’д̇и.
503. ‘‘Evaṃ vutte, bhikkhave, bako brahmā maṃ etadavoca – ‘ahañhi, mārisa, niccaṃyeva samānaṃ niccanti vadāmi, dhuvaṃyeva samānaṃ dhuvanti vadāmi, sassataṃyeva samānaṃ sassatanti vadāmi, kevalaṃyeva samānaṃ kevalanti vadāmi, acavanadhammaṃyeva samānaṃ acavanadhamma’nti vadāmi, yattha ca pana na jāyati na jīyati na mīyati na cavati na upapajjati tadevāhaṃ vadāmi – ‘idañhi na jāyati na jīyati na mīyati na cavati na upapajjatī’ti. Asantañca panaññaṃ uttari nissaraṇaṃ ‘natthaññaṃ uttari nissaraṇa’nti vadāmi. Ahesuṃ kho, bhikkhu, tayā pubbe samaṇabrāhmaṇā lokasmiṃ yāvatakaṃ tuyhaṃ kasiṇaṃ āyu tāvatakaṃ tesaṃ tapokammameva ahosi. Te kho evaṃ jāneyyuṃ – ‘santañca panaññaṃ uttari nissaraṇaṃ atthaññaṃ uttari nissaraṇanti, asantaṃ vā aññaṃ uttari nissaraṇaṃ natthaññaṃ uttari nissaraṇa’nti. Taṃ tāhaṃ, bhikkhu, evaṃ vadāmi – ‘na cevaññaṃ uttari nissaraṇaṃ dakkhissasi, yāvadeva ca pana kilamathassa vighātassa bhāgī bhavissasi. Sace kho tvaṃ, bhikkhu, pathaviṃ ajjhosissasi, opasāyiko me bhavissasi vatthusāyiko, yathākāmakaraṇīyo bāhiteyyo. Sace āpaṃ… tejaṃ… vāyaṃ… bhūte… deve… pajāpatiṃ… brahmaṃ ajjhosissasi, opasāyiko me bhavissasi vatthusāyiko, yathākāmakaraṇīyo bāhiteyyo’ti.
‘‘ахамби ко звам̣, б̣рахмз, ж̇аанаами – сажз бат̇авим̣ аж̇жхосиссаами, обасааяиго д̇з бхависсаами вад̇т̇усааяиго, яат̇аагаамагаран̣ийяо б̣аахид̇зяяо. ‘сажз аабам̣… д̇зж̇ам̣… вааяам̣… бхууд̇з… д̣̇звз… баж̇аабад̇им̣… б̣рахмам̣ аж̇жхосиссаами, обасааяиго д̇з бхависсаами вад̇т̇усааяиго, яат̇аагаамагаран̣ийяо б̣аахид̇зяяо’д̇и аби жа д̇з ахам̣, б̣рахмз, г̇ад̇ин̃жа баж̇аанаами, ж̇уд̇ин̃жа баж̇аанаами – звам̣ махид̣̇д̇хиго б̣аго б̣рахмаа, звам̣ махаанубхааво б̣аго б̣рахмаа, звам̣ махзсагко б̣аго б̣рахмаа’’д̇и.
‘‘Ahampi kho evaṃ, brahme, jānāmi – sace pathaviṃ ajjhosissāmi, opasāyiko te bhavissāmi vatthusāyiko, yathākāmakaraṇīyo bāhiteyyo. ‘Sace āpaṃ… tejaṃ… vāyaṃ… bhūte… deve… pajāpatiṃ… brahmaṃ ajjhosissāmi, opasāyiko te bhavissāmi vatthusāyiko, yathākāmakaraṇīyo bāhiteyyo’ti api ca te ahaṃ, brahme, gatiñca pajānāmi, jutiñca pajānāmi – evaṃ mahiddhiko bako brahmā, evaṃ mahānubhāvo bako brahmā, evaṃ mahesakkho bako brahmā’’ti.
‘‘яат̇аагат̇ам̣ бана мз д̇вам̣, маариса, г̇ад̇ин̃жа баж̇аанааси, ж̇уд̇ин̃жа баж̇аанааси – ‘звам̣ махид̣̇д̇хиго б̣аго б̣рахмаа, звам̣ махаанубхааво б̣аго б̣рахмаа, звам̣ махзсагко б̣аго б̣рахмаа’д̇и?
‘‘Yathākathaṃ pana me tvaṃ, mārisa, gatiñca pajānāsi, jutiñca pajānāsi – ‘evaṃ mahiddhiko bako brahmā, evaṃ mahānubhāvo bako brahmā, evaṃ mahesakkho bako brahmā’ti?
‘‘яаавад̇аа жанд̣̇имасуурияаа, барихаранд̇и д̣̇исаа бханд̇и вирожанаа;
‘‘Yāvatā candimasūriyā, pariharanti disā bhanti virocanā;
д̇аава сахассад̇хаа лого, зд̇т̇а д̇з вад̇д̇ад̇з 3 васо.
Tāva sahassadhā loko, ettha te vattate 4 vaso.
ид̇т̇абхааван̃н̃ат̇аабхаавам̣, сад̇д̇аанам̣ ааг̇ад̇им̣ г̇ад̇и’’нд̇и.
Itthabhāvaññathābhāvaṃ, sattānaṃ āgatiṃ gati’’nti.
‘‘звам̣ ко д̇з ахам̣, б̣рахмз, г̇ад̇ин̃жа баж̇аанаами ж̇уд̇ин̃жа баж̇аанаами – ‘звам̣ махид̣̇д̇хиго б̣аго б̣рахмаа, звам̣ махаанубхааво б̣аго б̣рахмаа, звам̣ махзсагко б̣аго б̣рахмаа’д̇и.
‘‘Evaṃ kho te ahaṃ, brahme, gatiñca pajānāmi jutiñca pajānāmi – ‘evaṃ mahiddhiko bako brahmā, evaṃ mahānubhāvo bako brahmā, evaṃ mahesakkho bako brahmā’ti.
504. ‘‘ад̇т̇и ко, б̣рахмз, ан̃н̃о гааяо, д̇ам̣ д̇вам̣ на ж̇аанааси на бассаси; д̇амахам̣ ж̇аанаами бассаами. ад̇т̇и ко, б̣рахмз, аабхассараа наама гааяо яад̇о д̇вам̣ жуд̇о ид̇хуубабанно. д̇асса д̇з ад̇ижираниваасзна саа сад̇и бамудтаа, д̇зна д̇ам̣ д̇вам̣ на ж̇аанааси на бассаси; д̇амахам̣ ж̇аанаами бассаами. звамби ко ахам̣, б̣рахмз, нзва д̇з самасамо абхин̃н̃ааяа, гуд̇о нийжзяяам̣? ат̇а ко ахамзва д̇аяаа бхияяо. ад̇т̇и ко, б̣рахмз, субхагин̣хо наама гааяо, взхабпало наама гааяо, абхибхуу наама гааяо, д̇ам̣ д̇вам̣ на ж̇аанааси на бассаси; д̇амахам̣ ж̇аанаами бассаами. звамби ко ахам̣, б̣рахмз, нзва д̇з самасамо абхин̃н̃ааяа, гуд̇о нийжзяяам̣? ат̇а ко ахамзва д̇аяаа бхияяо. бат̇авим̣ ко ахам̣, б̣рахмз, бат̇авид̇о абхин̃н̃ааяа яаавад̇аа бат̇авияаа бат̇авад̇д̇зна ананубхууд̇ам̣ д̇ад̣̇абхин̃н̃ааяа бат̇авим̣ наабахосим̣, бат̇авияаа наабахосим̣, бат̇авид̇о наабахосим̣, бат̇авим̣ мзд̇и наабахосим̣, бат̇авим̣ наабхивад̣̇им̣. звамби ко ахам̣, б̣рахмз, нзва д̇з самасамо абхин̃н̃ааяа, гуд̇о нийжзяяам̣? ат̇а ко ахамзва д̇аяаа бхияяо. аабам̣ ко ахам̣, б̣рахмз…бз… д̇зж̇ам̣ ко ахам̣, б̣рахмз…бз… вааяам̣ ко ахам̣, б̣рахмз…бз… бхууд̇з ко ахам̣, б̣рахмз…бз… д̣̇звз ко ахам̣, б̣рахмз…бз… баж̇аабад̇им̣ ко ахам̣, б̣рахмз…бз… б̣рахмам̣ ко ахам̣, б̣рахмз…бз… аабхассарз ко ахам̣, б̣рахмз…бз… субхагин̣хз ко ахам̣, б̣рахмз… …бз… взхабпалз ко ахам̣, б̣рахмз…бз… абхибхум̣ ко ахам̣, б̣рахмз…бз… саб̣б̣ам̣ ко ахам̣, б̣рахмз, саб̣б̣ад̇о абхин̃н̃ааяа яаавад̇аа саб̣б̣асса саб̣б̣ад̇д̇зна ананубхууд̇ам̣ д̇ад̣̇абхин̃н̃ааяа саб̣б̣ам̣ наабахосим̣ саб̣б̣асмим̣ наабахосим̣ саб̣б̣ад̇о наабахосим̣ саб̣б̣ам̣ мзд̇и наабахосим̣, саб̣б̣ам̣ наабхивад̣̇им̣. звамби ко ахам̣, б̣рахмз, нзва д̇з самасамо абхин̃н̃ааяа, гуд̇о нийжзяяам̣? ат̇а ко ахамзва д̇аяаа бхияяо’’д̇и.
504. ‘‘Atthi kho, brahme, añño kāyo, taṃ tvaṃ na jānāsi na passasi; tamahaṃ jānāmi passāmi. Atthi kho, brahme, ābhassarā nāma kāyo yato tvaṃ cuto idhūpapanno. Tassa te aticiranivāsena sā sati pamuṭṭhā, tena taṃ tvaṃ na jānāsi na passasi; tamahaṃ jānāmi passāmi. Evampi kho ahaṃ, brahme, neva te samasamo abhiññāya, kuto nīceyyaṃ? Atha kho ahameva tayā bhiyyo. Atthi kho, brahme, subhakiṇho nāma kāyo, vehapphalo nāma kāyo, abhibhū nāma kāyo, taṃ tvaṃ na jānāsi na passasi; tamahaṃ jānāmi passāmi. Evampi kho ahaṃ, brahme, neva te samasamo abhiññāya, kuto nīceyyaṃ? Atha kho ahameva tayā bhiyyo. Pathaviṃ kho ahaṃ, brahme, pathavito abhiññāya yāvatā pathaviyā pathavattena ananubhūtaṃ tadabhiññāya pathaviṃ nāpahosiṃ, pathaviyā nāpahosiṃ, pathavito nāpahosiṃ, pathaviṃ meti nāpahosiṃ, pathaviṃ nābhivadiṃ. Evampi kho ahaṃ, brahme, neva te samasamo abhiññāya, kuto nīceyyaṃ? Atha kho ahameva tayā bhiyyo. Āpaṃ kho ahaṃ, brahme…pe… tejaṃ kho ahaṃ, brahme…pe… vāyaṃ kho ahaṃ, brahme…pe… bhūte kho ahaṃ, brahme…pe… deve kho ahaṃ, brahme…pe… pajāpatiṃ kho ahaṃ, brahme…pe… brahmaṃ kho ahaṃ, brahme…pe… ābhassare kho ahaṃ, brahme…pe… subhakiṇhe kho ahaṃ, brahme… …pe… vehapphale kho ahaṃ, brahme…pe… abhibhuṃ kho ahaṃ, brahme…pe… sabbaṃ kho ahaṃ, brahme, sabbato abhiññāya yāvatā sabbassa sabbattena ananubhūtaṃ tadabhiññāya sabbaṃ nāpahosiṃ sabbasmiṃ nāpahosiṃ sabbato nāpahosiṃ sabbaṃ meti nāpahosiṃ, sabbaṃ nābhivadiṃ. Evampi kho ahaṃ, brahme, neva te samasamo abhiññāya, kuto nīceyyaṃ? Atha kho ahameva tayā bhiyyo’’ti.
‘‘сажз ко, маариса, саб̣б̣асса саб̣б̣ад̇д̇зна ананубхууд̇ам̣, д̇ад̣̇абхин̃н̃ааяа маа хзва д̇з рид̇д̇агамзва ахоси, д̇ужчагамзва ахосий’’д̇и .
‘‘Sace kho, mārisa, sabbassa sabbattena ananubhūtaṃ, tadabhiññāya mā heva te rittakameva ahosi, tucchakameva ahosī’’ti .
‘‘‘вин̃н̃аан̣ам̣ анид̣̇ассанам̣ ананд̇ам̣ саб̣б̣ад̇о бабхам̣’, д̇ам̣ бат̇авияаа бат̇авад̇д̇зна ананубхууд̇ам̣, аабасса аабад̇д̇зна ананубхууд̇ам̣, д̇зж̇асса д̇зж̇ад̇д̇зна ананубхууд̇ам̣, вааяасса вааяад̇д̇зна ананубхууд̇ам̣, бхууд̇аанам̣ бхууд̇ад̇д̇зна ананубхууд̇ам̣, д̣̇зваанам̣ д̣̇звад̇д̇зна ананубхууд̇ам̣, баж̇аабад̇исса баж̇аабад̇ид̇д̇зна ананубхууд̇ам̣, б̣рахмаанам̣ б̣рахмад̇д̇зна ананубхууд̇ам̣, аабхассараанам̣ аабхассарад̇д̇зна ананубхууд̇ам̣, субхагин̣хаанам̣ субхагин̣хад̇д̇зна ананубхууд̇ам̣, взхабпалаанам̣ взхабпалад̇д̇з ананубхууд̇ам̣, абхибхусса абхибхуд̇д̇зна ананубхууд̇ам̣, саб̣б̣асса саб̣б̣ад̇д̇зна ананубхууд̇ам̣’’.
‘‘‘Viññāṇaṃ anidassanaṃ anantaṃ sabbato pabhaṃ’, taṃ pathaviyā pathavattena ananubhūtaṃ, āpassa āpattena ananubhūtaṃ, tejassa tejattena ananubhūtaṃ, vāyassa vāyattena ananubhūtaṃ, bhūtānaṃ bhūtattena ananubhūtaṃ, devānaṃ devattena ananubhūtaṃ, pajāpatissa pajāpatittena ananubhūtaṃ, brahmānaṃ brahmattena ananubhūtaṃ, ābhassarānaṃ ābhassarattena ananubhūtaṃ, subhakiṇhānaṃ subhakiṇhattena ananubhūtaṃ, vehapphalānaṃ vehapphalatte ananubhūtaṃ, abhibhussa abhibhuttena ananubhūtaṃ, sabbassa sabbattena ananubhūtaṃ’’.
‘‘ханд̣̇а жарахи 7 д̇з, маариса, басса анд̇арад̇хааяаамий’’д̇и. ‘ханд̣̇а жарахи мз д̇вам̣, б̣рахмз, анд̇арад̇хааяассу, сажз висахасий’д̇и. ат̇а ко, бхигкавз, б̣аго б̣рахмаа ‘анд̇арад̇хааяиссаами саман̣асса г̇од̇амасса, анд̇арад̇хааяиссаами саман̣асса г̇од̇амассаа’д̇и нзвассу мз саггод̇и анд̇арад̇хааяид̇ум̣.
‘‘Handa carahi 8 te, mārisa, passa antaradhāyāmī’’ti. ‘Handa carahi me tvaṃ, brahme, antaradhāyassu, sace visahasī’ti. Atha kho, bhikkhave, bako brahmā ‘antaradhāyissāmi samaṇassa gotamassa, antaradhāyissāmi samaṇassa gotamassā’ti nevassu me sakkoti antaradhāyituṃ.
‘‘звам̣ вуд̇д̇з, ахам̣, бхигкавз, б̣агам̣ б̣рахмаанам̣ зд̇ад̣̇авожам̣ – ‘ханд̣̇а жарахи д̇з б̣рахмз анд̇арад̇хааяаамий’д̇и. ‘ханд̣̇а жарахи мз д̇вам̣, маариса, анд̇арад̇хааяассу сажз висахасий’д̇и. ат̇а ко ахам̣, бхигкавз, д̇ат̇ааруубам̣ ид̣̇д̇хаабхисан̇каарам̣ абхисан̇каасим̣ – ‘зд̇д̇аавад̇аа б̣рахмаа жа б̣рахмабарисаа жа б̣рахмабаарисаж̇ж̇аа жа сад̣̇д̣̇ан̃жа мз соссанд̇и 9, на жа мам̣ д̣̇агканд̇ий’д̇и. анд̇арахид̇о имам̣ г̇аат̇ам̣ абхаасим̣ –
‘‘Evaṃ vutte, ahaṃ, bhikkhave, bakaṃ brahmānaṃ etadavocaṃ – ‘handa carahi te brahme antaradhāyāmī’ti. ‘Handa carahi me tvaṃ, mārisa, antaradhāyassu sace visahasī’ti. Atha kho ahaṃ, bhikkhave, tathārūpaṃ iddhābhisaṅkhāraṃ abhisaṅkhāsiṃ – ‘ettāvatā brahmā ca brahmaparisā ca brahmapārisajjā ca saddañca me sossanti 10, na ca maṃ dakkhantī’ti. Antarahito imaṃ gāthaṃ abhāsiṃ –
‘‘бхавзваахам̣ бхаяам̣ д̣̇исваа, бхаван̃жа вибхавзсинам̣;
‘‘Bhavevāhaṃ bhayaṃ disvā, bhavañca vibhavesinaṃ;
бхавам̣ наабхивад̣̇им̣ гин̃жи, нанд̣̇ин̃жа на убаад̣̇ияи’’нд̇и.
Bhavaṃ nābhivadiṃ kiñci, nandiñca na upādiyi’’nti.
‘‘ат̇а ко, бхигкавз, б̣рахмаа жа б̣рахмабарисаа жа б̣рахмабаарисаж̇ж̇аа жа ажчарияаб̣бхуд̇ажид̇д̇аж̇аад̇аа ахзсум̣ – ‘ажчарияам̣ вад̇а бхо, аб̣бхуд̇ам̣ вад̇а бхо! саман̣асса г̇од̇амасса махид̣̇д̇хигад̇аа махаанубхаавад̇аа, на жа вад̇а но ид̇о буб̣б̣з д̣̇идто ваа, суд̇о ваа, ан̃н̃о саман̣о ваа б̣раахман̣о ваа звам̣ махид̣̇д̇хиго звам̣ махаанубхааво яат̇ааяам̣ саман̣о г̇од̇амо сагяабуд̇д̇о сагяагулаа баб̣б̣аж̇ид̇о. бхавараамааяа вад̇а, бхо, баж̇ааяа бхаварад̇ааяа бхавасаммуд̣̇ид̇ааяа самуулам̣ бхавам̣ уд̣̇аб̣б̣ахий’д̇и.
‘‘Atha kho, bhikkhave, brahmā ca brahmaparisā ca brahmapārisajjā ca acchariyabbhutacittajātā ahesuṃ – ‘acchariyaṃ vata bho, abbhutaṃ vata bho! Samaṇassa gotamassa mahiddhikatā mahānubhāvatā, na ca vata no ito pubbe diṭṭho vā, suto vā, añño samaṇo vā brāhmaṇo vā evaṃ mahiddhiko evaṃ mahānubhāvo yathāyaṃ samaṇo gotamo sakyaputto sakyakulā pabbajito. Bhavarāmāya vata, bho, pajāya bhavaratāya bhavasammuditāya samūlaṃ bhavaṃ udabbahī’ti.
505. ‘‘ат̇а ко, бхигкавз, мааро баабимаа ан̃н̃ад̇арам̣ б̣рахмабаарисаж̇ж̇ам̣ анваависид̇ваа мам̣ зд̇ад̣̇авожа – ‘сажз ко д̇вам̣, маариса, звам̣ баж̇аанааси, сажз д̇вам̣ звам̣ ануб̣уд̣̇д̇хо, маа саавагз убанзси, маа баб̣б̣аж̇ид̇з; маа саавагаанам̣ д̇хаммам̣ д̣̇зсзси, маа баб̣б̣аж̇ид̇аанам̣; маа саавагзсу г̇зд̇химагааси, маа баб̣б̣аж̇ид̇зсу. ахзсум̣ ко, бхигку, д̇аяаа буб̣б̣з саман̣аб̣раахман̣аа логасмим̣ араханд̇о саммаасамб̣уд̣̇д̇хаа бадиж̇аанамаанаа . д̇з саавагз убанзсум̣ баб̣б̣аж̇ид̇з, саавагаанам̣ д̇хаммам̣ д̣̇зсзсум̣ баб̣б̣аж̇ид̇аанам̣, саавагзсу г̇зд̇химагам̣су баб̣б̣аж̇ид̇зсу, д̇з саавагз убанзд̇ваа баб̣б̣аж̇ид̇з, саавагаанам̣ д̇хаммам̣ д̣̇зсзд̇ваа баб̣б̣аж̇ид̇аанам̣, саавагзсу г̇зд̇хид̇ажид̇д̇аа баб̣б̣аж̇ид̇зсу, гааяасса бхзд̣̇аа баан̣убажчзд̣̇аа хийнз гааяз бад̇идтид̇аа. ахзсум̣ яз бана, бхигку, д̇аяаа буб̣б̣з саман̣аб̣раахман̣аа логасмим̣ араханд̇о саммаасамб̣уд̣̇д̇хаа бадиж̇аанамаанаа. д̇з на саавагз убанзсум̣ на баб̣б̣аж̇ид̇з, на саавагаанам̣ д̇хаммам̣ д̣̇зсзсум̣ на баб̣б̣аж̇ид̇аанам̣, на саавагзсу г̇зд̇химагам̣су на баб̣б̣аж̇ид̇зсу, д̇з на саавагз убанзд̇ваа на баб̣б̣аж̇ид̇з, на саавагаанам̣ д̇хаммам̣ д̣̇зсзд̇ваа на баб̣б̣аж̇ид̇аанам̣, на саавагзсу г̇зд̇хид̇ажид̇д̇аа на баб̣б̣аж̇ид̇зсу, гааяасса бхзд̣̇аа баан̣убажчзд̣̇аа бан̣ийд̇з гааяз бад̇идтид̇аа. д̇ам̣ д̇аахам̣, бхигку, звам̣ вад̣̇аами – ин̇гха д̇вам̣, маариса, аббоссугго д̣̇идтад̇хаммасукавихаарамануяуд̇д̇о вихарассу, анагкаад̇ам̣ гусалан̃хи, маариса, маа барам̣ овад̣̇аахий’д̇и.
505. ‘‘Atha kho, bhikkhave, māro pāpimā aññataraṃ brahmapārisajjaṃ anvāvisitvā maṃ etadavoca – ‘sace kho tvaṃ, mārisa, evaṃ pajānāsi, sace tvaṃ evaṃ anubuddho, mā sāvake upanesi, mā pabbajite; mā sāvakānaṃ dhammaṃ desesi, mā pabbajitānaṃ; mā sāvakesu gedhimakāsi, mā pabbajitesu. Ahesuṃ kho, bhikkhu, tayā pubbe samaṇabrāhmaṇā lokasmiṃ arahanto sammāsambuddhā paṭijānamānā . Te sāvake upanesuṃ pabbajite, sāvakānaṃ dhammaṃ desesuṃ pabbajitānaṃ, sāvakesu gedhimakaṃsu pabbajitesu, te sāvake upanetvā pabbajite, sāvakānaṃ dhammaṃ desetvā pabbajitānaṃ, sāvakesu gedhitacittā pabbajitesu, kāyassa bhedā pāṇupacchedā hīne kāye patiṭṭhitā. Ahesuṃ ye pana, bhikkhu, tayā pubbe samaṇabrāhmaṇā lokasmiṃ arahanto sammāsambuddhā paṭijānamānā. Te na sāvake upanesuṃ na pabbajite, na sāvakānaṃ dhammaṃ desesuṃ na pabbajitānaṃ, na sāvakesu gedhimakaṃsu na pabbajitesu, te na sāvake upanetvā na pabbajite, na sāvakānaṃ dhammaṃ desetvā na pabbajitānaṃ, na sāvakesu gedhitacittā na pabbajitesu, kāyassa bhedā pāṇupacchedā paṇīte kāye patiṭṭhitā. Taṃ tāhaṃ, bhikkhu, evaṃ vadāmi – iṅgha tvaṃ, mārisa, appossukko diṭṭhadhammasukhavihāramanuyutto viharassu, anakkhātaṃ kusalañhi, mārisa, mā paraṃ ovadāhī’ti.
‘‘звам̣ вуд̇д̇з, ахам̣, бхигкавз, маарам̣ баабиманд̇ам̣ зд̇ад̣̇авожам̣ – ‘ж̇аанаами ко д̇аахам̣, баабима, маа д̇вам̣ ман̃н̃ид̇т̇о – на мам̣ ж̇аанаад̇ий’д̇и. мааро д̇вамаси, баабима. на мам̣ д̇вам̣, баабима, хид̇аанугамбий звам̣ вад̣̇зси; ахид̇аанугамбий мам̣ д̇вам̣, баабима, звам̣ вад̣̇зси. д̇уяхан̃хи, баабима, звам̣ ход̇и – ‘язсам̣ саман̣о г̇од̇амо д̇хаммам̣ д̣̇зсзссад̇и, д̇з мз висаяам̣ убаад̇ивад̇д̇иссанд̇ий’д̇и. асаммаасамб̣уд̣̇д̇хаава бана д̇з , баабима, самаанаа саммаасамб̣уд̣̇д̇хаамхаад̇и бадиж̇ааним̣су. ахам̣ ко бана, баабима, саммаасамб̣уд̣̇д̇хова самаано саммаасамб̣уд̣̇д̇хомхийд̇и бадиж̇аанаами. д̣̇зсзнд̇оби хи, баабима, д̇ат̇ааг̇ад̇о саавагаанам̣ д̇хаммам̣ д̇аад̣̇исова ад̣̇зсзнд̇оби хи, баабима, д̇ат̇ааг̇ад̇о саавагаанам̣ д̇хаммам̣ д̇аад̣̇исова. убанзнд̇оби хи, баабима, д̇ат̇ааг̇ад̇о саавагз д̇аад̣̇исова, анубанзнд̇оби хи, баабима, д̇ат̇ааг̇ад̇о саавагз д̇аад̣̇исова. д̇ам̣ гисса хзд̇у? д̇ат̇ааг̇ад̇асса, баабима, яз аасаваа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа – д̇з бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. сзяяат̇ааби, баабима, д̇аало мад̇т̇агажчинно абхаб̣б̣о буна вируул̣хияаа; звамзва ко, баабима, д̇ат̇ааг̇ад̇асса яз аасаваа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа – д̇з бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаад̇и.
‘‘Evaṃ vutte, ahaṃ, bhikkhave, māraṃ pāpimantaṃ etadavocaṃ – ‘jānāmi kho tāhaṃ, pāpima, mā tvaṃ maññittho – na maṃ jānātī’ti. Māro tvamasi, pāpima. Na maṃ tvaṃ, pāpima, hitānukampī evaṃ vadesi; ahitānukampī maṃ tvaṃ, pāpima, evaṃ vadesi. Tuyhañhi, pāpima, evaṃ hoti – ‘yesaṃ samaṇo gotamo dhammaṃ desessati, te me visayaṃ upātivattissantī’ti. Asammāsambuddhāva pana te , pāpima, samānā sammāsambuddhāmhāti paṭijāniṃsu. Ahaṃ kho pana, pāpima, sammāsambuddhova samāno sammāsambuddhomhīti paṭijānāmi. Desentopi hi, pāpima, tathāgato sāvakānaṃ dhammaṃ tādisova adesentopi hi, pāpima, tathāgato sāvakānaṃ dhammaṃ tādisova. Upanentopi hi, pāpima, tathāgato sāvake tādisova, anupanentopi hi, pāpima, tathāgato sāvake tādisova. Taṃ kissa hetu? Tathāgatassa, pāpima, ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā – te pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Seyyathāpi, pāpima, tālo matthakacchinno abhabbo puna virūḷhiyā; evameva kho, pāpima, tathāgatassa ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā – te pahīnā ucchinnamūlā tālāvatthukatā anabhāvaṃkatā āyatiṃ anuppādadhammāti.
‘‘ид̇и хид̣̇ам̣ маарасса жа анаалабанад̇ааяа б̣рахмуно жа абхиниманд̇анад̇ааяа, д̇асмаа имасса взяяаагаран̣асса б̣рахманиманд̇анигам̣д̇зва ад̇хиважана’’нд̇и.
‘‘Iti hidaṃ mārassa ca anālapanatāya brahmuno ca abhinimantanatāya, tasmā imassa veyyākaraṇassa brahmanimantanikaṃteva adhivacana’’nti.
б̣рахманиманд̇анигасуд̇д̇ам̣ нидтид̇ам̣ навамам̣.
Brahmanimantanikasuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. б̣рахманиманд̇анигасуд̇д̇аван̣н̣анаа • 9. Brahmanimantanikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. б̣рахманиманд̇анигасуд̇д̇аван̣н̣анаа • 9. Brahmanimantanikasuttavaṇṇanā
