| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. б̣рахманиманд̇анигасуд̇д̇аван̣н̣анаа
9. Brahmanimantanikasuttavaṇṇanā
501. звам̣ мз суд̇анд̇и б̣рахманиманд̇анигасуд̇д̇ам̣. д̇ад̇т̇а баабагам̣ д̣̇идтиг̇ад̇анд̇и лаамагаа сассад̇ад̣̇идти. ид̣̇ам̣ нижжанд̇и ид̣̇ам̣ саха гааязна б̣рахмадтаанам̣ анижжам̣ ‘‘нижжа’’нд̇и вад̣̇ад̇и. д̇хуваад̣̇ийни д̇ассзва взважанаани. д̇ад̇т̇а д̇хуванд̇и т̇ирам̣. сассад̇анд̇и сад̣̇аа виж̇ж̇амаанам̣. гзваланд̇и акан̣д̣ам̣ сагалам̣. ажаванад̇хамманд̇и ажаванасабхаавам̣. ид̣̇ан̃хи на ж̇ааяад̇ийд̇иаад̣̇ийсу имасмим̣ таанз гожи ж̇ааяанаго ваа ж̇ийяанаго ваа мийяанаго ваа жаванаго ваа убабаж̇ж̇анаго ваа над̇т̇ийд̇и санд̇хааяа вад̣̇ад̇и. ид̇о жа банан̃н̃анд̇и ид̇о саха гааяагаа б̣рахмадтаанаа уд̇д̇ари ан̃н̃ам̣ ниссаран̣ам̣ наама над̇т̇ийд̇и звамасса т̇аамаг̇ад̇аа сассад̇ад̣̇идти уббаннаа ход̇и. звам̣ваад̣̇ий бана со убари д̇иссо жхаанабхуумияо жад̇д̇ааро маг̇г̇аа жад̇д̇аари палаани ниб̣б̣аананд̇и саб̣б̣ам̣ бадиб̣аахад̇и. авиж̇ж̇ааг̇ад̇од̇и авиж̇ж̇ааяа г̇ад̇о саманнааг̇ад̇о ан̃н̃аан̣ий анд̇хийбхууд̇о. яад̇ра хи наамаад̇и яо наама.
501.Evaṃme sutanti brahmanimantanikasuttaṃ. Tattha pāpakaṃ diṭṭhigatanti lāmakā sassatadiṭṭhi. Idaṃ niccanti idaṃ saha kāyena brahmaṭṭhānaṃ aniccaṃ ‘‘nicca’’nti vadati. Dhuvādīni tasseva vevacanāni. Tattha dhuvanti thiraṃ. Sassatanti sadā vijjamānaṃ. Kevalanti akhaṇḍaṃ sakalaṃ. Acavanadhammanti acavanasabhāvaṃ. Idañhi na jāyatītiādīsu imasmiṃ ṭhāne koci jāyanako vā jīyanako vā mīyanako vā cavanako vā upapajjanako vā natthīti sandhāya vadati. Ito ca panaññanti ito saha kāyakā brahmaṭṭhānā uttari aññaṃ nissaraṇaṃ nāma natthīti evamassa thāmagatā sassatadiṭṭhi uppannā hoti. Evaṃvādī pana so upari tisso jhānabhūmiyo cattāro maggā cattāri phalāni nibbānanti sabbaṃ paṭibāhati. Avijjāgatoti avijjāya gato samannāgato aññāṇī andhībhūto. Yatra hi nāmāti yo nāma.
502. ат̇а ко, бхигкавз, мааро баабимаад̇и мааро гат̇ам̣ бхаг̇аванд̇ам̣ ад̣̇д̣̇аса? со гира ад̇д̇ано бхаванз нисийд̣̇ид̇ваа гаалзна гаалам̣ сад̇т̇аарам̣ ааваж̇ж̇зд̇и – ‘‘аж̇ж̇а саман̣о г̇од̇амо гад̇арасмим̣ г̇аамз ваа ниг̇амз ваа васад̇ий’’д̇и. имасмим̣ бана гаалз ааваж̇ж̇анд̇о, ‘‘уггадтам̣ ниссааяа субхаг̇аванз вихарад̇ий’’д̇и н̃ад̇ваа, ‘‘гад̇т̇а ну ко г̇ад̇о’’д̇и ологзнд̇о б̣рахмалогам̣ г̇ажчанд̇ам̣ д̣̇исваа, ‘‘саман̣о г̇од̇амо б̣рахмалогам̣ г̇ажчад̇и, яаава д̇ад̇т̇а д̇хаммагат̇ам̣ гат̇зд̇ваа б̣рахмаг̇ан̣ам̣ мама висаяаа наад̇иггамзд̇и, д̇аава г̇анд̇ваа д̇хаммад̣̇зсанааяам̣ вичанд̣̇ам̣ гариссаамий’’д̇и сад̇т̇у бад̣̇аанубад̣̇иго г̇анд̇ваа б̣рахмаг̇ан̣асса анд̇арз ад̣̇иссамаанзна гааязна адтааси. со, ‘‘сад̇т̇аараа б̣агаб̣рахмаа абасаад̣̇ид̇о’’д̇и н̃ад̇ваа б̣рахмуно убад̇т̇амбхо худ̇ваа адтааси. д̇зна вуд̇д̇ам̣ – ‘‘ат̇а ко, бхигкавз, мааро баабимаа’’д̇и.
502.Atha kho, bhikkhave, māro pāpimāti māro kathaṃ bhagavantaṃ addasa? So kira attano bhavane nisīditvā kālena kālaṃ satthāraṃ āvajjeti – ‘‘ajja samaṇo gotamo katarasmiṃ gāme vā nigame vā vasatī’’ti. Imasmiṃ pana kāle āvajjanto, ‘‘ukkaṭṭhaṃ nissāya subhagavane viharatī’’ti ñatvā, ‘‘kattha nu kho gato’’ti olokento brahmalokaṃ gacchantaṃ disvā, ‘‘samaṇo gotamo brahmalokaṃ gacchati, yāva tattha dhammakathaṃ kathetvā brahmagaṇaṃ mama visayā nātikkameti, tāva gantvā dhammadesanāyaṃ vichandaṃ karissāmī’’ti satthu padānupadiko gantvā brahmagaṇassa antare adissamānena kāyena aṭṭhāsi. So, ‘‘satthārā bakabrahmā apasādito’’ti ñatvā brahmuno upatthambho hutvā aṭṭhāsi. Tena vuttaṃ – ‘‘atha kho, bhikkhave, māro pāpimā’’ti.
б̣рахмабаарисаж̇ж̇ам̣ анваависид̇ваад̇и згасса б̣рахмабаарисаж̇ж̇асса сарийрам̣ бависид̇ваа. махааб̣рахмаанам̣ бана б̣рахмабурохид̇аанам̣ ваа анваависид̇ум̣ на саггод̇и. мзд̇амаасад̣̇од̇и маа зд̇ам̣ абасаад̣̇аяид̇т̇а. абхибхууд̇и абхибхавид̇ваа тид̇о ж̇здтаго. анабхибхууд̇од̇и ан̃н̃зхи анабхибхууд̇о. ан̃н̃ад̣̇ад̇т̇ууд̇и згам̣саважанз нибаад̇о. д̣̇ассанавасзна д̣̇асо, саб̣б̣ам̣ бассад̇ийд̇и д̣̇ийбзд̇и. васавад̇д̇ийд̇и саб̣б̣аж̇анам̣ васз вад̇д̇зд̇и. иссарод̇и логз иссаро. гад̇д̇аа ниммаад̇аад̇и логасса гад̇д̇аа жа ниммаад̇аа жа, бат̇авийхимаванд̇асинзружаггаваал̣амахаасамуд̣̇д̣̇ажанд̣̇имасуурияаа жа иминаа ниммид̇аад̇и д̣̇ийбзд̇и.
Brahmapārisajjaṃ anvāvisitvāti ekassa brahmapārisajjassa sarīraṃ pavisitvā. Mahābrahmānaṃ pana brahmapurohitānaṃ vā anvāvisituṃ na sakkoti. Metamāsadoti mā etaṃ apasādayittha. Abhibhūti abhibhavitvā ṭhito jeṭṭhako. Anabhibhūtoti aññehi anabhibhūto. Aññadatthūti ekaṃsavacane nipāto. Dassanavasena daso, sabbaṃ passatīti dīpeti. Vasavattīti sabbajanaṃ vase vatteti. Issaroti loke issaro. Kattā nimmātāti lokassa kattā ca nimmātā ca, pathavīhimavantasinerucakkavāḷamahāsamuddacandimasūriyā ca iminā nimmitāti dīpeti.
сздто саж̇ид̇аад̇и аяам̣ логасса уд̇д̇амо жа саж̇ид̇аа жа. ‘‘д̇вам̣ кад̇д̇ияо наама хохи, д̇вам̣ б̣раахман̣о наама, взссо наама, суд̣̇д̣̇о наама, г̇ахадто наама, баб̣б̣аж̇ид̇о наама, анд̇амасо одто хохи, г̇он̣о хохий’’д̇и звам̣ сад̇д̇аанам̣ висаж̇ж̇зд̇аа аяанд̇и д̣̇ассзд̇и. васий бид̇аа бхууд̇абхаб̣яаананд̇и аяам̣ жин̣н̣авасид̇ааяа васий, аяам̣ бид̇аа бхууд̇аанан̃жа бхаб̣яаанан̃жаад̇и вад̣̇ад̇и. д̇ад̇т̇а ан̣д̣аж̇аж̇алааб̣уж̇аа сад̇д̇аа анд̇оан̣д̣агосз жзва анд̇овад̇т̇имхи жа бхаб̣яаа наама, б̣ахи нигканд̇агаалад̇о бадтааяа бхууд̇аа. сам̣сзд̣̇аж̇аа батамажид̇д̇агкан̣з бхаб̣яаа, д̣̇уд̇ияад̇о бадтааяа бхууд̇аа. обабаад̇игаа батамаирияаабат̇з бхаб̣яаа, д̣̇уд̇ияад̇о бадтааяа бхууд̇аад̇и взд̣̇ид̇аб̣б̣аа. д̇з саб̣б̣зби зд̇асса буд̇д̇аад̇и сан̃н̃ааяа, ‘‘бид̇аа бхууд̇абхаб̣яаана’’нд̇и ааха.
Seṭṭho sajitāti ayaṃ lokassa uttamo ca sajitā ca. ‘‘Tvaṃ khattiyo nāma hohi, tvaṃ brāhmaṇo nāma, vesso nāma, suddo nāma, gahaṭṭho nāma, pabbajito nāma, antamaso oṭṭho hohi, goṇo hohī’’ti evaṃ sattānaṃ visajjetā ayanti dasseti. Vasī pitā bhūtabhabyānanti ayaṃ ciṇṇavasitāya vasī, ayaṃ pitā bhūtānañca bhabyānañcāti vadati. Tattha aṇḍajajalābujā sattā antoaṇḍakose ceva antovatthimhi ca bhabyā nāma, bahi nikkhantakālato paṭṭhāya bhūtā. Saṃsedajā paṭhamacittakkhaṇe bhabyā, dutiyato paṭṭhāya bhūtā. Opapātikā paṭhamairiyāpathe bhabyā, dutiyato paṭṭhāya bhūtāti veditabbā. Te sabbepi etassa puttāti saññāya, ‘‘pitā bhūtabhabyāna’’nti āha.
бат̇авийг̇арахагаад̇и яат̇аа д̇вам̣ зд̇арахи, ‘‘анижжаа д̣̇угкаа анад̇д̇аа’’д̇и бат̇авим̣ г̇арахаси ж̇иг̇ужчаси, звам̣ д̇зби бат̇авийг̇арахагаа ахзсум̣, на гзвалам̣ д̇вам̣язваад̇и д̣̇ийбзд̇и. аабаг̇арахагаад̇иаад̣̇ийсуби зсзва наяо. хийнз гааяз бад̇идтид̇аад̇и жад̇уусу абааязсу ниб̣б̣ад̇д̇аа. бат̇авийбасам̣сагаад̇и яат̇аа д̇вам̣ г̇арахаси, звам̣ аг̇арахид̇ваа, ‘‘нижжаа д̇хуваа сассад̇аа ажчзж̇ж̇аа абхзж̇ж̇аа агкаяаа’’д̇и звам̣ бат̇авийбасам̣сагаа бат̇авияаа ван̣н̣аваад̣̇ино ахзсунд̇и вад̣̇ад̇и. бат̇аваабхинанд̣̇инод̇и д̇ан̣хаад̣̇идтивасзна бат̇авияаа абхинанд̣̇ино. сзсзсуби зсзва наяо. бан̣ийд̇з гааяз бад̇идтид̇аад̇и б̣рахмалогз ниб̣б̣ад̇д̇аа. д̇ам̣ д̇ааханд̇и д̇зна гааран̣зна д̇ам̣ ахам̣. ин̇гхаад̇и жод̣̇анад̇т̇з нибаад̇о. убаад̇ивад̇д̇ид̇т̇од̇и ад̇иггамид̇т̇а. ‘‘убаад̇ивад̇д̇ид̇о’’д̇иби баато, аяамзвад̇т̇о. д̣̇ан̣д̣зна бадиббан̣аамзяяаад̇и жад̇ухад̇т̇зна муг̇г̇арад̣̇ан̣д̣зна бот̇зд̇ваа балаабзяяа. нарагабабаад̇зд̇и сад̇аборисз махаасоб̣бхз. вираад̇хзяяаад̇и хад̇т̇зна г̇ахан̣аяуд̇д̇з ваа баад̣̇зна бад̇идтаанаяуд̇д̇з ваа таанз г̇ахан̣абад̇идтаанаани гаад̇ум̣ на саггун̣зяяа. нану д̇вам̣ бхигку бассасийд̇и бхигку нану д̇вам̣ имам̣ б̣рахмабарисам̣ саннибад̇ид̇ам̣ обхаасамаанам̣ вирожамаанам̣ ж̇од̇аяамаанам̣ бассасийд̇и б̣рахмуно оваад̣̇з тид̇аанам̣ ид̣̇д̇хаанубхаавам̣ д̣̇ассзд̇и. ид̇и ко мам̣, бхигкавз, мааро баабимаа б̣рахмабарисам̣ убанзсийд̇и, бхигкавз , мааро баабимаа нану д̇вам̣ бхигку бассаси б̣рахмабарисам̣ яасзна жа сирияаа жа обхаасамаанам̣ вирожамаанам̣ ж̇од̇аяамаанам̣, яад̣̇и д̇вамби махааб̣рахмуно важанам̣ анад̇иггамид̇ваа яад̣̇зва д̇з б̣рахмаа вад̣̇ад̇и, д̇ам̣ гарзяяааси, д̇вамби звамзвам̣ яасзна жа сирияаа жа вирожзяяаасийд̇и звам̣ вад̣̇анд̇о мам̣ б̣рахмабарисам̣ убанзси убасам̣хари. маа д̇вам̣ ман̃н̃ид̇т̇од̇и маа д̇вам̣ ман̃н̃и. мааро д̇вамаси баабимаад̇и баабима д̇вам̣ махааж̇анасса мааран̣ад̇о мааро наама, баабагам̣ лаамагам̣ махааж̇анасса аяасам̣ гаран̣ад̇о баабимаа наамаад̇и ж̇аанаами.
Pathavīgarahakāti yathā tvaṃ etarahi, ‘‘aniccā dukkhā anattā’’ti pathaviṃ garahasi jigucchasi, evaṃ tepi pathavīgarahakā ahesuṃ, na kevalaṃ tvaṃyevāti dīpeti. Āpagarahakātiādīsupi eseva nayo. Hīne kāye patiṭṭhitāti catūsu apāyesu nibbattā. Pathavīpasaṃsakāti yathā tvaṃ garahasi, evaṃ agarahitvā, ‘‘niccā dhuvā sassatā acchejjā abhejjā akkhayā’’ti evaṃ pathavīpasaṃsakā pathaviyā vaṇṇavādino ahesunti vadati. Pathavābhinandinoti taṇhādiṭṭhivasena pathaviyā abhinandino. Sesesupi eseva nayo. Paṇīte kāye patiṭṭhitāti brahmaloke nibbattā. Taṃ tāhanti tena kāraṇena taṃ ahaṃ. Iṅghāti codanatthe nipāto. Upātivattitthoti atikkamittha. ‘‘Upātivattito’’tipi pāṭho, ayamevattho. Daṇḍena paṭippaṇāmeyyāti catuhatthena muggaradaṇḍena pothetvā palāpeyya. Narakapapāteti sataporise mahāsobbhe. Virādheyyāti hatthena gahaṇayutte vā pādena patiṭṭhānayutte vā ṭhāne gahaṇapatiṭṭhānāni kātuṃ na sakkuṇeyya. Nanu tvaṃ bhikkhu passasīti bhikkhu nanu tvaṃ imaṃ brahmaparisaṃ sannipatitaṃ obhāsamānaṃ virocamānaṃ jotayamānaṃ passasīti brahmuno ovāde ṭhitānaṃ iddhānubhāvaṃ dasseti. Iti kho maṃ, bhikkhave, māro pāpimā brahmaparisaṃ upanesīti, bhikkhave , māro pāpimā nanu tvaṃ bhikkhu passasi brahmaparisaṃ yasena ca siriyā ca obhāsamānaṃ virocamānaṃ jotayamānaṃ, yadi tvampi mahābrahmuno vacanaṃ anatikkamitvā yadeva te brahmā vadati, taṃ kareyyāsi, tvampi evamevaṃ yasena ca siriyā ca viroceyyāsīti evaṃ vadanto maṃ brahmaparisaṃ upanesi upasaṃhari. Mā tvaṃ maññitthoti mā tvaṃ maññi. Māro tvamasi pāpimāti pāpima tvaṃ mahājanassa māraṇato māro nāma, pāpakaṃ lāmakaṃ mahājanassa ayasaṃ karaṇato pāpimā nāmāti jānāmi.
503. гасин̣ам̣ ааяунд̇и сагалам̣ ааяум̣. д̇з ко звам̣ ж̇аанзяяунд̇и д̇з звам̣ маханд̇зна д̇абогаммзна саманнааг̇ад̇аа, д̇вам̣ бана буримад̣̇ивасз ж̇аад̇о, гим̣ ж̇ааниссаси, яасса д̇з аж̇ж̇ааби мукз кийраг̇анд̇хо вааяад̇ийд̇и гхаддзнд̇о вад̣̇ад̇и. бат̇авим̣ аж̇жхосиссасийд̇и бат̇авим̣ аж̇жхосааяа г̇илид̇ваа баринидтабзд̇ваа д̇ан̣хаамаанад̣̇идтийхи г̇ан̣хиссаси. обасааяиго мз бхависсасийд̇и маяхам̣ самийбасаяо бхависсаси, мам̣ г̇ажчанд̇ам̣ ануг̇ажчиссаси, тид̇ам̣ убад̇идтиссаси, нисиннам̣ убанисийд̣̇иссаси, нибаннам̣ убанибаж̇ж̇иссасийд̇и ад̇т̇о. вад̇т̇усааяигод̇и мама вад̇т̇усмим̣ саяанаго. яат̇аагаамагаран̣ийяо б̣аахид̇зяяод̇и маяаа ад̇д̇ано ружияаа яам̣ ижчаами, д̇ам̣ гад̇д̇аб̣б̣о, б̣аахид̇ваа жа бана ж̇аж̇жхаригааг̇умб̣ад̇оби нийжад̇аро лагун̣д̣адагад̇аро гаад̇аб̣б̣о бхависсасийд̇и ад̇т̇о.
503.Kasiṇaṃ āyunti sakalaṃ āyuṃ. Te kho evaṃ jāneyyunti te evaṃ mahantena tapokammena samannāgatā, tvaṃ pana purimadivase jāto, kiṃ jānissasi, yassa te ajjāpi mukhe khīragandho vāyatīti ghaṭṭento vadati. Pathaviṃ ajjhosissasīti pathaviṃ ajjhosāya gilitvā pariniṭṭhapetvā taṇhāmānadiṭṭhīhi gaṇhissasi. Opasāyiko me bhavissasīti mayhaṃ samīpasayo bhavissasi, maṃ gacchantaṃ anugacchissasi, ṭhitaṃ upatiṭṭhissasi, nisinnaṃ upanisīdissasi, nipannaṃ upanipajjissasīti attho. Vatthusāyikoti mama vatthusmiṃ sayanako. Yathākāmakaraṇīyo bāhiteyyoti mayā attano ruciyā yaṃ icchāmi, taṃ kattabbo, bāhitvā ca pana jajjharikāgumbatopi nīcataro lakuṇḍaṭakataro kātabbo bhavissasīti attho.
иминаа зса бхаг̇аванд̇ам̣ убалаабзд̇и ваа абасаад̣̇зд̇и ваа. убалаабзд̇и наама сажз ко д̇вам̣, бхигку, д̇ан̣хаад̣̇ийхи бат̇авим̣ аж̇жхосиссаси, обасааяиго мз бхависсаси, маяи г̇ажчанд̇з г̇амиссаси, д̇идтанд̇з тассаси, нисиннз нисийд̣̇иссаси, нибаннз нибаж̇ж̇иссаси, ахам̣ д̇ам̣ сзсаж̇анам̣ бадиб̣аахид̇ваа виссаасигам̣ аб̣бханд̇аригам̣ гариссаамийд̇и звам̣ д̇аава убалаабзд̇и наама. сзсабад̣̇зхи бана абасаад̣̇зд̇и наама. аяан̃хзд̇т̇а ад̇хиббааяо – сажз д̇вам̣ бат̇авим̣ аж̇жхосиссаси, вад̇т̇усааяиго мз бхависсаси, мама г̇аманаад̣̇ийни ааг̇амзд̇ваа г̇амиссаси ваа тассаси ваа нисийд̣̇иссаси ваа нибаж̇ж̇иссаси ваа, мама вад̇т̇усмим̣ маяхам̣ аарагкам̣ г̇ан̣хиссаси, ахам̣ бана д̇ам̣ яат̇аагаамам̣ гариссаами б̣аахид̇ваа жа ж̇аж̇жхаригааг̇умб̣ад̇оби лагун̣д̣агад̇аранд̇и звам̣ абасаад̣̇зд̇и наама. аяам̣ бана б̣рахмаа маананиссид̇о, д̇асмаа ид̇ха абасаад̣̇анаава ад̇хиббзд̇аа. аабаад̣̇ийсуби зсзва наяо.
Iminā esa bhagavantaṃ upalāpeti vā apasādeti vā. Upalāpeti nāma sace kho tvaṃ, bhikkhu, taṇhādīhi pathaviṃ ajjhosissasi, opasāyiko me bhavissasi, mayi gacchante gamissasi, tiṭṭhante ṭhassasi, nisinne nisīdissasi, nipanne nipajjissasi, ahaṃ taṃ sesajanaṃ paṭibāhitvā vissāsikaṃ abbhantarikaṃ karissāmīti evaṃ tāva upalāpeti nāma. Sesapadehi pana apasādeti nāma. Ayañhettha adhippāyo – sace tvaṃ pathaviṃ ajjhosissasi, vatthusāyiko me bhavissasi, mama gamanādīni āgametvā gamissasi vā ṭhassasi vā nisīdissasi vā nipajjissasi vā, mama vatthusmiṃ mayhaṃ ārakkhaṃ gaṇhissasi, ahaṃ pana taṃ yathākāmaṃ karissāmi bāhitvā ca jajjharikāgumbatopi lakuṇḍakataranti evaṃ apasādeti nāma. Ayaṃ pana brahmā mānanissito, tasmā idha apasādanāva adhippetā. Āpādīsupi eseva nayo.
абижа д̇з ахам̣ б̣рахмзд̇и ид̣̇аани бхаг̇аваа, ‘‘аяам̣ б̣рахмаа маананиссид̇о ‘ахам̣ ж̇аанаамий’д̇и ман̃н̃ад̇и, ад̇д̇ано яасзна саммад̇д̇о сарийрам̣ пусид̇умби самад̇т̇ам̣ гин̃жи на бассад̇и, т̇огам̣ ниг̇г̇ахзд̇ум̣ ваддад̇ий’’д̇и жинд̇зд̇ваа имам̣ д̣̇зсанам̣ аарабхи. д̇ад̇т̇а г̇ад̇ин̃жа баж̇аанаамийд̇и нибпад̇д̇ин̃жа баж̇аанаами. ж̇уд̇ин̃жаад̇и аанубхааван̃жа баж̇аанаами. звам̣ махзсагкод̇и звам̣ махааяасо махаабаривааро.
Apicate ahaṃ brahmeti idāni bhagavā, ‘‘ayaṃ brahmā mānanissito ‘ahaṃ jānāmī’ti maññati, attano yasena sammatto sarīraṃ phusitumpi samatthaṃ kiñci na passati, thokaṃ niggahetuṃ vaṭṭatī’’ti cintetvā imaṃ desanaṃ ārabhi. Tattha gatiñca pajānāmīti nipphattiñca pajānāmi. Jutiñcāti ānubhāvañca pajānāmi. Evaṃ mahesakkhoti evaṃ mahāyaso mahāparivāro.
яаавад̇аа жанд̣̇имасуурияаа барихаранд̇ийд̇и яад̇д̇агз таанз жанд̣̇имасуурияаа вижаранд̇и. д̣̇исаа бханд̇и вирожанаад̇и д̣̇исаасу вирожамаанаа обхаасанд̇и, д̣̇исаа ваа д̇зхи вирожамаанаа обхаасанд̇и. д̇аава сахассад̇хаа логод̇и д̇ад̇д̇агзна бамаан̣зна сахассад̇хаа лого, иминаа жаггаваал̣зна сад̣̇д̇хим̣ жаггаваал̣асахассанд̇и ад̇т̇о. зд̇т̇а д̇з вад̇д̇ад̇з васод̇и зд̇т̇а жаггаваал̣асахассз д̇уяхам̣ васо вад̇д̇ад̇и. баробаран̃жа ж̇аанаасийд̇и зд̇т̇а жаггаваал̣асахассз баробарз ужжанийжз хийнаббан̣ийд̇з сад̇д̇з ж̇аанааси. ат̇о рааг̇авирааг̇инанд̇и на гзвалам̣, ‘‘аяам̣ ид̣̇д̇хо аяам̣ багад̇имануссо’’д̇и баробарам̣, ‘‘аяам̣ бана сарааг̇о аяам̣ вийд̇арааг̇о’’д̇и звам̣ рааг̇авирааг̇инамби ж̇анам̣ ж̇аанааси. ид̇т̇ам̣бхааван̃н̃ат̇аабхааванд̇и ид̇т̇ам̣бхаавод̇и ид̣̇ам̣ жаггаваал̣ам̣. ан̃н̃ат̇аабхаавод̇и ид̇о сзсам̣ згуунасахассам̣. сад̇д̇аанам̣ ааг̇ад̇им̣ г̇ад̇инд̇и зд̇т̇а жаггаваал̣асахассз бадисанд̇хивасзна сад̇д̇аанам̣ ааг̇ад̇им̣, жуд̇ивасзна г̇ад̇им̣ жа ж̇аанааси. д̇уяхам̣ бана ад̇имаханд̇охамасмийд̇и сан̃н̃аа ход̇и, сахассиб̣рахмаа наама д̇вам̣, ан̃н̃зсам̣ бана д̇аяаа уд̇д̇ари д̣̇висахассаанам̣ д̇исахассаанам̣ жад̇усахассаанам̣ бан̃жасахассаанам̣ д̣̇асасахассаанам̣ сад̇асахассаанан̃жа б̣рахмаанам̣ бамаан̣ам̣ над̇т̇и, жад̇ухад̇т̇ааяа билод̇игааяа бадаббамаан̣ам̣ гаад̇ум̣ вааяаманд̇о вияа маханд̇осмийд̇и сан̃н̃ам̣ гаросийд̇и ниг̇г̇ан̣хаад̇и.
Yāvatā candimasūriyā pariharantīti yattake ṭhāne candimasūriyā vicaranti. Disā bhanti virocanāti disāsu virocamānā obhāsanti, disā vā tehi virocamānā obhāsanti. Tāva sahassadhā lokoti tattakena pamāṇena sahassadhā loko, iminā cakkavāḷena saddhiṃ cakkavāḷasahassanti attho. Ettha te vattate vasoti ettha cakkavāḷasahasse tuyhaṃ vaso vattati. Paroparañca jānāsīti ettha cakkavāḷasahasse paropare uccanīce hīnappaṇīte satte jānāsi. Atho rāgavirāginanti na kevalaṃ, ‘‘ayaṃ iddho ayaṃ pakatimanusso’’ti paroparaṃ, ‘‘ayaṃ pana sarāgo ayaṃ vītarāgo’’ti evaṃ rāgavirāginampi janaṃ jānāsi. Itthaṃbhāvaññathābhāvanti itthaṃbhāvoti idaṃ cakkavāḷaṃ. Aññathābhāvoti ito sesaṃ ekūnasahassaṃ. Sattānaṃ āgatiṃ gatinti ettha cakkavāḷasahasse paṭisandhivasena sattānaṃ āgatiṃ, cutivasena gatiṃ ca jānāsi. Tuyhaṃ pana atimahantohamasmīti saññā hoti, sahassibrahmā nāma tvaṃ, aññesaṃ pana tayā uttari dvisahassānaṃ tisahassānaṃ catusahassānaṃ pañcasahassānaṃ dasasahassānaṃ satasahassānañca brahmānaṃ pamāṇaṃ natthi, catuhatthāya pilotikāya paṭappamāṇaṃ kātuṃ vāyamanto viya mahantosmīti saññaṃ karosīti niggaṇhāti.
504. ид̇хуубабаннод̇и ид̇ха батамаж̇жхаанабхуумияам̣ убабанно. д̇зна д̇ам̣ д̇вам̣ на ж̇аанаасийд̇и д̇зна гааран̣зна д̇ам̣ гааяам̣ д̇вам̣ на ж̇аанааси. нзва д̇з самасамод̇и ж̇аанид̇аб̣б̣адтаанам̣ бад̇вааби д̇аяаа самасамо на хоми. абхин̃н̃ааяаад̇и ан̃н̃ааяа. гуд̇о нийжзяяанд̇и д̇аяаа нийжад̇арабхааво бана маяхам̣ гуд̇о.
504.Idhūpapannoti idha paṭhamajjhānabhūmiyaṃ upapanno. Tena taṃ tvaṃ na jānāsīti tena kāraṇena taṃ kāyaṃ tvaṃ na jānāsi. Neva te samasamoti jānitabbaṭṭhānaṃ patvāpi tayā samasamo na homi. Abhiññāyāti aññāya. Kuto nīceyyanti tayā nīcatarabhāvo pana mayhaṃ kuto.
хздтуубабад̇д̇иго гирзса б̣рахмаа ануббаннз б̣уд̣̇д̇хуббаад̣̇з исибаб̣б̣аж̇ж̇ам̣ баб̣б̣аж̇ид̇ваа гасин̣абаригаммам̣ гад̇ваа самаабад̇д̇ияо ниб̣б̣ад̇д̇зд̇ваа абарихийнаж̇жхаано гаалам̣ гад̇ваа жад̇уд̇т̇аж̇жхаанабхуумияам̣ взхабпалаб̣рахмалогз бан̃жагаббасад̇игам̣ ааяум̣ г̇ахзд̇ваа ниб̣б̣ад̇д̇и. д̇ад̇т̇а яаавад̇ааяугам̣ тад̇ваа хзддуубабад̇д̇игам̣ гад̇ваа д̇ад̇ияаж̇жхаанам̣ бан̣ийд̇ам̣ бхаавзд̇ваа субхагин̣хаб̣рахмалогз жад̇усадтигаббам̣ ааяум̣ г̇ахзд̇ваа ниб̣б̣ад̇д̇и. д̇ад̇т̇а д̣̇уд̇ияаж̇жхаанам̣ бхаавзд̇ваа аабхассарзсу адтагаббам̣ ааяум̣ г̇ахзд̇ваа ниб̣б̣ад̇д̇и. д̇ад̇т̇а батамаж̇жхаанам̣ бхаавзд̇ваа батамаж̇жхаанабхуумияам̣ габбааяуго худ̇ваа ниб̣б̣ад̇д̇и, со батамагаалз ад̇д̇анаа гад̇агамман̃жа ниб̣б̣ад̇д̇адтаанан̃жа ан̃н̃ааси, гаалз бана г̇ажчанд̇з убхаяам̣ бамуссид̇ваа сассад̇ад̣̇идтим̣ уббаад̣̇зси. д̇зна нам̣ бхаг̇аваа, ‘‘д̇зна д̇ам̣ д̇вам̣ на ж̇аанааси…бз… гуд̇о нийжзяяа’’нд̇и ааха.
Heṭṭhūpapattiko kiresa brahmā anuppanne buddhuppāde isipabbajjaṃ pabbajitvā kasiṇaparikammaṃ katvā samāpattiyo nibbattetvā aparihīnajjhāno kālaṃ katvā catutthajjhānabhūmiyaṃ vehapphalabrahmaloke pañcakappasatikaṃ āyuṃ gahetvā nibbatti. Tattha yāvatāyukaṃ ṭhatvā heṭṭūpapattikaṃ katvā tatiyajjhānaṃ paṇītaṃ bhāvetvā subhakiṇhabrahmaloke catusaṭṭhikappaṃ āyuṃ gahetvā nibbatti. Tattha dutiyajjhānaṃ bhāvetvā ābhassaresu aṭṭhakappaṃ āyuṃ gahetvā nibbatti. Tattha paṭhamajjhānaṃ bhāvetvā paṭhamajjhānabhūmiyaṃ kappāyuko hutvā nibbatti, so paṭhamakāle attanā katakammañca nibbattaṭṭhānañca aññāsi, kāle pana gacchante ubhayaṃ pamussitvā sassatadiṭṭhiṃ uppādesi. Tena naṃ bhagavā, ‘‘tena taṃ tvaṃ na jānāsi…pe… kuto nīceyya’’nti āha.
ат̇а б̣рахмаа жинд̇зси – ‘‘саман̣о г̇од̇амо маяхам̣ ааяун̃жа ниб̣б̣ад̇д̇адтаанан̃жа буб̣б̣згад̇агамман̃жа ж̇аанаад̇и, ханд̣̇а нам̣ буб̣б̣з гад̇агаммам̣ бужчаамий’’д̇и сад̇т̇аарам̣ ад̇д̇ано буб̣б̣згад̇агаммам̣ бужчи. сад̇т̇аа гат̇зси.
Atha brahmā cintesi – ‘‘samaṇo gotamo mayhaṃ āyuñca nibbattaṭṭhānañca pubbekatakammañca jānāti, handa naṃ pubbe katakammaṃ pucchāmī’’ti satthāraṃ attano pubbekatakammaṃ pucchi. Satthā kathesi.
буб̣б̣з гирзса гулагхарз ниб̣б̣ад̇д̇ид̇ваа гаамзсу аад̣̇ийнавам̣ д̣̇исваа, ‘‘ж̇аад̇иж̇арааб̣яаад̇химаран̣асса анд̇ам̣ гариссаамий’’д̇и нигкамма исибаб̣б̣аж̇ж̇ам̣ баб̣б̣аж̇ид̇ваа самаабад̇д̇ияо ниб̣б̣ад̇д̇зд̇ваа абхин̃н̃аабаад̣̇агаж̇жхааналаабхий худ̇ваа г̇ан̇г̇аад̇ийрз бан̣н̣асаалам̣ гаарзд̇ваа жхаанарад̇ияаа вийд̇инаамзд̇и. д̇ад̣̇аа жа гаалзна гаалам̣ сад̇т̇аваахаа бан̃жахи сагадасад̇зхи маруганд̇аарам̣ бадибаж̇ж̇анд̇и. маруганд̇аарз бана д̣̇иваа на саггаа г̇анд̇ум̣, рад̇д̇им̣ г̇аманам̣ ход̇и. ат̇а буримасагадасса аг̇г̇аяуг̇з яуд̇д̇аб̣алиб̣ад̣̇д̣̇аа г̇ажчанд̇аа нивад̇д̇ид̇ваа ааг̇ад̇амаг̇г̇аабхимукаава ахзсум̣. ид̇арасагадаани д̇ат̇зва нивад̇д̇ид̇ваа арун̣з уг̇г̇ад̇з нивад̇д̇ид̇абхаавам̣ ж̇ааним̣су. д̇зсан̃жа д̇ад̣̇аа ганд̇аарам̣ ад̇иггаманад̣̇ивасо ахоси. саб̣б̣ам̣ д̣̇ааруд̣̇агам̣ баригкийн̣ам̣, д̇асмаа, ‘‘над̇т̇и д̣̇аани амхаагам̣ ж̇ийвид̇а’’нд̇и жинд̇зд̇ваа г̇он̣з жаггзсу б̣анд̇хид̇ваа мануссаа сагадабажчааяааяам̣ бависид̇ваа нибаж̇ж̇им̣су . д̇аабасоби гаалассзва бан̣н̣асаалад̇о нигкамид̇ваа бан̣н̣асаалад̣̇ваарз нисинно г̇ан̇г̇ам̣ ологаяамаано ад̣̇д̣̇аса г̇ан̇г̇ам̣ махад̇аа уд̣̇агогхзна вуяхамаанам̣ бавад̇д̇ид̇аман̣игканд̇хам̣ вияа ааг̇ажчанд̇им̣. д̣̇исваа жинд̇зси – ‘‘ад̇т̇и ну ко имасмим̣ логз зваруубасса мад̇хурод̣̇агасса алаабхзна гилиссамаанаа сад̇д̇аа’’д̇и. со звам̣ ааваж̇ж̇анд̇о маруганд̇аарз д̇ам̣ сад̇т̇ам̣ д̣̇исваа, ‘‘имз сад̇д̇аа маа нассанд̇уу’’д̇и, ‘‘ид̇о махаа уд̣̇агагканд̇хо чиж̇ж̇ид̇ваа маруганд̇аарз сад̇т̇аабхимуко г̇ажчад̇уу’’д̇и абхин̃н̃аажид̇д̇зна ад̇хидтааси. сахажид̇д̇уббаад̣̇зна маад̇игаарул̣хам̣ вияа уд̣̇агам̣ д̇ад̇т̇а аг̇амааси. мануссаа уд̣̇агасад̣̇д̣̇зна вудтааяа уд̣̇агам̣ д̣̇исваа хад̇т̇ад̇удтаа нхааяид̇ваа бивид̇ваа г̇он̣зби бааязд̇ваа сод̇т̇инаа ижчид̇адтаанам̣ аг̇амам̣су. сад̇т̇аа д̇ам̣ б̣рахмуно буб̣б̣агаммам̣ д̣̇ассзнд̇о –
Pubbe kiresa kulaghare nibbattitvā kāmesu ādīnavaṃ disvā, ‘‘jātijarābyādhimaraṇassa antaṃ karissāmī’’ti nikkhamma isipabbajjaṃ pabbajitvā samāpattiyo nibbattetvā abhiññāpādakajjhānalābhī hutvā gaṅgātīre paṇṇasālaṃ kāretvā jhānaratiyā vītināmeti. Tadā ca kālena kālaṃ satthavāhā pañcahi sakaṭasatehi marukantāraṃ paṭipajjanti. Marukantāre pana divā na sakkā gantuṃ, rattiṃ gamanaṃ hoti. Atha purimasakaṭassa aggayuge yuttabalibaddā gacchantā nivattitvā āgatamaggābhimukhāva ahesuṃ. Itarasakaṭāni tatheva nivattitvā aruṇe uggate nivattitabhāvaṃ jāniṃsu. Tesañca tadā kantāraṃ atikkamanadivaso ahosi. Sabbaṃ dārudakaṃ parikkhīṇaṃ, tasmā, ‘‘natthi dāni amhākaṃ jīvita’’nti cintetvā goṇe cakkesu bandhitvā manussā sakaṭapacchāyāyaṃ pavisitvā nipajjiṃsu . Tāpasopi kālasseva paṇṇasālato nikkhamitvā paṇṇasāladvāre nisinno gaṅgaṃ olokayamāno addasa gaṅgaṃ mahatā udakoghena vuyhamānaṃ pavattitamaṇikkhandhaṃ viya āgacchantiṃ. Disvā cintesi – ‘‘atthi nu kho imasmiṃ loke evarūpassa madhurodakassa alābhena kilissamānā sattā’’ti. So evaṃ āvajjanto marukantāre taṃ satthaṃ disvā, ‘‘ime sattā mā nassantū’’ti, ‘‘ito mahā udakakkhandho chijjitvā marukantāre satthābhimukho gacchatū’’ti abhiññācittena adhiṭṭhāsi. Sahacittuppādena mātikāruḷhaṃ viya udakaṃ tattha agamāsi. Manussā udakasaddena vuṭṭhāya udakaṃ disvā hatthatuṭṭhā nhāyitvā pivitvā goṇepi pāyetvā sotthinā icchitaṭṭhānaṃ agamaṃsu. Satthā taṃ brahmuno pubbakammaṃ dassento –
‘‘яам̣ д̇вам̣ абааязси б̣ахуу мануссз,
‘‘Yaṃ tvaṃ apāyesi bahū manusse,
бибаасид̇з гхаммани самбарзд̇з;
Pipāsite ghammani samparete;
д̇ам̣ д̇з бураан̣ам̣ вад̇асийлавад̇д̇ам̣,
Taṃ te purāṇaṃ vatasīlavattaṃ,
суд̇д̇аббаб̣уд̣̇д̇хова ануссараамий’’д̇и. (ж̇аа. 1.7.71) –
Suttappabuddhova anussarāmī’’ti. (jā. 1.7.71) –
имам̣ г̇аат̇амааха.
Imaṃ gāthamāha.
абарасмим̣ самаяз д̇аабасо г̇ан̇г̇аад̇ийрз бан̣н̣асаалам̣ маабзд̇ваа ааран̃н̃агам̣ г̇аамам̣ ниссааяа васад̇и. д̇зна жа самаязна жораа д̇ам̣ г̇аамам̣ бахарид̇ваа хад̇т̇асаарам̣ г̇ахзд̇ваа г̇аавияо жа гарамарз жа г̇ахзд̇ваа г̇ажчанд̇и. г̇аавоби сунакааби мануссааби махаавиравам̣ вираванд̇и. д̇аабасо д̇ам̣ сад̣̇д̣̇ам̣ суд̇ваа ‘‘гим̣ ну ко зд̇а’’нд̇и ааваж̇ж̇анд̇о, ‘‘мануссаанам̣ бхаяам̣ уббанна’’нд̇и н̃ад̇ваа, ‘‘маяи бассанд̇з имз сад̇д̇аа маа нассанд̇уу’’д̇и абхин̃н̃аабаад̣̇агаж̇жхаанам̣ самаабаж̇ж̇ид̇ваа вудтааяа абхин̃н̃аажид̇д̇зна жораанам̣ бадибат̇з жад̇уран̇г̇инисзнам̣ маабзси гаммасаж̇ж̇ам̣ ааг̇ажчанд̇им̣. жораа д̣̇исваа, ‘‘рааж̇аа’’д̇и д̇з ман̃н̃амаанаа вилобам̣ чад̣д̣зд̇ваа баггамим̣су. д̇аабасо ‘‘яам̣ яасса санд̇агам̣, д̇ам̣ д̇ассзва ход̇уу’’д̇и ад̇хидтааси, д̇ам̣ д̇ат̇зва ахоси. махааж̇ано сод̇т̇ибхаавам̣ баабун̣и. сад̇т̇аа ид̣̇амби д̇асса буб̣б̣агаммам̣ д̣̇ассзнд̇о –
Aparasmiṃ samaye tāpaso gaṅgātīre paṇṇasālaṃ māpetvā āraññakaṃ gāmaṃ nissāya vasati. Tena ca samayena corā taṃ gāmaṃ paharitvā hatthasāraṃ gahetvā gāviyo ca karamare ca gahetvā gacchanti. Gāvopi sunakhāpi manussāpi mahāviravaṃ viravanti. Tāpaso taṃ saddaṃ sutvā ‘‘kiṃ nu kho eta’’nti āvajjanto, ‘‘manussānaṃ bhayaṃ uppanna’’nti ñatvā, ‘‘mayi passante ime sattā mā nassantū’’ti abhiññāpādakajjhānaṃ samāpajjitvā vuṭṭhāya abhiññācittena corānaṃ paṭipathe caturaṅginisenaṃ māpesi kammasajjaṃ āgacchantiṃ. Corā disvā, ‘‘rājā’’ti te maññamānā vilopaṃ chaḍḍetvā pakkamiṃsu. Tāpaso ‘‘yaṃ yassa santakaṃ, taṃ tasseva hotū’’ti adhiṭṭhāsi, taṃ tatheva ahosi. Mahājano sotthibhāvaṃ pāpuṇi. Satthā idampi tassa pubbakammaṃ dassento –
‘‘яам̣ зн̣игууласмим̣ ж̇анам̣ г̇ахийд̇ам̣,
‘‘Yaṃ eṇikūlasmiṃ janaṃ gahītaṃ,
аможаяий г̇аяхага нийяамаанам̣;
Amocayī gayhaka nīyamānaṃ;
д̇ам̣ д̇з бураан̣ам̣ вад̇асийлавад̇д̇ам̣,
Taṃ te purāṇaṃ vatasīlavattaṃ,
суд̇д̇аббаб̣уд̣̇д̇хова ануссараамий’’д̇и. (ж̇аа. 1.7.72) –
Suttappabuddhova anussarāmī’’ti. (jā. 1.7.72) –
имам̣ г̇аат̇амааха. зд̇т̇а зн̣игууласминд̇и г̇ан̇г̇аад̇ийрз.
Imaṃ gāthamāha. Ettha eṇikūlasminti gaṅgātīre.
буна згасмим̣ самаяз убариг̇ан̇г̇ааваасигам̣ гулам̣ хздтааг̇ан̇г̇ааваасигзна гулзна сад̣̇д̇хим̣ мид̇д̇асант̇авам̣ гад̇ваа нааваасан̇гхаадам̣ б̣анд̇хид̇ваа б̣ахум̣ каад̣̇анийяабхож̇анийяан̃жзва г̇анд̇хамаалаад̣̇ийни жа ааробзд̇ваа г̇ан̇г̇аасод̇зна ааг̇ажчад̇и. мануссаа каад̣̇амаанаа бхун̃ж̇амаанаа нажжанд̇аа г̇ааяанд̇аа д̣̇звавимаанзна г̇ажчанд̇аа вияа б̣алавасоманассаа ахзсум̣. г̇ан̇г̇зяяаго нааг̇о д̣̇исваа губид̇о, ‘‘имз маяи сан̃н̃амби на гаронд̇и, ид̣̇аани нз самуд̣̇д̣̇амзва баабзссаамий’’д̇и маханд̇ам̣ ад̇д̇абхаавам̣ маабзд̇ваа уд̣̇агам̣ д̣̇вид̇хаа бхинд̣̇ид̇ваа удтааяа пан̣ам̣ гад̇ваа суссуугаарам̣ гаронд̇о адтааси. махааж̇ано д̣̇исваа бхийд̇о виссарамагааси. д̇аабасо бан̣н̣асаалааяа нисинно суд̇ваа, ‘‘имз г̇ааяанд̇аа нажжанд̇аа соманассаж̇аад̇аа ааг̇ажчанд̇и, ид̣̇аани бана бхаяаравам̣ равим̣су, гим̣ ну ко’’д̇и ааваж̇ж̇анд̇о нааг̇арааж̇ам̣ д̣̇исваа, ‘‘маяи бассанд̇з имз сад̇д̇аа маа нассанд̇уу’’д̇и абхин̃н̃аабаад̣̇агаж̇жхаанам̣ самаабаж̇ж̇ид̇ваа ад̇д̇абхаавам̣ виж̇ахид̇ваа субан̣н̣аван̣н̣ам̣ маабзд̇ваа нааг̇арааж̇асса д̣̇ассзси. нааг̇арааж̇аа бхийд̇о пан̣ам̣ сам̣харид̇ваа уд̣̇агам̣ бавидто. махааж̇ано сод̇т̇ибхаавам̣ баабун̣и. сад̇т̇аа ид̣̇амби д̇асса буб̣б̣агаммам̣ д̣̇ассзнд̇о –
Puna ekasmiṃ samaye uparigaṅgāvāsikaṃ kulaṃ heṭṭhāgaṅgāvāsikena kulena saddhiṃ mittasanthavaṃ katvā nāvāsaṅghāṭaṃ bandhitvā bahuṃ khādanīyabhojanīyañceva gandhamālādīni ca āropetvā gaṅgāsotena āgacchati. Manussā khādamānā bhuñjamānā naccantā gāyantā devavimānena gacchantā viya balavasomanassā ahesuṃ. Gaṅgeyyako nāgo disvā kupito, ‘‘ime mayi saññampi na karonti, idāni ne samuddameva pāpessāmī’’ti mahantaṃ attabhāvaṃ māpetvā udakaṃ dvidhā bhinditvā uṭṭhāya phaṇaṃ katvā sussūkāraṃ karonto aṭṭhāsi. Mahājano disvā bhīto vissaramakāsi. Tāpaso paṇṇasālāya nisinno sutvā, ‘‘ime gāyantā naccantā somanassajātā āgacchanti, idāni pana bhayaravaṃ raviṃsu, kiṃ nu kho’’ti āvajjanto nāgarājaṃ disvā, ‘‘mayi passante ime sattā mā nassantū’’ti abhiññāpādakajjhānaṃ samāpajjitvā attabhāvaṃ vijahitvā supaṇṇavaṇṇaṃ māpetvā nāgarājassa dassesi. Nāgarājā bhīto phaṇaṃ saṃharitvā udakaṃ paviṭṭho. Mahājano sotthibhāvaṃ pāpuṇi. Satthā idampi tassa pubbakammaṃ dassento –
‘‘г̇ан̇г̇ааяа сод̇асмим̣ г̇ахийд̇анаавам̣,
‘‘Gaṅgāya sotasmiṃ gahītanāvaṃ,
луд̣̇д̣̇зна нааг̇зна мануссагаббаа;
Luddena nāgena manussakappā;
аможаяид̇т̇а б̣аласаа басаяха,
Amocayittha balasā pasayha,
д̇ам̣ д̇з бураан̣ам̣ вад̇асийлавад̇д̇ам̣;
Taṃ te purāṇaṃ vatasīlavattaṃ;
суд̇д̇аббаб̣уд̣̇д̇хова ануссараамий’’д̇и. (ж̇аа. 1.7.73) –
Suttappabuddhova anussarāmī’’ti. (jā. 1.7.73) –
имам̣ г̇аат̇амааха.
Imaṃ gāthamāha.
абарасмим̣ самаяз зса исибаб̣б̣аж̇ж̇ам̣ баб̣б̣аж̇ид̇ваа гзсаво наама д̇аабасо ахоси. д̇зна самаязна амхаагам̣ б̣од̇хисад̇д̇о габбо наама маан̣аво гзсавасса б̣ад̣̇д̇хажаро анд̇зваасиго худ̇ваа аажарияасса гим̣гаарабадиссаавий манаабажаарий б̣уд̣̇д̇хисамбанно ад̇т̇ажаро ахоси. гзсаво д̇ам̣ винаа вад̇д̇ид̇ум̣ наасагки, д̇ам̣ ниссааязва ж̇ийвигам̣ габбзси. сад̇т̇аа ид̣̇амби д̇асса буб̣б̣агаммам̣ д̣̇ассзнд̇о –
Aparasmiṃ samaye esa isipabbajjaṃ pabbajitvā kesavo nāma tāpaso ahosi. Tena samayena amhākaṃ bodhisatto kappo nāma māṇavo kesavassa baddhacaro antevāsiko hutvā ācariyassa kiṃkārapaṭissāvī manāpacārī buddhisampanno atthacaro ahosi. Kesavo taṃ vinā vattituṃ nāsakkhi, taṃ nissāyeva jīvikaṃ kappesi. Satthā idampi tassa pubbakammaṃ dassento –
‘‘габбо жа д̇з б̣ад̣̇д̇хажаро ахоси,
‘‘Kappo ca te baddhacaro ahosi,
самб̣уд̣̇д̇химанд̇ам̣ вад̇инам̣ аман̃н̃и;
Sambuddhimantaṃ vatinaṃ amaññi;
д̇ам̣ д̇з бураан̣ам̣ вад̇асийлавад̇д̇ам̣,
Taṃ te purāṇaṃ vatasīlavattaṃ,
суд̇д̇аббаб̣уд̣̇д̇хова ануссараамий’’д̇и. (ж̇аа. 1.7.74) –
Suttappabuddhova anussarāmī’’ti. (jā. 1.7.74) –
имам̣ г̇аат̇амааха.
Imaṃ gāthamāha.
звам̣ б̣рахмуно наанад̇д̇абхаавзсу гад̇агаммам̣ сад̇т̇аа багаасзси. сад̇т̇ари гат̇знд̇зязва б̣рахмаа саллагкзси, д̣̇ийбасахассз уж̇ж̇алид̇з руубаани вияа саб̣б̣агаммаанисса баагадаани ахзсум̣. со басаннажид̇д̇о имам̣ г̇аат̇амааха –
Evaṃ brahmuno nānattabhāvesu katakammaṃ satthā pakāsesi. Satthari kathenteyeva brahmā sallakkhesi, dīpasahasse ujjalite rūpāni viya sabbakammānissa pākaṭāni ahesuṃ. So pasannacitto imaṃ gāthamāha –
‘‘ад̣̇д̇хаа баж̇аанааси мамзд̇амааяум̣,
‘‘Addhā pajānāsi mametamāyuṃ,
ан̃н̃амби ж̇аанааси д̇ат̇аа хи б̣уд̣̇д̇хо;
Aññampi jānāsi tathā hi buddho;
д̇ат̇аа хи д̇ааяам̣ ж̇алид̇аанубхааво,
Tathā hi tāyaṃ jalitānubhāvo,
обхаасаяам̣ д̇идтад̇и б̣рахмалога’’нд̇и. (ж̇аа. 1.7.75);
Obhāsayaṃ tiṭṭhati brahmaloka’’nti. (jā. 1.7.75);
ат̇асса бхаг̇аваа уд̇д̇ари асамасамад̇ам̣ багаасзнд̇о бат̇авим̣ ко ахам̣ б̣рахмзд̇иаад̣̇имааха. д̇ад̇т̇а бат̇авияаа бат̇авад̇д̇зна ананубхууд̇анд̇и бат̇авияаа бат̇ависабхаавзна ананубхууд̇ам̣ аббад̇д̇ам̣. гим̣ бана д̇анд̇и? ниб̣б̣аанам̣. д̇ан̃хи саб̣б̣асмаа сан̇кад̇аа ниссадад̇д̇аа бат̇ависабхаавзна аббад̇д̇ам̣ наама. д̇ад̣̇абхин̃н̃ааяаад̇и д̇ам̣ ниб̣б̣аанам̣ ж̇аанид̇ваа сажчигад̇ваа. бат̇авим̣ наабахосинд̇и бат̇авим̣ д̇ан̣хаад̣̇идтимаанаг̇аахзхи на г̇ан̣хим̣. аабаад̣̇ийсуби зсзва наяо. вид̇т̇ааро бана муулабарияааяз вуд̇д̇анаязнзва взд̣̇ид̇аб̣б̣о.
Athassa bhagavā uttari asamasamataṃ pakāsento pathaviṃ kho ahaṃ brahmetiādimāha. Tattha pathaviyā pathavattena ananubhūtanti pathaviyā pathavisabhāvena ananubhūtaṃ appattaṃ. Kiṃ pana tanti? Nibbānaṃ. Tañhi sabbasmā saṅkhatā nissaṭattā pathavisabhāvena appattaṃ nāma. Tadabhiññāyāti taṃ nibbānaṃ jānitvā sacchikatvā. Pathaviṃ nāpahosinti pathaviṃ taṇhādiṭṭhimānagāhehi na gaṇhiṃ. Āpādīsupi eseva nayo. Vitthāro pana mūlapariyāye vuttanayeneva veditabbo.
сажз ко д̇з, маариса, саб̣б̣асса саб̣б̣ад̇д̇знаад̇и ид̣̇амзва б̣рахмаа ад̇д̇ано ваад̣̇ид̇ааяа саб̣б̣анд̇и агкарам̣ нид̣̇д̣̇исид̇ваа агкарз д̣̇осам̣ г̇ан̣ханд̇о ааха. сад̇т̇аа бана саггааяам̣ санд̇хааяа ‘‘саб̣б̣а’’нд̇и вад̣̇ад̇и, б̣рахмаа саб̣б̣асаб̣б̣ам̣ санд̇хааяа. д̇вам̣ ‘‘саб̣б̣а’’нд̇и вад̣̇аси, ‘‘саб̣б̣асса саб̣б̣ад̇д̇зна ананубхууд̇а’’нд̇и вад̣̇аси, яад̣̇и саб̣б̣ам̣ ананубхууд̇ам̣ над̇т̇и, ат̇асса ананубхууд̇ам̣ ад̇т̇и. маа хзва д̇з рид̇д̇агамзва ахоси д̇ужчагамзва ахосийд̇и д̇уяхам̣ важанам̣ рид̇д̇агам̣ маа ход̇у, д̇ужчагам̣ маа ход̇ууд̇и сад̇т̇аарам̣ мусааваад̣̇зна ниг̇г̇ан̣хаад̇и.
Sace kho te, mārisa, sabbassa sabbattenāti idameva brahmā attano vāditāya sabbanti akkharaṃ niddisitvā akkhare dosaṃ gaṇhanto āha. Satthā pana sakkāyaṃ sandhāya ‘‘sabba’’nti vadati, brahmā sabbasabbaṃ sandhāya. Tvaṃ ‘‘sabba’’nti vadasi, ‘‘sabbassa sabbattena ananubhūta’’nti vadasi, yadi sabbaṃ ananubhūtaṃ natthi, athassa ananubhūtaṃ atthi. Mā heva te rittakamevaahositucchakameva ahosīti tuyhaṃ vacanaṃ rittakaṃ mā hotu, tucchakaṃ mā hotūti satthāraṃ musāvādena niggaṇhāti.
сад̇т̇аа бана зд̇асмаа б̣рахмунаа сад̇аг̇ун̣зна сахассаг̇ун̣зна сад̇асахассаг̇ун̣зна ваад̣̇ийд̇аро, д̇асмаа ахам̣ саб̣б̣ан̃жа вагкаами, ананубхууд̇ан̃жа вагкаами, сун̣аахи мзд̇и д̇асса ваад̣̇амад̣̇д̣̇анад̇т̇ам̣ гааран̣ам̣ аахаранд̇о вин̃н̃аан̣анд̇иаад̣̇имааха. д̇ад̇т̇а вин̃н̃аан̣анд̇и виж̇аанид̇аб̣б̣ам̣. анид̣̇ассананд̇и жагкувин̃н̃аан̣асса аабаат̇ам̣ анубаг̇аманад̇о анид̣̇ассанам̣ наама, бад̣̇ад̣̇ваязнаби ниб̣б̣аанамзва вуд̇д̇ам̣. ананд̇анд̇и д̇аяид̣̇ам̣ уббаад̣̇аваяаанд̇арахид̇ад̇д̇аа ананд̇ам̣ наама. вуд̇д̇амби хзд̇ам̣ –
Satthā pana etasmā brahmunā sataguṇena sahassaguṇena satasahassaguṇena vādītaro, tasmā ahaṃ sabbañca vakkhāmi, ananubhūtañca vakkhāmi, suṇāhi meti tassa vādamaddanatthaṃ kāraṇaṃ āharanto viññāṇantiādimāha. Tattha viññāṇanti vijānitabbaṃ. Anidassananti cakkhuviññāṇassa āpāthaṃ anupagamanato anidassanaṃ nāma, padadvayenapi nibbānameva vuttaṃ. Anantanti tayidaṃ uppādavayaantarahitattā anantaṃ nāma. Vuttampi hetaṃ –
‘‘анд̇аванд̇аани бхууд̇аани, асамбхууд̇ам̣ ананд̇агам̣;
‘‘Antavantāni bhūtāni, asambhūtaṃ anantakaṃ;
бхууд̇з анд̇аани д̣̇иссанд̇и, бхууд̇з анд̇аа багаасид̇аа’’д̇и.
Bhūte antāni dissanti, bhūte antā pakāsitā’’ti.
саб̣б̣ад̇обабханд̇и саб̣б̣асо бабхаасамбаннам̣. ниб̣б̣аанад̇о хи ан̃н̃о д̇хаммо сабабхад̇аро ваа ж̇од̇иванд̇ад̇аро ваа барисуд̣̇д̇хад̇аро ваа бан̣д̣арад̇аро ваа над̇т̇и. саб̣б̣ад̇о ваа д̇ат̇аа бабхууд̇амзва, на гад̇т̇ажи над̇т̇ийд̇и саб̣б̣ад̇обабхам̣. бурад̇т̇имад̣̇исаад̣̇ийсу хи асугад̣̇исааяа наама ниб̣б̣аанам̣ над̇т̇ийд̇и на вад̇д̇аб̣б̣ам̣. ат̇а ваа бабханд̇и д̇ид̇т̇асса наамам̣, саб̣б̣ад̇о бабхамассаад̇и саб̣б̣ад̇обабхам̣. ниб̣б̣аанасса гира яат̇аа махаасамуд̣̇д̣̇асса яад̇о яад̇о од̇арид̇угаамаа хонд̇и, д̇ам̣ д̇ад̣̇зва д̇ид̇т̇ам̣, ад̇ид̇т̇ам̣ наама над̇т̇и. звамзвам̣ адтад̇им̣сааяа гаммадтаанзсу язна язна мукзна ниб̣б̣аанам̣ од̇арид̇угаамаа хонд̇и, д̇ам̣ д̇ад̣̇зва д̇ид̇т̇ам̣. ниб̣б̣аанасса ад̇ид̇т̇ам̣ наама гаммадтаанам̣ над̇т̇и. д̇зна вуд̇д̇ам̣ саб̣б̣ад̇обабханд̇и. д̇ам̣ бат̇авияаа бат̇авад̇д̇знаад̇и д̇ам̣ ниб̣б̣аанам̣ бат̇авияаа бат̇авийсабхаавзна д̇ад̇о барзсам̣ аабаад̣̇ийнам̣ аабаад̣̇исабхаавзна жа ананубхууд̇ам̣. ид̇и яам̣ д̇умхаад̣̇исаанам̣ висаяабхууд̇ам̣ саб̣б̣ад̇збхуумагад̇хаммаж̇аад̇ам̣ д̇асса саб̣б̣ад̇д̇зна д̇ам̣ вин̃н̃аан̣ам̣ анид̣̇ассанам̣ ананд̇ам̣ саб̣б̣ад̇обад̇ам̣ ананубхууд̇анд̇и ваад̣̇ам̣ бад̇идтабзси.
Sabbatopabhanti sabbaso pabhāsampannaṃ. Nibbānato hi añño dhammo sapabhataro vā jotivantataro vā parisuddhataro vā paṇḍarataro vā natthi. Sabbato vā tathā pabhūtameva, na katthaci natthīti sabbatopabhaṃ. Puratthimadisādīsu hi asukadisāya nāma nibbānaṃ natthīti na vattabbaṃ. Atha vā pabhanti titthassa nāmaṃ, sabbato pabhamassāti sabbatopabhaṃ. Nibbānassa kira yathā mahāsamuddassa yato yato otaritukāmā honti, taṃ tadeva titthaṃ, atitthaṃ nāma natthi. Evamevaṃ aṭṭhatiṃsāya kammaṭṭhānesu yena yena mukhena nibbānaṃ otaritukāmā honti, taṃ tadeva titthaṃ. Nibbānassa atitthaṃ nāma kammaṭṭhānaṃ natthi. Tena vuttaṃ sabbatopabhanti. Taṃ pathaviyā pathavattenāti taṃ nibbānaṃ pathaviyā pathavīsabhāvena tato paresaṃ āpādīnaṃ āpādisabhāvena ca ananubhūtaṃ. Iti yaṃ tumhādisānaṃ visayabhūtaṃ sabbatebhūmakadhammajātaṃ tassa sabbattena taṃ viññāṇaṃ anidassanaṃ anantaṃ sabbatopataṃ ananubhūtanti vādaṃ patiṭṭhapesi.
д̇ад̇о б̣рахмаа г̇ахид̇аг̇ахид̇ам̣ сад̇т̇аараа виссаж̇ж̇аабид̇о гин̃жи г̇ахзд̇аб̣б̣ам̣ ад̣̇исваа лал̣ид̇агам̣ гаад̇угаамо ханд̣̇а жарахи д̇з, маариса, анд̇арад̇хааяаамийд̇и ааха. д̇ад̇т̇а анд̇арад̇хааяаамийд̇и ад̣̇иссамаанагабаадихаарияам̣ гаромийд̇и ааха. сажз висахасийд̇и яад̣̇и саггоси маяхам̣ анд̇арад̇хааяид̇ум̣, анд̇арад̇хааяаси , баадихаарияам̣ гарохийд̇и. нзвассу мз саггод̇и анд̇арад̇хааяид̇унд̇и маяхам̣ анд̇арад̇хааяид̇ум̣ нзва саггод̇и. гим̣ банзса гаад̇угаамо ахосийд̇и? муулабадисанд̇хим̣ г̇анд̇угаамо ахоси. б̣рахмаанан̃хи муулабадисанд̇хигаад̇д̇абхааво сукумо, ан̃н̃зсам̣ анаабаат̇о, абхисан̇кад̇агааязнзва д̇идтанд̇и. сад̇т̇аа д̇асса муулабадисанд̇хим̣ г̇анд̇ум̣ на ад̣̇ааси. муулабадисанд̇хим̣ ваа аг̇анд̇вааби язна д̇амзна ад̇д̇аанам̣ анд̇арад̇хаабзд̇ваа ад̣̇иссамаанаго бхавзяяа, сад̇т̇аа д̇ам̣ д̇амам̣ винод̣̇зси, д̇асмаа анд̇арад̇хааяид̇ум̣ наасагки. со асаггонд̇о вимаанз нилийяад̇и, габбаругкз нилийяад̇и, уггудиго нисийд̣̇ад̇и. б̣рахмаг̇ан̣о гзл̣имагааси – ‘‘зса ко б̣аго б̣рахмаа вимаанз нилийяад̇и, габбаругкз нилийяад̇и, уггудиго нисийд̣̇ад̇и, б̣рахмз д̇вам̣ анд̇арахид̇омхий’’д̇и сан̃н̃ам̣ уббаад̣̇зси наамаад̇и. со б̣рахмаг̇ан̣зна уббан̣д̣ид̇о ман̇гу ахоси.
Tato brahmā gahitagahitaṃ satthārā vissajjāpito kiñci gahetabbaṃ adisvā laḷitakaṃ kātukāmo handa carahi te, mārisa, antaradhāyāmīti āha. Tattha antaradhāyāmīti adissamānakapāṭihāriyaṃ karomīti āha. Sace visahasīti yadi sakkosi mayhaṃ antaradhāyituṃ, antaradhāyasi , pāṭihāriyaṃ karohīti. Nevassu me sakkoti antaradhāyitunti mayhaṃ antaradhāyituṃ neva sakkoti. Kiṃ panesa kātukāmo ahosīti? Mūlapaṭisandhiṃ gantukāmo ahosi. Brahmānañhi mūlapaṭisandhikaattabhāvo sukhumo, aññesaṃ anāpātho, abhisaṅkhatakāyeneva tiṭṭhanti. Satthā tassa mūlapaṭisandhiṃ gantuṃ na adāsi. Mūlapaṭisandhiṃ vā agantvāpi yena tamena attānaṃ antaradhāpetvā adissamānako bhaveyya, satthā taṃ tamaṃ vinodesi, tasmā antaradhāyituṃ nāsakkhi. So asakkonto vimāne nilīyati, kapparukkhe nilīyati, ukkuṭiko nisīdati. Brahmagaṇo keḷimakāsi – ‘‘esa kho bako brahmā vimāne nilīyati, kapparukkhe nilīyati, ukkuṭiko nisīdati, brahme tvaṃ antarahitomhī’’ti saññaṃ uppādesi nāmāti. So brahmagaṇena uppaṇḍito maṅku ahosi.
звам̣ вуд̇д̇з ахам̣, бхигкавзд̇и, бхигкавз, зд̇зна б̣рахмунаа, ‘‘ханд̣̇а жарахи д̇з, маариса, анд̇арад̇хааяаамий’’д̇и звам̣ вуд̇д̇з д̇ам̣ анд̇арад̇хааяид̇ум̣ асаггонд̇ам̣ д̣̇исваа ахам̣ зд̇ад̣̇авожам̣. имам̣ г̇аат̇амабхаасинд̇и гасмаа бхаг̇аваа г̇аат̇амабхаасийд̇и? саман̣асса г̇од̇амасса имасмим̣ таанз ад̇т̇ибхааво ваа над̇т̇ибхааво ваа гат̇ам̣ саггаа ж̇аанид̇унд̇и звам̣ б̣рахмаг̇ан̣асса важаногаасо маа ход̇ууд̇и анд̇арахид̇ова г̇аат̇амабхааси.
Evaṃ vutte ahaṃ, bhikkhaveti, bhikkhave, etena brahmunā, ‘‘handa carahi te, mārisa, antaradhāyāmī’’ti evaṃ vutte taṃ antaradhāyituṃ asakkontaṃ disvā ahaṃ etadavocaṃ. Imaṃ gāthamabhāsinti kasmā bhagavā gāthamabhāsīti? Samaṇassa gotamassa imasmiṃ ṭhāne atthibhāvo vā natthibhāvo vā kathaṃ sakkā jānitunti evaṃ brahmagaṇassa vacanokāso mā hotūti antarahitova gāthamabhāsi.
д̇ад̇т̇а бхавзваахам̣ бхаяам̣ д̣̇исваад̇и ахам̣ бхавз бхаяам̣ д̣̇исвааязва. бхаван̃жа вибхавзсинанд̇и иман̃жа гаамабхаваад̣̇ид̇ивид̇хамби сад̇д̇абхавам̣ вибхавзсинам̣ вибхавам̣ г̇авзсамаанам̣ бариязсамаанамби бунаббунам̣ бхавзязва д̣̇исваа. бхавам̣ наабхивад̣̇инд̇и д̇ан̣хаад̣̇идтивасзна гин̃жи бхавам̣ на абхивад̣̇им̣, на г̇авзсинд̇и ад̇т̇о. нанд̣̇ин̃жа на убаад̣̇ияинд̇и бхавад̇ан̣хам̣ на убаг̇ан̃чим̣, на аг̇г̇ахзсинд̇и ад̇т̇о. ид̇и жад̇д̇аари сажжаани багаасзнд̇о сад̇т̇аа д̇хаммам̣ д̣̇зсзси. д̣̇зсанаабарияосаанз д̣̇зсанаанусаарзна вибассанааг̇аб̣бхам̣ г̇аахаабзд̇ваа д̣̇асамад̇д̇аани б̣рахмасахассаани маг̇г̇апалаамад̇абаанам̣ бивим̣су.
Tattha bhavevāhaṃ bhayaṃ disvāti ahaṃ bhave bhayaṃ disvāyeva. Bhavañca vibhavesinanti imañca kāmabhavāditividhampi sattabhavaṃ vibhavesinaṃ vibhavaṃ gavesamānaṃ pariyesamānampi punappunaṃ bhaveyeva disvā. Bhavaṃ nābhivadinti taṇhādiṭṭhivasena kiñci bhavaṃ na abhivadiṃ, na gavesinti attho. Nandiñca na upādiyinti bhavataṇhaṃ na upagañchiṃ, na aggahesinti attho. Iti cattāri saccāni pakāsento satthā dhammaṃ desesi. Desanāpariyosāne desanānusārena vipassanāgabbhaṃ gāhāpetvā dasamattāni brahmasahassāni maggaphalāmatapānaṃ piviṃsu.
ажчарияаб̣бхуд̇ажид̇д̇аж̇аад̇аад̇и ажчарияаж̇аад̇аа аб̣бхуд̇аж̇аад̇аа д̇удтиж̇аад̇аа жа ахзсум̣. самуулам̣ бхавам̣ уд̣̇аб̣б̣ахийд̇и б̣од̇химан̣д̣з ад̇д̇ано д̇ааяа д̇ааяа д̣̇зсанааяа ан̃н̃зсамби б̣ахуунам̣ д̣̇звамануссаанам̣ самуулагам̣ бхавам̣ уд̣̇аб̣б̣ахи, уд̣̇д̇хари уббаадзсийд̇и ад̇т̇о.
Acchariyabbhutacittajātāti acchariyajātā abbhutajātā tuṭṭhijātā ca ahesuṃ. Samūlaṃ bhavaṃ udabbahīti bodhimaṇḍe attano tāya tāya desanāya aññesampi bahūnaṃ devamanussānaṃ samūlakaṃ bhavaṃ udabbahi, uddhari uppāṭesīti attho.
505. д̇асмим̣ бана самаяз мааро баабимаа год̇хаабхибхууд̇о худ̇ваа, ‘‘маяи вижаранд̇зязва саман̣зна г̇од̇амзна д̇хаммагат̇ам̣ гат̇зд̇ваа д̣̇асамад̇д̇аани б̣рахмасахассаани мама васам̣ ад̇ивад̇д̇ид̇ааний’’д̇и год̇хаабхибхууд̇ад̇ааяа ан̃н̃ад̇арасса б̣рахмабаарисаж̇ж̇асса сарийрз ад̇химужжи, д̇ам̣ д̣̇ассзд̇ум̣ ат̇а ко, бхигкавзд̇иаад̣̇имааха. д̇ад̇т̇а сажз д̇вам̣ звам̣ ануб̣уд̣̇д̇ход̇и сажз д̇вам̣ звам̣ ад̇д̇анаава жад̇д̇аари сажжаани ануб̣уд̣̇д̇хо. маа саавагз убанзсийд̇и г̇ихисаавагз ваа баб̣б̣аж̇ид̇асаавагз ваа д̇ам̣ д̇хаммам̣ маа убанаяаси. хийнз гааяз бад̇идтид̇аад̇и жад̇уусу абааязсу бад̇идтид̇аа. бан̣ийд̇з гааяз бад̇идтид̇аад̇и б̣рахмалогз бад̇идтид̇аа. ид̣̇ам̣ гз санд̇хааяа вад̣̇ад̇и? б̣аахирабаб̣б̣аж̇ж̇ам̣ баб̣б̣аж̇ид̇з д̇аабасабариб̣б̣ааж̇агз. ануббаннз хи б̣уд̣̇д̇хуббаад̣̇з гулабуд̇д̇аа д̇аабасабаб̣б̣аж̇ж̇ам̣ баб̣б̣аж̇ид̇ваа гассажи гин̃жи авижаарзд̇ваа згажараа худ̇ваа самаабад̇д̇ияо ниб̣б̣ад̇д̇зд̇ваа б̣рахмалогз уббаж̇ж̇им̣су, д̇з санд̇хааяа звамааха. анагкаад̇ам̣ гусалан̃хи маарисаад̇и барзсам̣ анагкаад̇ам̣ ановад̣̇анам̣ д̇хаммагат̇ааяа агат̇анам̣ гусалам̣ зд̇ам̣ сзяяо. маа барам̣ овад̣̇аахийд̇и гаалзна мануссалогам̣, гаалзна д̣̇звалогам̣, гаалзна б̣рахмалогам̣, гаалзна нааг̇алогам̣ аахин̣д̣анд̇о маа вижари, згасмим̣ таанз нисинно жхаанамаг̇г̇апаласукзна вийд̇инаамзхийд̇и. анаалабанад̇ааяаад̇и ануллабанад̇ааяа. б̣рахмуно жа абхиниманд̇анад̇ааяаад̇и б̣агаб̣рахмуно жа ид̣̇ан̃хи, маариса, нижжанд̇иаад̣̇инаа наязна саха гааяагзна б̣рахмадтаанзна ниманд̇анаважанзна. д̇асмаад̇и д̇зна гааран̣зна. имасса взяяаагаран̣асса б̣рахманиманд̇анигам̣д̇взва ад̇хиважанам̣ сан̇каа саман̃н̃аа бан̃н̃ад̇д̇и ж̇аад̇аа. сзсам̣ саб̣б̣ад̇т̇а уд̇д̇аанад̇т̇амзваад̇и.
505. Tasmiṃ pana samaye māro pāpimā kodhābhibhūto hutvā, ‘‘mayi vicaranteyeva samaṇena gotamena dhammakathaṃ kathetvā dasamattāni brahmasahassāni mama vasaṃ ativattitānī’’ti kodhābhibhūtatāya aññatarassa brahmapārisajjassa sarīre adhimucci, taṃ dassetuṃ atha kho, bhikkhavetiādimāha. Tattha sace tvaṃ evaṃ anubuddhoti sace tvaṃ evaṃ attanāva cattāri saccāni anubuddho. Mā sāvake upanesīti gihisāvake vā pabbajitasāvake vā taṃ dhammaṃ mā upanayasi. Hīne kāye patiṭṭhitāti catūsu apāyesu patiṭṭhitā. Paṇīte kāye patiṭṭhitāti brahmaloke patiṭṭhitā. Idaṃ ke sandhāya vadati? Bāhirapabbajjaṃ pabbajite tāpasaparibbājake. Anuppanne hi buddhuppāde kulaputtā tāpasapabbajjaṃ pabbajitvā kassaci kiñci avicāretvā ekacarā hutvā samāpattiyo nibbattetvā brahmaloke uppajjiṃsu, te sandhāya evamāha. Anakkhātaṃ kusalañhi mārisāti paresaṃ anakkhātaṃ anovadanaṃ dhammakathāya akathanaṃ kusalaṃ etaṃ seyyo. Mā paraṃ ovadāhīti kālena manussalokaṃ, kālena devalokaṃ, kālena brahmalokaṃ, kālena nāgalokaṃ āhiṇḍanto mā vicari, ekasmiṃ ṭhāne nisinno jhānamaggaphalasukhena vītināmehīti. Anālapanatāyāti anullapanatāya. Brahmuno ca abhinimantanatāyāti bakabrahmuno ca idañhi, mārisa, niccantiādinā nayena saha kāyakena brahmaṭṭhānena nimantanavacanena. Tasmāti tena kāraṇena. Imassa veyyākaraṇassa brahmanimantanikaṃtveva adhivacanaṃ saṅkhā samaññā paññatti jātā. Sesaṃ sabbattha uttānatthamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
б̣рахманиманд̇анигасуд̇д̇аван̣н̣анаа нидтид̇аа.
Brahmanimantanikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. б̣рахманиманд̇анигасуд̇д̇ам̣ • 9. Brahmanimantanikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. б̣рахманиманд̇анигасуд̇д̇аван̣н̣анаа • 9. Brahmanimantanikasuttavaṇṇanā
