| Library / Tipiṭaka / तिपिटक • Tipiṭaka / धम्मसङ्गणी-अनुटीका • Dhammasaṅgaṇī-anuṭīkā |
ब्रह्मविहारकथावण्णना
Brahmavihārakathāvaṇṇanā
२५१. अञ्ञाणसम्पयुत्तापि वा उपेक्खावेदना अञ्ञाणुपेक्खा, उपेक्खाति अञ्ञाणसम्पयुत्ता उपेक्खावेदना, अञ्ञाणुपेक्खातिपि एतासंयेव नामन्ति (विभ॰ अट्ठ॰ ९४७) हि सम्मोहविनोदनियं वक्खतीति। अप्पटिभागनिमित्तत्तेपि एकं कतिपये वा सत्ते ओदिस्स पवत्ता परिच्छिन्नरूपादिउपादानविसये पवत्तत्ता कथमप्पमाणगोचराति आह ‘‘न च सम्मुतिसच्चवसेना’’तिआदि। एवम्पि यथा नत्थि सत्ता ओपपातिकाति सत्तवसेन पवत्तायपि मिच्छादिट्ठिया सङ्खारारम्मणता वुच्चति उपादानवसेन, एवं सत्तवसेन पवत्तानम्पि मेत्तादीनं सङ्खारारम्मणतापि सियाति चे? न, अपरामसनवसेन पवत्तानं मेत्तादीनं सउपादानग्गहणासम्भवतोति दस्सेन्तो आह ‘‘अपरामासा’’तिआदि।
251. Aññāṇasampayuttāpi vā upekkhāvedanā aññāṇupekkhā, upekkhāti aññāṇasampayuttā upekkhāvedanā, aññāṇupekkhātipi etāsaṃyeva nāmanti (vibha. aṭṭha. 947) hi sammohavinodaniyaṃ vakkhatīti. Appaṭibhāganimittattepi ekaṃ katipaye vā satte odissa pavattā paricchinnarūpādiupādānavisaye pavattattā kathamappamāṇagocarāti āha ‘‘na ca sammutisaccavasenā’’tiādi. Evampi yathā natthi sattā opapātikāti sattavasena pavattāyapi micchādiṭṭhiyā saṅkhārārammaṇatā vuccati upādānavasena, evaṃ sattavasena pavattānampi mettādīnaṃ saṅkhārārammaṇatāpi siyāti ce? Na, aparāmasanavasena pavattānaṃ mettādīnaṃ saupādānaggahaṇāsambhavatoti dassento āha ‘‘aparāmāsā’’tiādi.
ब्रह्मविहारकथावण्णना निट्ठिता।
Brahmavihārakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / धम्मसङ्गणीपाळि • Dhammasaṅgaṇīpāḷi / रूपावचरकुसलं • Rūpāvacarakusalaṃ
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / धम्मसङ्गणि-अट्ठकथा • Dhammasaṅgaṇi-aṭṭhakathā / ब्रह्मविहारकथा • Brahmavihārakathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / धम्मसङ्गणी-मूलटीका • Dhammasaṅgaṇī-mūlaṭīkā / ब्रह्मविहारकथावण्णना • Brahmavihārakathāvaṇṇanā
