| Library / Tipiṭaka / તિપિટક • Tipiṭaka / ધમ્મસઙ્ગણી-અનુટીકા • Dhammasaṅgaṇī-anuṭīkā |
બ્રહ્મવિહારકથાવણ્ણના
Brahmavihārakathāvaṇṇanā
૨૫૧. અઞ્ઞાણસમ્પયુત્તાપિ વા ઉપેક્ખાવેદના અઞ્ઞાણુપેક્ખા, ઉપેક્ખાતિ અઞ્ઞાણસમ્પયુત્તા ઉપેક્ખાવેદના, અઞ્ઞાણુપેક્ખાતિપિ એતાસંયેવ નામન્તિ (વિભ॰ અટ્ઠ॰ ૯૪૭) હિ સમ્મોહવિનોદનિયં વક્ખતીતિ. અપ્પટિભાગનિમિત્તત્તેપિ એકં કતિપયે વા સત્તે ઓદિસ્સ પવત્તા પરિચ્છિન્નરૂપાદિઉપાદાનવિસયે પવત્તત્તા કથમપ્પમાણગોચરાતિ આહ ‘‘ન ચ સમ્મુતિસચ્ચવસેના’’તિઆદિ. એવમ્પિ યથા નત્થિ સત્તા ઓપપાતિકાતિ સત્તવસેન પવત્તાયપિ મિચ્છાદિટ્ઠિયા સઙ્ખારારમ્મણતા વુચ્ચતિ ઉપાદાનવસેન, એવં સત્તવસેન પવત્તાનમ્પિ મેત્તાદીનં સઙ્ખારારમ્મણતાપિ સિયાતિ ચે? ન, અપરામસનવસેન પવત્તાનં મેત્તાદીનં સઉપાદાનગ્ગહણાસમ્ભવતોતિ દસ્સેન્તો આહ ‘‘અપરામાસા’’તિઆદિ.
251. Aññāṇasampayuttāpi vā upekkhāvedanā aññāṇupekkhā, upekkhāti aññāṇasampayuttā upekkhāvedanā, aññāṇupekkhātipi etāsaṃyeva nāmanti (vibha. aṭṭha. 947) hi sammohavinodaniyaṃ vakkhatīti. Appaṭibhāganimittattepi ekaṃ katipaye vā satte odissa pavattā paricchinnarūpādiupādānavisaye pavattattā kathamappamāṇagocarāti āha ‘‘na ca sammutisaccavasenā’’tiādi. Evampi yathā natthi sattā opapātikāti sattavasena pavattāyapi micchādiṭṭhiyā saṅkhārārammaṇatā vuccati upādānavasena, evaṃ sattavasena pavattānampi mettādīnaṃ saṅkhārārammaṇatāpi siyāti ce? Na, aparāmasanavasena pavattānaṃ mettādīnaṃ saupādānaggahaṇāsambhavatoti dassento āha ‘‘aparāmāsā’’tiādi.
બ્રહ્મવિહારકથાવણ્ણના નિટ્ઠિતા.
Brahmavihārakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધમ્મસઙ્ગણીપાળિ • Dhammasaṅgaṇīpāḷi / રૂપાવચરકુસલં • Rūpāvacarakusalaṃ
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / ધમ્મસઙ્ગણિ-અટ્ઠકથા • Dhammasaṅgaṇi-aṭṭhakathā / બ્રહ્મવિહારકથા • Brahmavihārakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / ધમ્મસઙ્ગણી-મૂલટીકા • Dhammasaṅgaṇī-mūlaṭīkā / બ્રહ્મવિહારકથાવણ્ણના • Brahmavihārakathāvaṇṇanā
