| Library / Tipiṭaka / തിപിടക • Tipiṭaka / ധമ്മസങ്ഗണീ-അനുടീകാ • Dhammasaṅgaṇī-anuṭīkā |
ബ്രഹ്മവിഹാരകഥാവണ്ണനാ
Brahmavihārakathāvaṇṇanā
൨൫൧. അഞ്ഞാണസമ്പയുത്താപി വാ ഉപേക്ഖാവേദനാ അഞ്ഞാണുപേക്ഖാ, ഉപേക്ഖാതി അഞ്ഞാണസമ്പയുത്താ ഉപേക്ഖാവേദനാ, അഞ്ഞാണുപേക്ഖാതിപി ഏതാസംയേവ നാമന്തി (വിഭ॰ അട്ഠ॰ ൯൪൭) ഹി സമ്മോഹവിനോദനിയം വക്ഖതീതി. അപ്പടിഭാഗനിമിത്തത്തേപി ഏകം കതിപയേ വാ സത്തേ ഓദിസ്സ പവത്താ പരിച്ഛിന്നരൂപാദിഉപാദാനവിസയേ പവത്തത്താ കഥമപ്പമാണഗോചരാതി ആഹ ‘‘ന ച സമ്മുതിസച്ചവസേനാ’’തിആദി. ഏവമ്പി യഥാ നത്ഥി സത്താ ഓപപാതികാതി സത്തവസേന പവത്തായപി മിച്ഛാദിട്ഠിയാ സങ്ഖാരാരമ്മണതാ വുച്ചതി ഉപാദാനവസേന, ഏവം സത്തവസേന പവത്താനമ്പി മേത്താദീനം സങ്ഖാരാരമ്മണതാപി സിയാതി ചേ? ന, അപരാമസനവസേന പവത്താനം മേത്താദീനം സഉപാദാനഗ്ഗഹണാസമ്ഭവതോതി ദസ്സേന്തോ ആഹ ‘‘അപരാമാസാ’’തിആദി.
251. Aññāṇasampayuttāpi vā upekkhāvedanā aññāṇupekkhā, upekkhāti aññāṇasampayuttā upekkhāvedanā, aññāṇupekkhātipi etāsaṃyeva nāmanti (vibha. aṭṭha. 947) hi sammohavinodaniyaṃ vakkhatīti. Appaṭibhāganimittattepi ekaṃ katipaye vā satte odissa pavattā paricchinnarūpādiupādānavisaye pavattattā kathamappamāṇagocarāti āha ‘‘na ca sammutisaccavasenā’’tiādi. Evampi yathā natthi sattā opapātikāti sattavasena pavattāyapi micchādiṭṭhiyā saṅkhārārammaṇatā vuccati upādānavasena, evaṃ sattavasena pavattānampi mettādīnaṃ saṅkhārārammaṇatāpi siyāti ce? Na, aparāmasanavasena pavattānaṃ mettādīnaṃ saupādānaggahaṇāsambhavatoti dassento āha ‘‘aparāmāsā’’tiādi.
ബ്രഹ്മവിഹാരകഥാവണ്ണനാ നിട്ഠിതാ.
Brahmavihārakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധമ്മസങ്ഗണീപാളി • Dhammasaṅgaṇīpāḷi / രൂപാവചരകുസലം • Rūpāvacarakusalaṃ
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / ധമ്മസങ്ഗണി-അട്ഠകഥാ • Dhammasaṅgaṇi-aṭṭhakathā / ബ്രഹ്മവിഹാരകഥാ • Brahmavihārakathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / ധമ്മസങ്ഗണീ-മൂലടീകാ • Dhammasaṅgaṇī-mūlaṭīkā / ബ്രഹ്മവിഹാരകഥാവണ്ണനാ • Brahmavihārakathāvaṇṇanā
