| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. б̣раахман̣аваг̇г̇о
5. Brāhmaṇavaggo
1. б̣рахмааяусуд̇д̇ам̣
1. Brahmāyusuttaṃ
383. звам̣ мз суд̇ам̣ – згам̣ самаяам̣ бхаг̇аваа вид̣̇зхзсу жааригам̣ жарад̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. д̇зна ко бана самаязна б̣рахмааяу б̣раахман̣о мит̇илааяам̣ бадивасад̇и ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о, вийсавассасад̇иго ж̇аад̇ияаа, д̇ин̣н̣ам̣ взд̣̇аанам̣ 1 баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяо. ассоси ко б̣рахмааяу б̣раахман̣о – ‘‘саман̣о калу бхо, г̇од̇амо сагяабуд̇д̇о сагяагулаа баб̣б̣аж̇ид̇о вид̣̇зхзсу жааригам̣ жарад̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’’д̇и.
383. Evaṃ me sutaṃ – ekaṃ samayaṃ bhagavā videhesu cārikaṃ carati mahatā bhikkhusaṅghena saddhiṃ pañcamattehi bhikkhusatehi. Tena kho pana samayena brahmāyu brāhmaṇo mithilāyaṃ paṭivasati jiṇṇo vuḍḍho mahallako addhagato vayoanuppatto, vīsavassasatiko jātiyā, tiṇṇaṃ vedānaṃ 2 pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo. Assosi kho brahmāyu brāhmaṇo – ‘‘samaṇo khalu bho, gotamo sakyaputto sakyakulā pabbajito videhesu cārikaṃ carati mahatā bhikkhusaṅghena saddhiṃ pañcamattehi bhikkhusatehi. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavāti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’’ti.
384. д̇зна ко бана самаязна б̣рахмааяусса б̣раахман̣асса уд̇д̇аро наама маан̣аво анд̇зваасий ход̇и д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяо. ат̇а ко б̣рахмааяу б̣раахман̣о уд̇д̇арам̣ маан̣авам̣ ааманд̇зси – ‘‘аяам̣, д̇аад̇а уд̇д̇ара, саман̣о г̇од̇амо сагяабуд̇д̇о сагяагулаа баб̣б̣аж̇ид̇о вид̣̇зхзсу жааригам̣ жарад̇и махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо…бз… саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’д̇и. зхи д̇вам̣, д̇аад̇а уд̇д̇ара, язна саман̣о г̇од̇амо д̇знубасан̇гама; убасан̇гамид̇ваа саман̣ам̣ г̇од̇амам̣ ж̇аанаахи яад̣̇и ваа д̇ам̣ бхаванд̇ам̣ г̇од̇амам̣ д̇ат̇аа санд̇ам̣язва сад̣̇д̣̇о аб̣бхуг̇г̇ад̇о, яад̣̇и ваа но д̇ат̇аа; яад̣̇и ваа со бхавам̣ г̇од̇амо д̇аад̣̇исо, яад̣̇и ваа на д̇аад̣̇исо. д̇ат̇аа маяам̣ д̇ам̣ бхаванд̇ам̣ г̇од̇амам̣ взд̣̇иссаамаа’’д̇и. ‘‘яат̇аа гат̇ам̣ банаахам̣, бхо, д̇ам̣ бхаванд̇ам̣ г̇од̇амам̣ ж̇ааниссаами яад̣̇и ваа д̇ам̣ бхаванд̇ам̣ г̇од̇амам̣ д̇ат̇аа санд̇ам̣язва сад̣̇д̣̇о аб̣бхуг̇г̇ад̇о, яад̣̇и ваа но д̇ат̇аа; яад̣̇и ваа со бхавам̣ г̇од̇амо д̇аад̣̇исо, яад̣̇и ваа на д̇аад̣̇исо’’д̇и. ‘‘ааг̇ад̇аани ко, д̇аад̇а уд̇д̇ара, амхаагам̣ манд̇зсу д̣̇вад̇д̇им̣самахаабурисалагкан̣аани, язхи саманнааг̇ад̇асса махаабурисасса д̣̇взязва г̇ад̇ияо бхаванд̇и анан̃н̃аа . сажз аг̇аарам̣ аж̇жхаавасад̇и, рааж̇аа ход̇и жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. д̇ассимаани сад̇д̇а рад̇анаани бхаванд̇и, сзяяат̇ид̣̇ам̣ – жаггарад̇анам̣, хад̇т̇ирад̇анам̣, ассарад̇анам̣, ман̣ирад̇анам̣, ид̇т̇ирад̇анам̣, г̇ахабад̇ирад̇анам̣, барин̣ааяагарад̇анамзва сад̇д̇амам̣. баросахассам̣ ко банасса буд̇д̇аа бхаванд̇и суураа вийран̇г̇аруубаа барасзнаббамад̣̇д̣̇анаа. со имам̣ бат̇авим̣ сааг̇арабарияанд̇ам̣ ад̣̇ан̣д̣зна асад̇т̇зна д̇хаммзна 3 абхивиж̇ияа аж̇жхаавасад̇и. сажз ко бана аг̇аарасмаа анаг̇аарияам̣ баб̣б̣аж̇ад̇и, арахам̣ ход̇и саммаасамб̣уд̣̇д̇хо логз виваддажчад̣̇о. ахам̣ ко бана, д̇аад̇а уд̇д̇ара, манд̇аанам̣ д̣̇аад̇аа; д̇вам̣ манд̇аанам̣ бадиг̇г̇ахзд̇аа’’д̇и.
384. Tena kho pana samayena brahmāyussa brāhmaṇassa uttaro nāma māṇavo antevāsī hoti tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo. Atha kho brahmāyu brāhmaṇo uttaraṃ māṇavaṃ āmantesi – ‘‘ayaṃ, tāta uttara, samaṇo gotamo sakyaputto sakyakulā pabbajito videhesu cārikaṃ carati mahatā bhikkhusaṅghena saddhiṃ pañcamattehi bhikkhusatehi. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho…pe… sādhu kho pana tathārūpānaṃ arahataṃ dassanaṃ hotī’ti. Ehi tvaṃ, tāta uttara, yena samaṇo gotamo tenupasaṅkama; upasaṅkamitvā samaṇaṃ gotamaṃ jānāhi yadi vā taṃ bhavantaṃ gotamaṃ tathā santaṃyeva saddo abbhuggato, yadi vā no tathā; yadi vā so bhavaṃ gotamo tādiso, yadi vā na tādiso. Tathā mayaṃ taṃ bhavantaṃ gotamaṃ vedissāmā’’ti. ‘‘Yathā kathaṃ panāhaṃ, bho, taṃ bhavantaṃ gotamaṃ jānissāmi yadi vā taṃ bhavantaṃ gotamaṃ tathā santaṃyeva saddo abbhuggato, yadi vā no tathā; yadi vā so bhavaṃ gotamo tādiso, yadi vā na tādiso’’ti. ‘‘Āgatāni kho, tāta uttara, amhākaṃ mantesu dvattiṃsamahāpurisalakkhaṇāni, yehi samannāgatassa mahāpurisassa dveyeva gatiyo bhavanti anaññā . Sace agāraṃ ajjhāvasati, rājā hoti cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato. Tassimāni satta ratanāni bhavanti, seyyathidaṃ – cakkaratanaṃ, hatthiratanaṃ, assaratanaṃ, maṇiratanaṃ, itthiratanaṃ, gahapatiratanaṃ, pariṇāyakaratanameva sattamaṃ. Parosahassaṃ kho panassa puttā bhavanti sūrā vīraṅgarūpā parasenappamaddanā. So imaṃ pathaviṃ sāgarapariyantaṃ adaṇḍena asatthena dhammena 4 abhivijiya ajjhāvasati. Sace kho pana agārasmā anagāriyaṃ pabbajati, arahaṃ hoti sammāsambuddho loke vivaṭṭacchado. Ahaṃ kho pana, tāta uttara, mantānaṃ dātā; tvaṃ mantānaṃ paṭiggahetā’’ti.
385. ‘‘звам̣, бхо’’д̇и ко уд̇д̇аро маан̣аво б̣рахмааяусса б̣раахман̣асса бадиссуд̇ваа удтааяаасанаа б̣рахмааяум̣ б̣раахман̣ам̣ абхиваад̣̇зд̇ваа бад̣̇агкин̣ам̣ гад̇ваа вид̣̇зхзсу язна бхаг̇аваа д̇зна жааригам̣ баггаами. анубуб̣б̣зна жааригам̣ жарамаано язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко уд̇д̇аро маан̣аво бхаг̇авад̇о гааяз д̣̇вад̇д̇им̣самахаабурисалагкан̣аани саманнзси. ад̣̇д̣̇асаа ко уд̇д̇аро маан̣аво бхаг̇авад̇о гааяз д̣̇вад̇д̇им̣самахаабурисалагкан̣аани, язбхуяязна т̇абзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз, бахууд̇аж̇ивхад̇ааяа жа. ат̇а ко бхаг̇авад̇о зд̇ад̣̇ахоси – ‘‘бассад̇и ко мз аяам̣ уд̇д̇аро маан̣аво д̣̇вад̇д̇им̣самахаабурисалагкан̣аани , язбхуяязна т̇абзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз, бахууд̇аж̇ивхад̇ааяа жаа’’д̇и. ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇кааси яат̇аа ад̣̇д̣̇аса уд̇д̇аро маан̣аво бхаг̇авад̇о госохид̇ам̣ вад̇т̇аг̇уяхам̣. ат̇а ко бхаг̇аваа ж̇ивхам̣ ниннаамзд̇ваа убхоби ган̣н̣асод̇аани анумаси бадимаси 5; убхоби наасигасод̇аани 6 анумаси бадимаси; гзваламби налаадаман̣д̣алам̣ ж̇ивхааяа чаад̣̇зси. ат̇а ко уд̇д̇арасса маан̣авасса зд̇ад̣̇ахоси – ‘‘саманнааг̇ад̇о ко саман̣о г̇од̇амо д̣̇вад̇д̇им̣самахаабурисалагкан̣зхи. яам̣нуунаахам̣ саман̣ам̣ г̇од̇амам̣ ануб̣анд̇хзяяам̣, ирияаабат̇амасса бассзяяа’’нд̇и. ат̇а ко уд̇д̇аро маан̣аво сад̇д̇амаасаани бхаг̇аванд̇ам̣ ануб̣анд̇хи чааяаава анабааяиний 7.
385. ‘‘Evaṃ, bho’’ti kho uttaro māṇavo brahmāyussa brāhmaṇassa paṭissutvā uṭṭhāyāsanā brahmāyuṃ brāhmaṇaṃ abhivādetvā padakkhiṇaṃ katvā videhesu yena bhagavā tena cārikaṃ pakkāmi. Anupubbena cārikaṃ caramāno yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho uttaro māṇavo bhagavato kāye dvattiṃsamahāpurisalakkhaṇāni samannesi. Addasā kho uttaro māṇavo bhagavato kāye dvattiṃsamahāpurisalakkhaṇāni, yebhuyyena thapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe, pahūtajivhatāya ca. Atha kho bhagavato etadahosi – ‘‘passati kho me ayaṃ uttaro māṇavo dvattiṃsamahāpurisalakkhaṇāni , yebhuyyena thapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe, pahūtajivhatāya cā’’ti. Atha kho bhagavā tathārūpaṃ iddhābhisaṅkhāraṃ abhisaṅkhāsi yathā addasa uttaro māṇavo bhagavato kosohitaṃ vatthaguyhaṃ. Atha kho bhagavā jivhaṃ ninnāmetvā ubhopi kaṇṇasotāni anumasi paṭimasi 8; ubhopi nāsikasotāni 9 anumasi paṭimasi; kevalampi nalāṭamaṇḍalaṃ jivhāya chādesi. Atha kho uttarassa māṇavassa etadahosi – ‘‘samannāgato kho samaṇo gotamo dvattiṃsamahāpurisalakkhaṇehi. Yaṃnūnāhaṃ samaṇaṃ gotamaṃ anubandheyyaṃ, iriyāpathamassa passeyya’’nti. Atha kho uttaro māṇavo sattamāsāni bhagavantaṃ anubandhi chāyāva anapāyinī 10.
386. ат̇а ко уд̇д̇аро маан̣аво сад̇д̇аннам̣ маасаанам̣ ажжаязна вид̣̇зхзсу язна мит̇илаа д̇зна жааригам̣ баггаами. анубуб̣б̣зна жааригам̣ жарамаано язна мит̇илаа язна б̣рахмааяу б̣раахман̣о д̇знубасан̇гами; убасан̇гамид̇ваа б̣рахмааяум̣ б̣раахман̣ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко уд̇д̇арам̣ маан̣авам̣ б̣рахмааяу б̣раахман̣о зд̇ад̣̇авожа – ‘‘гажжи, д̇аад̇а уд̇д̇ара, д̇ам̣ бхаванд̇ам̣ г̇од̇амам̣ д̇ат̇аа санд̇ам̣язва сад̣̇д̣̇о аб̣бхуг̇г̇ад̇о , но ан̃н̃ат̇аа? гажжи бана со бхавам̣ г̇од̇амо д̇аад̣̇исо, но ан̃н̃аад̣̇исо’’д̇и? ‘‘д̇ат̇аа санд̇ам̣язва, бхо, д̇ам̣ бхаванд̇ам̣ г̇од̇амам̣ сад̣̇д̣̇о аб̣бхуг̇г̇ад̇о, но ан̃н̃ат̇аа; д̇аад̣̇исова 11 со бхавам̣ г̇од̇амо, но ан̃н̃аад̣̇исо. саманнааг̇ад̇о жа 12 со бхавам̣ г̇од̇амо д̣̇вад̇д̇им̣самахаабурисалагкан̣зхи.
386. Atha kho uttaro māṇavo sattannaṃ māsānaṃ accayena videhesu yena mithilā tena cārikaṃ pakkāmi. Anupubbena cārikaṃ caramāno yena mithilā yena brahmāyu brāhmaṇo tenupasaṅkami; upasaṅkamitvā brahmāyuṃ brāhmaṇaṃ abhivādetvā ekamantaṃ nisīdi. Ekamantaṃ nisinnaṃ kho uttaraṃ māṇavaṃ brahmāyu brāhmaṇo etadavoca – ‘‘kacci, tāta uttara, taṃ bhavantaṃ gotamaṃ tathā santaṃyeva saddo abbhuggato , no aññathā? Kacci pana so bhavaṃ gotamo tādiso, no aññādiso’’ti? ‘‘Tathā santaṃyeva, bho, taṃ bhavantaṃ gotamaṃ saddo abbhuggato, no aññathā; tādisova 13 so bhavaṃ gotamo, no aññādiso. Samannāgato ca 14 so bhavaṃ gotamo dvattiṃsamahāpurisalakkhaṇehi.
‘‘суббад̇идтид̇абаад̣̇о ко бана бхавам̣ г̇од̇амо; ид̣̇амби д̇асса бход̇о г̇од̇амасса махаабурисасса махаабурисалагкан̣ам̣ бхавад̇и.
‘‘Suppatiṭṭhitapādo kho pana bhavaṃ gotamo; idampi tassa bhoto gotamassa mahāpurisassa mahāpurisalakkhaṇaṃ bhavati.
‘‘хздтаа ко бана д̇асса бход̇о г̇од̇амасса баад̣̇ад̇алзсу жаггаани ж̇аад̇аани сахассаараани санзмигаани санаабхигаани саб̣б̣аагаарабарибуураани…
‘‘Heṭṭhā kho pana tassa bhoto gotamassa pādatalesu cakkāni jātāni sahassārāni sanemikāni sanābhikāni sabbākāraparipūrāni…
‘‘ааяад̇абан̣хи ко бана со бхавам̣ г̇од̇амо…
‘‘Āyatapaṇhi kho pana so bhavaṃ gotamo…
‘‘д̣̇ийгхан̇г̇ули ко бана со бхавам̣ г̇од̇амо…
‘‘Dīghaṅguli kho pana so bhavaṃ gotamo…
‘‘муд̣̇уд̇алунахад̇т̇абаад̣̇о ко бана со бхавам̣ г̇од̇амо…
‘‘Mudutalunahatthapādo kho pana so bhavaṃ gotamo…
‘‘ж̇аалахад̇т̇абаад̣̇о ко бана со бхавам̣ г̇од̇амо…
‘‘Jālahatthapādo kho pana so bhavaṃ gotamo…
‘‘уссан̇кабаад̣̇о ко бана со бхавам̣ г̇од̇амо…
‘‘Ussaṅkhapādo kho pana so bhavaṃ gotamo…
‘‘зн̣иж̇ан̇гхо ко бана со бхавам̣ г̇од̇амо…
‘‘Eṇijaṅgho kho pana so bhavaṃ gotamo…
‘‘тид̇аго ко бана со бхавам̣ г̇од̇амо анонаманд̇о убхохи баан̣ид̇алзхи ж̇ан̣н̣угаани баримасад̇и баримаж̇ж̇ад̇и…
‘‘Ṭhitako kho pana so bhavaṃ gotamo anonamanto ubhohi pāṇitalehi jaṇṇukāni parimasati parimajjati…
‘‘госохид̇авад̇т̇аг̇уяхо ко бана со бхавам̣ г̇од̇амо…
‘‘Kosohitavatthaguyho kho pana so bhavaṃ gotamo…
‘‘суван̣н̣аван̣н̣о ко бана со бхавам̣ г̇од̇амо ган̃жанасаннибхад̇д̇ажо…
‘‘Suvaṇṇavaṇṇo kho pana so bhavaṃ gotamo kañcanasannibhattaco…
‘‘сукумажчави ко бана со бхавам̣ г̇од̇амо. сукумад̇д̇аа чавияаа раж̇ож̇аллам̣ гааяз на убалимбад̇и…
‘‘Sukhumacchavi kho pana so bhavaṃ gotamo. Sukhumattā chaviyā rajojallaṃ kāye na upalimpati…
‘‘згзгаломо ко бана со бхавам̣ г̇од̇амо; згзгаани ломаани ломагуубзсу ж̇аад̇аани…
‘‘Ekekalomo kho pana so bhavaṃ gotamo; ekekāni lomāni lomakūpesu jātāni…
‘‘уд̣̇д̇хаг̇г̇аломо ко бана со бхавам̣ г̇од̇амо; уд̣̇д̇хаг̇г̇аани ломаани ж̇аад̇аани нийлаани ан̃ж̇анаван̣н̣аани гун̣д̣алааваддаани д̣̇агкин̣ааваддагаж̇аад̇аани…
‘‘Uddhaggalomo kho pana so bhavaṃ gotamo; uddhaggāni lomāni jātāni nīlāni añjanavaṇṇāni kuṇḍalāvaṭṭāni dakkhiṇāvaṭṭakajātāni…
‘‘б̣рахмуж̇уг̇ад̇д̇о ко бана со бхавам̣ г̇од̇амо…
‘‘Brahmujugatto kho pana so bhavaṃ gotamo…
‘‘сад̇д̇уссад̣̇о ко бана со бхавам̣ г̇од̇амо…
‘‘Sattussado kho pana so bhavaṃ gotamo…
‘‘сийхабуб̣б̣ад̣̇д̇хагааяо ко бана со бхавам̣ г̇од̇амо…
‘‘Sīhapubbaddhakāyo kho pana so bhavaṃ gotamo…
‘‘жид̇анд̇арам̣со ко бана со бхавам̣ г̇од̇амо…
‘‘Citantaraṃso kho pana so bhavaṃ gotamo…
‘‘ниг̇род̇хабариман̣д̣ало ко бана со бхавам̣ г̇од̇амо; яаавад̇агвасса гааяо д̇аавад̇агвасса б̣яаамо, яаавад̇агвасса б̣яаамо д̇аавад̇агвасса гааяо…
‘‘Nigrodhaparimaṇḍalo kho pana so bhavaṃ gotamo; yāvatakvassa kāyo tāvatakvassa byāmo, yāvatakvassa byāmo tāvatakvassa kāyo…
‘‘самаваддагканд̇хо ко бана со бхавам̣ г̇од̇амо…
‘‘Samavaṭṭakkhandho kho pana so bhavaṃ gotamo…
‘‘расаг̇г̇асаг̇г̇ий ко бана со бхавам̣ г̇од̇амо…
‘‘Rasaggasaggī kho pana so bhavaṃ gotamo…
‘‘сийхахану ко бана со бхавам̣ г̇од̇амо…
‘‘Sīhahanu kho pana so bhavaṃ gotamo…
‘‘жад̇д̇аалийсад̣̇анд̇о ко бана со бхавам̣ г̇од̇амо…
‘‘Cattālīsadanto kho pana so bhavaṃ gotamo…
‘‘самад̣̇анд̇о ко бана со бхавам̣ г̇од̇амо…
‘‘Samadanto kho pana so bhavaṃ gotamo…
‘‘авирал̣ад̣̇анд̇о ко бана со бхавам̣ г̇од̇амо…
‘‘Aviraḷadanto kho pana so bhavaṃ gotamo…
‘‘сусуггад̣̇аато ко бана со бхавам̣ г̇од̇амо…
‘‘Susukkadāṭho kho pana so bhavaṃ gotamo…
‘‘бахууд̇аж̇ивхо ко бана со бхавам̣ г̇од̇амо…
‘‘Pahūtajivho kho pana so bhavaṃ gotamo…
‘‘б̣рахмассаро ко бана со бхавам̣ г̇од̇амо гаравигабхаан̣ий…
‘‘Brahmassaro kho pana so bhavaṃ gotamo karavikabhāṇī…
‘‘абхинийланзд̇д̇о ко бана со бхавам̣ г̇од̇амо…
‘‘Abhinīlanetto kho pana so bhavaṃ gotamo…
‘‘г̇обакумо ко бана со бхавам̣ г̇од̇амо…
‘‘Gopakhumo kho pana so bhavaṃ gotamo…
‘‘ун̣н̣аа ко банасса бход̇о г̇од̇амасса бхамуганд̇арз ж̇аад̇аа од̣̇аад̇аа муд̣̇уд̇ууласаннибхаа…
‘‘Uṇṇā kho panassa bhoto gotamassa bhamukantare jātā odātā mudutūlasannibhā…
‘‘ун̣хийсасийсо ко бана со бхавам̣ г̇од̇амо; ид̣̇амби д̇асса бход̇о г̇од̇амасса махаабурисасса махаабурисалагкан̣ам̣ бхавад̇и.
‘‘Uṇhīsasīso kho pana so bhavaṃ gotamo; idampi tassa bhoto gotamassa mahāpurisassa mahāpurisalakkhaṇaṃ bhavati.
‘‘имзхи ко, бхо, со бхавам̣ г̇од̇амо д̣̇вад̇д̇им̣самахаабурисалагкан̣зхи саманнааг̇ад̇о.
‘‘Imehi kho, bho, so bhavaṃ gotamo dvattiṃsamahāpurisalakkhaṇehi samannāgato.
387. ‘‘г̇ажчанд̇о ко бана со бхавам̣ г̇од̇амо д̣̇агкин̣знзва баад̣̇зна батамам̣ баггамад̇и. со наад̇ид̣̇уурз баад̣̇ам̣ уд̣̇д̇харад̇и, наажжаасаннз баад̣̇ам̣ нигкибад̇и; со наад̇исийгхам̣ г̇ажчад̇и, наад̇исан̣игам̣ г̇ажчад̇и; на жа ад̣̇д̣̇увзна ад̣̇д̣̇увам̣ сан̇гхаддзнд̇о г̇ажчад̇и, на жа г̇обпагзна г̇обпагам̣ сан̇гхаддзнд̇о г̇ажчад̇и. со г̇ажчанд̇о на сад̇т̇им̣ уннаамзд̇и, на сад̇т̇им̣ онаамзд̇и; на сад̇т̇им̣ саннаамзд̇и, на сад̇т̇им̣ винаамзд̇и. г̇ажчад̇о ко бана д̇асса бход̇о г̇од̇амасса ад̇харагааяова 15 ин̃ж̇ад̇и, на жа гааяаб̣алзна г̇ажчад̇и. абалогзнд̇о ко бана со бхавам̣ г̇од̇амо саб̣б̣агааязнзва абалогзд̇и; со на уд̣̇д̇хам̣ уллогзд̇и, на ад̇хо ологзд̇и; на жа вибзгкамаано г̇ажчад̇и, яуг̇амад̇д̇ан̃жа бзгкад̇и; д̇ад̇о жасса уд̇д̇ари анаавадам̣ н̃аан̣ад̣̇ассанам̣ бхавад̇и. со анд̇арагхарам̣ бависанд̇о на гааяам̣ уннаамзд̇и , на гааяам̣ онаамзд̇и; на гааяам̣ саннаамзд̇и, на гааяам̣ винаамзд̇и. со наад̇ид̣̇уурз наажжаасаннз аасанасса баривад̇д̇ад̇и, на жа баан̣инаа ааламб̣ид̇ваа аасанз нисийд̣̇ад̇и, на жа аасанасмим̣ гааяам̣ багкибад̇и. со анд̇арагхарз нисинно самаано на хад̇т̇агуггужжам̣ аабаж̇ж̇ад̇и, на баад̣̇агуггужжам̣ аабаж̇ж̇ад̇и; на ад̣̇д̣̇увзна ад̣̇д̣̇увам̣ ааробзд̇ваа нисийд̣̇ад̇и; на жа г̇обпагзна г̇обпагам̣ ааробзд̇ваа нисийд̣̇ад̇и; на жа баан̣инаа ханугам̣ убад̣̇ахид̇ваа 16 нисийд̣̇ад̇и. со анд̇арагхарз нисинно самаано на чамбхад̇и на гамбад̇и на взд̇хад̇и на барид̇ассад̇и. со ачамбхий агамбий авзд̇хий абарид̇ассий виг̇ад̇аломахам̣со. вивзгавад̇д̇о жа со бхавам̣ г̇од̇амо анд̇арагхарз нисинно ход̇и. со бад̇д̇од̣̇агам̣ бадиг̇г̇ан̣ханд̇о на бад̇д̇ам̣ уннаамзд̇и, на бад̇д̇ам̣ онаамзд̇и; на бад̇д̇ам̣ саннаамзд̇и, на бад̇д̇ам̣ винаамзд̇и. со бад̇д̇од̣̇агам̣ бадиг̇г̇ан̣хаад̇и наад̇ит̇огам̣ наад̇иб̣ахум̣. со на кулукулугаарагам̣ 17 бад̇д̇ам̣ д̇ховад̇и, на самбаривад̇д̇агам̣ бад̇д̇ам̣ д̇ховад̇и, на бад̇д̇ам̣ бхуумияам̣ нигкибид̇ваа хад̇т̇з д̇ховад̇и; хад̇т̇зсу д̇ход̇зсу бад̇д̇о д̇ход̇о ход̇и, бад̇д̇з д̇ход̇з хад̇т̇аа д̇ход̇аа хонд̇и. со бад̇д̇од̣̇агам̣ чад̣д̣зд̇и наад̇ид̣̇уурз наажжаасаннз, на жа вижчад̣д̣аяамаано. со од̣̇анам̣ бадиг̇г̇ан̣ханд̇о на бад̇д̇ам̣ уннаамзд̇и, на бад̇д̇ам̣ онаамзд̇и; на бад̇д̇ам̣ саннаамзд̇и, на бад̇д̇ам̣ винаамзд̇и. со од̣̇анам̣ бадиг̇г̇ан̣хаад̇и наад̇ит̇огам̣ наад̇иб̣ахум̣. б̣яан̃ж̇анам̣ ко бана бхавам̣ г̇од̇амо б̣яан̃ж̇анамад̇д̇ааяа аахаарзд̇и, на жа б̣яан̃ж̇анзна аалобам̣ ад̇инаамзд̇и. д̣̇вад̇д̇игкад̇д̇ум̣ ко бхавам̣ г̇од̇амо мукз аалобам̣ самбаривад̇д̇зд̇ваа аж̇жхохарад̇и; на жасса гаажи од̣̇анамин̃ж̇аа асамбхиннаа гааяам̣ бависад̇и, на жасса гаажи од̣̇анамин̃ж̇аа мукз авасидтаа ход̇и; ат̇аабарам̣ аалобам̣ убанаамзд̇и. расабадисам̣взд̣̇ий ко бана со бхавам̣ г̇од̇амо аахаарам̣ аахаарзд̇и, но жа расарааг̇абадисам̣взд̣̇ий.
387. ‘‘Gacchanto kho pana so bhavaṃ gotamo dakkhiṇeneva pādena paṭhamaṃ pakkamati. So nātidūre pādaṃ uddharati, nāccāsanne pādaṃ nikkhipati; so nātisīghaṃ gacchati, nātisaṇikaṃ gacchati; na ca adduvena adduvaṃ saṅghaṭṭento gacchati, na ca gopphakena gopphakaṃ saṅghaṭṭento gacchati. So gacchanto na satthiṃ unnāmeti, na satthiṃ onāmeti; na satthiṃ sannāmeti, na satthiṃ vināmeti. Gacchato kho pana tassa bhoto gotamassa adharakāyova 18 iñjati, na ca kāyabalena gacchati. Apalokento kho pana so bhavaṃ gotamo sabbakāyeneva apaloketi; so na uddhaṃ ulloketi, na adho oloketi; na ca vipekkhamāno gacchati, yugamattañca pekkhati; tato cassa uttari anāvaṭaṃ ñāṇadassanaṃ bhavati. So antaragharaṃ pavisanto na kāyaṃ unnāmeti , na kāyaṃ onāmeti; na kāyaṃ sannāmeti, na kāyaṃ vināmeti. So nātidūre nāccāsanne āsanassa parivattati, na ca pāṇinā ālambitvā āsane nisīdati, na ca āsanasmiṃ kāyaṃ pakkhipati. So antaraghare nisinno samāno na hatthakukkuccaṃ āpajjati, na pādakukkuccaṃ āpajjati; na adduvena adduvaṃ āropetvā nisīdati; na ca gopphakena gopphakaṃ āropetvā nisīdati; na ca pāṇinā hanukaṃ upadahitvā 19 nisīdati. So antaraghare nisinno samāno na chambhati na kampati na vedhati na paritassati. So achambhī akampī avedhī aparitassī vigatalomahaṃso. Vivekavatto ca so bhavaṃ gotamo antaraghare nisinno hoti. So pattodakaṃ paṭiggaṇhanto na pattaṃ unnāmeti, na pattaṃ onāmeti; na pattaṃ sannāmeti, na pattaṃ vināmeti. So pattodakaṃ paṭiggaṇhāti nātithokaṃ nātibahuṃ. So na khulukhulukārakaṃ 20 pattaṃ dhovati, na samparivattakaṃ pattaṃ dhovati, na pattaṃ bhūmiyaṃ nikkhipitvā hatthe dhovati; hatthesu dhotesu patto dhoto hoti, patte dhote hatthā dhotā honti. So pattodakaṃ chaḍḍeti nātidūre nāccāsanne, na ca vicchaḍḍayamāno. So odanaṃ paṭiggaṇhanto na pattaṃ unnāmeti, na pattaṃ onāmeti; na pattaṃ sannāmeti, na pattaṃ vināmeti. So odanaṃ paṭiggaṇhāti nātithokaṃ nātibahuṃ. Byañjanaṃ kho pana bhavaṃ gotamo byañjanamattāya āhāreti, na ca byañjanena ālopaṃ atināmeti. Dvattikkhattuṃ kho bhavaṃ gotamo mukhe ālopaṃ samparivattetvā ajjhoharati; na cassa kāci odanamiñjā asambhinnā kāyaṃ pavisati, na cassa kāci odanamiñjā mukhe avasiṭṭhā hoti; athāparaṃ ālopaṃ upanāmeti. Rasapaṭisaṃvedī kho pana so bhavaṃ gotamo āhāraṃ āhāreti, no ca rasarāgapaṭisaṃvedī.
‘‘адтан̇г̇асаманнааг̇ад̇ам̣ 21 ко бана со бхавам̣ г̇од̇амо аахаарам̣ аахаарзд̇и – нзва д̣̇авааяа, на мад̣̇ааяа на ман̣д̣анааяа на вибхуусанааяа, яаавад̣̇зва имасса гааяасса тид̇ияаа яаабанааяа, вихим̣суубарад̇ияаа б̣рахмажарияаануг̇г̇ахааяа – ‘ид̇и бураан̣ан̃жа взд̣̇анам̣ бадихан̇каами наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жаа’д̇и . со бхуд̇д̇аавий бад̇д̇од̣̇агам̣ бадиг̇г̇ан̣ханд̇о на бад̇д̇ам̣ уннаамзд̇и, на бад̇д̇ам̣ онаамзд̇и; на бад̇д̇ам̣ саннаамзд̇и, на бад̇д̇ам̣ винаамзд̇и. со бад̇д̇од̣̇агам̣ бадиг̇г̇ан̣хаад̇и наад̇ит̇огам̣ наад̇иб̣ахум̣. со на кулукулугаарагам̣ бад̇д̇ам̣ д̇ховад̇и, на самбаривад̇д̇агам̣ бад̇д̇ам̣ д̇ховад̇и, на бад̇д̇ам̣ бхуумияам̣ нигкибид̇ваа хад̇т̇з д̇ховад̇и; хад̇т̇зсу д̇ход̇зсу бад̇д̇о д̇ход̇о ход̇и, бад̇д̇з д̇ход̇з хад̇т̇аа д̇ход̇аа хонд̇и. со бад̇д̇од̣̇агам̣ чад̣д̣зд̇и наад̇ид̣̇уурз наажжаасаннз, на жа вижчад̣д̣аяамаано. со бхуд̇д̇аавий на бад̇д̇ам̣ бхуумияам̣ нигкибад̇и наад̇ид̣̇уурз наажжаасаннз, на жа анад̇т̇иго бад̇д̇зна ход̇и, на жа ад̇ивзлаанурагкий бад̇д̇асмим̣. со бхуд̇д̇аавий мухуд̇д̇ам̣ д̇ун̣хий нисийд̣̇ад̇и, на жа анумод̣̇анасса гааламад̇инаамзд̇и. со бхуд̇д̇аавий анумод̣̇ад̇и, на д̇ам̣ бхад̇д̇ам̣ г̇арахад̇и, на ан̃н̃ам̣ бхад̇д̇ам̣ бадиган̇кад̇и; ан̃н̃ад̣̇ад̇т̇у д̇хаммияаа гат̇ааяа д̇ам̣ барисам̣ санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. со д̇ам̣ барисам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггамад̇и. со наад̇исийгхам̣ г̇ажчад̇и, наад̇исан̣игам̣ г̇ажчад̇и, на жа мужжид̇угаамо г̇ажчад̇и; на жа д̇асса бход̇о г̇од̇амасса гааяз жийварам̣ ажжуггадтам̣ ход̇и на жа ажжоггадтам̣, на жа гааяасмим̣ аллийнам̣ на жа гааяасмаа абагадтам̣; на жа д̇асса бход̇о г̇од̇амасса гааяамхаа ваад̇о жийварам̣ абавахад̇и; на жа д̇асса бход̇о г̇од̇амасса гааяз раж̇ож̇аллам̣ убалимбад̇и . со аараамаг̇ад̇о нисийд̣̇ад̇и бан̃н̃ад̇д̇з аасанз. нисаж̇ж̇а баад̣̇з багкаалзд̇и; на жа со бхавам̣ г̇од̇амо баад̣̇аман̣д̣анаануяог̇амануяуд̇д̇о вихарад̇и. со баад̣̇з багкаалзд̇ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со нзва ад̇д̇аб̣яааб̣аад̇хааяа жзд̇зд̇и, на бараб̣яааб̣аад̇хааяа жзд̇зд̇и, на убхаяаб̣яааб̣аад̇хааяа жзд̇зд̇и; ад̇д̇ахид̇абарахид̇аубхаяахид̇асаб̣б̣алогахид̇амзва со бхавам̣ г̇од̇амо жинд̇знд̇о нисинно ход̇и. со аараамаг̇ад̇о барисад̇и д̇хаммам̣ д̣̇зсзд̇и, на д̇ам̣ барисам̣ уссаад̣̇зд̇и, на д̇ам̣ барисам̣ абасаад̣̇зд̇и; ан̃н̃ад̣̇ад̇т̇у д̇хаммияаа гат̇ааяа д̇ам̣ барисам̣ санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и.
‘‘Aṭṭhaṅgasamannāgataṃ 22 kho pana so bhavaṃ gotamo āhāraṃ āhāreti – neva davāya, na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya, vihiṃsūparatiyā brahmacariyānuggahāya – ‘iti purāṇañca vedanaṃ paṭihaṅkhāmi navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’ti . So bhuttāvī pattodakaṃ paṭiggaṇhanto na pattaṃ unnāmeti, na pattaṃ onāmeti; na pattaṃ sannāmeti, na pattaṃ vināmeti. So pattodakaṃ paṭiggaṇhāti nātithokaṃ nātibahuṃ. So na khulukhulukārakaṃ pattaṃ dhovati, na samparivattakaṃ pattaṃ dhovati, na pattaṃ bhūmiyaṃ nikkhipitvā hatthe dhovati; hatthesu dhotesu patto dhoto hoti, patte dhote hatthā dhotā honti. So pattodakaṃ chaḍḍeti nātidūre nāccāsanne, na ca vicchaḍḍayamāno. So bhuttāvī na pattaṃ bhūmiyaṃ nikkhipati nātidūre nāccāsanne, na ca anatthiko pattena hoti, na ca ativelānurakkhī pattasmiṃ. So bhuttāvī muhuttaṃ tuṇhī nisīdati, na ca anumodanassa kālamatināmeti. So bhuttāvī anumodati, na taṃ bhattaṃ garahati, na aññaṃ bhattaṃ paṭikaṅkhati; aññadatthu dhammiyā kathāya taṃ parisaṃ sandasseti samādapeti samuttejeti sampahaṃseti. So taṃ parisaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkamati. So nātisīghaṃ gacchati, nātisaṇikaṃ gacchati, na ca muccitukāmo gacchati; na ca tassa bhoto gotamassa kāye cīvaraṃ accukkaṭṭhaṃ hoti na ca accokkaṭṭhaṃ, na ca kāyasmiṃ allīnaṃ na ca kāyasmā apakaṭṭhaṃ; na ca tassa bhoto gotamassa kāyamhā vāto cīvaraṃ apavahati; na ca tassa bhoto gotamassa kāye rajojallaṃ upalimpati . So ārāmagato nisīdati paññatte āsane. Nisajja pāde pakkhāleti; na ca so bhavaṃ gotamo pādamaṇḍanānuyogamanuyutto viharati. So pāde pakkhāletvā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So neva attabyābādhāya ceteti, na parabyābādhāya ceteti, na ubhayabyābādhāya ceteti; attahitaparahitaubhayahitasabbalokahitameva so bhavaṃ gotamo cintento nisinno hoti. So ārāmagato parisati dhammaṃ deseti, na taṃ parisaṃ ussādeti, na taṃ parisaṃ apasādeti; aññadatthu dhammiyā kathāya taṃ parisaṃ sandasseti samādapeti samuttejeti sampahaṃseti.
‘‘адтан̇г̇асаманнааг̇ад̇о ко банасса бход̇о г̇од̇амасса мукад̇о гхосо нижчарад̇и – виссадто жа, вин̃н̃зяяо жа, ман̃ж̇у жа, саванийяо жа, б̣инд̣̇у жа, ависаарий жа, г̇амбхийро жа, ниннаад̣̇ий жа. яат̇аабарисам̣ ко бана со бхавам̣ г̇од̇амо сарзна вин̃н̃аабзд̇и, на жасса б̣ахид̣̇д̇хаа барисааяа гхосо нижчарад̇и. д̇з д̇зна бход̇аа г̇од̇амзна д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа удтааяаасанаа баггаманд̇и авалогаяамаанааязва 23 авиж̇ахид̇ад̇д̇аа 24. ад̣̇д̣̇асаама ко маяам̣, бхо, д̇ам̣ бхаванд̇ам̣ г̇од̇амам̣ г̇ажчанд̇ам̣, ад̣̇д̣̇асаама тид̇ам̣, ад̣̇д̣̇асаама анд̇арагхарам̣ бависанд̇ам̣, ад̣̇д̣̇асаама анд̇арагхарз нисиннам̣ д̇ун̣хийбхууд̇ам̣, ад̣̇д̣̇асаама анд̇арагхарз бхун̃ж̇анд̇ам̣, ад̣̇д̣̇асаама бхуд̇д̇аавим̣ нисиннам̣ д̇ун̣хийбхууд̇ам̣, ад̣̇д̣̇асаама бхуд̇д̇аавим̣ анумод̣̇анд̇ам̣, ад̣̇д̣̇асаама аараамам̣ г̇ажчанд̇ам̣, ад̣̇д̣̇асаама аараамаг̇ад̇ам̣ нисиннам̣ д̇ун̣хийбхууд̇ам̣, ад̣̇д̣̇асаама аараамаг̇ад̇ам̣ барисад̇и д̇хаммам̣ д̣̇зсзнд̇ам̣. зд̣̇исо жа зд̣̇исо жа со бхавам̣ г̇од̇амо, д̇ад̇о жа бхияяо’’д̇и.
‘‘Aṭṭhaṅgasamannāgato kho panassa bhoto gotamassa mukhato ghoso niccharati – vissaṭṭho ca, viññeyyo ca, mañju ca, savanīyo ca, bindu ca, avisārī ca, gambhīro ca, ninnādī ca. Yathāparisaṃ kho pana so bhavaṃ gotamo sarena viññāpeti, na cassa bahiddhā parisāya ghoso niccharati. Te tena bhotā gotamena dhammiyā kathāya sandassitā samādapitā samuttejitā sampahaṃsitā uṭṭhāyāsanā pakkamanti avalokayamānāyeva 25 avijahitattā 26. Addasāma kho mayaṃ, bho, taṃ bhavantaṃ gotamaṃ gacchantaṃ, addasāma ṭhitaṃ, addasāma antaragharaṃ pavisantaṃ, addasāma antaraghare nisinnaṃ tuṇhībhūtaṃ, addasāma antaraghare bhuñjantaṃ, addasāma bhuttāviṃ nisinnaṃ tuṇhībhūtaṃ, addasāma bhuttāviṃ anumodantaṃ, addasāma ārāmaṃ gacchantaṃ, addasāma ārāmagataṃ nisinnaṃ tuṇhībhūtaṃ, addasāma ārāmagataṃ parisati dhammaṃ desentaṃ. Ediso ca ediso ca so bhavaṃ gotamo, tato ca bhiyyo’’ti.
388. звам̣ вуд̇д̇з, б̣рахмааяу б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзд̇и –
388. Evaṃ vutte, brahmāyu brāhmaṇo uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā tikkhattuṃ udānaṃ udāneti –
‘‘намо д̇асса бхаг̇авад̇о арахад̇о саммаасамб̣уд̣̇д̇хасса.
‘‘Namo tassa bhagavato arahato sammāsambuddhassa.
‘‘намо д̇асса бхаг̇авад̇о арахад̇о саммаасамб̣уд̣̇д̇хасса.
‘‘Namo tassa bhagavato arahato sammāsambuddhassa.
‘‘намо д̇асса бхаг̇авад̇о арахад̇о саммаасамб̣уд̣̇д̇хассаа’’д̇и.
‘‘Namo tassa bhagavato arahato sammāsambuddhassā’’ti.
‘‘аббзва наама маяам̣ гад̣̇аажи гарахажи д̇зна бход̇аа г̇од̇амзна самааг̇ажчзяяаама? аббзва наама сияаа гожид̣̇зва гат̇аасаллаабо’’д̇и!
‘‘Appeva nāma mayaṃ kadāci karahaci tena bhotā gotamena samāgaccheyyāma? Appeva nāma siyā kocideva kathāsallāpo’’ti!
389. ат̇а ко бхаг̇аваа вид̣̇зхзсу анубуб̣б̣зна жааригам̣ жарамаано язна мит̇илаа д̇ад̣̇авасари. д̇ад̇ра суд̣̇ам̣ бхаг̇аваа мит̇илааяам̣ вихарад̇и магхад̣̇звамб̣аванз. ассосум̣ ко мит̇илзяяагаа 27 б̣раахман̣аг̇ахабад̇игаа – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о вид̣̇зхзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи мит̇илам̣ ануббад̇д̇о, мит̇илааяам̣ вихарад̇и магхад̣̇звамб̣аванз. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и . со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’’д̇и.
389. Atha kho bhagavā videhesu anupubbena cārikaṃ caramāno yena mithilā tadavasari. Tatra sudaṃ bhagavā mithilāyaṃ viharati maghadevambavane. Assosuṃ kho mithileyyakā 28 brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito videhesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi mithilaṃ anuppatto, mithilāyaṃ viharati maghadevambavane. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavāti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti . So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’’ti.
ат̇а ко мит̇илзяяагаа б̣раахман̣аг̇ахабад̇игаа язна бхаг̇аваа д̇знубасан̇гамим̣су; убасан̇гамид̇ваа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су; аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су; аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су; аббзгажжз бхаг̇авад̇о санд̇игз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су; аббзгажжз д̇ун̣хийбхууд̇аа згаманд̇ам̣ нисийд̣̇им̣су.
Atha kho mithileyyakā brāhmaṇagahapatikā yena bhagavā tenupasaṅkamiṃsu; upasaṅkamitvā appekacce bhagavantaṃ abhivādetvā ekamantaṃ nisīdiṃsu; appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu; appekacce yena bhagavā tenañjaliṃ paṇāmetvā ekamantaṃ nisīdiṃsu; appekacce bhagavato santike nāmagottaṃ sāvetvā ekamantaṃ nisīdiṃsu; appekacce tuṇhībhūtā ekamantaṃ nisīdiṃsu.
390. ассоси ко б̣рахмааяу б̣раахман̣о – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о мит̇илам̣ ануббад̇д̇о, мит̇илааяам̣ вихарад̇и магхад̣̇звамб̣аванз’’д̇и. ат̇а ко б̣рахмааяу б̣раахман̣о самб̣ахулзхи саавагзхи сад̣̇д̇хим̣ язна магхад̣̇звамб̣аванам̣ д̇знубасан̇гами. ат̇а ко б̣рахмааяуно б̣раахман̣асса авид̣̇уурз амб̣аванасса зд̇ад̣̇ахоси – ‘‘на ко мзд̇ам̣ бад̇ируубам̣ яохам̣ буб̣б̣з аббадисам̣вид̣̇ид̇о саман̣ам̣ г̇од̇амам̣ д̣̇ассанааяа убасан̇гамзяяа’’нд̇и. ат̇а ко б̣рахмааяу б̣раахман̣о ан̃н̃ад̇арам̣ маан̣авагам̣ ааманд̇зси – ‘‘зхи д̇вам̣, маан̣авага, язна саман̣о г̇од̇амо д̇знубасан̇гама; убасан̇гамид̇ваа мама важанзна саман̣ам̣ г̇од̇амам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘б̣рахмааяу, бхо г̇од̇ама, б̣раахман̣о бхаванд̇ам̣ г̇од̇амам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘б̣рахмааяу, бхо г̇од̇ама, б̣раахман̣о ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о, вийсавассасад̇иго ж̇аад̇ияаа, д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяо. яаавад̇аа, бхо, б̣раахман̣аг̇ахабад̇игаа мит̇илааяам̣ бадивасанд̇и, б̣рахмааяу д̇зсам̣ б̣раахман̣о аг̇г̇амагкааяад̇и – яад̣̇ид̣̇ам̣ бхог̇зхи; б̣рахмааяу д̇зсам̣ б̣раахман̣о аг̇г̇амагкааяад̇и – яад̣̇ид̣̇ам̣ манд̇зхи; б̣рахмааяу д̇зсам̣ б̣раахман̣о аг̇г̇амагкааяад̇и – яад̣̇ид̣̇ам̣ ааяунаа жзва яасасаа жа. со бход̇о г̇од̇амасса д̣̇ассанагаамо’’’д̇и.
390. Assosi kho brahmāyu brāhmaṇo – ‘‘samaṇo khalu, bho, gotamo sakyaputto sakyakulā pabbajito mithilaṃ anuppatto, mithilāyaṃ viharati maghadevambavane’’ti. Atha kho brahmāyu brāhmaṇo sambahulehi sāvakehi saddhiṃ yena maghadevambavanaṃ tenupasaṅkami. Atha kho brahmāyuno brāhmaṇassa avidūre ambavanassa etadahosi – ‘‘na kho metaṃ patirūpaṃ yohaṃ pubbe appaṭisaṃvidito samaṇaṃ gotamaṃ dassanāya upasaṅkameyya’’nti. Atha kho brahmāyu brāhmaṇo aññataraṃ māṇavakaṃ āmantesi – ‘‘ehi tvaṃ, māṇavaka, yena samaṇo gotamo tenupasaṅkama; upasaṅkamitvā mama vacanena samaṇaṃ gotamaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘brahmāyu, bho gotama, brāhmaṇo bhavantaṃ gotamaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘brahmāyu, bho gotama, brāhmaṇo jiṇṇo vuḍḍho mahallako addhagato vayoanuppatto, vīsavassasatiko jātiyā, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo. Yāvatā, bho, brāhmaṇagahapatikā mithilāyaṃ paṭivasanti, brahmāyu tesaṃ brāhmaṇo aggamakkhāyati – yadidaṃ bhogehi; brahmāyu tesaṃ brāhmaṇo aggamakkhāyati – yadidaṃ mantehi; brahmāyu tesaṃ brāhmaṇo aggamakkhāyati – yadidaṃ āyunā ceva yasasā ca. So bhoto gotamassa dassanakāmo’’’ti.
‘‘звам̣ , бхо’’д̇и ко со маан̣аваго б̣рахмааяусса б̣раахман̣асса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко со маан̣аваго бхаг̇аванд̇ам̣ зд̇ад̣̇авожа – ‘‘б̣рахмааяу, бхо г̇од̇ама, б̣раахман̣о бхаванд̇ам̣ г̇од̇амам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и; зван̃жа вад̣̇зд̇и – ‘б̣рахмааяу, бхо г̇од̇ама, б̣раахман̣о ж̇ин̣н̣о вуд̣дхо махаллаго ад̣̇д̇хаг̇ад̇о ваяоануббад̇д̇о, вийсавассасад̇иго ж̇аад̇ияаа, д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяо. яаавад̇аа, бхо, б̣раахман̣аг̇ахабад̇игаа мит̇илааяам̣ бадивасанд̇и, б̣рахмааяу д̇зсам̣ б̣раахман̣о аг̇г̇амагкааяад̇и – яад̣̇ид̣̇ам̣ бхог̇зхи; б̣рахмааяу д̇зсам̣ б̣раахман̣о аг̇г̇амагкааяад̇и – яад̣̇ид̣̇ам̣ манд̇зхи; б̣рахмааяу д̇зсам̣ б̣раахман̣о аг̇г̇амагкааяад̇и – яад̣̇ид̣̇ам̣ ааяунаа жзва яасасаа жа. со бход̇о г̇од̇амасса д̣̇ассанагаамо’’’д̇и. ‘‘яассад̣̇аани, маан̣ава, б̣рахмааяу б̣раахман̣о гаалам̣ ман̃н̃ад̇ий’’д̇и. ат̇а ко со маан̣аваго язна б̣рахмааяу б̣раахман̣о д̇знубасан̇гами; убасан̇гамид̇ваа б̣рахмааяум̣ б̣раахман̣ам̣ зд̇ад̣̇авожа – ‘‘гад̇аавагаасо комхи бхавад̇аа саман̣зна г̇од̇амзна. яассад̣̇аани бхавам̣ гаалам̣ ман̃н̃ад̇ий’’д̇и.
‘‘Evaṃ , bho’’ti kho so māṇavako brahmāyussa brāhmaṇassa paṭissutvā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho so māṇavako bhagavantaṃ etadavoca – ‘‘brahmāyu, bho gotama, brāhmaṇo bhavantaṃ gotamaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati; evañca vadeti – ‘brahmāyu, bho gotama, brāhmaṇo jiṇṇo vuḍḍho mahallako addhagato vayoanuppatto, vīsavassasatiko jātiyā, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo. Yāvatā, bho, brāhmaṇagahapatikā mithilāyaṃ paṭivasanti, brahmāyu tesaṃ brāhmaṇo aggamakkhāyati – yadidaṃ bhogehi; brahmāyu tesaṃ brāhmaṇo aggamakkhāyati – yadidaṃ mantehi; brahmāyu tesaṃ brāhmaṇo aggamakkhāyati – yadidaṃ āyunā ceva yasasā ca. So bhoto gotamassa dassanakāmo’’’ti. ‘‘Yassadāni, māṇava, brahmāyu brāhmaṇo kālaṃ maññatī’’ti. Atha kho so māṇavako yena brahmāyu brāhmaṇo tenupasaṅkami; upasaṅkamitvā brahmāyuṃ brāhmaṇaṃ etadavoca – ‘‘katāvakāso khomhi bhavatā samaṇena gotamena. Yassadāni bhavaṃ kālaṃ maññatī’’ti.
391. ат̇а ко б̣рахмааяу б̣раахман̣о язна бхаг̇аваа д̇знубасан̇гами. ад̣̇д̣̇асаа ко саа барисаа б̣рахмааяум̣ б̣раахман̣ам̣ д̣̇уурад̇ова ааг̇ажчанд̇ам̣. д̣̇исваана орамияа 29 огаасамагааси яат̇аа д̇ам̣ н̃аад̇асса яасассино. ат̇а ко б̣рахмааяу б̣раахман̣о д̇ам̣ барисам̣ зд̇ад̣̇авожа – ‘‘алам̣, бхо! нисийд̣̇ат̇а д̇умхз сагз аасанз. ид̇хаахам̣ саман̣асса г̇од̇амасса санд̇игз нисийд̣̇иссаамий’’д̇и.
391. Atha kho brahmāyu brāhmaṇo yena bhagavā tenupasaṅkami. Addasā kho sā parisā brahmāyuṃ brāhmaṇaṃ dūratova āgacchantaṃ. Disvāna oramiya 30 okāsamakāsi yathā taṃ ñātassa yasassino. Atha kho brahmāyu brāhmaṇo taṃ parisaṃ etadavoca – ‘‘alaṃ, bho! Nisīdatha tumhe sake āsane. Idhāhaṃ samaṇassa gotamassa santike nisīdissāmī’’ti.
ат̇а ко б̣рахмааяу б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко б̣рахмааяу б̣раахман̣о бхаг̇авад̇о гааяз д̣̇вад̇д̇им̣самахаабурисалагкан̣аани саманнзси. ад̣̇д̣̇асаа ко б̣рахмааяу б̣раахман̣о бхаг̇авад̇о гааяз д̣̇вад̇д̇им̣самахаабурисалагкан̣аани, язбхуяязна табзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз, бахууд̇аж̇ивхад̇ааяа жа. ат̇а ко б̣рахмааяу б̣раахман̣о бхаг̇аванд̇ам̣ г̇аат̇аахи аж̇жхабхааси –
Atha kho brahmāyu brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho brahmāyu brāhmaṇo bhagavato kāye dvattiṃsamahāpurisalakkhaṇāni samannesi. Addasā kho brahmāyu brāhmaṇo bhagavato kāye dvattiṃsamahāpurisalakkhaṇāni, yebhuyyena ṭhapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe, pahūtajivhatāya ca. Atha kho brahmāyu brāhmaṇo bhagavantaṃ gāthāhi ajjhabhāsi –
‘‘яз мз д̣̇вад̇д̇им̣саад̇и суд̇аа, махаабурисалагкан̣аа;
‘‘Ye me dvattiṃsāti sutā, mahāpurisalakkhaṇā;
д̣̇увз д̇зсам̣ на бассаами, бход̇о гааяасмим̣ г̇од̇ама.
Duve tesaṃ na passāmi, bhoto kāyasmiṃ gotama.
‘‘гажжи госохид̇ам̣ бход̇о, вад̇т̇аг̇уяхам̣ наруд̇д̇ама;
‘‘Kacci kosohitaṃ bhoto, vatthaguyhaṃ naruttama;
наарийсамаанасавхаяаа, гажжи ж̇ивхаа на д̣̇ассагаа 31.
Nārīsamānasavhayā, kacci jivhā na dassakā 32.
‘‘гажжи бахууд̇аж̇ивхоси, яат̇аа д̇ам̣ ж̇аанияаамасз;
‘‘Kacci pahūtajivhosi, yathā taṃ jāniyāmase;
ниннаамаязд̇ам̣ бахууд̇ам̣, ган̇кам̣ винаяа но исз.
Ninnāmayetaṃ pahūtaṃ, kaṅkhaṃ vinaya no ise.
‘‘д̣̇идтад̇хаммахид̇ад̇т̇ааяа, самбарааяасукааяа жа;
‘‘Diṭṭhadhammahitatthāya, samparāyasukhāya ca;
гад̇аавагаасаа бужчаама, яам̣ гин̃жи абхибад̇т̇ид̇а’’нд̇и.
Katāvakāsā pucchāma, yaṃ kiñci abhipatthita’’nti.
392. ат̇а ко бхаг̇авад̇о зд̇ад̣̇ахоси – ‘‘бассад̇и ко мз аяам̣ б̣рахмааяу б̣раахман̣о д̣̇вад̇д̇им̣самахаабурисалагкан̣аани, язбхуяязна табзд̇ваа д̣̇вз. д̣̇вийсу махаабурисалагкан̣зсу ган̇кад̇и вижигижчад̇и наад̇химужжад̇и на самбасийд̣̇ад̇и – госохид̇з жа вад̇т̇аг̇уяхз, бахууд̇аж̇ивхад̇ааяа жаа’’д̇и . ат̇а ко бхаг̇аваа д̇ат̇ааруубам̣ ид̣̇д̇хаабхисан̇каарам̣ абхисан̇кааси яат̇аа ад̣̇д̣̇аса б̣рахмааяу б̣раахман̣о бхаг̇авад̇о госохид̇ам̣ вад̇т̇аг̇уяхам̣. ат̇а ко бхаг̇аваа ж̇ивхам̣ ниннаамзд̇ваа убхоби ган̣н̣асод̇аани анумаси бадимаси; убхоби наасигасод̇аани анумаси бадимаси; гзваламби налаадаман̣д̣алам̣ ж̇ивхааяа чаад̣̇зси. ат̇а ко бхаг̇аваа б̣рахмааяум̣ б̣раахман̣ам̣ г̇аат̇аахи бажжабхааси –
392. Atha kho bhagavato etadahosi – ‘‘passati kho me ayaṃ brahmāyu brāhmaṇo dvattiṃsamahāpurisalakkhaṇāni, yebhuyyena ṭhapetvā dve. Dvīsu mahāpurisalakkhaṇesu kaṅkhati vicikicchati nādhimuccati na sampasīdati – kosohite ca vatthaguyhe, pahūtajivhatāya cā’’ti . Atha kho bhagavā tathārūpaṃ iddhābhisaṅkhāraṃ abhisaṅkhāsi yathā addasa brahmāyu brāhmaṇo bhagavato kosohitaṃ vatthaguyhaṃ. Atha kho bhagavā jivhaṃ ninnāmetvā ubhopi kaṇṇasotāni anumasi paṭimasi; ubhopi nāsikasotāni anumasi paṭimasi; kevalampi nalāṭamaṇḍalaṃ jivhāya chādesi. Atha kho bhagavā brahmāyuṃ brāhmaṇaṃ gāthāhi paccabhāsi –
‘‘яз д̇з д̣̇вад̇д̇им̣саад̇и суд̇аа, махаабурисалагкан̣аа;
‘‘Ye te dvattiṃsāti sutā, mahāpurisalakkhaṇā;
саб̣б̣з д̇з мама гааяасмим̣, маа д̇з 33 ган̇кааху б̣раахман̣а.
Sabbe te mama kāyasmiṃ, mā te 34 kaṅkhāhu brāhmaṇa.
‘‘абхин̃н̃зяяам̣ абхин̃н̃аад̇ам̣, бхаавзд̇аб̣б̣ан̃жа бхаавид̇ам̣;
‘‘Abhiññeyyaṃ abhiññātaṃ, bhāvetabbañca bhāvitaṃ;
бахаад̇аб̣б̣ам̣ бахийнам̣ мз, д̇асмаа б̣уд̣̇д̇хосми б̣раахман̣а.
Pahātabbaṃ pahīnaṃ me, tasmā buddhosmi brāhmaṇa.
‘‘д̣̇идтад̇хаммахид̇ад̇т̇ааяа , самбарааяасукааяа жа;
‘‘Diṭṭhadhammahitatthāya , samparāyasukhāya ca;
гад̇аавагаасо бужчассу, яам̣ гин̃жи абхибад̇т̇ид̇а’’нд̇и.
Katāvakāso pucchassu, yaṃ kiñci abhipatthita’’nti.
393. ат̇а ко б̣рахмааяусса б̣раахман̣асса зд̇ад̣̇ахоси – ‘‘гад̇аавагаасо комхи саман̣зна г̇од̇амзна. гим̣ ну ко ахам̣ саман̣ам̣ г̇од̇амам̣ бужчзяяам̣ – ‘д̣̇идтад̇хаммигам̣ ваа ад̇т̇ам̣ самбарааяигам̣ ваа’’’д̇и. ат̇а ко б̣рахмааяусса б̣раахман̣асса зд̇ад̣̇ахоси – ‘‘гусало ко ахам̣ д̣̇идтад̇хаммигаанам̣ ад̇т̇аанам̣. ан̃н̃зби мам̣ д̣̇идтад̇хаммигам̣ ад̇т̇ам̣ бужчанд̇и. яам̣нуунаахам̣ саман̣ам̣ г̇од̇амам̣ самбарааяигам̣язва ад̇т̇ам̣ бужчзяяа’’нд̇и. ат̇а ко б̣рахмааяу б̣раахман̣о бхаг̇аванд̇ам̣ г̇аат̇аахи аж̇жхабхааси –
393. Atha kho brahmāyussa brāhmaṇassa etadahosi – ‘‘katāvakāso khomhi samaṇena gotamena. Kiṃ nu kho ahaṃ samaṇaṃ gotamaṃ puccheyyaṃ – ‘diṭṭhadhammikaṃ vā atthaṃ samparāyikaṃ vā’’’ti. Atha kho brahmāyussa brāhmaṇassa etadahosi – ‘‘kusalo kho ahaṃ diṭṭhadhammikānaṃ atthānaṃ. Aññepi maṃ diṭṭhadhammikaṃ atthaṃ pucchanti. Yaṃnūnāhaṃ samaṇaṃ gotamaṃ samparāyikaṃyeva atthaṃ puccheyya’’nti. Atha kho brahmāyu brāhmaṇo bhagavantaṃ gāthāhi ajjhabhāsi –
‘‘гат̇ам̣ ко б̣раахман̣о ход̇и, гат̇ам̣ бхавад̇и взд̣̇аг̇уу;
‘‘Kathaṃ kho brāhmaṇo hoti, kathaṃ bhavati vedagū;
д̇звиж̇ж̇о бхо гат̇ам̣ ход̇и, сод̇т̇ияо гинд̇и вужжад̇и.
Tevijjo bho kathaṃ hoti, sotthiyo kinti vuccati.
‘‘арахам̣ бхо гат̇ам̣ ход̇и, гат̇ам̣ бхавад̇и гзвалий;
‘‘Arahaṃ bho kathaṃ hoti, kathaṃ bhavati kevalī;
муни жа бхо гат̇ам̣ ход̇и, б̣уд̣̇д̇хо гинд̇и бавужжад̇ий’’д̇и.
Muni ca bho kathaṃ hoti, buddho kinti pavuccatī’’ti.
394. ат̇а ко бхаг̇аваа б̣рахмааяум̣ б̣раахман̣ам̣ г̇аат̇аахи бажжабхааси –
394. Atha kho bhagavā brahmāyuṃ brāhmaṇaṃ gāthāhi paccabhāsi –
‘‘буб̣б̣зниваасам̣ яо взд̣̇и, саг̇г̇аабааяан̃жа бассад̇и;
‘‘Pubbenivāsaṃ yo vedi, saggāpāyañca passati;
ат̇о ж̇аад̇игкаяам̣ бад̇д̇о, абхин̃н̃аа восид̇о муни.
Atho jātikkhayaṃ patto, abhiññā vosito muni.
‘‘жид̇д̇ам̣ висуд̣̇д̇хам̣ ж̇аанаад̇и, муд̇д̇ам̣ рааг̇зхи саб̣б̣асо;
‘‘Cittaṃ visuddhaṃ jānāti, muttaṃ rāgehi sabbaso;
бахийнаж̇аад̇имаран̣о, б̣рахмажарияасса гзвалий;
Pahīnajātimaraṇo, brahmacariyassa kevalī;
баараг̇уу саб̣б̣ад̇хаммаанам̣, б̣уд̣̇д̇хо д̇аад̣̇ий бавужжад̇ий’’д̇и.
Pāragū sabbadhammānaṃ, buddho tādī pavuccatī’’ti.
звам̣ вуд̇д̇з, б̣рахмааяу б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа бхаг̇авад̇о баад̣̇зсу сирасаа нибад̇ид̇ваа бхаг̇авад̇о баад̣̇аани мукзна жа барижумб̣ад̇и, баан̣ийхи жа барисамб̣аахад̇и, нааман̃жа саавзд̇и – ‘‘б̣рахмааяу ахам̣, бхо г̇од̇ама, б̣раахман̣о; б̣рахмааяу ахам̣, бхо г̇од̇ама, б̣раахман̣о’’д̇и. ат̇а ко саа барисаа ажчарияаб̣бхуд̇ажид̇д̇аж̇аад̇аа ахоси – ‘‘ажчарияам̣ вад̇а, бхо, аб̣бхуд̇ам̣ вад̇а, бхо! яад̇ра хи наамааяам̣ б̣рахмааяу б̣раахман̣о н̃аад̇о яасассий зваруубам̣ бараманибажжагаарам̣ гариссад̇ий’’д̇и. ат̇а ко бхаг̇аваа б̣рахмааяум̣ б̣раахман̣ам̣ зд̇ад̣̇авожа – ‘‘алам̣, б̣раахман̣а, удтаха нисийд̣̇а д̇вам̣ сагз аасанз яад̇о д̇з маяи жид̇д̇ам̣ басанна’’нд̇и. ат̇а ко б̣рахмааяу б̣раахман̣о удтахид̇ваа сагз аасанз нисийд̣̇и.
Evaṃ vutte, brahmāyu brāhmaṇo uṭṭhāyāsanā ekaṃsaṃ uttarāsaṅgaṃ karitvā bhagavato pādesu sirasā nipatitvā bhagavato pādāni mukhena ca paricumbati, pāṇīhi ca parisambāhati, nāmañca sāveti – ‘‘brahmāyu ahaṃ, bho gotama, brāhmaṇo; brahmāyu ahaṃ, bho gotama, brāhmaṇo’’ti. Atha kho sā parisā acchariyabbhutacittajātā ahosi – ‘‘acchariyaṃ vata, bho, abbhutaṃ vata, bho! Yatra hi nāmāyaṃ brahmāyu brāhmaṇo ñāto yasassī evarūpaṃ paramanipaccakāraṃ karissatī’’ti. Atha kho bhagavā brahmāyuṃ brāhmaṇaṃ etadavoca – ‘‘alaṃ, brāhmaṇa, uṭṭhaha nisīda tvaṃ sake āsane yato te mayi cittaṃ pasanna’’nti. Atha kho brahmāyu brāhmaṇo uṭṭhahitvā sake āsane nisīdi.
395. ат̇а ко бхаг̇аваа б̣рахмааяусса б̣раахман̣асса анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣, сийлагат̇ам̣, саг̇г̇агат̇ам̣; гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзси. яад̣̇аа бхаг̇аваа ан̃н̃ааси б̣рахмааяум̣ б̣раахман̣ам̣ галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва б̣рахмааяусса б̣раахман̣асса д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и. ат̇а ко б̣рахмааяу б̣раахман̣о д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и – звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. ад̇хиваасзд̇у жа мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко б̣рахмааяу б̣раахман̣о бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами . ат̇а ко б̣рахмааяу б̣раахман̣о д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и.
395. Atha kho bhagavā brahmāyussa brāhmaṇassa anupubbiṃ kathaṃ kathesi, seyyathidaṃ – dānakathaṃ, sīlakathaṃ, saggakathaṃ; kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi. Yadā bhagavā aññāsi brahmāyuṃ brāhmaṇaṃ kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā taṃ pakāsesi – dukkhaṃ, samudayaṃ, nirodhaṃ, maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva brahmāyussa brāhmaṇassa tasmiṃyeva āsane virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ sabbaṃ taṃ nirodhadhamma’’nti. Atha kho brahmāyu brāhmaṇo diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti – evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gataṃ. Adhivāsetu ca me bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho brahmāyu brāhmaṇo bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi . Atha kho brahmāyu brāhmaṇo tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama, niṭṭhitaṃ bhatta’’nti.
ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна б̣рахмааяусса б̣раахман̣асса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко б̣рахмааяу б̣раахман̣о сад̇д̇аахам̣ б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко бхаг̇аваа д̇асса сад̇д̇аахасса ажжаязна вид̣̇зхзсу жааригам̣ баггаами. ат̇а ко б̣рахмааяу б̣раахман̣о ажирабагганд̇асса бхаг̇авад̇о гааламагааси. ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘б̣рахмааяу, бханд̇з, б̣раахман̣о гаалан̇гад̇о. д̇асса гаа г̇ад̇и, го абхисамбарааяо’’д̇и? ‘‘бан̣д̣ид̇о, бхигкавз, б̣рахмааяу б̣раахман̣о бажжабаад̣̇и д̇хаммассаануд̇хаммам̣, на жа мам̣ д̇хаммаад̇хигаран̣ам̣ вихзсзси. б̣рахмааяу, бхигкавз, б̣раахман̣о бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий, анаавад̇д̇ид̇хаммо д̇асмаа логаа’’д̇и.
Atha kho bhagavā pubbaṇhasamayaṃ nivāsetvā pattacīvaramādāya yena brahmāyussa brāhmaṇassa nivesanaṃ tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho brahmāyu brāhmaṇo sattāhaṃ buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho bhagavā tassa sattāhassa accayena videhesu cārikaṃ pakkāmi. Atha kho brahmāyu brāhmaṇo acirapakkantassa bhagavato kālamakāsi. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘brahmāyu, bhante, brāhmaṇo kālaṅkato. Tassa kā gati, ko abhisamparāyo’’ti? ‘‘Paṇḍito, bhikkhave, brahmāyu brāhmaṇo paccapādi dhammassānudhammaṃ, na ca maṃ dhammādhikaraṇaṃ vihesesi. Brahmāyu, bhikkhave, brāhmaṇo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī, anāvattidhammo tasmā lokā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
б̣рахмааяусуд̇д̇ам̣ нидтид̇ам̣ батамам̣.
Brahmāyusuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. б̣рахмааяусуд̇д̇аван̣н̣анаа • 1. Brahmāyusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. б̣рахмааяусуд̇д̇аван̣н̣анаа • 1. Brahmāyusuttavaṇṇanā
