| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
т̇зраабад̣̇аанабаал̣и
Therāpadānapāḷi
(батамо бхааг̇о)
(Paṭhamo bhāgo)
1. б̣уд̣̇д̇хаваг̇г̇о
1. Buddhavaggo
1. б̣уд̣̇д̇хаабад̣̇аанам̣
1. Buddhaapadānaṃ
1.
1.
д̇ат̇ааг̇ад̇ам̣ ж̇зд̇аванз васанд̇ам̣, абужчи взд̣̇зхамуний над̇ан̇г̇о;
Tathāgataṃ jetavane vasantaṃ, apucchi vedehamunī nataṅgo;
‘‘саб̣б̣ан̃н̃уб̣уд̣̇д̇хаа гира наама хонд̇и, бхаванд̇и д̇з хзд̇убхи гзхи вийра’’.
‘‘Sabbaññubuddhā kira nāma honti, bhavanti te hetubhi kehi vīra’’.
2.
2.
д̇ад̣̇ааха саб̣б̣ан̃н̃уваро махзсий, аананд̣̇абхад̣̇д̣̇ам̣ мад̇хурассарзна;
Tadāha sabbaññuvaro mahesī, ānandabhaddaṃ madhurassarena;
‘‘яз буб̣б̣аб̣уд̣̇д̇хзсу 1 гад̇аад̇хигаараа, алад̣̇д̇хамогкаа ж̇инасаасанзсу.
‘‘Ye pubbabuddhesu 2 katādhikārā, aladdhamokkhā jinasāsanesu.
3.
3.
‘‘д̇знзва самб̣од̇химукзна д̇хийраа, аж̇жхаасаязнааби махааб̣алзна;
‘‘Teneva sambodhimukhena dhīrā, ajjhāsayenāpi mahābalena;
бан̃н̃ааяа д̇зж̇зна суд̇игкабан̃н̃аа, саб̣б̣ан̃н̃убхаавам̣ анубаабун̣анд̇и.
Paññāya tejena sutikkhapaññā, sabbaññubhāvaṃ anupāpuṇanti.
4.
4.
‘‘ахамби буб̣б̣аб̣уд̣̇д̇хзсу, б̣уд̣̇д̇хад̇д̇амабхибад̇т̇аяим̣,
‘‘Ahampi pubbabuddhesu, buddhattamabhipatthayiṃ,
манасааязва худ̇ваана, д̇хаммарааж̇аа асан̇кияаа.
Manasāyeva hutvāna, dhammarājā asaṅkhiyā.
5.
5.
‘‘ат̇а б̣уд̣̇д̇хаабад̣̇аанаани, сун̣аат̇а суд̣̇д̇хамаанасаа;
‘‘Atha buddhāpadānāni, suṇātha suddhamānasā;
д̇им̣сабаарамисамбун̣н̣аа, д̇хаммарааж̇аа асан̇кияаа.
Tiṃsapāramisampuṇṇā, dhammarājā asaṅkhiyā.
6.
6.
‘‘самб̣од̇хим̣ б̣уд̣̇д̇хасздтаанам̣, сасан̇гхз логанааяагз;
‘‘Sambodhiṃ buddhaseṭṭhānaṃ, sasaṅghe lokanāyake;
7.
7.
‘‘яаавад̇аа б̣уд̣̇д̇хакзд̇д̇зсу, рад̇анаа виж̇ж̇анд̇исан̇кияаа;
‘‘Yāvatā buddhakhettesu, ratanā vijjantisaṅkhiyā;
аагаасадтаа жа бхуумадтаа 5, манасаа саб̣б̣амаахарим̣.
Ākāsaṭṭhā ca bhūmaṭṭhā 6, manasā sabbamāhariṃ.
8.
8.
‘‘д̇ад̇т̇а руубияабхуумияам̣, баасаад̣̇ам̣ маабаяим̣ ахам̣;
‘‘Tattha rūpiyabhūmiyaṃ, pāsādaṃ māpayiṃ ahaṃ;
нзгабхуммам̣ рад̇анамаяам̣, уб̣б̣ид̣̇д̇хам̣ набхамуг̇г̇ад̇ам̣.
Nekabhummaṃ ratanamayaṃ, ubbiddhaṃ nabhamuggataṃ.
9.
9.
‘‘вижид̇д̇ат̇амбхам̣ сугад̇ам̣, сувибхад̇д̇ам̣ махаарахам̣;
‘‘Vicittathambhaṃ sukataṃ, suvibhattaṃ mahārahaṃ;
ганагамаяасан̇гхаадам̣, гонд̇ажчад̇д̇зхи ман̣д̣ид̇ам̣.
Kanakamayasaṅghāṭaṃ, kontacchattehi maṇḍitaṃ.
10.
10.
‘‘батамаа взл̣урияаа бхууми, вималаб̣бхасамаа субхаа;
‘‘Paṭhamā veḷuriyā bhūmi, vimalabbhasamā subhā;
нал̣инаж̇алаж̇аагин̣н̣аа, вараган̃жанабхуумияаа.
Naḷinajalajākiṇṇā, varakañcanabhūmiyā.
11.
11.
‘‘баваал̣ам̣саа баваал̣аван̣н̣аа, гаажи лохид̇агаа субхаа;
‘‘Pavāḷaṃsā pavāḷavaṇṇā, kāci lohitakā subhā;
инд̣̇аг̇обагаван̣н̣аабхаа, бхууми обхаасад̇ий д̣̇исаа.
Indagopakavaṇṇābhā, bhūmi obhāsatī disā.
12.
12.
‘‘сувибхад̇д̇аа гхарамукаа, нияяуухаа сийхабан̃ж̇араа;
‘‘Suvibhattā gharamukhā, niyyūhā sīhapañjarā;
жад̇уро взд̣̇игаа ж̇аалаа, г̇анд̇хаавзл̣аа манорамаа.
Caturo vedikā jālā, gandhāveḷā manoramā.
13.
13.
‘‘нийлаа бийд̇аа лохид̇агаа, од̣̇аад̇аа суд̣̇д̇хагаал̣агаа;
‘‘Nīlā pītā lohitakā, odātā suddhakāḷakā;
гуудааг̇аараваруубзд̇аа, сад̇д̇арад̇анабхуусид̇аа.
Kūṭāgāravarūpetā, sattaratanabhūsitā.
14.
14.
‘‘ологамаяаа бад̣̇умаа, ваал̣авихан̇г̇асобхид̇аа;
‘‘Olokamayā padumā, vāḷavihaṅgasobhitā;
нагкад̇д̇ад̇аарагаагин̣н̣аа, жанд̣̇асуурзхи 7 ман̣д̣ид̇аа.
Nakkhattatārakākiṇṇā, candasūrehi 8 maṇḍitā.
15.
15.
‘‘хзмаж̇аалзна сан̃чаннаа, сон̣н̣агин̇гин̣игааяуд̇аа;
‘‘Hemajālena sañchannā, soṇṇakiṅkiṇikāyutā;
ваад̇авзг̇зна гууж̇анд̇и, сон̣н̣амаалаа манорамаа.
Vātavegena kūjanti, soṇṇamālā manoramā.
16.
16.
‘‘ман̃ж̇здтагам̣ лохид̇агам̣, бийд̇агам̣ харибин̃ж̇арам̣;
‘‘Mañjeṭṭhakaṃ lohitakaṃ, pītakaṃ haripiñjaraṃ;
17.
17.
‘‘на нам̣ 13 б̣ахуунзгасад̇аа, палигаа раж̇ад̇аамаяаа;
‘‘Na naṃ 14 bahūnekasatā, phalikā rajatāmayā;
ман̣имаяаа лохид̇ан̇г̇аа, масаараг̇алламаяаа д̇ат̇аа;
Maṇimayā lohitaṅgā, masāragallamayā tathā;
наанаасаяанавижид̇д̇аа, сан̣хагаасигасант̇ад̇аа.
Nānāsayanavicittā, saṇhakāsikasanthatā.
18.
18.
‘‘гамбалаа д̣̇угуулаа жийнаа, баддун̣н̣аа бан̣д̣убаавураа;
‘‘Kampalā dukūlā cīnā, paṭṭuṇṇā paṇḍupāvurā;
вивид̇хад̇т̇аран̣ам̣ саб̣б̣ам̣, манасаа бан̃н̃абзсахам̣.
Vividhattharaṇaṃ sabbaṃ, manasā paññapesahaṃ.
19.
19.
‘‘д̇аасу д̇аасвзва бхуумийсу, рад̇анагуудалан̇гад̇ам̣;
‘‘Tāsu tāsveva bhūmīsu, ratanakūṭalaṅkataṃ;
ман̣ивзрожанаа уггаа, д̇хаараяанд̇аа суд̇идтарз.
Maṇiverocanā ukkā, dhārayantā sutiṭṭhare.
20.
20.
‘‘собханд̇и зсигаа т̇амбхаа, субхаа ган̃жанад̇оран̣аа;
‘‘Sobhanti esikā thambhā, subhā kañcanatoraṇā;
ж̇амб̣онад̣̇аа саарамаяаа, ат̇о раж̇ад̇амаяааби жа.
Jambonadā sāramayā, atho rajatamayāpi ca.
21.
21.
‘‘нзгаа санд̇хий сувибхад̇д̇аа, гаваадаг̇г̇ал̣ажид̇д̇ид̇аа;
‘‘Nekā sandhī suvibhattā, kavāṭaggaḷacittitā;
убхад̇о бун̣н̣агхадаанзгаа, бад̣̇умуббаласам̣яуд̇аа.
Ubhato puṇṇaghaṭānekā, padumuppalasaṃyutā.
22.
22.
‘‘ад̇ийд̇з саб̣б̣аб̣уд̣̇д̇хз жа, сасан̇гхз логанааяагз;
‘‘Atīte sabbabuddhe ca, sasaṅghe lokanāyake;
багад̇иван̣н̣аруубзна, нимминид̇ваа сасаавагз.
Pakativaṇṇarūpena, nimminitvā sasāvake.
23.
23.
‘‘д̇зна д̣̇ваарзна бависид̇ваа, саб̣б̣з б̣уд̣̇д̇хаа сасаавагаа;
‘‘Tena dvārena pavisitvā, sabbe buddhā sasāvakā;
саб̣б̣асон̣н̣амаяз бийтз, нисиннаа арияаман̣д̣алаа.
Sabbasoṇṇamaye pīṭhe, nisinnā ariyamaṇḍalā.
24.
24.
‘‘яз жа зд̇арахи ад̇т̇и, б̣уд̣̇д̇хаа логз ануд̇д̇араа;
‘‘Ye ca etarahi atthi, buddhā loke anuttarā;
ад̇ийд̇з вад̇д̇амаанаа жа, бхаванам̣ саб̣б̣з самаахарим̣.
Atīte vattamānā ca, bhavanaṃ sabbe samāhariṃ.
25.
25.
‘‘бажжзгаб̣уд̣̇д̇хзнзгасад̇з, саяамбхуу абарааж̇ид̇з;
‘‘Paccekabuddhenekasate, sayambhū aparājite;
ад̇ийд̇з вад̇д̇амаанз жа, бхаванам̣ саб̣б̣з самаахарим̣.
Atīte vattamāne ca, bhavanaṃ sabbe samāhariṃ.
26.
26.
‘‘габбаругкаа б̣ахуу ад̇т̇и, яз д̣̇иб̣б̣аа яз жа маанусаа;
‘‘Kapparukkhā bahū atthi, ye dibbā ye ca mānusā;
саб̣б̣ам̣ д̣̇уссам̣ самааханд̇аа, ажчаад̣̇зми д̇ижийварам̣.
Sabbaṃ dussaṃ samāhantā, acchādemi ticīvaraṃ.
27.
27.
‘‘каж̇ж̇ам̣ бхож̇ж̇ам̣ сааяанийяам̣, самбаннам̣ баанабхож̇анам̣;
‘‘Khajjaṃ bhojjaṃ sāyanīyaṃ, sampannaṃ pānabhojanaṃ;
ман̣имаяз субхз бад̇д̇з, сам̣буурзд̇ваа ад̣̇аасахам̣.
Maṇimaye subhe patte, saṃpūretvā adāsahaṃ.
28.
28.
‘‘д̣̇иб̣б̣авад̇т̇асамаа худ̇ваа, мадтаа 15 жийварасам̣яуд̇аа;
‘‘Dibbavatthasamā hutvā, maṭṭhā 16 cīvarasaṃyutā;
мад̇хураа сагкараа жзва, д̇злаа жа мад̇хупаан̣ид̇аа.
Madhurā sakkharā ceva, telā ca madhuphāṇitā.
29.
29.
‘‘д̇аббид̇аа бараманнзна, саб̣б̣з д̇з арияаман̣д̣алаа;
‘‘Tappitā paramannena, sabbe te ariyamaṇḍalā;
рад̇анаг̇аб̣бхам̣ бависид̇ваа, гзсарийва г̇ухаасаяаа.
Ratanagabbhaṃ pavisitvā, kesarīva guhāsayā.
30.
30.
‘‘махаарахамхи саяанз, сийхасзяяамагаббаяум̣;
‘‘Mahārahamhi sayane, sīhaseyyamakappayuṃ;
самбаж̇аанаа самудтааяа, саяанз 17 баллан̇гамаабхуж̇ум̣.
Sampajānā samuṭṭhāya, sayane 18 pallaṅkamābhujuṃ.
31.
31.
‘‘г̇ожарам̣ саб̣б̣аб̣уд̣̇д̇хаанам̣, жхаанарад̇исамаббид̇аа;
‘‘Gocaraṃ sabbabuddhānaṃ, jhānaratisamappitā;
ан̃н̃з д̇хаммаани д̣̇зсзнд̇и, ан̃н̃з гийл̣анд̇и ид̣̇д̇хияаа.
Aññe dhammāni desenti, aññe kīḷanti iddhiyā.
32.
32.
‘‘ан̃н̃з абхин̃н̃аа аббзнд̇и, абхин̃н̃аа васибхаавид̇аа;
‘‘Aññe abhiññā appenti, abhiññā vasibhāvitā;
вигуб̣б̣анаа вигуб̣б̣анд̇и, ан̃н̃знзгасахассияо.
Vikubbanā vikubbanti, aññenekasahassiyo.
33.
33.
‘‘б̣уд̣̇д̇хааби б̣уд̣̇д̇хз бужчанд̇и, висаяам̣ саб̣б̣ан̃н̃умаалаяам̣;
‘‘Buddhāpi buddhe pucchanti, visayaṃ sabbaññumālayaṃ;
г̇амбхийрам̣ нибун̣ам̣ таанам̣, бан̃н̃ааяа виниб̣уж̇жхарз.
Gambhīraṃ nipuṇaṃ ṭhānaṃ, paññāya vinibujjhare.
34.
34.
‘‘саавагаа б̣уд̣̇д̇хз бужчанд̇и, б̣уд̣̇д̇хаа бужчанд̇и саавагз;
‘‘Sāvakā buddhe pucchanti, buddhā pucchanti sāvake;
ан̃н̃аман̃н̃ан̃жа бужчид̇ваа 19, ан̃н̃он̃н̃ам̣ б̣яаагаронд̇и д̇з.
Aññamaññañca pucchitvā 20, aññoññaṃ byākaronti te.
35.
35.
‘‘б̣уд̣̇д̇хаа бажжзгаб̣уд̣̇д̇хаа жа, саавагаа барижаарагаа;
‘‘Buddhā paccekabuddhā ca, sāvakā paricārakā;
звам̣ сагааяа рад̇ияаа, баасаад̣̇збхираманд̇и д̇з.
Evaṃ sakāya ratiyā, pāsādebhiramanti te.
36.
36.
‘‘чад̇д̇аа д̇идтанд̇у рад̇анаа, ган̃жанаавзл̣абанд̇игаа;
‘‘Chattā tiṭṭhantu ratanā, kañcanāveḷapantikā;
муд̇д̇ааж̇аалабаригкид̇д̇аа, саб̣б̣з д̇хаарзнд̇у 21 мад̇т̇агз.
Muttājālaparikkhittā, sabbe dhārentu 22 matthake.
37.
37.
‘‘бхаванд̇у жзл̣авид̇аанаа, сон̣н̣ад̇аарагажид̇д̇ид̇аа;
‘‘Bhavantu ceḷavitānā, soṇṇatārakacittitā;
вижид̇д̇амаляавид̇ад̇аа, саб̣б̣з д̇хаарзнд̇у мад̇т̇агз.
Vicittamalyavitatā, sabbe dhārentu matthake.
38.
38.
‘‘вид̇ад̇аа маляад̣̇аамзхи, г̇анд̇хад̣̇аамзхи собхид̇аа;
‘‘Vitatā malyadāmehi, gandhadāmehi sobhitā;
д̣̇уссад̣̇аамабаригин̣н̣аа, рад̇анад̣̇аамабхуусид̇аа.
Dussadāmaparikiṇṇā, ratanadāmabhūsitā.
39.
39.
‘‘бубпаабхигин̣н̣аа сужид̇д̇аа, сурабхиг̇анд̇хабхуусид̇аа;
‘‘Pupphābhikiṇṇā sucittā, surabhigandhabhūsitā;
г̇анд̇хабан̃жан̇г̇улигад̇аа 23, хзмажчад̣̇аначаад̣̇ид̇аа.
Gandhapañcaṅgulikatā 24, hemacchadanachāditā.
40.
40.
‘‘жад̇уд̣̇д̣̇исаа богкаран̃н̃о, бад̣̇умуббаласант̇ад̇аа;
‘‘Catuddisā pokkharañño, padumuppalasanthatā;
сован̣н̣аруубаа кааяанд̇у, бад̣̇мам̣рзн̣ураж̇уг̇г̇ад̇аа.
Sovaṇṇarūpā khāyantu, padmaṃreṇurajuggatā.
41.
41.
‘‘бубпанд̇у баад̣̇абаа саб̣б̣з, баасаад̣̇асса саманд̇ад̇о;
‘‘Pupphantu pādapā sabbe, pāsādassa samantato;
саяан̃жа бубпаа мун̃жид̇ваа, г̇анд̇ваа бхаванамогирум̣.
Sayañca pupphā muñcitvā, gantvā bhavanamokiruṃ.
42.
42.
‘‘сикино д̇ад̇т̇а нажжанд̇у, д̣̇иб̣б̣ахам̣саа багууж̇арз;
‘‘Sikhino tattha naccantu, dibbahaṃsā pakūjare;
гаравийгаа жа г̇ааяанд̇у, д̣̇иж̇асан̇гхаа саманд̇ад̇о.
Karavīkā ca gāyantu, dijasaṅghā samantato.
43.
43.
‘‘бхзрияо саб̣б̣аа важ̇ж̇анд̇у, вийн̣аа саб̣б̣аа расанд̇у 25 д̇аа;
‘‘Bheriyo sabbā vajjantu, vīṇā sabbā rasantu 26 tā;
саб̣б̣аа сан̇г̇ийд̇и вад̇д̇анд̇у, баасаад̣̇асса саманд̇ад̇о.
Sabbā saṅgīti vattantu, pāsādassa samantato.
44.
44.
‘‘яаавад̇аа б̣уд̣̇д̇хакзд̇д̇амхи, жаггаваал̣з д̇ад̇о барз;
‘‘Yāvatā buddhakhettamhi, cakkavāḷe tato pare;
маханд̇аа ж̇од̇исамбаннаа, ажчиннаа рад̇анаамаяаа.
Mahantā jotisampannā, acchinnā ratanāmayā.
45.
45.
‘‘д̇идтанд̇у сон̣н̣абаллан̇гаа, д̣̇ийбаругкаа ж̇аланд̇у д̇з;
‘‘Tiṭṭhantu soṇṇapallaṅkā, dīparukkhā jalantu te;
бхаванд̇у згабаж̇ж̇од̇аа, д̣̇асасахассибарамбараа.
Bhavantu ekapajjotā, dasasahassiparamparā.
46.
46.
‘‘г̇ан̣игаа лаасигаа жзва, нажжанд̇у ажчарааг̇ан̣аа;
‘‘Gaṇikā lāsikā ceva, naccantu accharāgaṇā;
наанааран̇г̇аа бад̣̇иссанд̇у, баасаад̣̇асса саманд̇ад̇о.
Nānāraṅgā padissantu, pāsādassa samantato.
47.
47.
‘‘д̣̇умаг̇г̇з баб̣б̣ад̇аг̇г̇з ваа, синзруг̇иримуд̣̇д̇хани;
‘‘Dumagge pabbatagge vā, sinerugirimuddhani;
уссаабзми д̇хаж̇ам̣ саб̣б̣ам̣, вижид̇д̇ам̣ бан̃жаван̣н̣игам̣.
Ussāpemi dhajaṃ sabbaṃ, vicittaṃ pañcavaṇṇikaṃ.
48.
48.
‘‘нараа нааг̇аа жа г̇анд̇хаб̣б̣аа, саб̣б̣з д̣̇зваа убзнд̇у д̇з;
‘‘Narā nāgā ca gandhabbā, sabbe devā upentu te;
намассанд̇аа бан̃ж̇алигаа, баасаад̣̇ам̣ бариваараяум̣.
Namassantā pañjalikā, pāsādaṃ parivārayuṃ.
49.
49.
‘‘яам̣ гин̃жи гусалам̣ гаммам̣, гад̇д̇аб̣б̣ам̣ гирияам̣ мама;
‘‘Yaṃ kiñci kusalaṃ kammaṃ, kattabbaṃ kiriyaṃ mama;
гааязна ваажаа манасаа, д̇ид̣̇асз сугад̇ам̣ гад̇ам̣.
Kāyena vācā manasā, tidase sukataṃ kataṃ.
50.
50.
‘‘яз сад̇д̇аа сан̃н̃ино ад̇т̇и, яз жа сад̇д̇аа асан̃н̃ино;
‘‘Ye sattā saññino atthi, ye ca sattā asaññino;
гад̇ам̣ бун̃н̃апалам̣ маяхам̣, саб̣б̣з бхааг̇ий бхаванд̇у д̇з.
Kataṃ puññaphalaṃ mayhaṃ, sabbe bhāgī bhavantu te.
51.
51.
‘‘язсам̣ гад̇ам̣ сувид̣̇ид̇ам̣, д̣̇иннам̣ бун̃н̃апалам̣ маяаа;
‘‘Yesaṃ kataṃ suviditaṃ, dinnaṃ puññaphalaṃ mayā;
яз жа д̇ад̇т̇а 27 на ж̇аананд̇и, д̣̇зваа г̇анд̇ваа нивзд̣̇аяум̣.
Ye ca tattha 28 na jānanti, devā gantvā nivedayuṃ.
52.
52.
‘‘саб̣б̣алогамхи 29 яз сад̇д̇аа, ж̇ийванд̇аахаарахзд̇угаа;
‘‘Sabbalokamhi 30 ye sattā, jīvantāhārahetukā;
манун̃н̃ам̣ бхож̇анам̣ саб̣б̣ам̣ 31, лабханд̇у мама жзд̇асаа.
Manuññaṃ bhojanaṃ sabbaṃ 32, labhantu mama cetasā.
53.
53.
‘‘манасаа д̣̇аанам̣ маяаа д̣̇иннам̣, манасаа басаад̣̇амаавахим̣;
‘‘Manasā dānaṃ mayā dinnaṃ, manasā pasādamāvahiṃ;
бууж̇ид̇аа саб̣б̣асамб̣уд̣̇д̇хаа, бажжзгаа ж̇инасаавагаа.
Pūjitā sabbasambuddhā, paccekā jinasāvakā.
54.
54.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
55.
55.
‘‘д̣̇увз бхавз баж̇аанаами, д̣̇звад̇д̇з ат̇а маанусз;
‘‘Duve bhave pajānāmi, devatte atha mānuse;
ан̃н̃ам̣ г̇ад̇им̣ на ж̇аанаами, манасаа бад̇т̇анаапалам̣.
Aññaṃ gatiṃ na jānāmi, manasā patthanāphalaṃ.
56.
56.
‘‘д̣̇зваанам̣ ад̇хиго хоми, бхаваами мануж̇аад̇хибо;
‘‘Devānaṃ adhiko homi, bhavāmi manujādhipo;
руубалагкан̣асамбанно, бан̃н̃ааяа асамо бхавз.
Rūpalakkhaṇasampanno, paññāya asamo bhave.
57.
57.
‘‘бхож̇анам̣ вивид̇хам̣ сздтам̣, рад̇анан̃жа анаббагам̣;
‘‘Bhojanaṃ vividhaṃ seṭṭhaṃ, ratanañca anappakaṃ;
вивид̇хаани жа вад̇т̇аани, набхаа 33 киббам̣ убзнд̇и мам̣.
Vividhāni ca vatthāni, nabhā 34 khippaṃ upenti maṃ.
58.
58.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, д̣̇иб̣б̣аа бхагкаа убзнд̇и мам̣.
Yaṃ yaṃ hatthaṃ pasāremi, dibbā bhakkhā upenti maṃ.
59.
59.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, рад̇анаа саб̣б̣з убзнд̇и мам̣.
Yaṃ yaṃ hatthaṃ pasāremi, ratanā sabbe upenti maṃ.
60.
60.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, саб̣б̣з г̇анд̇хаа убзнд̇и мам̣.
Yaṃ yaṃ hatthaṃ pasāremi, sabbe gandhā upenti maṃ.
61.
61.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ 35 хад̇т̇ам̣ басаарзми, саб̣б̣з яаанаа убзнд̇и мам̣.
Yaṃ yaṃ 36 hatthaṃ pasāremi, sabbe yānā upenti maṃ.
62.
62.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, саб̣б̣з маалаа убзнд̇и мам̣.
Yaṃ yaṃ hatthaṃ pasāremi, sabbe mālā upenti maṃ.
63.
63.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, алан̇гаараа убзнд̇и мам̣.
Yaṃ yaṃ hatthaṃ pasāremi, alaṅkārā upenti maṃ.
64.
64.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, саб̣б̣аа ган̃н̃аа убзнд̇и мам̣.
Yaṃ yaṃ hatthaṃ pasāremi, sabbā kaññā upenti maṃ.
65.
65.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, мад̇хусагкараа убзнд̇и мам̣.
Yaṃ yaṃ hatthaṃ pasāremi, madhusakkharā upenti maṃ.
66.
66.
‘‘бат̇аб̣яаа баб̣б̣ад̇з жзва, аагаасз уд̣̇агз ванз;
‘‘Pathabyā pabbate ceva, ākāse udake vane;
яам̣ яам̣ хад̇т̇ам̣ басаарзми, саб̣б̣з каж̇ж̇аа убзнд̇и мам̣.
Yaṃ yaṃ hatthaṃ pasāremi, sabbe khajjā upenti maṃ.
67.
67.
‘‘ад̇ханз ад̣̇д̇хига 37 ж̇анз, яаажагз жа бат̇аавино;
‘‘Adhane addhika 38 jane, yācake ca pathāvino;
д̣̇ад̣̇аамихам̣ 39 д̣̇аанаварам̣, самб̣од̇хиварабад̇д̇ияаа.
Dadāmihaṃ 40 dānavaraṃ, sambodhivarapattiyā.
68.
68.
‘‘наад̣̇знд̇о баб̣б̣ад̇ам̣ сзлам̣, г̇аж̇ж̇знд̇о б̣ахалам̣ г̇ирим̣;
‘‘Nādento pabbataṃ selaṃ, gajjento bahalaṃ giriṃ;
сад̣̇звагам̣ хаасаяанд̇о, б̣уд̣̇д̇хо логз бхаваамахам̣.
Sadevakaṃ hāsayanto, buddho loke bhavāmahaṃ.
69.
69.
‘‘д̣̇исаа д̣̇асавид̇хаа логз, яааяад̇о над̇т̇и анд̇агам̣;
‘‘Disā dasavidhā loke, yāyato natthi antakaṃ;
д̇асмин̃жа д̣̇исаабхааг̇амхи, б̣уд̣̇д̇хакзд̇д̇аа асан̇кияаа.
Tasmiñca disābhāgamhi, buddhakhettā asaṅkhiyā.
70.
70.
‘‘бабхаа багид̇д̇ид̇аа маяхам̣, яамагаа рам̣сивааханаа;
‘‘Pabhā pakittitā mayhaṃ, yamakā raṃsivāhanā;
зд̇т̇анд̇арз рам̣сиж̇аалам̣, аалого вибуло бхавз.
Etthantare raṃsijālaṃ, āloko vipulo bhave.
71.
71.
‘‘зд̇д̇агз логад̇хаад̇умхи, саб̣б̣з бассанд̇у мам̣ ж̇анаа;
‘‘Ettake lokadhātumhi, sabbe passantu maṃ janā;
саб̣б̣з мам̣ анувад̇д̇анд̇у, яаава б̣рахманивзсанам̣ 41.
Sabbe maṃ anuvattantu, yāva brahmanivesanaṃ 42.
72.
72.
‘‘висидтамад̇хунаад̣̇зна, амад̇абхзримааханим̣;
‘‘Visiṭṭhamadhunādena, amatabherimāhaniṃ;
зд̇т̇анд̇арз ж̇анаа саб̣б̣з, сун̣анд̇у мад̇хурам̣ г̇ирам̣.
Etthantare janā sabbe, suṇantu madhuraṃ giraṃ.
73.
73.
‘‘д̇хаммамзгхзна вассанд̇з, саб̣б̣з хонд̇у анаасаваа;
‘‘Dhammameghena vassante, sabbe hontu anāsavā;
язд̇т̇а бажчимагаа сад̇д̇аа, сод̇аабаннаа бхаванд̇у д̇з.
Yettha pacchimakā sattā, sotāpannā bhavantu te.
74.
74.
‘‘д̣̇ад̇ваа д̣̇аад̇аб̣б̣агам̣ д̣̇аанам̣, сийлам̣ буурзд̇ваа асзсад̇о;
‘‘Datvā dātabbakaṃ dānaṃ, sīlaṃ pūretvā asesato;
нзгкаммабаарамим̣ г̇анд̇ваа, бад̇д̇о самб̣од̇химуд̇д̇амам̣.
Nekkhammapāramiṃ gantvā, patto sambodhimuttamaṃ.
75.
75.
‘‘бан̣д̣ид̇з барибужчид̇ваа, гад̇ваа вийрияамуд̇д̇амам̣;
‘‘Paṇḍite paripucchitvā, katvā vīriyamuttamaṃ;
канд̇ияаа баарамим̣ г̇анд̇ваа, бад̇д̇о самб̣од̇химуд̇д̇амам̣.
Khantiyā pāramiṃ gantvā, patto sambodhimuttamaṃ.
76.
76.
‘‘гад̇ваа д̣̇ал̣хамад̇хидтаанам̣, сажжабаарами буурияа;
‘‘Katvā daḷhamadhiṭṭhānaṃ, saccapārami pūriya;
мзд̇д̇ааяа баарамим̣ г̇анд̇ваа, бад̇д̇о самб̣од̇химуд̇д̇амам̣.
Mettāya pāramiṃ gantvā, patto sambodhimuttamaṃ.
77.
77.
‘‘лаабхаалаабхз сукз д̣̇угкз, саммаанз жаавамаананз 43;
‘‘Lābhālābhe sukhe dukkhe, sammāne cāvamānane 44;
саб̣б̣ад̇т̇а самаго худ̇ваа, бад̇д̇о самб̣од̇химуд̇д̇амам̣.
Sabbattha samako hutvā, patto sambodhimuttamaṃ.
78.
78.
‘‘госаж̇ж̇ам̣ бхаяад̇о д̣̇исваа, вийрияам̣ жааби кзмад̇о;
‘‘Kosajjaṃ bhayato disvā, vīriyaṃ cāpi khemato;
аарад̣̇д̇хавийрияаа хот̇а, зсаа б̣уд̣̇д̇хаанусаасаний.
Āraddhavīriyā hotha, esā buddhānusāsanī.
79.
79.
‘‘виваад̣̇ам̣ бхаяад̇о д̣̇исваа, авиваад̣̇ан̃жа кзмад̇о;
‘‘Vivādaṃ bhayato disvā, avivādañca khemato;
самаг̇г̇аа сакилаа хот̇а, зсаа б̣уд̣̇д̇хаанусаасаний.
Samaggā sakhilā hotha, esā buddhānusāsanī.
80.
80.
‘‘бамаад̣̇ам̣ бхаяад̇о д̣̇исваа, аббамаад̣̇ан̃жа кзмад̇о;
‘‘Pamādaṃ bhayato disvā, appamādañca khemato;
бхаавзт̇адтан̇г̇игам̣ маг̇г̇ам̣, зсаа б̣уд̣̇д̇хаанусаасаний.
Bhāvethaṭṭhaṅgikaṃ maggaṃ, esā buddhānusāsanī.
81.
81.
‘‘самааг̇ад̇аа б̣ахуу б̣уд̣̇д̇хаа, араханд̇аа 45 жа саб̣б̣асо;
‘‘Samāgatā bahū buddhā, arahantā 46 ca sabbaso;
самб̣уд̣̇д̇хз араханд̇з жа, ванд̣̇амаанаа намассат̇а.
Sambuddhe arahante ca, vandamānā namassatha.
82.
82.
‘‘звам̣ ажинд̇ияаа б̣уд̣̇д̇хаа, б̣уд̣̇д̇хад̇хаммаа ажинд̇ияаа;
‘‘Evaṃ acintiyā buddhā, buddhadhammā acintiyā;
ажинд̇ияз басаннаанам̣, вибааго ход̇и ажинд̇ияо’’’.
Acintiye pasannānaṃ, vipāko hoti acintiyo’’’.
ид̇т̇ам̣ суд̣̇ам̣ бхаг̇аваа ад̇д̇ано б̣уд̣̇д̇хажарияам̣ самбхааваяамаано б̣уд̣̇д̇хаабад̣̇аанияам̣ 47 наама д̇хаммабарияааяам̣ абхаасид̇т̇аад̇и.
Itthaṃ sudaṃ bhagavā attano buddhacariyaṃ sambhāvayamāno buddhāpadāniyaṃ 48 nāma dhammapariyāyaṃ abhāsitthāti.
б̣уд̣̇д̇хаабад̣̇аанам̣ самад̇д̇ам̣.
Buddhāpadānaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā
аб̣бханд̇аранид̣̇аанаван̣н̣анаа • Abbhantaranidānavaṇṇanā
1. б̣уд̣̇д̇хаабад̣̇аанаван̣н̣анаа • 1. Buddhaapadānavaṇṇanā
