| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. बुद्धसञ्ञकत्थेरअपदानं
3. Buddhasaññakattheraapadānaṃ
९.
9.
‘‘दुमग्गे पंसुकूलिकं, लग्गं दिस्वान सत्थुनो।
‘‘Dumagge paṃsukūlikaṃ, laggaṃ disvāna satthuno;
ततो तमञ्जलिं कत्वा, पंसुकूलं अवन्दहं॥
Tato tamañjaliṃ katvā, paṃsukūlaṃ avandahaṃ.
१०.
10.
‘‘द्वेनवुते इतो कप्पे, यं कम्ममकरिं तदा।
‘‘Dvenavute ito kappe, yaṃ kammamakariṃ tadā;
दुग्गतिं नाभिजानामि, बुद्धसञ्ञायिदं फलं॥
Duggatiṃ nābhijānāmi, buddhasaññāyidaṃ phalaṃ.
११.
11.
‘‘इतो चतुत्थके कप्पे, दुमसारोसि खत्तियो।
‘‘Ito catutthake kappe, dumasārosi khattiyo;
चातुरन्तो विजितावी, चक्कवत्ती महब्बलो॥
Cāturanto vijitāvī, cakkavattī mahabbalo.
१२.
12.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा बुद्धसञ्ञको थेरो इमा गाथायो अभासित्थाति।
Itthaṃ sudaṃ āyasmā buddhasaññako thero imā gāthāyo abhāsitthāti.
बुद्धसञ्ञकत्थेरस्सापदानं ततियं।
Buddhasaññakattherassāpadānaṃ tatiyaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ३. बुद्धसञ्ञकत्थेरअपदानवण्णना • 3. Buddhasaññakattheraapadānavaṇṇanā
