| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. बुद्धसञ्ञकत्थेरअपदानं
9. Buddhasaññakattheraapadānaṃ
४३.
43.
‘‘उदेन्तं सतरंसिंव, पीतरंसिंव भाणुमं।
‘‘Udentaṃ sataraṃsiṃva, pītaraṃsiṃva bhāṇumaṃ;
वनन्तरगतं सन्तं, लोकजेट्ठं नरासभं॥
Vanantaragataṃ santaṃ, lokajeṭṭhaṃ narāsabhaṃ.
४४.
44.
‘‘अद्दसं सुपिनन्तेन, सिद्धत्थं लोकनायकं।
‘‘Addasaṃ supinantena, siddhatthaṃ lokanāyakaṃ;
तत्थ चित्तं पसादेत्वा, सुगतिं उपपज्जहं॥
Tattha cittaṃ pasādetvā, sugatiṃ upapajjahaṃ.
४५.
45.
‘‘चतुन्नवुतितो कप्पे, यं सञ्ञमलभिं तदा।
‘‘Catunnavutito kappe, yaṃ saññamalabhiṃ tadā;
दुग्गतिं नाभिजानामि, बुद्धसञ्ञायिदं फलं॥
Duggatiṃ nābhijānāmi, buddhasaññāyidaṃ phalaṃ.
४६.
46.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा बुद्धसञ्ञको थेरो इमा गाथायो अभासित्थाति।
Itthaṃ sudaṃ āyasmā buddhasaññako thero imā gāthāyo abhāsitthāti.
बुद्धसञ्ञकत्थेरस्सापदानं नवमं।
Buddhasaññakattherassāpadānaṃ navamaṃ.
