| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૩. બુદ્ધસ્સ અનુત્તરભાવજાનનપઞ્હો
3. Buddhassa anuttarabhāvajānanapañho
૩. રાજા આહ ‘‘ભન્તે નાગસેન, સક્કા જાનિતું ‘બુદ્ધો અનુત્તરો’’’તિ? ‘‘આમ, મહારાજ, સક્કા જાનિતું ‘ભગવા અનુત્તરો’’’તિ. ‘‘કથં, ભન્તે નાગસેન, સક્કા જાનિતું ‘બુદ્ધો અનુત્તરો’’’તિ. ‘‘ભૂતપુબ્બં, મહારાજ, તિસ્સત્થેરો નામ લેખાચરિયો અહોસિ, બહૂનિ વસ્સાનિ અબ્ભતીતાનિ કાલઙ્કતસ્સ કથં સો ઞાયતી’’તિ. ‘‘લેખેન ભન્તે’’તિ. ‘‘એવમેવ ખો, મહારાજ, યો ધમ્મં પસ્સતિ, સો ભગવન્તં પસ્સતિ, ધમ્મો હિ, મહારાજ, ભગવતા દેસિતો’’તિ.
3. Rājā āha ‘‘bhante nāgasena, sakkā jānituṃ ‘buddho anuttaro’’’ti? ‘‘Āma, mahārāja, sakkā jānituṃ ‘bhagavā anuttaro’’’ti. ‘‘Kathaṃ, bhante nāgasena, sakkā jānituṃ ‘buddho anuttaro’’’ti. ‘‘Bhūtapubbaṃ, mahārāja, tissatthero nāma lekhācariyo ahosi, bahūni vassāni abbhatītāni kālaṅkatassa kathaṃ so ñāyatī’’ti. ‘‘Lekhena bhante’’ti. ‘‘Evameva kho, mahārāja, yo dhammaṃ passati, so bhagavantaṃ passati, dhammo hi, mahārāja, bhagavatā desito’’ti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
બુદ્ધસ્સ અનુત્તરભાવજાનનપઞ્હો તતિયો.
Buddhassa anuttarabhāvajānanapañho tatiyo.
