| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
14. б̣уд̣̇д̇хаваг̇г̇о
14. Buddhavaggo
179.
179.
яасса ж̇ид̇ам̣ нааваж̇ийяад̇и, ж̇ид̇ам̣ яасса 1 но яаад̇и гожи логз;
Yassa jitaṃ nāvajīyati, jitaṃ yassa 2 no yāti koci loke;
д̇ам̣ б̣уд̣̇д̇хамананд̇аг̇ожарам̣, абад̣̇ам̣ гзна бад̣̇зна нзссат̇а.
Taṃ buddhamanantagocaraṃ, apadaṃ kena padena nessatha.
180.
180.
яасса ж̇аалиний висад̇д̇игаа, д̇ан̣хаа над̇т̇и гухин̃жи нзд̇авз;
Yassa jālinī visattikā, taṇhā natthi kuhiñci netave;
д̇ам̣ б̣уд̣̇д̇хамананд̇аг̇ожарам̣, абад̣̇ам̣ гзна бад̣̇зна нзссат̇а.
Taṃ buddhamanantagocaraṃ, apadaṃ kena padena nessatha.
181.
181.
яз жхаанабасуд̇аа д̇хийраа, нзгкаммуубасамз рад̇аа;
Ye jhānapasutā dhīrā, nekkhammūpasame ratā;
д̣̇звааби д̇зсам̣ бихаяанд̇и, самб̣уд̣̇д̇хаанам̣ сад̇иймад̇ам̣.
Devāpi tesaṃ pihayanti, sambuddhānaṃ satīmataṃ.
182.
182.
гижчо мануссабадилаабхо, гижчам̣ мажжаана ж̇ийвид̇ам̣;
Kiccho manussapaṭilābho, kicchaṃ maccāna jīvitaṃ;
гижчам̣ сад̣̇д̇хаммассаванам̣, гижчо б̣уд̣̇д̇хаанамуббаад̣̇о.
Kicchaṃ saddhammassavanaṃ, kiccho buddhānamuppādo.
183.
183.
саб̣б̣абаабасса агаран̣ам̣, гусаласса убасамбад̣̇аа 3;
Sabbapāpassa akaraṇaṃ, kusalassa upasampadā 4;
сажид̇д̇абарияод̣̇абанам̣ 5, зд̇ам̣ б̣уд̣̇д̇хаана саасанам̣.
Sacittapariyodapanaṃ 6, etaṃ buddhāna sāsanaṃ.
184.
184.
канд̇ий барамам̣ д̇або д̇ид̇игкаа, ниб̣б̣аанам̣ 7 барамам̣ вад̣̇анд̇и б̣уд̣̇д̇хаа;
Khantī paramaṃ tapo titikkhā, nibbānaṃ 8 paramaṃ vadanti buddhā;
на хи баб̣б̣аж̇ид̇о баруубагхаад̇ий, на 9 саман̣о ход̇и барам̣ вихзтаяанд̇о.
Na hi pabbajito parūpaghātī, na 10 samaṇo hoti paraṃ viheṭhayanto.
185.
185.
ануубаваад̣̇о ануубагхаад̇о 11, баад̇имогкз жа сам̣варо;
Anūpavādo anūpaghāto 12, pātimokkhe ca saṃvaro;
мад̇д̇ан̃н̃уд̇аа жа бхад̇д̇асмим̣, банд̇ан̃жа саяанаасанам̣;
Mattaññutā ca bhattasmiṃ, pantañca sayanāsanaṃ;
ад̇хижид̇д̇з жа ааяог̇о, зд̇ам̣ б̣уд̣̇д̇хаана саасанам̣.
Adhicitte ca āyogo, etaṃ buddhāna sāsanaṃ.
186.
186.
на гахаабан̣авассзна, д̇ид̇д̇и гаамзсу виж̇ж̇ад̇и;
Na kahāpaṇavassena, titti kāmesu vijjati;
аббассаад̣̇аа д̣̇укаа гаамаа, ид̇и вин̃н̃ааяа бан̣д̣ид̇о.
Appassādā dukhā kāmā, iti viññāya paṇḍito.
187.
187.
аби д̣̇иб̣б̣зсу гаамзсу, рад̇им̣ со наад̇хиг̇ажчад̇и;
Api dibbesu kāmesu, ratiṃ so nādhigacchati;
д̇ан̣хагкаяарад̇о ход̇и, саммаасамб̣уд̣̇д̇хасааваго.
Taṇhakkhayarato hoti, sammāsambuddhasāvako.
188.
188.
б̣ахум̣ вз саран̣ам̣ яанд̇и, баб̣б̣ад̇аани ванаани жа;
Bahuṃ ve saraṇaṃ yanti, pabbatāni vanāni ca;
аараамаругкажзд̇яаани, мануссаа бхаяад̇аж̇ж̇ид̇аа.
Ārāmarukkhacetyāni, manussā bhayatajjitā.
189.
189.
нзд̇ам̣ ко саран̣ам̣ кзмам̣, нзд̇ам̣ саран̣амуд̇д̇амам̣;
Netaṃ kho saraṇaṃ khemaṃ, netaṃ saraṇamuttamaṃ;
нзд̇ам̣ саран̣амааг̇амма, саб̣б̣ад̣̇угкаа бамужжад̇и.
Netaṃ saraṇamāgamma, sabbadukkhā pamuccati.
190.
190.
яо жа б̣уд̣̇д̇хан̃жа д̇хамман̃жа, сан̇гхан̃жа саран̣ам̣ г̇ад̇о;
Yo ca buddhañca dhammañca, saṅghañca saraṇaṃ gato;
жад̇д̇аари арияасажжаани, саммаббан̃н̃ааяа бассад̇и.
Cattāri ariyasaccāni, sammappaññāya passati.
191.
191.
д̣̇угкам̣ д̣̇угкасамуббаад̣̇ам̣, д̣̇угкасса жа ад̇иггамам̣;
Dukkhaṃ dukkhasamuppādaṃ, dukkhassa ca atikkamaṃ;
арияам̣ жадтан̇г̇игам̣ маг̇г̇ам̣, д̣̇угкуубасамаг̇ааминам̣.
Ariyaṃ caṭṭhaṅgikaṃ maggaṃ, dukkhūpasamagāminaṃ.
192.
192.
зд̇ам̣ ко саран̣ам̣ кзмам̣, зд̇ам̣ саран̣амуд̇д̇амам̣;
Etaṃ kho saraṇaṃ khemaṃ, etaṃ saraṇamuttamaṃ;
зд̇ам̣ саран̣амааг̇амма, саб̣б̣ад̣̇угкаа бамужжад̇и.
Etaṃ saraṇamāgamma, sabbadukkhā pamuccati.
193.
193.
д̣̇уллабхо бурисааж̇ан̃н̃о, на со саб̣б̣ад̇т̇а ж̇ааяад̇и;
Dullabho purisājañño, na so sabbattha jāyati;
яад̇т̇а со ж̇ааяад̇и д̇хийро, д̇ам̣ гулам̣ сукамзд̇хад̇и.
Yattha so jāyati dhīro, taṃ kulaṃ sukhamedhati.
194.
194.
суко б̣уд̣̇д̇хаанамуббаад̣̇о, сукаа сад̣̇д̇хаммад̣̇зсанаа;
Sukho buddhānamuppādo, sukhā saddhammadesanā;
сукаа сан̇гхасса саамаг̇г̇ий, самаг̇г̇аанам̣ д̇або суко.
Sukhā saṅghassa sāmaggī, samaggānaṃ tapo sukho.
195.
195.
бууж̇аарахз бууж̇аяад̇о, б̣уд̣̇д̇хз яад̣̇и ва саавагз;
Pūjārahe pūjayato, buddhe yadi va sāvake;
бабан̃жасамад̇игганд̇з, д̇ин̣н̣асогабарид̣̇д̣̇авз.
Papañcasamatikkante, tiṇṇasokapariddave.
196.
196.
д̇з д̇аад̣̇исз бууж̇аяад̇о, ниб̣б̣уд̇з агуд̇обхаяз;
Te tādise pūjayato, nibbute akutobhaye;
на саггаа бун̃н̃ам̣ сан̇каад̇ум̣, имзд̇д̇амаби гзнажи.
Na sakkā puññaṃ saṅkhātuṃ, imettamapi kenaci.
б̣уд̣̇д̇хаваг̇г̇о жуд̣̇д̣̇асамо нидтид̇о.
Buddhavaggo cuddasamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 14. б̣уд̣̇д̇хаваг̇г̇о • 14. Buddhavaggo
