| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[272] 2. б̣яаг̇гхаж̇аад̇агаван̣н̣анаа
[272] 2. Byagghajātakavaṇṇanā
язна мид̇д̇зна сам̣саг̇г̇аад̇и ид̣̇ам̣ сад̇т̇аа ж̇зд̇аванз вихаранд̇о гогаалигам̣ аараб̣бха гат̇зси. гогаалигавад̇т̇у д̇зрасаганибаад̇з д̇аггаарияаж̇аад̇агз (ж̇аа. 1.13.104 аад̣̇аяо) аавибхависсад̇и. гогаалиго бана ‘‘саарибуд̇д̇амог̇г̇аллаанз г̇ахзд̇ваа ааг̇амиссаамий’’д̇и гогаалигарадтад̇о ж̇зд̇аванам̣ ааг̇анд̇ваа сад̇т̇аарам̣ ванд̣̇ид̇ваа т̇зрз убасан̇гамид̇ваа ‘‘аавусо, гогаалигарадтаваасино мануссаа д̇умхз баггосанд̇и, зт̇а г̇ажчаамаа’’д̇и ааха. ‘‘г̇ажча д̇вам̣, аавусо, на маяам̣ ааг̇ажчаамаа’’д̇и. со т̇зрзхи бадигкид̇д̇о саяамзва аг̇амааси. ат̇а бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, гогаалиго саарибуд̇д̇амог̇г̇аллаанзхи сахааби винааби вад̇д̇ид̇ум̣ на саггод̇и, сам̣яог̇амби на сахад̇и, вияог̇амби на сахад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби гогаалиго саарибуд̇д̇амог̇г̇аллаанзхи нзва саха, на винаа вад̇д̇ид̇ум̣ саггод̇ий’’д̇и вад̇ваа ад̇ийд̇ам̣ аахари.
Yenamittena saṃsaggāti idaṃ satthā jetavane viharanto kokālikaṃ ārabbha kathesi. Kokālikavatthu terasakanipāte takkāriyajātake (jā. 1.13.104 ādayo) āvibhavissati. Kokāliko pana ‘‘sāriputtamoggallāne gahetvā āgamissāmī’’ti kokālikaraṭṭhato jetavanaṃ āgantvā satthāraṃ vanditvā there upasaṅkamitvā ‘‘āvuso, kokālikaraṭṭhavāsino manussā tumhe pakkosanti, etha gacchāmā’’ti āha. ‘‘Gaccha tvaṃ, āvuso, na mayaṃ āgacchāmā’’ti. So therehi paṭikkhitto sayameva agamāsi. Atha bhikkhū dhammasabhāyaṃ kathaṃ samuṭṭhāpesuṃ – ‘‘āvuso, kokāliko sāriputtamoggallānehi sahāpi vināpi vattituṃ na sakkoti, saṃyogampi na sahati, viyogampi na sahatī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi kokāliko sāriputtamoggallānehi neva saha, na vinā vattituṃ sakkotī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ан̃н̃ад̇арасмим̣ аран̃н̃ааяад̇анз ругкад̣̇звад̇аа худ̇ваа ниб̣б̣ад̇д̇и. д̇асса вимаанад̇о авид̣̇уурз ан̃н̃ад̇арасмим̣ ванаббад̇иж̇здтагз ан̃н̃аа ругкад̣̇звад̇аа васад̇и. д̇асмим̣ ванасан̣д̣з сийхо жа б̣яаг̇гхо жа васанд̇и. д̇зсам̣ бхаязна гожи д̇ад̇т̇а на кзд̇д̇ам̣ гарод̇и, на ругкам̣ чинд̣̇ад̇и, нивад̇д̇ид̇ваа ологзд̇ум̣ самад̇т̇о наама над̇т̇и. д̇з бана сийхаб̣яаг̇гхаа наанаббагаарз миг̇з вад̇хид̇ваа каад̣̇анд̇и, каад̣̇ид̇аавасзсам̣ д̇ад̇т̇зва бахааяа г̇ажчанд̇и. д̇зна со ванасан̣д̣о асужигун̣абаг̇анд̇хо ход̇и. ат̇а ид̇араа ругкад̣̇звад̇аа анд̇хаб̣аалаа гааран̣аагааран̣ам̣ аж̇аанамаанаа згад̣̇ивасам̣ б̣од̇хисад̇д̇ам̣ ааха – ‘‘самма, зд̇з но сийхаб̣яаг̇гхз ниссааяа ванасан̣д̣о асужигун̣абаг̇анд̇хо ж̇аад̇о, ахам̣ зд̇з балаабзмий’’д̇и. б̣од̇хисад̇д̇о ‘‘самма, имз д̣̇вз ниссааяа амхаагам̣ вимаанаани рагкияанд̇и, зд̇зсу балааяанд̇зсу вимаанаани но винассиссанд̇и, сийхаб̣яаг̇гхаанам̣ бад̣̇ам̣ абассанд̇аа мануссаа саб̣б̣ам̣ ванам̣ чинд̣̇ид̇ваа зган̇г̇ан̣ам̣ гад̇ваа кзд̇д̇аани гариссанд̇и, маа д̇з звам̣ ружжий’’д̇и вад̇ваа буримаа д̣̇вз г̇аат̇аа авожа –
Atīte bārāṇasiyaṃ brahmadatte rajjaṃ kārente bodhisatto aññatarasmiṃ araññāyatane rukkhadevatā hutvā nibbatti. Tassa vimānato avidūre aññatarasmiṃ vanappatijeṭṭhake aññā rukkhadevatā vasati. Tasmiṃ vanasaṇḍe sīho ca byaggho ca vasanti. Tesaṃ bhayena koci tattha na khettaṃ karoti, na rukkhaṃ chindati, nivattitvā oloketuṃ samattho nāma natthi. Te pana sīhabyagghā nānappakāre mige vadhitvā khādanti, khāditāvasesaṃ tattheva pahāya gacchanti. Tena so vanasaṇḍo asucikuṇapagandho hoti. Atha itarā rukkhadevatā andhabālā kāraṇākāraṇaṃ ajānamānā ekadivasaṃ bodhisattaṃ āha – ‘‘samma, ete no sīhabyagghe nissāya vanasaṇḍo asucikuṇapagandho jāto, ahaṃ ete palāpemī’’ti. Bodhisatto ‘‘samma, ime dve nissāya amhākaṃ vimānāni rakkhiyanti, etesu palāyantesu vimānāni no vinassissanti, sīhabyagghānaṃ padaṃ apassantā manussā sabbaṃ vanaṃ chinditvā ekaṅgaṇaṃ katvā khettāni karissanti, mā te evaṃ ruccī’’ti vatvā purimā dve gāthā avoca –
64.
64.
‘‘язна мид̇д̇зна сам̣саг̇г̇аа, яог̇агкзмо вихияяад̇и;
‘‘Yena mittena saṃsaggā, yogakkhemo vihiyyati;
буб̣б̣зваж̇жхаабхавам̣ д̇асса, рагкз агкийва бан̣д̣ид̇о.
Pubbevajjhābhavaṃ tassa, rakkhe akkhīva paṇḍito.
65.
65.
‘‘язна мид̇д̇зна сам̣саг̇г̇аа, яог̇агкзмо бавад̣дхад̇и;
‘‘Yena mittena saṃsaggā, yogakkhemo pavaḍḍhati;
гарзяяад̇д̇асамам̣ вуд̇д̇им̣, саб̣б̣агижжзсу бан̣д̣ид̇о’’д̇и.
Kareyyattasamaṃ vuttiṃ, sabbakiccesu paṇḍito’’ti.
д̇ад̇т̇а язна мид̇д̇зна сам̣саг̇г̇аад̇и язна баабамид̇д̇зна сад̣̇д̇хим̣ сам̣саг̇г̇ахзд̇у сам̣саг̇г̇агааран̣аа, язна сад̣̇д̇хим̣ д̣̇ассанасам̣саг̇г̇о саванасам̣саг̇г̇о гааяасам̣саг̇г̇о самуллабанасам̣саг̇г̇о барибхог̇асам̣саг̇г̇од̇и имасса бан̃жавид̇хасса сам̣саг̇г̇асса гад̇ад̇д̇аад̇и ад̇т̇о. яог̇агкзмод̇и гааяажид̇д̇асукам̣. д̇ан̃хи д̣̇угкаяог̇ад̇о кзмад̇д̇аа ид̇ха яог̇агкзмод̇и ад̇хиббзд̇ам̣. вихияяад̇ийд̇и барихааяад̇и. буб̣б̣зваж̇жхаабхавам̣ д̇асса, рагкз агкийва бан̣д̣ид̇од̇и д̇асса баабамид̇д̇асса аж̇жхаабхавам̣ д̇зна абхибхавид̇аб̣б̣ам̣ ад̇д̇ано лаабхаяасаж̇ийвид̇ам̣, яат̇аа нам̣ со на аж̇жхаабхавад̇и, д̇ат̇аа батамад̇арамзва ад̇д̇ано агкий вияа бан̣д̣ид̇о бурисо рагкзяяа.
Tattha yena mittena saṃsaggāti yena pāpamittena saddhiṃ saṃsaggahetu saṃsaggakāraṇā, yena saddhiṃ dassanasaṃsaggo savanasaṃsaggo kāyasaṃsaggo samullapanasaṃsaggo paribhogasaṃsaggoti imassa pañcavidhassa saṃsaggassa katattāti attho. Yogakkhemoti kāyacittasukhaṃ. Tañhi dukkhayogato khemattā idha yogakkhemoti adhippetaṃ. Vihiyyatīti parihāyati. Pubbevajjhābhavaṃ tassa, rakkhe akkhīva paṇḍitoti tassa pāpamittassa ajjhābhavaṃ tena abhibhavitabbaṃ attano lābhayasajīvitaṃ, yathā naṃ so na ajjhābhavati, tathā paṭhamatarameva attano akkhī viya paṇḍito puriso rakkheyya.
д̣̇уд̇ияаг̇аат̇ааяа язнаад̇и язна галяаан̣амид̇д̇зна саха сам̣саг̇г̇агааран̣аа. яог̇агкзмо бавад̣дхад̇ийд̇и гааяажид̇д̇асукам̣ вад̣дхад̇и. гарзяяад̇д̇асамам̣ вуд̇д̇инд̇и д̇асса галяаан̣амид̇д̇асса саб̣б̣агижжзсу бан̣д̣ид̇о бурисо яат̇аа ад̇д̇ано ж̇ийвид̇авуд̇д̇ин̃жа убабхог̇абарибхог̇авуд̇д̇ин̃жа гарод̇и, звамзд̇ам̣ саб̣б̣ам̣ гарзяяа, ад̇хигамби гарзяяа, хийнам̣ бана на гарзяяаад̇и.
Dutiyagāthāya yenāti yena kalyāṇamittena saha saṃsaggakāraṇā. Yogakkhemo pavaḍḍhatīti kāyacittasukhaṃ vaḍḍhati. Kareyyattasamaṃ vuttinti tassa kalyāṇamittassa sabbakiccesu paṇḍito puriso yathā attano jīvitavuttiñca upabhogaparibhogavuttiñca karoti, evametaṃ sabbaṃ kareyya, adhikampi kareyya, hīnaṃ pana na kareyyāti.
звам̣ б̣од̇хисад̇д̇зна гааран̣з гат̇ид̇зби саа б̣аалад̣̇звад̇аа анубад̇хаарзд̇ваа згад̣̇ивасам̣ бхзраваруубаарамман̣ам̣ д̣̇ассзд̇ваа д̇з сийхаб̣яаг̇гхз балаабзси. мануссаа д̇зсам̣ бад̣̇авалан̃ж̇ам̣ ад̣̇исваа ‘‘сийхаб̣яаг̇гхаа ан̃н̃ам̣ ванасан̣д̣ам̣ г̇ад̇аа’’д̇и н̃ад̇ваа ванасан̣д̣асса згабассам̣ чинд̣̇им̣су. д̣̇звад̇аа б̣од̇хисад̇д̇ам̣ убасан̇гамид̇ваа ‘‘ахам̣, самма, д̇ава важанам̣ агад̇ваа д̇з балаабзсим̣, ид̣̇аани д̇зсам̣ г̇ад̇абхаавам̣ н̃ад̇ваа мануссаа ванасан̣д̣ам̣ чинд̣̇анд̇и, гим̣ ну ко гаад̇аб̣б̣а’’нд̇и вад̇ваа ‘‘ид̣̇аани д̇з асугаванасан̣д̣з наама васанд̇и, г̇анд̇ваа д̇з аанзхий’’д̇и вуд̇д̇аа д̇ад̇т̇а г̇анд̇ваа д̇зсам̣ бурад̇о тад̇ваа ан̃ж̇алим̣ баг̇г̇аяха д̇ад̇ияам̣ г̇аат̇амааха –
Evaṃ bodhisattena kāraṇe kathitepi sā bāladevatā anupadhāretvā ekadivasaṃ bheravarūpārammaṇaṃ dassetvā te sīhabyagghe palāpesi. Manussā tesaṃ padavalañjaṃ adisvā ‘‘sīhabyagghā aññaṃ vanasaṇḍaṃ gatā’’ti ñatvā vanasaṇḍassa ekapassaṃ chindiṃsu. Devatā bodhisattaṃ upasaṅkamitvā ‘‘ahaṃ, samma, tava vacanaṃ akatvā te palāpesiṃ, idāni tesaṃ gatabhāvaṃ ñatvā manussā vanasaṇḍaṃ chindanti, kiṃ nu kho kātabba’’nti vatvā ‘‘idāni te asukavanasaṇḍe nāma vasanti, gantvā te ānehī’’ti vuttā tattha gantvā tesaṃ purato ṭhatvā añjaliṃ paggayha tatiyaṃ gāthamāha –
66.
66.
‘‘зт̇а б̣яаг̇гхаа нивад̇д̇авхо, бажжубзт̇а махааванам̣;
‘‘Etha byagghā nivattavho, paccupetha mahāvanaṃ;
маа ванам̣ чинд̣̇и ниб̣яаг̇гхам̣, б̣яаг̇гхаа маахзсу ниб̣б̣анаа’’д̇и.
Mā vanaṃ chindi nibyagghaṃ, byagghā māhesu nibbanā’’ti.
д̇ад̇т̇а б̣яаг̇гхаад̇и убхоби д̇з б̣яаг̇гханаамзнзваалабанд̇ий ааха. нивад̇д̇авход̇и нивад̇д̇ат̇а. бажжубзт̇а махаавананд̇и д̇ам̣ махааванам̣ бажжубзт̇а буна убаг̇ажчат̇а, аяамзва ваа баато. маа ванам̣ чинд̣̇и ниб̣яаг̇гханд̇и амхаагам̣ васанагаванасан̣д̣ам̣ ид̣̇аани д̇умхаагам̣ абхаавзна ниб̣яаг̇гхам̣ мануссаа маа чинд̣̇им̣су. б̣яаг̇гхаа маахзсу ниб̣б̣анаад̇и д̇умхаад̣̇исаа жа б̣яаг̇гхарааж̇аано ад̇д̇ано васанадтаанаа балааяид̇ад̇д̇аа ниб̣б̣анаа васанадтаанабхууд̇зна ванзна вирахид̇аа маа ахзсум̣. д̇з звам̣ д̇ааяа д̣̇звад̇ааяа яаажияамаанааби ‘‘г̇ажча д̇вам̣, на маяам̣ ааг̇амиссаамаа’’д̇и бадигкибим̣суязва. д̣̇звад̇аа згигаава ванасан̣д̣ам̣ бажжааг̇ан̃чи. мануссааби гад̇ибаахзнзва саб̣б̣ам̣ ванам̣ чинд̣̇ид̇ваа кзд̇д̇аани гарид̇ваа гасигаммам̣ гарим̣су.
Tattha byagghāti ubhopi te byagghanāmenevālapantī āha. Nivattavhoti nivattatha. Paccupetha mahāvananti taṃ mahāvanaṃ paccupetha puna upagacchatha, ayameva vā pāṭho. Mā vanaṃ chindi nibyagghanti amhākaṃ vasanakavanasaṇḍaṃ idāni tumhākaṃ abhāvena nibyagghaṃ manussā mā chindiṃsu. Byagghā māhesu nibbanāti tumhādisā ca byaggharājāno attano vasanaṭṭhānā palāyitattā nibbanā vasanaṭṭhānabhūtena vanena virahitā mā ahesuṃ. Te evaṃ tāya devatāya yāciyamānāpi ‘‘gaccha tvaṃ, na mayaṃ āgamissāmā’’ti paṭikkhipiṃsuyeva. Devatā ekikāva vanasaṇḍaṃ paccāgañchi. Manussāpi katipāheneva sabbaṃ vanaṃ chinditvā khettāni karitvā kasikammaṃ kariṃsu.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа абан̣д̣ид̇аа д̣̇звад̇аа гогаалиго ахоси, сийхо саарибуд̇д̇о, б̣яаг̇гхо мог̇г̇аллаано, бан̣д̣ид̇ад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā apaṇḍitā devatā kokāliko ahosi, sīho sāriputto, byaggho moggallāno, paṇḍitadevatā pana ahameva ahosi’’nti.
б̣яаг̇гхаж̇аад̇агаван̣н̣анаа д̣̇уд̇ияаа.
Byagghajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 272. б̣яаг̇гхаж̇аад̇агам̣ • 272. Byagghajātakaṃ
