Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೫೧. ಚಕ್ಕವಾಕಜಾತಕಂ (೧೩)
451. Cakkavākajātakaṃ (13)
೧೩೫.
135.
ವಣ್ಣವಾ ಅಭಿರೂಪೋಸಿ, ಘನೋ ಸಞ್ಜಾತರೋಹಿತೋ।
Vaṇṇavā abhirūposi, ghano sañjātarohito;
ಚಕ್ಕವಾಕ ಸುರೂಪೋಸಿ, ವಿಪ್ಪಸನ್ನಮುಖಿನ್ದ್ರಿಯೋ॥
Cakkavāka surūposi, vippasannamukhindriyo.
೧೩೬.
136.
೧೩೭.
137.
೧೩೮.
138.
ನ ವಾಹಮೇತಂ ಸದ್ದಹಾಮಿ, ಚಕ್ಕವಾಕಸ್ಸ ಭೋಜನಂ।
Na vāhametaṃ saddahāmi, cakkavākassa bhojanaṃ;
ಅಹಮ್ಪಿ ಸಮ್ಮ ಭುಞ್ಜಾಮಿ, ಗಾಮೇ ಲೋಣಿಯತೇಲಿಯಂ॥
Ahampi samma bhuñjāmi, gāme loṇiyateliyaṃ.
೧೩೯.
139.
ಮನುಸ್ಸೇಸು ಕತಂ ಭತ್ತಂ, ಸುಚಿಂ ಮಂಸೂಪಸೇಚನಂ।
Manussesu kataṃ bhattaṃ, suciṃ maṃsūpasecanaṃ;
ನ ಚ ಮೇ ತಾದಿಸೋ ವಣ್ಣೋ, ಚಕ್ಕವಾಕ ಯಥಾ ತುವಂ॥
Na ca me tādiso vaṇṇo, cakkavāka yathā tuvaṃ.
೧೪೦.
140.
ಉತ್ರಸ್ತೋ ಘಸಸೀ ಭೀತೋ, ತೇನ ವಣ್ಣೋ ತವೇದಿಸೋ॥
Utrasto ghasasī bhīto, tena vaṇṇo tavediso.
೧೪೧.
141.
ಸಬ್ಬಲೋಕವಿರುದ್ಧೋಸಿ, ಧಙ್ಕ ಪಾಪೇನ ಕಮ್ಮುನಾ।
Sabbalokaviruddhosi, dhaṅka pāpena kammunā;
ಲದ್ಧೋ ಪಿಣ್ಡೋ ನ ಪೀಣೇತಿ, ತೇನ ವಣ್ಣೋ ತವೇದಿಸೋ॥
Laddho piṇḍo na pīṇeti, tena vaṇṇo tavediso.
೧೪೨.
142.
ಅಪ್ಪೋಸ್ಸುಕ್ಕೋ ನಿರಾಸಙ್ಕೀ, ಅಸೋಕೋ ಅಕುತೋಭಯೋ॥
Appossukko nirāsaṅkī, asoko akutobhayo.
೧೪೩.
143.
ಸೋ ಕರಸ್ಸು ಆನುಭಾವಂ, ವೀತಿವತ್ತಸ್ಸು ಸೀಲಿಯಂ।
So karassu ānubhāvaṃ, vītivattassu sīliyaṃ;
ಅಹಿಂಸಾಯ ಚರ ಲೋಕೇ, ಪಿಯೋ ಹೋಹಿಸಿ ಮಂಮಿವ॥
Ahiṃsāya cara loke, piyo hohisi maṃmiva.
೧೪೪.
144.
ಯೋ ನ ಹನ್ತಿ ನ ಘಾತೇತಿ, ನ ಜಿನಾತಿ ನ ಜಾಪಯೇ।
Yo na hanti na ghāteti, na jināti na jāpaye;
ಮೇತ್ತಂಸೋ ಸಬ್ಬಭೂತೇಸು, ವೇರಂ ತಸ್ಸ ನ ಕೇನಚೀತಿ॥
Mettaṃso sabbabhūtesu, veraṃ tassa na kenacīti.
ಚಕ್ಕವಾಕಜಾತಕಂ ತೇರಸಮಂ।
Cakkavākajātakaṃ terasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೫೧] ೧೩. ಚಕ್ಕವಾಕಜಾತಕವಣ್ಣನಾ • [451] 13. Cakkavākajātakavaṇṇanā