| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
3. жаггавад̇д̇исуд̇д̇аван̣н̣анаа
3. Cakkavattisuttavaṇṇanā
ад̇д̇ад̣̇ийбасаран̣ад̇ааван̣н̣анаа
Attadīpasaraṇatāvaṇṇanā
80. звам̣ мз суд̇анд̇и жаггавад̇д̇исуд̇д̇ам̣. д̇ад̇рааяамануд̇д̇аанабад̣̇аван̣н̣анаа – маад̇улааяанд̇и звам̣наамагз наг̇арз. д̇ам̣ наг̇арам̣ г̇ожараг̇аамам̣ гад̇ваа авид̣̇уурз ванасан̣д̣з вихарад̇и. ‘‘д̇ад̇ра ко бхаг̇аваа бхигкуу ааманд̇зсий’’д̇и зд̇т̇а аяаманубуб̣б̣игат̇аа –
80.Evaṃme sutanti cakkavattisuttaṃ. Tatrāyamanuttānapadavaṇṇanā – mātulāyanti evaṃnāmake nagare. Taṃ nagaraṃ gocaragāmaṃ katvā avidūre vanasaṇḍe viharati. ‘‘Tatra kho bhagavā bhikkhū āmantesī’’ti ettha ayamanupubbikathā –
бхаг̇аваа гира имасса суд̇д̇асса самудтаанасамаяз бажжуусагаалз махаагарун̣аасамаабад̇д̇ид̇о вудтааяа логам̣ вологзнд̇о имааяа анааг̇ад̇авам̣сад̣̇ийбигааяа суд̇д̇анд̇агат̇ааяа маад̇уланаг̇араваасийнам̣ жад̇ураасийд̇ияаа баан̣асахассаанам̣ д̇хаммаабхисамаяам̣ д̣̇исваа баад̇ова вийсад̇ибхигкусахассабаривааро маад̇уланаг̇арам̣ самбад̇д̇о. маад̇уланаг̇араваасино кад̇д̇ияаа ‘‘бхаг̇аваа ааг̇ад̇о’’д̇и суд̇ваа бажжуг̇г̇амма д̣̇асаб̣алам̣ ниманд̇зд̇ваа махаасаггаарзна наг̇арам̣ бавзсзд̇ваа нисаж̇ж̇адтаанам̣ сам̣вид̇хааяа бхаг̇аванд̇ам̣ махаарахз баллан̇гз нисийд̣̇аабзд̇ваа б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ам̣су. бхаг̇аваа бхад̇д̇агижжам̣ нидтаабзд̇ваа жинд̇зси – ‘‘сажаахам̣ имасмим̣ таанз имзсам̣ мануссаанам̣ д̇хаммам̣ д̣̇зсзссаами, аяам̣ бад̣̇зсо самб̣аад̇хо, мануссаанам̣ таад̇ум̣ ваа нисийд̣̇ид̇ум̣ ваа огаасо на бхависсад̇и, махад̇аа ко бана самааг̇амзна бхавид̇аб̣б̣а’’нд̇и.
Bhagavā kira imassa suttassa samuṭṭhānasamaye paccūsakāle mahākaruṇāsamāpattito vuṭṭhāya lokaṃ volokento imāya anāgatavaṃsadīpikāya suttantakathāya mātulanagaravāsīnaṃ caturāsītiyā pāṇasahassānaṃ dhammābhisamayaṃ disvā pātova vīsatibhikkhusahassaparivāro mātulanagaraṃ sampatto. Mātulanagaravāsino khattiyā ‘‘bhagavā āgato’’ti sutvā paccuggamma dasabalaṃ nimantetvā mahāsakkārena nagaraṃ pavesetvā nisajjaṭṭhānaṃ saṃvidhāya bhagavantaṃ mahārahe pallaṅke nisīdāpetvā buddhappamukhassa bhikkhusaṅghassa mahādānaṃ adaṃsu. Bhagavā bhattakiccaṃ niṭṭhāpetvā cintesi – ‘‘sacāhaṃ imasmiṃ ṭhāne imesaṃ manussānaṃ dhammaṃ desessāmi, ayaṃ padeso sambādho, manussānaṃ ṭhātuṃ vā nisīdituṃ vā okāso na bhavissati, mahatā kho pana samāgamena bhavitabba’’nti.
ат̇а рааж̇агулаанам̣ бхад̇д̇аанумод̣̇анам̣ агад̇ваава бад̇д̇ам̣ г̇ахзд̇ваа наг̇арад̇о нигками. мануссаа жинд̇аяим̣су – ‘‘сад̇т̇аа амхаагам̣ анумод̣̇анамби агад̇ваа г̇ажчад̇и, ад̣̇д̇хаа бхад̇д̇аг̇г̇ам̣ аманаабам̣ ахоси, б̣уд̣̇д̇хаанам̣ наама на саггаа жид̇д̇ам̣ г̇ахзд̇ум̣, б̣уд̣̇д̇хзхи сад̣̇д̇хим̣ виссаасагаран̣ам̣ наама самуссид̇апан̣ам̣ аасийвисам̣ г̇ийвааяа г̇ахан̣асад̣̇исам̣ ход̇и; зт̇а бхо, д̇ат̇ааг̇ад̇ам̣ камаабзссаамаа’’д̇и. сагаланаг̇араваасино бхаг̇авад̇аа сахзва нигканд̇аа. бхаг̇аваа г̇ажчанд̇ова маг̇ад̇хагкзд̇д̇з тид̇ам̣ саакаавидабасамбаннам̣ санд̣̇ажчааяам̣ гарийсамад̇д̇абхуумибад̇т̇адам̣ згам̣ маад̇уларугкам̣ д̣̇исваа имасмим̣ ругкамуулз нисийд̣̇ид̇ваа д̇хаммз д̣̇зсияамаанз ‘‘махааж̇анасса таананисаж̇ж̇аногаасо бхависсад̇ий’’д̇и. нивад̇д̇ид̇ваа маг̇г̇аа оггамма ругкамуулам̣ убасан̇гамид̇ваа д̇хаммабхан̣д̣ааг̇ааригам̣ аананд̣̇ад̇т̇зрам̣ ологзси. т̇зро ологид̇асан̃н̃ааяа зва ‘‘сад̇т̇аа нисийд̣̇ид̇угаамо’’д̇и н̃ад̇ваа суг̇ад̇амахаажийварам̣ бан̃н̃абзд̇ваа ад̣̇ааси. нисийд̣̇и бхаг̇аваа бан̃н̃ад̇д̇з аасанз. ат̇асса бурад̇о мануссаа нисийд̣̇им̣су. убхосу бассзсу бажчад̇о жа бхигкусан̇гхо, аагаасз д̣̇звад̇аа адтам̣су, звам̣ махаабарисамаж̇жхаг̇ад̇о д̇ад̇ра ко бхаг̇аваа бхигкуу ааманд̇зси.
Atha rājakulānaṃ bhattānumodanaṃ akatvāva pattaṃ gahetvā nagarato nikkhami. Manussā cintayiṃsu – ‘‘satthā amhākaṃ anumodanampi akatvā gacchati, addhā bhattaggaṃ amanāpaṃ ahosi, buddhānaṃ nāma na sakkā cittaṃ gahetuṃ, buddhehi saddhiṃ vissāsakaraṇaṃ nāma samussitaphaṇaṃ āsīvisaṃ gīvāya gahaṇasadisaṃ hoti; etha bho, tathāgataṃ khamāpessāmā’’ti. Sakalanagaravāsino bhagavatā saheva nikkhantā. Bhagavā gacchantova magadhakkhette ṭhitaṃ sākhāviṭapasampannaṃ sandacchāyaṃ karīsamattabhūmipatthaṭaṃ ekaṃ mātularukkhaṃ disvā imasmiṃ rukkhamūle nisīditvā dhamme desiyamāne ‘‘mahājanassa ṭhānanisajjanokāso bhavissatī’’ti. Nivattitvā maggā okkamma rukkhamūlaṃ upasaṅkamitvā dhammabhaṇḍāgārikaṃ ānandattheraṃ olokesi. Thero olokitasaññāya eva ‘‘satthā nisīditukāmo’’ti ñatvā sugatamahācīvaraṃ paññapetvā adāsi. Nisīdi bhagavā paññatte āsane. Athassa purato manussā nisīdiṃsu. Ubhosu passesu pacchato ca bhikkhusaṅgho, ākāse devatā aṭṭhaṃsu, evaṃ mahāparisamajjhagato tatra kho bhagavā bhikkhū āmantesi.
д̇з бхигкууд̇и д̇ад̇ра убавидтаа д̇хаммаббадиг̇г̇аахагаа бхигкуу. ад̇д̇ад̣̇ийбаад̇и ад̇д̇аанам̣ д̣̇ийбам̣ д̇аан̣ам̣ лзн̣ам̣ г̇ад̇им̣ барааяан̣ам̣ бад̇идтам̣ гад̇ваа вихарат̇аад̇и ад̇т̇о. ад̇д̇асаран̣аад̇и ид̣̇ам̣ д̇ассзва взважанам̣. анан̃н̃асаран̣аад̇и ид̣̇ам̣ ан̃н̃асаран̣абадигкзбаважанам̣. на хи ан̃н̃о ан̃н̃асса саран̣ам̣ ход̇и, ан̃н̃асса вааяаамзна ан̃н̃асса асуж̇жханад̇о. вуд̇д̇амби жзд̇ам̣ ‘‘ад̇д̇аа хи ад̇д̇ано наат̇о, го хи наат̇о баро сияаа’’д̇и (д̇ха. ба. 160). д̇знааха ‘‘анан̃н̃асаран̣аа’’д̇и. го банзд̇т̇а ад̇д̇аа наама, логияалогуд̇д̇аро д̇хаммо. д̇знааха – ‘‘д̇хаммад̣̇ийбаа д̇хаммасаран̣аа анан̃н̃асаран̣аа’’д̇и. ‘‘гааяз гааяаанубассий’’д̇иаад̣̇ийни махаасад̇ибадтаанз вид̇т̇аарид̇аани.
Te bhikkhūti tatra upaviṭṭhā dhammappaṭiggāhakā bhikkhū. Attadīpāti attānaṃ dīpaṃ tāṇaṃ leṇaṃ gatiṃ parāyaṇaṃ patiṭṭhaṃ katvā viharathāti attho. Attasaraṇāti idaṃ tasseva vevacanaṃ. Anaññasaraṇāti idaṃ aññasaraṇapaṭikkhepavacanaṃ. Na hi añño aññassa saraṇaṃ hoti, aññassa vāyāmena aññassa asujjhanato. Vuttampi cetaṃ ‘‘attā hi attano nātho, ko hi nātho paro siyā’’ti (dha. pa. 160). Tenāha ‘‘anaññasaraṇā’’ti. Ko panettha attā nāma, lokiyalokuttaro dhammo. Tenāha – ‘‘dhammadīpā dhammasaraṇā anaññasaraṇā’’ti. ‘‘Kāye kāyānupassī’’tiādīni mahāsatipaṭṭhāne vitthāritāni.
г̇ожарзд̇и жарид̇ум̣ яуд̇д̇адтаанз. сагзд̇и ад̇д̇ано санд̇агз. бзд̇д̇игз висаязд̇и бид̇ид̇о ааг̇ад̇ависаяз. жарад̇анд̇и жаранд̇аанам̣. ‘‘жаранд̇а’’нд̇иби баато, аяамзвад̇т̇о. на лажчад̇ийд̇и на лабхиссад̇и на бассиссад̇и. маарод̇и д̣̇звабуд̇д̇амаароби, мажжумаароби, гилзсамаароби. од̇ааранд̇и ранд̇хам̣ чид̣̇д̣̇ам̣ виварам̣. аяам̣ банад̇т̇о лзд̣д̣удтаанад̇о нигкамма д̇оран̣з нисийд̣̇ид̇ваа б̣аалаад̇абам̣ д̇абанд̇ам̣ лаабам̣ сагун̣ам̣ г̇ахзд̇ваа. багканд̣̇асзнасагун̣авад̇т̇унаа д̣̇ийбзд̇аб̣б̣о. вуд̇д̇ан̃хзд̇ам̣ –
Gocareti carituṃ yuttaṭṭhāne. Saketi attano santake. Pettike visayeti pitito āgatavisaye. Caratanti carantānaṃ. ‘‘Caranta’’ntipi pāṭho, ayamevattho. Na lacchatīti na labhissati na passissati. Māroti devaputtamāropi, maccumāropi, kilesamāropi. Otāranti randhaṃ chiddaṃ vivaraṃ. Ayaṃ panattho leḍḍuṭṭhānato nikkhamma toraṇe nisīditvā bālātapaṃ tapantaṃ lāpaṃ sakuṇaṃ gahetvā. Pakkhandasenasakuṇavatthunā dīpetabbo. Vuttañhetaṃ –
‘‘бхууд̇абуб̣б̣ам̣, бхигкавз, сагун̣аг̇гхи лаабам̣ сагун̣ам̣ сахасаа аж̇жхаббад̇д̇аа аг̇г̇ахзси. ат̇а ко, бхигкавз, лаабо сагун̣о сагун̣аг̇гхияаа харияамаано звам̣ барид̣̇зваси ‘маяамзвамха алагкигаа, маяам̣ аббабун̃н̃аа, яз маяам̣ аг̇ожарз жаримха барависаяз, сажзж̇ж̇а маяам̣ г̇ожарз жарзяяаама сагз бзд̇д̇игз висаяз, на мяааяам̣ сагун̣аг̇гхи алам̣ абхависса яад̣̇ид̣̇ам̣ яуд̣̇д̇хааяаа’д̇и. го бана д̇з лааба г̇ожаро саго бзд̇д̇иго висаяод̇и? яад̣̇ид̣̇ам̣ нан̇г̇алагадтагаран̣ам̣ лзд̣д̣удтаананд̇и. ат̇а ко, бхигкавз, сагун̣аг̇гхи сагз б̣алз абад̇т̇ад̣̇д̇хаа сагз б̣алз асам̣вад̣̇амаанаа лаабам̣ сагун̣ам̣ бамун̃жи г̇ажча ко д̇вам̣ лааба, д̇ад̇раби г̇анд̇ваа на могкасийд̇и.
‘‘Bhūtapubbaṃ, bhikkhave, sakuṇagghi lāpaṃ sakuṇaṃ sahasā ajjhappattā aggahesi. Atha kho, bhikkhave, lāpo sakuṇo sakuṇagghiyā hariyamāno evaṃ paridevasi ‘mayamevamha alakkhikā, mayaṃ appapuññā, ye mayaṃ agocare carimha paravisaye, sacejja mayaṃ gocare careyyāma sake pettike visaye, na myāyaṃ sakuṇagghi alaṃ abhavissa yadidaṃ yuddhāyā’ti. Ko pana te lāpa gocaro sako pettiko visayoti? Yadidaṃ naṅgalakaṭṭhakaraṇaṃ leḍḍuṭṭhānanti. Atha kho, bhikkhave, sakuṇagghi sake bale apatthaddhā sake bale asaṃvadamānā lāpaṃ sakuṇaṃ pamuñci gaccha kho tvaṃ lāpa, tatrapi gantvā na mokkhasīti.
ат̇а ко , бхигкавз, лаабо сагун̣о нан̇г̇алагадтагаран̣ам̣ лзд̣д̣удтаанам̣ г̇анд̇ваа маханд̇ам̣ лзд̣д̣ум̣ абхирухид̇ваа сагун̣аг̇гхим̣ вад̣̇амаано адтааси ‘‘зхи ко д̣̇аани мз сагун̣аг̇гхи, зхи ко д̣̇аани мз сагун̣аг̇гхий’’д̇и. ат̇а ко саа, бхигкавз, сагун̣аг̇гхи сагз б̣алз абад̇т̇ад̣̇д̇хаа сагз б̣алз асам̣вад̣̇амаанаа убхо багкз саннаяха лаабам̣ сагун̣ам̣ сахасаа аж̇жхаббад̇д̇аа. яад̣̇аа ко, бхигкавз, ан̃н̃ааси лаабо сагун̣о б̣ахуааг̇ад̇аа ко мяааяам̣ сагун̣аг̇гхийд̇и, ат̇а ко д̇ассзва лзд̣д̣усса анд̇арам̣ бажжубаад̣̇и. ат̇а ко, бхигкавз, сагун̣аг̇гхи д̇ад̇т̇зва урам̣ бажжад̇аал̣зси. зван̃хи д̇ам̣, бхигкавз, ход̇и яо аг̇ожарз жарад̇и барависаяз.
Atha kho , bhikkhave, lāpo sakuṇo naṅgalakaṭṭhakaraṇaṃ leḍḍuṭṭhānaṃ gantvā mahantaṃ leḍḍuṃ abhiruhitvā sakuṇagghiṃ vadamāno aṭṭhāsi ‘‘ehi kho dāni me sakuṇagghi, ehi kho dāni me sakuṇagghī’’ti. Atha kho sā, bhikkhave, sakuṇagghi sake bale apatthaddhā sake bale asaṃvadamānā ubho pakkhe sannayha lāpaṃ sakuṇaṃ sahasā ajjhappattā. Yadā kho, bhikkhave, aññāsi lāpo sakuṇo bahuāgatā kho myāyaṃ sakuṇagghīti, atha kho tasseva leḍḍussa antaraṃ paccupādi. Atha kho, bhikkhave, sakuṇagghi tattheva uraṃ paccatāḷesi. Evañhi taṃ, bhikkhave, hoti yo agocare carati paravisaye.
д̇асмаад̇иха, бхигкавз, маа аг̇ожарз жарид̇т̇а барависаяз, аг̇ожарз, бхигкавз, жарад̇ам̣ барависаяз лажчад̇и мааро од̇аарам̣, лажчад̇и мааро аарамман̣ам̣. го жа, бхигкавз, бхигкуно аг̇ожаро барависаяо, яад̣̇ид̣̇ам̣ бан̃жа гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа идтаа ганд̇аа манаабаа бияаруубаа гаамуубасам̣хид̇аа раж̇анийяаа, гхаанавин̃н̃зяяаа г̇анд̇хаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, ж̇ивхаавин̃н̃зяяаа расаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. аяам̣, бхигкавз, бхигкуно аг̇ожаро барависаяо.
Tasmātiha, bhikkhave, mā agocare carittha paravisaye, agocare, bhikkhave, carataṃ paravisaye lacchati māro otāraṃ, lacchati māro ārammaṇaṃ. Ko ca, bhikkhave, bhikkhuno agocaro paravisayo, yadidaṃ pañca kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā iṭṭhā kantā manāpā piyarūpā kāmūpasaṃhitā rajanīyā, ghānaviññeyyā gandhā iṭṭhā kantā manāpā piyarūpā kāmūpasaṃhitā rajanīyā, jivhāviññeyyā rasā iṭṭhā kantā manāpā piyarūpā kāmūpasaṃhitā rajanīyā, kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ayaṃ, bhikkhave, bhikkhuno agocaro paravisayo.
г̇ожарз, бхигкавз, жарат̇а…бз… на лажчад̇и мааро аарамман̣ам̣. го жа, бхигкавз, бхигкуно г̇ожаро саго бзд̇д̇иго висаяо, яад̣̇ид̣̇ам̣ жад̇д̇ааро сад̇ибадтаанаа. гад̇амз жад̇д̇ааро? ид̇ха бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу взд̣̇анаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; жид̇д̇з жид̇д̇аанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ – аяам̣, бхигкавз, бхигкуно г̇ожаро саго бзд̇д̇иго висаяод̇и (сам̣. ни. 5.371).
Gocare, bhikkhave, caratha…pe… na lacchati māro ārammaṇaṃ. Ko ca, bhikkhave, bhikkhuno gocaro sako pettiko visayo, yadidaṃ cattāro satipaṭṭhānā. Katame cattāro? Idha bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu vedanānupassī viharati ātāpī sampajāno satimā, vineyya loke abhijjhādomanassaṃ; citte cittānupassī viharati ātāpī sampajāno satimā, vineyya loke abhijjhādomanassaṃ; dhammesu dhammānupassī viharati ātāpī sampajāno satimā, vineyya loke abhijjhādomanassaṃ – ayaṃ, bhikkhave, bhikkhuno gocaro sako pettiko visayoti (saṃ. ni. 5.371).
гусалаананд̇и анаваж̇ж̇алагкан̣аанам̣. самаад̣̇аанахзд̇ууд̇и самаад̣̇ааяа вад̇д̇анахзд̇у. звамид̣̇ам̣ бун̃н̃ам̣ бавад̣дхад̇ийд̇и звам̣ ид̣̇ам̣ логияалогуд̇д̇арам̣ бун̃н̃апалам̣ вад̣дхад̇и, бун̃н̃апаланд̇и жа убаруубари бун̃н̃амби бун̃н̃авибаагоби взд̣̇ид̇аб̣б̣о.
Kusalānanti anavajjalakkhaṇānaṃ. Samādānahetūti samādāya vattanahetu. Evamidaṃ puññaṃ pavaḍḍhatīti evaṃ idaṃ lokiyalokuttaraṃ puññaphalaṃ vaḍḍhati, puññaphalanti ca uparūpari puññampi puññavipākopi veditabbo.
д̣̇ал̣ханзмижаггавад̇д̇ирааж̇агат̇ааван̣н̣анаа
Daḷhanemicakkavattirājakathāvaṇṇanā
81. д̇ад̇т̇а д̣̇увид̇хам̣ гусалам̣ ваддаг̇аамий жа виваддаг̇аамий жа. д̇ад̇т̇а ваддаг̇аамигусалам̣ наама маад̇аабид̇уунам̣ буд̇д̇ад̇хийд̇аасу буд̇д̇ад̇хийд̇аанан̃жа маад̇аабид̇уусу синзхавасзна муд̣̇умад̣̇д̣̇аважид̇д̇ам̣. виваддаг̇аамигусалам̣ наама ‘‘жад̇д̇ааро сад̇ибадтаанаа’’д̇иаад̣̇ибхзд̣̇аа сад̇д̇ад̇им̣са б̣од̇хибагкияад̇хаммаа. д̇зсу ваддаг̇аамибун̃н̃асса барияосаанам̣ мануссалогз жаггавад̇д̇исирийвибхаво. виваддаг̇аамигусаласса маг̇г̇апаланиб̣б̣аанасамбад̇д̇и. д̇ад̇т̇а виваддаг̇аамигусаласса вибаагам̣ суд̇д̇абарияосаанз д̣̇ассзссад̇и.
81. Tattha duvidhaṃ kusalaṃ vaṭṭagāmī ca vivaṭṭagāmī ca. Tattha vaṭṭagāmikusalaṃ nāma mātāpitūnaṃ puttadhītāsu puttadhītānañca mātāpitūsu sinehavasena mudumaddavacittaṃ. Vivaṭṭagāmikusalaṃ nāma ‘‘cattāro satipaṭṭhānā’’tiādibhedā sattatiṃsa bodhipakkhiyadhammā. Tesu vaṭṭagāmipuññassa pariyosānaṃ manussaloke cakkavattisirīvibhavo. Vivaṭṭagāmikusalassa maggaphalanibbānasampatti. Tattha vivaṭṭagāmikusalassa vipākaṃ suttapariyosāne dassessati.
ид̇ха бана ваддаг̇аамигусаласса вибаагад̣̇ассанад̇т̇ам̣, бхигкавз, яад̣̇аа буд̇д̇ад̇хийд̇аро маад̇аабид̇уунам̣ оваад̣̇з на адтам̣су, д̇ад̣̇аа ааяунааби ван̣н̣знааби иссариязнааби барихааяим̣су. яад̣̇аа бана адтам̣су, д̇ад̣̇аа вад̣дхим̣сууд̇и вад̇ваа ваддаг̇аамигусалаанусанд̇хивасзна ‘‘бхууд̇абуб̣б̣ам̣, бхигкавз’’д̇и д̣̇зсанам̣ аарабхи. д̇ад̇т̇а жаггавад̇д̇ийд̇иаад̣̇ийни махаабад̣̇аанз (д̣̇ий. ни. адта. 2.33) вид̇т̇аарид̇аанзва.
Idha pana vaṭṭagāmikusalassa vipākadassanatthaṃ, bhikkhave, yadā puttadhītaro mātāpitūnaṃ ovāde na aṭṭhaṃsu, tadā āyunāpi vaṇṇenāpi issariyenāpi parihāyiṃsu. Yadā pana aṭṭhaṃsu, tadā vaḍḍhiṃsūti vatvā vaṭṭagāmikusalānusandhivasena ‘‘bhūtapubbaṃ, bhikkhave’’ti desanaṃ ārabhi. Tattha cakkavattītiādīni mahāpadāne (dī. ni. aṭṭha. 2.33) vitthāritāneva.
82. осаггид̇анд̇и ийсагамби авасаггид̇ам̣. таанаа жуд̇анд̇и саб̣б̣асо таанаа абаг̇ад̇ам̣. д̇ам̣ гира жаггарад̇анам̣ анд̇збурад̣̇ваарз агкаахад̇ам̣ вияа взхаасам̣ адтааси. ат̇асса убхосу бассзсу д̣̇вз кад̣̇ирад̇т̇амбхз никан̣ид̇ваа жаггарад̇анамад̇т̇агз нзмиабхимукам̣ згам̣ суд̇д̇агам̣ б̣анд̇хим̣су. ад̇хобхааг̇зби нзмиабхимукам̣ згам̣ б̣анд̇хим̣су. д̇зсу убаримасуд̇д̇ад̇о аббамад̇д̇агамби ог̇ад̇ам̣ жаггарад̇анам̣ осаггид̇ам̣ наама ход̇и, хздтаа суд̇д̇асса таанам̣ убаримагодияаа ад̇игганд̇аг̇ад̇ам̣ таанаа жуд̇ам̣ наама ход̇и, д̇ад̣̇зд̇ам̣ ад̇иб̣алавад̣̇осз сад̇и звам̣ ход̇и. суд̇д̇амад̇д̇амби зган̇г̇улад̣̇ван̇г̇уламад̇д̇ам̣ ваа бхадтам̣ таанаа жуд̇амзва ход̇и. д̇ам̣ санд̇хааязд̇ам̣ вуд̇д̇ам̣ ‘‘осаггид̇ам̣ таанаа жуд̇а’’нд̇и.
82.Osakkitanti īsakampi avasakkitaṃ. Ṭhānā cutanti sabbaso ṭhānā apagataṃ. Taṃ kira cakkaratanaṃ antepuradvāre akkhāhataṃ viya vehāsaṃ aṭṭhāsi. Athassa ubhosu passesu dve khadiratthambhe nikhaṇitvā cakkaratanamatthake nemiabhimukhaṃ ekaṃ suttakaṃ bandhiṃsu. Adhobhāgepi nemiabhimukhaṃ ekaṃ bandhiṃsu. Tesu uparimasuttato appamattakampi ogataṃ cakkaratanaṃ osakkitaṃ nāma hoti, heṭṭhā suttassa ṭhānaṃ uparimakoṭiyā atikkantagataṃ ṭhānā cutaṃ nāma hoti, tadetaṃ atibalavadose sati evaṃ hoti. Suttamattampi ekaṅguladvaṅgulamattaṃ vā bhaṭṭhaṃ ṭhānā cutameva hoti. Taṃ sandhāyetaṃ vuttaṃ ‘‘osakkitaṃ ṭhānā cuta’’nti.
ат̇а мз аарожзяяаасийд̇и д̇аад̇а, д̇вам̣ аж̇ж̇а аад̣̇им̣ гад̇ваа д̣̇ивасасса д̇игкад̇д̇ум̣ жаггарад̇анасса убадтаанам̣ г̇ажча, звам̣ г̇ажчанд̇о яад̣̇аа жаггарад̇анам̣ ийсагамби осаггид̇ам̣ таанаа жуд̇ам̣ бассаси, ат̇а маяхам̣ аажигкзяяааси. ж̇ийвид̇ан̃хи мз д̇ава хад̇т̇з нигкид̇д̇анд̇и. ад̣̇д̣̇асаад̇и аббамад̇д̇о д̣̇ивасасса д̇игкад̇д̇ум̣ г̇анд̇ваа ологзнд̇о згад̣̇ивасам̣ ад̣̇д̣̇аса.
Atha me āroceyyāsīti tāta, tvaṃ ajja ādiṃ katvā divasassa tikkhattuṃ cakkaratanassa upaṭṭhānaṃ gaccha, evaṃ gacchanto yadā cakkaratanaṃ īsakampi osakkitaṃ ṭhānā cutaṃ passasi, atha mayhaṃ ācikkheyyāsi. Jīvitañhi me tava hatthe nikkhittanti. Addasāti appamatto divasassa tikkhattuṃ gantvā olokento ekadivasaṃ addasa.
83. ат̇а ко, бхигкавзд̇и бхигкавз, ат̇а рааж̇аа д̣̇ал̣ханзми ‘‘жаггарад̇анам̣ осаггид̇а’’нд̇и суд̇ваа уббаннаб̣алавад̣̇оманассо ‘‘на д̣̇аани маяаа жирам̣ ж̇ийвид̇аб̣б̣ам̣ бхависсад̇и, аббаавасзсам̣ мз ааяу, на мз д̣̇аани гаамз барибхун̃ж̇анагаало, баб̣б̣аж̇ж̇аагаало мз ид̣̇ааний’’д̇и род̣̇ид̇ваа барид̣̇звид̇ваа ж̇здтабуд̇д̇ам̣ гумаарам̣ ааманд̇аабзд̇ваа зд̇ад̣̇авожа. самуд̣̇д̣̇абарияанд̇анд̇и баригкид̇д̇азгасамуд̣̇д̣̇абарияанд̇амзва. ид̣̇ам̣ хисса гуласанд̇агам̣. жаггаваал̣абарияанд̇ам̣ бана бун̃н̃ид̣̇д̇хивасзна ниб̣б̣ад̇д̇ам̣, на д̇ам̣ саггаа д̣̇аад̇ум̣. гуласанд̇агам̣ бана нияяаад̇знд̇о ‘‘самуд̣̇д̣̇абарияанд̇а’’нд̇и ааха. гзсамассунд̇и д̇аабасабаб̣б̣аж̇ж̇ам̣ баб̣б̣аж̇анд̇ааби хи батамам̣ гзсамассум̣ охаарзнд̇и. д̇ад̇о бадтааяа баруул̣хагзсз б̣анд̇хид̇ваа вижаранд̇и. д̇зна вуд̇д̇ам̣ – ‘‘гзсамассум̣ охаарзд̇ваа’’д̇и.
83.Athakho, bhikkhaveti bhikkhave, atha rājā daḷhanemi ‘‘cakkaratanaṃ osakkita’’nti sutvā uppannabalavadomanasso ‘‘na dāni mayā ciraṃ jīvitabbaṃ bhavissati, appāvasesaṃ me āyu, na me dāni kāme paribhuñjanakālo, pabbajjākālo me idānī’’ti roditvā paridevitvā jeṭṭhaputtaṃ kumāraṃ āmantāpetvā etadavoca. Samuddapariyantanti parikkhittaekasamuddapariyantameva. Idaṃ hissa kulasantakaṃ. Cakkavāḷapariyantaṃ pana puññiddhivasena nibbattaṃ, na taṃ sakkā dātuṃ. Kulasantakaṃ pana niyyātento ‘‘samuddapariyanta’’nti āha. Kesamassunti tāpasapabbajjaṃ pabbajantāpi hi paṭhamaṃ kesamassuṃ ohārenti. Tato paṭṭhāya parūḷhakese bandhitvā vicaranti. Tena vuttaṃ – ‘‘kesamassuṃ ohāretvā’’ti.
гаасааяаанийд̇и гасааяарасабийд̇аани. аад̣̇ид̇о звам̣ гад̇ваа бажчаа ваггалааниби д̇хаарзнд̇и. баб̣б̣аж̇ийд̇и баб̣б̣аж̇ид̇о. баб̣б̣аж̇ид̇ваа жа ад̇д̇ано ман̇г̇алавануяяаанзязва васи. рааж̇исимхийд̇и рааж̇аийсимхи. б̣раахман̣абаб̣б̣аж̇ид̇аа хи ‘‘б̣раахман̣исаяо’’д̇и вужжанд̇и. сзд̇ажчад̇д̇ам̣ бана бахааяа рааж̇абаб̣б̣аж̇ид̇аа рааж̇исаяод̇и. анд̇арад̇хааяийд̇и анд̇арахид̇ам̣ ниб̣б̣уд̇ад̣̇ийбасикаа вияа абхаавам̣ убаг̇ад̇ам̣. бадисам̣взд̣̇зсийд̇и ганд̣̇анд̇о барид̣̇званд̇о ж̇аанаабзси. бзд̇д̇иганд̇и бид̇ид̇о ааг̇ад̇ам̣ д̣̇ааяаж̇ж̇ам̣ на ход̇и, на саггаа гусийд̇зна хийнавийриязна д̣̇аса агусалагаммабат̇з самаад̣̇ааяа вад̇д̇анд̇зна баабун̣ид̇ум̣. ад̇д̇ано бана сугад̇ам̣ гаммам̣ ниссааяа д̣̇асавид̇хам̣ д̣̇ваад̣̇асавид̇хам̣ ваа жаггавад̇д̇ивад̇д̇ам̣ буурзнд̇знзвзд̇ам̣ бад̇д̇аб̣б̣анд̇и д̣̇ийбзд̇и. ат̇а нам̣ вад̇д̇абадибад̇д̇ияам̣ жод̣̇знд̇о ‘‘ин̇гха д̇ва’’нд̇иаад̣̇имааха. д̇ад̇т̇а ариязд̇и нид̣̇д̣̇осз. жаггавад̇д̇ивад̇д̇зд̇и жаггавад̇д̇ийнам̣ вад̇д̇з.
Kāsāyānīti kasāyarasapītāni. Ādito evaṃ katvā pacchā vakkalānipi dhārenti. Pabbajīti pabbajito. Pabbajitvā ca attano maṅgalavanuyyāneyeva vasi. Rājisimhīti rājaīsimhi. Brāhmaṇapabbajitā hi ‘‘brāhmaṇisayo’’ti vuccanti. Setacchattaṃ pana pahāya rājapabbajitā rājisayoti. Antaradhāyīti antarahitaṃ nibbutadīpasikhā viya abhāvaṃ upagataṃ. Paṭisaṃvedesīti kandanto paridevanto jānāpesi. Pettikanti pitito āgataṃ dāyajjaṃ na hoti, na sakkā kusītena hīnavīriyena dasa akusalakammapathe samādāya vattantena pāpuṇituṃ. Attano pana sukataṃ kammaṃ nissāya dasavidhaṃ dvādasavidhaṃ vā cakkavattivattaṃ pūrentenevetaṃ pattabbanti dīpeti. Atha naṃ vattapaṭipattiyaṃ codento ‘‘iṅgha tva’’ntiādimāha. Tattha ariyeti niddose. Cakkavattivatteti cakkavattīnaṃ vatte.
жаггавад̇д̇иарияавад̇д̇аван̣н̣анаа
Cakkavattiariyavattavaṇṇanā
84. д̇хамманд̇и д̣̇асагусалагаммабат̇ад̇хаммам̣. ниссааяаад̇и д̇ад̣̇ад̇хидтаанзна жзд̇асаа д̇амзва ниссаяам̣ гад̇ваа. д̇хаммам̣ саггаронд̇од̇и яат̇аа гад̇о со д̇хаммо судту гад̇о ход̇и, звамзд̇ам̣ гаронд̇о. д̇хаммам̣ г̇арум̣ гаронд̇од̇и д̇асмим̣ г̇ааравуббад̇д̇ияаа д̇ам̣ г̇арум̣ гаронд̇о. д̇хаммам̣ маанзнд̇од̇и д̇амзва д̇хаммам̣ бияан̃жа бхааванийяан̃жа гад̇ваа вихаранд̇о. д̇хаммам̣ бууж̇знд̇од̇и д̇ам̣ абад̣̇исид̇ваа г̇анд̇хамаалаад̣̇ибууж̇анзнасса бууж̇ам̣ гаронд̇о. д̇хаммам̣ абажаяамаанод̇и д̇ассзва д̇хаммасса ан̃ж̇алигаран̣аад̣̇ийхи нийжавуд̇д̇ид̇ам̣ гаронд̇о. д̇хаммад̣̇д̇хаж̇о д̇хаммагзд̇ууд̇и д̇ам̣ д̇хаммам̣ д̇хаж̇амива бурагкад̇ваа гзд̇умива жа угкибид̇ваа бавад̇д̇ияаа д̇хаммад̣̇д̇хаж̇о д̇хаммагзд̇у жа худ̇ваад̇и ад̇т̇о. д̇хаммаад̇хибад̇зяяод̇и д̇хаммаад̇хибад̇ибхууд̇о ааг̇ад̇абхаавзна д̇хаммавасзнзва саб̣б̣агирияаанам̣ гаран̣зна д̇хаммаад̇хибад̇зяяо худ̇ваа. д̇хаммигам̣ рагкааваран̣аг̇уд̇д̇им̣ сам̣вид̣̇ахассууд̇и д̇хаммо ассаа ад̇т̇ийд̇и д̇хаммигаа, рагкаа жа ааваран̣ан̃жа г̇уд̇д̇и жа рагкааваран̣аг̇уд̇д̇и . д̇ад̇т̇а ‘‘барам̣ рагканд̇о ад̇д̇аанам̣ рагкад̇ий’’д̇и (сам̣. ни. 5.385) важанад̇о канд̇иаад̣̇аяо рагкаа. вуд̇д̇ан̃хзд̇ам̣ ‘‘гат̇ан̃жа, бхигкавз, барам̣ рагканд̇о ад̇д̇аанам̣ рагкад̇и. канд̇ияаа авихим̣сааяа мзд̇д̇ажид̇д̇ад̇аа ануд̣̇д̣̇аяад̇аа’’д̇и (сам̣. ни. 5.385). ниваасанабаарубанаг̇зхаад̣̇ийнам̣ нивааран̣аа ааваран̣ам̣, жораад̣̇иубад̣̇д̣̇аванивааран̣ад̇т̇ам̣ г̇обааяанаа г̇уд̇д̇и, д̇ам̣ саб̣б̣амби судту сам̣вид̣̇ахассу бавад̇д̇аяа табзхийд̇и ад̇т̇о. ид̣̇аани яад̇т̇а саа сам̣вид̣̇ахид̇аб̣б̣аа, д̇ам̣ д̣̇ассзнд̇о анд̇ож̇анасминд̇иаад̣̇имааха.
84.Dhammanti dasakusalakammapathadhammaṃ. Nissāyāti tadadhiṭṭhānena cetasā tameva nissayaṃ katvā. Dhammaṃ sakkarontoti yathā kato so dhammo suṭṭhu kato hoti, evametaṃ karonto. Dhammaṃ garuṃ karontoti tasmiṃ gāravuppattiyā taṃ garuṃ karonto. Dhammaṃ mānentoti tameva dhammaṃ piyañca bhāvanīyañca katvā viharanto. Dhammaṃ pūjentoti taṃ apadisitvā gandhamālādipūjanenassa pūjaṃ karonto. Dhammaṃapacayamānoti tasseva dhammassa añjalikaraṇādīhi nīcavuttitaṃ karonto. Dhammaddhajodhammaketūti taṃ dhammaṃ dhajamiva purakkhatvā ketumiva ca ukkhipitvā pavattiyā dhammaddhajo dhammaketu ca hutvāti attho. Dhammādhipateyyoti dhammādhipatibhūto āgatabhāvena dhammavaseneva sabbakiriyānaṃ karaṇena dhammādhipateyyo hutvā. Dhammikaṃ rakkhāvaraṇaguttiṃ saṃvidahassūti dhammo assā atthīti dhammikā, rakkhā ca āvaraṇañca gutti ca rakkhāvaraṇagutti . Tattha ‘‘paraṃ rakkhanto attānaṃ rakkhatī’’ti (saṃ. ni. 5.385) vacanato khantiādayo rakkhā. Vuttañhetaṃ ‘‘kathañca, bhikkhave, paraṃ rakkhanto attānaṃ rakkhati. Khantiyā avihiṃsāya mettacittatā anuddayatā’’ti (saṃ. ni. 5.385). Nivāsanapārupanagehādīnaṃ nivāraṇā āvaraṇaṃ, corādiupaddavanivāraṇatthaṃ gopāyanā gutti, taṃ sabbampi suṭṭhu saṃvidahassu pavattaya ṭhapehīti attho. Idāni yattha sā saṃvidahitabbā, taṃ dassento antojanasmintiādimāha.
д̇ад̇рааяам̣ сан̇кзбад̇т̇о – анд̇ож̇анасан̇каад̇ам̣ д̇ава буд̇д̇ад̣̇аарам̣ сийласам̣варз бад̇идтабзхи, вад̇т̇аг̇анд̇хамаалаад̣̇ийни жасса д̣̇зхи, саб̣б̣обад̣̇д̣̇авз жасса ниваарзхи. б̣алагааяаад̣̇ийсуби зсзва наяо. аяам̣ бана висзсо – б̣алагааяо гаалам̣ анад̇иггамид̇ваа бхад̇д̇авзд̇анасамбад̣̇аанзнаби ануг̇г̇ахзд̇аб̣б̣о. абхисид̇д̇акад̇д̇ияаа бхад̣̇рассааж̇аанзяяаад̣̇ирад̇анасамбад̣̇аанзнаби убасан̇г̇ан̣хид̇аб̣б̣аа. ануяанд̇акад̇д̇ияаа д̇зсам̣ ануруубаяаанавааханасамбад̣̇аанзнаби барид̇осзд̇аб̣б̣аа. б̣раахман̣аа аннабаанавад̇т̇аад̣̇инаа д̣̇зяяад̇хаммзна. г̇ахабад̇игаа бхад̇д̇аб̣ийж̇анан̇г̇алапаалаб̣алиб̣ад̣̇д̣̇аад̣̇исамбад̣̇аанзна. д̇ат̇аа ниг̇амаваасино нзг̇амаа, ж̇анабад̣̇аваасино жа ж̇аанабад̣̇аа. самид̇абаабаб̣аахид̇абаабаа саман̣аб̣раахман̣аа саман̣абаригкаарасамбад̣̇аанзна саггаад̇аб̣б̣аа. миг̇абагкино абхаяад̣̇аанзна самассаасзд̇аб̣б̣аа.
Tatrāyaṃ saṅkhepattho – antojanasaṅkhātaṃ tava puttadāraṃ sīlasaṃvare patiṭṭhapehi, vatthagandhamālādīni cassa dehi, sabbopaddave cassa nivārehi. Balakāyādīsupi eseva nayo. Ayaṃ pana viseso – balakāyo kālaṃ anatikkamitvā bhattavetanasampadānenapi anuggahetabbo. Abhisittakhattiyā bhadrassājāneyyādiratanasampadānenapi upasaṅgaṇhitabbā. Anuyantakhattiyā tesaṃ anurūpayānavāhanasampadānenapi paritosetabbā. Brāhmaṇā annapānavatthādinā deyyadhammena. Gahapatikā bhattabījanaṅgalaphālabalibaddādisampadānena. Tathā nigamavāsino negamā, janapadavāsino ca jānapadā. Samitapāpabāhitapāpā samaṇabrāhmaṇā samaṇaparikkhārasampadānena sakkātabbā. Migapakkhino abhayadānena samassāsetabbā.
виж̇ид̇зд̇и ад̇д̇ано аан̣аабавад̇д̇идтаанз. ад̇хаммагаарод̇и ад̇хаммагирияаа. маа бавад̇д̇ид̇т̇аад̇и яат̇аа наббавад̇д̇ад̇и, д̇ат̇аа нам̣ бадибаад̣̇зхийд̇и ад̇т̇о. саман̣аб̣раахман̣аад̇и самид̇абаабаб̣аахид̇абаабаа. мад̣̇аббамаад̣̇аа бадивирад̇аад̇и нававид̇хаа маанамад̣̇аа, бан̃жасу гаамаг̇ун̣зсу жид̇д̇авоссаж̇ж̇анасан̇каад̇аа бамаад̣̇аа жа бадивирад̇аа. канд̇исоражжз нивидтаад̇и ад̇хиваасанаканд̇ияан̃жа сурад̇абхаавз жа бад̇идтид̇аа. згамад̇д̇аананд̇и ад̇д̇ано рааг̇аад̣̇ийнам̣ д̣̇аманаад̣̇ийхи згамад̇д̇аанам̣ д̣̇амзнд̇и самзнд̇и бариниб̣б̣аабзнд̇ийд̇и вужжанд̇и. гаалзна гааланд̇и гаалз гаалз . абхиниваж̇ж̇зяяаасийд̇и г̇уут̇ам̣ вияа висам̣ вияа аг̇г̇им̣ вияа жа судту важ̇ж̇зяяааси. самаад̣̇ааяаад̇и сурабхигусумад̣̇аамам̣ вияа амад̇ам̣ вияа жа саммаа аад̣̇ааяа бавад̇д̇зяяааси.
Vijiteti attano āṇāpavattiṭṭhāne. Adhammakāroti adhammakiriyā. Mā pavattitthāti yathā nappavattati, tathā naṃ paṭipādehīti attho. Samaṇabrāhmaṇāti samitapāpabāhitapāpā. Madappamādāpaṭiviratāti navavidhā mānamadā, pañcasu kāmaguṇesu cittavossajjanasaṅkhātā pamādā ca paṭiviratā. Khantisoracce niviṭṭhāti adhivāsanakhantiyañca suratabhāve ca patiṭṭhitā. Ekamattānanti attano rāgādīnaṃ damanādīhi ekamattānaṃ damenti samenti parinibbāpentīti vuccanti. Kālena kālanti kāle kāle . Abhinivajjeyyāsīti gūthaṃ viya visaṃ viya aggiṃ viya ca suṭṭhu vajjeyyāsi. Samādāyāti surabhikusumadāmaṃ viya amataṃ viya ca sammā ādāya pavatteyyāsi.
ид̇ха тад̇ваа вад̇д̇ам̣ самаанзд̇аб̣б̣ам̣. анд̇ож̇анасмим̣ б̣алагааязби згам̣, кад̇д̇иязсу згам̣, ануяанд̇зсу згам̣, б̣раахман̣аг̇ахабад̇игзсу згам̣, нзг̇амаж̇аанабад̣̇зсу згам̣, саман̣аб̣раахман̣зсу згам̣, миг̇абагкийсу згам̣, ад̇хаммагаараббадигкзбо згам̣, ад̇ханаанам̣ д̇ханаануббад̣̇аанам̣ згам̣ саман̣аб̣раахман̣з убасан̇гамид̇ваа бан̃хабужчанам̣ зганд̇и звамзд̇ам̣ д̣̇асавид̇хам̣ ход̇и. г̇ахабад̇игз бана багкиж̇аад̇з жа висум̣ гад̇ваа г̇ан̣знд̇асса д̣̇ваад̣̇асавид̇хам̣ ход̇и. буб̣б̣з авуд̇д̇ам̣ ваа г̇ан̣знд̇зна ад̇хаммарааг̇асса жа висамалобхасса жа бахаанавасзна д̣̇ваад̣̇асавид̇хам̣ взд̣̇ид̇аб̣б̣ам̣. ид̣̇ам̣ ко д̇аад̇а д̇анд̇и ид̣̇ам̣ д̣̇асавид̇хам̣ д̣̇ваад̣̇асавид̇хан̃жа арияажаггавад̇д̇ивад̇д̇ам̣ наама. вад̇д̇амаанассаад̇и буурзд̇ваа вад̇д̇амаанасса. д̇ад̣̇ахубосат̇зд̇иаад̣̇и махаасуд̣̇ассанз вуд̇д̇ам̣.
Idha ṭhatvā vattaṃ samānetabbaṃ. Antojanasmiṃ balakāyepi ekaṃ, khattiyesu ekaṃ, anuyantesu ekaṃ, brāhmaṇagahapatikesu ekaṃ, negamajānapadesu ekaṃ, samaṇabrāhmaṇesu ekaṃ, migapakkhīsu ekaṃ, adhammakārappaṭikkhepo ekaṃ, adhanānaṃ dhanānuppadānaṃ ekaṃ samaṇabrāhmaṇe upasaṅkamitvā pañhapucchanaṃ ekanti evametaṃ dasavidhaṃ hoti. Gahapatike pana pakkhijāte ca visuṃ katvā gaṇentassa dvādasavidhaṃ hoti. Pubbe avuttaṃ vā gaṇentena adhammarāgassa ca visamalobhassa ca pahānavasena dvādasavidhaṃ veditabbaṃ. Idaṃ kho tāta tanti idaṃ dasavidhaṃ dvādasavidhañca ariyacakkavattivattaṃ nāma. Vattamānassāti pūretvā vattamānassa. Tadahuposathetiādi mahāsudassane vuttaṃ.
90. самад̇знаад̇и ад̇д̇ано мад̇ияаа. суд̣̇анд̇и нибаад̇амад̇д̇ам̣. басаасад̇ийд̇и анусаасад̇и. ид̣̇ам̣ вуд̇д̇ам̣ ход̇и – бораан̣агам̣ рааж̇авам̣сам̣ рааж̇абавзн̣им̣ рааж̇ад̇хаммам̣ бахааяа ад̇д̇ано мад̇имад̇д̇з тад̇ваа ж̇анабад̣̇ам̣ анусаасад̇ийд̇и. звамаяам̣ магхад̣̇звавам̣сасса гал̣аараж̇анаго вияа д̣̇ал̣ханзмивам̣сасса убажчзд̣̇аго анд̇имабурисо худ̇ваа уббанно. буб̣б̣знаабаранд̇и буб̣б̣агаалзна сад̣̇исаа худ̇ваа абарагаалам̣. ж̇анабад̣̇аа на баб̣б̣анд̇ийд̇и на вад̣дханд̇и. яат̇аа д̇ам̣ буб̣б̣агаананд̇и яат̇аа буб̣б̣агаанам̣ рааж̇уунам̣ буб̣б̣з жа бажчаа жа сад̣̇исааязва худ̇ваа баб̣б̣им̣су, д̇ат̇аа на баб̣б̣анд̇и. гад̇т̇ажи сун̃н̃аа хонд̇и хад̇авилуд̇д̇аа, д̇зламад̇хупаан̣ид̇аад̣̇ийсу жзва яааг̇убхад̇д̇аад̣̇ийсу жа ож̇ааби барихааяид̇т̇аад̇и ад̇т̇о.
90.Samatenāti attano matiyā. Sudanti nipātamattaṃ. Pasāsatīti anusāsati. Idaṃ vuttaṃ hoti – porāṇakaṃ rājavaṃsaṃ rājapaveṇiṃ rājadhammaṃ pahāya attano matimatte ṭhatvā janapadaṃ anusāsatīti. Evamayaṃ maghadevavaṃsassa kaḷārajanako viya daḷhanemivaṃsassa upacchedako antimapuriso hutvā uppanno. Pubbenāparanti pubbakālena sadisā hutvā aparakālaṃ. Janapadā na pabbantīti na vaḍḍhanti. Yathā taṃ pubbakānanti yathā pubbakānaṃ rājūnaṃ pubbe ca pacchā ca sadisāyeva hutvā pabbiṃsu, tathā na pabbanti. Katthaci suññā honti hataviluttā, telamadhuphāṇitādīsu ceva yāgubhattādīsu ca ojāpi parihāyitthāti attho.
амажжаа баарисаж̇ж̇аад̇и амажжаа жзва барисааважараа жа. г̇ан̣агамахаамад̇д̇аад̇и ажчид̣̇д̣̇агаад̣̇ибаатаг̇ан̣агаа жзва махааамажжаа жа. анийгадтаад̇и хад̇т̇иаажарияаад̣̇аяо. д̣̇овааригаад̇и д̣̇ваарарагкино. манд̇ассааж̇ийвинод̇и манд̇аа вужжад̇и бан̃н̃аа, д̇ам̣ ниссаяам̣ гад̇ваа яз ж̇ийванд̇и бан̣д̣ид̇аа махаамад̇д̇аа, д̇зсам̣ зд̇ам̣ наамам̣.
Amaccā pārisajjāti amaccā ceva parisāvacarā ca. Gaṇakamahāmattāti acchiddakādipāṭhagaṇakā ceva mahāamaccā ca. Anīkaṭṭhāti hatthiācariyādayo. Dovārikāti dvārarakkhino. Mantassājīvinoti mantā vuccati paññā, taṃ nissayaṃ katvā ye jīvanti paṇḍitā mahāmattā, tesaṃ etaṃ nāmaṃ.
ааяуван̣н̣аад̣̇ибарихаанигат̇ааван̣н̣анаа
Āyuvaṇṇādiparihānikathāvaṇṇanā
91. но жа ко ад̇ханаананд̇и б̣алавалобхад̇д̇аа бана ад̇ханаанам̣ д̣̇алид̣̇д̣̇амануссаанам̣ д̇ханам̣ наануббад̣̇ааси. наануббад̣̇ияамаанзд̇и анануббад̣̇ияамаанз, аяамзва ваа баато. д̣̇аалид̣̇д̣̇ияанд̇и д̣̇алид̣̇д̣̇абхааво. ад̇д̇анаа жа ж̇ийваахийд̇и саяан̃жа ж̇ийвам̣ яаабзхийд̇и ад̇т̇о. уд̣̇д̇хаг̇г̇иганд̇иаад̣̇ийсу убаруубарибхуумийсу палад̣̇аанавасзна уд̣̇д̇хамаг̇г̇амассаад̇и уд̣̇д̇хаг̇г̇игаа. саг̇г̇асса хид̇аа д̇ад̇рубабад̇д̇иж̇ананад̇од̇и соваг̇г̇игаа. ниб̣б̣ад̇д̇адтаанз суко вибааго ассаад̇и сукавибаагаа. судту аг̇г̇аанам̣ д̣̇иб̣б̣аван̣н̣аад̣̇ийнам̣ д̣̇асаннам̣ висзсаанам̣ ниб̣б̣ад̇д̇анад̇о саг̇г̇асам̣вад̇д̇анигаа. зваруубам̣ д̣̇агкин̣ам̣ д̣̇аанам̣ бад̇идтабзд̇ийд̇и ад̇т̇о.
91.Noca kho adhanānanti balavalobhattā pana adhanānaṃ daliddamanussānaṃ dhanaṃ nānuppadāsi. Nānuppadiyamāneti ananuppadiyamāne, ayameva vā pāṭho. Dāliddiyanti daliddabhāvo. Attanā ca jīvāhīti sayañca jīvaṃ yāpehīti attho. Uddhaggikantiādīsu uparūparibhūmīsu phaladānavasena uddhamaggamassāti uddhaggikā. Saggassa hitā tatrupapattijananatoti sovaggikā. Nibbattaṭṭhāne sukho vipāko assāti sukhavipākā. Suṭṭhu aggānaṃ dibbavaṇṇādīnaṃ dasannaṃ visesānaṃ nibbattanato saggasaṃvattanikā. Evarūpaṃ dakkhiṇaṃ dānaṃ patiṭṭhapetīti attho.
92. бавад̣дхиссад̇ийд̇и вад̣дхиссад̇и б̣ахум̣ бхависсад̇и. сунисзд̇хам̣ нисзд̇хзяяанд̇и судту нисид̣̇д̇хам̣ нисзд̇хзяяам̣. муулагхажжанд̇и муулахад̇ам̣. карассарзнаад̇и парусасад̣̇д̣̇зна. бан̣авзнаад̇и важ̇жхабхзрияаа.
92.Pavaḍḍhissatīti vaḍḍhissati bahuṃ bhavissati. Sunisedhaṃ nisedheyyanti suṭṭhu nisiddhaṃ nisedheyyaṃ. Mūlaghaccanti mūlahataṃ. Kharassarenāti pharusasaddena. Paṇavenāti vajjhabheriyā.
93. сийсаани нзсам̣ чинд̣̇иссаамаад̇и язсам̣ анд̇амасо муулагамудтимби хариссаама, д̇зсам̣ д̇ат̇зва сийсаани чинд̣̇иссаама, яат̇аа гожи хадабхаавамби на ж̇ааниссад̇и, амхаагам̣ д̣̇аани гимзд̇т̇а рааж̇ааби звам̣ удтааяа барам̣ маарзд̇ийд̇и аяам̣ нзсам̣ ад̇хиббааяо. убаггамим̣сууд̇и аарабхим̣су. бант̇ад̣̇ухананд̇и бант̇агхаад̇ам̣, бант̇з тад̇ваа жорагаммам̣.
93.Sīsāninesaṃ chindissāmāti yesaṃ antamaso mūlakamuṭṭhimpi harissāma, tesaṃ tatheva sīsāni chindissāma, yathā koci haṭabhāvampi na jānissati, amhākaṃ dāni kimettha rājāpi evaṃ uṭṭhāya paraṃ māretīti ayaṃ nesaṃ adhippāyo. Upakkamiṃsūti ārabhiṃsu. Panthaduhananti panthaghātaṃ, panthe ṭhatvā corakammaṃ.
94. на хи, д̣̇зваад̇и со гира жинд̇зси – ‘‘аяам̣ рааж̇аа сажжам̣ д̣̇зваад̇и мукабадин̃н̃ааяа д̣̇иннааяа маараабзд̇и, ханд̣̇аахам̣ мусааваад̣̇ам̣ гаромий’’д̇и, маран̣абхаяаа ‘‘на хи д̣̇зваа’’д̇и авожа.
94.Na hi, devāti so kira cintesi – ‘‘ayaṃ rājā saccaṃ devāti mukhapaṭiññāya dinnāya mārāpeti, handāhaṃ musāvādaṃ karomī’’ti, maraṇabhayā ‘‘na hi devā’’ti avoca.
96. згид̣̇анд̇и зд̇т̇а ид̣̇анд̇и нибаад̇амад̇д̇ам̣, згз сад̇д̇аад̇и ад̇т̇о. жаарид̇д̇анд̇и мижчаажаарам̣. абхиж̇жхааб̣яаабаад̣̇аад̇и абхиж̇жхаа жа б̣яаабаад̣̇о жа. мижчаад̣̇идтийд̇и над̇т̇и д̣̇иннанд̇иаад̣̇игаа анд̇аг̇г̇аахигаа бажжанийгад̣̇идти.
96.Ekidanti ettha idanti nipātamattaṃ, eke sattāti attho. Cārittanti micchācāraṃ. Abhijjhābyāpādāti abhijjhā ca byāpādo ca. Micchādiṭṭhīti natthi dinnantiādikā antaggāhikā paccanīkadiṭṭhi.
101. ад̇хаммарааг̇од̇и маад̇аа маад̇ужчаа бид̇ужчаа маад̇улаанийд̇иаад̣̇игз аяуд̇д̇адтаанз рааг̇о. висамалобход̇и барибхог̇аяуд̇д̇зсуби таанзсу ад̇иб̣алавалобхо. мижчаад̇хаммод̇и бурисаанам̣ бурисзсу ид̇т̇ийнан̃жа ид̇т̇ийсу чанд̣̇арааг̇о.
101.Adhammarāgoti mātā mātucchā pitucchā mātulānītiādike ayuttaṭṭhāne rāgo. Visamalobhoti paribhogayuttesupi ṭhānesu atibalavalobho. Micchādhammoti purisānaṃ purisesu itthīnañca itthīsu chandarāgo.
амад̇д̇зяяад̇аад̇иаад̣̇ийсу маад̇у хид̇о мад̇д̇зяяо, д̇асса бхааво мад̇д̇зяяад̇аа, маад̇ари саммаа бадибад̇д̇ияаа зд̇ам̣ наамам̣. д̇ассаа абхааво жзва д̇аббадибагкад̇аа жа амад̇д̇зяяад̇аа. абзд̇д̇зяяад̇аад̣̇ийсуби зсзва наяо. на гулз ж̇здтаабажааяид̇аад̇и гулз ж̇здтаанам̣ абажид̇ияаа нийжавуд̇д̇ияаа агаран̣абхааво.
Amatteyyatātiādīsu mātu hito matteyyo, tassa bhāvo matteyyatā, mātari sammā paṭipattiyā etaṃ nāmaṃ. Tassā abhāvo ceva tappaṭipakkhatā ca amatteyyatā. Apetteyyatādīsupi eseva nayo. Na kule jeṭṭhāpacāyitāti kule jeṭṭhānaṃ apacitiyā nīcavuttiyā akaraṇabhāvo.
д̣̇асавассааяугасамаяаван̣н̣анаа
Dasavassāyukasamayavaṇṇanā
103. яам̣ имзсанд̇и яасмим̣ самаяз имзсам̣. алам̣бад̇зяяаад̇и бад̇ино д̣̇аад̇ум̣ яуд̇д̇аа. имаани расаанийд̇и имаани логз аг̇г̇арасаани. ад̇иб̣яаад̣̇иббиссанд̇ийд̇и ад̇ивияа д̣̇иббиссанд̇и, аяамзва ваа баато. гусаланд̇иби на бхависсад̇ийд̇и гусаланд̇и наамамби на бхависсад̇и, бан̃н̃ад̇д̇имад̇д̇амби на бан̃н̃ааяиссад̇ийд̇и ад̇т̇о. буж̇ж̇аа жа бхависсанд̇и баасам̣саа жаад̇и бууж̇аарахаа жа бхависсанд̇и басам̣саарахаа жа. д̇ад̣̇аа гира мануссаа ‘‘асугзна наама маад̇аа бахад̇аа, бид̇аа бахад̇о, саман̣аб̣раахман̣аа ж̇ийвид̇аа воробид̇аа, гулз ж̇здтаанам̣ ад̇т̇ибхаавамби на ж̇аанаад̇и, ахо бурисо’’д̇и д̇амзва бууж̇зссанд̇и жзва басам̣сиссанд̇и жа.
103.Yaṃ imesanti yasmiṃ samaye imesaṃ. Alaṃpateyyāti patino dātuṃ yuttā. Imāni rasānīti imāni loke aggarasāni. Atibyādippissantīti ativiya dippissanti, ayameva vā pāṭho. Kusalantipi na bhavissatīti kusalanti nāmampi na bhavissati, paññattimattampi na paññāyissatīti attho. Pujjā ca bhavissanti pāsaṃsā cāti pūjārahā ca bhavissanti pasaṃsārahā ca. Tadā kira manussā ‘‘asukena nāma mātā pahatā, pitā pahato, samaṇabrāhmaṇā jīvitā voropitā, kule jeṭṭhānaṃ atthibhāvampi na jānāti, aho puriso’’ti tameva pūjessanti ceva pasaṃsissanti ca.
на бхависсад̇и маад̇аад̇и ваад̇и аяам̣ маяхам̣ маад̇аад̇и г̇аружид̇д̇ам̣ на бхависсад̇и. г̇зхз маад̇уг̇аамам̣ вияа наанаавид̇хам̣ асаб̣бхигат̇ам̣ гат̇аяамаанаа аг̇ааравубажаарзна убасан̇гамиссанд̇и. маад̇ужчаад̣̇ийсуби зсзва наяо. зд̇т̇а жа маад̇ужчаад̇и маад̇убхаг̇иний. маад̇улаанийд̇и маад̇улабхарияаа. аажарияабхарияаад̇и сиббааяад̇анаани сигкаабагасса аажарияасса бхарияаа. г̇аруунам̣ д̣̇аараад̇и жуул̣абид̇умахаабид̇уаад̣̇ийнам̣ бхарияаа. самбхзд̣̇анд̇и миссийбхаавам̣, марияаад̣̇абхзд̣̇ам̣ ваа.
Nabhavissati mātāti vāti ayaṃ mayhaṃ mātāti garucittaṃ na bhavissati. Gehe mātugāmaṃ viya nānāvidhaṃ asabbhikathaṃ kathayamānā agāravupacārena upasaṅkamissanti. Mātucchādīsupi eseva nayo. Ettha ca mātucchāti mātubhaginī. Mātulānīti mātulabhariyā. Ācariyabhariyāti sippāyatanāni sikkhāpakassa ācariyassa bhariyā. Garūnaṃ dārāti cūḷapitumahāpituādīnaṃ bhariyā. Sambhedanti missībhāvaṃ, mariyādabhedaṃ vā.
д̇иб̣б̣о аагхаад̇о бажжубадтид̇о бхависсад̇ийд̇и б̣алавагобо бунаббунам̣ уббад̇д̇ивасзна бажжубадтид̇о бхависсад̇и. абараани д̣̇вз зд̇ассзва взважанаани. гобо хи жид̇д̇ам̣ аагхаад̇зд̇ийд̇и аагхаад̇о. ад̇д̇ано жа барасса жа хид̇асукам̣ б̣яаабаад̣̇зд̇ийд̇и б̣яаабаад̣̇о. манобад̣̇уусанад̇о манобад̣̇осод̇и вужжад̇и. д̇иб̣б̣ам̣ вад̇хагажид̇д̇анд̇и бияамаанассааби барам̣ мааран̣ад̇т̇ааяа вад̇хагажид̇д̇ам̣. д̇асса вад̇т̇ум̣ д̣̇ассзд̇ум̣ маад̇уби буд̇д̇амхийд̇иаад̣̇и вуд̇д̇ам̣. мааг̇авигассаад̇и миг̇алуд̣̇д̣̇агасса.
Tibbo āghāto paccupaṭṭhito bhavissatīti balavakopo punappunaṃ uppattivasena paccupaṭṭhito bhavissati. Aparāni dve etasseva vevacanāni. Kopo hi cittaṃ āghātetīti āghāto. Attano ca parassa ca hitasukhaṃ byāpādetīti byāpādo. Manopadūsanato manopadosoti vuccati. Tibbaṃ vadhakacittanti piyamānassāpi paraṃ māraṇatthāya vadhakacittaṃ. Tassa vatthuṃ dassetuṃ mātupi puttamhītiādi vuttaṃ. Māgavikassāti migaluddakassa.
104. сад̇т̇анд̇арагаббод̇и сад̇т̇зна анд̇арагаббо. сам̣ваддагаббам̣ аббад̇ваа анд̇араава логавинаасо. анд̇арагаббо жа наамзса д̣̇уб̣бхигканд̇арагаббо рог̇анд̇арагаббо сад̇т̇анд̇арагаббод̇и д̇ивид̇хо. д̇ад̇т̇а лобхуссад̣̇ааяа баж̇ааяа д̣̇уб̣бхигканд̇арагаббо ход̇и. мохуссад̣̇ааяа рог̇анд̇арагаббо. д̣̇осуссад̣̇ааяа сад̇т̇анд̇арагаббо. д̇ад̇т̇а д̣̇уб̣бхигканд̇арагаббзна надтаа язбхуяязна бзд̇д̇ивисаяз убабаж̇ж̇анд̇и. гасмаа? аахаараниганд̇ияаа б̣алавад̇д̇аа. рог̇анд̇арагаббзна надтаа язбхуяязна саг̇г̇з ниб̣б̣ад̇д̇анд̇и гасмаа? д̇зсан̃хи ‘‘ахо вад̇ан̃н̃зсам̣ сад̇д̇аанам̣ зваруубо рог̇о на бхавзяяаа’’д̇и мзд̇д̇ажид̇д̇ам̣ уббаж̇ж̇ад̇ийд̇и. сад̇т̇анд̇арагаббзна надтаа язбхуяязна нираяз убабаж̇ж̇анд̇и. гасмаа? ан̃н̃аман̃н̃ам̣ б̣алаваагхаад̇ад̇ааяа.
104.Satthantarakappoti satthena antarakappo. Saṃvaṭṭakappaṃ appatvā antarāva lokavināso. Antarakappo ca nāmesa dubbhikkhantarakappo rogantarakappo satthantarakappoti tividho. Tattha lobhussadāya pajāya dubbhikkhantarakappo hoti. Mohussadāya rogantarakappo. Dosussadāya satthantarakappo. Tattha dubbhikkhantarakappena naṭṭhā yebhuyyena pettivisaye upapajjanti. Kasmā? Āhāranikantiyā balavattā. Rogantarakappena naṭṭhā yebhuyyena sagge nibbattanti kasmā? Tesañhi ‘‘aho vataññesaṃ sattānaṃ evarūpo rogo na bhaveyyā’’ti mettacittaṃ uppajjatīti. Satthantarakappena naṭṭhā yebhuyyena niraye upapajjanti. Kasmā? Aññamaññaṃ balavāghātatāya.
миг̇асан̃н̃анд̇и ‘‘аяам̣ миг̇о, аяам̣ миг̇о’’д̇и сан̃н̃ам̣. д̇ин̣хаани сад̇т̇аани хад̇т̇зсу баад̇убхависсанд̇ийд̇и д̇зсам̣ гира хад̇т̇зна пудтамад̇д̇ам̣ яам̣гин̃жи анд̇амасо д̇ин̣абан̣н̣ам̣ убаад̣̇ааяа аавуд̇хамзва бхависсад̇и. маа жа маяам̣ ган̃жийд̇и маяам̣ ган̃жи згабурисамби ж̇ийвид̇аа маа воробаяимха. маа жа амхз гожийд̇и амхзби гожи згабурисо ж̇ийвид̇аа маа воробаяид̇т̇а. яам̣нууна маяанд̇и аяам̣ логавинаасо бажжубадтид̇о, на саггаа д̣̇вийхи згадтаанз тид̇зхи ж̇ийвид̇ам̣ лад̣̇д̇хунд̇и ман̃н̃амаанаа звам̣ жинд̇аяим̣су. ванаг̇ахананд̇и ванасан̇каад̇зхи д̇ин̣аг̇умб̣алад̇аад̣̇ийхи г̇аханам̣ д̣̇уббавзсадтаанам̣. ругкаг̇ахананд̇и ругкзхи г̇аханам̣ д̣̇уббавзсадтаанам̣. над̣̇ийвид̣̇уг̇г̇анд̇и над̣̇ийнам̣ анд̇арад̣̇ийбаад̣̇ийсу д̣̇уг̇г̇аманадтаанам̣. баб̣б̣ад̇ависаманд̇и баб̣б̣ад̇зхи висамам̣, баб̣б̣ад̇зсуби ваа висамадтаанам̣. сабхааг̇ааяиссанд̇ийд̇и яат̇аа ахам̣ ж̇ийваами д̣̇идтаа бхо сад̇д̇аа, д̇вамби д̇ат̇аа ж̇ийвасийд̇и звам̣ саммод̣̇анагат̇ааяа ад̇д̇анаа сабхааг̇з гариссанд̇и.
Migasaññanti ‘‘ayaṃ migo, ayaṃ migo’’ti saññaṃ. Tiṇhāni satthāni hatthesu pātubhavissantīti tesaṃ kira hatthena phuṭṭhamattaṃ yaṃkiñci antamaso tiṇapaṇṇaṃ upādāya āvudhameva bhavissati. Mā ca mayaṃ kañcīti mayaṃ kañci ekapurisampi jīvitā mā voropayimha. Mā ca amhe kocīti amhepi koci ekapuriso jīvitā mā voropayittha. Yaṃnūna mayanti ayaṃ lokavināso paccupaṭṭhito, na sakkā dvīhi ekaṭṭhāne ṭhitehi jīvitaṃ laddhunti maññamānā evaṃ cintayiṃsu. Vanagahananti vanasaṅkhātehi tiṇagumbalatādīhi gahanaṃ duppavesaṭṭhānaṃ. Rukkhagahananti rukkhehi gahanaṃ duppavesaṭṭhānaṃ. Nadīvidugganti nadīnaṃ antaradīpādīsu duggamanaṭṭhānaṃ. Pabbatavisamanti pabbatehi visamaṃ, pabbatesupi vā visamaṭṭhānaṃ. Sabhāgāyissantīti yathā ahaṃ jīvāmi diṭṭhā bho sattā, tvampi tathā jīvasīti evaṃ sammodanakathāya attanā sabhāge karissanti.
ааяуван̣н̣аад̣̇ивад̣дханагат̇ааван̣н̣анаа
Āyuvaṇṇādivaḍḍhanakathāvaṇṇanā
105. ааяад̇анд̇и маханд̇ам̣. баан̣аад̇ибаад̇аа вирамзяяаамаад̇и баан̣аад̇ибаад̇ад̇о осаггзяяаама. баан̣аад̇ибаад̇ам̣ вирамзяяаамаад̇иби саж̇жхааяанд̇и, д̇ад̇т̇а баан̣аад̇ибаад̇ам̣ баж̇ахзяяаамаад̇и ад̇т̇о. вийсад̇ивассааяугаад̇и маад̇аабид̇аро баан̣аад̇ибаад̇аа бадивирад̇аа, буд̇д̇аа гасмаа вийсад̇ивассааяугаа ахзсунд̇и кзд̇д̇ависуд̣̇д̇хияаа. д̇зсан̃хи маад̇аабид̇аро сийлаванд̇о ж̇аад̇аа. ид̇и сийлаг̇аб̣бхз вад̣дхид̇ад̇д̇аа имааяа кзд̇д̇ависуд̣̇д̇хияаа д̣̇ийгхааяугаа ахзсум̣. яз банзд̇т̇а гаалам̣ гад̇ваа д̇ад̇т̇зва ниб̣б̣ад̇д̇аа, д̇з ад̇д̇анова сийласамбад̇д̇ияаа д̣̇ийгхааяугаа ахзсум̣.
105.Āyatanti mahantaṃ. Pāṇātipātā virameyyāmāti pāṇātipātato osakkeyyāma. Pāṇātipātaṃ virameyyāmātipi sajjhāyanti, tattha pāṇātipātaṃ pajaheyyāmāti attho. Vīsativassāyukāti mātāpitaro pāṇātipātā paṭiviratā, puttā kasmā vīsativassāyukā ahesunti khettavisuddhiyā. Tesañhi mātāpitaro sīlavanto jātā. Iti sīlagabbhe vaḍḍhitattā imāya khettavisuddhiyā dīghāyukā ahesuṃ. Ye panettha kālaṃ katvā tattheva nibbattā, te attanova sīlasampattiyā dīghāyukā ahesuṃ.
ассаамаад̇и бхавзяяаама. жад̇д̇аарийсавассааяугаад̇иаад̣̇аяо годтаасаа ад̣̇иннаад̣̇аанаад̣̇ийхи бадивирад̇аанам̣ васзна взд̣̇ид̇аб̣б̣аа.
Assāmāti bhaveyyāma. Cattārīsavassāyukātiādayo koṭṭhāsā adinnādānādīhi paṭiviratānaṃ vasena veditabbā.
сан̇карааж̇ауббад̇д̇иван̣н̣анаа
Saṅkharājauppattivaṇṇanā
106. ижчаад̇и маяхам̣ бхад̇д̇ам̣ д̣̇зт̇аад̇и звам̣ уббаж̇ж̇анагад̇ан̣хаа. анасананд̇и на асанам̣ авибпааригабхааво гааяааласияам̣, бхад̇д̇ам̣ бхуд̇д̇аанам̣ бхад̇д̇асаммад̣̇абажжаяаа нибаж̇ж̇ид̇угаамад̇ааж̇анаго гааяад̣̇уб̣б̣алабхаавод̇и ад̇т̇о. ж̇араад̇и баагадаж̇араа. гуггудасамбаад̇игаад̇и згаг̇аамасса чад̣̇анабидтад̇о уббад̇ид̇ваа ид̇араг̇аамасса чад̣̇анабидтз бад̇анасан̇каад̇о гуггудасамбаад̇о. зд̇аасу ад̇т̇ийд̇и гуггудасамбаад̇игаа. ‘‘гуггудасамбаад̣̇игаа’’д̇иби баато, г̇ааманд̇арад̇о г̇ааманд̇арам̣ гуггудаанам̣ бад̣̇асаа г̇аманасан̇каад̇о гуггудасамбаад̣̇о зд̇аасу ад̇т̇ийд̇и ад̇т̇о. убхаяамбзд̇ам̣ гхананиваасад̇ам̣язва д̣̇ийбзд̇и. авийжи ман̃н̃з пудо бхависсад̇ийд̇и авийжимахаанираяо вияа ниранд̇арабуурид̇о бхависсад̇и.
106.Icchāti mayhaṃ bhattaṃ dethāti evaṃ uppajjanakataṇhā. Anasananti na asanaṃ avipphārikabhāvo kāyālasiyaṃ, bhattaṃ bhuttānaṃ bhattasammadapaccayā nipajjitukāmatājanako kāyadubbalabhāvoti attho. Jarāti pākaṭajarā. Kukkuṭasampātikāti ekagāmassa chadanapiṭṭhato uppatitvā itaragāmassa chadanapiṭṭhe patanasaṅkhāto kukkuṭasampāto. Etāsu atthīti kukkuṭasampātikā. ‘‘Kukkuṭasampādikā’’tipi pāṭho, gāmantarato gāmantaraṃ kukkuṭānaṃ padasā gamanasaṅkhāto kukkuṭasampādo etāsu atthīti attho. Ubhayampetaṃ ghananivāsataṃyeva dīpeti. Avīci maññe phuṭo bhavissatīti avīcimahānirayo viya nirantarapūrito bhavissati.
107. ‘‘асийд̇ивассасахассааяугзсу, бхигкавз, мануссзсу мзд̇д̇зяяо наама бхаг̇аваа логз уббаж̇ж̇иссад̇ий’’д̇и на вад̣дхамаанагавасзна вуд̇д̇ам̣. на хи б̣уд̣̇д̇хаа вад̣дхамаанз ааяумхи ниб̣б̣ад̇д̇анд̇и, хааяамаанз бана ниб̣б̣ад̇д̇анд̇и. д̇асмаа яад̣̇аа д̇ам̣ ааяу вад̣дхид̇ваа асан̇кзяяад̇ам̣ бад̇ваа буна хааяамаанам̣ асийд̇ивассасахассагаалз тассад̇и, д̇ад̣̇аа уббаж̇ж̇иссад̇ийд̇и ад̇т̇о. барихариссад̇ийд̇и ид̣̇ам̣ бана бариваарзд̇ваа вижаранд̇аанам̣ васзна вуд̇д̇ам̣. яуубод̇и баасаад̣̇о. ран̃н̃аа махаабанаад̣̇зна гаараабид̇од̇и ран̃н̃аа хзд̇убхууд̇зна д̇ассад̇т̇ааяа саггзна д̣̇зварааж̇зна виссагаммад̣̇звабуд̇д̇ам̣ бзсзд̇ваа гаараабид̇о. буб̣б̣з гира д̣̇вз бид̇аабуд̇д̇аа нал̣агаараа бажжзгаб̣уд̣̇д̇хасса нал̣зхи жа уд̣̇умб̣арзхи жа бан̣н̣асаалам̣ гаараабзд̇ваа д̇ам̣ д̇ад̇т̇а ваасаабзд̇ваа жад̇уухи бажжаязхи убадтахим̣су. д̇з гаалам̣ гад̇ваа д̣̇звалогз ниб̣б̣ад̇д̇аа. д̇зсу бид̇аа д̣̇звалогзязва адтааси. буд̇д̇о д̣̇звалогаа жавид̇ваа суружисса ран̃н̃о д̣̇звияаа сумзд̇хааяа гужчисмим̣ ниб̣б̣ад̇д̇о. махаабанаад̣̇о наама гумааро ахоси. со абарабхааг̇з чад̇д̇ам̣ уссаабзд̇ваа махаабанаад̣̇о наама рааж̇аа ж̇аад̇о. ат̇асса бун̃н̃аанубхаавзна сагго д̣̇зварааж̇аа виссагаммад̣̇звабуд̇д̇ам̣ ран̃н̃о баасаад̣̇ам̣ гарохийд̇и бахин̣и со д̇асса баасаад̣̇ам̣ ниммини бан̃жавийсад̇ияож̇ануб̣б̣зд̇хам̣ сад̇д̇арад̇анамаяам̣ сад̇абхуумагам̣. яам̣ санд̇хааяа ж̇аад̇агз вуд̇д̇ам̣ –
107. ‘‘Asītivassasahassāyukesu, bhikkhave, manussesu metteyyo nāma bhagavā loke uppajjissatī’’ti na vaḍḍhamānakavasena vuttaṃ. Na hi buddhā vaḍḍhamāne āyumhi nibbattanti, hāyamāne pana nibbattanti. Tasmā yadā taṃ āyu vaḍḍhitvā asaṅkheyyataṃ patvā puna hāyamānaṃ asītivassasahassakāle ṭhassati, tadā uppajjissatīti attho. Pariharissatīti idaṃ pana parivāretvā vicarantānaṃ vasena vuttaṃ. Yūpoti pāsādo. Raññā mahāpanādena kārāpitoti raññā hetubhūtena tassatthāya sakkena devarājena vissakammadevaputtaṃ pesetvā kārāpito. Pubbe kira dve pitāputtā naḷakārā paccekabuddhassa naḷehi ca udumbarehi ca paṇṇasālaṃ kārāpetvā taṃ tattha vāsāpetvā catūhi paccayehi upaṭṭhahiṃsu. Te kālaṃ katvā devaloke nibbattā. Tesu pitā devalokeyeva aṭṭhāsi. Putto devalokā cavitvā surucissa rañño deviyā sumedhāya kucchismiṃ nibbatto. Mahāpanādo nāma kumāro ahosi. So aparabhāge chattaṃ ussāpetvā mahāpanādo nāma rājā jāto. Athassa puññānubhāvena sakko devarājā vissakammadevaputtaṃ rañño pāsādaṃ karohīti pahiṇi so tassa pāsādaṃ nimmini pañcavīsatiyojanubbedhaṃ sattaratanamayaṃ satabhūmakaṃ. Yaṃ sandhāya jātake vuttaṃ –
‘‘банаад̣̇о наама со рааж̇аа, яасса яуубо суван̣н̣аяо;
‘‘Panādo nāma so rājā, yassa yūpo suvaṇṇayo;
д̇ирияам̣ сол̣асуб̣б̣зд̇хо, уд̣̇д̇хамааху сахассад̇хаа.
Tiriyaṃ soḷasubbedho, uddhamāhu sahassadhā.
сахассаган̣д̣о сад̇аг̇зн̣д̣у, д̇хаж̇аалу харид̇аамаяо;
Sahassakaṇḍo satageṇḍu, dhajālu haritāmayo;
анажжум̣ д̇ад̇т̇а г̇анд̇хаб̣б̣аа, ча сахассаани сад̇д̇ад̇хаа.
Anaccuṃ tattha gandhabbā, cha sahassāni sattadhā.
звамзд̇ам̣ д̇ад̣̇аа ааси, яат̇аа бхаасаси бхад̣̇д̣̇аж̇и;
Evametaṃ tadā āsi, yathā bhāsasi bhaddaji;
сагго ахам̣ д̇ад̣̇аа аасим̣, взяяааважжагаро д̇аваа’’д̇и. (ж̇аа. 5.3.42);
Sakko ahaṃ tadā āsiṃ, veyyāvaccakaro tavā’’ti. (jā. 5.3.42);
со рааж̇аа д̇ад̇т̇а яаавад̇ааяугам̣ васид̇ваа гаалам̣ гад̇ваа д̣̇звалогз ниб̣б̣ад̇д̇и. д̇асмим̣ д̣̇звалогз ниб̣б̣ад̇д̇з со баасаад̣̇о махааг̇ан̇г̇ааяа анусод̇ам̣ бад̇и. д̇асса д̇хурасобаанасаммукадтаанз баяааг̇абад̇идтаанам̣ наама наг̇арам̣ маабид̇ам̣. т̇убигаасаммукадтаанз годиг̇аамо наама. абарабхааг̇з амхаагам̣ бхаг̇авад̇о гаалз со нал̣агаарад̣̇звабуд̇д̇о д̣̇звалогад̇о жавид̇ваа мануссабат̇з бхад̣̇д̣̇аж̇исздти наама худ̇ваа сад̇т̇у санд̇игз баб̣б̣аж̇ид̇ваа арахад̇д̇ам̣ баабун̣и. со наавааяа г̇ан̇г̇аад̇аран̣ад̣̇ивасз бхигкусан̇гхасса д̇ам̣ баасаад̣̇ам̣ д̣̇ассзд̇ийд̇и вад̇т̇у вид̇т̇аарзд̇аб̣б̣ам̣. гасмаа банзса баасаад̣̇о на анд̇арахид̇од̇и? ид̇арасса аанубхааваа. д̇зна сад̣̇д̇хим̣ бун̃н̃ам̣ гад̇ваа д̣̇звалогз ниб̣б̣ад̇д̇агулабуд̇д̇о анааг̇ад̇з сан̇ко наама рааж̇аа бхависсад̇и. д̇асса барибхог̇ад̇т̇ааяа со баасаад̣̇о удтахиссад̇и, д̇асмаа на анд̇арахид̇од̇и.
So rājā tattha yāvatāyukaṃ vasitvā kālaṃ katvā devaloke nibbatti. Tasmiṃ devaloke nibbatte so pāsādo mahāgaṅgāya anusotaṃ pati. Tassa dhurasopānasammukhaṭṭhāne payāgapatiṭṭhānaṃ nāma nagaraṃ māpitaṃ. Thupikāsammukhaṭṭhāne koṭigāmo nāma. Aparabhāge amhākaṃ bhagavato kāle so naḷakāradevaputto devalokato cavitvā manussapathe bhaddajiseṭṭhi nāma hutvā satthu santike pabbajitvā arahattaṃ pāpuṇi. So nāvāya gaṅgātaraṇadivase bhikkhusaṅghassa taṃ pāsādaṃ dassetīti vatthu vitthāretabbaṃ. Kasmā panesa pāsādo na antarahitoti? Itarassa ānubhāvā. Tena saddhiṃ puññaṃ katvā devaloke nibbattakulaputto anāgate saṅkho nāma rājā bhavissati. Tassa paribhogatthāya so pāsādo uṭṭhahissati, tasmā na antarahitoti.
108. уссаабзд̇ваад̇и д̇ам̣ баасаад̣̇ам̣ удтаабзд̇ваа. аж̇жхаавасид̇ваад̇и д̇ад̇т̇а васид̇ваа. д̇ам̣ д̣̇ад̇ваа виссаж̇ж̇ид̇ваад̇и д̇ам̣ баасаад̣̇ам̣ д̣̇аанавасзна д̣̇ад̇ваа нирабзгко барижжааг̇авасзна жа виссаж̇ж̇ид̇ваа. гасса жа звам̣ д̣̇ад̇ваад̇и? саман̣аад̣̇ийнам̣. д̇знааха – ‘‘саман̣аб̣раахман̣агабан̣ад̣̇д̇хигаваниб̣б̣агаяаажагаанам̣ д̣̇аанам̣ д̣̇ад̇ваа’’д̇и. гат̇ам̣ бана со згам̣ баасаад̣̇ам̣ б̣ахуунам̣ д̣̇ассад̇ийд̇и? звам̣ гирасса жид̇д̇ам̣ уббаж̇ж̇иссад̇и ‘‘аяам̣ баасаад̣̇о виббагирияад̇уу’’д̇и. со кан̣д̣акан̣д̣асо виббагириссад̇и. со д̇ам̣ алаг̇г̇амаанова худ̇ваа ‘‘яо яад̇д̇агам̣ ижчад̇и, со д̇ад̇д̇агам̣ г̇ан̣хад̇уу’’д̇и д̣̇аанавасзна виссаж̇ж̇иссад̇и. д̇зна вуд̇д̇ам̣ – ‘‘д̣̇аанам̣ д̣̇ад̇ваа мзд̇д̇зяяасса бхаг̇авад̇о…бз… вихариссад̇ий’’д̇и. зд̇д̇агзна бхаг̇аваа ваддаг̇аамигусаласса анусанд̇хим̣ д̣̇ассзд̇и.
108.Ussāpetvāti taṃ pāsādaṃ uṭṭhāpetvā. Ajjhāvasitvāti tattha vasitvā. Taṃ datvā vissajjitvāti taṃ pāsādaṃ dānavasena datvā nirapekkho pariccāgavasena ca vissajjitvā. Kassa ca evaṃ datvāti? Samaṇādīnaṃ. Tenāha – ‘‘samaṇabrāhmaṇakapaṇaddhikavanibbakayācakānaṃ dānaṃ datvā’’ti. Kathaṃ pana so ekaṃ pāsādaṃ bahūnaṃ dassatīti? Evaṃ kirassa cittaṃ uppajjissati ‘‘ayaṃ pāsādo vippakiriyatū’’ti. So khaṇḍakhaṇḍaso vippakirissati. So taṃ alaggamānova hutvā ‘‘yo yattakaṃ icchati, so tattakaṃ gaṇhatū’’ti dānavasena vissajjissati. Tena vuttaṃ – ‘‘dānaṃ datvā metteyyassa bhagavato…pe… viharissatī’’ti. Ettakena bhagavā vaṭṭagāmikusalassa anusandhiṃ dasseti.
109. ид̣̇аани виваддаг̇аамигусаласса анусанд̇хим̣ д̣̇ассзнд̇о буна ад̇д̇ад̣̇ийбаа, бхигкавз, вихарат̇аад̇иаад̣̇имааха.
109. Idāni vivaṭṭagāmikusalassa anusandhiṃ dassento puna attadīpā, bhikkhave, viharathātiādimāha.
бхигкуно ааяуван̣н̣аад̣̇ивад̣дханагат̇ааван̣н̣анаа
Bhikkhuno āyuvaṇṇādivaḍḍhanakathāvaṇṇanā
110. ид̣̇ам̣ ко, бхигкавз, бхигкуно ааяусминд̇и бхигкавз яам̣ во ахам̣ ааяунааби вад̣дхиссат̇аад̇и авожам̣, д̇ад̇т̇а ид̣̇ам̣ бхигкуно ааяусмим̣ ид̣̇ам̣ ааяугааран̣анд̇и ад̇т̇о. д̇асмаа д̇умхзхи ааяунаа вад̣дхид̇угаамзхи имз жад̇д̇ааро ид̣̇д̇хибаад̣̇аа бхаавзд̇аб̣б̣аад̇и д̣̇ассзд̇и.
110.Idaṃ kho, bhikkhave, bhikkhuno āyusminti bhikkhave yaṃ vo ahaṃ āyunāpi vaḍḍhissathāti avocaṃ, tattha idaṃ bhikkhuno āyusmiṃ idaṃ āyukāraṇanti attho. Tasmā tumhehi āyunā vaḍḍhitukāmehi ime cattāro iddhipādā bhāvetabbāti dasseti.
ван̣н̣асминд̇и яам̣ во ахам̣ ван̣н̣знаби вад̣дхиссат̇аад̇и авожам̣, ид̣̇ам̣ д̇ад̇т̇а ван̣н̣агааран̣ам̣. сийлавад̇о хи авиббадисаараад̣̇ийнам̣ васзна сарийраван̣н̣оби гид̇д̇ивасзна г̇ун̣аван̣н̣оби вад̣дхад̇и. д̇асмаа д̇умхзхи ван̣н̣зна вад̣дхид̇угаамзхи сийласамбаннзхи бхавид̇аб̣б̣анд̇и д̣̇ассзд̇и.
Vaṇṇasminti yaṃ vo ahaṃ vaṇṇenapi vaḍḍhissathāti avocaṃ, idaṃ tattha vaṇṇakāraṇaṃ. Sīlavato hi avippaṭisārādīnaṃ vasena sarīravaṇṇopi kittivasena guṇavaṇṇopi vaḍḍhati. Tasmā tumhehi vaṇṇena vaḍḍhitukāmehi sīlasampannehi bhavitabbanti dasseti.
сукасминд̇и яам̣ во ахам̣ сукзнаби вад̣дхиссат̇аад̇и авожам̣, ид̣̇ам̣ д̇ад̇т̇а вивзгаж̇ам̣ бийд̇исукаад̣̇инаанаббагаарагам̣ жхаанасукам̣. д̇асмаа д̇умхзхи сукзна вад̣дхид̇угаамзхи имаани жад̇д̇аари жхаанаани бхаавзд̇аб̣б̣аани.
Sukhasminti yaṃ vo ahaṃ sukhenapi vaḍḍhissathāti avocaṃ, idaṃ tattha vivekajaṃ pītisukhādinānappakārakaṃ jhānasukhaṃ. Tasmā tumhehi sukhena vaḍḍhitukāmehi imāni cattāri jhānāni bhāvetabbāni.
бхог̇асминд̇и яам̣ во ахам̣ бхог̇знаби вад̣дхиссат̇аад̇и авожам̣, аяам̣ со аббамаан̣аанам̣ сад̇д̇аанам̣ аббадигуулад̇аавахо сукасаяанаад̣̇и згаад̣̇асаанисам̣со саб̣б̣ад̣̇исаавибпаарид̇аб̣рахмавихаарабхог̇о. д̇асмаа д̇умхзхи бхог̇зна вад̣дхид̇угаамзхи имз б̣рахмавихаараа бхаавзд̇аб̣б̣аа.
Bhogasminti yaṃ vo ahaṃ bhogenapi vaḍḍhissathāti avocaṃ, ayaṃ so appamāṇānaṃ sattānaṃ appaṭikūlatāvaho sukhasayanādi ekādasānisaṃso sabbadisāvipphāritabrahmavihārabhogo. Tasmā tumhehi bhogena vaḍḍhitukāmehi ime brahmavihārā bhāvetabbā.
б̣аласминд̇и яам̣ во ахам̣ б̣алзнаби вад̣дхиссат̇аад̇и авожам̣, ид̣̇ам̣ аасавагкаяабарияосаанз уббаннам̣ арахад̇д̇апаласан̇каад̇ам̣ б̣алам̣. д̇асмаа д̇умхзхи б̣алзна вад̣дхид̇угаамзхи арахад̇д̇аббад̇д̇ияаа яог̇о гаран̣ийяо.
Balasminti yaṃ vo ahaṃ balenapi vaḍḍhissathāti avocaṃ, idaṃ āsavakkhayapariyosāne uppannaṃ arahattaphalasaṅkhātaṃ balaṃ. Tasmā tumhehi balena vaḍḍhitukāmehi arahattappattiyā yogo karaṇīyo.
яат̇аяид̣̇ам̣, бхигкавз, маараб̣аланд̇и яат̇аа ид̣̇ам̣ д̣̇звабуд̇д̇амаарамажжумаарагилзсамаараанам̣ б̣алам̣ д̣̇уббасахам̣ д̣̇урабхисамбхавам̣, звам̣ ан̃н̃ам̣ логз згаб̣аламби на саманубассаами. д̇амби б̣алам̣ ид̣̇амзва арахад̇д̇апалам̣ басахад̇и абхибхавад̇и аж̇жход̇т̇арад̇и. д̇асмаа зд̇т̇зва яог̇о гаран̣ийяод̇и д̣̇ассзд̇и.
Yathayidaṃ, bhikkhave, mārabalanti yathā idaṃ devaputtamāramaccumārakilesamārānaṃ balaṃ duppasahaṃ durabhisambhavaṃ, evaṃ aññaṃ loke ekabalampi na samanupassāmi. Tampi balaṃ idameva arahattaphalaṃ pasahati abhibhavati ajjhottharati. Tasmā ettheva yogo karaṇīyoti dasseti.
звамид̣̇ам̣ бун̃н̃анд̇и звам̣ ид̣̇ам̣ логуд̇д̇арабун̃н̃амби яаава аасавагкаяаа бавад̣дхад̇ийд̇и виваддаг̇аамигусалаанусанд̇хим̣ нидтабзнд̇о арахад̇д̇анигуудзна д̣̇зсанам̣ нидтабзси. суд̇д̇абарияосаанз вийсад̇и бхигкусахассаани арахад̇д̇ам̣ баабун̣им̣су. жад̇ураасийд̇и баан̣асахассаани амад̇абаанам̣ бивим̣сууд̇и.
Evamidaṃ puññanti evaṃ idaṃ lokuttarapuññampi yāva āsavakkhayā pavaḍḍhatīti vivaṭṭagāmikusalānusandhiṃ niṭṭhapento arahattanikūṭena desanaṃ niṭṭhapesi. Suttapariyosāne vīsati bhikkhusahassāni arahattaṃ pāpuṇiṃsu. Caturāsīti pāṇasahassāni amatapānaṃ piviṃsūti.
суман̇г̇алавилаасинияаа д̣̇ийгханигааяадтагат̇ааяа
Sumaṅgalavilāsiniyā dīghanikāyaṭṭhakathāya
жаггавад̇д̇исуд̇д̇аван̣н̣анаа нидтид̇аа.
Cakkavattisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 3. жаггавад̇д̇исуд̇д̇ам̣ • 3. Cakkavattisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 3. жаггавад̇д̇исуд̇д̇аван̣н̣анаа • 3. Cakkavattisuttavaṇṇanā
