| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
3. жаггавад̇д̇исуд̇д̇аван̣н̣анаа
3. Cakkavattisuttavaṇṇanā
ад̇д̇ад̣̇ийбасаран̣ад̇ааван̣н̣анаа
Attadīpasaraṇatāvaṇṇanā
80. уд̇д̇аанам̣ вужжад̇и баагадам̣, д̇аббадигкзбзна ануд̇д̇аанам̣ абаагадам̣, бадижчаннам̣, абажурам̣, д̣̇увин̃н̃зяяан̃жа. ануд̇д̇аанаанам̣ бад̣̇аанам̣ ван̣н̣анаа ануд̇д̇аанабад̣̇аван̣н̣анаа. уд̇д̇аанабад̣̇аван̣н̣анааяа баяож̇анаабхаавад̇о ануд̇д̇аанаг̇г̇ахан̣ам̣. ‘‘маад̇улаа’’д̇и ид̇т̇илин̇г̇авасзна лад̣̇д̇ханаамо зго ругко, д̇ассаа аасаннаббад̣̇зсз маабид̇ад̇д̇аа наг̇арамби ‘‘маад̇улаа’’ д̇взва бан̃н̃ааяид̇т̇а. д̇зна вуд̇д̇ам̣ ‘‘маад̇улааяанд̇и звам̣ наамагз наг̇арз’’д̇и. авид̣̇уурзд̇и д̇асса наг̇арасса авид̣̇уурз.
80.Uttānaṃ vuccati pākaṭaṃ, tappaṭikkhepena anuttānaṃ apākaṭaṃ, paṭicchannaṃ, apacuraṃ, duviññeyyañca. Anuttānānaṃ padānaṃ vaṇṇanā anuttānapadavaṇṇanā. Uttānapadavaṇṇanāya payojanābhāvato anuttānaggahaṇaṃ. ‘‘Mātulā’’ti itthiliṅgavasena laddhanāmo eko rukkho, tassā āsannappadese māpitattā nagarampi ‘‘mātulā’’ tveva paññāyittha. Tena vuttaṃ ‘‘mātulāyanti evaṃ nāmake nagare’’ti. Avidūreti tassa nagarassa avidūre.
гааман̃жзд̇т̇а суд̇д̇з ‘‘бхууд̇абуб̣б̣ам̣, бхигкавз, рааж̇аа д̣̇ал̣ханзми наама ахосий’’д̇иаад̣̇инаа ад̇ийд̇авам̣сад̣̇ийбигаа гат̇аа аад̣̇ид̇о бадтааяа ааг̇ад̇аа, ‘‘ад̣дхад̇зяяавассасад̇ааяугаанам̣ мануссаанам̣ вассасад̇ааяугаа буд̇д̇аа бхависсанд̇ий’’д̇иаад̣̇инаа бана сависзсам̣ анааг̇ад̇ад̇т̇абадисам̣яуд̇д̇аа гат̇аа ааг̇ад̇аад̇и вуд̇д̇ам̣ ‘‘анааг̇ад̇авам̣сад̣̇ийбигааяа суд̇д̇анд̇агат̇ааяаа’’д̇и. анааг̇ад̇ад̇т̇ад̣̇ийбанан̃хи ажчарияам̣, д̇ад̇т̇ааби анааг̇ад̇асса саммаасамб̣уд̣̇д̇хасса бадибад̇д̇игид̇д̇анам̣ ажчарияад̇амам̣. самааг̇амзнаад̇и саннибаад̇зна.
Kāmañcettha sutte ‘‘bhūtapubbaṃ, bhikkhave, rājā daḷhanemi nāma ahosī’’tiādinā atītavaṃsadīpikā kathā ādito paṭṭhāya āgatā, ‘‘aḍḍhateyyavassasatāyukānaṃ manussānaṃ vassasatāyukā puttā bhavissantī’’tiādinā pana savisesaṃ anāgatatthapaṭisaṃyuttā kathā āgatāti vuttaṃ ‘‘anāgatavaṃsadīpikāya suttantakathāyā’’ti. Anāgatatthadīpanañhi acchariyaṃ, tatthāpi anāgatassa sammāsambuddhassa paṭipattikittanaṃ acchariyatamaṃ. Samāgamenāti sannipātena.
‘‘бхад̇д̇аг̇г̇ам̣ аманааба’’нд̇иаад̣̇и гзвалам̣ д̇зсам̣ баривид̇аггамад̇д̇ам̣. аманаабанд̇и аманун̃н̃ам̣. б̣уд̣̇д̇хзсу гад̇о аббагоби абараад̇хо аббаго гааро вияа г̇аруд̇аравибаагод̇и ааха ‘‘б̣уд̣̇д̇хзхи сад̣̇д̇хим̣…бз… сад̣̇исам̣ ход̇ий’’д̇и. д̇ад̇раад̇и д̇асмим̣ маад̇уланаг̇арасса самийбз, д̇ассам̣ ваа барисааяам̣.
‘‘Bhattaggaṃ amanāpa’’ntiādi kevalaṃ tesaṃ parivitakkamattaṃ. Amanāpanti amanuññaṃ. Buddhesu kato appakopi aparādho appako kāro viya garutaravipākoti āha ‘‘buddhehi saddhiṃ…pe… sadisaṃ hotī’’ti. Tatrāti tasmiṃ mātulanagarassa samīpe, tassaṃ vā parisāyaṃ.
ад̇д̇ад̣̇ийбаад̇и зд̇т̇а гаамам̣ яо баро на ход̇и, со ад̇д̇аад̇и сасанд̇аано ‘‘ад̇д̇аа’’д̇и вужжад̇и, хид̇асукзсибхаавзна бана ад̇д̇аниб̣б̣исзсад̇д̇аа д̇хаммо ид̇ха ‘‘ад̇д̇аа’’д̇и ад̇хиббзд̇о. д̇знааха ‘‘ад̇д̇аа наама логияалогуд̇д̇аро д̇хаммо’’д̇и. д̣̇вид̇хаа аабо г̇ад̇о зд̇т̇аад̇и д̣̇ийбо, огхзна анаж̇жход̇т̇ад̇о бхуумибхааг̇о. ид̇ха бана гаамогхаад̣̇ийхи анаж̇жход̇т̇аран̣ийяад̇д̇аа д̣̇ийбо вияаад̇и д̣̇ийбо, ад̇д̇аа д̣̇ийбо бад̇идтаа зд̇зсанд̇и ад̇д̇ад̣̇ийбаа. д̇знааха ‘‘ад̇д̇аанам̣ д̣̇ийба’’нд̇иаад̣̇и. д̣̇ийбабхааво жзд̇т̇а бадисаран̣ад̇аад̇и ааха ‘‘ид̣̇ам̣ д̇ассзва взважана’’нд̇и. ан̃н̃асаран̣абадигкзбаважананд̇и ан̃н̃асаран̣абхаавабадигкзбаважанам̣. ид̣̇ан̃хи на ан̃н̃ам̣ саран̣ам̣ гад̇ваа вихаран̣ассзва бадигкзбаважанам̣, ат̇а ко ан̃н̃асса саран̣асабхаавассзва бадигкзбаважанам̣ д̇аббадигкзбз жа д̇зна ид̇арассааби бадигкзбасид̣̇д̇хид̇о. д̇знааха ‘‘на хий’’д̇иаад̣̇и. ид̣̇аани д̇амзвад̇т̇ам̣ суд̇д̇анд̇арзна саад̇хзд̇ум̣ ‘‘вуд̇д̇амби жзд̇а’’нд̇иаад̣̇и. яад̣̇и зд̇т̇а баагад̇иго ад̇д̇аа ижчид̇о, гат̇ам̣ д̇асса д̣̇ийбасаран̣абхааво, д̇асмаа ад̇хиббааяиго зд̇т̇а ад̇д̇аа бхавзяяаад̇и бужчад̇и ‘‘го банзд̇т̇а ад̇д̇аа наамаа’’д̇и. ид̇аро яат̇аад̇хиббзд̇ам̣ ад̇д̇аанам̣ д̣̇ассзнд̇о ‘‘логияалогуд̇д̇аро д̇хаммо’’д̇и. д̣̇уд̇ияаваароби батамаваарассзва барияааяабхаавзна д̣̇зсид̇од̇и д̣̇ассзд̇ум̣ ‘‘д̇знаахаа’’д̇иаад̣̇и вуд̇д̇ам̣.
Attadīpāti ettha kāmaṃ yo paro na hoti, so attāti sasantāno ‘‘attā’’ti vuccati, hitasukhesibhāvena pana attanibbisesattā dhammo idha ‘‘attā’’ti adhippeto. Tenāha ‘‘attā nāma lokiyalokuttaro dhammo’’ti. Dvidhā āpo gato etthāti dīpo, oghena anajjhotthato bhūmibhāgo. Idha pana kāmoghādīhi anajjhottharaṇīyattā dīpo viyāti dīpo, attā dīpo patiṭṭhā etesanti attadīpā. Tenāha ‘‘attānaṃ dīpa’’ntiādi. Dīpabhāvo cettha paṭisaraṇatāti āha ‘‘idaṃ tasseva vevacana’’nti. Aññasaraṇapaṭikkhepavacananti aññasaraṇabhāvapaṭikkhepavacanaṃ. Idañhi na aññaṃ saraṇaṃ katvā viharaṇasseva paṭikkhepavacanaṃ, atha kho aññassa saraṇasabhāvasseva paṭikkhepavacanaṃ tappaṭikkhepe ca tena itarassāpi paṭikkhepasiddhito. Tenāha ‘‘na hī’’tiādi. Idāni tamevatthaṃ suttantarena sādhetuṃ ‘‘vuttampi ceta’’ntiādi. Yadi ettha pākatiko attā icchito, kathaṃ tassa dīpasaraṇabhāvo, tasmā adhippāyiko ettha attā bhaveyyāti pucchati ‘‘ko panettha attā nāmā’’ti. Itaro yathādhippetaṃ attānaṃ dassento ‘‘lokiyalokuttaro dhammo’’ti. Dutiyavāropi paṭhamavārasseva pariyāyabhāvena desitoti dassetuṃ ‘‘tenāhā’’tiādi vuttaṃ.
г̇ожарзд̇и бхигкуунам̣ г̇ожарадтаанабхууд̇з. д̇знааха ‘‘жарид̇ум̣ яуд̇д̇адтаанз’’д̇и. сагзд̇и гат̇ам̣ банааяам̣ бхигкуунам̣ сагод̇и ааха ‘‘бзд̇д̇игз висаяз’’д̇и. бид̇ид̇о саммаасамб̣уд̣̇д̇хад̇о ааг̇ад̇ад̇д̇аа ‘‘аяам̣ д̇умхаагам̣ г̇ожаро’’д̇и д̇зна уд̣̇д̣̇идтад̇д̇аа бзд̇д̇игз висаязд̇и. жаранд̇анд̇и саамиад̇т̇з убаяог̇аважананд̇и ааха ‘‘аяамзвад̇т̇о’’д̇и, жаранд̇аананд̇и жа ад̇т̇о, д̇знааяам̣ вибхад̇д̇ивибаллаасзнаби важанавибаллаасзнабийд̇и д̣̇ассзд̇и. гилзсамаарасса од̇аараалаабхзнзва ид̇арамаараанамби од̇аараалаабхо взд̣̇ид̇аб̣б̣о. аяам̣ банад̇т̇од̇и г̇ожарз жаран̣ам̣ санд̇хааяааха, вад̇т̇у бана б̣яад̇ирзгамукзна ааг̇ад̇ам̣.
Gocareti bhikkhūnaṃ gocaraṭṭhānabhūte. Tenāha ‘‘carituṃ yuttaṭṭhāne’’ti. Saketi kathaṃ panāyaṃ bhikkhūnaṃ sakoti āha ‘‘pettike visaye’’ti. Pitito sammāsambuddhato āgatattā ‘‘ayaṃ tumhākaṃ gocaro’’ti tena uddiṭṭhattā pettike visayeti. Carantanti sāmiatthe upayogavacananti āha ‘‘ayamevattho’’ti, carantānanti ca attho, tenāyaṃ vibhattivipallāsenapi vacanavipallāsenapīti dasseti. Kilesamārassa otārālābheneva itaramārānampi otārālābho veditabbo. Ayaṃ panatthoti gocare caraṇaṃ sandhāyāha, vatthu pana byatirekamukhena āgataṃ.
сагун̣з ханд̇ийд̇и сагун̣аг̇гхи, махаасзнасагун̣о. аж̇жхаббад̇д̇аад̇и абхибхаванавасзна бад̇д̇аа убаг̇ад̇аа. на мяааяанд̇и мз аяам̣ сагун̣аг̇гхи наалам̣ абхависса. нан̇г̇алагадтагаран̣анд̇и нан̇г̇алзна гасид̇аббад̣̇зсо. лзд̣д̣удтаананд̇и лзд̣д̣уунам̣ удтабид̇адтаанам̣. сагз б̣алзд̇и ад̇д̇ано б̣алахзд̇у. абад̇т̇ад̣̇д̇хаад̇и аваг̇аал̣хад̇т̇амбхаа сан̃ж̇аад̇ад̇т̇амбхаа. ассарамаанаад̇и авхааяанд̇ий.
Sakuṇe hantīti sakuṇagghi, mahāsenasakuṇo. Ajjhappattāti abhibhavanavasena pattā upagatā. Na myāyanti me ayaṃ sakuṇagghi nālaṃ abhavissa. Naṅgalakaṭṭhakaraṇanti naṅgalena kasitappadeso. Leḍḍuṭṭhānanti leḍḍūnaṃ uṭṭhapitaṭṭhānaṃ. Sake baleti attano balahetu. Apatthaddhāti avagāḷhatthambhā sañjātatthambhā. Assaramānāti avhāyantī.
маханд̇ам̣ лзд̣д̣унд̇и нан̇г̇алзна бхиннадтаанз сугкад̇ааяа д̇икин̣асин̇г̇ааяогханасад̣̇исам̣ маханд̇ам̣ лзд̣д̣ум̣. абхирухид̇ваад̇и д̇асса ад̇хобхааг̇зна ад̇д̇анаа бависид̇ваа нилийнаяог̇г̇аббад̣̇зсам̣ саллагкзд̇ваа д̇ассубари жан̇гаманд̇о ассарамаано адтааси. ‘‘зхи ко’’д̇иаад̣̇и д̇асса ассарамаанаагаарад̣̇ассанам̣. саннаяхаад̇и ваад̇аг̇г̇ахан̣авасзна убхо багкз самам̣ табзд̇ваа. бажжубаад̣̇ийд̇и баависи. д̇ад̇т̇зваад̇и яад̇т̇а буб̣б̣з лаабо тид̇о, д̇ад̇т̇зва лзд̣д̣умхи . уранд̇и ад̇д̇ано ураббад̣̇зсам̣. бажжад̇аал̣зсийд̇и бад̇и ад̇аал̣зси саарамбхавасзна взг̇зна г̇анд̇ваа бахаран̣ад̇о вид̇хаарзнд̇ий бад̇аал̣зси. аарамман̣анд̇и бажжаяам̣. ‘‘авасара’’нд̇и гзжи.
Mahantaṃ leḍḍunti naṅgalena bhinnaṭṭhāne sukkhatāya tikhiṇasiṅgaayoghanasadisaṃ mahantaṃ leḍḍuṃ. Abhiruhitvāti tassa adhobhāgena attanā pavisitvā nilīnayoggappadesaṃ sallakkhetvā tassupari caṅkamanto assaramāno aṭṭhāsi. ‘‘Ehi kho’’tiādi tassa assaramānākāradassanaṃ. Sannayhāti vātaggahaṇavasena ubho pakkhe samaṃ ṭhapetvā. Paccupādīti pāvisi. Tatthevāti yattha pubbe lāpo ṭhito, tattheva leḍḍumhi . Uranti attano urappadesaṃ. Paccatāḷesīti pati atāḷesi sārambhavasena vegena gantvā paharaṇato vidhārentī patāḷesi. Ārammaṇanti paccayaṃ. ‘‘Avasara’’nti keci.
‘‘гусалаана’’нд̇и звам̣ бавад̇д̇ааяа д̣̇зсанааяа го анусанд̇хи? яат̇ааанусанд̇хи зва. аад̣̇ид̇о хи ‘‘ад̇д̇ад̣̇ийбаа, бхигкавз, вихарат̇аа’’д̇иаад̣̇инаа (д̣̇ий. ни. 3.80) язва ад̇д̇ад̇хаммабарияааязна логияалогуд̇д̇арад̇хаммаа г̇ахид̇аа, д̇з язвзд̇т̇а гусалаг̇г̇ахан̣зна г̇ахид̇аад̇и. анаваж̇ж̇алагкан̣аананд̇и аваж̇ж̇абадибагкасабхааваанам̣. ‘‘аваж̇ж̇арахид̇асабхааваана’’нд̇и гзжи. д̇ад̇т̇а буримз ад̇т̇авигаббз вибаагад̇хаммад̇хаммаа зва г̇ахид̇аа, д̣̇уд̇ияз бана вибаагад̇хаммааби. яад̣̇и звам̣, гат̇ам̣ д̇зсам̣ самаад̣̇ааяа вад̇д̇ананд̇и? на ко банзд̇ам̣ звам̣ д̣̇адтаб̣б̣ам̣ ‘‘вибаагад̇хаммаа сийлаад̣̇и вияа самаад̣̇ааяа вад̇д̇ид̇аб̣б̣аа’’д̇и. самаад̣̇аананд̇и бана ад̇д̇ано санд̇аанз саммаа аад̣̇аанам̣ бажжаяавасзна бавад̇д̇и язваад̇и д̣̇адтаб̣б̣ам̣. вибаагад̇хаммаа хи бажжаяависзсзхи сад̇д̇асанд̇аанз саммад̣̇зва аахид̇аа ааяуаад̣̇исамбад̇д̇ивисзсабхууд̇аа убаруубаригусалависзсуббад̇д̇ияаа убаниссаяаа хонд̇ийд̇и вад̣̇анд̇и. бун̃н̃ам̣ бавад̣дхад̇ийд̇и зд̇т̇а бун̃н̃анд̇и уд̇д̇арабад̣̇алобзнааяам̣ нид̣̇д̣̇зсод̇и ааха ‘‘бун̃н̃апалам̣ вад̣дхад̇ий’’д̇и. бун̃н̃апаланд̇и жа згад̣̇зсасаруубзгасзсзна вуд̇д̇ам̣ ‘‘бун̃н̃ан̃жа бун̃н̃апалан̃жа бун̃н̃апала’’нд̇и ааха ‘‘убаруубари бун̃н̃амби бун̃н̃авибаагоби взд̣̇ид̇аб̣б̣о’’д̇и.
‘‘Kusalāna’’nti evaṃ pavattāya desanāya ko anusandhi? Yathāanusandhi eva. Ādito hi ‘‘attadīpā, bhikkhave, viharathā’’tiādinā (dī. ni. 3.80) yeva attadhammapariyāyena lokiyalokuttaradhammā gahitā, te yevettha kusalaggahaṇena gahitāti. Anavajjalakkhaṇānanti avajjapaṭipakkhasabhāvānaṃ. ‘‘Avajjarahitasabhāvāna’’nti keci. Tattha purime atthavikappe vipākadhammadhammā eva gahitā, dutiye pana vipākadhammāpi. Yadi evaṃ, kathaṃ tesaṃ samādāya vattananti? Na kho panetaṃ evaṃ daṭṭhabbaṃ ‘‘vipākadhammā sīlādi viya samādāya vattitabbā’’ti. Samādānanti pana attano santāne sammā ādānaṃ paccayavasena pavatti yevāti daṭṭhabbaṃ. Vipākadhammā hi paccayavisesehi sattasantāne sammadeva āhitā āyuādisampattivisesabhūtā uparūparikusalavisesuppattiyā upanissayā hontīti vadanti. Puññaṃ pavaḍḍhatīti ettha puññanti uttarapadalopenāyaṃ niddesoti āha ‘‘puññaphalaṃ vaḍḍhatī’’ti. Puññaphalanti ca ekadesasarūpekasesena vuttaṃ ‘‘puññañca puññaphalañca puññaphala’’nti āha ‘‘uparūpari puññampi puññavipākopi veditabbo’’ti.
‘‘маад̇аабид̇ууна’’нд̇иаад̣̇и нид̣̇ассанамад̇д̇ам̣, д̇асмаа ан̃н̃амби зваруубам̣ хзд̇уубаниссаяам̣ гусалам̣ д̣̇адтаб̣б̣ам̣. синзхавасзнаад̇и убаниссаяабхууд̇асса синзхасса васзна, на самбаяуд̇д̇асса. на хи синзхасамбаяуд̇д̇ам̣ наама гусалам̣ ад̇т̇и. муд̣̇умад̣̇д̣̇аважид̇д̇анд̇и мзд̇д̇аавасзна ад̇ивияа мад̣̇д̣̇аванд̇ам̣ жид̇д̇ам̣. яат̇аа мад̇т̇агаббад̇д̇ам̣ ваддаг̇аамигусалам̣ д̣̇ассзд̇ум̣ ‘‘маад̇аабид̇уунам̣ …бз… муд̣̇умад̣̇д̣̇аважид̇д̇а’’нд̇и вуд̇д̇ам̣, звам̣ мад̇т̇агаббад̇д̇амзва виваддаг̇аамигусалам̣ д̣̇ассзд̇ум̣ ‘‘жад̇д̇ааро сад̇и…бз… б̣од̇хибагкияад̇хаммаа’’д̇и вуд̇д̇ам̣. д̇ад̣̇ан̃н̃зби бана д̣̇аанасийлаад̣̇ид̇хаммаа ваддасса убаниссаяабхууд̇аа ваддаг̇аамигусалам̣ виваддасса убаниссаяабхууд̇аа виваддаг̇аамигусаланд̇и взд̣̇ид̇аб̣б̣аа. барияосаананд̇и палависзсаавахад̇ааяа палад̣̇ааяа годи сикааббад̇д̇и, д̣̇звалогз жа бавад̇д̇исиривибхавод̇и барияосаанам̣ ‘‘мануссалогз’’д̇и висзсид̇ам̣, мануссалогавасзнзва жааяам̣ д̣̇зсанаа ааг̇ад̇аад̇и. маг̇г̇апаланиб̣б̣аанасамбад̇д̇и барияосаананд̇и яож̇анаа. виваддаг̇аамигусаласса вибаагам̣ суд̇д̇абарияосаанз д̣̇ассиссад̇и ‘‘ат̇а ко, бхигкавз, сан̇ко наама рааж̇аа’’д̇иаад̣̇инаа (д̣̇ий. ни. 3.108).
‘‘Mātāpitūna’’ntiādi nidassanamattaṃ, tasmā aññampi evarūpaṃ hetūpanissayaṃ kusalaṃ daṭṭhabbaṃ. Sinehavasenāti upanissayabhūtassa sinehassa vasena, na sampayuttassa. Na hi sinehasampayuttaṃ nāma kusalaṃ atthi. Mudumaddavacittanti mettāvasena ativiya maddavantaṃ cittaṃ. Yathā matthakappattaṃ vaṭṭagāmikusalaṃ dassetuṃ ‘‘mātāpitūnaṃ …pe… mudumaddavacitta’’nti vuttaṃ, evaṃ matthakappattameva vivaṭṭagāmikusalaṃ dassetuṃ ‘‘cattāro sati…pe… bodhipakkhiyadhammā’’ti vuttaṃ. Tadaññepi pana dānasīlādidhammā vaṭṭassa upanissayabhūtā vaṭṭagāmikusalaṃ vivaṭṭassa upanissayabhūtā vivaṭṭagāmikusalanti veditabbā. Pariyosānanti phalavisesāvahatāya phaladāya koṭi sikhāppatti, devaloke ca pavattisirivibhavoti pariyosānaṃ ‘‘manussaloke’’ti visesitaṃ, manussalokavaseneva cāyaṃ desanā āgatāti. Maggaphalanibbānasampatti pariyosānanti yojanā. Vivaṭṭagāmikusalassa vipākaṃ suttapariyosāne dassissati ‘‘atha kho, bhikkhave, saṅkho nāma rājā’’tiādinā (dī. ni. 3.108).
д̣̇ал̣ханзмижаггавад̇д̇ирааж̇агат̇ааван̣н̣анаа
Daḷhanemicakkavattirājakathāvaṇṇanā
81. ид̇хаад̇и имасмим̣ ‘‘гусалаанам̣, бхигкавз, д̇хаммаана’’нд̇иаад̣̇инаа (д̣̇ий. ни. 3.110) суд̇д̇ад̣̇зсанааяа аарад̣̇д̇хадтаанз ваддавиваддаг̇аамибхаавзна саад̇хааран̣з гусалаг̇г̇ахан̣з. д̇ад̇т̇а ваддаг̇аамигусалаанусанд̇хивасзна ‘‘бхууд̇абуб̣б̣ам̣ бхигкавз’’д̇и д̣̇зсанам̣ аарабхи, аарабханд̇о жа д̣̇зсияамаанамад̇д̇ам̣ . д̇хаммабадиг̇г̇аахагаанам̣ бхигкуунам̣ сан̇кзбад̇о звам̣ д̣̇ийбзд̇ваа аарабхийд̇и д̣̇ассзд̇ум̣ ‘‘бхигкавз’’д̇иаад̣̇и вуд̇д̇ам̣, батамам̣ д̇ат̇аа ад̣̇ийбзнд̇оби бхаг̇аваа ад̇т̇ад̇о д̣̇ийбзд̇и вияаад̇и ад̇хиббааяо.
81.Idhāti imasmiṃ ‘‘kusalānaṃ, bhikkhave, dhammāna’’ntiādinā (dī. ni. 3.110) suttadesanāya āraddhaṭṭhāne vaṭṭavivaṭṭagāmibhāvena sādhāraṇe kusalaggahaṇe. Tattha vaṭṭagāmikusalānusandhivasena ‘‘bhūtapubbaṃ bhikkhave’’ti desanaṃ ārabhi, ārabhanto ca desiyamānamattaṃ . Dhammapaṭiggāhakānaṃ bhikkhūnaṃ saṅkhepato evaṃ dīpetvā ārabhīti dassetuṃ ‘‘bhikkhave’’tiādi vuttaṃ, paṭhamaṃ tathā adīpentopi bhagavā atthato dīpeti viyāti adhippāyo.
82. ийсагамбийд̇и аббамад̇д̇агамби. авасаггид̇анд̇и ог̇ад̇абхадтам̣. нзмиабхимуканд̇и нзмиббад̣̇зсасса саммукаа. б̣анд̇хим̣су жаггарад̇анасса осаггид̇ааносаггид̇абхаавам̣ ж̇аанид̇ум̣. д̇ад̣̇зд̇анд̇и яат̇аавуд̇д̇адтаанаа жаванам̣. ад̇иб̣алавад̣̇осзд̇и ран̃н̃о б̣алавад̇и анад̇т̇з убадтид̇з сад̇и.
82.Īsakampīti appamattakampi. Avasakkitanti ogatabhaṭṭhaṃ. Nemiabhimukhanti nemippadesassa sammukhā. Bandhiṃsu cakkaratanassa osakkitānosakkitabhāvaṃ jānituṃ. Tadetanti yathāvuttaṭṭhānā cavanaṃ. Atibalavadoseti rañño balavati anatthe upaṭṭhite sati.
аббамад̇д̇од̇и ран̃н̃о аан̣ааяа бамаад̣̇ам̣ агаронд̇о.
Appamattoti rañño āṇāya pamādaṃ akaronto.
згасамуд̣̇д̣̇абарияанд̇амзваад̇и ж̇амб̣уд̣̇ийбамзва санд̇хааяа вад̣̇ад̇и. со уд̇д̇арад̇о ассаган̣н̣абаб̣б̣ад̇зна барижчиннам̣ худ̇ваа ад̇д̇аанам̣ баригкибид̇ваа тид̇азгасамуд̣̇д̣̇абарияанд̇о. бун̃н̃ид̣̇д̇хивасзнаад̇и жаггавад̇д̇ибхааваавахааяа бун̃н̃ид̣̇д̇хияаа васзна.
Ekasamuddapariyantamevāti jambudīpameva sandhāya vadati. So uttarato assakaṇṇapabbatena paricchinnaṃ hutvā attānaṃ parikkhipitvā ṭhitaekasamuddapariyanto. Puññiddhivasenāti cakkavattibhāvāvahāya puññiddhiyā vasena.
83. звам̣ гад̇ваад̇и гаасааяаани вад̇т̇аани ажчаад̣̇зд̇ваа. сугад̇ам̣ гамманд̇и д̣̇асагусалагаммабат̇амзва вад̣̇ад̇и.
83.Evaṃ katvāti kāsāyāni vatthāni acchādetvā. Sukataṃ kammanti dasakusalakammapathameva vadati.
‘‘д̣̇асавид̇хам̣, д̣̇ваад̣̇асавид̇ха’’нд̇и жа вуд̇д̇авибхааг̇о барад̇о ааг̇амиссад̇и. буурзнд̇знзваад̇и буурзд̇ваа тид̇знзва. нид̣̇д̣̇осзд̇и жаггавад̇д̇ивад̇д̇асса бадибагкабхууд̇аанам̣ д̣̇осаанам̣ абаг̇аманз нид̣̇д̣̇осз. жаггавад̇д̇ийнам̣ вад̇д̇зд̇и жаггавад̇д̇ирааж̇уухи вад̇д̇ид̇аб̣б̣авад̇д̇з. бхаавини бхууд̇з вияа хи убажааро яат̇аа ‘‘аг̇амаа рааж̇аг̇ахам̣ б̣уд̣̇д̇хо’’д̇и (су. ни. 410). ад̇хиг̇ад̇ажаггавад̇д̇ибхаавааби хи д̇з д̇ад̇т̇а вад̇д̇анд̇зваад̇и д̇ат̇аа вуд̇д̇ам̣.
‘‘Dasavidhaṃ, dvādasavidha’’nti ca vuttavibhāgo parato āgamissati. Pūrentenevāti pūretvā ṭhiteneva. Niddoseti cakkavattivattassa paṭipakkhabhūtānaṃ dosānaṃ apagamane niddose. Cakkavattīnaṃ vatteti cakkavattirājūhi vattitabbavatte. Bhāvini bhūte viya hi upacāro yathā ‘‘agamā rājagahaṃ buddho’’ti (su. ni. 410). Adhigatacakkavattibhāvāpi hi te tattha vattantevāti tathā vuttaṃ.
жаггавад̇д̇иарияавад̇д̇аван̣н̣анаа
Cakkavattiariyavattavaṇṇanā
84. ан̃н̃ат̇аа вад̇д̇ид̇ум̣ ад̣̇знд̇о со д̇хаммо ад̇хидтаанам̣ зд̇ассаад̇и д̇ад̣̇ад̇хидтаанам̣, д̇зна д̇ад̣̇ад̇хидтаанзна жзд̇асаа. саггаронд̇од̇и аад̣̇арагирияаавасзна гаронд̇о. д̇знааха ‘‘яат̇аа’’д̇иаад̣̇и. г̇арум̣ гаронд̇од̇и баасаан̣ажчад̇д̇ам̣ вияа г̇аругаран̣авасзна г̇арум̣ гаронд̇о. д̇знзвааха ‘‘д̇асмим̣ г̇ааравуббад̇д̇ияаа’’д̇и. маанзнд̇од̇и самбхааванаавасзна манзна бияааяанд̇о. д̇знааха ‘‘д̇амзваа’’д̇иаад̣̇и. звам̣ бууж̇аяад̇о абажааяад̇о зван̃жа яат̇аавуд̇д̇асаггаараад̣̇исамбхавод̇и д̇ам̣ д̣̇ассзд̇ум̣ ‘‘д̇ам̣ абад̣̇исид̇ваа’’д̇иаад̣̇и вуд̇д̇ам̣. ‘‘д̇хаммаад̇хибад̇ибхууд̇о ааг̇ад̇абхаавзнаа’’д̇и иминаа яат̇аавуд̇д̇ад̇хаммасса ж̇здтагабхаавзна буримабуримад̇араад̇д̇абхаавзсу саггажжа самубажид̇абхаавам̣ д̣̇ассзд̇и. ‘‘д̇хаммавасзнзва саб̣б̣агирияаанам̣ гаран̣знаа’’д̇и зд̇зна таананисаж̇ж̇аад̣̇ийсу яат̇аавуд̇д̇ад̇хамманиннабон̣абаб̣бхаарабхаавам̣ д̣̇ассзд̇и. ассаад̇и рагкааваран̣аг̇уд̇д̇ияаа. барам̣ рагканд̇о ан̃н̃ам̣ д̣̇идтад̇хаммигаад̣̇ианад̇т̇ад̇о рагканд̇о д̇знзва барад̇т̇асаад̇ханзна канд̇иаад̣̇иг̇ун̣зна ад̇д̇аанам̣ д̇ад̇о зва рагкад̇и. мзд̇д̇ажид̇д̇ад̇аад̇и мзд̇д̇ажид̇д̇ад̇ааяа. ниваасанабаарубанаг̇зхаад̣̇ийнам̣ сийд̇ун̣хаад̣̇ибадиб̣ааханзна ааваран̣ам̣. анд̇о ж̇анасминд̇и аб̣бханд̇арабхууд̇з буд̇д̇ад̣̇аараад̣̇иж̇анз.
84. Aññathā vattituṃ adento so dhammo adhiṭṭhānaṃ etassāti tadadhiṭṭhānaṃ, tena tadadhiṭṭhānena cetasā. Sakkarontoti ādarakiriyāvasena karonto. Tenāha ‘‘yathā’’tiādi. Garuṃ karontoti pāsāṇacchattaṃ viya garukaraṇavasena garuṃ karonto. Tenevāha ‘‘tasmiṃ gāravuppattiyā’’ti. Mānentoti sambhāvanāvasena manena piyāyanto. Tenāha ‘‘tamevā’’tiādi. Evaṃ pūjayato apacāyato evañca yathāvuttasakkārādisambhavoti taṃ dassetuṃ ‘‘taṃ apadisitvā’’tiādi vuttaṃ. ‘‘Dhammādhipatibhūto āgatabhāvenā’’ti iminā yathāvuttadhammassa jeṭṭhakabhāvena purimapurimataraattabhāvesu sakkacca samupacitabhāvaṃ dasseti. ‘‘Dhammavaseneva sabbakiriyānaṃ karaṇenā’’ti etena ṭhānanisajjādīsu yathāvuttadhammaninnapoṇapabbhārabhāvaṃ dasseti. Assāti rakkhāvaraṇaguttiyā. Paraṃ rakkhanto aññaṃ diṭṭhadhammikādianatthato rakkhanto teneva paratthasādhanena khantiādiguṇena attānaṃ tato eva rakkhati. Mettacittatāti mettacittatāya. Nivāsanapārupanagehādīnaṃ sītuṇhādipaṭibāhanena āvaraṇaṃ. Anto janasminti abbhantarabhūte puttadārādijane.
‘‘сийласам̣варз бад̇идтаабзхий’’д̇и иминаа рагкам̣ д̣̇ассзд̇и, ‘‘вад̇т̇аг̇анд̇хамаалаад̣̇ийни д̣̇зхий’’д̇и иминаа ааваран̣ам̣, ид̇арзна г̇уд̇д̇им̣. бхад̇д̇авзд̇анасамбад̣̇аанзнабийд̇и би-сад̣̇д̣̇зна сийласам̣варз бад̇идтаабанаад̣̇ийни самбин̣д̣зд̇и. зсзва наяо ид̇о барзсуби би-сад̣̇д̣̇аг̇г̇ахан̣зсу. ниг̇амо ниваасо зд̇зсанд̇и нзг̇амаа, звам̣ ж̇аанабад̣̇аад̇и ааха ‘‘ниг̇амаваасино’’д̇иаад̣̇и.
‘‘Sīlasaṃvare patiṭṭhāpehī’’ti iminā rakkhaṃ dasseti, ‘‘vatthagandhamālādīni dehī’’ti iminā āvaraṇaṃ, itarena guttiṃ. Bhattavetanasampadānenapīti pi-saddena sīlasaṃvare patiṭṭhāpanādīni sampiṇḍeti. Eseva nayo ito paresupi pi-saddaggahaṇesu. Nigamo nivāso etesanti negamā, evaṃ jānapadāti āha ‘‘nigamavāsino’’tiādi.
нававид̇хаа маанамад̣̇аад̇и ‘‘сзяяохамасмий’’д̇иаад̣̇и (сам̣. ни. 4.108; д̇ха. са. 1121; вибха. 866; махаани. 21, 178) наяаббавад̇д̇ияаа нававид̇хаа маанасан̇каад̇аа мад̣̇аа. маано зва хзд̇т̇а бамаж̇ж̇анаагаарзна бавад̇д̇ияаа маанамад̣̇о. собханз гааяигаваажасигагаммз рад̇од̇и суурад̇о у-гаарасса д̣̇ийгхам̣ гад̇ваа, д̇асса бхааво соражжам̣, гааяигаваажасиго авийд̇иггамо, саб̣б̣ам̣ ваа гааяаважийсужарид̇ам̣. судту орад̇од̇и сорад̇о, д̇асса бхааво соражжам̣, яат̇аавуд̇д̇амзва сужарид̇ам̣. рааг̇аад̣̇ийнанд̇и рааг̇ад̣̇осамохамаанаад̣̇ийнам̣. д̣̇аманаад̣̇ийхийд̇и д̣̇аманасаманабариниб̣б̣аабанзхи. згамад̇д̇аананд̇и згам̣ жид̇д̇ам̣, згажжам̣ ад̇д̇ано жид̇д̇анд̇и ад̇т̇о. рааг̇аад̣̇ийнан̃хи буб̣б̣абхааг̇ияам̣ д̣̇аманаад̣̇ибажжзгам̣ ижчид̇аб̣б̣ам̣, на маг̇г̇агкан̣з вияа згаж̇жхам̣ бадисан̇каанамукзна баж̇аханад̇о. згамад̇д̇аананд̇и ваа вивзгавасзна згам̣ згаагинам̣ ад̇д̇аанам̣. гаалз гаалзд̇и д̇зсам̣ санд̇игам̣ убасан̇гамид̇аб̣б̣з гаалз гаалз.
Navavidhā mānamadāti ‘‘seyyohamasmī’’tiādi (saṃ. ni. 4.108; dha. sa. 1121; vibha. 866; mahāni. 21, 178) nayappavattiyā navavidhā mānasaṅkhātā madā. Māno eva hettha pamajjanākārena pavattiyā mānamado. Sobhane kāyikavācasikakamme ratoti sūrato u-kārassa dīghaṃ katvā, tassa bhāvo soraccaṃ, kāyikavācasiko avītikkamo, sabbaṃ vā kāyavacīsucaritaṃ. Suṭṭhu oratoti sorato, tassa bhāvo soraccaṃ, yathāvuttameva sucaritaṃ. Rāgādīnanti rāgadosamohamānādīnaṃ. Damanādīhīti damanasamanaparinibbāpanehi. Ekamattānanti ekaṃ cittaṃ, ekaccaṃ attano cittanti attho. Rāgādīnañhi pubbabhāgiyaṃ damanādipaccekaṃ icchitabbaṃ, na maggakkhaṇe viya ekajjhaṃ paṭisaṅkhānamukhena pajahanato. Ekamattānanti vā vivekavasena ekaṃ ekākinaṃ attānaṃ. Kāle kāleti tesaṃ santikaṃ upasaṅkamitabbe kāle kāle.
ид̇ха тад̇ваад̇и ‘‘ид̣̇ам̣ ко, д̇аад̇а, д̇а’’нд̇и звам̣ ниг̇аманавасзна вуд̇д̇адтаанз тад̇ваа. вад̇д̇анд̇и арияажаггавад̇д̇ивад̇д̇ам̣. самаанзд̇аб̣б̣анд̇и ‘‘д̣̇асавид̇хам̣, д̣̇ваад̣̇асавид̇ха’’нд̇и жа хздтаа вуд̇д̇аг̇ан̣анааяа жа самаанам̣ гаад̇аб̣б̣ам̣ ануунам̣ анад̇хигам̣ гад̇ваа д̣̇ассзд̇аб̣б̣ам̣. ад̇хаммарааг̇ассаад̇и аяуд̇д̇адтаанз рааг̇асса. висамалобхассаад̇и яуд̇д̇адтаанзби ад̇ивияа б̣алавабхаавзна бавад̇д̇алобхасса.
Idha ṭhatvāti ‘‘idaṃ kho, tāta, ta’’nti evaṃ nigamanavasena vuttaṭṭhāne ṭhatvā. Vattanti ariyacakkavattivattaṃ. Samānetabbanti ‘‘dasavidhaṃ, dvādasavidha’’nti ca heṭṭhā vuttagaṇanāya ca samānaṃ kātabbaṃ anūnaṃ anadhikaṃ katvā dassetabbaṃ. Adhammarāgassāti ayuttaṭṭhāne rāgassa. Visamalobhassāti yuttaṭṭhānepi ativiya balavabhāvena pavattalobhassa.
жаггарад̇анабаад̇убхаававан̣н̣анаа
Cakkaratanapātubhāvavaṇṇanā
85. вад̇д̇амаанассаад̇и барибун̣н̣з жаггавад̇д̇ивад̇д̇з вад̇д̇амаанасса, но абарибун̣н̣зд̇и ааха ‘‘буурзд̇ваа вад̇д̇амаанассаа’’д̇и. гид̇д̇аавад̇аа банасса баарибуурий ход̇ийд̇и? д̇ад̇т̇а ‘‘гад̇аад̇хигаарасса д̇аава хздтимабарижчзд̣̇зна д̣̇ваад̣̇асахиби сам̣важчарзхи буурад̇и, бан̃жавийсад̇ияаа, бан̃н̃аасааяа ваа сам̣важчарзхи. аяан̃жа бхзд̣̇о д̇хаммажчанд̣̇ассаби д̇игкамаж̇жхамуд̣̇уд̇аавасзна, ид̇арасса д̇ад̇о бхияяобий’’д̇и вад̣̇анд̇и.
85.Vattamānassāti paripuṇṇe cakkavattivatte vattamānassa, no aparipuṇṇeti āha ‘‘pūretvā vattamānassā’’ti. Kittāvatā panassa pāripūrī hotīti? Tattha ‘‘katādhikārassa tāva heṭṭhimaparicchedena dvādasahipi saṃvaccharehi pūrati, pañcavīsatiyā, paññāsāya vā saṃvaccharehi. Ayañca bhedo dhammacchandassapi tikkhamajjhamudutāvasena, itarassa tato bhiyyopī’’ti vadanti.
д̣̇уд̇ияаад̣̇ижаггавад̇д̇игат̇ааван̣н̣анаа
Dutiyādicakkavattikathāvaṇṇanā
90. ад̇д̇ано мад̇ияаад̇и барамбарааг̇ад̇ам̣ бураан̣ам̣ д̇анд̇им̣ бавзн̣им̣ лан̇гхид̇ваа ад̇д̇ано ижчид̇аагаарзна. д̇знааха ‘‘бораан̣ага’’нд̇иаад̣̇и.
90.Attano matiyāti paramparāgataṃ purāṇaṃ tantiṃ paveṇiṃ laṅghitvā attano icchitākārena. Tenāha ‘‘porāṇaka’’ntiādi.
на баб̣б̣анд̇ийд̇и самид̣̇д̇хияаа на буурзнд̇и, пийд̇аа на хонд̇ийд̇и ад̇т̇о. д̇знааха ‘‘на вад̣дханд̇ий’’д̇и. д̇ат̇аа жааха ‘‘гад̇т̇ажи сун̃н̃аа хонд̇ий’’д̇и. д̇ад̇т̇а д̇ад̇т̇а рааж̇агижжз ран̃н̃аа амаа саха вад̇д̇анд̇ийд̇и амажжаа, язхи винаа рааж̇агижжам̣ наббавад̇д̇ад̇и. барамбарааг̇ад̇аа худ̇ваа ран̃н̃о барисааяа бхаваад̇и баарисаж̇ж̇аа. д̇знааха ‘‘барисааважараа’’д̇и. д̇асмим̣ таананд̇арз табид̇аа худ̇ваа ран̃н̃о ааяам̣, ваяан̃жа яаат̇аавад̇о г̇ан̣знд̇ийд̇и г̇ан̣агаа. ж̇аад̇игуласуд̇аажаараад̣̇ивасзна бут̇уд̇д̇ам̣ г̇ад̇ад̇д̇аа махад̇ий мад̇д̇аа зд̇зсанд̇и махаамад̇д̇аа, д̇з бана махаанубхааваа амажжаа зваад̇и ааха ‘‘махааамажжаа’’д̇и. яз ран̃н̃о хад̇т̇аанийгаад̣̇ийсу авадтид̇аа, д̇з анийгадтаад̇и ааха ‘‘хад̇т̇иаажарияаад̣̇аяо’’д̇и . манд̇ам̣ бан̃н̃ам̣ асид̇аа худ̇ваа ж̇ийванд̇ийд̇и манд̇ассааж̇ийвино, мад̇исаж̇ийваад̇и ад̇т̇о, яз д̇ад̇т̇а д̇ад̇т̇а рааж̇агижжз убад̣̇зсад̣̇ааяино. д̇знааха ‘‘манд̇аа вужжад̇и бан̃н̃аа’’д̇иаад̣̇и.
Napabbantīti samiddhiyā na pūrenti, phītā na hontīti attho. Tenāha ‘‘na vaḍḍhantī’’ti. Tathā cāha ‘‘katthaci suññā hontī’’ti. Tattha tattha rājakicce raññā amā saha vattantīti amaccā, yehi vinā rājakiccaṃ nappavattati. Paramparāgatā hutvā rañño parisāya bhavāti pārisajjā. Tenāha ‘‘parisāvacarā’’ti. Tasmiṃ ṭhānantare ṭhapitā hutvā rañño āyaṃ, vayañca yāthāvato gaṇentīti gaṇakā. Jātikulasutācārādivasena puthuttaṃ gatattā mahatī mattā etesanti mahāmattā, te pana mahānubhāvā amaccā evāti āha ‘‘mahāamaccā’’ti. Ye rañño hatthānīkādīsu avaṭṭhitā, te anīkaṭṭhāti āha ‘‘hatthiācariyādayo’’ti . Mantaṃ paññaṃ asitā hutvā jīvantīti mantassājīvino, matisajīvāti attho, ye tattha tattha rājakicce upadesadāyino. Tenāha ‘‘mantā vuccati paññā’’tiādi.
ааяуван̣н̣аад̣̇ибарихаанигат̇ааван̣н̣анаа
Āyuvaṇṇādiparihānikathāvaṇṇanā
91. б̣алавалобхад̇д̇аад̇и ‘‘имасмим̣ логз ид̣̇аани д̣̇алид̣̇д̣̇амануссаа наама б̣ахуу, д̇зсам̣ саб̣б̣зсам̣ д̇ханз ануббад̣̇ияамаанз маяхам̣ госасса баригкаяо ход̇ий’’д̇и звам̣ уббаннаб̣алавалобхад̇д̇аа. убаруубарибхуумийсууд̇и чагаамасаг̇г̇асан̇каад̇аасу убаруубаригаамабхуумийсу. гаммасса палам̣ аг̇г̇ам̣ наама, д̇ам̣ банзд̇т̇а уд̣̇д̇хаг̇аамийд̇и ааха ‘‘уд̣̇д̇хам̣ аг̇г̇ам̣ ассаа’’д̇и. саг̇г̇з нияуд̇д̇аа, саг̇г̇аббаяож̇анаад̇и ваа соваг̇г̇игаа. д̣̇асаннам̣ висзсаананд̇и д̣̇иб̣б̣аааяуван̣н̣аяасасукааад̇хибад̇зяяаанан̃жзва д̣̇иб̣б̣аруубаад̣̇ийнан̃жа палависзсаанам̣ . ван̣н̣аг̇г̇ахан̣зна жзд̇т̇а саго ад̇д̇абхаававан̣н̣о г̇ахид̇о, руубаг̇г̇ахан̣зна б̣ахид̣̇д̇хаа руубаарамман̣ам̣.
91.Balavalobhattāti ‘‘imasmiṃ loke idāni daliddamanussā nāma bahū, tesaṃ sabbesaṃ dhane anuppadiyamāne mayhaṃ kosassa parikkhayo hotī’’ti evaṃ uppannabalavalobhattā. Uparūparibhūmīsūti chakāmasaggasaṅkhātāsu uparūparikāmabhūmīsu. Kammassa phalaṃ aggaṃ nāma, taṃ panettha uddhagāmīti āha ‘‘uddhaṃ aggaṃ assā’’ti. Sagge niyuttā, saggappayojanāti vā sovaggikā. Dasannaṃ visesānanti dibbaāyuvaṇṇayasasukhaādhipateyyānañceva dibbarūpādīnañca phalavisesānaṃ . Vaṇṇaggahaṇena cettha sako attabhāvavaṇṇo gahito, rūpaggahaṇena bahiddhā rūpārammaṇaṃ.
92. судту нисид̣̇д̇ханд̇и яат̇ааяам̣ иминаа ад̇д̇абхаавзна ад̣̇иннам̣ аад̣̇аад̇ум̣ на саггод̇и, звам̣ саммад̣̇зва д̇ад̇о нисзд̇хид̇ам̣ гад̇ваа. муулахад̇анд̇и ж̇ийвид̇аа воробанзна муулз зва хад̇ам̣.
92.Suṭṭhunisiddhanti yathāyaṃ iminā attabhāvena adinnaṃ ādātuṃ na sakkoti, evaṃ sammadeva tato nisedhitaṃ katvā. Mūlahatanti jīvitā voropanena mūle eva hataṃ.
96. рааг̇авасзна жаран̣ам̣ жарид̇д̇ам̣, жарид̇д̇амзва жаарид̇д̇ам̣, мзт̇унанд̇и ад̇хиббааяо, д̇ам̣ бана ‘‘барзсам̣ д̣̇аарзсуу’’д̇и вуд̇д̇ад̇д̇аа ‘‘мижчаажаара’’нд̇и ааха.
96. Rāgavasena caraṇaṃ carittaṃ, carittameva cārittaṃ, methunanti adhippāyo, taṃ pana ‘‘paresaṃ dāresū’’ti vuttattā ‘‘micchācāra’’nti āha.
100. бажжанийгад̣̇идтийд̇и ‘‘ад̇т̇и д̣̇инна’’нд̇иаад̣̇игааяа (ма. ни. 1.441; 2.94; вибха. 793) саммаад̣̇идтияаа бадибагкабхууд̇аа д̣̇идти.
100.Paccanīkadiṭṭhīti ‘‘atthi dinna’’ntiādikāya (ma. ni. 1.441; 2.94; vibha. 793) sammādiṭṭhiyā paṭipakkhabhūtā diṭṭhi.
101. маад̇ужчаад̣̇игаа убари саяамзва вагкад̇и. ад̇иб̣алавалобход̇и ад̇ивияа б̣алаваа б̣ахалагилзсо, язна агаалз, ад̣̇зсз жа бавад̇д̇ад̇и. мижчаад̇хаммод̇и мижчаа вибарийд̇о ависабхааг̇авад̇т̇уго лобхад̇хаммо. д̇знааха ‘‘бурисаана’’нд̇иаад̣̇и.
101.Mātucchādikā upari sayameva vakkhati. Atibalavalobhoti ativiya balavā bahalakileso, yena akāle, adese ca pavattati. Micchādhammoti micchā viparīto avisabhāgavatthuko lobhadhammo. Tenāha ‘‘purisāna’’ntiādi.
д̇асса бхаавод̇и язна мзд̇д̇аагарун̣аабуб̣б̣ан̇г̇амзна жид̇д̇зна буг̇г̇ало ‘‘мад̇д̇зяяо’’д̇и вужжад̇и, со д̇асса яат̇аавуд̇д̇ажид̇д̇уббаад̣̇о, д̇ам̣самудтаанаа жа гирияаа мад̇д̇зяяад̇аа. д̇знааха ‘‘маад̇ари саммаа бадибад̇д̇ияаа зд̇ам̣ наама’’нд̇и . яаа саммаа баж̇ж̇ид̇аб̣б̣з саммаа аббадибад̇д̇и, соби д̣̇осо аг̇ааравагирияаад̣̇ибхаавад̇о. виббадибад̇д̇ияам̣ бана вад̇д̇аб̣б̣амзва над̇т̇ийд̇и ааха ‘‘д̇ассаа абхааво жзва д̇аббадибагкад̇аа жа амад̇д̇зяяад̇аа’’д̇и. гулз ж̇здтаананд̇и ад̇д̇ано гулз вуд̣̇д̇хаанам̣ махаабид̇ужуул̣абид̇уж̇здтагабхаад̇игаад̣̇ийнам̣.
Tassa bhāvoti yena mettākaruṇāpubbaṅgamena cittena puggalo ‘‘matteyyo’’ti vuccati, so tassa yathāvuttacittuppādo, taṃsamuṭṭhānā ca kiriyā matteyyatā. Tenāha ‘‘mātari sammā paṭipattiyā etaṃ nāma’’nti . Yā sammā pajjitabbe sammā appaṭipatti, sopi doso agāravakiriyādibhāvato. Vippaṭipattiyaṃ pana vattabbameva natthīti āha ‘‘tassā abhāvo ceva tappaṭipakkhatā ca amatteyyatā’’ti. Kule jeṭṭhānanti attano kule vuddhānaṃ mahāpitucūḷapitujeṭṭhakabhātikādīnaṃ.
д̣̇асавассааяугасамаяаван̣н̣анаа
Dasavassāyukasamayavaṇṇanā
103. ‘‘яа’’нд̇и иминаа самаяо аамадто, бхуммад̇т̇з жзд̇ам̣ бажжад̇д̇аважананд̇и ааха ‘‘яасмим̣ самаяз’’д̇и. алам̣ бад̇инод̇и алам̣бад̇зяяаа. д̇ассаа барияад̇д̇ад̇аа бхарияаабхаавзнаад̇и ааха ‘‘д̣̇аад̇ум̣ яуд̇д̇аа’’д̇и. аг̇г̇арасаанийд̇и мад̇хурабхаавзна, бхзсаж̇ж̇абхаавзна жа аг̇г̇абхууд̇арасаани.
103.‘‘Ya’’nti iminā samayo āmaṭṭho, bhummatthe cetaṃ paccattavacananti āha ‘‘yasmiṃ samaye’’ti. Alaṃ patinoti alaṃpateyyā. Tassā pariyattatā bhariyābhāvenāti āha ‘‘dātuṃ yuttā’’ti. Aggarasānīti madhurabhāvena, bhesajjabhāvena ca aggabhūtarasāni.
д̣̇иббиссанд̇ийд̇и бадибагкабхаавзна самуж̇ж̇алиссанд̇и. д̇знааха ‘‘гусаланд̇иби на бхависсад̇ий’’д̇и . ахо бурисод̇и маад̇аад̣̇ийсуби ийд̣̇исо, ан̃н̃зсам̣ гзсам̣ гим̣ виссаж̇ж̇зссад̇и, ахо д̇зж̇авабурисод̇и.
Dippissantīti paṭipakkhabhāvena samujjalissanti. Tenāha ‘‘kusalantipi na bhavissatī’’ti . Aho purisoti mātādīsupi īdiso, aññesaṃ kesaṃ kiṃ vissajjessati, aho tejavapurisoti.
г̇зхз маад̇уг̇аамам̣ вияаад̇и ад̇д̇ано г̇зхз д̣̇аасибхарияаабхууд̇амаад̇уг̇аамам̣ вияа. миссийбхааванд̇и маад̇аад̣̇ийсу бхарияааяа вияа жаарид̇д̇асан̇гарам̣.
Gehe mātugāmaṃ viyāti attano gehe dāsibhariyābhūtamātugāmaṃ viya. Missībhāvanti mātādīsu bhariyāya viya cārittasaṅkaraṃ.
б̣алавагобод̇и ханд̇угаамад̇аавасзна уббад̇д̇ияаа б̣алавагобо. аагхаад̇зд̇ийд̇и ааханад̇и, ад̇д̇ано гагкал̣апарусабхаавзна жид̇д̇ам̣ виб̣аад̇хад̇ийд̇и ад̇т̇о. ниссаяад̣̇аханарасо хи д̣̇осо. б̣яаабаад̣̇зд̇ийд̇и винаасзд̇и, манобад̣̇уусанад̇о манасса багобанад̇о. д̇иб̣б̣анд̇и д̇игкам̣, саа банасса д̇игкад̇аа сарийрз аваханд̇зби синзхавад̇т̇ум̣ лан̇гхид̇вааби бавад̇д̇ияаа взд̣̇ид̇аб̣б̣аад̇и ааха ‘‘бияамаанассабий’’д̇иаад̣̇и.
Balavakopoti hantukāmatāvasena uppattiyā balavakopo. Āghātetīti āhanati, attano kakkhaḷapharusabhāvena cittaṃ vibādhatīti attho. Nissayadahanaraso hi doso. Byāpādetīti vināseti, manopadūsanato manassa pakopanato. Tibbanti tikkhaṃ, sā panassa tikkhatā sarīre avahantepi sinehavatthuṃ laṅghitvāpi pavattiyā veditabbāti āha ‘‘piyamānassapī’’tiādi.
104. габбавинаасо габбо уд̇д̇арабад̣̇алобзна, анд̇араава габбо анд̇арагаббо. д̇ан̣хаад̣̇ибхзд̣̇о габбо зд̇асса ад̇т̇ийд̇и габбо, сад̇д̇алогод̇и ааха ‘‘анд̇араава логавинаасо’’д̇и. свааяам̣ анд̇арагаббо гад̇ивид̇хо, гат̇ан̃жасса самбхаво, гим̣ г̇ад̇игод̇и анд̇ог̇ад̇хам̣ жод̣̇анам̣ санд̇хааяааха ‘‘анд̇арагаббо жа наамаа’’д̇иаад̣̇и. лобхуссад̣̇ааяаад̇и лобхаад̇хигааяа баж̇ааяа вад̇д̇амаанааяа.
104. Kappavināso kappo uttarapadalopena, antarāva kappo antarakappo. Taṇhādibhedo kappo etassa atthīti kappo, sattalokoti āha ‘‘antarāva lokavināso’’ti. Svāyaṃ antarakappo katividho, kathañcassa sambhavo, kiṃ gatikoti antogadhaṃ codanaṃ sandhāyāha ‘‘antarakappo ca nāmā’’tiādi. Lobhussadāyāti lobhādhikāya pajāya vattamānāya.
звам̣ жинд̇аяим̣сууд̇и буб̣б̣з яат̇аануссаваануссаран̣зна, ад̇д̇ано жа ааяувисзсасса лабханад̇о. г̇умб̣алад̇аад̣̇ийхи г̇аханам̣ таананд̇и г̇умб̣алад̇аад̣̇ийхи сан̃чаннад̇ааяа г̇аханабхууд̇ам̣ таанам̣. ругкзхи г̇ахананд̇и ругкзхи ниранд̇аранижид̇зхи г̇аханабхууд̇ам̣ . над̣̇ийвид̣̇уг̇г̇анд̇и чиннад̇адаахи над̣̇ийхи орад̇о, баарад̇о жа вид̣̇уг̇г̇ам̣. д̇знааха ‘‘над̣̇ийна’’нд̇иаад̣̇и. баб̣б̣ад̇зхи висамам̣ баб̣б̣ад̇анд̇арам̣. баб̣б̣ад̇зсу ваа чиннад̇адзсу д̣̇ураарохам̣ висамадтаанам̣. сабхааг̇зд̇и ж̇ийванавасзна самаанабхааг̇з сад̣̇исз гариссанд̇и.
Evaṃ cintayiṃsūti pubbe yathānussavānussaraṇena, attano ca āyuvisesassa labhanato. Gumbalatādīhi gahanaṃ ṭhānanti gumbalatādīhi sañchannatāya gahanabhūtaṃ ṭhānaṃ. Rukkhehigahananti rukkhehi nirantaranicitehi gahanabhūtaṃ . Nadīvidugganti chinnataṭāhi nadīhi orato, pārato ca viduggaṃ. Tenāha ‘‘nadīna’’ntiādi. Pabbatehi visamaṃ pabbatantaraṃ. Pabbatesu vā chinnataṭesu durārohaṃ visamaṭṭhānaṃ. Sabhāgeti jīvanavasena samānabhāge sadise karissanti.
ааяуван̣н̣аад̣̇ивад̣дханагат̇ааван̣н̣анаа
Āyuvaṇṇādivaḍḍhanakathāvaṇṇanā
105. ааяад̇анд̇и ваа д̣̇ийгхам̣ жирагаалигам̣. маран̣авасзна хи н̃аад̇игкаяо ааяад̇о абунараавад̇д̇анад̇о, на рааж̇абхаяаад̣̇инаа уггаманавасзна бунараавад̇д̇ияааби д̇асса лаб̣бханад̇о. осаггзяяаамаад̇и орамзяяаама. вираман̣амби ад̇т̇ад̇о баж̇аханамзва барижжаж̇анабхаавад̇од̇и ааха ‘‘баж̇ахзяяаамаад̇и ад̇т̇о’’д̇и. сийлаг̇аб̣бхз вад̣дхид̇ад̇д̇аад̇и маад̇у, бид̇у жа сийлаванд̇ад̇ааяа д̇ад̣̇аваяавабхууд̇з г̇аб̣бхз вад̣дхи ‘‘сийлаг̇аб̣бхз вад̣дхид̇аа’’д̇и вуд̇д̇аа, зд̇зна уд̇уаахаарасса вияа д̇ад̣̇ан̃н̃ассааби б̣аахирасса бажжаяасса васзна сад̇д̇асанд̇аанасса висзсаад̇хаанам̣ ход̇ийд̇и д̣̇ассзд̇и. яам̣ банзд̇т̇а вад̇д̇аб̣б̣ам̣, д̇ам̣ б̣рахмаж̇ааладийгааяам̣ (д̣̇ий. ни. дий. 1.7) вуд̇д̇амзва. кзд̇д̇ависуд̣̇д̇хияаад̇и ад̇хидтаанабхууд̇авад̇т̇увисуд̣̇д̇хияаа. нану жа д̇ам̣ висзсаад̇хаанам̣ ж̇ааяамаанам̣ руубасанд̇ад̇ияаа зва бхавзяяаад̇и? сажжамзд̇ам̣, руубасанд̇ад̇ияаа бана д̇ат̇аа аахид̇ависзсааяа аруубасанд̇ад̇иби лад̣̇д̇хуубагаараа зва ход̇и д̇аббадиб̣ад̣̇д̇хавуд̇д̇ибхаавад̇о. яат̇аа габ̣ал̣ийгаараахаарзна убад̇т̇амбхид̇з руубагааяз саб̣б̣оби ад̇д̇абхааво ануг̇г̇ахид̇о зва наама ход̇и, яат̇аа бана ран̃н̃о жаггавад̇д̇ино бун̃н̃ависзсам̣ убаниссааяа д̇асса ид̇т̇ирад̇анаад̣̇ийнам̣ анан̃н̃асаад̇хааран̣аа д̇з д̇з висзсаа самбхаванд̇и д̇аб̣бхаавз бхаавад̇о, д̇ад̣̇абхаавз жа абхаавад̇о, звамзва д̇асмим̣ гаалз маад̇аабид̇уунам̣ яат̇аавуд̇д̇абун̃н̃ависзсам̣ убаниссааяа д̇зсам̣ буд̇д̇аанам̣ ж̇ааяамаанаанам̣ д̣̇ийгхааяугад̇аа кзд̇д̇ависуд̣̇д̇хияаава ход̇ийд̇и взд̣̇ид̇аб̣б̣аа сам̣взг̇ад̇хаммачанд̣̇аад̣̇исамубаб̣руухид̇ааяа д̇ад̣̇аа д̇зсам̣ гусалажзд̇анааяа д̇ат̇аа ул̣аарабхаавзна самуббаж̇ж̇анад̇о. зд̇т̇аад̇и имасмим̣ мануссалогз, д̇ад̇т̇аад̇и яат̇аавуд̇д̇ам̣ гусалад̇хаммам̣ самаад̣̇ааяа вад̇д̇амаанз сад̇д̇анигааяз. д̇ад̇т̇зваад̇и д̇асмим̣язва сад̇д̇анигааяз. ‘‘ад̇д̇анова сийласамбад̇д̇ияаа’’д̇и вуд̇д̇ам̣ сасанд̇ад̇ибарияаабаннасса д̇хаммасса д̇ад̇т̇а висзсаббажжаяабхаавад̇о. кзд̇д̇ависуд̣̇д̇хиби бана ид̇хааби бадигкибид̇ум̣ на саггаа.
105.Āyatanti vā dīghaṃ cirakālikaṃ. Maraṇavasena hi ñātikkhayo āyato apunarāvattanato, na rājabhayādinā ukkamanavasena punarāvattiyāpi tassa labbhanato. Osakkeyyāmāti orameyyāma. Viramaṇampi atthato pajahanameva pariccajanabhāvatoti āha ‘‘pajaheyyāmāti attho’’ti. Sīlagabbhe vaḍḍhitattāti mātu, pitu ca sīlavantatāya tadavayavabhūte gabbhe vaḍḍhi ‘‘sīlagabbhe vaḍḍhitā’’ti vuttā, etena utuāhārassa viya tadaññassāpi bāhirassa paccayassa vasena sattasantānassa visesādhānaṃ hotīti dasseti. Yaṃ panettha vattabbaṃ, taṃ brahmajālaṭīkāyaṃ (dī. ni. ṭī. 1.7) vuttameva. Khettavisuddhiyāti adhiṭṭhānabhūtavatthuvisuddhiyā. Nanu ca taṃ visesādhānaṃ jāyamānaṃ rūpasantatiyā eva bhaveyyāti? Saccametaṃ, rūpasantatiyā pana tathā āhitavisesāya arūpasantatipi laddhūpakārā eva hoti tappaṭibaddhavuttibhāvato. Yathā kabaḷīkārāhārena upatthambhite rūpakāye sabbopi attabhāvo anuggahito eva nāma hoti, yathā pana rañño cakkavattino puññavisesaṃ upanissāya tassa itthiratanādīnaṃ anaññasādhāraṇā te te visesā sambhavanti tabbhāve bhāvato, tadabhāve ca abhāvato, evameva tasmiṃ kāle mātāpitūnaṃ yathāvuttapuññavisesaṃ upanissāya tesaṃ puttānaṃ jāyamānānaṃ dīghāyukatā khettavisuddhiyāva hotīti veditabbā saṃvegadhammachandādisamupabrūhitāya tadā tesaṃ kusalacetanāya tathā uḷārabhāvena samuppajjanato. Etthāti imasmiṃ manussaloke, tatthāti yathāvuttaṃ kusaladhammaṃ samādāya vattamāne sattanikāye. Tatthevāti tasmiṃyeva sattanikāye. ‘‘Attanova sīlasampattiyā’’ti vuttaṃ sasantatipariyāpannassa dhammassa tattha visesappaccayabhāvato. Khettavisuddhipi pana idhāpi paṭikkhipituṃ na sakkā.
годтаасаад̇и жад̇д̇аарийсавассааяугаад̇иаад̣̇аяо асийд̇ивассасахассааяугабарияосаанаа згаад̣̇аса годтаасаа. ад̣̇иннаад̣̇аанаад̣̇ийхийд̇и аад̣̇и-сад̣̇д̣̇зна гулз ж̇здтаабажааяигаабарияосаанаанам̣ д̣̇асаннам̣ баабагодтаасаанам̣ г̇ахан̣ам̣.
Koṭṭhāsāti cattārīsavassāyukātiādayo asītivassasahassāyukapariyosānā ekādasa koṭṭhāsā. Adinnādānādīhīti ādi-saddena kule jeṭṭhāpacāyikāpariyosānānaṃ dasannaṃ pāpakoṭṭhāsānaṃ gahaṇaṃ.
сан̇карааж̇ауббад̇д̇иван̣н̣анаа
Saṅkharājauppattivaṇṇanā
106. звам̣ уббаж̇ж̇анагад̇ан̣хаад̇и звам̣ важийбхзд̣̇ам̣ баабанавасзна бавад̇д̇аа бхун̃ж̇ид̇угаамад̇аа. анасананд̇и гааяигагирияааасамад̇т̇ад̇аахзд̇убхууд̇о сарийрасан̇гожо. д̇знааха ‘‘авибпааригабхааво’’д̇иаад̣̇и. гхананиваасад̇анд̇и г̇ааманиг̇амарааж̇ад̇хаанийнам̣ гхананивидтад̇ам̣ ан̃н̃аман̃н̃асса наад̇ид̣̇ууравад̇д̇ид̇ам̣. ниранд̇арабуурид̇од̇и ниранд̇арам̣ вияа бун̣н̣о д̇ад̇рубаг̇аанам̣ сад̇д̇аанам̣ б̣ахубхаавад̇о.
106.Evaṃ uppajjanakataṇhāti evaṃ vacībhedaṃ pāpanavasena pavattā bhuñjitukāmatā. Anasananti kāyikakiriyāasamatthatāhetubhūto sarīrasaṅkoco. Tenāha ‘‘avipphārikabhāvo’’tiādi. Ghananivāsatanti gāmanigamarājadhānīnaṃ ghananiviṭṭhataṃ aññamaññassa nātidūravattitaṃ. Nirantarapūritoti nirantaraṃ viya puṇṇo tatrupagānaṃ sattānaṃ bahubhāvato.
мзд̇д̇зяяаб̣уд̣̇д̇хуббаад̣̇аван̣н̣анаа
Metteyyabuddhuppādavaṇṇanā
107. гин̃жааби буб̣б̣з вад̣дхамаанагавасзна д̣̇зсанаа ааг̇ад̇ам̣, ид̣̇ам̣ бана на вад̣дхамаанагавасзна вуд̇д̇ам̣. гасмаад̇и жз ааха ‘‘на хий’’д̇иаад̣̇и. сад̇д̇аанам̣ вад̣дхамаанааяугагаалз б̣уд̣̇д̇хаа на ниб̣б̣ад̇д̇анд̇и сам̣саарз сам̣взг̇асса д̣̇уб̣б̣ибхааванийяад̇д̇аа . д̇ад̇о вассасад̇асахассад̇о орамзва б̣уд̣̇д̇хуббаад̣̇агаало.
107. Kiñcāpi pubbe vaḍḍhamānakavasena desanā āgataṃ, idaṃ pana na vaḍḍhamānakavasena vuttaṃ. Kasmāti ce āha ‘‘na hī’’tiādi. Sattānaṃ vaḍḍhamānāyukakāle buddhā na nibbattanti saṃsāre saṃvegassa dubbibhāvanīyattā . Tato vassasatasahassato orameva buddhuppādakālo.
108. самуссид̇адтзна яуубо вияаад̇и яуубо, яуубанд̇и зд̇т̇а сад̇д̇аа анзгабхуумигуудааг̇аароварагаад̣̇иванд̇ад̇ааяаад̇и яуубо, баасаад̣̇о. ран̃н̃о хзд̇убхууд̇знаад̇и хзд̇уад̇т̇з гаран̣аважананд̇ид̣̇ассзд̇иуссаахасамбад̇д̇иаад̣̇инаа. махад̇аа рааж̇аанубхаавзна, махад̇аа жа гид̇д̇исад̣̇д̣̇зна саманнааг̇ад̇ад̇д̇аа жад̇уухи сан̇г̇ахавад̇т̇уухи махааж̇анасса ран̃ж̇анад̇о махаабанаад̣̇о наама рааж̇аа ж̇аад̇о. ж̇аад̇агзд̇и махаабанаад̣̇аж̇аад̇агз (ж̇аа. 1.3.40 махаабанаад̣̇аж̇аад̇агз).
108. Samussitaṭṭhena yūpo viyāti yūpo, yūpanti ettha sattā anekabhūmikūṭāgārovarakādivantatāyāti yūpo, pāsādo. Rañño hetubhūtenāti hetuatthe karaṇavacanantidassetiussāhasampattiādinā. Mahatā rājānubhāvena, mahatā ca kittisaddena samannāgatattā catūhi saṅgahavatthūhi mahājanassa rañjanato mahāpanādo nāma rājā jāto. Jātaketi mahāpanādajātake (jā. 1.3.40 mahāpanādajātake).
банаад̣̇о наама со рааж̇аад̇и ‘‘ад̇ийд̇з банаад̣̇о наама со рааж̇аа ассосий’’д̇и ад̇д̇абхааванд̇арад̇ааяа ад̇д̇аанам̣ барам̣ вияа нид̣̇д̣̇исад̇и. ааяасмаа хи бхад̣̇д̣̇аж̇ид̇т̇зро ад̇д̇анаа аж̇жхаавуд̇т̇абуб̣б̣ам̣ суван̣н̣абаасаад̣̇ам̣ д̣̇ассзд̇ваа звамааха. яасса яуубо суван̣н̣аяод̇и яасса ран̃н̃о аяам̣ яуубо баасаад̣̇о суван̣н̣аяо суван̣н̣амаяо. д̇ирияам̣ сол̣асуб̣б̣зд̇ход̇и вид̇т̇аарад̇о сол̣асасарабаад̇аббамаан̣о, со бана ад̣дхаяож̇анаббамаан̣о ход̇и. уб̣бхамааху сахассад̇хаад̇и уб̣бхам̣ ужжабхаавам̣ асса баасаад̣̇асса сахассад̇хаа сахассаган̣д̣аббамаан̣ам̣ ааху, со бана яож̇анад̇о бан̃жавийсад̇ияож̇анаббамаан̣о ход̇и. гзжи банзд̇т̇а г̇аат̇аасукад̇т̇ам̣ ‘‘аахуу’’д̇и д̣̇ийгхам̣ гад̇ам̣, аху ахосийд̇и ад̇т̇ам̣ вад̣̇анд̇и.
Panādo nāma so rājāti ‘‘atīte panādo nāma so rājā assosī’’ti attabhāvantaratāya attānaṃ paraṃ viya niddisati. Āyasmā hi bhaddajitthero attanā ajjhāvutthapubbaṃ suvaṇṇapāsādaṃ dassetvā evamāha. Yassa yūpo suvaṇṇayoti yassa rañño ayaṃ yūpo pāsādo suvaṇṇayo suvaṇṇamayo. Tiriyaṃ soḷasubbedhoti vitthārato soḷasasarapātappamāṇo, so pana aḍḍhayojanappamāṇo hoti. Ubbhamāhusahassadhāti ubbhaṃ uccabhāvaṃ assa pāsādassa sahassadhā sahassakaṇḍappamāṇaṃ āhu, so pana yojanato pañcavīsatiyojanappamāṇo hoti. Keci panettha gāthāsukhatthaṃ ‘‘āhū’’ti dīghaṃ kataṃ, ahu ahosīti atthaṃ vadanti.
сахассаган̣д̣од̇и сахассабхуумиго, ‘‘сахассакан̣д̣о’’ д̇иби баато, со зва ад̇т̇о. сад̇аг̇зн̣д̣ууд̇и анзгасад̇анияуухаго. д̇хаж̇аалууд̇и д̇ад̇т̇а д̇ад̇т̇а нияуухасикараад̣̇ийсу бад̇идтабид̇зхи сад̇д̇ид̇хаж̇авийран̇г̇ад̇хаж̇аад̣̇ийхи д̇хаж̇зхи самбанно. харид̇аамаяод̇и жаамийгарасуван̣н̣амаяо. гзжи бана харид̇аамаяод̇и ‘‘харид̇аман̣ибаригкадо’’д̇и вад̣̇анд̇и. г̇анд̇хаб̣б̣аад̇и надаа. часахассаани сад̇д̇ад̇хаад̇и чамад̇д̇аани г̇анд̇хаб̣б̣асахассаани сад̇д̇ад̇хаа д̇асса баасаад̣̇асса сад̇д̇асу таанзсу ран̃н̃о абхирамаабанад̇т̇ам̣ нажжим̣сууд̇и ад̇т̇о. д̇з звам̣ нажжанд̇ааби гира рааж̇аанам̣ хаасзд̇ум̣ наасагким̣су. ат̇а сагго д̣̇зварааж̇аа д̣̇званадам̣ бзсзд̇ваа самаж̇ж̇ам̣ гаарзси, д̇ад̣̇аа рааж̇аа хасийд̇и.
Sahassakaṇḍoti sahassabhūmiko, ‘‘sahassakhaṇḍo’’ tipi pāṭho, so eva attho. Satageṇḍūti anekasataniyūhako. Dhajālūti tattha tattha niyūhasikharādīsu patiṭṭhapitehi sattidhajavīraṅgadhajādīhi dhajehi sampanno. Haritāmayoti cāmīkarasuvaṇṇamayo. Keci pana haritāmayoti ‘‘haritamaṇiparikkhaṭo’’ti vadanti. Gandhabbāti naṭā. Chasahassāni sattadhāti chamattāni gandhabbasahassāni sattadhā tassa pāsādassa sattasu ṭhānesu rañño abhiramāpanatthaṃ nacciṃsūti attho. Te evaṃ naccantāpi kira rājānaṃ hāsetuṃ nāsakkhiṃsu. Atha sakko devarājā devanaṭaṃ pesetvā samajjaṃ kāresi, tadā rājā hasīti.
годиг̇аамо наама маабид̇о. вад̇т̇ууд̇и бхад̣̇д̣̇аж̇ид̇т̇зрасса вад̇т̇у. д̇ам̣ т̇зраг̇аат̇ааван̣н̣анааяам̣ (т̇зраг̇аа. адта. бхад̣̇д̣̇аж̇ид̇т̇зраг̇аат̇ааван̣н̣анааяа) вид̇т̇аарад̇о ааг̇ад̇амзва. ид̇арассаад̇и нал̣агаарад̣̇звабуд̇д̇асса. аанубхааваад̇и бун̃н̃аанубхааванимид̇д̇ам̣.
Koṭigāmo nāma māpito. Vatthūti bhaddajittherassa vatthu. Taṃ theragāthāvaṇṇanāyaṃ (theragā. aṭṭha. bhaddajittheragāthāvaṇṇanāya) vitthārato āgatameva. Itarassāti naḷakāradevaputtassa. Ānubhāvāti puññānubhāvanimittaṃ.
д̣̇аанавасзна д̣̇ад̇ваад̇и д̇ам̣ баасаад̣̇ам̣ ад̇д̇ано бариг̇г̇ахабхаававияож̇анзна д̣̇аанамукз нияож̇зд̇ваа. виссаж̇ж̇зд̇ваад̇и жид̇д̇знзва барижжаж̇анавасзна д̣̇ад̇ваа буна д̣̇агкин̣зяяаанам̣ санд̇агабхаавагаран̣зна нирабзгкабарижжааг̇авасзна виссаж̇ж̇зд̇ваа. зд̇д̇агзнаад̇и ‘‘бхууд̇абуб̣б̣ам̣ бхигкавз’’д̇и аад̣̇им̣ гад̇ваа яаава ‘‘баб̣б̣аж̇иссад̇ий’’д̇и бад̣̇ам̣ зд̇д̇агзна д̣̇зсанаамаг̇г̇зна.
Dānavasena datvāti taṃ pāsādaṃ attano pariggahabhāvaviyojanena dānamukhe niyojetvā. Vissajjetvāti citteneva pariccajanavasena datvā puna dakkhiṇeyyānaṃ santakabhāvakaraṇena nirapekkhapariccāgavasena vissajjetvā. Ettakenāti ‘‘bhūtapubbaṃ bhikkhave’’ti ādiṃ katvā yāva ‘‘pabbajissatī’’ti padaṃ ettakena desanāmaggena.
бхигкуно ааяуван̣н̣аад̣̇ивад̣дханагат̇ааван̣н̣анаа
Bhikkhuno āyuvaṇṇādivaḍḍhanakathāvaṇṇanā
110. ид̣̇ам̣ бхигкуно ааяусминд̇и ааяусмим̣ саад̇хзд̇аб̣б̣з ид̣̇ам̣ бхигкуно ижчид̇аб̣б̣ам̣ жираж̇ийвид̇ааяа хзд̇убхаавад̇од̇и. д̇знааха ‘‘ид̣̇ам̣ ааяугааран̣а’’нд̇и.
110.Idaṃbhikkhuno āyusminti āyusmiṃ sādhetabbe idaṃ bhikkhuno icchitabbaṃ cirajīvitāya hetubhāvatoti. Tenāha ‘‘idaṃ āyukāraṇa’’nti.
самбаннасийласса авиббадисаарабаамож̇ж̇абийд̇ибассад̣̇д̇хисукасамаад̇хияат̇аабхууд̇ан̃аан̣аад̣̇исамбхавад̇о д̇ам̣самудтаанабан̣ийд̇аруубзхи гааяасса пудад̇д̇аа сарийрз ван̣н̣ад̇хаад̇у виббасаннаа ход̇и, галяаан̣о жа гид̇д̇исад̣̇д̣̇о аб̣бхуг̇г̇ажчад̇ийд̇и ааха ‘‘сийлавад̇о хий’’д̇иаад̣̇и.
Sampannasīlassa avippaṭisārapāmojjapītipassaddhisukhasamādhiyathābhūtañāṇādisambhavato taṃsamuṭṭhānapaṇītarūpehi kāyassa phuṭattā sarīre vaṇṇadhātu vippasannā hoti, kalyāṇo ca kittisaddo abbhuggacchatīti āha ‘‘sīlavato hī’’tiādi.
вивзгаж̇ам̣ бийд̇исукаад̣̇ийд̇и аад̣̇и-сад̣̇д̣̇зна самаад̇хиж̇ам̣ бийд̇исукам̣, абийд̇иж̇ам̣ гааяасукам̣, сад̇ибаарисуд̣̇д̇хиж̇ам̣ убзгкаасукан̃жа сан̇г̇ан̣хаад̇и.
Vivekajaṃ pītisukhādīti ādi-saddena samādhijaṃ pītisukhaṃ, apītijaṃ kāyasukhaṃ, satipārisuddhijaṃ upekkhāsukhañca saṅgaṇhāti.
аббадиггуулад̇ааваход̇и аббамаан̣аанам̣ сад̇д̇аанам̣, ад̇д̇ано жа д̇зсу аббадиггуулабхаавад̇о. хид̇уубасам̣хаараад̣̇ивасзна бавад̇д̇ияаа саб̣б̣ад̣̇исаасу паран̣ааббамаан̣авасзна саб̣б̣ад̣̇исаасу вибпааригад̇аа.
Appaṭikkūlatāvahoti appamāṇānaṃ sattānaṃ, attano ca tesu appaṭikkūlabhāvato. Hitūpasaṃhārādivasena pavattiyā sabbadisāsu pharaṇaappamāṇavasena sabbadisāsu vipphārikatā.
‘‘арахад̇д̇апаласан̇каад̇ам̣ б̣ала’’нд̇и вуд̇д̇ам̣ д̇асса агуббад̇хаммад̇ааяа гзнажи анабхибхаванийяабхаавад̇о.
‘‘Arahattaphalasaṅkhātaṃ bala’’nti vuttaṃ tassa akuppadhammatāya kenaci anabhibhavanīyabhāvato.
‘‘логз’’д̇и ид̣̇ам̣ яат̇аа ‘‘згаб̣аламбий’’д̇и иминаа самб̣анд̇хийяад̇и, звам̣ ‘‘д̣̇уббасахам̣ д̣̇урабхисамбхава’’нд̇и имзхиби самб̣анд̇хид̇аб̣б̣ам̣. логабарияаабаннзхзва хи д̇хаммзхи д̇зсам̣ б̣аласса д̣̇уббасахад̇аа, д̣̇урабхисамбхавад̇аа, на логуд̇д̇арзхийд̇и. зд̇т̇зваад̇и зд̇асмим̣ арахад̇д̇апалз зва, д̇ад̣̇ад̇т̇анд̇и ад̇т̇о.
‘‘Loke’’ti idaṃ yathā ‘‘ekabalampī’’ti iminā sambandhīyati, evaṃ ‘‘duppasahaṃ durabhisambhava’’nti imehipi sambandhitabbaṃ. Lokapariyāpanneheva hi dhammehi tesaṃ balassa duppasahatā, durabhisambhavatā, na lokuttarehīti. Etthevāti etasmiṃ arahattaphale eva, tadatthanti attho.
логуд̇д̇арабун̃н̃амбийд̇и логуд̇д̇арабун̃н̃амби бун̃н̃апаламби. яаава аасавагкаяаа бавад̣дхад̇и виваддаг̇аамигусалад̇хаммаанам̣ самаад̣̇аанахзд̇ууд̇и яож̇анаа. амад̇абаанам̣ бивим̣су хздтимамаг̇г̇апаласамад̇хиг̇амавасзнаад̇и ад̇хиббааяо.
Lokuttarapuññampīti lokuttarapuññampi puññaphalampi. Yāva āsavakkhayā pavaḍḍhati vivaṭṭagāmikusaladhammānaṃ samādānahetūti yojanā. Amatapānaṃ piviṃsu heṭṭhimamaggaphalasamadhigamavasenāti adhippāyo.
жаггавад̇д̇исуд̇д̇аван̣н̣анааяа лийнад̇т̇аббагаасанаа.
Cakkavattisuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 3. жаггавад̇д̇исуд̇д̇ам̣ • 3. Cakkavattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 3. жаггавад̇д̇исуд̇д̇аван̣н̣анаа • 3. Cakkavattisuttavaṇṇanā
