| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౬. కిలేససంయుత్తం
6. Kilesasaṃyuttaṃ
౧. చక్ఖుసుత్తం
1. Cakkhusuttaṃ
౩౨౨. సావత్థినిదానం . ‘‘యో, భిక్ఖవే, చక్ఖుస్మిం ఛన్దరాగో, చిత్తస్సేసో ఉపక్కిలేసో. యో సోతస్మిం ఛన్దరాగో, చిత్తస్సేసో ఉపక్కిలేసో. యో ఘానస్మిం ఛన్దరాగో, చిత్తస్సేసో ఉపక్కిలేసో. యో జివ్హాయ ఛన్దరాగో, చిత్తస్సేసో ఉపక్కిలేసో. యో కాయస్మిం ఛన్దరాగో, చిత్తస్సేసో ఉపక్కిలేసో. యో మనస్మిం ఛన్దరాగో, చిత్తస్సేసో ఉపక్కిలేసో. యతో ఖో, భిక్ఖవే, భిక్ఖునో ఇమేసు ఛసు ఠానేసు చేతసో ఉపక్కిలేసో పహీనో హోతి, నేక్ఖమ్మనిన్నఞ్చస్స చిత్తం హోతి. నేక్ఖమ్మపరిభావితం చిత్తం కమ్మనియం ఖాయతి, అభిఞ్ఞా సచ్ఛికరణీయేసు ధమ్మేసూ’’తి. పఠమం.
322. Sāvatthinidānaṃ . ‘‘Yo, bhikkhave, cakkhusmiṃ chandarāgo, cittasseso upakkileso. Yo sotasmiṃ chandarāgo, cittasseso upakkileso. Yo ghānasmiṃ chandarāgo, cittasseso upakkileso. Yo jivhāya chandarāgo, cittasseso upakkileso. Yo kāyasmiṃ chandarāgo, cittasseso upakkileso. Yo manasmiṃ chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Paṭhamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౬. కిలేససంయుత్తవణ్ణనా • 6. Kilesasaṃyuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. కిలేససంయుత్తవణ్ణనా • 6. Kilesasaṃyuttavaṇṇanā
