| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. ကိလေသသံယုတ္တံ
6. Kilesasaṃyuttaṃ
၁. စက္ခုသုတ္တံ
1. Cakkhusuttaṃ
၃၂၂. သာဝတ္ထိနိဒာနံ ။ ‘‘ယော, ဘိက္ခဝေ, စက္ခုသ္မိံ ဆန္ဒရာဂော, စိတ္တသ္သေသော ဥပက္ကိလေသော။ ယော သောတသ္မိံ ဆန္ဒရာဂော, စိတ္တသ္သေသော ဥပက္ကိလေသော။ ယော ဃာနသ္မိံ ဆန္ဒရာဂော, စိတ္တသ္သေသော ဥပက္ကိလေသော။ ယော ဇိဝ္ဟာယ ဆန္ဒရာဂော, စိတ္တသ္သေသော ဥပက္ကိလေသော။ ယော ကာယသ္မိံ ဆန္ဒရာဂော, စိတ္တသ္သေသော ဥပက္ကိလေသော။ ယော မနသ္မိံ ဆန္ဒရာဂော, စိတ္တသ္သေသော ဥပက္ကိလေသော။ ယတော ခော, ဘိက္ခဝေ, ဘိက္ခုနော ဣမေသု ဆသု ဌာနေသု စေတသော ဥပက္ကိလေသော ပဟီနော ဟောတိ, နေက္ခမ္မနိန္နဉ္စသ္သ စိတ္တံ ဟောတိ။ နေက္ခမ္မပရိဘာဝိတံ စိတ္တံ ကမ္မနိယံ ခာယတိ, အဘိညာ သစ္ဆိကရဏီယေသု ဓမ္မေသူ’’တိ။ ပဌမံ။
322. Sāvatthinidānaṃ . ‘‘Yo, bhikkhave, cakkhusmiṃ chandarāgo, cittasseso upakkileso. Yo sotasmiṃ chandarāgo, cittasseso upakkileso. Yo ghānasmiṃ chandarāgo, cittasseso upakkileso. Yo jivhāya chandarāgo, cittasseso upakkileso. Yo kāyasmiṃ chandarāgo, cittasseso upakkileso. Yo manasmiṃ chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Paṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. ကိလေသသံယုတ္တဝဏ္ဏနာ • 6. Kilesasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. ကိလေသသံယုတ္တဝဏ္ဏနာ • 6. Kilesasaṃyuttavaṇṇanā
