Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೫೦೬. ಚಮ್ಪೇಯ್ಯಜಾತಕಂ (೧೦)
506. Campeyyajātakaṃ (10)
೨೪೦.
240.
ಕಾ ನು ವಿಜ್ಜುರಿವಾಭಾಸಿ, ಓಸಧೀ ವಿಯ ತಾರಕಾ।
Kā nu vijjurivābhāsi, osadhī viya tārakā;
೨೪೧.
241.
ನಮ್ಹಿ ದೇವೀ ನ ಗನ್ಧಬ್ಬೀ, ನ ಮಹಾರಾಜ ಮಾನುಸೀ।
Namhi devī na gandhabbī, na mahārāja mānusī;
ನಾಗಕಞ್ಞಾಸ್ಮಿ ಭದ್ದನ್ತೇ, ಅತ್ಥೇನಮ್ಹಿ ಇಧಾಗತಾ॥
Nāgakaññāsmi bhaddante, atthenamhi idhāgatā.
೨೪೨.
242.
ವಿಬ್ಭನ್ತಚಿತ್ತಾ ಕುಪಿತಿನ್ದ್ರಿಯಾಸಿ, ನೇತ್ತೇಹಿ ತೇ ವಾರಿಗಣಾ ಸವನ್ತಿ।
Vibbhantacittā kupitindriyāsi, nettehi te vārigaṇā savanti;
ಕಿಂ ತೇ ನಟ್ಠಂ ಕಿಂ ಪನ ಪತ್ಥಯಾನಾ, ಇಧಾಗತಾ ನಾರಿ ತದಿಙ್ಘ ಬ್ರೂಹಿ॥
Kiṃ te naṭṭhaṃ kiṃ pana patthayānā, idhāgatā nāri tadiṅgha brūhi.
೨೪೩.
243.
ಯಮುಗ್ಗತೇಜೋ ಉರಗೋತಿ ಚಾಹು, ನಾಗೋತಿ ನಂ ಆಹು ಜನಾ ಜನಿನ್ದ।
Yamuggatejo uragoti cāhu, nāgoti naṃ āhu janā janinda;
ತಮಗ್ಗಹೀ ಪುರಿಸೋ ಜೀವಿಕತ್ಥೋ, ತಂ ಬನ್ಧನಾ ಮುಞ್ಚ ಪತೀ ಮಮೇಸೋ॥
Tamaggahī puriso jīvikattho, taṃ bandhanā muñca patī mameso.
೨೪೪.
244.
ಕಥಂ ನ್ವಯಂ ಬಲವಿರಿಯೂಪಪನ್ನೋ, ಹತ್ಥತ್ತ 3 ಮಾಗಚ್ಛಿ ವನಿಬ್ಬಕಸ್ಸ।
Kathaṃ nvayaṃ balaviriyūpapanno, hatthatta 4 māgacchi vanibbakassa;
ಅಕ್ಖಾಹಿ ಮೇ ನಾಗಕಞ್ಞೇ ತಮತ್ಥಂ, ಕಥಂ ವಿಜಾನೇಮು ಗಹೀತನಾಗಂ॥
Akkhāhi me nāgakaññe tamatthaṃ, kathaṃ vijānemu gahītanāgaṃ.
೨೪೫.
245.
ನಗರಮ್ಪಿ ನಾಗೋ ಭಸ್ಮಂ ಕರೇಯ್ಯ, ತಥಾ ಹಿ ಸೋ ಬಲವಿರಿಯೂಪಪನ್ನೋ।
Nagarampi nāgo bhasmaṃ kareyya, tathā hi so balaviriyūpapanno;
ಧಮ್ಮಞ್ಚ ನಾಗೋ ಅಪಚಾಯಮಾನೋ, ತಸ್ಮಾ ಪರಕ್ಕಮ್ಮ ತಪೋ ಕರೋತಿ॥
Dhammañca nāgo apacāyamāno, tasmā parakkamma tapo karoti.
೨೪೬.
246.
ಚಾತುದ್ದಸಿಂ ಪಞ್ಚದಸಿಂ 5 ಚ ರಾಜ, ಚತುಪ್ಪಥೇ ಸಮ್ಮತಿ ನಾಗರಾಜಾ।
Cātuddasiṃ pañcadasiṃ 6 ca rāja, catuppathe sammati nāgarājā;
ತಮಗ್ಗಹೀ ಪುರಿಸೋ ಜೀವಿಕತ್ಥೋ, ತಂ ಬನ್ಧನಾ ಮುಞ್ಚ ಪತೀ ಮಮೇಸೋ॥
Tamaggahī puriso jīvikattho, taṃ bandhanā muñca patī mameso.
೨೪೭.
247.
ಸೋಳಸಿತ್ಥಿಸಹಸ್ಸಾನಿ, ಆಮುತ್ತಮಣಿಕುಣ್ಡಲಾ।
Soḷasitthisahassāni, āmuttamaṇikuṇḍalā;
೨೪೮.
248.
ಧಮ್ಮೇನ ಮೋಚೇಹಿ ಅಸಾಹಸೇನ, ಗಾಮೇನ ನಿಕ್ಖೇನ ಗವಂ ಸತೇನ।
Dhammena mocehi asāhasena, gāmena nikkhena gavaṃ satena;
ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ॥
Ossaṭṭhakāyo urago carātu, puññatthiko muñcatu bandhanasmā.
೨೪೯.
249.
ಧಮ್ಮೇನ ಮೋಚೇಮಿ ಅಸಾಹಸೇನ, ಗಾಮೇನ ನಿಕ್ಖೇನ ಗವಂ ಸತೇನ।
Dhammena mocemi asāhasena, gāmena nikkhena gavaṃ satena;
ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ॥
Ossaṭṭhakāyo urago carātu, puññatthiko muñcatu bandhanasmā.
೨೫೦.
250.
ದಮ್ಮಿ ನಿಕ್ಖಸತಂ ಲುದ್ದ, ಥೂಲಞ್ಚ ಮಣಿಕುಣ್ಡಲಂ।
Dammi nikkhasataṃ ludda, thūlañca maṇikuṇḍalaṃ;
ಚತುಸ್ಸದಞ್ಚ ಪಲ್ಲಙ್ಕಂ, ಉಮಾಪುಪ್ಫಸರಿನ್ನಿಭಂ॥
Catussadañca pallaṅkaṃ, umāpupphasarinnibhaṃ.
೨೫೧.
251.
ದ್ವೇ ಚ ಸಾದಿಸಿಯೋ ಭರಿಯಾ, ಉಸಭಞ್ಚ ಗವಂ ಸತಂ।
Dve ca sādisiyo bhariyā, usabhañca gavaṃ sataṃ;
ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ॥
Ossaṭṭhakāyo urago carātu, puññatthiko muñcatu bandhanasmā.
೨೫೨.
252.
ವಿನಾಪಿ ದಾನಾ ತವ ವಚನಂ ಜನಿನ್ದ, ಮುಞ್ಚೇಮು ನಂ ಉರಗಂ ಬನ್ಧನಸ್ಮಾ।
Vināpi dānā tava vacanaṃ janinda, muñcemu naṃ uragaṃ bandhanasmā;
ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ॥
Ossaṭṭhakāyo urago carātu, puññatthiko muñcatu bandhanasmā.
೨೫೩.
253.
ಮುತ್ತೋ ಚಮ್ಪೇಯ್ಯಕೋ ನಾಗೋ, ರಾಜಾನಂ ಏತದಬ್ರವಿ।
Mutto campeyyako nāgo, rājānaṃ etadabravi;
ನಮೋ ತೇ ಕಾಸಿರಾಜತ್ಥು, ನಮೋ ತೇ ಕಾಸಿವಡ್ಢನ।
Namo te kāsirājatthu, namo te kāsivaḍḍhana;
ಅಞ್ಜಲಿಂ ತೇ ಪಗ್ಗಣ್ಹಾಮಿ, ಪಸ್ಸೇಯ್ಯಂ ಮೇ ನಿವೇಸನಂ॥
Añjaliṃ te paggaṇhāmi, passeyyaṃ me nivesanaṃ.
೨೫೪.
254.
ಅದ್ಧಾ ಹಿ ದುಬ್ಬಿಸ್ಸಸಮೇತಮಾಹು, ಯಂ ಮಾನುಸೋ ವಿಸ್ಸಸೇ ಅಮಾನುಸಮ್ಹಿ।
Addhā hi dubbissasametamāhu, yaṃ mānuso vissase amānusamhi;
ಸಚೇ ಚ ಮಂ ಯಾಚಸಿ ಏತಮತ್ಥಂ, ದಕ್ಖೇಮು ತೇ ನಾಗ ನಿವೇಸನಾನಿ॥
Sace ca maṃ yācasi etamatthaṃ, dakkhemu te nāga nivesanāni.
೨೫೫.
255.
ಸಚೇಪಿ 9 ವಾತೋ ಗಿರಿಮಾವಹೇಯ್ಯ, ಚನ್ದೋ ಚ ಸುರಿಯೋ ಚ ಛಮಾ ಪತೇಯ್ಯುಂ।
Sacepi 10 vāto girimāvaheyya, cando ca suriyo ca chamā pateyyuṃ;
ಸಬ್ಬಾ ಚ ನಜ್ಜೋ ಪಟಿಸೋತಂ ವಜೇಯ್ಯುಂ, ನ ತ್ವೇವಹಂ ರಾಜ ಮುಸಾ ಭಣೇಯ್ಯಂ॥
Sabbā ca najjo paṭisotaṃ vajeyyuṃ, na tvevahaṃ rāja musā bhaṇeyyaṃ.
೨೫೬.
256.
ನಭಂ ಫಲೇಯ್ಯ ಉದಧೀಪಿ ಸುಸ್ಸೇ, ಸಂವಟ್ಟಯೇ 11 ಭೂತಧರಾ ವಸುನ್ಧರಾ।
Nabhaṃ phaleyya udadhīpi susse, saṃvaṭṭaye 12 bhūtadharā vasundharā;
ಸಿಲುಚ್ಚಯೋ ಮೇರು ಸಮೂಲಮುಪ್ಪತೇ 13, ನ ತ್ವೇವಹಂ ರಾಜ ಮುಸಾ ಭಣೇಯ್ಯಂ॥
Siluccayo meru samūlamuppate 14, na tvevahaṃ rāja musā bhaṇeyyaṃ.
೨೫೭.
257.
ಅದ್ಧಾ ಹಿ ದುಬ್ಬಿಸ್ಸಸಮೇತಮಾಹು, ಯಂ ಮಾನುಸೋ ವಿಸ್ಸಸೇ ಅಮಾನುಸಮ್ಹಿ।
Addhā hi dubbissasametamāhu, yaṃ mānuso vissase amānusamhi;
ಸಚೇ ಚ ಮಂ ಯಾಚಸಿ ಏತಮತ್ಥಂ, ದಕ್ಖೇಮು ತೇ ನಾಗ ನಿವೇಸನಾನಿ॥
Sace ca maṃ yācasi etamatthaṃ, dakkhemu te nāga nivesanāni.
೨೫೮.
258.
ತುಮ್ಹೇ ಖೋತ್ಥ ಘೋರವಿಸಾ ಉಳಾರಾ, ಮಹಾತೇಜಾ ಖಿಪ್ಪಕೋಪೀ ಚ ಹೋಥ।
Tumhe khottha ghoravisā uḷārā, mahātejā khippakopī ca hotha;
೨೫೯.
259.
ಸೋ ಪಚ್ಚತಂ ನಿರಯೇ ಘೋರರೂಪೇ, ಮಾ ಕಾಯಿಕಂ ಸಾತಮಲತ್ಥ ಕಿಞ್ಚಿ।
So paccataṃ niraye ghorarūpe, mā kāyikaṃ sātamalattha kiñci;
ಪೇಳಾಯ ಬದ್ಧೋ ಮರಣಂ ಉಪೇತು, ಯೋ ತಾದಿಸಂ ಕಮ್ಮಕತಂ ನ ಜಾನೇ॥
Peḷāya baddho maraṇaṃ upetu, yo tādisaṃ kammakataṃ na jāne.
೨೬೦.
260.
ಸಚ್ಚಪ್ಪಟಿಞ್ಞಾ ತವಮೇಸ ಹೋತು, ಅಕ್ಕೋಧನೋ ಹೋಹಿ ಅನುಪನಾಹೀ।
Saccappaṭiññā tavamesa hotu, akkodhano hohi anupanāhī;
ಸಬ್ಬಞ್ಚ ತೇ ನಾಗಕುಲಂ ಸುಪಣ್ಣಾ, ಅಗ್ಗಿಂವ ಗಿಮ್ಹೇಸು 19 ವಿವಜ್ಜಯನ್ತು॥
Sabbañca te nāgakulaṃ supaṇṇā, aggiṃva gimhesu 20 vivajjayantu.
೨೬೧.
261.
ಅನುಕಮ್ಪಸೀ ನಾಗಕುಲಂ ಜನಿನ್ದ, ಮಾತಾ ಯಥಾ ಸುಪ್ಪಿಯಂ ಏಕಪುತ್ತಂ।
Anukampasī nāgakulaṃ janinda, mātā yathā suppiyaṃ ekaputtaṃ;
ಅಹಞ್ಚ ತೇ ನಾಗಕುಲೇನ ಸದ್ಧಿಂ, ಕಾಹಾಮಿ ವೇಯ್ಯಾವಟಿಕಂ ಉಳಾರಂ॥
Ahañca te nāgakulena saddhiṃ, kāhāmi veyyāvaṭikaṃ uḷāraṃ.
೨೬೨.
262.
ಯೋಜೇನ್ತು ವೇ ರಾಜರಥೇ ಸುಚಿತ್ತೇ, ಕಮ್ಬೋಜಕೇ ಅಸ್ಸತರೇ ಸುದನ್ತೇ।
Yojentu ve rājarathe sucitte, kambojake assatare sudante;
ನಾಗೇ ಚ ಯೋಜೇನ್ತು ಸುವಣ್ಣಕಪ್ಪನೇ, ದಕ್ಖೇಮು ನಾಗಸ್ಸ ನಿವೇಸನಾನಿ॥
Nāge ca yojentu suvaṇṇakappane, dakkhemu nāgassa nivesanāni.
೨೬೩.
263.
ಭೇರೀ ಮುದಿಙ್ಗಾ 21 ಪಣವಾ ಚ ಸಙ್ಖಾ, ಅವಜ್ಜಯಿಂಸು ಉಗ್ಗಸೇನಸ್ಸ ರಞ್ಞೋ।
Bherī mudiṅgā 22 paṇavā ca saṅkhā, avajjayiṃsu uggasenassa rañño;
ಪಾಯಾಸಿ ರಾಜಾ ಬಹುಸೋಭಮಾನೋ, ಪುರಕ್ಖತೋ ನಾರಿಗಣಸ್ಸ ಮಜ್ಝೇ॥
Pāyāsi rājā bahusobhamāno, purakkhato nārigaṇassa majjhe.
೨೬೪.
264.
ಸುವಣ್ಣಚಿತಕಂ ಭೂಮಿಂ, ಅದ್ದಕ್ಖಿ ಕಾಸಿವಡ್ಢನೋ।
Suvaṇṇacitakaṃ bhūmiṃ, addakkhi kāsivaḍḍhano;
ಸೋವಣ್ಣಮಯಪಾಸಾದೇ, ವೇಳುರಿಯಫಲಕತ್ಥತೇ॥
Sovaṇṇamayapāsāde, veḷuriyaphalakatthate.
೨೬೫.
265.
ಸ ರಾಜಾ ಪಾವಿಸಿ ಬ್ಯಮ್ಹಂ, ಚಮ್ಪೇಯ್ಯಸ್ಸ ನಿವೇಸನಂ।
Sa rājā pāvisi byamhaṃ, campeyyassa nivesanaṃ;
ಆದಿಚ್ಚವಣ್ಣಸನ್ನಿಭಂ, ಕಂಸವಿಜ್ಜು ಪಭಸ್ಸರಂ॥
Ādiccavaṇṇasannibhaṃ, kaṃsavijju pabhassaraṃ.
೨೬೬.
266.
ನಾನಾರುಕ್ಖೇಹಿ ಸಞ್ಛನ್ನಂ, ನಾನಾಗನ್ಧಸಮೀರಿತಂ।
Nānārukkhehi sañchannaṃ, nānāgandhasamīritaṃ;
ಸೋ ಪಾವೇಕ್ಖಿ ಕಾಸಿರಾಜಾ, ಚಮ್ಪೇಯ್ಯಸ್ಸ ನಿವೇಸನಂ॥
So pāvekkhi kāsirājā, campeyyassa nivesanaṃ.
೨೬೭.
267.
ಪವಿಟ್ಠಸ್ಮಿಂ ಕಾಸಿರಞ್ಞೇ, ಚಮ್ಪೇಯ್ಯಸ್ಸ ನಿವೇಸನಂ।
Paviṭṭhasmiṃ kāsiraññe, campeyyassa nivesanaṃ;
೨೬೮.
268.
ತಂ ನಾಗಕಞ್ಞಾ ಚರಿತಂ ಗಣೇನ, ಅನ್ವಾರುಹೀ ಕಾಸಿರಾಜಾ ಪಸನ್ನೋ।
Taṃ nāgakaññā caritaṃ gaṇena, anvāruhī kāsirājā pasanno;
ನಿಸೀದಿ ಸೋವಣ್ಣಮಯಮ್ಹಿ ಪೀಠೇ, ಸಾಪಸ್ಸಯೇ 25 ಚನ್ದನಸಾರಲಿತ್ತೇ॥
Nisīdi sovaṇṇamayamhi pīṭhe, sāpassaye 26 candanasāralitte.
೨೬೯.
269.
ಸೋ ತತ್ಥ ಭುತ್ವಾ ಚ ಅಥೋ ರಮಿತ್ವಾ, ಚಮ್ಪೇಯ್ಯಕಂ ಕಾಸಿರಾಜಾ ಅವೋಚ।
So tattha bhutvā ca atho ramitvā, campeyyakaṃ kāsirājā avoca;
ವಿಮಾನಸೇಟ್ಠಾನಿ ಇಮಾನಿ ತುಯ್ಹಂ, ಆದಿಚ್ಚವಣ್ಣಾನಿ ಪಭಸ್ಸರಾನಿ।
Vimānaseṭṭhāni imāni tuyhaṃ, ādiccavaṇṇāni pabhassarāni;
ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ 27 ನಾಗ ತಪೋ ಕರೋಸಿ॥
Netādisaṃ atthi manussaloke, kiṃ patthayaṃ 28 nāga tapo karosi.
೨೭೦.
270.
ತಾ ಕಮ್ಬುಕಾಯೂರಧರಾ ಸುವತ್ಥಾ, ವಟ್ಟಙ್ಗುಲೀ ತಮ್ಬತಲೂಪಪನ್ನಾ।
Tā kambukāyūradharā suvatthā, vaṭṭaṅgulī tambatalūpapannā;
ಪಗ್ಗಯ್ಹ ಪಾಯೇನ್ತಿ ಅನೋಮವಣ್ಣಾ, ನೇತಾದಿಸಂ ಅತ್ಥಿ ಮನುಸ್ಸಲೋಕೇ।
Paggayha pāyenti anomavaṇṇā, netādisaṃ atthi manussaloke;
ಕಿಂ ಪತ್ಥಯಂ ನಾಗ ತಪೋ ಕರೋಸಿ॥
Kiṃ patthayaṃ nāga tapo karosi.
೨೭೧.
271.
ನಜ್ಜೋ ಚ ತೇಮಾ ಪುಥುಲೋಮಮಚ್ಛಾ, ಆಟಾ 29 ಸಕುನ್ತಾಭಿರುದಾ ಸುತಿತ್ಥಾ।
Najjo ca temā puthulomamacchā, āṭā 30 sakuntābhirudā sutitthā;
ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ॥
Netādisaṃ atthi manussaloke, kiṃ patthayaṃ nāga tapo karosi.
೨೭೨.
272.
ಕೋಞ್ಚಾ ಮಯೂರಾ ದಿವಿಯಾ ಚ ಹಂಸಾ, ವಗ್ಗುಸ್ಸರಾ ಕೋಕಿಲಾ ಸಮ್ಪತನ್ತಿ।
Koñcā mayūrā diviyā ca haṃsā, vaggussarā kokilā sampatanti;
ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ॥
Netādisaṃ atthi manussaloke, kiṃ patthayaṃ nāga tapo karosi.
೨೭೩.
273.
ಅಮ್ಬಾ ಚ ಸಾಲಾ ತಿಲಕಾ ಚ ಜಮ್ಬುಯೋ, ಉದ್ದಾಲಕಾ ಪಾಟಲಿಯೋ ಚ ಫುಲ್ಲಾ।
Ambā ca sālā tilakā ca jambuyo, uddālakā pāṭaliyo ca phullā;
ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ॥
Netādisaṃ atthi manussaloke, kiṃ patthayaṃ nāga tapo karosi.
೨೭೪.
274.
ಇಮಾ ಚ ತೇ ಪೋಕ್ಖರಞ್ಞೋ ಸಮನ್ತತೋ, ದಿಬ್ಬಾ 31 ಚ ಗನ್ಧಾ ಸತತಂ ಪವಾಯನ್ತಿ।
Imā ca te pokkharañño samantato, dibbā 32 ca gandhā satataṃ pavāyanti;
ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ॥
Netādisaṃ atthi manussaloke, kiṃ patthayaṃ nāga tapo karosi.
೨೭೫.
275.
ನ ಪುತ್ತಹೇತು ನ ಧನಸ್ಸ ಹೇತು, ನ ಆಯುನೋ ಚಾಪಿ 33 ಜನಿನ್ದ ಹೇತು।
Na puttahetu na dhanassa hetu, na āyuno cāpi 34 janinda hetu;
ಮನುಸ್ಸಯೋನಿಂ ಅಭಿಪತ್ಥಯಾನೋ, ತಸ್ಮಾ ಪರಕ್ಕಮ್ಮ ತಪೋ ಕರೋಮಿ॥
Manussayoniṃ abhipatthayāno, tasmā parakkamma tapo karomi.
೨೭೬.
276.
ತ್ವಂ ಲೋಹಿತಕ್ಖೋ ವಿಹತನ್ತರಂಸೋ, ಅಲಙ್ಕತೋ ಕಪ್ಪಿತಕೇಸಮಸ್ಸು।
Tvaṃ lohitakkho vihatantaraṃso, alaṅkato kappitakesamassu;
ಸುರೋಸಿತೋ ಲೋಹಿತಚನ್ದನೇನ, ಗನ್ಧಬ್ಬರಾಜಾವ ದಿಸಾ ಪಭಾಸಸಿ॥
Surosito lohitacandanena, gandhabbarājāva disā pabhāsasi.
೨೭೭.
277.
ದೇವಿದ್ಧಿಪತ್ತೋಸಿ ಮಹಾನುಭಾವೋ, ಸಬ್ಬೇಹಿ ಕಾಮೇಹಿ ಸಮಙ್ಗಿಭೂತೋ।
Deviddhipattosi mahānubhāvo, sabbehi kāmehi samaṅgibhūto;
ಪುಚ್ಛಾಮಿ ತಂ ನಾಗರಾಜೇತಮತ್ಥಂ, ಸೇಯ್ಯೋ ಇತೋ ಕೇನ ಮನುಸ್ಸಲೋಕೋ॥
Pucchāmi taṃ nāgarājetamatthaṃ, seyyo ito kena manussaloko.
೨೭೮.
278.
ಜನಿನ್ದ ನಾಞ್ಞತ್ರ ಮನುಸ್ಸಲೋಕಾ, ಸುದ್ಧೀ ವ ಸಂವಿಜ್ಜತಿ ಸಂಯಮೋ ವಾ।
Janinda nāññatra manussalokā, suddhī va saṃvijjati saṃyamo vā;
ಅಹಞ್ಚ ಲದ್ಧಾನ ಮನುಸ್ಸಯೋನಿಂ, ಕಾಹಾಮಿ ಜಾತಿಮರಣಸ್ಸ ಅನ್ತಂ॥
Ahañca laddhāna manussayoniṃ, kāhāmi jātimaraṇassa antaṃ.
೨೭೯.
279.
ಅದ್ಧಾ ಹವೇ ಸೇವಿತಬ್ಬಾ ಸಪಞ್ಞಾ, ಬಹುಸ್ಸುತಾ ಯೇ ಬಹುಠಾನಚಿನ್ತಿನೋ।
Addhā have sevitabbā sapaññā, bahussutā ye bahuṭhānacintino;
ನಾರಿಯೋ ಚ ದಿಸ್ವಾನ ತುವಞ್ಚ ನಾಗ, ಕಾಹಾಮಿ ಪುಞ್ಞಾನಿ ಅನಪ್ಪಕಾನಿ॥
Nāriyo ca disvāna tuvañca nāga, kāhāmi puññāni anappakāni.
೨೮೦.
280.
ಅದ್ಧಾ ಹವೇ ಸೇವಿತಬ್ಬಾ ಸಪಞ್ಞಾ, ಬಹುಸ್ಸುತಾ ಯೇ ಬಹುಠಾನಚಿನ್ತಿನೋ।
Addhā have sevitabbā sapaññā, bahussutā ye bahuṭhānacintino;
ನಾರಿಯೋ ಚ ದಿಸ್ವಾನ ಮಮಞ್ಚ ರಾಜ, ಕರೋಹಿ ಪುಞ್ಞಾನಿ ಅನಪ್ಪಕಾನಿ॥
Nāriyo ca disvāna mamañca rāja, karohi puññāni anappakāni.
೨೮೧.
281.
ಇದಞ್ಚ ಮೇ ಜಾತರೂಪಂ ಪಹೂತಂ, ರಾಸೀ ಸುವಣ್ಣಸ್ಸ ಚ ತಾಲಮತ್ತಾ।
Idañca me jātarūpaṃ pahūtaṃ, rāsī suvaṇṇassa ca tālamattā;
೨೮೨.
282.
ಮುತ್ತಾ ಚ 39 ವಾಹಸಹಸ್ಸಾನಿ ಪಞ್ಚ, ವೇಳುರಿಯಮಿಸ್ಸಾನಿ ಇತೋ ಹರಿತ್ವಾ।
Muttā ca 40 vāhasahassāni pañca, veḷuriyamissāni ito haritvā;
ಅನ್ತೇಪುರೇ ಭೂಮಿಯಂ ಸನ್ಥರನ್ತು, ನಿಕ್ಕದ್ದಮಾ ಹೇಹಿತಿ ನೀರಜಾ ಚ॥
Antepure bhūmiyaṃ santharantu, nikkaddamā hehiti nīrajā ca.
೨೮೩.
283.
ಏತಾದಿಸಂ ಆವಸ ರಾಜಸೇಟ್ಠ, ವಿಮಾನಸೇಟ್ಠಂ ಬಹು ಸೋಭಮಾನಂ।
Etādisaṃ āvasa rājaseṭṭha, vimānaseṭṭhaṃ bahu sobhamānaṃ;
ಬಾರಾಣಸಿಂ ನಗರಂ ಇದ್ಧಂ ಫೀತಂ, ರಜ್ಜಞ್ಚ ಕಾರೇಹಿ ಅನೋಮಪಞ್ಞಾತಿ॥
Bārāṇasiṃ nagaraṃ iddhaṃ phītaṃ, rajjañca kārehi anomapaññāti.
ಚಮ್ಪೇಯ್ಯಜಾತಕಂ ದಸಮಂ।
Campeyyajātakaṃ dasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೫೦೬] ೧೦. ಚಮ್ಪೇಯ್ಯಜಾತಕವಣ್ಣನಾ • [506] 10. Campeyyajātakavaṇṇanā