| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. चङ्कमनदायकत्थेरअपदानं
8. Caṅkamanadāyakattheraapadānaṃ
९३.
93.
‘‘अत्थदस्सिस्स मुनिनो, लोकजेट्ठस्स तादिनो।
‘‘Atthadassissa munino, lokajeṭṭhassa tādino;
इट्ठकाहि चिनित्वान, चङ्कमं कारयिं अहं॥
Iṭṭhakāhi cinitvāna, caṅkamaṃ kārayiṃ ahaṃ.
९४.
94.
‘‘उच्चतो पञ्चरतनं, चङ्कमं साधुमापितं।
‘‘Uccato pañcaratanaṃ, caṅkamaṃ sādhumāpitaṃ;
आयामतो हत्थसतं, भावनीय्यं मनोरमं॥
Āyāmato hatthasataṃ, bhāvanīyyaṃ manoramaṃ.
९५.
95.
‘‘पटिग्गहेसि भगवा, अत्थदस्सी नरुत्तमो।
‘‘Paṭiggahesi bhagavā, atthadassī naruttamo;
हत्थेन पुलिनं गय्ह, इमा गाथा अभासथ॥
Hatthena pulinaṃ gayha, imā gāthā abhāsatha.
९६.
96.
‘‘‘इमिना पुलिनदानेन, चङ्कमं सुकतेन च।
‘‘‘Iminā pulinadānena, caṅkamaṃ sukatena ca;
सत्तरतनसम्पन्नं, पुलिनं अनुभोस्सति॥
Sattaratanasampannaṃ, pulinaṃ anubhossati.
९७.
97.
‘‘‘तीणि कप्पानि देवेसु, देवरज्जं करिस्सति।
‘‘‘Tīṇi kappāni devesu, devarajjaṃ karissati;
अनुभोस्सति सम्पत्तिं, अच्छराहि पुरक्खतो॥
Anubhossati sampattiṃ, accharāhi purakkhato.
९८.
98.
‘‘‘मनुस्सलोकमागन्त्वा , राजा रट्ठे भविस्सति।
‘‘‘Manussalokamāgantvā , rājā raṭṭhe bhavissati;
तिक्खत्तुं चक्कवत्ती च, महिया सो भविस्सति’॥
Tikkhattuṃ cakkavattī ca, mahiyā so bhavissati’.
९९.
99.
‘‘अट्ठारसे कप्पसते, यं कम्ममकरिं तदा।
‘‘Aṭṭhārase kappasate, yaṃ kammamakariṃ tadā;
दुग्गतिं नाभिजानामि, चङ्कमस्स इदं फलं॥
Duggatiṃ nābhijānāmi, caṅkamassa idaṃ phalaṃ.
१००.
100.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा चङ्कमनदायको थेरो इमा गाथायो अभासित्थाति।
Itthaṃ sudaṃ āyasmā caṅkamanadāyako thero imā gāthāyo abhāsitthāti.
चङ्कमनदायकत्थेरस्सापदानं अट्ठमं।
Caṅkamanadāyakattherassāpadānaṃ aṭṭhamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. चङ्कमनदायकत्थेरअपदानवण्णना • 8. Caṅkamanadāyakattheraapadānavaṇṇanā
