| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౮. చాపఙ్గపఞ్హో
8. Cāpaṅgapañho
౮. ‘‘భన్తే నాగసేన, ‘చాపస్స ఏకం అఙ్గం గహేతబ్బ’న్తి యం వదేసి, కతమం తం ఏకం అఙ్గం గహేతబ్బ’’న్తి? ‘‘యథా, మహారాజ, చాపో సుతచ్ఛితో నమితో 1 యావగ్గమూలం సమకమేవ అనునమతి నప్పటిత్థమ్భతి, ఏవమేవ ఖో, మహారాజ, యోగినా యోగావచరేన థేరనవమజ్ఝిమసమకేసు అనునమితబ్బం నప్పటిఫరితబ్బం. ఇదం, మహారాజ, చాపస్స ఏకం అఙ్గం గహేతబ్బం. భాసితమ్పేతం, మహారాజ, భగవతా దేవాతిదేవేన విధుర [పుణ్ణక] జాతకే –
8. ‘‘Bhante nāgasena, ‘cāpassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, cāpo sutacchito namito 2 yāvaggamūlaṃ samakameva anunamati nappaṭitthambhati, evameva kho, mahārāja, yoginā yogāvacarena theranavamajjhimasamakesu anunamitabbaṃ nappaṭipharitabbaṃ. Idaṃ, mahārāja, cāpassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena vidhura [puṇṇaka] jātake –
పటిలోమం న వత్తేయ్య, స రాజవసతిం వసే’’’తి.
Paṭilomaṃ na vatteyya, sa rājavasatiṃ vase’’’ti.
చాపఙ్గపఞ్హో అట్ఠమో.
Cāpaṅgapañho aṭṭhamo.
Footnotes:
