| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౨. చరవగ్గో
2. Caravaggo
౧. చరసుత్తవణ్ణనా
1. Carasuttavaṇṇanā
౧౧. దుతియస్స పఠమే అధివాసేతీతి చిత్తం అధిరోపేత్వా వాసేతి. నప్పజహతీతి న పరిచ్చజతి. న వినోదేతీతి న నీహరతి. న బ్యన్తీకరోతీతి న విగతన్తం పరిచ్ఛిన్నపరివటుమం కరోతి. న అనభావం గమేతీతి న అనుఅభావం అవడ్ఢిం వినాసం గమేతి. చరమ్పీతి చరన్తోపి. అనాతాపీతి నిబ్బీరియో. అనోత్తాపీతి ఉపవాదభయరహితో. సతతన్తి నిచ్చం. సమితన్తి నిరన్తరం. ఏవం సబ్బత్థ అత్థం ఞత్వా సుక్కపక్ఖే వుత్తవిపరియాయేన అత్థో వేదితబ్బో.
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
గాథాసు గేహనిస్సితన్తి కిలేసనిస్సితం. మోహనేయ్యేసూతి మోహజనకేసు ఆరమ్మణేసు. అభబ్బోతి అభాజనభూతో. ఫుట్ఠుం సమ్బోధిముత్తమన్తి అరహత్తమగ్గసఙ్ఖాతం ఉత్తమఞాణం ఫుసితుం.
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧. చరసుత్తం • 1. Carasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧. చరసుత్తవణ్ణనా • 1. Carasuttavaṇṇanā
