| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૨. ચરવગ્ગો
2. Caravaggo
૧. ચરસુત્તવણ્ણના
1. Carasuttavaṇṇanā
૧૧. દુતિયસ્સ પઠમે અધિવાસેતીતિ ચિત્તં અધિરોપેત્વા વાસેતિ. નપ્પજહતીતિ ન પરિચ્ચજતિ. ન વિનોદેતીતિ ન નીહરતિ. ન બ્યન્તીકરોતીતિ ન વિગતન્તં પરિચ્છિન્નપરિવટુમં કરોતિ. ન અનભાવં ગમેતીતિ ન અનુઅભાવં અવડ્ઢિં વિનાસં ગમેતિ. ચરમ્પીતિ ચરન્તોપિ. અનાતાપીતિ નિબ્બીરિયો. અનોત્તાપીતિ ઉપવાદભયરહિતો. સતતન્તિ નિચ્ચં. સમિતન્તિ નિરન્તરં. એવં સબ્બત્થ અત્થં ઞત્વા સુક્કપક્ખે વુત્તવિપરિયાયેન અત્થો વેદિતબ્બો.
11. Dutiyassa paṭhame adhivāsetīti cittaṃ adhiropetvā vāseti. Nappajahatīti na pariccajati. Na vinodetīti na nīharati. Na byantīkarotīti na vigatantaṃ paricchinnaparivaṭumaṃ karoti. Na anabhāvaṃ gametīti na anuabhāvaṃ avaḍḍhiṃ vināsaṃ gameti. Carampīti carantopi. Anātāpīti nibbīriyo. Anottāpīti upavādabhayarahito. Satatanti niccaṃ. Samitanti nirantaraṃ. Evaṃ sabbattha atthaṃ ñatvā sukkapakkhe vuttavipariyāyena attho veditabbo.
ગાથાસુ ગેહનિસ્સિતન્તિ કિલેસનિસ્સિતં. મોહનેય્યેસૂતિ મોહજનકેસુ આરમ્મણેસુ. અભબ્બોતિ અભાજનભૂતો. ફુટ્ઠું સમ્બોધિમુત્તમન્તિ અરહત્તમગ્ગસઙ્ખાતં ઉત્તમઞાણં ફુસિતું.
Gāthāsu gehanissitanti kilesanissitaṃ. Mohaneyyesūti mohajanakesu ārammaṇesu. Abhabboti abhājanabhūto. Phuṭṭhuṃ sambodhimuttamanti arahattamaggasaṅkhātaṃ uttamañāṇaṃ phusituṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. ચરસુત્તં • 1. Carasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧. ચરસુત્તવણ્ણના • 1. Carasuttavaṇṇanā
