| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਚਰવਗ੍ਗੋ
2. Caravaggo
੧. ਚਰਸੁਤ੍ਤવਣ੍ਣਨਾ
1. Carasuttavaṇṇanā
੧੧. ਦੁਤਿਯਸ੍ਸ ਪਠਮੇ ਚਰਤੋਤਿ ਗਚ੍ਛਨ੍ਤਸ੍ਸ, ਚਙ੍ਕਮਨ੍ਤਸ੍ਸ વਾ। ਉਪ੍ਪਜ੍ਜਤਿ ਕਾਮવਿਤਕ੍ਕੋ વਾਤਿ વਤ੍ਥੁਕਾਮੇਸੁ ਅવੀਤਰਾਗਤਾਯ ਤਾਦਿਸੇ ਪਚ੍ਚਯੇ ਕਾਮਪਟਿਸਂਯੁਤ੍ਤੋ વਾ વਿਤਕ੍ਕੋ ਉਪ੍ਪਜ੍ਜਤਿ ਚੇ , ਯਦਿ ਉਪ੍ਪਜ੍ਜਤਿ। ਬ੍ਯਾਪਾਦવਿਤਕ੍ਕੋ વਾ વਿਹਿਂਸਾવਿਤਕ੍ਕੋ વਾਤਿ ਆਘਾਤવਿਨਯੇ વਿਸੇਸੇਨ ਚਿਤ੍ਤਸ੍ਸ ਅਦਮਿਤਤ੍ਤਾ ਆਘਾਤਨਿਮਿਤ੍ਤੇ ਬ੍ਯਾਪਾਦਪਟਿਸਂਯੁਤ੍ਤੋ વਾ વਿਤਕ੍ਕੋ, ਲੇਡ੍ਡੁਦਣ੍ਡਾਦੀਤਿ ਪਰਹਿਂਸਨવਸੇਨ વਿਹਿਂਸਾਪਟਿਸਂਯੁਤ੍ਤੋ વਾ વਿਤਕ੍ਕੋ ਉਪ੍ਪਜ੍ਜਤਿ ਚੇਤਿ ਸਮ੍ਬਨ੍ਧੋ। ਤਂ ਚੇ ਭਿਕ੍ਖੁ ਅਧਿવਾਸੇਤੀਤਿ ਤਂ ਯਥਾવੁਤ੍ਤਂ ਕਾਮવਿਤਕ੍ਕਾਦਿਂ ਯਥਾਪਚ੍ਚਯਂ ਅਤ੍ਤਨੋ ਚਿਤ੍ਤੇ ਉਪ੍ਪਨ੍ਨਂ ‘‘ਇਤਿਪਾਯਂ વਿਤਕ੍ਕੋ ਪਾਪਕੋ, ਇਤਿਪਿ ਅਕੁਸਲੋ, ਇਤਿਪਿ ਸਾવਜ੍ਜੋ, ਸੋ ਚ ਖੋ ਅਤ੍ਤਬ੍ਯਾਬਾਧਾਯ ਸਂવਤ੍ਤਤੀ’’ਤਿਆਦਿਨਾ ਨਯੇਨ ਪਚ੍ਚવੇਕ੍ਖਣਾਯ ਅਭਾવਤੋ ਅਧਿવਾਸੇਤਿ ਅਤ੍ਤਨੋ ਚਿਤ੍ਤਂ ਆਰੋਪੇਤ੍વਾ વਾਸੇਤਿ। ਅਧਿવਾਸੇਨ੍ਤੋਯੇવ ਚ ਨਪ੍ਪਜਹਤਿ ਤਦਙ੍ਗਾਦਿਪ੍ਪਹਾਨવਸੇਨ ਨ ਪਟਿਨਿਸ੍ਸਜ੍ਜਤਿ। ਤਤੋ ਏવ ਚ ਨ વਿਨੋਦੇਤਿ ਅਤ੍ਤਨੋ ਚਿਤ੍ਤਸਨ੍ਤਾਨਤੋ ਨ ਨੁਦਤਿ ਨ ਨੀਹਰਤਿ। ਤਥਾ ਅવਿਨੋਦਨਤੋ ਨ ਬ੍ਯਨ੍ਤੀਕਰੋਤਿ ਨ વਿਗਤਨ੍ਤਂ ਕਰੋਤਿ। ਆਤਾਪੀ ਪਹਿਤਤ੍ਤੋ ਯਥਾ ਤੇਸਂ ਅਨ੍ਤੋਪਿ ਨਾવਸਿਸ੍ਸਤਿ ਅਨ੍ਤਮਸੋ ਭਙ੍ਗਮਤ੍ਤਮ੍ਪਿ, ਏવਂ ਕਰੋਤਿ, ਅਯਂ ਪਨ ਤਥਾ ਨ ਕਰੋਤੀਤਿ ਅਤ੍ਥੋ। ਤਥਾਭੂਤੋ ਪਨ ਨ ਅਨਭਾવਂ ਗਮੇਤਿ ਅਨੁ ਅਨੁ ਅਭਾવਂ ਨ ਗਮੇਤਿ। ਨ ਪਜਹਤਿ ਚੇ, ਨ વਿਨੋਦੇਤਿ ਚੇਤਿ ਇਤਿਆਦਿਨਾ ਚੇ-ਸਦ੍ਦਂ ਯੋਜੇਤ੍વਾ ਅਤ੍ਥੋ વੇਦਿਤਬ੍ਬੋ।
11. Dutiyassa paṭhame caratoti gacchantassa, caṅkamantassa vā. Uppajjati kāmavitakko vāti vatthukāmesu avītarāgatāya tādise paccaye kāmapaṭisaṃyutto vā vitakko uppajjati ce , yadi uppajjati. Byāpādavitakko vā vihiṃsāvitakko vāti āghātavinaye visesena cittassa adamitattā āghātanimitte byāpādapaṭisaṃyutto vā vitakko, leḍḍudaṇḍādīti parahiṃsanavasena vihiṃsāpaṭisaṃyutto vā vitakko uppajjati ceti sambandho. Taṃ ce bhikkhu adhivāsetīti taṃ yathāvuttaṃ kāmavitakkādiṃ yathāpaccayaṃ attano citte uppannaṃ ‘‘itipāyaṃ vitakko pāpako, itipi akusalo, itipi sāvajjo, so ca kho attabyābādhāya saṃvattatī’’tiādinā nayena paccavekkhaṇāya abhāvato adhivāseti attano cittaṃ āropetvā vāseti. Adhivāsentoyeva ca nappajahati tadaṅgādippahānavasena na paṭinissajjati. Tato eva ca na vinodeti attano cittasantānato na nudati na nīharati. Tathā avinodanato na byantīkaroti na vigatantaṃ karoti. Ātāpī pahitatto yathā tesaṃ antopi nāvasissati antamaso bhaṅgamattampi, evaṃ karoti, ayaṃ pana tathā na karotīti attho. Tathābhūto pana na anabhāvaṃ gameti anu anu abhāvaṃ na gameti. Na pajahati ce, na vinodeti ceti itiādinā ce-saddaṃ yojetvā attho veditabbo.
ਏવਂਭੂਤੋਤਿ ਏવਂ ਕਾਮવਿਤਕ੍ਕਾਦੀਹਿ ਪਾਪવਿਤਕ੍ਕੇਹਿ ਸਮਙ੍ਗਿਭੂਤੋ। ਅਨਾਤਾਪੀਤਿ ਕਿਲੇਸਾਨਂ ਆਤਾਪਯਿਕਸ੍ਸ વੀਰਿਯਸ੍ਸ ਅਭਾવੇਨ ਅਨਾਤਾਪੀ। ਪਾਪੁਤ੍ਰਾਸਲਕ੍ਖਣਸ੍ਸ ਓਤ੍ਤਪ੍ਪਸ੍ਸ ਅਭਾવੇਨ ਅਨੋਤ੍ਤਾਪੀ। ਸਤਤਂ ਸਮਿਤਂ ਸਬ੍ਬਕਾਲਂ ਨਿਰਨ੍ਤਰਂ। ਕੁਸੀਤੋ ਹੀਨવੀਰਿਯੋਤਿ ਕੁਸਲੇਹਿ ਧਮ੍ਮੇਹਿ ਪਰਿਹਾਪਯਿਤ੍વਾ ਅਕੁਸਲਪਕ੍ਖੇ ਕੁਚ੍ਛਿਤਂ ਸੀਦਨਤੋ ਕੋਸਜ੍ਜਸਮਨ੍ਨਾਗਮੇਨ ਚ ਕੁਸੀਤੋ, ਸਮ੍ਮਪ੍ਪਧਾਨવੀਰਿਯਾਭਾવੇਨ ਹੀਨવੀਰਿਯੋ વੀਰਿਯવਿਰਹਿਤੋਤਿ વੁਚ੍ਚਤਿ ਕਥੀਯਤਿ। ਠਿਤਸ੍ਸਾਤਿ ਗਮਨਂ ਉਪਚ੍ਛਿਨ੍ਦਿਤ੍વਾ ਤਿਟ੍ਠਤੋ। ਸਯਨਇਰਿਯਾਪਥਸ੍ਸ વਿਸੇਸਤੋ ਕੋਸਜ੍ਜਪਕ੍ਖਿਕਤ੍ਤਾ ਯਥਾ ਤਂਸਮਙ੍ਗਿਨੋ ਭਾવਿਤਤ੍ਤਾ ਸਮ੍ਭવਨ੍ਤਿ, ਤਂ ਦਸ੍ਸੇਤੁਂ ‘‘ਜਾਗਰਸ੍ਸਾ’’ਤਿ વੁਤ੍ਤਂ।
Evaṃbhūtoti evaṃ kāmavitakkādīhi pāpavitakkehi samaṅgibhūto. Anātāpīti kilesānaṃ ātāpayikassa vīriyassa abhāvena anātāpī. Pāputrāsalakkhaṇassa ottappassa abhāvena anottāpī. Satataṃ samitaṃ sabbakālaṃ nirantaraṃ. Kusīto hīnavīriyoti kusalehi dhammehi parihāpayitvā akusalapakkhe kucchitaṃ sīdanato kosajjasamannāgamena ca kusīto, sammappadhānavīriyābhāvena hīnavīriyo vīriyavirahitoti vuccati kathīyati. Ṭhitassāti gamanaṃ upacchinditvā tiṭṭhato. Sayanairiyāpathassa visesato kosajjapakkhikattā yathā taṃsamaṅgino bhāvitattā sambhavanti, taṃ dassetuṃ ‘‘jāgarassā’’ti vuttaṃ.
ਸੁਕ੍ਕਪਕ੍ਖੇ ਤਞ੍ਚੇ ਭਿਕ੍ਖੁ ਨਾਧਿવਾਸੇਤੀਤਿ ਆਰਦ੍ਧવੀਰਿਯਸ੍ਸਪਿ વਿਹਰਤੋ ਅਨਾਦਿਮਤਿ ਸਂਸਾਰੇ ਚਿਰਕਾਲਭਾવਿਤਤ੍ਤਾ ਤਥਾਰੂਪਪਚ੍ਚਯਸਮਾਯੋਗੇ ਸਤਿਸਮ੍ਮੋਸੇਨ વਾ ਕਾਮવਿਤਕ੍ਕਾਦਿ ਉਪ੍ਪਜ੍ਜਤਿ ਚੇ, ਤਂ ਭਿਕ੍ਖੁ ਅਤ੍ਤਨੋ ਚਿਤ੍ਤਂ ਆਰੋਪੇਤ੍વਾ ਨ વਾਸੇਤਿ, ਅਬ੍ਭਨ੍ਤਰੇ ਨ વਾਸੇਤੀਤਿ ਅਤ੍ਥੋ। ਅਨਧਿવਾਸੇਨ੍ਤੋ ਕਿਂ ਕਰੋਤਿ? ਪਜਹਤਿ ਛਡ੍ਡੇਤਿ। ਕਿਂ ਕਚવਰਂ વਿਯ ਪਿਟਕੇਨਾਤਿ? ਨ, ਅਪਿਚ ਖੋ ਤਂ વਿਨੋਦੇਤਿ ਨੁਦਤਿ ਨੀਹਰਤਿ। ਕਿਂ ਬਲਿਬਦ੍ਦਂ વਿਯ ਪਤੋਦੇਨਾਤਿ? ਨ, ਅਥ ਖੋ ਬ੍ਯਨ੍ਤੀਕਰੋਤਿ વਿਗਤਨ੍ਤਂ ਕਰੋਤਿ, ਯਥਾ ਤੇਸਂ ਅਨ੍ਤੋਪਿ ਨਾવਸਿਸ੍ਸਤਿ ਅਨ੍ਤਮਸੋ ਭਙ੍ਗਮਤ੍ਤਮ੍ਪਿ, ਤਥਾ ਤੇ ਕਰੋਤਿ। ਕਥਂ ਪਨ ਤੇ ਤਥਾ ਕਰੋਤਿ? ਅਨਭਾવਂ ਗਮੇਤਿ ਅਨੁ ਅਨੁ ਅਭਾવਂ ਗਮੇਤਿ, વਿਕ੍ਖਮ੍ਭਨਪ੍ਪਹਾਨੇਨ ਯਥਾ ਸੁવਿਕ੍ਖਮ੍ਭਿਤਾ ਹੋਨ੍ਤਿ, ਤਥਾ ਨੇ ਕਰੋਤੀਤਿ વੁਤ੍ਤਂ ਹੋਤਿ।
Sukkapakkhe tañce bhikkhu nādhivāsetīti āraddhavīriyassapi viharato anādimati saṃsāre cirakālabhāvitattā tathārūpapaccayasamāyoge satisammosena vā kāmavitakkādi uppajjati ce, taṃ bhikkhu attano cittaṃ āropetvā na vāseti, abbhantare na vāsetīti attho. Anadhivāsento kiṃ karoti? Pajahati chaḍḍeti. Kiṃ kacavaraṃ viya piṭakenāti? Na, apica kho taṃ vinodeti nudati nīharati. Kiṃ balibaddaṃ viya patodenāti? Na, atha kho byantīkaroti vigatantaṃ karoti, yathā tesaṃ antopi nāvasissati antamaso bhaṅgamattampi, tathā te karoti. Kathaṃ pana te tathā karoti? Anabhāvaṃ gameti anu anu abhāvaṃ gameti, vikkhambhanappahānena yathā suvikkhambhitā honti, tathā ne karotīti vuttaṃ hoti.
ਏવਂਭੂਤੋਤਿਆਦੀਸੁ ਏવਂ ਕਾਮવਿਤਕ੍ਕਾਦੀਨਂ ਅਨਧਿવਾਸੇਨ ਸੁવਿਸੁਦ੍ਧਾਸਯੋ ਸਮਾਨੋ ਤਾਯ ਚ ਆਸਯਸਮ੍ਪਤ੍ਤਿਯਾ ਤਨ੍ਨਿਮਿਤ੍ਤਾਯ ਚ ਪਯੋਗਸਮ੍ਪਤ੍ਤਿਯਾ ਪਰਿਸੁਦ੍ਧਸੀਲੋ ਇਨ੍ਦ੍ਰਿਯੇਸੁ ਗੁਤ੍ਤਦ੍વਾਰੋ ਭੋਜਨੇ ਮਤ੍ਤਞ੍ਞੂ ਸਤਿਸਮ੍ਪਜਞ੍ਞੇਨ ਸਮਨ੍ਨਾਗਤੋ ਜਾਗਰਿਯਂ ਅਨੁਯੁਤ੍ਤੋ ਤਦਙ੍ਗਾਦਿવਸੇਨ ਕਿਲੇਸਾਨਂ ਆਤਾਪਨਲਕ੍ਖਣੇਨ વੀਰਿਯੇਨ ਸਮਨ੍ਨਾਗਤਤ੍ਤਾ ਆਤਾਪੀ। ਸਬ੍ਬਸੋ ਪਾਪੁਤ੍ਰਾਸੇਨ ਸਮਨ੍ਨਾਗਤਤ੍ਤਾ ਓਤ੍ਤਾਪੀ ਸਤਤਂ ਰਤ੍ਤਿਨ੍ਦਿવਂ। ਸਮਿਤਂ ਨਿਰਨ੍ਤਰਂ ਸਮਥવਿਪਸ੍ਸਨਾਨੁਯੋਗવਸੇਨ ਚਤੁਬ੍ਬਿਧਸਮ੍ਮਪ੍ਪਧਾਨਸਿਦ੍ਧਿਯਾ ਆਰਦ੍ਧવੀਰਿਯੋ ਪਹਿਤਤ੍ਤੋ। ਨਿਬ੍ਬਾਨਂ ਪਤਿ ਪੇਸਿਤਚਿਤ੍ਤੋਤਿ વੁਚ੍ਚਤਿ ਕਥੀਯਤੀਤਿ ਅਤ੍ਥੋ।
Evaṃbhūtotiādīsu evaṃ kāmavitakkādīnaṃ anadhivāsena suvisuddhāsayo samāno tāya ca āsayasampattiyā tannimittāya ca payogasampattiyā parisuddhasīlo indriyesu guttadvāro bhojane mattaññū satisampajaññena samannāgato jāgariyaṃ anuyutto tadaṅgādivasena kilesānaṃ ātāpanalakkhaṇena vīriyena samannāgatattā ātāpī. Sabbaso pāputrāsena samannāgatattā ottāpī satataṃ rattindivaṃ. Samitaṃ nirantaraṃ samathavipassanānuyogavasena catubbidhasammappadhānasiddhiyā āraddhavīriyo pahitatto. Nibbānaṃ pati pesitacittoti vuccati kathīyatīti attho.
ਗਾਥਾਸੁ ਗੇਹਨਿਸ੍ਸਿਤਨ੍ਤਿ ਏਤ੍ਥ ਗੇਹવਾਸੀਹਿ ਅਪਰਿਚ੍ਚਤ੍ਤਤ੍ਤਾ ਗੇਹવਾਸਿਸਭਾવਤ੍ਤਾ ਗੇਹਧਮ੍ਮਤ੍ਤਾ વਾ ਗੇਹਂ વੁਚ੍ਚਤਿ વਤ੍ਥੁਕਾਮੋ। ਅਥ વਾ ਗੇਹਪ੍ਪਟਿਬਦ੍ਧਭਾવਤੋ, ਕਿਲੇਸਕਾਮਾਨਂ ਨਿવਾਸਟ੍ਠਾਨਭਾવਤੋ વਾ ਗੇਹਾਤਿ વੁਚ੍ਚਨ੍ਤਿ, ਤਂવਤ੍ਥੁਕਤ੍ਤਾ ਕਾਮવਿਤਕ੍ਕਾਦਿ ਗੇਹਨਿਸ੍ਸਿਤਂ ਨਾਮ। ਕੁਮ੍ਮਗ੍ਗਪਟਿਪਨ੍ਨੋਤਿ ਯਸ੍ਮਾ ਅਰਿਯਮਗ੍ਗਸ੍ਸ ਉਪ੍ਪਥਭਾવਤੋ ਅਭਿਜ੍ਝਾਦਯੋ ਤਦੇਕਟ੍ਠਧਮ੍ਮਾ ਚ ਕੁਮ੍ਮਗ੍ਗੋ, ਤਸ੍ਮਾ ਕਾਮવਿਤਕ੍ਕਾਦਿਬਹੁਲੋ ਕੁਮ੍ਮਗ੍ਗਪਟਿਪਨ੍ਨੋ। ਮੋਹਨੇਯ੍ਯੇਸੁ ਮੁਚ੍ਛਿਤੋਤਿ ਮੋਹਸਂવਤ੍ਤਨਿਯੇਸੁ ਰੂਪਾਦੀਸੁ ਮੁਚ੍ਛਿਤੋ ਸਮ੍ਮਤ੍ਤੋ ਅਜ੍ਝੋਪਨ੍ਨੋ। ਸਮ੍ਬੋਧਿਨ੍ਤਿ ਅਰਿਯਮਗ੍ਗਞਾਣਂ। ਫੁਟ੍ਠਨ੍ਤਿ ਫੁਸਿਤੁਂ ਪਤ੍ਤੁਂ ਪਾਪੋ ਸੋ ਤਾਦਿਸੋ ਮਿਚ੍ਛਾਸਙ੍ਕਪ੍ਪਗੋਚਰੋ ਪੁਗ੍ਗਲੋ ਅਭਬ੍ਬੋ, ਨ ਕਦਾਚਿ ਤਂ ਪਾਪੁਣਾਤੀਤਿ ਅਤ੍ਥੋ।
Gāthāsu gehanissitanti ettha gehavāsīhi apariccattattā gehavāsisabhāvattā gehadhammattā vā gehaṃ vuccati vatthukāmo. Atha vā gehappaṭibaddhabhāvato, kilesakāmānaṃ nivāsaṭṭhānabhāvato vā gehāti vuccanti, taṃvatthukattā kāmavitakkādi gehanissitaṃ nāma. Kummaggapaṭipannoti yasmā ariyamaggassa uppathabhāvato abhijjhādayo tadekaṭṭhadhammā ca kummaggo, tasmā kāmavitakkādibahulo kummaggapaṭipanno. Mohaneyyesu mucchitoti mohasaṃvattaniyesu rūpādīsu mucchito sammatto ajjhopanno. Sambodhinti ariyamaggañāṇaṃ. Phuṭṭhanti phusituṃ pattuṃ pāpo so tādiso micchāsaṅkappagocaro puggalo abhabbo, na kadāci taṃ pāpuṇātīti attho.
વਿਤਕ੍ਕਂ ਸਮਯਿਤ੍વਾਨਾਤਿ ਯਥਾવੁਤ੍ਤਂ ਮਿਚ੍ਛਾવਿਤਕ੍ਕਂ ਪਟਿਸਙ੍ਖਾਨਭਾવਨਾਬਲੇਨ વੂਪਸਮੇਤ੍વਾ। વਿਤਕ੍ਕੂਪਸਮੇ ਰਤੋਤਿ ਨવਨ੍ਨਮ੍ਪਿ ਮਹਾવਿਤਕ੍ਕਾਨਂ ਅਚ੍ਚਨ੍ਤੂਪਸਮਭੂਤੇ ਅਰਹਤ੍ਤੇ, ਨਿਬ੍ਬਾਨੇ ਏવ વਾ ਅਜ੍ਝਾਸਯੇਨ ਰਤੋ ਅਭਿਰਤੋ। ਭਬ੍ਬੋ ਸੋਤਿ ਸੋ ਯਥਾવੁਤ੍ਤੋ ਸਮ੍ਮਾਪਟਿਪਜ੍ਜਮਾਨੋ ਪੁਗ੍ਗਲੋ ਪੁਬ੍ਬਭਾਗੇ ਸਮਥવਿਪਸ੍ਸਨਾਬਲੇਨ ਸਬ੍ਬવਿਤਕ੍ਕੇ ਯਥਾਰਹਂ ਤਦਙ੍ਗਾਦਿવਸੇਨ વੂਪਸਮੇਤ੍વਾ ਠਿਤੋ વਿਪਸ੍ਸਨਂ ਉਸ੍ਸੁਕ੍ਕਾਪੇਤ੍વਾ ਮਗ੍ਗਪਟਿਪਾਟਿਯਾ ਅਰਹਤ੍ਤਮਗ੍ਗਞਾਣਸਙ੍ਖਾਤਂ ਨਿਬ੍ਬਾਨਸਙ੍ਖਾਤਞ੍ਚ ਅਨੁਤ੍ਤਰਂ ਸਮ੍ਬੋਧਿਂ ਫੁਟ੍ਠੁਂ ਅਧਿਗਨ੍ਤੁਂ ਭਬ੍ਬੋ ਅਰਹਾ। ਏવਮੇਤ੍ਥ ਪਾਲ਼ਿવਣ੍ਣਨਾ વੇਦਿਤਬ੍ਬਾ।
Vitakkaṃ samayitvānāti yathāvuttaṃ micchāvitakkaṃ paṭisaṅkhānabhāvanābalena vūpasametvā. Vitakkūpasame ratoti navannampi mahāvitakkānaṃ accantūpasamabhūte arahatte, nibbāne eva vā ajjhāsayena rato abhirato. Bhabbo soti so yathāvutto sammāpaṭipajjamāno puggalo pubbabhāge samathavipassanābalena sabbavitakke yathārahaṃ tadaṅgādivasena vūpasametvā ṭhito vipassanaṃ ussukkāpetvā maggapaṭipāṭiyā arahattamaggañāṇasaṅkhātaṃ nibbānasaṅkhātañca anuttaraṃ sambodhiṃ phuṭṭhuṃ adhigantuṃ bhabbo arahā. Evamettha pāḷivaṇṇanā veditabbā.
ਚਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Carasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਚਰਸੁਤ੍ਤਂ • 1. Carasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਚਰਸੁਤ੍ਤવਣ੍ਣਨਾ • 1. Carasuttavaṇṇanā
