| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯. ਚਰਿਯਸੁਤ੍ਤવਣ੍ਣਨਾ
9. Cariyasuttavaṇṇanā
੯. ਨવਮੇ ਲੋਕਨ੍ਤਿ ਸਤ੍ਤਲੋਕਂ। ਸਨ੍ਧਾਰੇਨ੍ਤੀਤਿ ਆਚਾਰਸਨ੍ਧਾਰਣવਸੇਨ ਧਾਰੇਨ੍ਤਿ। ਠਪੇਨ੍ਤੀਤਿ ਮਰਿਯਾਦਾਯਂ ਠਪੇਨ੍ਤਿ। ਰਕ੍ਖਨ੍ਤੀਤਿ ਆਚਾਰਸਨ੍ਧਾਰਣੇਨ ਮਰਿਯਾਦਾਯਂ ਠਪੇਤ੍વਾ ਰਕ੍ਖਨ੍ਤਿ। ਗਰੁਚਿਤ੍ਤੀਕਾਰવਸੇਨ ਨ ਪਞ੍ਞਾਯੇਥਾਤਿ ਗਰੁਂ ਕਤ੍વਾ ਚਿਤ੍ਤੇ ਕਰਣવਸੇਨ ਨ ਪਞ੍ਞਾਯੇਥ, ਅਯਮਾਚਾਰੋ ਨ ਲਬ੍ਭੇਯ੍ਯ। ਮਾਤੁਚ੍ਛਾਤਿ વਾਤਿ ਏਤ੍ਥ ਇਤਿ-ਸਦ੍ਦੋ ਆਦ੍ਯਤ੍ਥੋ। ਤੇਨ ਮਾਤੁਲਾਨੀਤਿ વਾ ਆਚਰਿਯਭਰਿਯਾਤਿ વਾ ਗਰੂਨਂ ਦਾਰਾਤਿ વਾਤਿ ਇਮੇ ਸਙ੍ਗਣ੍ਹਾਤਿ। ਤਤ੍ਥ ਮਾਤੁ ਭਗਿਨੀ ਮਾਤੁਚ੍ਛਾ। ਮਾਤੁਲਭਰਿਯਾ ਮਾਤੁਲਾਨੀ। ਗਰੂਨਂ ਦਾਰਾ ਮਹਾਪਿਤੁਚੂਲ਼ਪਿਤੁਜੇਟ੍ਠਭਾਤੁਆਦੀਨਂ ਗਰੁਟ੍ਠਾਨਿਯਾਨਂ ਭਰਿਯਾ। ਯਥਾ ਅਜੇਲ਼ਕਾਤਿਆਦੀਸੁ ਅਯਂ ਸਙ੍ਖੇਪਤ੍ਥੋ – ਯਥਾ ਅਜੇਲ਼ਕਾਦਯੋ ਤਿਰਚ੍ਛਾਨਾ ਹਿਰੋਤ੍ਤਪ੍ਪਰਹਿਤਾ ਮਾਤਾਤਿ ਸਞ੍ਞਂ ਅਕਤ੍વਾ ਭਿਨ੍ਨਮਰਿਯਾਦਾ ਸਬ੍ਬਤ੍ਥ ਸਮ੍ਭੇਦੇਨ વਤ੍ਤਨ੍ਤਿ, ਏવਮਯਂ ਮਨੁਸ੍ਸਲੋਕੋ ਯਦਿ ਲੋਕਪਾਲਧਮ੍ਮਾ ਨ ਭવੇਯ੍ਯੁਂ, ਸਬ੍ਬਤ੍ਥ ਸਮ੍ਭੇਦੇਨ વਤ੍ਤੇਯ੍ਯ। ਯਸ੍ਮਾ ਪਨਿਮੇ ਲੋਕਪਾਲਕਧਮ੍ਮਾ ਲੋਕਂ ਪਾਲੇਨ੍ਤਿ, ਤਸ੍ਮਾ ਨਤ੍ਥਿ ਸਮ੍ਭੇਦੋਤਿ।
9. Navame lokanti sattalokaṃ. Sandhārentīti ācārasandhāraṇavasena dhārenti. Ṭhapentīti mariyādāyaṃ ṭhapenti. Rakkhantīti ācārasandhāraṇena mariyādāyaṃ ṭhapetvā rakkhanti. Garucittīkāravasena na paññāyethāti garuṃ katvā citte karaṇavasena na paññāyetha, ayamācāro na labbheyya. Mātucchāti vāti ettha iti-saddo ādyattho. Tena mātulānīti vā ācariyabhariyāti vā garūnaṃ dārāti vāti ime saṅgaṇhāti. Tattha mātu bhaginī mātucchā. Mātulabhariyā mātulānī. Garūnaṃ dārā mahāpitucūḷapitujeṭṭhabhātuādīnaṃ garuṭṭhāniyānaṃ bhariyā. Yathā ajeḷakātiādīsu ayaṃ saṅkhepattho – yathā ajeḷakādayo tiracchānā hirottapparahitā mātāti saññaṃ akatvā bhinnamariyādā sabbattha sambhedena vattanti, evamayaṃ manussaloko yadi lokapāladhammā na bhaveyyuṃ, sabbattha sambhedena vatteyya. Yasmā panime lokapālakadhammā lokaṃ pālenti, tasmā natthi sambhedoti.
ਚਰਿਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Cariyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਚਰਿਯਸੁਤ੍ਤਂ • 9. Cariyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਚਰਿਯਸੁਤ੍ਤવਣ੍ਣਨਾ • 9. Cariyasuttavaṇṇanā
