| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੩. ਚਤ੍ਤਾਲੀਸਕਂ
3. Cattālīsakaṃ
੧੬੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਰਿવਸਨ੍ਤੋ વਿਬ੍ਭਮਿ। ਸੋ ਪੁਨ ਪਚ੍ਚਾਗਨ੍ਤ੍વਾ ਭਿਕ੍ਖੂ ਉਪਸਮ੍ਪਦਂ ਯਾਚਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ।
160. Tena kho pana samayena aññataro bhikkhu parivasanto vibbhami. So puna paccāgantvā bhikkhū upasampadaṃ yāci. Bhagavato etamatthaṃ ārocesuṃ.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਪਰਿવਸਨ੍ਤੋ વਿਬ੍ਭਮਤਿ। વਿਬ੍ਭਨ੍ਤਕਸ੍ਸ, ਭਿਕ੍ਖવੇ, ਪਰਿવਾਸੋ ਨ ਰੁਹਤਿ। ਸੋ ਚੇ ਪੁਨ ਉਪਸਮ੍ਪਜ੍ਜਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ, ਅવਸੇਸੋ ਪਰਿવਸਿਤਬ੍ਬੋ।
‘‘Idha pana, bhikkhave, bhikkhu parivasanto vibbhamati. Vibbhantakassa, bhikkhave, parivāso na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਪਰਿવਸਨ੍ਤੋ ਸਾਮਣੇਰੋ ਹੋਤਿ। ਸਾਮਣੇਰਸ੍ਸ, ਭਿਕ੍ਖવੇ, ਪਰਿવਾਸੋ ਨ ਰੁਹਤਿ। ਸੋ ਚੇ ਪੁਨ ਉਪਸਮ੍ਪਜ੍ਜਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ, ਅવਸੇਸੋ ਪਰਿવਸਿਤਬ੍ਬੋ।
‘‘Idha pana, bhikkhave, bhikkhu parivasanto sāmaṇero hoti. Sāmaṇerassa, bhikkhave, parivāso na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਪਰਿવਸਨ੍ਤੋ ਉਮ੍ਮਤ੍ਤਕੋ ਹੋਤਿ। ਉਮ੍ਮਤ੍ਤਕਸ੍ਸ, ਭਿਕ੍ਖવੇ, ਪਰਿવਾਸੋ ਨ ਰੁਹਤਿ। ਸੋ ਚੇ ਪੁਨ ਅਨੁਮ੍ਮਤ੍ਤਕੋ ਹੋਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ, ਅવਸੇਸੋ ਪਰਿવਸਿਤਬ੍ਬੋ।
‘‘Idha pana, bhikkhave, bhikkhu parivasanto ummattako hoti. Ummattakassa, bhikkhave, parivāso na ruhati. So ce puna anummattako hoti, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਪਰਿવਸਨ੍ਤੋ ਖਿਤ੍ਤਚਿਤ੍ਤੋ ਹੋਤਿ। ਖਿਤ੍ਤਚਿਤ੍ਤਸ੍ਸ, ਭਿਕ੍ਖવੇ, ਪਰਿવਾਸੋ ਨ ਰੁਹਤਿ। ਸੋ ਚੇ ਪੁਨ ਅਖਿਤ੍ਤਚਿਤ੍ਤੋ ਹੋਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪੁਰਿવੁਤ੍ਥੋ ਸੁਪਰਿવੁਤ੍ਥੋ, ਅવਸੇਸੋ ਪਰਿવਸਿਤਬ੍ਬੋ।
‘‘Idha pana, bhikkhave, bhikkhu parivasanto khittacitto hoti. Khittacittassa, bhikkhave, parivāso na ruhati. So ce puna akhittacitto hoti, tassa tadeva purimaṃ parivāsadānaṃ. Yo parivāso dinno sudinno, yo purivuttho suparivuttho, avaseso parivasitabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਪਰਿવਸਨ੍ਤੋ વੇਦਨਾਟ੍ਟੋ ਹੋਤਿ। વੇਦਨਾਟ੍ਟਸ੍ਸ , ਭਿਕ੍ਖવੇ, ਪਰਿવਾਸੋ ਨ ਰੁਹਤਿ। ਸੋ ਚੇ ਪੁਨ ਅવੇਦਨਾਟ੍ਟੋ ਹੋਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ, ਅવਸੇਸੋ ਪਰਿવਸਿਤਬ੍ਬੋ।
‘‘Idha pana, bhikkhave, bhikkhu parivasanto vedanāṭṭo hoti. Vedanāṭṭassa , bhikkhave, parivāso na ruhati. So ce puna avedanāṭṭo hoti, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਪਰਿવਸਨ੍ਤੋ, ਆਪਤ੍ਤਿਯਾ ਅਪ੍ਪਟਿਕਮ੍ਮੇ, ਉਕ੍ਖਿਪਿਯ੍ਯਤਿ। ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ, ਪਰਿવਾਸੋ ਨ ਰੁਹਤਿ। ਸੋ ਚੇ ਪੁਨ ਓਸਾਰਿਯ੍ਯਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ, ਅવਸੇਸੋ ਪਰਿવਸਿਤਬ੍ਬੋ।
‘‘Idha pana, bhikkhave, bhikkhu parivasanto, āpattiyā appaṭikamme, ukkhipiyyati. Ukkhittakassa, bhikkhave, parivāso na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਪਰਿવਸਨ੍ਤੋ, ਪਾਪਿਕਾਯ ਦਿਟ੍ਠਿਯਾ, ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖਿਪਿਯ੍ਯਤਿ। ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ, ਪਰਿવਾਸੋ ਨ ਰੁਹਤਿ। ਸੋ ਚੇ ਪੁਨ ਓਸਾਰਿਯ੍ਯਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ, ਅવਸੇਸੋ ਪਰਿવਸਿਤਬ੍ਬੋ।
‘‘Idha pana, bhikkhave, bhikkhu parivasanto, pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, parivāso na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho, avaseso parivasitabbo.
੧੬੧. ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਮੂਲਾਯਪਟਿਕਸ੍ਸਨਾਰਹੋ વਿਬ੍ਭਮਤਿ। વਿਬ੍ਭਨ੍ਤਕਸ੍ਸ, ਭਿਕ੍ਖવੇ, ਮੂਲਾਯਪਟਿਕਸ੍ਸਨਾ ਨ ਰੁਹਤਿ। ਸੋ ਚੇ ਪੁਨ ਉਪਸਮ੍ਪਜ੍ਜਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ। ਸੋ ਭਿਕ੍ਖੁ ਮੂਲਾਯ ਪਟਿਕਸ੍ਸਿਤਬ੍ਬੋ।
161. ‘‘Idha pana, bhikkhave, bhikkhu mūlāyapaṭikassanāraho vibbhamati. Vibbhantakassa, bhikkhave, mūlāyapaṭikassanā na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. So bhikkhu mūlāya paṭikassitabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਮੂਲਾਯਪਟਿਕਸ੍ਸਨਾਰਹੋ ਸਾਮਣੇਰੋ ਹੋਤਿ…ਪੇ॰… ਉਮ੍ਮਤ੍ਤਕੋ ਹੋਤਿ…ਪੇ॰… ਖਿਤ੍ਤਚਿਤ੍ਤੋ ਹੋਤਿ…ਪੇ॰… વੇਦਨਾਟ੍ਟੋ ਹੋਤਿ…ਪੇ॰… ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਪਿਯ੍ਯਤਿ…ਪੇ॰… ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਪਿਯ੍ਯਤਿ…ਪੇ॰… ਪਾਪਿਕਾਯ ਦਿਟ੍ਠਿਯਾ, ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖਿਪਿਯ੍ਯਤਿ। ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ, ਮੂਲਾਯਪਟਿਕਸ੍ਸਨਾ ਨ ਰੁਹਤਿ। ਸੋ ਚੇ ਪੁਨ ਓਸਾਰਿਯ੍ਯਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ। ਸੋ ਭਿਕ੍ਖੁ ਮੂਲਾਯ ਪਟਿਕਸ੍ਸਿਤਬ੍ਬੋ।
‘‘Idha pana, bhikkhave, bhikkhu mūlāyapaṭikassanāraho sāmaṇero hoti…pe… ummattako hoti…pe… khittacitto hoti…pe… vedanāṭṭo hoti…pe… āpattiyā adassane ukkhipiyyati…pe… āpattiyā appaṭikamme ukkhipiyyati…pe… pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, mūlāyapaṭikassanā na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. So bhikkhu mūlāya paṭikassitabbo.
੧੬੨. ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਮਾਨਤ੍ਤਾਰਹੋ વਿਬ੍ਭਮਤਿ। વਿਬ੍ਭਨ੍ਤਕਸ੍ਸ, ਭਿਕ੍ਖવੇ, ਮਾਨਤ੍ਤਦਾਨਂ ਨ ਰੁਹਤਿ। ਸੋ ਚੇ ਪੁਨ ਉਪਸਮ੍ਪਜ੍ਜਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ। ਤਸ੍ਸ ਭਿਕ੍ਖੁਨੋ ਮਾਨਤ੍ਤਂ ਦਾਤਬ੍ਬਂ।
162. ‘‘Idha pana, bhikkhave, bhikkhu mānattāraho vibbhamati. Vibbhantakassa, bhikkhave, mānattadānaṃ na ruhati. So ce puna upasampajjati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. Tassa bhikkhuno mānattaṃ dātabbaṃ.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਮਾਨਤ੍ਤਾਰਹੋ ਸਾਮਣੇਰੋ ਹੋਤਿ…ਪੇ॰… ਉਮ੍ਮਤ੍ਤਕੋ ਹੋਤਿ…ਪੇ॰… ਖਿਤ੍ਤਚਿਤ੍ਤੋ ਹੋਤਿ…ਪੇ॰… વੇਦਨਾਟ੍ਟੋ ਹੋਤਿ…ਪੇ॰… ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖਿਪਿਯ੍ਯਤਿ…ਪੇ॰… ਆਪਤ੍ਤਿਯਾ ਅਪ੍ਪਟਿਕਮ੍ਮੇ, ਉਕ੍ਖਿਪਿਯ੍ਯਤਿ…ਪੇ॰… ਪਾਪਿਕਾਯ ਦਿਟ੍ਠਿਯਾ, ਅਪ੍ਪਟਿਨਿਸ੍ਸਗ੍ਗੇ , ਉਕ੍ਖਿਪਿਯ੍ਯਤਿ। ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ, ਮਾਨਤ੍ਤਦਾਨਂ ਨ ਰੁਹਤਿ। ਸੋ ਚੇ ਪੁਨ ਓਸਾਰਿਯ੍ਯਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ। ਤਸ੍ਸ ਭਿਕ੍ਖੁਨੋ ਮਾਨਤ੍ਤਂ ਦਾਤਬ੍ਬਂ।
‘‘Idha pana, bhikkhave, bhikkhu mānattāraho sāmaṇero hoti…pe… ummattako hoti…pe… khittacitto hoti…pe… vedanāṭṭo hoti…pe… āpattiyā adassane, ukkhipiyyati…pe… āpattiyā appaṭikamme, ukkhipiyyati…pe… pāpikāya diṭṭhiyā, appaṭinissagge , ukkhipiyyati. Ukkhittakassa, bhikkhave, mānattadānaṃ na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho. Tassa bhikkhuno mānattaṃ dātabbaṃ.
੧੬੩. ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਮਾਨਤ੍ਤਂ ਚਰਨ੍ਤੋ વਿਬ੍ਭਮਤਿ। વਿਬ੍ਭਨ੍ਤਕਸ੍ਸ, ਭਿਕ੍ਖવੇ , ਮਾਨਤ੍ਤਚਰਿਯਾ ਨ ਰੁਹਤਿ। ਸੋ ਚੇ ਪੁਨ ਉਪਸਮ੍ਪਜ੍ਜਤਿ ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ; ਯਂ ਮਾਨਤ੍ਤਂ ਦਿਨ੍ਨਂ ਸੁਦਿਨ੍ਨਂ, ਯਂ ਮਾਨਤ੍ਤਂ ਚਿਣ੍ਣਂ ਸੁਚਿਣ੍ਣਂ, ਅવਸੇਸਂ ਚਰਿਤਬ੍ਬਂ।
163. ‘‘Idha pana, bhikkhave, bhikkhu mānattaṃ caranto vibbhamati. Vibbhantakassa, bhikkhave , mānattacariyā na ruhati. So ce puna upasampajjati tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ, avasesaṃ caritabbaṃ.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਮਾਨਤ੍ਤਂ ਚਰਨ੍ਤੋ ਸਾਮਣੇਰੋ ਹੋਤਿ…ਪੇ॰… ਉਮ੍ਮਤ੍ਤਕੋ ਹੋਤਿ…ਪੇ॰… ਖਿਤ੍ਤਚਿਤ੍ਤੋ ਹੋਤਿ…ਪੇ॰… વੇਦਨਾਟ੍ਟੋ ਹੋਤਿ…ਪੇ॰… ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖਿਪਿਯ੍ਯਤਿ…ਪੇ॰… ਆਪਤ੍ਤਿਯਾ ਅਪ੍ਪਟਿਕਮ੍ਮੇ, ਉਕ੍ਖਿਪਿਯ੍ਯਤਿ…ਪੇ॰… ਪਾਪਿਕਾਯ ਦਿਟ੍ਠਿਯਾ, ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖਿਪਿਯ੍ਯਤਿ। ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ, ਮਾਨਤ੍ਤਚਰਿਯਾ ਨ ਰੁਹਤਿ। ਸੋ ਚੇ ਪੁਨ ਓਸਾਰਿਯ੍ਯਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪੁਰਿવੁਤ੍ਥੋ ਸੁਪਰਿવੁਤ੍ਥੋ; ਯਂ ਮਾਨਤ੍ਤਂ ਦਿਨ੍ਨਂ ਸੁਦਿਨ੍ਨਂ, ਯਂ ਮਾਨਤ੍ਤਂ ਚਿਣ੍ਣਂ ਸੁਚਿਣ੍ਣਂ, ਅવਸੇਸਂ ਚਰਿਤਬ੍ਬਂ।
‘‘Idha pana, bhikkhave, bhikkhu mānattaṃ caranto sāmaṇero hoti…pe… ummattako hoti…pe… khittacitto hoti…pe… vedanāṭṭo hoti…pe… āpattiyā adassane, ukkhipiyyati…pe… āpattiyā appaṭikamme, ukkhipiyyati…pe… pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, mānattacariyā na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo purivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ, avasesaṃ caritabbaṃ.
੧੬੪. ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਅਬ੍ਭਾਨਾਰਹੋ વਿਬ੍ਭਮਤਿ। વਿਬ੍ਭਨ੍ਤਕਸ੍ਸ, ਭਿਕ੍ਖવੇ, ਅਬ੍ਭਾਨਂ ਨ ਰੁਹਤਿ। ਸੋ ਚੇ ਪੁਨ ਉਪਸਮ੍ਪਜ੍ਜਤਿ , ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ; ਯਂ ਮਾਨਤ੍ਤਂ ਦਿਨ੍ਨਂ ਸੁਦਿਨ੍ਨਂ, ਯਂ ਮਾਨਤ੍ਤਂ ਚਿਣ੍ਣਂ ਸੁਚਿਣ੍ਣਂ। ਸੋ ਭਿਕ੍ਖੁ ਅਬ੍ਭੇਤਬ੍ਬੋ।
164. ‘‘Idha pana, bhikkhave, bhikkhu abbhānāraho vibbhamati. Vibbhantakassa, bhikkhave, abbhānaṃ na ruhati. So ce puna upasampajjati , tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ. So bhikkhu abbhetabbo.
‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਅਬ੍ਭਾਨਾਰਹੋ ਸਾਮਣੇਰੋ ਹੋਤਿ…ਪੇ॰… ਉਮ੍ਮਤ੍ਤਕੋ ਹੋਤਿ…ਪੇ॰…
‘‘Idha pana, bhikkhave, bhikkhu abbhānāraho sāmaṇero hoti…pe… ummattako hoti…pe…
ਖਿਤ੍ਤਚਿਤ੍ਤੋ ਹੋਤਿ…ਪੇ॰… વੇਦਨਾਟ੍ਟੋ ਹੋਤਿ…ਪੇ॰… ਆਪਤ੍ਤਿਯਾ ਅਦਸ੍ਸਨੇ, ਉਕ੍ਖਿਪਿਯ੍ਯਤਿ…ਪੇ॰… ਆਪਤ੍ਤਿਯਾ ਅਪ੍ਪਟਿਕਮ੍ਮੇ, ਉਕ੍ਖਿਪਿਯ੍ਯਤਿ…ਪੇ॰… ਪਾਪਿਕਾਯ ਦਿਟ੍ਠਿਯਾ, ਅਪ੍ਪਟਿਨਿਸ੍ਸਗ੍ਗੇ, ਉਕ੍ਖਿਪਿਯ੍ਯਤਿ। ਉਕ੍ਖਿਤ੍ਤਕਸ੍ਸ, ਭਿਕ੍ਖવੇ, ਅਬ੍ਭਾਨਂ ਨ ਰੁਹਤਿ। ਸੋ ਚੇ ਪੁਨ ਓਸਾਰਿਯ੍ਯਤਿ, ਤਸ੍ਸ ਤਦੇવ ਪੁਰਿਮਂ ਪਰਿવਾਸਦਾਨਂ। ਯੋ ਪਰਿવਾਸੋ ਦਿਨ੍ਨੋ ਸੁਦਿਨ੍ਨੋ, ਯੋ ਪਰਿવੁਤ੍ਥੋ ਸੁਪਰਿવੁਤ੍ਥੋ; ਯਂ ਮਾਨਤ੍ਤਂ ਦਿਨ੍ਨਂ ਸੁਦਿਨ੍ਨਂ, ਯਂ ਮਾਨਤ੍ਤਂ ਚਿਣ੍ਣਂ ਸੁਚਿਣ੍ਣਂ। ਸੋ ਭਿਕ੍ਖੁ ਅਬ੍ਭੇਤਬ੍ਬੋ।
Khittacitto hoti…pe… vedanāṭṭo hoti…pe… āpattiyā adassane, ukkhipiyyati…pe… āpattiyā appaṭikamme, ukkhipiyyati…pe… pāpikāya diṭṭhiyā, appaṭinissagge, ukkhipiyyati. Ukkhittakassa, bhikkhave, abbhānaṃ na ruhati. So ce puna osāriyyati, tassa tadeva purimaṃ parivāsadānaṃ. Yo parivāso dinno sudinno, yo parivuttho suparivuttho; yaṃ mānattaṃ dinnaṃ sudinnaṃ, yaṃ mānattaṃ ciṇṇaṃ suciṇṇaṃ. So bhikkhu abbhetabbo.
ਚਤ੍ਤਾਲੀਸਕਂ ਸਮਤ੍ਤਂ।
Cattālīsakaṃ samattaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸੁਦ੍ਧਨ੍ਤਪਰਿવਾਸਾਦਿਕਥਾ • Suddhantaparivāsādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸੁਦ੍ਧਨ੍ਤਪਰਿવਾਸਾਦਿਕਥਾ • Suddhantaparivāsādikathā
