| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
64. жад̇д̇аарониссаяаад̣̇игат̇аа
64. Cattāronissayādikathā
128. убасамбаннасамананд̇арамзваад̇и убасамбанно худ̇ваа самананд̇арамзва, на гааланд̇арзд̇и ад̇т̇о. згаборисаад̇и зд̇т̇а борисасад̣̇д̣̇о убари вид̇т̇ад̇з бхуж̇абамаан̣з жа босабамаан̣з жа вад̇д̇ад̇и. бурисасса бамаан̣аа борисаа, бамаан̣ад̇т̇з н̣абажжаяо. чааяаад̇и аад̇абаабхааво. мзд̇аб̣б̣аад̇и бамзд̇аб̣б̣аа. ‘‘вассаано’’д̇иаад̣̇и ‘‘уд̇убамаан̣ам̣ аажигкид̇аб̣б̣а’’нд̇и зд̇т̇а аажигкан̣аагаарад̣̇ассанам̣. уд̇уно бамаан̣анд̇и ад̇т̇ам̣ ниваарзнд̇о ааха ‘‘зд̇т̇а жаа’’д̇иаад̣̇и. арад̇и бунаббунам̣ г̇ажчад̇ийд̇и уд̇у , бамияад̇и сам̣важчаро барижчиж̇ж̇ияад̇и анзнаад̇и бамаан̣ам̣. яад̇д̇агзхи д̣̇ивасзхи абарибун̣н̣од̇и самб̣анд̇хо. яассаад̇и д̣̇ивасабхааг̇асса. яо уд̇у абарибун̣н̣о, д̇асса уд̇унод̇и баатасзсо яож̇зд̇аб̣б̣о. ‘‘уд̇убамаан̣ам̣ аажигкид̇аб̣б̣ам̣, д̣̇ивасабхааг̇о аажигкид̇аб̣б̣о’’д̇и бад̣̇аанам̣ абарамби ад̇т̇авигаббам̣ д̣̇ассзнд̇о ааха ‘‘ат̇а ваа’’д̇иаад̣̇и. д̇ад̇т̇а аяам̣ наама уд̇ууд̇и аяам̣ уд̇у вассаано наамаад̇и ваа хзманд̇о наамаад̇и ваа г̇имхо наамаад̇и ваа. буб̣б̣анход̇и ахасса буб̣б̣о буб̣б̣анхо. д̇ад̇т̇а бажчиманаяова баасам̣сад̇аро. гасмаа? буриманаяз уд̇убарибун̣н̣з д̣̇ивасабхааг̇аажигкан̣асса абхааваа, бажчиманаяз бана барибун̣н̣ам̣ ваа абарибун̣н̣ам̣ ваа уд̇убамаан̣ам̣ аажигкид̇аб̣б̣ам̣. убасамбаннад̣̇ивасабхааг̇ова ‘‘буб̣б̣анхо’’д̇и ваа ‘‘сааяанхо’’д̇и ваа аажигкид̇аб̣б̣о. сам̣г̇ийд̇ийд̇и зд̇т̇а сам̣ згад̇о гад̇ваа г̇ааяид̇аб̣б̣аа гат̇зд̇аб̣б̣аад̇и сам̣г̇ийд̇ийд̇и важанад̇т̇ам̣ д̣̇ассзнд̇о ааха ‘‘ид̣̇амзва саб̣б̣ам̣ згад̇о гад̇ваа’’д̇иаад̣̇и. д̇ад̇т̇а гинд̇и гим̣ уд̇ум̣. ид̣̇ам̣ наамаад̇и ид̣̇ам̣ наама уд̇ум̣. вад̣̇зяяаасийд̇и ааг̇анд̇угаанам̣ вуд̣дханавагабхааваад̣̇ин̃аабанад̇т̇ам̣ гат̇зяяааси.
128.Upasampannasamanantaramevāti upasampanno hutvā samanantarameva, na kālantareti attho. Ekaporisāti ettha porisasaddo upari vitthate bhujapamāṇe ca posapamāṇe ca vattati. Purisassa pamāṇā porisā, pamāṇatthe ṇapaccayo. Chāyāti ātapābhāvo. Metabbāti pametabbā. ‘‘Vassāno’’tiādi ‘‘utupamāṇaṃ ācikkhitabba’’nti ettha ācikkhaṇākāradassanaṃ. Utuno pamāṇanti atthaṃ nivārento āha ‘‘ettha cā’’tiādi. Arati punappunaṃ gacchatīti utu, pamiyati saṃvaccharo paricchijjiyati anenāti pamāṇaṃ. Yattakehi divasehi aparipuṇṇoti sambandho. Yassāti divasabhāgassa. Yo utu aparipuṇṇo, tassa utunoti pāṭhaseso yojetabbo. ‘‘Utupamāṇaṃ ācikkhitabbaṃ, divasabhāgo ācikkhitabbo’’ti padānaṃ aparampi atthavikappaṃ dassento āha ‘‘atha vā’’tiādi. Tattha ayaṃ nāma utūti ayaṃ utu vassāno nāmāti vā hemanto nāmāti vā gimho nāmāti vā. Pubbanhoti ahassa pubbo pubbanho. Tattha pacchimanayova pāsaṃsataro. Kasmā? Purimanaye utuparipuṇṇe divasabhāgācikkhaṇassa abhāvā, pacchimanaye pana paripuṇṇaṃ vā aparipuṇṇaṃ vā utupamāṇaṃ ācikkhitabbaṃ. Upasampannadivasabhāgova ‘‘pubbanho’’ti vā ‘‘sāyanho’’ti vā ācikkhitabbo. Saṃgītīti ettha saṃ ekato katvā gāyitabbā kathetabbāti saṃgītīti vacanatthaṃ dassento āha ‘‘idameva sabbaṃ ekato katvā’’tiādi. Tattha kinti kiṃ utuṃ. Idaṃ nāmāti idaṃ nāma utuṃ. Vadeyyāsīti āgantukānaṃ vuḍḍhanavakabhāvādiñāpanatthaṃ katheyyāsi.
129. д̣̇уд̇ияанд̇и сахааяам̣ бхигкум̣ ваа сааман̣зрам̣ ваа бурисам̣ ваа. агаран̣ийяаанийд̇и убасамбаннзхи агад̇д̇аб̣б̣аани. бан̣д̣убалаасод̇и зд̇т̇а бан̣д̣ууд̇и сзд̇абийд̇амиссо ван̣н̣о, балаасасад̣̇д̣̇о бан̣н̣аваажаго, на харид̇аваажаго, нааби гим̣сугад̣̇умаваажагод̇и д̣̇ассзнд̇о ааха ‘‘бан̣д̣уван̣н̣о бан̣н̣о’’д̇и. бан̣д̣убалаасод̇и самаасоби б̣яаасоби яуд̇д̇оязва. самаасагаалз бан̣д̣у яассад̇т̇ийд̇и бан̣д̣у, соязва балаасо бан̣д̣убалаасод̇и гаад̇аб̣б̣о. бубпапалаад̣̇им̣ б̣анд̇хад̇ийд̇и б̣анд̇хананд̇и важанад̇т̇зна б̣анд̇ханасад̣̇д̣̇о ван̣дабарияааяод̇и ааха ‘‘ван̣дад̇о’’д̇и. бут̇усилаад̇и (ма. ни. адта. 3.60) зд̇т̇а бут̇усад̣̇д̣̇о маханд̇абарияааяод̇и ааха ‘‘махаасилаа’’д̇и.
129.Dutiyanti sahāyaṃ bhikkhuṃ vā sāmaṇeraṃ vā purisaṃ vā. Akaraṇīyānīti upasampannehi akattabbāni. Paṇḍupalāsoti ettha paṇḍūti setapītamisso vaṇṇo, palāsasaddo paṇṇavācako, na haritavācako, nāpi kiṃsukadumavācakoti dassento āha ‘‘paṇḍuvaṇṇo paṇṇo’’ti. Paṇḍupalāsoti samāsopi byāsopi yuttoyeva. Samāsakāle paṇḍu yassatthīti paṇḍu, soyeva palāso paṇḍupalāsoti kātabbo. Pupphaphalādiṃ bandhatīti bandhananti vacanatthena bandhanasaddo vaṇṭapariyāyoti āha ‘‘vaṇṭato’’ti. Puthusilāti (ma. ni. aṭṭha. 3.60) ettha puthusaddo mahantapariyāyoti āha ‘‘mahāsilā’’ti.
130. д̇ассаад̇и угкзбанийяагаммаарахасса бхигкуно. саамаг̇г̇ийд̇и сан̇гхасаамаг̇г̇ий. д̇знаад̇и угкзбанийяагаммаарахзна бхигкунаа. самбхог̇зд̇и аамисзна жа д̇хаммзна жа самбхог̇ахзд̇у. зд̇т̇а сахасзяяааби сан̇г̇ахид̇аа аабад̇д̇ибхаавад̇о. анаабад̇д̇ийд̇и анугкид̇д̇агабхаавад̇о баажид̇д̇ияаабад̇д̇ияаа анаабад̇д̇и, алаж̇ж̇илагкан̣аабхаавад̇о д̣̇уггадзна анаабад̇д̇ийд̇и д̣̇адтаб̣б̣ам̣.
130.Tassāti ukkhepanīyakammārahassa bhikkhuno. Sāmaggīti saṅghasāmaggī. Tenāti ukkhepanīyakammārahena bhikkhunā. Sambhogeti āmisena ca dhammena ca sambhogahetu. Ettha sahaseyyāpi saṅgahitā āpattibhāvato. Anāpattīti anukkhittakabhāvato pācittiyāpattiyā anāpatti, alajjilakkhaṇābhāvato dukkaṭena anāpattīti daṭṭhabbaṃ.
ид̇и саманд̇абаасаад̣̇игааяа винаяасам̣ван̣н̣анааяа
Iti samantapāsādikāya vinayasaṃvaṇṇanāya
д̣̇ваасад̇д̇ад̇иад̇хигавад̇т̇усад̇абадиман̣д̣ид̇асса махааканд̇хагасса
Dvāsattatiadhikavatthusatapaṭimaṇḍitassa mahākhandhakassa
ад̇т̇аван̣н̣анааяа яож̇анаа самад̇д̇аа.
Atthavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
64. жад̇д̇ааро ниссаяаа • 64. Cattāro nissayā
65. жад̇д̇аари агаран̣ийяаани • 65. Cattāri akaraṇīyāni
66. аабад̇д̇ияаа ад̣̇ассанз угкид̇д̇агавад̇т̇ууни • 66. Āpattiyā adassane ukkhittakavatthūni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жад̇д̇аарониссаяаад̣̇игат̇аа • Cattāronissayādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
