| Library / Tipiṭaka / திபிடக • Tipiṭaka / நெத்திப்பகரண-அட்ட²கதா² • Nettippakaraṇa-aṭṭhakathā |
6. சதுப்³யூஹஹாரஸம்பாதவண்ணனா
6. Catubyūhahārasampātavaṇṇanā
68. ரக்கீ²யதீதி ரக்கி²தங். இத³ங் பத³வஸேன நிப்³ப³சனங். யஸ்மா பன அத்த²வஸேன நிப்³ப³சனே வுத்தே பத³வஸேன நிப்³ப³சனங் வுத்தமேவ ஹோதி, தஸ்மா ‘‘ரக்கி²தங் பரிபாலீயதீதி ஏஸா நிருத்தீ’’தி வுத்தங். தத்த² இதி-ஸத்³தோ³ ஆத்³யத்தோ², பகாரே வா. தேன ஏவமாதி³கா ஏவங்பகாரா வா ஏஸா நிருத்தீதி வுத்தங் ஹோதி. தஸ்மா சிந்தேதீதி சித்தங். அத்தனோ ஸந்தானங் சினோதீதி சித்தங், பச்சயேஹி சிதந்தி சித்தங், சித்தவிசித்தட்டே²ன சித்தங், சித்தகரணட்டே²ன சித்தங். ஸம்மா ஸங்கப்பேதீதி ஸம்மாஸங்கப்போதிஆதி³னா நிருத்தி வேதி³தப்³பா³.
68. Rakkhīyatīti rakkhitaṃ. Idaṃ padavasena nibbacanaṃ. Yasmā pana atthavasena nibbacane vutte padavasena nibbacanaṃ vuttameva hoti, tasmā ‘‘rakkhitaṃ paripālīyatīti esā niruttī’’ti vuttaṃ. Tattha iti-saddo ādyattho, pakāre vā. Tena evamādikā evaṃpakārā vā esā niruttīti vuttaṃ hoti. Tasmā cintetīti cittaṃ. Attano santānaṃ cinotīti cittaṃ, paccayehi citanti cittaṃ, cittavicittaṭṭhena cittaṃ, cittakaraṇaṭṭhena cittaṃ. Sammā saṅkappetīti sammāsaṅkappotiādinā nirutti veditabbā.
அயங் எத்த² ப⁴க³வதோ அதி⁴ப்பாயோதி ‘‘ரக்கி²தசித்தோ அஸ்ஸா’’திஆதி³னா இந்த்³ரியஸங்வராத³யோ து³க்³க³திபஹானஞ்ச வத³தோ ப⁴க³வதோ எத்த² கா³தா²யங் அதி⁴ப்பாயோ. கோகாலிகோ ஹீதிஆதி³ நிதா³னநித்³தே³ஸோ. தத்த² ஹி-ஸத்³தோ³ காரணே. இத³ங் வுத்தங் ஹோதி – யஸ்மா கோகாலிகோ (ஸங்॰ நி॰ 1.181; அ॰ நி॰ 10.89; ஸு॰ நி॰ கோகாலிகஸுத்த) அரக்கி²தசித்ததாய அக்³க³ஸாவகேஸு சித்தங் பதோ³ஸெத்வா பது³மனிரயங் உபபன்னோ, தஸ்மா து³க்³க³தியோ ஜஹிதுகாமோ ரக்கி²தசித்தோ அஸ்ஸாதி ப⁴க³வா ஸதிஆரக்கே²ன சேதஸா ஸமன்னாக³தோ ஸப்³பா³ து³க்³க³தியோ ஜஹதீதி அத்தோ². ஸுத்தம்ஹி வுத்தங் ‘‘ஸதியா சித்தங் ரக்கி²தப்³ப³’’ந்தி தே³ஸனானுஸந்தி⁴த³ஸ்ஸனங்.
Ayaṃ ettha bhagavato adhippāyoti ‘‘rakkhitacitto assā’’tiādinā indriyasaṃvarādayo duggatipahānañca vadato bhagavato ettha gāthāyaṃ adhippāyo. Kokāliko hītiādi nidānaniddeso. Tattha hi-saddo kāraṇe. Idaṃ vuttaṃ hoti – yasmā kokāliko (saṃ. ni. 1.181; a. ni. 10.89; su. ni. kokālikasutta) arakkhitacittatāya aggasāvakesu cittaṃ padosetvā padumanirayaṃ upapanno, tasmā duggatiyo jahitukāmo rakkhitacitto assāti bhagavā satiārakkhena cetasā samannāgato sabbā duggatiyo jahatīti attho. Suttamhi vuttaṃ ‘‘satiyā cittaṃ rakkhitabba’’nti desanānusandhidassanaṃ.
சதுப்³யூஹஹாரஸம்பாதவண்ணனா நிட்டி²தா.
Catubyūhahārasampātavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 6. சதுப்³யூஹஹாரஸம்பாதோ • 6. Catubyūhahārasampāto
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 6. சதுப்³யூஹஹாரஸம்பாதவிபா⁴வனா • 6. Catubyūhahārasampātavibhāvanā
