| Library / Tipiṭaka / તિપિટક • Tipiṭaka / નેત્તિપ્પકરણપાળિ • Nettippakaraṇapāḷi |
૬. ચતુબ્યૂહહારસમ્પાતો
6. Catubyūhahārasampāto
૬૮. તત્થ કતમો ચતુબ્યૂહો હારસમ્પાતો.
68. Tattha katamo catubyūho hārasampāto.
‘‘તસ્મા રક્ખિતચિત્તસ્સ, સમ્માસઙ્કપ્પગોચરો’’તિ ગાથા. ‘‘તસ્મા રક્ખિતચિત્તસ્સા’’તિ રક્ખિતં પરિપાલીયતીતિ એસા નિરુત્તિ. ઇધ ભગવતો કો અધિપ્પાયો? યે દુગ્ગતીહિ પરિમુચ્ચિતુકામા ભવિસ્સન્તિ, તે ધમ્મચારિનો ભવિસ્સન્તીતિ અયં એત્થ ભગવતો અધિપ્પાયો. કોકાલિકો હિ સારિપુત્તમોગ્ગલ્લાનેસુ થેરેસુ ચિત્તં પદોસયિત્વા મહાપદુમનિરયે ઉપપન્નો. ભગવા ચ સતિઆરક્ખેન ચેતસા સમન્નાગતો, સુત્તમ્હિ વુત્તં ‘‘સતિયા ચિત્તં રક્ખિતબ્બ’’ન્તિ.
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
નિયુત્તો ચતુબ્યૂહો હારસમ્પાતો.
Niyutto catubyūho hārasampāto.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / ૬. ચતુબ્યૂહહારસમ્પાતવણ્ણના • 6. Catubyūhahārasampātavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૬. ચતુબ્યૂહહારસમ્પાતવિભાવના • 6. Catubyūhahārasampātavibhāvanā
