| Library / Tipiṭaka / တိပိဋက • Tipiṭaka / နေတ္တိပ္ပကရဏပာဠိ • Nettippakaraṇapāḷi |
၆. စတုဗ္ယူဟဟာရသမ္ပာတော
6. Catubyūhahārasampāto
၆၈. တတ္ထ ကတမော စတုဗ္ယူဟော ဟာရသမ္ပာတော။
68. Tattha katamo catubyūho hārasampāto.
‘‘တသ္မာ ရက္ခိတစိတ္တသ္သ, သမ္မာသင္ကပ္ပဂောစရော’’တိ ဂာထာ။ ‘‘တသ္မာ ရက္ခိတစိတ္တသ္သာ’’တိ ရက္ခိတံ ပရိပာလီယတီတိ ဧသာ နိရုတ္တိ။ ဣဓ ဘဂဝတော ကော အဓိပ္ပာယော? ယေ ဒုဂ္ဂတီဟိ ပရိမုစ္စိတုကာမာ ဘဝိသ္သန္တိ, တေ ဓမ္မစာရိနော ဘဝိသ္သန္တီတိ အယံ ဧတ္ထ ဘဂဝတော အဓိပ္ပာယော။ ကောကာလိကော ဟိ သာရိပုတ္တမောဂ္ဂလ္လာနေသု ထေရေသု စိတ္တံ ပဒောသယိတ္ဝာ မဟာပဒုမနိရယေ ဥပပန္နော။ ဘဂဝာ စ သတိအာရက္ခေန စေတသာ သမန္နာဂတော, သုတ္တမ္ဟိ ဝုတ္တံ ‘‘သတိယာ စိတ္တံ ရက္ခိတဗ္ဗ’’န္တိ။
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
နိယုတ္တော စတုဗ္ယူဟော ဟာရသမ္ပာတော။
Niyutto catubyūho hārasampāto.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / နေတ္တိပ္ပကရဏ-အဋ္ဌကထာ • Nettippakaraṇa-aṭṭhakathā / ၆. စတုဗ္ယူဟဟာရသမ္ပာတဝဏ္ဏနာ • 6. Catubyūhahārasampātavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / ခုဒ္ဒကနိကာယ (ဋီကာ) • Khuddakanikāya (ṭīkā) / နေတ္တိဝိဘာဝိနီ • Nettivibhāvinī / ၆. စတုဗ္ယူဟဟာရသမ္ပာတဝိဘာဝနာ • 6. Catubyūhahārasampātavibhāvanā
