| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
6. жад̇уб̣яуухахааравибхан̇г̇аван̣н̣анаа
6. Catubyūhahāravibhaṅgavaṇṇanā
25. д̇ад̇т̇а гад̇амо жад̇уб̣яуухо хаарод̇и жад̇уб̣яуухахааравибхан̇г̇о. д̇ад̇т̇а б̣яан̃ж̇анзна суд̇д̇асса нзруд̇д̇ан̃жа ад̇хиббааяо жа нид̣̇аанан̃жа буб̣б̣аабарасанд̇хи жа г̇авзсид̇аб̣б̣од̇и сан̇кзбзна д̇аава жад̇уб̣яуухам̣ д̣̇ассзд̇и. ‘‘б̣яан̃ж̇анзнаа’’д̇и иминаа хаараанам̣ суд̇д̇асса б̣яан̃ж̇анавижаяабхаавад̇о б̣яан̃ж̇анамукзнзва зд̇з жад̇уб̣яуухахаарабад̣̇ад̇т̇аа нид̣̇д̇хаарзд̇аб̣б̣аад̇и д̣̇ассзд̇и. нзруд̇д̇анд̇и нируд̇д̇ам̣ ниб̣б̣ажананд̇и ад̇т̇о. нируд̇д̇амзва нзруд̇д̇ам̣. д̇знзвааха – ‘‘яаа нируд̇д̇ибад̣̇асам̣хид̇аа’’д̇и. д̇ассад̇т̇о – яаа нируд̇д̇и, ид̣̇ам̣ нзруд̇д̇ам̣. гаа бана саа нируд̇д̇и? бад̣̇асам̣хид̇аад̇и бад̣̇зсу сам̣хид̇аа яуд̇д̇аа, лин̇г̇аважанагааласаад̇ханабурисаад̣̇ивисзсаяог̇зна яо яо ад̇т̇о яат̇аа яат̇аа вад̇д̇аб̣б̣о, д̇ат̇аа д̇ат̇аа бавад̇д̇асабхааванируд̇д̇ийд̇и ад̇т̇о. д̇ат̇аа хи вуд̇д̇ам̣ ‘‘яам̣ д̇хаммаанам̣ наамасо н̃аан̣а’’нд̇и.
25.Tattha katamo catubyūho hāroti catubyūhahāravibhaṅgo. Tattha byañjanena suttassa neruttañca adhippāyo ca nidānañca pubbāparasandhi ca gavesitabboti saṅkhepena tāva catubyūhaṃ dasseti. ‘‘Byañjanenā’’ti iminā hārānaṃ suttassa byañjanavicayabhāvato byañjanamukheneva ete catubyūhahārapadatthā niddhāretabbāti dasseti. Neruttanti niruttaṃ nibbacananti attho. Niruttameva neruttaṃ. Tenevāha – ‘‘yā niruttipadasaṃhitā’’ti. Tassattho – yā nirutti, idaṃ neruttaṃ. Kā pana sā nirutti? Padasaṃhitāti padesu saṃhitā yuttā, liṅgavacanakālasādhanapurisādivisesayogena yo yo attho yathā yathā vattabbo, tathā tathā pavattasabhāvaniruttīti attho. Tathā hi vuttaṃ ‘‘yaṃ dhammānaṃ nāmaso ñāṇa’’nti.
д̇ад̇т̇а яанд̇и хзд̇уад̇т̇з нибаад̇о, яааяа гааран̣абхууд̇ааяаад̇и ад̇т̇о. д̇хаммаананд̇и н̃зяяад̇хаммаанам̣. наамасод̇и бат̇авий пассо канд̇хаа д̇хаад̇у д̇иссо пуссод̇и звамаад̣̇инаамависзсзна н̃аан̣ам̣ бавад̇д̇ад̇и, аяам̣ сабхааванируд̇д̇и наама. бат̇авийд̇и хи звамаад̣̇игам̣ сад̣̇д̣̇ам̣ г̇ахзд̇ваа д̇ад̇о барам̣ сан̇гзд̇ад̣̇ваарзна д̇ад̣̇ад̇т̇абадибад̇д̇и д̇ам̣д̇ам̣анияад̇анаамабан̃н̃ад̇д̇иг̇г̇ахан̣авасзнзва ход̇ийд̇и. ат̇а ваа бад̣̇асам̣хид̇аад̇и бад̣̇зна сам̣хид̇аа . бад̣̇ад̇о хи бад̣̇ад̇т̇ааваб̣од̇хо. со банасса ад̇т̇з бавад̇д̇инимид̇д̇абхууд̇ааяа бан̃н̃ад̇д̇ияаа г̇ахид̇ааяа зва ход̇ийд̇и саа бана бан̃н̃ад̇д̇и нируд̇д̇исан̇каад̇абад̣̇зна сам̣хид̇аа бад̣̇ад̇т̇ам̣ б̣од̇хзд̇ийд̇и бад̣̇асам̣хид̇аад̇и вуд̇д̇аа. ‘‘яад̣̇аа хи бхигкуу’’д̇иаад̣̇инаа ‘‘д̇хаммаанам̣ наамасо н̃аан̣а’’нд̇и бад̣̇асса ад̇т̇ам̣ виварад̇и.
Tattha yanti hetuatthe nipāto, yāya kāraṇabhūtāyāti attho. Dhammānanti ñeyyadhammānaṃ. Nāmasoti pathavī phasso khandhā dhātu tisso phussoti evamādināmavisesena ñāṇaṃ pavattati, ayaṃ sabhāvanirutti nāma. Pathavīti hi evamādikaṃ saddaṃ gahetvā tato paraṃ saṅketadvārena tadatthapaṭipatti taṃtaṃaniyatanāmapaññattiggahaṇavaseneva hotīti. Atha vā padasaṃhitāti padena saṃhitā . Padato hi padatthāvabodho. So panassa atthe pavattinimittabhūtāya paññattiyā gahitāya eva hotīti sā pana paññatti niruttisaṅkhātapadena saṃhitā padatthaṃ bodhetīti padasaṃhitāti vuttā. ‘‘Yadā hi bhikkhū’’tiādinā ‘‘dhammānaṃ nāmaso ñāṇa’’nti padassa atthaṃ vivarati.
д̇ад̇т̇а ад̇т̇ассаад̇и сад̣̇д̣̇аабхид̇хзяяасса ад̇т̇асса. наамам̣ ж̇аанаад̇ийд̇и наамабан̃н̃ад̇д̇ивасзна аяам̣ наамаад̇и наамам̣ ж̇аанаад̇и. д̇хаммассаад̇и сабхаавад̇хаммасса. д̇ат̇аа д̇ат̇аа нам̣ абхиниробзд̇ийд̇и яо яо ад̇т̇о д̇хаммо жа яат̇аа яат̇аа жа вохарид̇аб̣б̣о, д̇ат̇аа д̇ат̇аа нам̣ наамам̣ вохаарам̣ абхиниробзд̇и д̣̇зсзд̇ийд̇и ад̇т̇о. зд̇д̇аавад̇аа жа аяам̣ бхигку ад̇т̇агусало яаава анзгаад̇хиважанагусалод̇и вужжад̇ийд̇и самб̣анд̇хид̇аб̣б̣ам̣.
Tattha atthassāti saddābhidheyyassa atthassa. Nāmaṃ jānātīti nāmapaññattivasena ayaṃ nāmāti nāmaṃ jānāti. Dhammassāti sabhāvadhammassa. Tathātathā naṃ abhiniropetīti yo yo attho dhammo ca yathā yathā ca voharitabbo, tathā tathā naṃ nāmaṃ vohāraṃ abhiniropeti desetīti attho. Ettāvatā ca ayaṃ bhikkhu atthakusalo yāva anekādhivacanakusaloti vuccatīti sambandhitabbaṃ.
д̇ад̇т̇а ад̇т̇агусалод̇и баал̣иад̇т̇з гусало. д̇хаммагусалод̇и баал̣ияам̣ гусало. б̣яан̃ж̇анагусалод̇и агкарзсу жа ваагязсу жа гусало. нируд̇д̇игусалод̇и ниб̣б̣ажанз гусало. буб̣б̣аабарагусалод̇и д̣̇зсанааяа буб̣б̣аабарагусало. д̣̇зсанаагусалод̇и д̇хаммасса д̣̇зсанааяа гусало. ад̇ийд̇аад̇хиважанагусалод̇и ад̇ийд̇абан̃н̃ад̇д̇игусало. зса наяо сзсзсуби. звам̣ саб̣б̣аани гаад̇аб̣б̣аани, ж̇анабад̣̇анируд̇д̇аанийд̇и яад̇д̇агаани сад̇д̇авохаарабад̣̇аани, д̇аани саб̣б̣аани яат̇аасамбхавам̣ суд̇д̇з ниб̣б̣ажанавасзна гаад̇аб̣б̣аани вад̇д̇аб̣б̣аанийд̇и ад̇т̇о. саб̣б̣аа жа ж̇анабад̣̇анируд̇д̇ияод̇и саб̣б̣аа жа логасаман̃н̃ааяо яат̇аарахам̣ гаад̇аб̣б̣аа. ‘‘саман̃н̃ам̣ наад̇ид̇хаавзяяаа’’д̇и хи вуд̇д̇ам̣. д̇ат̇аа хи саммуд̇исажжамукзнзва барамад̇т̇асажжаад̇хиг̇амо ход̇ийд̇и.
Tattha atthakusaloti pāḷiatthe kusalo. Dhammakusaloti pāḷiyaṃ kusalo. Byañjanakusaloti akkharesu ca vākyesu ca kusalo. Niruttikusaloti nibbacane kusalo. Pubbāparakusaloti desanāya pubbāparakusalo. Desanākusaloti dhammassa desanāya kusalo. Atītādhivacanakusaloti atītapaññattikusalo. Esa nayo sesesupi. Evaṃ sabbāni kātabbāni, janapadaniruttānīti yattakāni sattavohārapadāni, tāni sabbāni yathāsambhavaṃ sutte nibbacanavasena kātabbāni vattabbānīti attho. Sabbā ca janapadaniruttiyoti sabbā ca lokasamaññāyo yathārahaṃ kātabbā. ‘‘Samaññaṃ nātidhāveyyā’’ti hi vuttaṃ. Tathā hi sammutisaccamukheneva paramatthasaccādhigamo hotīti.
26.
26.
ад̇хиббааяаган̣д̣з ануд̇д̇аанам̣ наама над̇т̇и.
Adhippāyakaṇḍe anuttānaṃ nāma natthi.
27. нид̣̇аанаган̣д̣з иминаа вад̇т̇унаад̇и иминаа буд̇д̇аг̇аваад̣̇игид̇д̇анасан̇каад̇зна гааран̣зна. гааран̣ан̃хзд̇т̇а вад̇т̇у нид̣̇аананд̇и жа вуд̇д̇ам̣. иминаа наязна саб̣б̣ад̇т̇а нид̣̇аананид̣̇д̇хааран̣ам̣ взд̣̇ид̇аб̣б̣ам̣.
27. Nidānakaṇḍe iminā vatthunāti iminā puttagavādikittanasaṅkhātena kāraṇena. Kāraṇañhettha vatthu nidānanti ca vuttaṃ. Iminā nayena sabbattha nidānaniddhāraṇaṃ veditabbaṃ.
гааманд̇хаад̇и гилзсагаамзна анд̇хаа. ж̇ааласан̃чаннаад̇и д̇ан̣хааж̇аалабалиг̇ун̣тид̇аа. д̇ан̣хаачад̣̇аначаад̣̇ид̇аад̇и д̇ан̣хаасан̇каад̇зна анд̇хагаарзна бихид̇аа. б̣анд̇ханааб̣ад̣̇д̇хаад̇и гаамаг̇ун̣асан̇каад̇зна б̣анд̇ханзна б̣ад̣̇д̇хаа. ‘‘бамад̇д̇аб̣анд̇ханаа’’д̇иби баато, бамаад̣̇знаад̇и ад̇т̇о. буб̣б̣аабарзнаад̇и буб̣б̣зна ваа абарзна ваа д̣̇зсананд̇арзнаад̇и ад̇хиббааяо. яуж̇ж̇ад̇ийд̇и яог̇ам̣ убзд̇и, самзд̇ийд̇и ад̇т̇о. имзхи бад̣̇зхи барияудтаанзхийд̇и имзхи яат̇аавуд̇д̇зхи г̇аат̇аабад̣̇зхи д̇ан̣хаабарияудтаанад̣̇ийбагзхи. сааязва д̇ан̣хаад̇и яаа буримаг̇аат̇ааяа вуд̇д̇аа, сааязва д̇ан̣хаа. ‘‘яан̃жаахаа’’д̇иаад̣̇инаа д̣̇виннамби г̇аат̇аанам̣ ад̇т̇асам̣санд̣̇анзна буб̣б̣аабарам̣ вибхаавзд̇и. баяог̇знаад̇и самуд̣̇аажаарзна. д̇асмаад̇и яад̇т̇а саяам̣ уббаннаа, д̇ам̣ санд̇аанам̣ ниссарид̇ум̣ ад̣̇знд̇ий наанаарамман̣зхи балобхаяамаанаа гилзсзхи жид̇д̇ам̣ барияаад̣̇ааяа д̇идтад̇и. д̇асмаа гилзсавасзна жа барияудтаанавасзна жа д̇ан̣хааб̣анд̇ханам̣ вуд̇д̇аа.
Kāmandhāti kilesakāmena andhā. Jālasañchannāti taṇhājālapaliguṇṭhitā. Taṇhāchadanachāditāti taṇhāsaṅkhātena andhakārena pihitā. Bandhanābaddhāti kāmaguṇasaṅkhātena bandhanena baddhā. ‘‘Pamattabandhanā’’tipi pāṭho, pamādenāti attho. Pubbāparenāti pubbena vā aparena vā desanantarenāti adhippāyo. Yujjatīti yogaṃ upeti, sametīti attho. Imehi padehipariyuṭṭhānehīti imehi yathāvuttehi gāthāpadehi taṇhāpariyuṭṭhānadīpakehi. Sāyeva taṇhāti yā purimagāthāya vuttā, sāyeva taṇhā. ‘‘Yañcāhā’’tiādinā dvinnampi gāthānaṃ atthasaṃsandanena pubbāparaṃ vibhāveti. Payogenāti samudācārena. Tasmāti yattha sayaṃ uppannā, taṃ santānaṃ nissarituṃ adentī nānārammaṇehi palobhayamānā kilesehi cittaṃ pariyādāya tiṭṭhati. Tasmā kilesavasena ca pariyuṭṭhānavasena ca taṇhābandhanaṃ vuttā.
бабан̃жзнд̇и сам̣саарз жирам̣ табзнд̇ийд̇и бабан̃жаа. д̇идтанд̇и зд̇аахийд̇и тид̇ий. б̣анд̇ханадтзна санд̣̇аанам̣ вияаад̇и санд̣̇аанам̣. ниб̣б̣аананаг̇араббавзсасса бадисзд̇ханад̇о балигхам̣ вияаад̇и балигхам̣. анавасзсад̇ан̣хаабахаанзна нид̇д̇ан̣хо. ад̇д̇ахид̇абарахид̇аанам̣ ид̇халогабаралогаанан̃жа мунанад̇о мунийд̇и звам̣ г̇аат̇ааяа бад̣̇ад̇т̇о взд̣̇ид̇аб̣б̣о. бабан̃жаад̣̇иад̇т̇аа бана баал̣ияам̣ вибхад̇д̇аа зваад̇и. д̇ад̇т̇а яассзд̇з бабан̃жаад̣̇аяо аб̣бхад̇т̇ам̣ г̇ад̇аа, д̇асса д̇ан̣хааяа лзсоби на бхавад̇и. д̇зна вуд̇д̇ам̣ – ‘‘яо зд̇ам̣ саб̣б̣ам̣ самад̇игганд̇о, аяам̣ вужжад̇и нид̇д̇ан̣хо’’д̇и.
Papañcenti saṃsāre ciraṃ ṭhapentīti papañcā. Tiṭṭhanti etāhīti ṭhitī. Bandhanaṭṭhena sandānaṃ viyāti sandānaṃ. Nibbānanagarappavesassa paṭisedhanato palighaṃ viyāti palighaṃ. Anavasesataṇhāpahānena nittaṇho. Attahitaparahitānaṃ idhalokaparalokānañca munanato munīti evaṃ gāthāya padattho veditabbo. Papañcādiatthā pana pāḷiyaṃ vibhattā evāti. Tattha yassete papañcādayo abbhatthaṃ gatā, tassa taṇhāya lesopi na bhavati. Tena vuttaṃ – ‘‘yo etaṃ sabbaṃ samatikkanto, ayaṃ vuccati nittaṇho’’ti.
28. барияудтаананд̇и ‘‘д̇ан̣хааяа барияудтаана’’нд̇и вуд̇д̇аани д̇ан̣хаавижарид̇аани. сан̇каараад̇и ‘‘д̇ад̣̇абхисан̇кад̇аа сан̇каараа’’д̇и вуд̇д̇аа д̇ан̣хаад̣̇идтимаанахзд̇угаа сан̇каараа. д̇з бана яасмаа сад̇д̇асу ж̇аванажзд̇анаасу батамажзд̇анаа сад̇и бажжаяасамавааяз имасмим̣язва ад̇д̇абхаавз палам̣ д̣̇зд̇и. бажчимажзд̇анаа ананд̇арз ад̇д̇абхаавз. убхиннам̣ взмаж̇жхажзд̇анаа яад̇т̇а гад̇т̇ажи палам̣ д̣̇зд̇и, д̇асмаа вибажжаногаасавасзна вибхаж̇ид̇ваа д̣̇ассзд̇ум̣ ‘‘д̣̇идтад̇хаммавзд̣̇анийяаа ваа’’д̇иаад̣̇и вуд̇д̇ам̣. яасмаа бана д̇ам̣д̇ам̣жзд̇анаасамбаяуд̇д̇аа д̇ан̣хааби жзд̇анаа вияа д̣̇идтад̇хаммавзд̣̇анийяаад̣̇ивасзна д̇ид̇хаа ход̇и, д̇асмаа вуд̇д̇ам̣ – ‘‘звам̣ д̇ан̣хаа д̇ивид̇хам̣ палам̣ д̣̇зд̇ий’’д̇и. буб̣б̣аабарзна яуж̇ж̇ад̇ийд̇и яам̣ буб̣б̣ам̣ буримам̣ сан̇каараанам̣ д̣̇идтад̇хаммавзд̣̇анийяад̇аад̣̇иважанам̣ вуд̇д̇ам̣, д̇ам̣ иминаа абарзна гаммасса д̣̇идтад̇хаммавзд̣̇анийяад̇аад̣̇иважанзна яуж̇ж̇ад̇и г̇ан̇г̇од̣̇агам̣ вияа яамунод̣̇агзна сам̣санд̣̇ад̇и самзд̇ийд̇и ад̇т̇о.
28.Pariyuṭṭhānanti ‘‘taṇhāya pariyuṭṭhāna’’nti vuttāni taṇhāvicaritāni. Saṅkhārāti ‘‘tadabhisaṅkhatā saṅkhārā’’ti vuttā taṇhādiṭṭhimānahetukā saṅkhārā. Te pana yasmā sattasu javanacetanāsu paṭhamacetanā sati paccayasamavāye imasmiṃyeva attabhāve phalaṃ deti. Pacchimacetanā anantare attabhāve. Ubhinnaṃ vemajjhacetanā yattha katthaci phalaṃ deti, tasmā vipaccanokāsavasena vibhajitvā dassetuṃ ‘‘diṭṭhadhammavedanīyā vā’’tiādi vuttaṃ. Yasmā pana taṃtaṃcetanāsampayuttā taṇhāpi cetanā viya diṭṭhadhammavedanīyādivasena tidhā hoti, tasmā vuttaṃ – ‘‘evaṃ taṇhā tividhaṃ phalaṃ detī’’ti. Pubbāparena yujjatīti yaṃ pubbaṃ purimaṃ saṅkhārānaṃ diṭṭhadhammavedanīyatādivacanaṃ vuttaṃ, taṃ iminā aparena kammassa diṭṭhadhammavedanīyatādivacanena yujjati gaṅgodakaṃ viya yamunodakena saṃsandati sametīti attho.
сан̇каараа д̣̇ассанаб̣алзнаад̇и жад̇уусу д̣̇идтиг̇ад̇асамбаяуд̇д̇зсу вижигижчаасамбаяуд̇д̇з жаад̇и бан̃жасу жид̇д̇уббаад̣̇зсу сан̇каараа батамамаг̇г̇абан̃н̃ааб̣алзна. чад̇д̇им̣са д̇ан̣хаавижарид̇аани бхааванааб̣алзнаад̇и батамамаг̇г̇зна бахийнаавасзсавасзна вуд̇д̇ам̣, на саб̣б̣зсам̣ васзна.
Saṅkhārā dassanabalenāti catūsu diṭṭhigatasampayuttesu vicikicchāsampayutte cāti pañcasu cittuppādesu saṅkhārā paṭhamamaggapaññābalena. Chattiṃsa taṇhāvicaritāni bhāvanābalenāti paṭhamamaggena pahīnāvasesavasena vuttaṃ, na sabbesaṃ vasena.
ануб̣анд̇ход̇и д̇ан̣хаад̣̇ийнам̣ ануббаб̣анд̇хзна бавад̇д̇и. яо жааби бабан̃жод̇иаад̣̇инаа ‘‘бабан̃жзд̇ий’’д̇иаад̣̇инаа вуд̇д̇ам̣ раад̇хасуд̇д̇ан̃жасам̣санд̣̇ад̇и. д̇знзвааха – ‘‘ид̣̇ам̣ згад̇т̇а’’нд̇и. яад̣̇иби ад̇т̇ад̇о згам̣, д̣̇зсанааяа бана висзсо виж̇ж̇ад̇ийд̇и д̣̇ассзд̇ум̣ ‘‘аби жаа’’д̇иаад̣̇и вуд̇д̇ам̣. званд̇и иминаа вуд̇д̇аббагаарзна. суд̇д̇знаад̇и сам̣ван̣н̣ияамаанзна суд̇д̇зна. суд̇д̇анд̇и суд̇д̇анд̇арам̣. сам̣санд̣̇аяид̇ваад̇и вимиссид̇ваа ад̇т̇ад̇о абхиннам̣ гад̇ваа. буб̣б̣аабарзна сад̣̇д̇хим̣ яож̇аяид̇ваад̇и буб̣б̣зна ваа абарзна ваа суд̇д̇зна сад̣̇д̇хим̣ ад̇т̇ад̇о самб̣анд̇хам̣ яож̇зд̇ваа. вуд̇д̇амзвад̇т̇ам̣ баагадам̣ гарод̇и д̇зна суд̇д̇асса ад̇т̇о нид̣̇д̣̇идто ход̇и вид̇т̇аарид̇о суд̇д̇анд̇арад̣̇ассанзна.
Anubandhoti taṇhādīnaṃ anuppabandhena pavatti. Yo cāpi papañcotiādinā ‘‘papañcetī’’tiādinā vuttaṃ rādhasuttañcasaṃsandati. Tenevāha – ‘‘idaṃ ekattha’’nti. Yadipi atthato ekaṃ, desanāya pana viseso vijjatīti dassetuṃ ‘‘api cā’’tiādi vuttaṃ. Evanti iminā vuttappakārena. Suttenāti saṃvaṇṇiyamānena suttena. Suttanti suttantaraṃ. Saṃsandayitvāti vimissitvā atthato abhinnaṃ katvā. Pubbāparena saddhiṃ yojayitvāti pubbena vā aparena vā suttena saddhiṃ atthato sambandhaṃ yojetvā. Vuttamevatthaṃ pākaṭaṃ karoti tena suttassa attho niddiṭṭho hoti vitthārito suttantaradassanena.
на гзвалам̣ суд̇д̇анд̇арасам̣санд̣̇анамзва буб̣б̣аабарасанд̇хи, ат̇а ко ан̃н̃оби ад̇т̇ийд̇и д̣̇ассзд̇ум̣ ‘‘со жааяа’’нд̇иаад̣̇и вуд̇д̇ам̣. д̇ад̇т̇а ад̇т̇асанд̇хийд̇и гирияаагаарагаад̣̇ивасзна ад̇т̇асса самб̣анд̇хо. со бана яасмаа сан̇гаасанаад̣̇ийнам̣ чаннам̣ ад̇т̇абад̣̇аанам̣язва ход̇и, саб̣б̣ассааби бад̣̇ад̇т̇асса д̇ад̣̇аварод̇хад̇о.
Na kevalaṃ suttantarasaṃsandanameva pubbāparasandhi, atha kho aññopi atthīti dassetuṃ ‘‘so cāya’’ntiādi vuttaṃ. Tattha atthasandhīti kiriyākārakādivasena atthassa sambandho. So pana yasmā saṅkāsanādīnaṃ channaṃ atthapadānaṃyeva hoti, sabbassāpi padatthassa tadavarodhato.
самб̣анд̇хо жа наама на гожи ад̇т̇о. д̇асмаа ‘‘ад̇т̇асанд̇хи чаббад̣̇ааний’’д̇иаад̣̇и вуд̇д̇ам̣. б̣яан̃ж̇анасанд̇хийд̇и бад̣̇асса бад̣̇анд̇арзна самб̣анд̇хо. яасмаа бана саб̣б̣амби наамаад̣̇ибад̣̇ам̣ чахи б̣яан̃ж̇анабад̣̇зхи асан̇г̇ахид̇ам̣ наама над̇т̇и, д̇асмаа ‘‘б̣яан̃ж̇анасанд̇хи чаббад̣̇ааний’’д̇иаад̣̇и вуд̇д̇ам̣.
Sambandho ca nāma na koci attho. Tasmā ‘‘atthasandhi chappadānī’’tiādi vuttaṃ. Byañjanasandhīti padassa padantarena sambandho. Yasmā pana sabbampi nāmādipadaṃ chahi byañjanapadehi asaṅgahitaṃ nāma natthi, tasmā ‘‘byañjanasandhi chappadānī’’tiādi vuttaṃ.
д̣̇зсанаасанд̇хийд̇и яат̇аавуд̇д̇ад̣̇зсананд̇арзна д̣̇зсанааяа сам̣санд̣̇анам̣. на жа бат̇авим̣ ниссааяаад̇и бат̇авим̣ висаяасан̇каад̇ам̣ ниссаяам̣ гад̇ваа, бат̇авим̣ ааламб̣ид̇ваад̇и ад̇т̇о. жхааяийд̇и паласамаабад̇д̇ижхаанзна жхааяий. со хи саб̣б̣асан̇каараниссадам̣ ниб̣б̣аанам̣ ааламб̣ид̇ваа самаабаж̇ж̇анавасзна жхааяад̇и, на бат̇авим̣ ниссааяа жхааяад̇ийд̇и вуд̇д̇о. сзсабад̣̇зсуби зсзва наяо. зд̇т̇а жа жад̇уухи махаабхууд̇зхи руубаббадиб̣ад̣̇д̇хавуд̇д̇ид̇ааяа саб̣б̣о гаамабхаво руубабхаво жа г̇ахид̇аа. аруубабхаво бана саруубзнзва г̇ахид̇од̇и саб̣б̣ам̣ логам̣ барияаад̣̇ияид̇ваа буна ан̃н̃знаби барияааязна д̇ам̣ д̣̇ассзд̇ум̣ ‘‘на жа имам̣ лога’’нд̇иаад̣̇имааха. саб̣б̣о хи лого ид̇халого баралого жаад̇и д̣̇взва годтаасаа хонд̇и. яасмаа бана ‘‘ид̇халого’’д̇и висзсад̇о д̣̇идтад̇хаммабхууд̇о сад̇д̇асанд̇аано вужжад̇и. ‘‘баралого’’д̇и бхаванд̇арасан̇кзбаг̇ад̇о сад̇д̇асанд̇аано д̇ад̣̇убхаяавинимуд̇д̇о анинд̣̇рияаб̣ад̣̇д̇хо руубасанд̇аано. д̇асмаа д̇ам̣ санд̇хааяа ‘‘яамид̣̇ам̣ убхаяаманд̇арзнаа’’д̇иаад̣̇и вуд̇д̇ам̣.
Desanāsandhīti yathāvuttadesanantarena desanāya saṃsandanaṃ. Na ca pathaviṃ nissāyāti pathaviṃ visayasaṅkhātaṃ nissayaṃ katvā, pathaviṃ ālambitvāti attho. Jhāyīti phalasamāpattijhānena jhāyī. So hi sabbasaṅkhāranissaṭaṃ nibbānaṃ ālambitvā samāpajjanavasena jhāyati, na pathaviṃ nissāya jhāyatīti vutto. Sesapadesupi eseva nayo. Ettha ca catūhi mahābhūtehi rūpappaṭibaddhavuttitāya sabbo kāmabhavo rūpabhavo ca gahitā. Arūpabhavo pana sarūpeneva gahitoti sabbaṃ lokaṃ pariyādiyitvā puna aññenapi pariyāyena taṃ dassetuṃ ‘‘na ca imaṃ loka’’ntiādimāha. Sabbo hi loko idhaloko paraloko cāti dveva koṭṭhāsā honti. Yasmā pana ‘‘idhaloko’’ti visesato diṭṭhadhammabhūto sattasantāno vuccati. ‘‘Paraloko’’ti bhavantarasaṅkhepagato sattasantāno tadubhayavinimutto anindriyabaddho rūpasantāno. Tasmā taṃ sandhāya ‘‘yamidaṃ ubhayamantarenā’’tiādi vuttaṃ.
яз бана ‘‘убхаяаманд̇арзнаа’’д̇и важанам̣ г̇ахзд̇ваа анд̇араабхавам̣ ижчанд̇и, д̇зсам̣ д̇ам̣ мижчаа. анд̇араабхаво хи абхид̇хаммз бадигкид̇д̇од̇и. д̣̇идтанд̇и руубааяад̇анам̣ . суд̇анд̇и сад̣̇д̣̇ааяад̇анам̣. муд̇анд̇и бад̇ваа г̇ахзд̇аб̣б̣ад̇о г̇анд̇хааяад̇анам̣ расааяад̇анам̣ подтаб̣б̣ааяад̇анан̃жа. вин̃н̃аад̇анд̇и авасидтам̣ д̇хаммаарамман̣абарияаабаннаруубам̣. бад̇д̇анд̇и бариязсид̇ваа ваа абариязсид̇ваа ваа бад̇д̇ам̣. бариязсид̇анд̇и бад̇д̇ам̣ ваа аббад̇д̇ам̣ ваа бариязсид̇ам̣. вид̇аггид̇ам̣ вижаарид̇анд̇и вид̇агганавасзна анумаж̇ж̇анавасзна жа ааламб̣ид̇ам̣. манасаанужинд̇ид̇анд̇и жид̇д̇зна ану ану жинд̇ид̇ам̣. аяам̣ сад̣̇звагз…бз… аниссид̇зна жид̇д̇зна на н̃ааяад̇и жхааяанд̇од̇и аяам̣ кийн̣аасаво паласамаабад̇д̇ижхаанзна жхааяанд̇о буб̣б̣зва д̇ан̣хаад̣̇идтиниссаяаанам̣ судту бахийнад̇д̇аа сад̣̇звагз логз…бз… мануссааяа яад̇т̇а гад̇т̇ажиби аниссид̇зна жид̇д̇зна жхааяад̇и наама. д̇ад̇о зва логз гзнажиби на н̃ааяад̇и ‘‘аяам̣ ид̣̇ам̣ наама ниссааяа жхааяад̇ий’’д̇и. вуд̇д̇ан̃хзд̇ам̣ –
Ye pana ‘‘ubhayamantarenā’’ti vacanaṃ gahetvā antarābhavaṃ icchanti, tesaṃ taṃ micchā. Antarābhavo hi abhidhamme paṭikkhittoti. Diṭṭhanti rūpāyatanaṃ . Sutanti saddāyatanaṃ. Mutanti patvā gahetabbato gandhāyatanaṃ rasāyatanaṃ phoṭṭhabbāyatanañca. Viññātanti avasiṭṭhaṃ dhammārammaṇapariyāpannarūpaṃ. Pattanti pariyesitvā vā apariyesitvā vā pattaṃ. Pariyesitanti pattaṃ vā appattaṃ vā pariyesitaṃ. Vitakkitaṃ vicāritanti vitakkanavasena anumajjanavasena ca ālambitaṃ. Manasānucintitanti cittena anu anu cintitaṃ. Ayaṃ sadevake…pe… anissitena cittena na ñāyati jhāyantoti ayaṃ khīṇāsavo phalasamāpattijhānena jhāyanto pubbeva taṇhādiṭṭhinissayānaṃ suṭṭhu pahīnattā sadevake loke…pe… manussāya yattha katthacipi anissitena cittena jhāyati nāma. Tato eva loke kenacipi na ñāyati ‘‘ayaṃ idaṃ nāma nissāya jhāyatī’’ti. Vuttañhetaṃ –
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
яасса д̇з наабхиж̇аанаама, гим̣ д̇вам̣ ниссааяа жхааяасий’’д̇и. (нзд̇д̇и. 104);
Yassa te nābhijānāma, kiṃ tvaṃ nissāya jhāyasī’’ti. (netti. 104);
ид̣̇аани кийн̣аасаважид̇д̇асса гад̇т̇ажиби аниссид̇абхаавам̣ г̇од̇хигасуд̇д̇зна (сам̣. ни. 1.159) ваггалисуд̇д̇зна (сам̣. ни. 3.87) жа вибхаавзд̇ум̣ ‘‘яат̇аа мааро’’д̇иаад̣̇и вуд̇д̇ам̣. вин̃н̃аан̣ам̣ саманвзсанд̇од̇и бариниб̣б̣аанад̇о уд̣̇д̇хам̣ вин̃н̃аан̣ам̣ бариязсанд̇о. ‘‘бабан̃жаад̇ийд̇о’’д̇иаад̣̇инаа ад̣̇ассанасса гааран̣амааха. аниссид̇ажид̇д̇аа на н̃ааяанд̇и жхааяамаанаад̇и на гзвалам̣ анубаад̣̇исзсааяа ниб̣б̣аанад̇хаад̇уяаа кийн̣аасавасса жид̇д̇аг̇ад̇им̣ маараад̣̇аяо на ж̇аананд̇и, аби жа ко саубаад̣̇исзсааяаби ниб̣б̣аанад̇хаад̇уяаа д̇асса д̇ам̣ на ж̇аананд̇ийд̇и ад̇т̇о. аяам̣ д̣̇зсанаасанд̇хийд̇и г̇од̇хигасуд̇д̇аваггалисуд̇д̇аанам̣ вияа суд̇д̇анд̇аанам̣ ан̃н̃аман̃н̃аад̇т̇асам̣санд̣̇анаа д̣̇зсанаасанд̇хи наама.
Idāni khīṇāsavacittassa katthacipi anissitabhāvaṃ godhikasuttena (saṃ. ni. 1.159) vakkalisuttena (saṃ. ni. 3.87) ca vibhāvetuṃ ‘‘yathā māro’’tiādi vuttaṃ. Viññāṇaṃ samanvesantoti parinibbānato uddhaṃ viññāṇaṃ pariyesanto. ‘‘Papañcātīto’’tiādinā adassanassa kāraṇamāha. Anissitacittā na ñāyanti jhāyamānāti na kevalaṃ anupādisesāya nibbānadhātuyā khīṇāsavassa cittagatiṃ mārādayo na jānanti, api ca kho saupādisesāyapi nibbānadhātuyā tassa taṃ na jānantīti attho. Ayaṃ desanāsandhīti godhikasuttavakkalisuttānaṃ viya suttantānaṃ aññamaññaatthasaṃsandanā desanāsandhi nāma.
нид̣̇д̣̇зсасанд̇хийд̇и нид̣̇д̣̇зсасса санд̇хи нид̣̇д̣̇зсасанд̇хи, нид̣̇д̣̇зсзна ваа санд̇хи нид̣̇д̣̇зсасанд̇хи. буримзна суд̇д̇асса нид̣̇д̣̇зсзна д̇ассзва бажчимасса нид̣̇д̣̇зсасса, бажчимзна ваа буримасса самб̣анд̇хананд̇и ад̇т̇о. д̇ам̣ д̣̇ассзд̇ум̣ яасмаа бхаг̇аваа язбхуяязна батамам̣ ваддам̣ д̣̇ассзд̇ваа бажчаа виваддам̣ д̣̇ассзд̇и, д̇асмаа ‘‘ниссид̇ажид̇д̇аа’’д̇иаад̣̇и вуд̇д̇ам̣. д̇ад̇т̇а ниссид̇ам̣ жид̇д̇ам̣ зд̇зсанд̇и ниссид̇ажид̇д̇аа, буг̇г̇алаа, нид̣̇д̣̇исид̇аб̣б̣аа буг̇г̇алаад̇хидтаанааяа д̣̇зсанааяаад̇и ад̇хиббааяо. д̇хаммаад̇хидтаанааяа бана ниссид̇ам̣ жид̇д̇ам̣ зд̇т̇аад̇и ниссид̇ажид̇д̇аа, ниссид̇ажид̇д̇аванд̇о д̇ан̣хаад̣̇идтиниссаяавасзна бавад̇д̇аа суд̇д̇абад̣̇зсаа. сзсамзд̇т̇а саб̣б̣ам̣ баагадамзва.
Niddesasandhīti niddesassa sandhi niddesasandhi, niddesena vā sandhi niddesasandhi. Purimena suttassa niddesena tasseva pacchimassa niddesassa, pacchimena vā purimassa sambandhananti attho. Taṃ dassetuṃ yasmā bhagavā yebhuyyena paṭhamaṃ vaṭṭaṃ dassetvā pacchā vivaṭṭaṃ dasseti, tasmā ‘‘nissitacittā’’tiādi vuttaṃ. Tattha nissitaṃ cittaṃ etesanti nissitacittā, puggalā, niddisitabbā puggalādhiṭṭhānāya desanāyāti adhippāyo. Dhammādhiṭṭhānāya pana nissitaṃ cittaṃ etthāti nissitacittā, nissitacittavanto taṇhādiṭṭhinissayavasena pavattā suttapadesā. Sesamettha sabbaṃ pākaṭameva.
жад̇уб̣яуухахааравибхан̇г̇аван̣н̣анаа нидтид̇аа.
Catubyūhahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 6. жад̇уб̣яуухахааравибхан̇г̇о • 6. Catubyūhahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 6. жад̇уб̣яуухахааравибхан̇г̇аван̣н̣анаа • 6. Catubyūhahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 6. жад̇уб̣яуухахааравибхан̇г̇авибхааванаа • 6. Catubyūhahāravibhaṅgavibhāvanā
