| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
ж̇аад̇ага-адтагат̇аа
Jātaka-aṭṭhakathā
жад̇уд̇т̇о бхааг̇о
Catuttho bhāgo
10. д̣̇асаганибаад̇о
10. Dasakanipāto
[439] 1. жад̇уд̣̇ваараж̇аад̇агаван̣н̣анаа
[439] 1. Catudvārajātakavaṇṇanā
жад̇уд̣̇ваарамид̣̇ам̣ наг̇аранд̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажабхигкум̣ аараб̣бха гат̇зси. бажжуббаннавад̇т̇у наваганибаад̇асса батамаж̇аад̇агз вид̇т̇аарид̇амзва. ид̇ха бана сад̇т̇аа д̇ам̣ бхигкум̣ ‘‘сажжам̣ гира д̇вам̣ бхигку д̣̇уб̣б̣ажо’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘буб̣б̣зби д̇вам̣ бхигку д̣̇уб̣б̣ажад̇ааяа бан̣д̣ид̇аанам̣ важанам̣ агад̇ваа куражаггам̣ аабаад̣̇зсий’’д̇и вад̇ваа ад̇ийд̇ам̣ аахари.
Catudvāramidaṃnagaranti idaṃ satthā jetavane viharanto ekaṃ dubbacabhikkhuṃ ārabbha kathesi. Paccuppannavatthu navakanipātassa paṭhamajātake vitthāritameva. Idha pana satthā taṃ bhikkhuṃ ‘‘saccaṃ kira tvaṃ bhikkhu dubbaco’’ti pucchitvā ‘‘saccaṃ, bhante’’ti vutte ‘‘pubbepi tvaṃ bhikkhu dubbacatāya paṇḍitānaṃ vacanaṃ akatvā khuracakkaṃ āpādesī’’ti vatvā atītaṃ āhari.
ад̇ийд̇з гассабад̣̇асаб̣аласса гаалз б̣аараан̣асияам̣ асийд̇игодивибхавасса сздтино зго буд̇д̇о мид̇д̇авинд̣̇аго наама ахоси. д̇асса маад̇аабид̇аро сод̇аабаннаа ахзсум̣, со бана д̣̇уссийло ассад̣̇д̇хо. ат̇а нам̣ абарабхааг̇з бид̇ари гаалагад̇з маад̇аа гудумб̣ам̣ вижаарзнд̇ий ааха – ‘‘д̇аад̇а, д̇аяаа д̣̇уллабхам̣ мануссад̇д̇ам̣ лад̣̇д̇хам̣, д̣̇аанам̣ д̣̇зхи, сийлам̣ рагкаахи, убосат̇агаммам̣ гарохи, д̇хаммам̣ сун̣аахий’’д̇и. амма, на маяхам̣ д̣̇аанаад̣̇ийхи ад̇т̇о, маа мам̣ гин̃жи аважуд̇т̇а, ахам̣ яат̇аагаммам̣ г̇амиссаамийд̇и. звам̣ вад̣̇анд̇амби нам̣ згад̣̇ивасам̣ бун̣н̣амубосат̇ад̣̇ивасз маад̇аа ааха – ‘‘д̇аад̇а, аж̇ж̇а абхилагкид̇о махааубосат̇ад̣̇ивасо, аж̇ж̇а убосат̇ам̣ самаад̣̇ияид̇ваа вихаарам̣ г̇анд̇ваа саб̣б̣арад̇д̇им̣ д̇хаммам̣ суд̇ваа зхи, ахам̣ д̇з сахассам̣ д̣̇ассаамий’’д̇и. со ‘‘саад̇хуу’’д̇и д̇ханалобхзна убосат̇ам̣ самаад̣̇ияид̇ваа бхуд̇д̇абаад̇араасо вихаарам̣ г̇анд̇ваа д̣̇ивасам̣ вийд̇инаамзд̇ваа рад̇д̇им̣ яат̇аа згамби д̇хаммабад̣̇ам̣ ган̣н̣ам̣ на бахарад̇и, д̇ат̇аа згасмим̣ бад̣̇зсз нибаж̇ж̇ид̇ваа нид̣̇д̣̇ам̣ оггамид̇ваа бунад̣̇ивасз баад̇ова мукам̣ д̇ховид̇ваа г̇зхам̣ г̇анд̇ваа нисийд̣̇и.
Atīte kassapadasabalassa kāle bārāṇasiyaṃ asītikoṭivibhavassa seṭṭhino eko putto mittavindako nāma ahosi. Tassa mātāpitaro sotāpannā ahesuṃ, so pana dussīlo assaddho. Atha naṃ aparabhāge pitari kālakate mātā kuṭumbaṃ vicārentī āha – ‘‘tāta, tayā dullabhaṃ manussattaṃ laddhaṃ, dānaṃ dehi, sīlaṃ rakkhāhi, uposathakammaṃ karohi, dhammaṃ suṇāhī’’ti. Amma, na mayhaṃ dānādīhi attho, mā maṃ kiñci avacuttha, ahaṃ yathākammaṃ gamissāmīti. Evaṃ vadantampi naṃ ekadivasaṃ puṇṇamuposathadivase mātā āha – ‘‘tāta, ajja abhilakkhito mahāuposathadivaso, ajja uposathaṃ samādiyitvā vihāraṃ gantvā sabbarattiṃ dhammaṃ sutvā ehi, ahaṃ te sahassaṃ dassāmī’’ti. So ‘‘sādhū’’ti dhanalobhena uposathaṃ samādiyitvā bhuttapātarāso vihāraṃ gantvā divasaṃ vītināmetvā rattiṃ yathā ekampi dhammapadaṃ kaṇṇaṃ na paharati, tathā ekasmiṃ padese nipajjitvā niddaṃ okkamitvā punadivase pātova mukhaṃ dhovitvā gehaṃ gantvā nisīdi.
маад̇аа банасса ‘‘аж̇ж̇а мз буд̇д̇о д̇хаммам̣ суд̇ваа баад̇ова д̇хаммагат̇игад̇т̇зрам̣ аад̣̇ааяа ааг̇амиссад̇ий’’д̇и яааг̇ум̣ каад̣̇анийяам̣ бхож̇анийяам̣ бадияаад̣̇зд̇ваа аасанам̣ бан̃н̃абзд̇ваа д̇ассааг̇аманам̣ бадимаанзнд̇ий д̇ам̣ згагам̣ ааг̇ад̇ам̣ д̣̇исваа ‘‘д̇аад̇а, д̇хаммагат̇иго гзна на аанийд̇о’’д̇и вад̇ваа ‘‘на маяхам̣ д̇хаммагат̇игзна ад̇т̇о’’д̇и вуд̇д̇з ‘‘д̇зна хи яааг̇ум̣ биваа’’д̇и ааха. со ‘‘д̇умхзхи маяхам̣ сахассам̣ бадиссуд̇ам̣, д̇ам̣ д̇аава мз д̣̇зт̇а, бажчаа бивиссаамий’’д̇и ааха. ‘‘бива, д̇аад̇а, бажчаа д̣̇ассаамий’’д̇и. ‘‘г̇ахзд̇ваава бивиссаамий’’д̇и. ат̇асса маад̇аа сахассабхан̣д̣игам̣ бурад̇о табзси. со яааг̇ум̣ бивид̇ваа сахассабхан̣д̣игам̣ г̇ахзд̇ваа вохаарам̣ гаронд̇о на жирассзва вийсасад̇асахассам̣ уббаад̣̇зси. ат̇асса зд̇ад̣̇ахоси – ‘‘наавам̣ убадтабзд̇ваа вохаарам̣ гариссаамий’’д̇и. со наавам̣ убадтабзд̇ваа ‘‘амма, ахам̣ наавааяа вохаарам̣ гариссаамий’’д̇и ааха. ат̇а нам̣ маад̇аа ‘‘д̇вам̣ д̇аад̇а, згабуд̇д̇аго, имасмим̣ гхарз д̇ханамби б̣аху, самуд̣̇д̣̇о анзгаад̣̇ийнаво, маа г̇амий’’д̇и ниваарзси. со ‘‘ахам̣ г̇амиссаамзва, на саггаа мам̣ ниваарзд̇у’’нд̇и вад̇ваа ‘‘ахам̣ д̇ам̣, д̇аад̇а, ваарзссаамий’’д̇и маад̇араа хад̇т̇з г̇ахид̇о хад̇т̇ам̣ виссаж̇ж̇аабзд̇ваа маад̇арам̣ бахарид̇ваа баад̇зд̇ваа анд̇арам̣ гад̇ваа г̇анд̇ваа наавааяа самуд̣̇д̣̇ам̣ багканд̣̇и.
Mātā panassa ‘‘ajja me putto dhammaṃ sutvā pātova dhammakathikattheraṃ ādāya āgamissatī’’ti yāguṃ khādanīyaṃ bhojanīyaṃ paṭiyādetvā āsanaṃ paññapetvā tassāgamanaṃ paṭimānentī taṃ ekakaṃ āgataṃ disvā ‘‘tāta, dhammakathiko kena na ānīto’’ti vatvā ‘‘na mayhaṃ dhammakathikena attho’’ti vutte ‘‘tena hi yāguṃ pivā’’ti āha. So ‘‘tumhehi mayhaṃ sahassaṃ paṭissutaṃ, taṃ tāva me detha, pacchā pivissāmī’’ti āha. ‘‘Piva, tāta, pacchā dassāmī’’ti. ‘‘Gahetvāva pivissāmī’’ti. Athassa mātā sahassabhaṇḍikaṃ purato ṭhapesi. So yāguṃ pivitvā sahassabhaṇḍikaṃ gahetvā vohāraṃ karonto na cirasseva vīsasatasahassaṃ uppādesi. Athassa etadahosi – ‘‘nāvaṃ upaṭṭhapetvā vohāraṃ karissāmī’’ti. So nāvaṃ upaṭṭhapetvā ‘‘amma, ahaṃ nāvāya vohāraṃ karissāmī’’ti āha. Atha naṃ mātā ‘‘tvaṃ tāta, ekaputtako, imasmiṃ ghare dhanampi bahu, samuddo anekādīnavo, mā gamī’’ti nivāresi. So ‘‘ahaṃ gamissāmeva, na sakkā maṃ nivāretu’’nti vatvā ‘‘ahaṃ taṃ, tāta, vāressāmī’’ti mātarā hatthe gahito hatthaṃ vissajjāpetvā mātaraṃ paharitvā pātetvā antaraṃ katvā gantvā nāvāya samuddaṃ pakkhandi.
нааваа сад̇д̇амз д̣̇ивасз мид̇д̇авинд̣̇агам̣ ниссааяа самуд̣̇д̣̇абидтз нижжалаа адтааси. гаал̣аган̣н̣исалаагаа гарияамаанаа мид̇д̇авинд̣̇агассзва хад̇т̇з д̇игкад̇д̇ум̣ бад̇и. ат̇асса ул̣умбам̣ д̣̇ад̇ваа ‘‘имам̣ згам̣ ниссааяа б̣ахуу маа нассанд̇уу’’д̇и д̇ам̣ самуд̣̇д̣̇абидтз кибим̣су. д̇аавад̣̇зва нааваа ж̇авзна махаасамуд̣̇д̣̇ам̣ багканд̣̇и. соби ул̣умбз нибаж̇ж̇ид̇ваа згам̣ д̣̇ийбагам̣ баабун̣и. д̇ад̇т̇а палигавимаанз жад̇ассо взмаанигабзд̇ияо ад̣̇д̣̇аса. д̇аа сад̇д̇аахам̣ д̣̇угкам̣ анубхаванд̇и, сад̇д̇аахам̣ сукам̣ . со д̇аахи сад̣̇д̇хим̣ сад̇д̇аахам̣ д̣̇иб̣б̣асамбад̇д̇им̣ анубхави. ат̇а нам̣ д̇аа д̣̇угкаанубхаванад̇т̇ааяа г̇ажчамаанаа ‘‘саами, маяам̣ сад̇д̇амз д̣̇ивасз ааг̇амиссаама, яаава маяам̣ ааг̇ажчаама, д̇аава анугган̣тамаано ид̇хзва васаа’’д̇и вад̇ваа аг̇амам̣су. со д̇ан̣хаавасиго худ̇ваа д̇асмим̣язва палагз нибаж̇ж̇ид̇ваа буна самуд̣̇д̣̇абидтзна г̇ажчанд̇о абарам̣ д̣̇ийбагам̣ бад̇ваа д̇ад̇т̇а раж̇ад̇авимаанз адта взмаанигабзд̇ияо д̣̇исваа зд̇знзва убааязна абарасмим̣ д̣̇ийбагз ман̣ивимаанз сол̣аса, абарасмим̣ д̣̇ийбагз ганагавимаанз д̣̇вад̇д̇им̣са взмаанигабзд̇ияо д̣̇исваа д̇аахи сад̣̇д̇хим̣ д̣̇иб̣б̣асамбад̇д̇им̣ анубхавид̇ваа д̇аасамби д̣̇угкам̣ анубхавид̇ум̣ г̇ад̇агаалз буна самуд̣̇д̣̇абидтзна г̇ажчанд̇о згам̣ баагаарабаригкид̇д̇ам̣ жад̇уд̣̇ваарам̣ наг̇арам̣ ад̣̇д̣̇аса. уссад̣̇анираяо гирзса, б̣ахуунам̣ нзраяигасад̇д̇аанам̣ гаммагаран̣аанубхаванадтаанам̣ мид̇д̇авинд̣̇агасса алан̇гад̇абадияад̇д̇анаг̇арам̣ вияа худ̇ваа убадтааси.
Nāvā sattame divase mittavindakaṃ nissāya samuddapiṭṭhe niccalā aṭṭhāsi. Kāḷakaṇṇisalākā kariyamānā mittavindakasseva hatthe tikkhattuṃ pati. Athassa uḷumpaṃ datvā ‘‘imaṃ ekaṃ nissāya bahū mā nassantū’’ti taṃ samuddapiṭṭhe khipiṃsu. Tāvadeva nāvā javena mahāsamuddaṃ pakkhandi. Sopi uḷumpe nipajjitvā ekaṃ dīpakaṃ pāpuṇi. Tattha phalikavimāne catasso vemānikapetiyo addasa. Tā sattāhaṃ dukkhaṃ anubhavanti, sattāhaṃ sukhaṃ . So tāhi saddhiṃ sattāhaṃ dibbasampattiṃ anubhavi. Atha naṃ tā dukkhānubhavanatthāya gacchamānā ‘‘sāmi, mayaṃ sattame divase āgamissāma, yāva mayaṃ āgacchāma, tāva anukkaṇṭhamāno idheva vasā’’ti vatvā agamaṃsu. So taṇhāvasiko hutvā tasmiṃyeva phalake nipajjitvā puna samuddapiṭṭhena gacchanto aparaṃ dīpakaṃ patvā tattha rajatavimāne aṭṭha vemānikapetiyo disvā eteneva upāyena aparasmiṃ dīpake maṇivimāne soḷasa, aparasmiṃ dīpake kanakavimāne dvattiṃsa vemānikapetiyo disvā tāhi saddhiṃ dibbasampattiṃ anubhavitvā tāsampi dukkhaṃ anubhavituṃ gatakāle puna samuddapiṭṭhena gacchanto ekaṃ pākāraparikkhittaṃ catudvāraṃ nagaraṃ addasa. Ussadanirayo kiresa, bahūnaṃ nerayikasattānaṃ kammakaraṇānubhavanaṭṭhānaṃ mittavindakassa alaṅkatapaṭiyattanagaraṃ viya hutvā upaṭṭhāsi.
со ‘‘имам̣ наг̇арам̣ бависид̇ваа рааж̇аа бхависсаамий’’д̇и жинд̇зд̇ваа куражаггам̣ угкибид̇ваа сийсз бажжамаанам̣ нзраяигасад̇д̇ам̣ ад̣̇д̣̇аса. ат̇асса д̇ам̣ д̇асса сийсз куражаггам̣ бад̣̇умам̣ вияа худ̇ваа убадтааси. урз бан̃жан̇г̇игаб̣анд̇ханам̣ уражчад̣̇абасаад̇ханам̣ худ̇ваа сийсад̇о г̇аланд̇ам̣ лохид̇ам̣ лохид̇ажанд̣̇анавилзбанам̣ вияа худ̇ваа барид̣̇званасад̣̇д̣̇о мад̇хурасаро г̇ийд̇асад̣̇д̣̇о вияа худ̇ваа убадтааси. со д̇асса санд̇игам̣ г̇анд̇ваа ‘‘бхо буриса, жирам̣ д̇аяаа бад̣̇умам̣ д̇хаарид̇ам̣, д̣̇зхи мз зд̇а’’нд̇и ааха. ‘‘самма, наяид̣̇ам̣ бад̣̇умам̣, куражаггам̣ зд̇а’’нд̇и. ‘‘д̇вам̣ маяхам̣ ад̣̇аад̇угаамад̇ааяа звам̣ вад̣̇асий’’д̇и. нзраяигасад̇д̇о жинд̇зси ‘‘маяхам̣ гаммам̣ кийн̣ам̣ бхависсад̇и, иминааби маяаа вияа маад̇арам̣ бахарид̇ваа ааг̇ад̇зна бхавид̇аб̣б̣ам̣, д̣̇ассаамисса куражагга’’нд̇и. ат̇а нам̣ ‘‘зхи бхо, г̇ан̣ха има’’нд̇и вад̇ваа куражаггам̣ д̇асса сийсз киби, д̇ам̣ д̇асса мад̇т̇агам̣ бисамаанам̣ бхасси. д̇асмим̣ кан̣з мид̇д̇авинд̣̇аго д̇асса куражаггабхаавам̣ н̃ад̇ваа ‘‘д̇ава куражаггам̣ г̇ан̣ха, д̇ава куражаггам̣ г̇ан̣хаа’’д̇и взд̣̇анааббад̇д̇о барид̣̇зви, ид̇аро анд̇арад̇хааяи. д̇ад̣̇аа б̣од̇хисад̇д̇о ругкад̣̇звад̇аа худ̇ваа маханд̇зна бариваарзна уссад̣̇ажааригам̣ жарамаано д̇ам̣ таанам̣ баабун̣и. мид̇д̇авинд̣̇аго д̇ам̣ ологзд̇ваа ‘‘саами д̣̇зварааж̇а, ид̣̇ам̣ мам̣ жаггам̣ сан̣хагаран̣ияам̣ вияа д̇илаани бисамаанам̣ од̇арад̇и, гим̣ ну ко маяаа баабам̣ багад̇а’’нд̇и бужчанд̇о д̣̇вз г̇аат̇аа абхааси –
So ‘‘imaṃ nagaraṃ pavisitvā rājā bhavissāmī’’ti cintetvā khuracakkaṃ ukkhipitvā sīse paccamānaṃ nerayikasattaṃ addasa. Athassa taṃ tassa sīse khuracakkaṃ padumaṃ viya hutvā upaṭṭhāsi. Ure pañcaṅgikabandhanaṃ uracchadapasādhanaṃ hutvā sīsato galantaṃ lohitaṃ lohitacandanavilepanaṃ viya hutvā paridevanasaddo madhurasaro gītasaddo viya hutvā upaṭṭhāsi. So tassa santikaṃ gantvā ‘‘bho purisa, ciraṃ tayā padumaṃ dhāritaṃ, dehi me eta’’nti āha. ‘‘Samma, nayidaṃ padumaṃ, khuracakkaṃ eta’’nti. ‘‘Tvaṃ mayhaṃ adātukāmatāya evaṃ vadasī’’ti. Nerayikasatto cintesi ‘‘mayhaṃ kammaṃ khīṇaṃ bhavissati, imināpi mayā viya mātaraṃ paharitvā āgatena bhavitabbaṃ, dassāmissa khuracakka’’nti. Atha naṃ ‘‘ehi bho, gaṇha ima’’nti vatvā khuracakkaṃ tassa sīse khipi, taṃ tassa matthakaṃ pisamānaṃ bhassi. Tasmiṃ khaṇe mittavindako tassa khuracakkabhāvaṃ ñatvā ‘‘tava khuracakkaṃ gaṇha, tava khuracakkaṃ gaṇhā’’ti vedanāppatto paridevi, itaro antaradhāyi. Tadā bodhisatto rukkhadevatā hutvā mahantena parivārena ussadacārikaṃ caramāno taṃ ṭhānaṃ pāpuṇi. Mittavindako taṃ oloketvā ‘‘sāmi devarāja, idaṃ maṃ cakkaṃ saṇhakaraṇiyaṃ viya tilāni pisamānaṃ otarati, kiṃ nu kho mayā pāpaṃ pakata’’nti pucchanto dve gāthā abhāsi –
1.
1.
‘‘жад̇уд̣̇ваарамид̣̇ам̣ наг̇арам̣, ааяасам̣ д̣̇ал̣хабаагаарам̣;
‘‘Catudvāramidaṃ nagaraṃ, āyasaṃ daḷhapākāraṃ;
оруд̣̇д̇хабадируд̣̇д̇хосми, гим̣ баабам̣ багад̇ам̣ маяаа.
Oruddhapaṭiruddhosmi, kiṃ pāpaṃ pakataṃ mayā.
2.
2.
‘‘саб̣б̣з абихид̇аа д̣̇ваараа, оруд̣̇д̇хосми яат̇аа д̣̇иж̇о;
‘‘Sabbe apihitā dvārā, oruddhosmi yathā dijo;
гимаад̇хигаран̣ам̣ яагка, жаггаабхинихад̇о аха’’нд̇и.
Kimādhikaraṇaṃ yakkha, cakkābhinihato aha’’nti.
д̇ад̇т̇а д̣̇ал̣хабаагааранд̇и т̇ирабаагаарам̣. ‘‘д̣̇ал̣хад̇оран̣а’’нд̇иби баато, т̇ирад̣̇вааранд̇и ад̇т̇о. оруд̣̇д̇хабадируд̣̇д̇хосмийд̇и анд̇о гад̇ваа саманд̇аа баагаарзна руд̣̇д̇хо, балааяанадтаанам̣ на бан̃н̃ааяад̇и. гим̣ баабам̣ багад̇анд̇и гим̣ ну ко маяаа баабагаммам̣ гад̇ам̣. абихид̇аад̇и т̇агид̇аа. яат̇аа д̣̇иж̇од̇и бан̃ж̇арз багкид̇д̇о сагун̣о вияа. гимаад̇хигаран̣анд̇и гим̣ гааран̣ам̣. жаггаабхинихад̇од̇и жаггзна абхинихад̇о.
Tattha daḷhapākāranti thirapākāraṃ. ‘‘Daḷhatoraṇa’’ntipi pāṭho, thiradvāranti attho. Oruddhapaṭiruddhosmīti anto katvā samantā pākārena ruddho, palāyanaṭṭhānaṃ na paññāyati. Kiṃ pāpaṃ pakatanti kiṃ nu kho mayā pāpakammaṃ kataṃ. Apihitāti thakitā. Yathā dijoti pañjare pakkhitto sakuṇo viya. Kimādhikaraṇanti kiṃ kāraṇaṃ. Cakkābhinihatoti cakkena abhinihato.
ат̇асса д̣̇зварааж̇аа гааран̣ам̣ гат̇зд̇ум̣ ча г̇аат̇аа абхааси –
Athassa devarājā kāraṇaṃ kathetuṃ cha gāthā abhāsi –
3.
3.
‘‘лад̣̇д̇хаа сад̇асахассаани, ад̇ирзгаани вийсад̇и;
‘‘Laddhā satasahassāni, atirekāni vīsati;
анугамбагаанам̣ н̃аад̇ийнам̣, важанам̣ самма наагари.
Anukampakānaṃ ñātīnaṃ, vacanaṃ samma nākari.
4.
4.
‘‘лан̇гхим̣ самуд̣̇д̣̇ам̣ багканд̣̇и, сааг̇арам̣ аббасид̣̇д̇хигам̣;
‘‘Laṅghiṃ samuddaṃ pakkhandi, sāgaraṃ appasiddhikaṃ;
жад̇уб̣бхи адтаж̇жхаг̇амаа, адтаахиби жа сол̣аса.
Catubbhi aṭṭhajjhagamā, aṭṭhāhipi ca soḷasa.
5.
5.
‘‘сол̣асаахи жа б̣аад̇д̇им̣са, ад̇ижчам̣ жаггамаасад̣̇о;
‘‘Soḷasāhi ca bāttiṃsa, aticchaṃ cakkamāsado;
ижчаахад̇асса босасса, жаггам̣ бхамад̇и мад̇т̇агз.
Icchāhatassa posassa, cakkaṃ bhamati matthake.
6.
6.
‘‘убаривисаалаа д̣̇уббуураа, ижчаа висадаг̇ааминий;
‘‘Uparivisālā duppūrā, icchā visaṭagāminī;
яз жа д̇ам̣ ануг̇иж̇жханд̇и, д̇з хонд̇и жаггад̇хаарино.
Ye ca taṃ anugijjhanti, te honti cakkadhārino.
7.
7.
‘‘б̣ахубхан̣д̣ам̣ авахааяа, маг̇г̇ам̣ аббадивзгкияа;
‘‘Bahubhaṇḍaṃ avahāya, maggaṃ appaṭivekkhiya;
язсан̃жзд̇ам̣ асан̇каад̇ам̣, д̇з хонд̇и жаггад̇хаарино.
Yesañcetaṃ asaṅkhātaṃ, te honti cakkadhārino.
8.
8.
‘‘гаммам̣ самзгкз вибулан̃жа бхог̇ам̣, ижчам̣ на сзвзяяа анад̇т̇асам̣хид̇ам̣;
‘‘Kammaṃ samekkhe vipulañca bhogaṃ, icchaṃ na seveyya anatthasaṃhitaṃ;
гарзяяа ваагяам̣ анугамбагаанам̣, д̇ам̣ д̇аад̣̇исам̣ наад̇ивад̇д̇зяяа жагга’’нд̇и.
Kareyya vākyaṃ anukampakānaṃ, taṃ tādisaṃ nātivatteyya cakka’’nti.
д̇ад̇т̇а лад̣̇д̇хаа сад̇асахассаани, ад̇ирзгаани вийсад̇ийд̇и д̇вам̣ убосат̇ам̣ гад̇ваа маад̇у санд̇игаа сахассам̣ г̇ахзд̇ваа вохаарам̣ гаронд̇о сад̇асахассаани жа ад̇ирзгаани вийсад̇исахассаани лабхид̇ваа. наагарийд̇и д̇зна д̇ханзна асанд̇удто наавааяа самуд̣̇д̣̇ам̣ бависанд̇о самуд̣̇д̣̇з аад̣̇ийнаван̃жа гат̇зд̇ваа маад̇уяаа ваарияамааноби анугамбагаанам̣ н̃аад̇ийнам̣ важанам̣ на гароси, сод̇аабаннам̣ маад̇арам̣ бахарид̇ваа анд̇арам̣ гад̇ваа нигканд̇оязваасийд̇и д̣̇ийбзд̇и.
Tattha laddhā satasahassāni, atirekāni vīsatīti tvaṃ uposathaṃ katvā mātu santikā sahassaṃ gahetvā vohāraṃ karonto satasahassāni ca atirekāni vīsatisahassāni labhitvā. Nākarīti tena dhanena asantuṭṭho nāvāya samuddaṃ pavisanto samudde ādīnavañca kathetvā mātuyā vāriyamānopi anukampakānaṃ ñātīnaṃ vacanaṃ na karosi, sotāpannaṃ mātaraṃ paharitvā antaraṃ katvā nikkhantoyevāsīti dīpeti.
лан̇гхинд̇и наавам̣ уллан̇гханасамад̇т̇ам̣. багканд̣̇ийд̇и багканд̣̇оси. аббасид̣̇д̇хиганд̇и манд̣̇асид̣̇д̇хим̣ винаасаб̣ахулам̣. жад̇уб̣бхи адтаад̇и ат̇а нам̣ ниссааяа тид̇ааяа наавааяа палагам̣ д̣̇ад̇ваа самуд̣̇д̣̇з кид̇д̇оби д̇вам̣ маад̇арам̣ ниссааяа згад̣̇ивасам̣ гад̇асса убосат̇агаммасса ниссанд̣̇зна палигавимаанз жад̇ассо ид̇т̇ияо лабхид̇ваа д̇ад̇о раж̇ад̇авимаанз адта, ман̣ивимаанз сол̣аса, ганагавимаанз д̣̇вад̇д̇им̣са ад̇хиг̇ад̇осийд̇и. ад̇ижчам̣ жаггамаасад̣̇од̇и ат̇а д̇вам̣ яат̇аалад̣̇д̇хзна асанд̇удто ‘‘ад̇ра уд̇д̇арид̇арам̣ лабхиссаамий’’д̇и звам̣ лад̣̇д̇хам̣ лад̣̇д̇хам̣ ад̇иггаманалобхасан̇каад̇ааяа ад̇ижчааяа саманнааг̇ад̇ад̇д̇аа ад̇ижчо баабабуг̇г̇ало д̇асса убосат̇агаммасса кийн̣ад̇д̇аа д̣̇вад̇д̇им̣са ид̇т̇ияо ад̇иггамид̇ваа имам̣ бзд̇анаг̇арам̣ ааг̇анд̇ваа д̇асса маад̇убахаарад̣̇аанаагусаласса ниссанд̣̇зна ид̣̇ам̣ куражаггам̣ самбад̇д̇оси. ‘‘ад̇рижча’’нд̇иби баато, ад̇ра ад̇ра ижчамаанод̇и ад̇т̇о. ‘‘ад̇рижчаа’’д̇иби баато, ад̇рижчааяаад̇и ад̇т̇о. бхамад̇ийд̇и д̇асса д̇з ижчаахад̇асса босасса ид̣̇ам̣ жаггам̣ мад̇т̇агам̣ бисамаанам̣ ид̣̇аани гумбхагааражаггам̣ вияа мад̇т̇агз бхамад̇ийд̇и ад̇т̇о.
Laṅghinti nāvaṃ ullaṅghanasamatthaṃ. Pakkhandīti pakkhandosi. Appasiddhikanti mandasiddhiṃ vināsabahulaṃ. Catubbhi aṭṭhāti atha naṃ nissāya ṭhitāya nāvāya phalakaṃ datvā samudde khittopi tvaṃ mātaraṃ nissāya ekadivasaṃ katassa uposathakammassa nissandena phalikavimāne catasso itthiyo labhitvā tato rajatavimāne aṭṭha, maṇivimāne soḷasa, kanakavimāne dvattiṃsa adhigatosīti. Aticchaṃ cakkamāsadoti atha tvaṃ yathāladdhena asantuṭṭho ‘‘atra uttaritaraṃ labhissāmī’’ti evaṃ laddhaṃ laddhaṃ atikkamanalobhasaṅkhātāya aticchāya samannāgatattā aticcho pāpapuggalo tassa uposathakammassa khīṇattā dvattiṃsa itthiyo atikkamitvā imaṃ petanagaraṃ āgantvā tassa mātupahāradānaakusalassa nissandena idaṃ khuracakkaṃ sampattosi. ‘‘Atriccha’’ntipi pāṭho, atra atra icchamānoti attho. ‘‘Atricchā’’tipi pāṭho, atricchāyāti attho. Bhamatīti tassa te icchāhatassa posassa idaṃ cakkaṃ matthakaṃ pisamānaṃ idāni kumbhakāracakkaṃ viya matthake bhamatīti attho.
яз жа д̇ам̣ ануг̇иж̇жханд̇ийд̇и д̇ан̣хаа наамзсаа г̇ажчанд̇ий убаруубари висаалаа ход̇и, самуд̣̇д̣̇о вияа жа д̣̇уббуураа, руубаад̣̇ийсу д̇асса д̇асса ижчанаижчааяа висадаг̇ааминий, д̇ам̣ зваруубам̣ д̇ан̣хам̣ яз жа ануг̇иж̇жханд̇и г̇ид̣̇д̇хаа г̇ад̇хид̇аа худ̇ваа бунаббунам̣ аллийяанд̇и. д̇з хонд̇и жаггад̇хааринод̇и д̇з звам̣ бажжанд̇аа куражаггам̣ д̇хаарзнд̇и. б̣ахубхан̣д̣анд̇и маад̇аабид̇уунам̣ санд̇агам̣ б̣ахуд̇ханам̣ охааяа. маг̇г̇анд̇и г̇анд̇аб̣б̣ам̣ аббасид̣̇д̇хигам̣ самуд̣̇д̣̇амаг̇г̇ам̣ абажжавзгкид̇ваа яат̇аа д̇вам̣ бадибанно, звамзва ан̃н̃зсамби язсан̃жзд̇ам̣ асан̇каад̇ам̣ авиймам̣сид̇ам̣, д̇з яат̇аа д̇вам̣ д̇ат̇зва д̇ан̣хаавасигаа худ̇ваа д̇ханам̣ бахааяа г̇аманамаг̇г̇ам̣ анабзгкид̇ваа бадибаннаа жаггад̇хаарино хонд̇и. гаммам̣ самзгкзд̇и д̇асмаа бан̣д̣ид̇о бурисо ад̇д̇анаа гад̇д̇аб̣б̣агаммам̣ ‘‘сад̣̇осам̣ ну ко, нид̣̇д̣̇оса’’нд̇и самзгкзяяа бажжавзгкзяяа. вибулан̃жа бхог̇анд̇и ад̇д̇ано д̇хаммалад̣̇д̇хам̣ д̇ханараасимби самзгкзяяа. наад̇ивад̇д̇зяяаад̇и д̇ам̣ д̇аад̣̇исам̣ буг̇г̇алам̣ ид̣̇ам̣ жаггам̣ на ад̇ивад̇д̇зяяа наавад̇т̇арзяяа. ‘‘наад̇ивад̇д̇зд̇ий’’д̇иби баато, наавад̇т̇арад̇ийд̇и ад̇т̇о.
Ye ca taṃ anugijjhantīti taṇhā nāmesā gacchantī uparūpari visālā hoti, samuddo viya ca duppūrā, rūpādīsu tassa tassa icchanaicchāya visaṭagāminī, taṃ evarūpaṃ taṇhaṃ ye ca anugijjhanti giddhā gadhitā hutvā punappunaṃ allīyanti. Te honti cakkadhārinoti te evaṃ paccantā khuracakkaṃ dhārenti. Bahubhaṇḍanti mātāpitūnaṃ santakaṃ bahudhanaṃ ohāya. Magganti gantabbaṃ appasiddhikaṃ samuddamaggaṃ apaccavekkhitvā yathā tvaṃ paṭipanno, evameva aññesampi yesañcetaṃ asaṅkhātaṃ avīmaṃsitaṃ, te yathā tvaṃ tatheva taṇhāvasikā hutvā dhanaṃ pahāya gamanamaggaṃ anapekkhitvā paṭipannā cakkadhārino honti. Kammaṃ samekkheti tasmā paṇḍito puriso attanā kattabbakammaṃ ‘‘sadosaṃ nu kho, niddosa’’nti samekkheyya paccavekkheyya. Vipulañcabhoganti attano dhammaladdhaṃ dhanarāsimpi samekkheyya. Nātivatteyyāti taṃ tādisaṃ puggalaṃ idaṃ cakkaṃ na ativatteyya nāvatthareyya. ‘‘Nātivattetī’’tipi pāṭho, nāvattharatīti attho.
д̇ам̣ суд̇ваа мид̇д̇авинд̣̇аго ‘‘иминаа д̣̇звабуд̇д̇зна маяаа гад̇агаммам̣ д̇ат̇ад̇о н̃аад̇ам̣, аяам̣ маяхам̣ бажжанабамаан̣амби ж̇ааниссад̇и, бужчаами на’’нд̇и жинд̇зд̇ваа навамам̣ г̇аат̇амааха –
Taṃ sutvā mittavindako ‘‘iminā devaputtena mayā katakammaṃ tathato ñātaṃ, ayaṃ mayhaṃ paccanapamāṇampi jānissati, pucchāmi na’’nti cintetvā navamaṃ gāthamāha –
9.
9.
‘‘гийважирам̣ ну мз яагка, жаггам̣ сираси тассад̇и;
‘‘Kīvaciraṃ nu me yakkha, cakkaṃ sirasi ṭhassati;
гад̇и вассасахассаани, д̇ам̣ мз агкаахи бужчид̇о’’д̇и.
Kati vassasahassāni, taṃ me akkhāhi pucchito’’ti.
ат̇асса гат̇знд̇о махаасад̇д̇о д̣̇асамам̣ г̇аат̇амааха –
Athassa kathento mahāsatto dasamaṃ gāthamāha –
10.
10.
‘‘ад̇исаро бажжасаро, мид̇д̇авинд̣̇а сун̣охи мз;
‘‘Atisaro paccasaro, mittavinda suṇohi me;
жаггам̣ д̇з сираси маавид̣̇д̇хам̣, на д̇ам̣ ж̇ийвам̣ бамогкасий’’д̇и.
Cakkaṃ te sirasi māviddhaṃ, na taṃ jīvaṃ pamokkhasī’’ti.
д̇ад̇т̇а ад̇исарод̇и ад̇исарийд̇иби ад̇исаро, ад̇исариссад̇ийд̇иби ад̇исаро. бажжасарод̇и д̇ассзва взважанам̣. ид̣̇ам̣ вуд̇д̇ам̣ ход̇и – самма мид̇д̇авинд̣̇ага, сун̣охи мз важанам̣, д̇ван̃хи ад̇ид̣̇аарун̣асса гаммасса гад̇ад̇д̇аа ад̇исаро, д̇асса бана на саггаа вассаг̇ан̣анааяа вибааго бан̃н̃аабзд̇унд̇и абаримаан̣ам̣ ад̇имаханд̇ам̣ вибаагад̣̇угкам̣ сариссаси бадибаж̇ж̇иссасийд̇и ад̇исаро. д̇зна д̇з ‘‘зд̇д̇агаани вассасахассааний’’д̇и вад̇д̇ум̣ на саггоми. сирасимаавид̣̇д̇ханд̇и яам̣ бана д̇з ид̣̇ам̣ жаггам̣ сирасмим̣ аавид̣̇д̇хам̣ гумбхагааражаггамива бхамад̇и. на д̇ам̣ ж̇ийвам̣ бамогкасийд̇и д̇ам̣ д̇вам̣ яаава д̇з гаммавибааго на кийяад̇и, д̇аава ж̇ийвамаано на бамогкаси, гаммавибаагз бана кийн̣з ид̣̇ам̣ жаггам̣ бахааяа яат̇аагаммам̣ г̇амиссасийд̇и.
Tattha atisaroti atisarītipi atisaro, atisarissatītipi atisaro. Paccasaroti tasseva vevacanaṃ. Idaṃ vuttaṃ hoti – samma mittavindaka, suṇohi me vacanaṃ, tvañhi atidāruṇassa kammassa katattā atisaro, tassa pana na sakkā vassagaṇanāya vipāko paññāpetunti aparimāṇaṃ atimahantaṃ vipākadukkhaṃ sarissasi paṭipajjissasīti atisaro. Tena te ‘‘ettakāni vassasahassānī’’ti vattuṃ na sakkomi. Sirasimāviddhanti yaṃ pana te idaṃ cakkaṃ sirasmiṃ āviddhaṃ kumbhakāracakkamiva bhamati. Na taṃ jīvaṃ pamokkhasīti taṃ tvaṃ yāva te kammavipāko na khīyati, tāva jīvamāno na pamokkhasi, kammavipāke pana khīṇe idaṃ cakkaṃ pahāya yathākammaṃ gamissasīti.
ид̣̇ам̣ вад̇ваа д̣̇звабуд̇д̇о ад̇д̇ано д̣̇звадтаанамзва г̇ад̇о, ид̇ароби махаад̣̇угкам̣ бадибаж̇ж̇и.
Idaṃ vatvā devaputto attano devaṭṭhānameva gato, itaropi mahādukkhaṃ paṭipajji.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа мид̇д̇авинд̣̇аго аяам̣ д̣̇уб̣б̣ажабхигку ахоси, д̣̇зварааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mittavindako ayaṃ dubbacabhikkhu ahosi, devarājā pana ahameva ahosi’’nti.
жад̇уд̣̇ваараж̇аад̇агаван̣н̣анаа батамаа.
Catudvārajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 439. жад̇уд̣̇ваараж̇аад̇агам̣ • 439. Catudvārajātakaṃ
